Book List

<h2 style="text-align: center;">အခန်း(၁၀၆)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>အမှောင်ထဲမှတဆင့် ကျင့်ကြံသူများကို သတ်ဖြတ်သော စက်ကရာ၏ လုပ်ဆောင်မှုက ကြီးမားသောကိစ္စ မဟုတ်ပေ။ သူက ထိုကျင့်ကြံသူများကို ခြောက်လှန့်ချင်ရုံမျှသာ ဖြစ်၏။ သို့သော်လည်း လူတစ်ယောက်က လိုချင်တပ်မက်မှုရှိလာသည့်အခါ သို့မဟုတ် အလိုရမ္မက်၏ ထိန်းချုပ်မှုအောက်သို့ ကျရောက်သွားသည့်အခါ မည်သည့်အန္တရာယ်ကိုမှ မမှုတော့ပေ။ လုပ်ကြံသတ်ဖြတ်ခြင်းကိုမဆိုထားနှင့် သူ့အရှေ့မှာ ဓားတောင်နှင့် မီးပင်လယ်ရှိနေလျှင်ပင် အရှေ့ဆက်သွားရန် တွန့်ဆုတ်နေမည်မဟုတ်ချေ။</p> <p>အများဆုံး သူက အားနည်းပြီး စိတ်ဓာတ်မခိုင်မာသော ကျင့်ကြံသူများကိုသာ ခြောက်လှန့်နိုင်လိမ့်မည်။</p> <p>ထိုအတိုင်း ဆက်သွားမည်ဆိုလျှင် ယင်းက ကျင့်ကြံသူများကို ဒေါသထွက်စေပြီး အချင်းချင်း အင်အားပူးပေါင်းစေလိမ့်မည်။ ထုံးစံအားဖြင့် ကျင့်ကြံသူများ အင်အားပူးပေါင်းလိုက်သည့်အခါ သူတို့၏ အလုံးစုံအင်အားက သိသာစွာ တိုးမြှင့်သွားလိမ့်မည်။</p> <p>ယင်းက ကျင့်ကြံသူများကြားမှ လက်ရွေးစင်များကို ရန်ပြုမိလိမ့်မည်။ ထိုသို့ဆိုမှတော့ သေးငယ်သော လုပ်ကြံသတ်ဖြတ်ခြင်းကို နောက်ထပ် လုပ်ဆောင်ရန် မလိုတော့ပေ။</p> <p>“ အတိတ်မှာ တမင်ငါလွှတ်ပေးလိုက်တဲ့ ကျင့်ကြံသူက တခြားကျင့်ကြံသူတွေဆီ သေချာပေါက် သတင်းဖြန့်လိမ့်မယ်… အရင်နှစ်ရက်မှာ ငါလုပ်ဆောင်ခဲ့တဲ့ သတ်ဖြတ်မှုတွေအရဆို အဲ့ဒီကျင့်ကြံသူတွေက ငါ့ရဲ့ လုပ်ဆောင်မှုတွေကို ခန့်မှန်းပြီး ငါ့အတွက် ထောင်ချောက်တစ်ခု ဆင်ကြလိမ့်မယ် ”</p> <p>သီရှီထျန်သည် သူ့အား မြင်တွေ့ခဲ့သော ကျင့်ကြံသူကို တမင်လွှတ်ပေးလိုက်ခြင်း ဖြစ်သည်။ ထိုကျင့်ကြံသူကို လွှတ်ပေးလိုက်လျှင် ဖြစ်လာနိုင်သော နောက်ဆက်တွဲကိစ္စများကို မည်သို့ သူမသိဘဲနေမည်နည်း။</p> <p>သူက ဖြစ်နိုင်ခြေအမျိုးမျိုးကို စိတ်ကူးကြည့်ခဲ့သည်။ ထိုထဲမှာ အကြီးမားဆုံး ဖြစ်နိုင်ခြေက ထိုကျင့်ကြံသူများသည် သူ့အား မျှားခေါ်ပြီး သတ်ဖြတ်ရန် ထောင်ချောက်တစ်ခု ဆင်ကြလိမ့်မည်။</p> <p>ထို့ပြင် ယင်းက တောင်တန်းဒေသထဲမှ ကျင့်ကြံသူအများစုကို တစ်နေရာတည်းမှာ စုဝေးစေလိမ့်မည်။</p> <p>ထိုသို့စဉ်းစားမိသောအခါ သူက စိတ်ထဲမှာ နှာခေါင်းရှုံ့လိုက်သည်။</p> <p>“ ဒါပေမဲ့ အဲ့ဒါက ငါလိုချင်တဲ့ ရလဒ်ပဲ… သူတို့တွေ တစ်နေရာတည်းမှာ အတူတူ စုဝေးနေတာက ငါလိုချင်နေတဲ့အရာပဲ ”</p> <p>ထိုကျင့်ကြံသူများက သူ့ကို ထောင်ချောက် ဆင်ချင်ကြသည်။ သို့ဖြစ်၍ သူ့မှာလည်း အစီအစဉ်ရှိသည်။</p> <p>တောင်ပိုင်းမြေရိုင်းဒေသထဲသို့ မည်သို့ကြောင့် ကျင့်ကြံသူအများအပြား စုဝေးရောက်ရှိလာကြောင်း သီရှီထျန်မေးမြန်းခဲ့စဉ်က အဖြေသည် သူ၏ ခန္ဓာကိုယ်ပေါ်မှ ဝိညာဉ်သံလိုက်အိမ်မြှောင်ဖြစ်ကြောင်း သူသိလိုက်သည်။ ထို့နောက် သူက အစီအစဉ်တစ်ခုကို တွေးမိသွားသည်။</p> <p>ယခု မိစ္ဆာအသင်္ချေချိုင့်ဝှမ်းသည် သူ၏ အခြေခံအုတ်မြစ်ဖြစ်လာသည်။ ယင်းကို ကျင့်ကြံသူများ၏ အရှေ့မှာ မထုတ်ဖော်ချင်ပေ။</p> <p>လတ်တလောတွင် ကျင့်ကြံသူအများအပြားသည် ဝိညာဉ်သံလိုက်အိမ်မြှောင်ကို ရှာဖွေရန် တောင်ပိုင်းမြေရိုင်းဒေသထဲသို့ ဝင်ရောက်လာကြသည်။ ပုန်းကွယ်ခြင်းသည် ပြဿနာကို ယာယီသာ ဖြေရှင်းပေးနိုင်လိမ့်မည်။ အကယ်၍ သူက ချိုင့်ဝှမ်းထဲမှာ ပုန်းအောင်းနေပြီး အပြင်သို့ မထွက်လျှင်ပင် အနှေးနှင့်အမြန် ဖော်ထုတ်ခံရလိမ့်မည်။ အကောင်းဆုံး နည်းလမ်းက ဝိညာဉ်သံလိုက်အိမ်မြှောင်ကို သူလက်လွှတ်ရန် ဖြစ်သည်။ ထိုကျင့်ကြံသူများက ဝိညာဉ်သံလိုက်အိမ်မြှောင်ကိုသာ စိတ်ဝင်စားကြသည်။ သူတို့လိုချင်သောအရာကို ရပြီးလျှင် သူတို့က တောင်ပိုင်းမြေရိုင်းဒေသထဲမှ သေချာပေါက် ပြန်ထွက်သွားကြလိမ့်မည်။</p> <p>သို့သော်လည်း သီရှီထျန်သည် ဝိညာဉ်သံလိုက်အိမ်မြှောင်ကဲ့သို့ ရတနာကို စွန့်လွှတ်ရန် ဆန္ဒမရှိပေ။</p> <p>ထို့ကြောင့် မသေမျိုးကျင့်ကြံသူများကို တောင်တန်းဒေသထဲမှ အမြန်ဆုံး မောင်းထုတ်ရန် သူရွေးချယ်လိုက်သည်။</p> <p>ကျင့်ကြံသူတစ်ထောင်ကျော်ကို မောင်းထုတ်ရန်သည် သီရှီထျန်တစ်ယောက်တည်း လုပ်ဆောင်နိုင်သောအရာ မဟုတ်ပေ။ ထို့ကြောင့် သူက တခြားလူများထံမှ အင်အားကို ချေးငှားရန် စဉ်းစားလိုက်သည်။ ဤနှစ်ရက်အတွင်းမှာ သူလုပ်ဆောင်ခဲ့သော အရာအားလုံးက အင်အားချေးငှားရန်အတွက် ဖြစ်၏။ သူက အစီအစဉ်ကို အကောင်အထည်ဖော်ရန် အုတ်မြစ်ချနေခြင်း ဖြစ်သည်။</p> <p>ထို့ပြင် သူချေးငှားမည့် အင်အားသည် တောင်ပိုင်းမြေရိုင်းဒေသတစ်ခုလုံး၏ အင်အားဖြစ်သည်။</p> <p>တောင်ပိုင်းမြေရိုင်းဒေသသည် အလွန်ကျယ်ပြောသည်။ ဤနေရာမှ ဝိညာဉ်စွမ်းအားသည် သေမျိုးလောကမှာထက် အဆပေါင်းအများကြီး ပိုသိပ်သည်းသည်။ တောင်တန်းဒေသက အရင်းအမြစ်ကြွယ်ဝလေရာ ဤနေရာမှာ ပုန်းကွယ်နေသော နဂါးများနှင့် ဝပ်နေသော ကျားများ ရှိကြသည်။ သူတို့သည် မိစ္ဆာသားရဲများနှင့် ဝိညာဉ်သားရဲများ ဖြစ်ကြသည်။</p> <p>အတိတ်၌ သူအဆင့်တတ်လှမ်းသွားခဲ့စဉ်တွင် တောင်ပိုင်းမြေရိုင်းဒေသ၏ အရှေ့၊ အနောက်၊ တောင်နှင့် မြောက်မှ အော်မြည်သံလေးသံကို ရှင်းလင်းစွာ သူကြားခဲ့သည်။ ထိုအော်မြည်သံများသည် သူ၏ ကျားဟိန်းသံထက် နည်းနည်းမှ အားမနည်းချေ။</p> <p>“ တောင်ပိုင်းမြေရိုင်းဒေသထဲက မိစ္ဆာသားရဲတွေသာ စည်းစည်းလုံးလုံး ရှိနေမယ်ဆိုရင် အဲ့ဒါက အင်အားစုကြီး ဖြစ်လာလိမ့်မယ်… တောင်ပိုင်းမြေရိုင်းဒေသ နှစ်ပေါင်းများစွာကြာအောင် အေးချမ်းနေခဲ့တာ အဲ့ဒီအကြောင်းအရင်းကြောင့်ပဲ… တခြားမိစ္ဆာသားရဲတွေရဲ့ အကူအညီနဲ့ဆိုရင် အဲ့ဒီမသေမျိုးကျင့်ကြံသူတွေကို မောင်းထုတ်ဖို့က မခက်ခဲလောက်ဘူး… တောင်တန်းထဲက တခြားမိစ္ဆာသားရဲတွေနဲ့ ငါတွေ့ဆုံရမယ် ”</p> <p>သီရှီထျန်က စိတ်ထဲမှာ တွေးတောလိုက်သည်။ သူက ထိုအတွေးကို အစောကြီးကတည်းက ရရှိခဲ့သည်။ မည်သို့ဖြစ်ပါစေ သူက တောင်ပိုင်းမြေရိုင်းဒေသထဲမှာ တသီးတခြားမနေထိုင်ချင်ပေ။ သူ့အတွက်တော့ မိစ္ဆာသားရဲများသည် ကျားရဲတောင်တန်းဒေသထဲမှ ပိုင်ယွဲနှင့် တခြားသားရဲဘုရင်များနှင့် အတူတူသာ ဖြစ်သည်။ သို့သော် သူတို့တစ်ကောင်စီသည် မိစ္ဆာသားရဲအဖြစ် ဆင့်ကဲပြောင်းလဲထားကြလေရာ သာမန်ဝိညာဉ်သားရဲများထက် အများကြီး ပိုဉာဏ်ကောင်းကြသည်။ သူတို့၏ စဉ်းစားနိုင်စွမ်းသည် လူသားတစ်ယောက်ထက် မနိမ့်ကျပေ။</p> <p>မိစ္ဆာသားရဲဖြစ်လာသော တိရိစ္ဆာန်များသည် သာမန်မဟုတ်ကြချေ။ ထို့ကြောင့် သူတို့နှင့် ရင်ဆိုင်ရသည့်အခါ ယင်းခုန်းနှင့် တခြားသားရဲဘုရင်များအား သူအသုံးပြုခဲ့သော နည်းလမ်းကို အသုံးမပြုနိုင်ပေ။ သူတို့ကို သိမ်းသွင်းခြင်းသည် ဖော်မပြနိုင်အောင် အလွန်ခက်ခဲလိမ့်မည်။ အတိတ်၌ ဝိညာဉ်သားရဲများကို သိမ်းသွင်းရန် သူအသုံးပြုခဲ့သော နည်းလမ်းက ယခုအချိန်မှာ အသုံးမဝင်ပေ။</p> <p>ဤရက်များတွင် သူသတ်ခဲ့သော ကျင့်ကြံသူများ၏ ရုပ်အလောင်းများက မိစ္ဆာသန့်စင်ခြင်းမီးဖိုထဲမှာ မိစ္ဆာချီအဖြစ် အဆက်မပြတ် သန့်စင်ခံနေရသည်။ ယင်းကို အများကြီး သူအာရုံစိုက်နေရန် မလိုပေ။ အချိန်တိုင်းမှာ သူ၏ မိစ္ဆာချီက တိုးပွားလာသည်။ အကယ်၍ သူသာ မိစ္ဆာအာရုံကို အသုံးပြု၍ မိစ္ဆာစံအိမ်ကို ကြည့်မည်ဆိုလျှင် ယခုအချိန်မှာ ကျောက်စိမ်းဆေးမီးဖိုက မြန်ဆန်စွာ လှည့်ပတ်နေကြောင်း မြင်ရလိမ့်မည်။</p> <p>အဖြူရောင်ကျောက်စိမ်းအလင်းက ဆေးမီးဖို၏ ဘေးပတ်ဝန်းကျင်မှာ ရစ်ဝဲနေသည်။ ယင်းက အလွန်လှပသော မြင်ကွင်းဖြစ်သည်။ ဆေးမီးဖိုထဲတွင် ရုပ်အလောင်းနှစ်ဆယ်ကျော်ရှိသည်။ ရုပ်အလောင်းများကို အပြည့်အဝ မသန့်စင်ရသေးပေ။ သို့သော်လည်း ဆေးမီးဖို လှည့်ပတ်သွားသည့်အခါတိုင်း ရုပ်အလောင်းများထံမှ စွမ်းအင်အနှစ်သာရအမျှင်တန်းများက တိုက်ရိုက် ဆွဲထုတ်ခံလိုက်ရသည်။ စွမ်းအင်အနှစ်သာရအမျှင်တန်း ဆွဲထုတ်ခံလိုက်ရသည့်အခါ ရုပ်အလောင်းများ၏ အသွေးအသားက ကျုံ့သွားသည်။ သူတို့က ဖြည်းဖြည်းချင်း အရိုးစုအဖြစ်သို့ ပြောင်းလဲသွားသည်။</p> <p>စွမ်းအင်သန့်စင်သော လုပ်ငန်းစဉ်သည် အစီအစဉ်တကျ ပုံမှန်လုပ်ဆောင်ရမည့်အရာ ဖြစ်သည်။ ယင်းကို အလျင်စလို မစေခိုင်းနိုင်ပေ။ ထိုရုပ်အလောင်းအားလုံးက မိစ္ဆာချီအဖြစ် ပြောင်းလဲသွားသည့်အခါ စက်ကရာ၏ ကျင့်ကြံခြင်းက အချိန်တိုလေးအတွင်းမှာ သိသာစွာ မြင့်တတ်သွားလိမ့်မည်။</p> <p>မည်သို့ဖြစ်ပါစေ ယင်းက မသေမျိုးကျင့်ကြံသူအယောက်နှစ်ဆယ်ကျော်ထံမှ စွမ်းအင်အနှစ်သာရ ဖြစ်သည်။ ယင်းတို့အားလုံးကို ပေါင်းစည်းလိုက်သည့်အခါ သေးငယ်သော ပမာဏမဟုတ်နိုင်ပေ။</p> <p>လူတစ်ယောက် မည်သို့သေဆုံးသွားခြင်းက အရေးမကြီးပေ။ သူ၏ ခန္ဓာကိုယ်ထဲမှ စွမ်းအင်အနှစ်သာရသည် အချိန်ကာလတစ်ခုကြာသည်အထိ မပျောက်ကွယ်သွားနိုင်ပေ။ မသေမျိုးကျင့်ကြံသူတစ်ယောက် သေဆုံးသွားသည့်အခါ သူကျင့်ကြံထားသမျှ ဝိညာဉ်စွမ်းအားက သူ၏ အသွေးအသားထဲမှာ ပျံ့နှံ့သွားလိမ့်မည်။ ခန္ဓာကိုယ်မပုပ်သိုးသွားသရွေ့ သူအသက်ရှင်ခဲ့စဉ်က ပိုင်ဆိုင်ခဲ့သော စွမ်းအင်အနှစ်သာရ ထက်ဝက်ကျော်က ဆက်ပြီး ကျန်ရှိနေဦးလိမ့်မည်။</p> <p>တစ်စုံတစ်ယောက်က ယင်းကို သန့်စင်မည်ဆိုလျှင် ကြီးမားသော အကျိုးအမြတ်ကို ရိတ်သိမ်းနိုင်လိမ့်မည်။</p> <p> “ ဝှစ် ”</p> <p>သီရှီထျန်သည် အရှေ့သို့ လွှားခနဲ ခုန်လိုက်သည်။ သူ၏ ပုံရိပ်က တောင်တန်းဒေသထဲမှာ ပျောက်ကွယ်သွားသည်။ သူက မြောက်ပိုင်းအရပ်ဆီသို့ ဦးတည်သွားသည်။ ထူးဆန်းသော အော်သံက မြောက်ပိုင်းမှ ထွက်ပေါ်လာခဲ့ကြောင်း ရှင်းလင်းစွာ သူမှတ်မိသည်။ သူ၏ နားထောင်မှုအရ ယင်းက ကျီးကန်းအသံ ဖြစ်နိုင်သည်။ မည်သို့ဖြစ်ပါစေ ၎င်းက မိစ္ဆာသားရဲတစ်ကောင်ဖြစ်ကြောင်း သူသေချာသည်။</p> <p>မြောက်ပိုင်းသည် သူ၏ လက်ရှိတည်နေရာနှင့် အနီးဆုံးဖြစ်သောကြောင့် မြောက်ပိုင်းဆီသို့ အရင်ဦးစွာ သွားရန် သူဆုံးဖြတ်လိုက်သည်။ သီရှီထျန်သည် တောင်ပိုင်းဒေသထဲသို့ ရောက်လာပြီးနောက် မိစ္ဆာသားရဲတစ်ကောင်နှင့် ပထမဆုံးအကြိမ် သွားရောက်တွေ့ဆုံတော့မည်။</p> <p>… … …</p> <p>“ မင်းတို့ကြားပြီးကြပြီလား… လီမိသားစုပြောတာက ဒီနှစ်ရက်အတွင်း ကျင့်ကြံသူတွေကို လိုက်သတ်နေတဲ့ သားရဲကို သူတို့သိသွားပြီတဲ့… အဲ့ဒီသားရဲက ငါတို့လိုက်ရှာနေတဲ့ ကျားနက်တဲ့… အခု လီမိသားစုက မိုးထိတောင်မှာ အဲ့ဒီကျားနက်ကို မျှားခေါ်ပြီး သတ်ပစ်ဖို့ ထောင်ချောက်ဆင်နေတယ် ”</p> <p>“ အဲ့ဒါဆိုရင် ငါတို့ဘာကို စောင့်နေမှာလဲ… အဲ့ဒီကျားနက်မှာ ဝိညာဉ်သံလိုက်အိမ်မြှောင်ရှိတယ်… လီမိသားစုက အဲ့ဒီကျားနက်ကို သတ်ပစ်ပြီး ဝိညာဉ်သံလိုက်အိမ်မြှောင်ကို ပြန်ရသွားရင် တောင်ပိုင်းမြေရိုင်းဒေသဆီ ထွက်လာခဲ့တဲ့ ငါတို့ရဲ့ စွန့်စားခရီးစဉ်က အလဟဿဖြစ်သွားလိမ့်မယ်… မဖြစ်ဘူး… မိုးထိတောင်ဆီ ငါတို့အမြန်သွားကြမယ် ”</p> <p>“ ဟုတ်တယ်… လီမိသားစုက ဝိညာဉ်သံလိုက်အိမ်မြှောင်ကို ပျောက်ဆုံးသွားခဲ့တယ်… အခု သံလိုက်အိမ်မြှောင်က ပိုင်ရှင်မဲ့ပစ္စည်းဖြစ်နေပြီ… သံလိုက်အိမ်မြှောင်ကို လီမိသားစု ပြန်ရသွားမှာကို ငါတို့ခွင့်မပြုနိုင်ဘူး ”</p> <p>ဤအခိုက်အတန့်မှာ တောင်တန်းဒေသထဲမှ တစ်ကိုယ်တော်လေလွင့်ကျင့်ကြံသူများထဲမှာ ကောလဟာလတစ်ခု ရုတ်တရက် ပျံ့နှံ့သွားသည်။ ကောလဟာလထဲ၌ ဖော်ပြထားသည်မှာ လီမိသားစုက ကျားနက်၏ သဲလွန်စများကို ရှာတွေ့သွားပြီး ကျားနက်ကို ထောင်ချောက်ဆင်သတ်ဖြတ်ရန် ကြံစည်နေသည်။</p> <p>ထို့ကြောင့် အရေအတွက်များပြားသော ကျင့်ကြံသူများက မိုးထိတောင်ဆီသို့ အပြေးအလွှား သွားနေကြသည်။</p> <p>ဤအခိုက်အတန့်မှာ တောင်တန်းဒေသ၏ နေရာအသီးသီးမှာ ပြန့်ကျဲနေကြသော ကျင့်ကြံသူများသည် သူတို့၏ စိတ်ထဲမှာ မည်သို့အတွေးရှိနေပါစေ မိုးထိတောင်ဆီသို့ ဦးတည်သွားကြသည်။ သူတို့ထဲမှ တချို့က ပြပွဲကြည့်ချင်သောကြောင့်ဖြစ်ပြီး တချို့က ဝိညာဉ်သံလိုက်အိမ်မြှောင်ကို လီမိသားစု၏ လက်ထဲသို့ ပြန်မရောက်သွားစေရန် တားဆီးချင်သောကြောင့် ဖြစ်သည်။</p> <p>မိုးထိတောင်သည် အမှန်မှာ တောင်ကြားတစ်ခုသာ ဖြစ်သည်။ အတိတ်၌ ယင်းသည် ကောင်းကင်နှင့် ထိစပ်လုနီးပါး မြင့်မားသော ဧရာမတောင်တစ်လုံး ဖြစ်ခဲ့သည်။ သို့သော်လည်း နောက်ပိုင်းတွင် အကြောင်းအရင်းတချို့ကြောင့် ထိုဧရာမတောင်သည် အလယ်မှ ထက်ခြမ်းကွဲသွားခဲ့သည်။ တောင်နှစ်ခြမ်း၏ ကြားတွင် အလွန်ကြီးမားကျယ်ပြောသော မြေကွက်လပ်တစ်ခု ဖြစ်ပေါ်လာသည်။ ယင်းက ချိုင့်ဝှမ်းတစ်ခုနှင့် ဆင်တူသည်။</p> <p>တချို့က ပြောကြသည်မှာ ယင်းက နတ်ဘုရား၏ လက်ချက်ဖြစ်သည်။</p> <p>ချိုင့်ဝှမ်းထဲတွင် လီဝမ်က ပြုံးလိုက်ပြီး စတုတ္ထအကြီးအကဲကို ပြောသည်။</p> <p>“ စတုတ္ထအကြီးအကဲက တကယ် ဉာဏ်ပညာရှိတာပဲ… ကျုပ်တို့တွေ ကောလဟာလကို ဖြန့်လိုက်တဲ့အခါ တောင်တန်းဒေသထဲက ကျင့်ကြံသူအားလုံး ဒီနေရာမှာ စုဝေးသွားကြလိမ့်မယ်… အဲ့ဒီမိစ္ဆာကျားက လူသတ်ချင်တယ်ဆိုရင် ဒီကို သေချာပေါက် ရောက်လာရလိမ့်မယ်… ဒီလို လှည့်ကွက်သေးသေးလေးနဲ့ အဲ့ဒီမိစ္ဆာကျားကို မိုးထိတောင်ဆီ မျှားခေါ်နိုင်လိမ့်မယ်လို့ ကျုပ်မမျှော်လင့်ထားဘူး… စတုတ္ထအကြီးအကဲက တကယ်ပဲ ဉာဏ်ကောင်းပါပေတယ် ”</p> <p>“ အဲ့ဒီလေလွင့်ကျင့်ကြံသူတွေက အရမ်းရဲတင်းတယ်… သူတို့က ကျုပ်တို့လီမိသားစုပိုင်ပစ္စည်းကို လိုချင်တပ်မက်ရဲတယ်… ဒီတစ်ကြိမ် ကျုပ်တို့က ကျားနက်တင်မဟုတ်ဘဲ အဲ့ဒီလေလွင့်ကျင့်ကြံသူတွေကိုလည်း ဆွဲဆောင်နိုင်လိမ့်မယ်… အချိန်ကျလာတဲ့အခါ ကျုပ်တို့က ခဲတစ်လုံးနဲ့ ငှက်နှစ်ကောင်ပစ်နိုင်လိမ့်မယ်… အဲ့ဒီလေလွင့်ကျင့်ကြံသူတွေကို ဒီတောင်တန်းထဲကနေ ဘယ်တော့မှ ပြန်မထွက်နိုင်အောင် လုပ်ပစ်မယ် ”</p> <p>စတုတ္ထအကြီးအကဲက မျက်မှောင်ကြုတ်လိုက်လေရာ သူ့အား မြင်လိုက်ရသူတိုင်းက အလိုအလျောက် ကျောချမ်းသွားလိမ့်မည်။</p> <p>လီဝမ်သည် ပြုံးလိုက်သည်။</p> <p>ယင်းက စိတ်ကျေနပ်သောအပြုံး ဖြစ်သည်။</p> <p> </p> <p> </p> <p> </p> <p> </p> <p style="text-align: center;">***</p>


Save