Book List

<h2 style="text-align:center">အခန်း(၁၁၁)</h2> <h2 style="text-align:center">*</h2> <h2 style="text-align:center"> </h2> <h2 style="text-align:center"> </h2> <p> </p> <p>ကင်းကောင်၏ ခန္ဓာကိုယ်ပေါ်မှ အမွှေးအမျှင်များသည် လူသားတစ်ယောက်၏ ဆံပင်ထက်ပင် ပိုပြီးရှည်လျားသည်။ သူက ဧရာမဘီလူးတစ်ကောင်နှင့် ဆင်တူသည်။ သူပြေးသွားနေစဉ် မိစ္ဆာမီးလျှံများက ကောင်းကင်ပေါ်သို့ မြှောက်တတ်သွားသည်။ သူဖြတ်သန်းသွားသည့်နေရာတိုင်း ကျယ်ပြောသော လမ်းကြောင်းတစ်ခု ဖွင့်လှစ်သွားသည်။ ကင်းကောင်၏ အနောက်တွင် သူ့ထက် အရွယ်အစားပိုသေးသော ကင်းကောင်အငယ်လေးကောင်က လိုက်ပါလာကြသည်။</p> <p>သူတို့အားလုံးသည် သီရှီထျန်နှင့် တခြားမိစ္ဆာသားရဲများ စုဝေးနေသော တောင်ကုန်းဆီသို့ စိတ်ဓာတ်တတ်ကြွစွာ အမြန်ရောက်လာကြသည်။</p> <p>  ကင်းကောင်မရောက်လာမီ တောင်ကုန်းပေါ်မှ သက်ရှိအားလုံးက သူ့ကို အဝေးမှ လှမ်းမြင်သွားကြသည်။</p> <p>ထို့နည်းတူပင် ကင်းကောင်သည် တောင်ကုန်းပေါ်မှ မိစ္ဆာသားရဲများကို မြင်တွေ့သွားသည်။ အထူးသဖြင့် သီရှီထျန် ဖြစ်သည်။ သီရှီထျန်၏ ကျားခန္ဓာကိုယ်သည် ပေငါးဆယ်အထိ မြင့်မားသည်။ သူက ကင်းကောင်ကို မနှိုင်းယှဉ်နိုင်သော်လည်း သူတို့ကြားမှ ကွာခြားမှုက သိပ်မကြီးမားပေ။ ထို့ကြောင့် သူက သီရှီထျန်ကို အကြည့်တစ်ချက်ဖြင့် မြင်တွေ့သွားသည်။ သူက အဝေးမှ လှမ်းအော်လိုက်သည်။</p> <p>“ အကိုသီ… မင်းကို ကူညီဖို့ ငါကင်းကောင် ရောက်လာပြီ… တိုက်ခိုက်ဖို့ဆိုရင် ငါကင်းကောင်က ဘယ်တော့မှ ဘေးထွက်နေမှာမဟုတ်ဘူး ”</p> <p>သူ၏ ခန္ဓာကိုယ်က အလွန်ကြီးမားသကဲ့သို့ သူ၏ အော်သံသည်လည်း မိုးခြိမ်းသံပမာ အလွန်ကျယ်လောင်သည်။ သူ၏ အော်သံက မိုးခြိမ်းသံပမာ ပဲ့တင်ထပ်သွားစဉ် အလွန်အားကောင်းသော မိစ္ဆာအရှိန်အဝါက ကောင်းကင်ပေါ်သို့ ပျံတတ်သွားသည်။ ထို့ကြောင့် သူ၏ ဦးခေါင်းပေါ်မှာ အနက်ရောင်တိမ်တိုက်တစ်ခု ထွက်ပေါ်လာသည်။</p> <p>“ ဘန်း ဘန်း ဘန်း ”</p> <p>သူ၏ ခြေလှမ်းများက အလွန်မြန်ဆန်သည်။ သူ၏ သန်စွမ်းကြံ့ခိုင်သော ခန္ဓာကိုယ်က သူ့အရှေ့မှ အတားအဆီးအားလုံးကို တိုက်ရိုက် ချိုးဖြတ်သွားသည်။ မကြာမီ သူက တောင်ကုန်းအရှေ့သို့ ရောက်ရှိလာသည်။ သူက ကျယ်လောင်စွာ အော်ရယ်လိုက်ပြီး ပြောသည်။</p> <p>“ ကျီးကန်းအိုကြီး… အမကြိုးကြာ… မင်းတို့က ငါ့ထက်အရင် ကြိုရောက်နေကြပါလား… ကောင်းတယ်… ဒီလိုကိစ္စကြီးကို မင်းတို့တွေ ဘေးထွက်ရပ်ကြည့်မနေဘူးဆိုတာ ငါကင်းကောင် သိတယ် ”</p> <p>အနက်ရောင်မျောက်ဝံဘုရင်သည် ရက်စက်ကြမ်းကြုတ်သော အရှိန်အဝါဖြင့် ပြည့်နှက်နေသည်။ မရဏကျီးကန်းဘုရင်နှင့် သရဖူနီကြိုးကြာဘုရင်က သူ့ထက် အရင်ကြိုရောက်နေကြောင်း မြင်သောအခါ ကင်းကောင်က ဝမ်းသာပျော်ရွှင်စွာ ပြောသည်။</p> <p>“ အဲ့ဒီမသေမျိုးကျင့်ကြံသူတွေက ဒီတစ်ကြိမ် အရမ်းလွန်သွားပြီ… ဒါကြောင့် ငါထွက်လာရမယ် ”</p> <p>သရဖူနီကြိုးကြာဘုရင်က သာယာနာပျော်ဖွယ်ကောင်းသော အသံဖြင့် ပြောသည်။ သို့တိုင် သူ၏ လေသံထဲမှာ အေးစက်မှုတစ်စွန်းတစ်စ ရှိသည်။ သားရဲဘုရင်အရှိန်အဝါက သူ၏ ခန္ဓာကိုယ်ထဲမှ သဘာဝအလျောက် ထွက်ပေါ်နေသည်။</p> <p>“ ကင်းကောင်… နင်လည်း ရောက်လာတယ်လား… နင်က တိုက်ခိုက်ရတာကို အရမ်းကြိုက်တယ်မလား… ဒီတစ်ကြိမ် အဲ့ဒီမသေမျိုးကျင့်ကြံသူတွေကို နင့်စိတ်ကြိုက် တိုက်ခိုက်ပါ… ဘာမှမထိန်ချန်နေနဲ့… ငါတို့ သူတို့ကို သင်ခန်းစာပေးရမယ်… တောင်ပိုင်းမြေရိုင်းဒေသထဲက မိစ္ဆာသားရဲတွေက အချဉ်မဟုတ်ဘူးဆိုတာ သူတို့တွေကို အသိပေးရမယ် ”</p> <p>ဇာမဏီငှက်သည် အတောင်ပံတဖျပ်ဖျပ်ခတ်၍ မောက်မာထောင်လွှားစွာ ပြောသည်။ သူက အရှေ့သို့ ပျံသန်းသွားပြီး အနက်ရောင်မျောက်ဝံဘုရင်၏ ပခုံးပေါ်သို့ တိုက်ရိုက် ဆင်းသက်လိုက်သည်။ သူက တတွတ်တွတ် စကားပြောနေရင်း သူ၏ အတောင်ပံနှစ်ဖက်ကို လက်များသဖွယ် အသုံးပြု၍ ဒေါသတကြီး ဝှေ့ယမ်းလိုက်လေသည်။</p> <p>“ ဒုန်း… ဒုန်း… ဒုန်း… ”</p> <p>အနက်ရောင်မျောက်ဝံဘုရင်သည် လက်သီးဆုပ်လိုက်ပြီး သူ၏ ရင်ဘက်ကို အကြိမ်ရေအနည်းငယ် တဒုန်းဒုန်း ထုရိုက်လိုက်သည်။ ကျယ်လောင်သော မြည်သံက စစ်ပွဲဗုံသံပမာ ထွက်ပေါ်လာသည်။</p> <p>“ သခင်မကျူး… စိတ်ချပါ… အရင်တုန်းကဆို ကျင့်ကြံသူတွေက ဆေးမြစ်တူးဖော်ဖို့အတွက်ပဲ တောင်တန်းထဲ ဝင်ရောက်လာကြတယ်… ဒါပေမဲ့ ဒီတစ်ကြိမ် သူတို့က တောင်တန်းထဲက မိစ္ဆာသားရဲအားလုံးကို အမြစ်ဖြတ်သုတ်သင်ဖို့ ပစ်မှတ်ထားရဲကြတယ်… ငါကင်းကောင် သူတို့တွေကို မသတ်ပစ်ရင် ဒီတောင်တန်းထဲမှာ ဘယ်မျက်နှာနဲ့ ဆက်ပြီး နေရမှာလဲ ”</p> <p>သူက ရင်ဘက်ကို ကျယ်လောင်စွာ ထုရိုက်လိုက်ပြီး တည်ကြည်လေးနက်စွာ ပြောသည်။ သို့သော်လည်း ဇာမဏီငှက်ကို ကြည့်လိုက်သည့်အခါ သူ၏ မျက်လုံးထဲ၌ ရိုသေလေးစားသော အကြည့် ထွက်ပေါ်လာသည်။</p> <p>“ ညီမလေးကျူးအာ… ဒီနေ့ ငါတို့အားလုံး ဒီနေရာမှာ ရှိနေမှတော့ အဲ့ဒီမသေမျိုးကျင့်ကြံသူတွေ ငါတို့တစ်ယောက်ချင်းစီကို လိုက်လံနှိမ်နင်းမှာကို စောင့်နေစရာမလိုတော့ဘူး… ဘာမှစိတ်မပူပါနဲ့… အဲ့ဒီကျင့်ကြံသူတွေအားလုံး တောင်တန်းဒေသထဲကနေ မောင်းထုတ်ခံရလိမ့်မယ်… ဒီကိစ္စတွေ ပြီးသွားတဲ့အခါ မင်းရဲ့ အမဆီ ငါအလည်လာခဲ့မယ်… အဲ့ဒီအခါကျရင် ငါ့အတွက် စကားကောင်း ကူပြောပေးမယ်လို့ ငါမျှော်လင့်တယ် ”</p> <p>သရဖူနီကြိုးကြာဘုရင်က ညင်သာစွာ ပြောသည်။ သူ၏ လေသံမှတဆင့် သူက ဇာမဏီငှက်ကို သူ၏ ညီမလေးတစ်ယောက်သဖွယ် အမှန်တကယ် သဘောထားကြောင်း မည်သူမဆို ပြောနိုင်ပေသည်။</p> <p>ယင်းကို ဇာမဏီငှက်ကြားသောအခါ သူက မျက်တောင်တဖျပ်ဖျပ်ခတ်လိုက်သည်။ သူက ညင်သာစွာ ခေါင်းညိတ်လိုက်ပြီး ပြောသည်။</p> <p>“ ဘာမှစိတ်မပူပါနဲ့… အချိန်ကျလာတဲ့အခါ အားလုံးကို ငါ့အမနဲ့ ပေးတွေ့မယ် ”</p> <p>ယင်းကို ကြားသောအခါ မရဏကျီးကန်းဘုရင်ဖြစ်စေ သို့မဟုတ် အနက်ရောင်မျောက်ဝံဘုရင်ဖြစ်စေ သူတို့က မျှော်လင့်တောင့်တသော အမူအရာကို ထုတ်ဖော်လိုက်ကြသည်။ ထို့ပြင် စိတ်သက်သာရာရမှုက သူတို့၏ နှလုံးသားထဲမှ ထွက်ပေါ်လာသည်။ ဤအခိုက်အတန့်မှာ သူတို့၏ အမူအကျင့်က လုံးဝ ပြောင်းလဲသွားဟန် ရ၏။</p> <p>ထိုမြင်ကွင်းကို သီရှီထျန်မြင်သောအခါ အလင်းရောင်က သူ၏ မျက်လုံးထဲမှာ ဖြတ်ပြေးသွားသည်။ သူက စိတ်ထဲမှာ တိတ်တဆိတ် တွေးတောလိုက်သည်။ သူ့အရှေ့မှ မြင်ကွင်းကို ကြည့်ခြင်းအားဖြင့် ဇာမဏီငှက်မှာ အမရှိကြောင်း ထင်ရှား၏။ ထို့ပြင် သူ့အမက သာမန်ပုဂ္ဂိုလ်မဖြစ်နိုင်ပေ။ သို့မဟုတ်လျှင် မရဏကျီးကန်းဘုရင်၊ သရဖူနီကြိုးကြာဘုရင်နှင့် အနက်ရောင်မျောက်ဝံဘုရင်က ထိုသို့အမူအရာကို ပြုမူကြမည် မဟုတ်ချေ။</p> <p>သူတို့၏ အမူအရာကို ကြည့်ခြင်းအားဖြင့် သူတို့က ဇာမဏီငှက်၏ အမကို လွန်စွာ ရိုသေလေးစားကြကြောင်း သူပြောနိုင်သည်။ မဟုတ်မှ…</p> <p>ထိုစဉ် အတွေးတစ်ခုက သူ၏ ခေါင်းထဲမှာ ရုတ်တရက် ထွက်ပေါ်လာသည်။ တောင်ပိုင်းမြေရိုင်းဒေသထဲမှ မိစ္ဆာသားရဲဘုရင်များ၏ ရိုသေလေးစားခြင်းခံရသော ပုဂ္ဂိုလ်သည် မည်သို့ သာမန်ဖြစ်နိုင်မည်နည်း။ ဖြစ်နိုင်သည်မှာ ဇာမဏီငှက်၏ အမသည် မိစ္ဆာသားရဲထက် ပိုပြီးအစွမ်းထက်သော စစ်မှန်သော မိစ္ဆာတစ်ကောင် ဖြစ်ရမည်။ မိစ္ဆာသားရဲများသည် စစ်မှန်သော မိစ္ဆာများနှင့် ကွဲပြားခြားနားကြသည်။</p> <p>စစ်မှန်သော မိစ္ဆာများသာလျှင် မိစ္ဆာသားရဲများ၏ ရိုသေလေးစားခြင်းခံရရန် အရည်အချင်းပြည့်မီကြသည်။ မိစ္ဆာသားရဲတစ်ကောင်သည် မိစ္ဆာအဖြစ် ဆင့်ကဲပြောင်းလဲချင်လျှင် သူ၏ ခန္ဓာကိုယ်ထဲမှာ အမြူတေဓာတ်လုံးကို ဖွဲ့စည်းရလိမ့်မည်။</p> <p>အမြူတေဓာတ်လုံးဖြင့်ဆိုလျှင် သူ၏ ခွန်အားက ကြီးကြီးမားမား တိုးမြှင့်သွားလိမ့်မည်။ အရင်ဆုံး သူက မိုးကြိုးကပ်ဘေးဒုက္ခကို ကျော်လွှားနိုင်သွားလျှင် လူသားအသွင်သို့ ပြောင်းလဲနိုင်သွားလိမ့်မည်။ စစ်မှန်သော မိစ္ဆာများသည် ရုပ်ခန္ဓာကိုယ်ဖြင့် မိုးပျံမြေလျှိုးနိုင်ကြသည်။ ထို့ပြင် သူတို့က တခြားသော အံ့ဖွယ်စွမ်းရည်များကိုလည်း ပိုင်ဆိုင်ထားကြသည်။</p> <p>ထို့ကြောင့် စစ်မှန်သော မိစ္ဆာတစ်ကောင်သည် အလွန်သန်မာသည်။</p> <p>“ ဝေါင်း ”</p> <p>တောင်ကုန်းပေါ်၌ မိစ္ဆာသားရဲများက အချင်းချင်း စကားပြောနေကြစဉ် ရွှေရောင်အလင်းက တောင်အောက်မှာ ထွက်ပေါ်လာသည်။ ထိုရွှေရောင်အလင်းထဲတွင် ကျယ်လောင်သော ဟိန်းသံက ပဲ့တင်ထပ်သွားသည်။ ယင်းက ခြင်္သေ့ဟိန်းသံ ဖြစ်သည်။ ခြင်္သေ့ဟိန်းသံ ထွက်ပေါ်နေစဉ် ရွှေရောင်အလင်းက အလွန်ကျယ်ပြောသော ဧရိယာကို မျက်စိတစ်မှိတ်အတွင်း ဖြတ်ကျော်သွားကာ တောင်ကုန်းပေါ်တွင် ထွက်ပေါ်လာသည်။</p> <p>“ ကင်းကောင်… မင်းလည်း ရောက်လာတယ်လား ”</p> <p>“ ရွှေခြင်္သေ့… မင်းကို ”</p> <p>အနက်ရောင်မျောက်ဝံဘုရင်က အသစ်ရောက်လာသူကို စူးစိုက်ကြည့်လိုက်လေရာ တိုက်ပွဲစိတ်ဆန္ဒက သူ၏ မျက်လုံးထဲမှာ ထွက်ပေါ်လာသည်။ အသစ်ရောက်လာသော ရွှေခြင်္သေ့သည် နောက်မတွန့်ဘဲ အနက်ရောင်မျောက်ဝံဘုရင်ကို ပြန်စိုက်ကြည့်လိုက်သည်။ သူ၏ အရှိန်အဝါသည် အနက်ရောင်မျောက်ဝံဘုရင်နှင့် တခြားမိစ္ဆာသားရဲဘုရင်များထက် နည်းနည်းမှ မလျော့ပေ။</p> <p>သူ၏ ခန္ဓာကိုယ်သည် ထွားကြိုင်းသန်မာပြီး အလွန်ရှည်လျားသည်။ သူ၏ အရွယ်အစားက သီရှီထျန်နှင့် သိပ်မကွာခြားပေ။ သူက ခြင်္သေ့တစ်ကောင်ဖြစ်ပြီး သူ၏ ခန္ဓာကိုယ်ပေါ်မှ အမွှေးအမျှင်အားလုံးက ရွှေရောင်ဖြစ်သည်။ အဝေးမှ လှမ်းကြည့်လျှင် သူက ရွှေခြင်္သေ့ရုပ်တုနှင့် ဆင်တူပေသည်။ သို့သော် ဤခြင်္သေ့သည် သာမန်မဟုတ်ပေ။ သူ့မှာ ဦးခေါင်းသုံးလုံး ရှိသည်။</p> <p>မှန်ပေသည်။ သူက ခေါင်းသုံးလုံးရွှေခြင်္သေ့ ဖြစ်သည်။</p> <p>အကြည့်တစ်ချက်ဖြင့်ပင် သူက မည်မျှကြောက်စရာကောင်းကြောင်း မြင်နိုင်ပေသည်။</p> <p>ထို့ပြင် သူ၏ ဦးခေါင်းသုံးလုံးက အနည်းငယ် ထူးခြားသည်။ အလယ်မှ ဦးခေါင်းသည် သာမန်ဖြစ်သည်။ မည်သည့်ထူးခြားချက်မှ မရှိပေ။ သို့သော် ဘယ်ဘက်ဦးခေါင်းနှင့် ညာဘက်ဦးခေါင်းက မျက်လုံးမှိတ်ထားကြပြီး ပါးစပ်ပိတ်ထားကြသည်။ သူတို့က လုံးဝ တိတ်ဆိတ်နေကြသည်။ ယင်းက အလွန်ထူးဆန်းသည်။</p> <p>ယခု ရောက်ရှိလာသော ရွှေခြင်္သေ့သည် တောင်ပိုင်းမြေရိုင်းဒေသထဲမှ မိစ္ဆာသားရဲဘုရင်ငါးကောင်ထဲမှ တစ်ကောင်ဖြစ်သည်။ ထို့ပြင် သူနှင့် အနက်ရောင်မျောက်ဝံဘုရင်ကြားမှာ ရန်စတချို့ ရှိဟန် ရသည်။ သူတို့သည် တစ်ယောက်နှင့်တစ်ယောက် တွေ့ဆုံသွားသည်နှင့်ချက်ချင်း အပြန်အလှန် စူးစိုက်ကြည့်လိုက်ကြသည်။ သူတို့၏ ခန္ဓာကိုယ်ပေါ်မှ အရှိန်အဝါက မြန်ဆန်စွာ သိပ်သည်းသွားလေရာ သူတို့က ဤနေရာမှာတင် တိုက်ခိုက်ကြတော့မည်ဟန် ရ၏။</p> <p>“ ခစ် ခစ်… ”</p> <p>တောင်ကုန်းပေါ်မှ လေထုက ပေါက်ကွဲတော့မည့်အချိန် အထင်သေးရှုံ့ချသော ရယ်သံက တောင်ကုန်း၏ ဘေးပတ်ဝန်းကျင်၌ ရုတ်တရက် ပျံ့လွင့်သွားသည်။ ရယ်သံ၏ အနောက်တွင် စကားသံက ထွက်ပေါ်လာသည်။</p> <p>“ ကင်းကောင်… ရွှေခြင်္သေ့… နင်တို့နှစ်ယောက် အရမ်းတိုက်ခိုက်ချင်ရင် အရင်ဆုံး အချိန်ကောင်းကို စောင့်သင့်တယ်… နင်တို့အရမ်းသန်မာတယ်ဆိုရင် ဘာလို့ အဲ့ဒီကျင့်ကြံသူတွေကို သွားမတိုက်ခိုက်တာလဲ… ဘာလို့ ဒီနေရာမှာ အင်အားလာပြနေတာလဲ ”</p> <p>“ အဲ့ဒါ ဘယ်သူလဲ ”</p> <p>ထိုစကားသံကို သီရှီထျန်ကြားသောအခါ သူက အံ့ဩသွားသည်။ သူက အသံလာရာ ဦးတည်ရာဆီသို့ အမြန်လှည့်ကြည့်လိုက်သည်။ ထိုအသံပိုင်ရှင်သည် အနက်ရောင်မျောက်ဝံဘုရင်နှင့် ရွှေခြင်္သေဘုရင်ကို ကြောက်ရွံ့ပုံမပေါ်ချေ။ ထို့ပြင် သူ၏ စကားသံထဲမှာ သတိပေးသော အရိပ်အမြွက်ပါရှိသည်။ ပိုပြီးအံ့ဖွယ်ကောင်းသည့်အချက်မှာ အနက်ရောင်မျောက်ဝံဘုရင်နှင့် ရွှေခြင်္သေ့ဘုရင်သည် ထိုစကားကြောင့် ဒေါသမထွက်သွားကြချေ။ ယင်းအစား သူတို့က အရှိန်အဝါကို ကိုယ်စီ ပြန်ရုပ်သိမ်းလိုက်ကြသည်။ ယင်းက အမှန်တကယ် အံ့ဖွယ်ကောင်းသည်။</p> <p>သူလှည့်ကြည့်လိုက်သည့်အခါ နှလုံးခုန်မြန်သွားသည်။ သူက အံ့ဩစွာ ပြောသည်။</p> <p>“ အဲ့ဒါ… ဒဏ္ဍာရီလာ ဘုရင်မမဒူဆာမဟုတ်ဘူးလား ”</p> <p>တောင်ကုန်း၏ အလယ်တွင် အမျိုးသမီးတစ်ယောက်က အေးစက်စက် အမူအရာဖြင့် မတ်တတ်ရပ်နေသည်။ သူ၏ ခန္ဓာကိုယ်က ကြော့ရှင်းတင့်တယ်ပြီး အရှိုက်အဝန်းများက သူ၏ ခန္ဓာကိုယ်ပေါ်မှာ အစီအစဉ်တကျရှိနေသည်။ သူက ပါးလွှာသော အဖြူရောင်ဝတ်စုံကို ဝတ်ဆင်ထားသည်။ သူက အဖြူရောင်ဝတ်စုံကို ဝတ်ဆင်ထားသော်လည်း မတူညီသော ရောင်စုံအလင်းများက သူ၏ ဝတ်စုံပေါ်မှာ မထင်မရှား ထွက်ပေါ်နေသည်။</p> <p>ရှင်းလင်းစွာပင် သူ၏ ဝတ်စုံက သာမန်မဟုတ်ပေ။ အမှန်မှာ ယင်းက မြွေအကြေးခွံများဖြင့် ဖန်တီးထားသော အံ့ဖွယ်ဝတ်စုံ ဖြစ်သည်။ ဝတ်စုံသည် သိမ်မွေ့နူးညံ့ပုံပေါ်သော်လည်း အမှန်မှာ ယင်းက အလွန်မာကျောသည်။</p> <p>မြွေအကြေးခွံဝတ်စုံကို ဝတ်ဆင်ထားစဉ် အမျိုးသမီး၏ ခန္ဓာကိုယ်အလှက ပိုပြီးထင်ပေါ်နေသည်။ သူ့မှာ ဖွင့်ထွားသော ရင်ဘက်နှင့် သေးသွယ်သော ခါးရှိသည်။ အထူးသဖြင့် သူ၏ ခါးက မြွေတစ်ကောင်သဖွယ် သေးသွယ်ကျစ်လစ်သည်။ ယင်းက အလွန်ဆွဲဆောင်မှုရှိသည်။ ဆန့်ကျင်ဘက်လိင်များသည် သူ့ကို မြင်လိုက်သည်နှင့် သူ၏ ခါးကို ဆွဲဖက်ချင်စိတ် ဖြစ်လာလိမ့်မည်။</p> <p>သို့သော်လည်း ထိုသို့ဆောင်ဆွဲမှုက သူ၏ ခန္ဓာကိုယ်ပေါ်မှာသာ ဖြစ်၏။ အကယ်၍ တစ်စုံတစ်ယောက်က သူ၏ ဆံပင်ကို ကြည့်လိုက်မည်ဆိုလျှင် ဦးရေပြားစပ်ဖျဉ်းဖျဉ်း ခံစားသွားရလိမ့်မည်။ အစောနက သူခံစားခဲ့ရသော ပူလောင်မှုသည် ရေခဲရေဖြင့် လောင်းချခံလိုက်ရသကဲ့သို့ ငြိမ်းသတ်သွားလိမ့်မည်။ သူတို့က အစွန်းရောက်အေးစက်မှုကို ချက်ချင်း ခံစားမိသွားကြလိမ့်မည်။</p> <p>သူ၏ ဦးခေါင်းပေါ်မှာ မည်သည့်ဆံပင်မှ မရှိပေ။ ယင်းအစား အရွယ်အစားသေးငယ်သော မြွေအများအပြားသာ ရှိ၏။ မြွေများသည် အဆိပ်ပြင်းပြီး အရောင်အသွေးစုံလင်ကြသည်။ သူတို့က လျှာတစ်လစ်ထုတ်၍ ဂနာမငြိမ် ရွေ့လျားနေကြသည်။ ထိုမြင်ကွင်းက အမျိုးသမီးအပေါ် မရိုးသားစိတ်ရှိသူများကို ချက်ချင်း အဝေးထွက်ပြေးစေလိမ့်မည်။</p> <p> </p> <p> </p> <p> </p> <p> </p> <p style="text-align:center">***</p>


Save