Book List

<h2 style="text-align:center">အခန်း(၁၁၄)</h2> <h2 style="text-align:center">*</h2> <p> </p> <p> </p> <p> </p> <p> </p> <p>အနက်ရောင်မျောက်ဝံဘုရင်သည် အစောင့်အရှောက်သားရဲလေးကောင်ကို ဦးဆောင်လျက် အရှေ့ဆုံးမှ ပြေးသွားနေသည်။ သူတို့သည် လမ်းကြောင်းတစ်လျှောက်ရှိ မည်သည့်အတားအဆီးကိုမှ မရှောင်ရှားကြပေ။ သူတို့သည် သန်စွမ်းကြံ့ခိုင်သော ရုပ်ခန္ဓာကိုယ်ကို အသုံးပြု၍ အတားအဆီးအားလုံးကို တိုက်ရိုက် ချိုးဖြတ်လိုက်ကြသည်။ သူတို့၏ အနောက်တွင် အလွန်ကျယ်ပြောပြီး ဖြောင့်တန်းသော လမ်းကြောင်းတစ်ခု ဖွင့်လှစ်သွားသည်။</p> <p>ခေါင်းသုံးလုံးရွှေခြင်္သေ့ဘုရင်နှင့် သီရှီထျန်သည် သူတို့၏ အသန်မာဆုံး အသွင်သဏ္ဍာန်ကို ထုတ်လွှတ်လိုက်ကြသည်။ သူတို့နှစ်ယောက်စလုံးသည် ပေငါးဆယ်မြင့်မားသော မိစ္ဆာသားရဲများ ဖြစ်ကြသည်။</p> <p>ဘုရင်မမဒူဆာသည် ကြော့ရှင်းတင့်တယ်ပြီး ဆွဲဆောင်မှုဖြင့် ပြည့်နှက်နေသော ခန္ဓာကိုယ်ကို ပိုင်ဆိုင်ထားသော်လည်း အကယ်၍ တစ်စုံတစ်ယောက်က သူ၏ ဦးခေါင်းကို ကြည့်လိုက်မည်ဆိုလျှင် နှလုံးတုန်ယင်သွားပြီး ကျောရိုးတစ်လျှောက် ချမ်းစိမ့်သွားလိမ့်မည်။ ဘုရင်မမဒူဆာသည် တခြားမိစ္ဆာသားရဲဘုရင်များ၏ အနောက်မှ အေးအေးဆေးဆေး လျှောက်လာနေသည်။</p> <p>သူက သူ့ပခုံးပေါ်မှ ဇာမဏီငှက်နှင့် ပျော်ရွှင်စွာ စကားပြောနေသည်။ သူ၏ အမူအရာအရ သူက ဤတိုက်ပွဲကို နည်းနည်းမှ ဂရုမစိုက်သည့်အလားပင်။</p> <p>ဖြစ်နိုင်သည်မှာ ထိုကျင့်ကြံသူအုပ်စုက သူ၏ တိုက်ခိုက်ချင်စိတ်ကို မနှိုးဆော်ပေးနိုင်ဟန် ရ၏။</p> <p>ပုံမှန်အားဖြင့် တောင်ပိုင်းမြေရိုင်းဒေသထဲတွင် ကျင့်ကြံသူများက ထိုမိစ္ဆာသားရဲဘုရင်များကို သွားရောက်ရန်မပြုသရွေ့ သူတို့သည် ကိုယ်ပိုင်နယ်နိမိတ်ထဲမှ ထွက်ခွာကြလိမ့်မည် မဟုတ်ချေ။ သို့ဖြစ်၍ ယခု ကျင့်ကြံသူအားလုံး၏ အရှေ့မှာ ရုတ်တရက် ထွက်ပေါ်လာသော မိစ္ဆာသားရဲဘုရင်အုပ်စုက တောင်ပိုင်းမြေရိုင်းဒေသတစ်ခုလုံး၏ အထွတ်အထိပ်အင်အား ဖြစ်သည်။</p> <p>မိစ္ဆာသားရဲဘုရင်အုပ်စုသည် မြန်ဆန်သော အရှိန်အဟုန်ဖြင့် မိုးထိတောင်ဆီသို့ ဦးတည်ပြေးသွားနေကြသည်။ သူတို့၏ အနောက်တွင် မိစ္ဆာမီးတောက်များက တဟုန်းဟုန်း တောက်လောင်နေသည်။</p> <p>ထိုအခိုက်အတန့်မှာ မိုးထိတောင်ပေါ်မှ လေလွင့်ကျင့်ကြံသူအုပ်စုတစ်ခုထဲတွင် အသက်သုံးဆယ်ခန့်ရှိနိုင်သော သက်လတ်ပိုင်းကျင့်ကြံသူတစ်ယောက်က တည်ကြည်လေးနက်သော အမူအရာဖြင့် ကောင်းကင်ပေါ်သို့ ရုတ်တရက် ပျံတတ်သွားသည်။ သူ၏ ရုပ်ရည်က သာမန်ဖြစ်ပြီး သူက ရိုးရှင်းသော အဝါရောင်ဝတ်စုံကို ဝတ်ဆင်ထားသည်။</p> <p>သူက အဝါရောင်ဓားပျံတစ်လက်ပေါ်မှာ မတ်တတ်ရပ်နေပြီး သူ၏ လက်ထဲတွင် ကျောက်စိမ်းဖြူဖြင့် ဖန်တီးထားသော စစ်တုရင်ခုံတစ်ခုကို ဆုပ်ကိုင်ထားသည်။ ထိုစစ်တုရင်ခုံကို အလယ်မှ မြစ်နယ်နိမိတ်တစ်ခုဖြင့် ပိုင်းခြားထားသည်။ အံ့ဖွယ်ကောင်းသည်မှာ မြစ်နယ်နိမိတ်ပေါ်တွင် “ ချူ ဟန် ”ဟူသော စကားလုံးနှစ်လုံးကို ရေးသားထားသည်။</p> <p>ယင်းက အမှန်တကယ်ပင် ချူဟန်မြစ်နယ်နိမိတ် ဖြစ်သည်။ မြစ်နယ်နိမိတ်၏ အခြားတစ်ဖက်စီတွင် အလျားလိုက်မျဉ်းကြောင်းဆယ်ခုနှင့် ဒေါင်လိုက်မျဉ်းကြောင်းကိုးခုက စစ်တုရင်ခုံပေါ်မှာ ကြက်ခြေခတ်သဖွယ် အပြန်အလှန် ဖြတ်သန်းနေကြသည်။ အလျားလိုက်မျဉ်းကြောင်းများနှင့် ဒေါင်းလိုက်မျဉ်းကြောင်းများ ဖြတ်သန်းသွားသည့်အခါ ဆုံမှတ်အခု(၉၀) ထွက်ပေါ်လာကြသည်။ စစ်တုရင်ခုံ၏ အဆုံးတစ်ဖက်တွင် “ မီ ”ဟူသော စကားလုံးနှင့် ဆင်တူသည့် နန်းတော်ကိုးခုအစီအရင်တစ်ခု ရှိ၏။</p> <p>နန်းတော်ကိုးခုအစီအရင်၏ အလယ်ဗဟိုတွင် အံ့ဖွယ်ကောင်းသော အနီရောင်ပလ္လင်တစ်ခု ရှိသည်။ ပလ္လင်ပေါ်တွင် အနီရောင်စစ်ချပ်ဝတ် ဝတ်ဆင်ထားသော စစ်သူကြီးတစ်ယောက်က မြင့်မြတ်ထည်ဝါစွာ ထိုင်နေသည်။ အကန့်အသတ်မဲ့ခွန်အားက သူ၏ တစ်ကိုယ်လုံးမှ ထုတ်လွှတ်နေသည်။ သူ၏ ဘေးတွင် မြေကြီးပေါ်မှာ စိုက်ဝင်နေသော အနီရောင်ဓားမော့တစ်လက် ရှိသည်။ စစ်သူကြီးသည် မည်သည့်အချိန်မဆို ဓားမော့ကို ဆွဲထုတ်နိုင်ပေသည်။</p> <p>စစ်သူကြီး၏ အရှေ့တွင် ပုံရိပ်နှစ်ခုသာ ရှိသည်။ ပုံရိပ်တစ်ခုသည် သူ၏ လမ်းကြောင်းကို ပိတ်ဆို့ထားသော ဆင်ဖြူတော်ဖြစ်ပြီး အခြားပုံရိပ်တစ်ခုသည် ကြက်သွေးရောင်လေးကို ကိုင်ထားသော မြားစစ်သည်တော် ဖြစ်သည်။ ထိုပုံရိပ်သုံးခုမှလွဲ၍ တခြားမည်သည့်အရာမှ မရှိပေ။</p> <p>အခြားတစ်ဖက်သည်တော့ လုံးဝ ဗလာဖြစ်သည်။</p> <p>ယင်းက အံ့ဖွယ်ထူးခြားသော စစ်တုရင်ခုံ ဖြစ်သည်။ တစ်ချိန်တည်းမှာ စစ်တုရင်ခုံက လျှို့ဝှက်ဆန်းကြယ်သော အရှိန်အဝါကို ထုတ်လွှတ်နေသည်။ ယင်းက နက်နဲသိမ်မွေ့ပြီး အံ့ဖွယ်ထူးခြားသည်။</p> <p>“ အားလုံးပဲ… ဘာမှမကြောက်ကြပါနဲ့… ကျုပ်တို့မှာ လူတစ်ထောင်ကျော်တောင်ရှိတယ်… အဲ့ဒီမိစ္ဆာသားရဲတွေက ဘယ်လောက်ပဲ သန်မာပါစေ ကျုပ်တို့ရဲ့ စုပေါင်းအင်အားထက်တော့ မသာလွန်နိုင်ပါဘူး… ကျုပ်တို့တွေ အင်အားပူးပေါင်းလိုက်မယ်ဆိုရင် မိစ္ဆာသားရဲတွေ ကျု်ပတို့ကို ဘာမှမလုပ်နိုင်ပါဘူး ”</p> <p>လျှို့ဝှက်ဆန်းကြယ်သော ကျင့်ကြံသူက အသက်ပြင်းပြင်းရှူသွင်းလိုက်ပြီး လေးနက်သော အသံဖြင့် ပြော၏။ သူ၏ အသံထဲမှာ ဝိညာဉ်စွမ်းအားက ပါဝင်နေသည်။ ထို့ကြောင့် အသံက မကျယ်လောင်သော်လည်း မိုးထိတောင်ပေါ်မှ ကျင့်ကြံသူအားလုံးက ယင်းကို ရှင်းလင်းစွာ ကြားနိုင်ကြသည်။</p> <p>ထိုစကားသံကို ကြားသောအခါ ကြောက်လန့်တုန်လှုပ်နေကြသော ကျင့်ကြံသူများသည် ရေနစ်ခါနီး ကောက်ရိုးတစ်မျှင်ကို ရှာတွေ့သွားသည့်အလား မျှော်လင့်ချက်အလင်းရောင်ကို မြင်သွားကြသည်။ သူတို့က ချက်ချင်း စိတ်တည်ငြိမ်သွားကြပြီး လျှို့ဝှက်ဆန်းကြယ်သော ကျင့်ကြံသူကို လှည့်ကြည့်လိုက်ကြသည်။</p> <p>ထိုသက်လတ်ပိုင်းကျင့်ကြံသူကို မြင်သွားသောအခါ လူအများအပြားက အံ့ဩစွာ အော်ပြောလိုက်ကြသည်။</p> <p>“ ငါ သူ့ကို သိတယ်… သူက ချီဝူကျူး… သူက ငါတို့လို တစ်ကိုယ်တော်လေလွင့်ကျင့်ကြံသူတွေထဲမှာ စစ်တုရင်ကို အရမ်းရူးသွပ်တဲ့ နာမည်ကျော်ကျင့်ကြံသူပဲ… သူ့ရဲ့ ကျင့်ကြံခြင်းက အခြေတည်နယ်ပယ်ကို ရောက်နေပြီလို့ ငါကြားဖူးတယ် ”</p> <p>“ သူက ရှားပါးသတ္ထုပစ္စည်းတွေနဲ့ သူစုဆောင်းထားတဲ့ ဓမ္မလက်နက်တွေကို အသုံးပြုပြီး စစ်တုရင်လောကလို့ခေါ်တဲ့ သက်စောင့်ဓမ္မလက်နက်ကို သန့်စင်ခဲ့တယ်တဲ့… စစ်တုရင်လောကရဲ့ စွမ်းအားက အကန့်အသတ်မဲ့တယ်… စစ်တုရင်လောကရဲ့ စွမ်းအားနဲ့ဆိုရင် အမြူတေဖွဲ့စည်းခြင်းနယ်ပယ် ကျင့်ကြံသူတစ်ယောက်တောင် သူ့ကို ဘာမှမလုပ်နိုင်ဘူး… သူရှိနေရင် ငါတို့တွေ ဘယ်မိစ္ဆာသားရဲကိုမှ ကြောက်နေစရာမလိုတော့ဘူး ”</p> <p>မျက်စိတစ်မှိတ်အတွင်းမှာ လူအများအပြားက လျှို့ဝှက်ဆန်းကြယ်သော ကျင့်ကြံသူအကြောင်း ဖော်ထုတ်လိုက်ကြသည်။</p> <p>ချီဝူကျူးသည် စစ်တုရင်ရူးသွပ်မှုကြောင့် တစ်ကိုယ်တော်လေလွင့်ကျင့်ကြံသူများထဲမှာ အလွန်နာမည်ကျော်ကြားသည်။ သူက သူ့ဘဝတစ်ခုလုံးကို စစ်တုရင်တာအိုအား ရှာဖွေရန် ရင်းနှီးမြှုပ်နှံထားသည်။ အစတွင် သူက ကျင့်ကြံသူတစ်ယောက် မဟုတ်ပေ။ သူက စစ်တုရင်ရူးသွပ်သူတစ်ယောက်မျှသာ ဖြစ်၏။ သူက စစ်တုရင်အကြောင်း နက်နက်နဲနဲ တွေးတောနေစဉ် မမျှော်လင့်ဘဲ ဉာဏ်အလင်းရသွားပြီး ကျင့်ကြံသူတစ်ယောက် ဖြစ်လာခဲ့သည်။ ကျင့်ကြံသူဖြစ်လာပြီးနောက် သူက စစ်တုရင်ကို မစွန့်လွှတ်ခဲ့ပေ။ ယင်းအစား သူက စစ်တုရင်ကို ပိုပြီးရူးသွပ်လာသည်။</p> <p>သူက စစ်တုရင်၏ အနှစ်သာရကို ရှာဖွေရန်အလို့ငှာ သေမျိုးလောက၏ စစ်ပွဲအများအပြားကို စောင့်ကြည့်လေ့လာခဲ့သည်။ နှစ်ပေါင်းများစွာကြာပြီးနောက် စစ်တုရင်နှင့်ပတ်သက်သော ဉာဏ်အလင်းများက သူ၏ စိတ်ထဲမှာ စုပြုံထွက်ပေါ်လာပြီး သူက စစ်တုရင်တာအို၏ လမ်းကြောင်းမှန်ပေါ်သို့ ရောက်ရှိသွားသည်။ သူက ရှားပါးသတ္ထုပစ္စည်းများနှင့် သူရှာဖွေစုဆောင်းထားသမျှ ဓမ္မလက်နက်များကို စတေး၍ စတုရင်လောကဟုခေါ်သော သူ့ကိုယ်ပိုင် သက်စောင့်ဓမ္မလက်နက်ကိုပင် ဖန်တီးသန့်စင်ခဲ့သည်။ စစ်တုရင်လောက၏ အထောက်အပံ့ကြောင့် သူ၏ စွမ်းအားက တစ်ဟုန်ထိုး မြင့်တတ်သွားသည်။</p> <p>တစ်ကိုယ်တော်လေလွင့်ကျင့်ကြံသူများထဲတွင် သူက အတော်လေး လွှမ်းမိုးနိုင်စွမ်းရှိသည်။</p> <p>“ ဟုတ်တယ်… ဒီနေရာမှာ ငါတို့ရဲ့ အရေအတွက်က အများကြီးပဲ… ငါတို့တစ်ယောက်စီက တံတွေးဝိုင်းထွေးမယ်ဆိုရင်တောင် အဲ့ဒီမိစ္ဆာသားရဲတွေ ရေနစ်သေသွားလိမ့်မယ်… ငါတို့တွေ အတူတူ အင်အားပူးပေါင်းမယ်ဆိုရင် အဲ့ဒီမိစ္ဆာသားရဲတွေကို ရပ်တန့်နိုင်လိမ့်မယ်… ပြီးတော့ မိစ္ဆာသားရဲတွေရဲ့ အစိတ်အပိုင်းအားလုံးက ရတနာတွေဆိုတာ ငါတို့မေ့ထားလို့ မဖြစ်ဘူး… သူတို့ကို ငါတို့သတ်နိုင်မယ်ဆိုရင် သူတို့ရဲ့ ခန္ဓာကိုယ်အစိတ်အပိုင်းတွေကို ဓမ္မလက်နက်တွေအဖြစ် ငါတို့သန့်စင်နိုင်လိမ့်မယ် ”</p> <p>သူ့စကားဆုံးသွားသည်နှင့် ဝတ်စုံဖြူဝတ်ဆင်ထားသော ကျိုးယွမ်ဖေးသည် လေဟုန်စီးမှော်အဆောင်ကို အသုံးပြု၍ လေပေါ်သို့ ပျံတတ်သွားသည်။ သူက သူတို့ဆီသို့ မြန်ဆန်စွာ ပြေးလာနေကြသော မိစ္ဆာသားရဲဘုရင်များကို စက်ဆုပ်ရွံရှာစွာ ကြည့်လိုက်သည်။ တိုက်ပွဲစိတ်ဆန္ဒက သူ၏ မျက်လုံးထဲမှာ ထွက်ပေါ်လာသည်။</p> <p>တောင်ပိုင်းမြေရိုင်းဒေသထဲမှ မိစ္ဆာသားရဲဘုရင်များသည် သူတို့ကို တိုက်ခိုက်ရန် အင်အားပူးပေါင်းသွားကြသည်။ ယင်းက မမျှော်လင့်ထားသောအရာ ဖြစ်သည်။ သို့သော်လည်း ဤတစ်ကြိမ်တွင် အနောက်ဆုတ်ရန် လမ်းမရှိတော့ပေ။ ကျင့်ကြံသူတစ်ထောင်ကျော်က စိတ်ဓာတ်ပြိုလဲသွားလျှင် ဤနေရာမှာ ရှိနေကြသော လူတိုင်းက ဘေးဒုက္ခရောက်ကြလိမ့်မည်။</p> <p>မကြာမီ လူအုပ်ကြားထဲမှာ ပုန်းလျှိုးနေကြသော ပညာရှင်ကျင့်ကြံသူများက တစ်ယောက်ပြီးတစ်ယောက် အရှေ့ထွက်လာကြသည်။ သူတို့ထဲမှာ အခြေတည်နယ်ပယ် ကျင့်ကြံသူတချို့ ပါရှိကြသည်။ ဤတစ်ကြိမ်တွင် အခြေတည်နယ်ပယ် ကျင့်ကြံသူများသည် နောက်ထပ် ပုန်းကွယ်မနေကြဘဲ သတ္တိရှိစွာ အရှေ့ထွက်လာကြသည်။</p> <p>“ ဟုတ်တယ်… ငါတို့ဆီမှာ လူအများကြီးပဲ… ဘာကို ကြောက်နေရမှာလဲ… အဲ့ဒီမိစ္ဆာသားရဲတွေနဲ့ အသေအကြေ တိုက်ခိုက်ကြမယ် ”</p> <p>“ ဟုတ်တယ်… မိစ္ဆာသားရဲတွေက အခြေတည်နယ်ပယ် ကျင့်ကြံသူတွေနဲ့ အဆင့်အတူတူပဲ… ငါတို့ဆီမှာလည်း အခြေတည်နယ်ပယ် ကျင့်ကြံသူတွေ ရှိတယ်… ဒီတော့ ငါတို့တွေ သူတို့ကို ရပ်တန့်နိုင်တယ်… အားကုန်ထုတ်သုံးကြမယ် ”</p> <p>ချီဝူကျူးနှင့် တခြားပညာရှင်ကျင့်ကြံသူများ၏ စိတ်ဓာတ်မြှင့်တင်ပေးမှုအောက်မှာ အရေအတွက်တစ်ထောင်ကျော်သော ကျင့်ကြံသူများက မြန်ဆန်စွာ စိတ်တည်ငြိမ်သွားကြသည်။ သူတို့အားလုံးက ဓမ္မလက်နက်အမျိုးမျိုးကို ထုတ်လိုက်ကြပြီး မှော်အဆောင်အမျိုးမျိုးကို လက်ထဲမှာ ဆုပ်ကိုင်လိုက်ကြသည်။</p> <p>ကောင်းကင်ပေါ်တွင် အခြေတည်နယ်ပယ် ကျင့်ကြံသူများက သုံးယောက်တစ်အုပ်စု ငါးယောက်တစ်အုပ်စု ဖွဲ့စည်းလိုက်ကြသည်။ အလွန်အားကောင်းသော တိုက်ပွဲအရှိန်အဝါက ပျံ့လွင့်သွားစဉ် သူတို့က အဝေးမှ မိစ္ဆာသားရဲများကို စူးစိုက်ကြည့်လိုက်ကြသည်။</p> <p>သီရှီထျန်နှင့် တခြားမိစ္ဆာသားရဲဘုရင်များ၏ ချောက်ချားဖွယ်ကောင်းသော ဖိအားအောက်မှာပင် ထိုကျင့်ကြံသူများက အံ့ဖွယ်ကောင်းစွာ စည်းလုံးသွားကြသည်။</p> <p>“ ဘန်း ဘန်း ဘန်း ”</p> <p>မဟူရာမိစ္ဆာချီက အနက်ရောင်မျောက်ဝံဘုရင်၏ ခန္ဓာကိုယ်ထဲမှ ပေါ်လျှိုးလာသည်။ သူခြေတစ်လှမ်း လှမ်းလိုက်တိုင်း မြေကြီးက တုန်ခါသွားသည်။ သူ့အရှေ့မှ သစ်ပင်ကြီးများက အပိုင်းပိုင်းအစစ ကျိုးပဲ့သွားကြစဉ် ကျောက်တုံးများက သူ၏ ခြေဖဝါးအောက်မှာ ဖုန်မှုန့်ဖြစ်သွားကြသည်။ ဤသည်မှာ ဘီလူးတစ်ကောင်က အရှေ့သို့ မကြောက်မရွံ့ ချီတတ်သွားနေသည့်အလားပင်။ သူ၏ ဦးခေါင်းထက်မှာ မိစ္ဆာချီက ပိုပြီးသိပ်သည်းသွားသည်။ သူ့အရှေ့မှ ကျင့်ကြံသူများကို စိုက်ကြည့်လိုက်စဉ် သူ၏ သားရဲမျက်လုံးက အနီရောင်ပြောင်းလဲသွားသည်။ သွေးဆာလောင်မှုနှင့် ပြင်းထန်သော တိုက်ပွဲစိတ်ဆန္ဒက သူ၏ မျက်လုံးထဲမှာ ထွက်ပေါ်လာသည်။</p> <p>“ မင်းတို့လို ငချွတ်ကျင့်ကြံသူတွေက ငါကင်းကောင်ရဲ့ အရှေ့မှာ မောက်မာရဲတယ်လား… ဒီဖိုးဖိုးက မင်းတို့ကောင်တွေကို ဘယ်လိုဆုံးမမလဲ ကြည့်လိုက်ကြစမ်း ”</p> <p>အနက်ရောင်ဝက်ဝံဘုရင်က မောက်မာထောင်လွှားစွာ အော်လိုက်သည်။ သူ၏ ပါးစပ်မှ ထွက်လာသော စကားက လူသားဘာသာစကား ဖြစ်သည်။ ကျင့်ကြံသူများသည် ထိုစကားကို ကြားသောအခါ မျက်နှာပျက်ယွင်းသွားကြပြီး ဒေါသထွက်သွားကြသည်။</p> <p>“ သတ်… အဲ့ဒီကင်းကောင်ကို သတ်ပစ်… ”</p> <p>“ အားလုံးပဲ… အတူတူ တိုက်ကြမယ်… ဒီကောင်က ငါတို့တွေကို အထင်သေးရဲတယ်… ငါတို့တွေ ဒီကောင်ကို ဒီအတိုင်း မလွှတ်ထားနိုင်ဘူး ”</p> <p>တရားမျှတပြီး တည်ကြည်ဖြောင့်မတ်သော ကျင့်ကြံသူများသည် ဤအခိုက်အတန့်မှာ လုံးဝ ဒေါသထွက်သွားကြသည်။ သူတို့က လက်ထဲမှာ ဆုပ်ထားသော ဝိညာဉ်မှော်အဆောင်များကို သာမန်စက္ကူရွက်များသဖွယ် တစ်ခုပြီးတစ်ခု ပစ်လွှတ်လိုက်ကြသည်။ မှော်အဆောင်များသည် လေထဲမှာ တိုက်ခိုက်မှုအမျိုးမျိုးအဖြစ် ပြောင်းလဲသွားကြသည်။</p> <p>ချွန်ထက်သော လှံများက မြေကြီးထဲမှ ထွက်ပေါ်လာကြပြီး မီးဘောလုံးများက လေထဲမှာ ဖွဲ့စည်းသွားကြသည်။ လေဓားသွားများ၊ ရေခဲဓားသွားများ အစရှိသော တိုက်ခိုက်မှုများက အနက်ရောင်မျောက်ဝံဘုရင်ထံသို့ အရပ်မျက်နှာအသီးသီးမှ ပျံသန်းသွားကြသည်။</p> <p>ဓမ္မလက်နက်အမျိုးမျိုးသည်လည်း ရောင်စုံအလင်းများကို ထုတ်လွှတ်လိုက်ကြသည်။ ယင်းတို့က ‌ကျိုင်းကောင်အုပ်စုသဖွယ် အနက်ရောင်မျောက်ဝံဘုရင်ထံသို့ ဦးတည်သွားကြသည်။ အနက်ရောင်မျောက်ဝံဘုရင်၏ ခန္ဓာကိုယ်က အလွန်ကြီးမားလေရာ ထိုတိုက်ခိုက်မှုများကို သူမရှောင်တိမ်းနိုင်ပေ။</p> <p>ထိုအခိုက်အတန့်မှာ ရောင်စုံအလင်းများ၊ အားကောင်းသော တိုက်ခိုက်မှုအမျိုးမျိုးက အနက်ရောင်မျောက်ဝံဘုရင်၏ ဧရာမခန္ဓာကိုယ်ကို ဖုံးလွှမ်းသွားကြသည်။</p> <p>“ ဂရား ”</p> <p>အနက်ရောင်မျောက်ဝံဘုရင်သည် သူ့ထံသို့ ဦးတည်လာနေသော တိုက်ခိုက်မှုများကို လုံးဝ ဂရုမစိုက်နေပေ။ သူက ဘယ်ခြေကို မြှောက်၍ မြေကြီးကို အကြမ်းပတမ်း ဆောင့်နင်းလိုက်သည်။ သူ၏ သားရဲမျက်လုံးထဲမှာ တအိအိလှုပ်ခတ်နေသော မိစ္ဆာမီးလျှံက ပေါ်လျှိုးလာသည်။ “ ဘန်း ”ဟူသော မြည်သံကြောင့် မြေကြီးက ပြင်းထန်စွာ တုန်ယင်သွားပြီး အက်ကွဲသွားသည်။ အက်ကွဲကြောင်းများသည် ပင့်ကူအိမ်သဖွယ် အရပ်မျက်နှာအသီးသီးသို့ မြန်ဆန်စွာ ပျံ့နှံ့သွားသည်။</p> <p>အရွယ်အစားကြီးမားသော မျောက်ဝံလက်က အပေါ်သို့ မြှောက်တင်သွားသည်။ မိစ္ဆာချီသည် မျောက်ဝံလက်သည်းထံမှ ရူးသွပ်စွာ ထွက်ပေါ်လာသည်။ ယင်းက အလွန်ထူးဆန်းပြီး မျောက်ဝံလက်သည်းကို စက္ကန့်ပိုင်းလေးအတွင်း အပြည့်ဖုံးလွှမ်းသွားသည်။</p> <p> </p> <p> </p> <p> </p> <p> </p> <p style="text-align:center">***</p>


Save