Book List

<h2 style="text-align:center">အခန်း (၂၈၁)</h2> <h2 style="text-align:center">နောက်တစ်ကြိမ် အတူတူတိုက်ခိုက်ကြရအောင်</h2> <h2 style="text-align:center">*</h2> <p> </p> <p>မုန့်ဝမ်သည် သူမ၏ ခန္ဓာကိုယ်အပေါ်သို့ ကြီးမားသော ဖိအားတစ်ခု ကျရောက်လာသဖြင့် အသက်ရှူပင် မဝနိုင်တော့သလို ခံစားလိုက်ရသည်။</p> <p>သူမသည် အစွမ်းကုန် တိမ်းရှောင်ရန် ကြိုးစားသော်လည်း သူမ၏ ခန္ဓာကိုယ်မှာ ချုပ်နှောင်ခံထားရသကဲ့သို့ လုံးဝ လှုပ်ရှား၍ မရတော့ပေ။</p> <p>ထိုအချိန်မှာပင် ချင်းယီ၏ လက်ဝါးချက်မှာ မုန့်ဝမ်၏ ရင်ဘတ်ကို တည့်တည့်မတ်မတ် ထိမှန်သွားတော့သည်။</p> <p>မုန့်ဝမ်သည် တစ်ကိုယ်လုံးရှိ အရိုးများ အကုန်အက်ကွဲသွားသကဲ့သို့ စူးရှသော နာကျင်မှုကို ခံစားလိုက်ရသည်။</p> <p>ထို့နောက် အံကို တင်းတင်းကြိတ်ကာ ခန္ဓာကိုယ်ကို သွေးမြူအဖြစ် ပြောင်းလဲ၍ ပျောက်ကွယ်သွားရန် ကြိုးစားလိုက်သည်။</p> <p>၎င်းကို မြင်သောအခါ ချင်းယီ၏ နှုတ်ခမ်းထက်တွင် အပြုံးတစ်ခု ပေါ်လာပြီး ခေါင်းကို အသာအယာ ခါလိုက်သည်။</p> <p>သူမသည် ညာဘက်လက်ကို ရုတ်တရက် ဆန့်ထုတ်ကာ ဟာလာဟင်းလင်းပြင်ရှိ နေရာတစ်ခုသို့ လှမ်းဖမ်းလိုက်သည်။</p> <p>ဝူး...</p> <p>ဟင်းလင်းပြင်မှာ လှိုင်းထသွားပြီး သွေးမြူတိမ်တိုက်တစ်ခု လေထဲတွင် ပေါ်လာကာ ချင်းယီ၏ လက်ထဲတွင် မုန့်ဝမ်၏ ပုံရိပ်အဖြစ် ပြန်လည် စုစည်းသွားတော့သည်။</p> <p>မုန့်ဝမ်၏ မျက်နှာမှာ ဖြူလျော်နေပြီး နှုတ်ခမ်းထောင့်တွင် သွေးစအချို့ စီးကျနေသည်။ သူမ ရှုံးသွားပြီဆိုတာကို သိလိုက်ရသည်။</p> <p>သို့သော် ချင်းယီက သူမကို စိတ်ဝင်တစား ကြည့်ကာ ပြောလိုက်သည် ...... "ငါ့လက်ထဲမှာ လေးကွက်အထိ ခံနိုင်တာပဲ... မင်း တော်တော်လေး ကောင်းပါတယ်"</p> <p>ချင်းယီ၏ အသံမှာ ကွင်းပြင်တစ်ခုလုံးတွင် ဟိန်းထွက်သွားသည်။</p> <p>မုန့်ဝမ်က ခါးသီးစွာ ပြုံးလိုက်ရင်း "တပည့်မ မုန့်ဝမ်... နည်းပြရဲ့ လက်ညှာတာမှုကို ကျေးဇူးတင်ပါတယ်" ဟု ဆိုကာ စင်ပေါ်မှ ဆင်းခဲ့သည်။</p> <p>မုန့်ဝမ် ဆင်းသွားပြီးနောက် ချင်းယီသည် လူအုပ်ကို ဓားသွားကဲ့သို့ စူးရှသော အကြည့်ဖြင့် ဝေ့ကြည့်လိုက်သည်။</p> <p>"နောက်ထပ် ဘယ်သူ စိန်ခေါ်ချင်သေးလဲ......"</p> <p>ကွင်းပြင်တစ်ခုလုံး တိတ်ဆိတ်သွားသည်။</p> <p>မုန့်ဝမ်၏ စွမ်းဆောင်ရည်မှာ လူတိုင်းကို တုန်လှုပ်စေခဲ့ပြီး စိန်ခေါ်လိုစိတ်များကို ငြိမ်းသတ်လိုက်သလို ဖြစ်သွားသည်။</p> <p>"ကြည့်ရတာ မင်းတို့အားလုံး ကိုယ့်အစွမ်းကိုယ် ကောင်းကောင်း သိသွားကြပြီပဲ" ချင်းယီက ပြုံးစစဖြင့် ဆက်ပြောလိုက်သည်</p> <p>"နက်နဲသောဝိညာဉ်အဆင့် ပုဂ္ဂိုလ်တစ်ယောက်အနေနဲ့ မင်းတို့နဲ့ တစ်ယောက်ချင်း တိုက်နေတာက နည်းနည်းတော့ အနိုင်ကျင့်ရာ ရောက်တာပေါ့။</p> <p>ဒီလိုလုပ်ရအောင်... မင်းတို့ စိတ်ကြိုက် အသင်းတွေဖွဲ့၊ လူဦးရေ ကန့်သတ်ချက်မရှိဘူး။ နောက်တစ်ခါကျရင် အားလုံး စုပြီး ငါ့ကို တိုက်ကြ။</p> <p>စည်းကမ်းက အတူတူပဲ၊ ငါ့ကို အနိုင်ယူနိုင်တဲ့သူက ငါ့ရဲ့ တပည့် ဖြစ်ခွင့်ရမယ်"</p> <p>ထိုစကားမှာ တိတ်ဆိတ်နေသော ရေကန်ထဲသို့ ကျောက်တုံးကြီး တစ်လုံး ပစ်ချလိုက်သကဲ့သို့ လူအုပ်ကို ဆူညံသွားစေသည်။</p> <p>"အားလုံးပေါင်းပြီး တိုက်ရမယ် ဟုတ်လား...... အားလုံးပေါင်းရင်တောင် နည်းပြကို ယှဉ်နိုင်ပါ့မလား..."</p> <p>"ဟုတ်တယ်၊ ဒီလိုပွဲက ဘာအဓိပ္ပာယ်ရှိမှာလဲ..."</p> <p>မေးခွန်းများစွာ ထွက်ပေါ်လာသည်။</p> <p>သူတို့သည် ချင်းယီ၏ အစွမ်းကို မြင်ထားပြီးဖြစ်ရာ အားလုံးပေါင်းတိုက်လျှင်ပင် နိုင်ခြေမှာ အလွန်နည်းပါးလှသည်။</p> <p>"ဘာလဲ......သတ္တိမရှိဘူးလား......"</p> <p>ချင်းယီက မျက်မှောင်ကြုတ်ကာ စိန်ခေါ်သည့် လေသံဖြင့် ပြောလိုက်သည် "စိန်ခေါ်ဖို့ သတ္တိတောင် မရှိတဲ့ အမှိုက်တွေဆိုရင်တော့ ကောင်းကင်တာအိုအကယ်ဒမီကနေ အမြန်ဆုံး ထွက်သွားကြတာ ပိုကောင်းမယ်"</p> <p>ဤလှောင်ပြောင်မှုမှာ မာနကြီးသော ကျောင်းသားများအတွက် ထိရောက်လှသည်။</p> <p>သူတို့၏ မျက်လုံးများထဲတွင် အလျှော့မပေးလိုသော တိုက်ခိုက်လိုစိတ်များ တောက်လောင်လာသည်။</p> <p>"ဘယ်သူက သတ္တိမရှိဘူး ပြောလဲ...... အားလုံးပေါင်းတိုက်ရမယ်ဆိုရင်လည်း တိုက်မယ်......" တစ်ဦးက အော်ဟစ်လိုက်သည်။</p> <p>"ဟုတ်တယ်...... အားလုံး ဝိုင်းတိုက်ရင်တော့ မနိုင်စရာ အကြောင်းမရှိဘူး......"</p> <p>"စိတ်ဓာတ် ကောင်းကြသားပဲ" ချင်းယီက ပြုံးလိုက်သည် "ဒီနေ့အတွက် သင်ကြားမှု ဒီမှာတင် ပြီးပြီ။ နောက်တစ်ကြိမ် သင်တန်းကျရင် မင်းတို့ရဲ့ စွမ်းဆောင်ရည်ကို ငါ စောင့်ကြည့်နေမယ်"</p> <p>ပြောပြီးသည်နှင့် ချင်းယီ၏ ပုံရိပ်မှာ ပျောက်ကွယ်သွားတော့သည်။</p> <p>နည်းပြ ထွက်သွားပြီးနောက်တွင်လည်း လူတိုင်း၏ စိတ်လှုပ်ရှားမှုမှာ လျော့ပါးမသွားဘဲ အချင်းချင်း အသင်းများဖွဲ့ကာ နည်းဗျူဟာများ တိုင်ပင်ကြတော့သည်။</p> <p>အချို့က အစီအရင် သုံးရန်၊ အချို့က ပူးပေါင်းတိုက်ကွက်များ သုံးရန်၊ အချို့ကမူ ချင်းယီ၏ အားနည်းချက်ကို ရှာရန် တိုင်ပင်နေကြသည်။</p> <p>ဝတ်စုံစိမ်းဝတ်ကာ မာနကြီးဟန်ရှိသော လူငယ်တစ်ဦးမှာ ထောင့်တစ်နေရာတွင် ရှိနေသော မုန့်ဝမ်ထံသို့ တန်းတန်းမတ်မတ် လျှောက်လာသည်။</p> <p>သူက လက်အုပ်ချီကာ နှုတ်ဆက်လိုက်သည် ...... "ငါက ရွှီထျန်းမင် ပါ၊ ဓားကျင့်ကြံသူတစ်ဦးပေါ့။ ခုနက နည်းပြချင်းယီကို တတိယမြောက်ကွက်အထိ ထုတ်သုံးအောင် ငါ လုပ်နိုင်ခဲ့တယ်။ မိတ်ဆွေ မုန့်ရဲ့ အစွမ်းကိုလည်း အားလုံး မြင်ပြီးသားပါ။ ငါနဲ့ အသင်းဖွဲ့ဖို့ စိတ်ဝင်စားသလား......ငါတို့နှစ်ယောက် ပူးပေါင်းရင် အသန်မာဆုံး အသင်းဖြစ်မှာ သေချာတယ်"</p> <p>ရွှီထျန်းမင်၏ အသံမှာ ကျယ်လှသဖြင့် ဘေးပတ်ပတ်လည်မှ လူများက သတိထားမိသွားကြသည်။ မုန့်ဝမ် မတုံ့ပြန်ရသေးမီမှာပင် နောက်ထပ် အေးစက်စက် အသံတစ်သံ ထွက်ပေါ်လာသည်။</p> <p>"ဟက်... ရွှီထျန်းမင်၊ မင်းက ဘာမို့လို့ အသန်မာဆုံး အသင်းလို့ ပြောနေတာလဲ...... မိတ်ဆွေ မုန့်၊ ကျွန်တော်က ဖန်ကျိုး ပါ၊</p> <p>ကျွန်တော်လည်း သွေးကျင့်စဉ် ကျင့်ကြံသူ တစ်ယောက်ပဲ။ ကျွန်တော်တို့ နှစ်ယောက် ပူးပေါင်းရင် သွေးကျင့်စဉ်ရဲ့ စွမ်းအားကို ပိုပြီး ထုတ်ဖော်နိုင်လိမ့်မယ်......"</p> <p>"သွေးကျင့်စဉ် ကျင့်ကြံသူအချင်းချင်း ပူးပေါင်းတာက ဘာထူးခြားမှာလဲ။ စီနီယာအစ်မ မုန့်က ကျွန်တော်တို့လို အစီအရင် ကျင့်ကြံသူတွေနဲ့ ပူးပေါင်းတာ ပိုကောင်းပါတယ်"</p> <p>ခေတ္တအတွင်းမှာပင် မုန့်ဝမ်၏ ဘေးပတ်လည်တွင် လူများစွာ စုပြုံလာကြပြီး သူမနှင့် အသင်းဖွဲ့ရန် ကမ်းလှမ်းကြသည်။</p> <p>မုန့်ဝမ်က တည်ငြိမ်စွာ နားထောင်နေပြီး နှုတ်ခမ်းထက်တွင် အပြုံးတစ်ခု အမြဲရှိနေသည်။</p> <p>"အားလုံးရဲ့ စေတနာကို ကျေးဇူးတင်ပါတယ်။ ဒီကိစ္စက အရေးကြီးတာမို့ ကျွန်မ သေသေချာချာ စဉ်းစားပါရစေ......"</p> <p>မုန့်ဝမ်က တိုက်ရိုက်မငြင်းသဖြင့် လူတိုင်းမှာ ဝမ်းသာသွားကြပြီး နာမည်များကို အသီးသီး ပြောကြားကာ သူမ ပါဝင်လာမည့်အချိန်ကို မျှော်လင့်နေကြသည်။</p> <p>လေ့ကျင့်ရေးကွင်းတွင် ကျင့်ကြံသူများမှာ သုံးယောက်တစ်တွဲ၊ ငါးယောက်တစ်တွဲ အသင်းများ ဖွဲ့နေကြသည်။</p> <p>လူနှစ်ဆယ်၊ သုံးဆယ်ပါသော အသင်းကြီးများမှာ ပူးပေါင်းတိုက်ကွက်များကို လေ့ကျင့်ရန် ပြင်ဆင်နေကြပြီး၊ လူဆယ်ယောက်ခန့်ပါသော အသင်းများကမူ အစီအရင်ဖြင့် တိုက်ခိုက်ရန် စီစဉ်နေကြသည်။</p> <p>မုန့်ဝမ်ကတော့ မည်သည့်အသင်းတွင်မှ မပါဝင်သေးဘဲ တစ်ကိုယ်တည်း တိတ်ဆိတ်စွာ ရပ်နေခဲ့သည်။ သူမသည် ခေတ္တမျှ စဉ်းစားပြီးနောက် ခါးချိတ်ပြားကို ထုတ်ကာ စီနီယာအစ်ကို ချီ ထံသို့ သတင်းပို့လိုက်သည်။</p> <p>စီနီယာအစ်ကို ချီသည် နက်နဲသောဝိညာဉ်အဆင့်ဖြင့် ဝိညာဉ်ပြောင်းလဲခြင်းအဆင့် ပုဂ္ဂိုလ်တစ်ဦးကို အနိုင်ယူခဲ့ဖူးသူ ဖြစ်သည်။</p> <p>သူ ဘယ်လို လုပ်ခဲ့သလဲ၊ ဝိညာဉ်ပြောင်းလဲခြင်းအဆင့် ကျင့်ကြံသူတစ်ဦး၏ တိုက်ခိုက်နိုင်စွမ်းက ဘယ်လောက်အထိ ကြောက်စရာကောင်းသလဲ ဆိုသည်ကို သူမ သိချင်နေသည်။</p> <p>မကြာမီမှာပင် ခါးချိတ်ပြားမှာ လက်ခနဲ ဖြစ်သွားသည်။ မုန့်ဝမ်က သူမ၏ ဝိညာဉ်အာရုံဖြင့် ဖတ်ကြည့်လိုက်ရာ ချီယွမ်ရှောင်၏ ပြန်စာကို တွေ့လိုက်ရသည်။</p> <p>"ရွှေအမြုတေအဆင့်နဲ့ နက်နဲသောဝိညာဉ်အဆင့် ပုဂ္ဂိုလ်ကို စိန်ခေါ်မယ် ဟုတ်လား...... ဂျူနီယာ မုန့်... မင်းရဲ့ အကြံက တော်တော်လေးကို ရဲတင်းလွန်းနေပြီ..........."</p> <p>ချီယွမ်ရှောင်၏ ပြုံးစစအသံက မုန့်ဝမ်၏ စိတ်ထဲတွင် ပဲ့တင်ထပ်သွားသည်။</p> <p>"ပြိုင်ဘက်က သူတို့ရဲ့ ကျင့်ကြံဆင့်ကို ရွှေအမြုတေအဆင့်အထိ နှိမ့်ထားရင်တောင်မှ သူတို့ရဲ့ အမြင်အာရုံ၊ ဝိညာဉ်စွမ်းအားနဲ့ အတွေ့အကြုံတွေကတော့ မပြောင်းလဲဘူး။ မင်း သေချာပေါက် နိုင်မှာ မဟုတ်ဘူး"</p> <p>မုန့်ဝမ်က မျက်မှောင်ကြုတ်လိုက်ရင်း "စီနီယာအစ်ကို... နက်နဲသောဝိညာဉ်အဆင့်နဲ့ ဝိညာဉ်ပြောင်းလဲခြင်းအဆင့်က ရွှေအမြုတေအဆင့်နဲ့ ယှဉ်ရင် ဘာတွေ ကွာခြားသွားတာလဲ......"</p> <p>"နက်နဲသောဝိညာဉ်အဆင့် ဆိုတာက ကိုယ့်ရဲ့ သက်စောင့်စွမ်းအင်တွေကို စုစည်းပြီး ဝိညာဉ်ကလေးငယ်အဖြစ် ပုံဖော်လိုက်တာပဲ..... အဲဒါက စွမ်းအားအသစ်တစ်ခုကို ပိုင်ဆိုင်လိုက်တာနဲ့ အတူတူပဲ.......</p> <p>ဝိညာဉ်ပြောင်းလဲခြင်းအဆင့် ကျတော့ အဲဒီ ဝိညာဉ်ကလေးငယ်နဲ့ ကိုယ့်ရဲ့ ဝိညာဉ်အာရုံတွေ ပေါင်းစည်းသွားတဲ့ အဆင့်ပဲ"</p> <p>ချီယွမ်ရှောင်က စိတ်ရှည်လက်ရှည် ရှင်းပြသည် ...... "ဝိညာဉ်ပြောင်းလဲခြင်းအဆင့် ကျင့်ကြံသူတစ်ယောက်ရဲ့ ဝိညာဉ်အာရုံ က အလွန်အစွမ်းထက်တယ်။</p> <p>မင်းရဲ့ ပုံရိပ်ယောင်တွေကို သူတို့က အလွယ်တကူ မြင်နိုင်သလို မင်း ဂုဏ်ယူနေတဲ့ နည်းလမ်းတွေက သူတို့ရှေ့မှာ ဘာမှမဟုတ်တော့ဘူး"</p> <p>မုန့်ဝမ်သည် နည်းပြချင်းယီ၏ နက်နဲလှသော အစွမ်းကို ပြန်လည်အမှတ်ရပြီး စိတ်ထဲတွင် အားငယ်မှု အနည်းငယ် ခံစားလိုက်ရသည်။ သူမက နည်းပြပေးထားသော စိန်ခေါ်မှုကို ချီယွမ်ရှောင်အား ပြောပြလိုက်သည်။</p> <p>"တကယ်တော့ မင်းမေးကတည်းက ငါ ခန့်မှန်းမိပါတယ်။ အောက်အကယ်ဒမီ တစ်ခုလုံးမှာ နည်းပြချင်းယီ တစ်ယောက်ပဲ အဲဒီလို... ထူးထူးခြားခြား ရှိတာ" ဟု ချီယွမ်ရှောင်က ရယ်ရင်း ပြောလိုက်သည်။</p> <p>"စီနီယာအစ်ကို... အနိုင်ရမယ့် နည်းလမ်း ရှိနိုင်မလား......"</p> <p>"ခက်တယ်... မဖြစ်နိုင်ဖို့က များတယ်........."</p> <p>ချီယွမ်ရှောင် ခေတ္တ တိတ်ဆိတ်သွားပြီးမှ ဆက်ပြောသည် "ပြိုင်ဘက်က သူ့ရဲ့ ကျင့်ကြံဆင့်ကို အခြေခံတည်ဆောက်ခြင်းအဆင့် အထိ နှိမ့်ချပေးမှသာ မင်းတို့မှာ နိုင်ခြေ အနည်းငယ် ရှိလိမ့်မယ်။ ဒါပေမဲ့ ဂျူနီယာ... စိတ်ဓာတ်မကျပါနဲ့"</p> <p>မုန့်ဝမ် စိတ်အားငယ်သွားမည်ကို စိုးရိမ်သဖြင့် ချီယွမ်ရှောင်က ထပ်ရှင်းပြသည် ...... "နည်းပြချင်းယီက မင်းတို့ ကျောင်းသားတွေရဲ့ အစွမ်းအကုန် ထွက်လာအောင် တွန်းအားပေးနေတာပါ။</p> <p>စွမ်းဆောင်ရည်ကောင်းတဲ့ ကျောင်းသားရှိရင် သူမကို အနိုင်မတိုက်နိုင်ရင်တောင် တပည့်အဖြစ် လက်ခံမှာပါ...... မင်း..  နည်းပြချင်းယီရဲ့ လက်ထဲမှာ ဘယ်နှစ်ကွက် တောင့်ခံနိုင်ခဲ့လဲ......"</p> <p>"သုံးကွက်ပါ..... လေးကွက်မြောက်မှာ ကျွန်မ ရှုံးသွားတယ်..." မုန့်ဝမ်က နောင်တရဟန်ဖြင့် ဖြေလိုက်သည်။</p> <p>ထိုအဖြေကို ကြားလိုက်ရသောအခါ တစ်ဖက်မှ ချီယွမ်ရှောင်မှာ ခေတ္တမျှ မှင်တက်သွားပြီးနောက် ဟက်ဟက်ပက်ပက် ရယ်မောလိုက်သည်။</p> <p> </p> <p style="text-align:center">***</p> <p> </p>


Save