Book List

<h2 style="text-align:center">အခန်း(၁၁၇)</h2> <h2 style="text-align:center">*</h2> <p> </p> <p>“ အဲ့ဒီဆင်နဲ့ စစ်သည်တော်တွေက စစ်တုရင်အရုပ်တွေ ဖြစ်ကြတယ်… ဒီနေရာက စစ်မြေပြင် ဖြစ်တယ်… မသေမျိုးကျင့်ကြံသူတွေရဲ့ နည်းလမ်းတွေက တကယ်အံ့ဩစရာပါလား… သူတို့က စစ်တုရင်ကိုတောင် တိုက်ခိုက်မှုအဖြစ် အသုံးပြုနိုင်ကြတယ် ”</p> <p>ယင်းကို မြင်သောအခါ သီရှီထျန် အံ့ဩသွားသည်။ သို့သော်လည်း သူက မကြောက်လန့်သွားပေ။ သူ၏ တိုက်ခိုက်မှုက ချီဝူကျူးကို ဒဏ်ရာရစေလိမ့်မည်ဟု အစကတည်းက သူမမျှော်လင့်ထားပေ။ ယင်းက တစ်ဖက်လူ၏ တိုက်ခိုက်ပုံကို စူးစမ်းရန်အတွက်သာ ဖြစ်သည်။</p> <p>သူမျှော်လင့်ထားသကဲ့သို့ပင် ဤစစ်တုရင်ခုံမှာ ထူးဆန်းသောစွမ်းအား အမှန်တကယ် ရှိသည်။ စစ်တုရင်ခုံပေါ်မှ စစ်တုရင်အရုပ်များဆီမှာ အံ့ဖွယ်ကောင်းသော တိုက်ခိုက်စွမ်းရည်များ ရှိကြသည်။ ထို့ပြင် တိုက်ခိုက်စွမ်းရည်က အလွန်အားကောင်းပြီး ထိတ်လန့်ဖွယ်ကောင်းသည်။</p> <p>“ စစ်တုရင်ဆင်ဝိညာဉ်… မိုးကောင်းကင်ကို လှုပ်ခါပြီး မြေကြီးကို တုန်ယင်စေ ”</p> <p>ချီဝူကျူးသည် တိုက်ပွဲအတွေ့အကြုံများပြားသူ ဖြစ်သည်။ ထို့ပြင် သူက သူ့ကိုယ်ပိုင် သက်စောင့်ဓမ္မလက်နက်ကို ကောင်းမွန်စွာ အသုံးပြုနိုင်သည်။ မိစ္ဆာမြူနှင်းဓားသွားက ရေခဲရုပ်တုဖြစ်သွားပြီး နောက်ထပ် မရွေ့လျားနိုင်တော့ကြောင်း မြင်သောအခါ သူက နောက်တစ်ကြိမ် အော်လိုက်ပြီး စစ်တုရင်လောက၏ အံ့ဖွယ်စွမ်းရည်ကို နောက်တစ်ကြိမ် အသုံးပြုလိုက်သည်။</p> <p>“ မူး ”</p> <p>ဧရာမဆင်ဖြူတော်သည် အစက လှုပ်ရှားမှုကင်းမဲ့နေရာမှ လေးနတ်ဘုရားကဲ့သို့ ရုတ်တရက် မျက်လုံးဖွင့်လိုက်ပြီး ကျယ်လောင်စွာ အော်မြည်လိုက်သည်။ စက်ကရာကို မြင်သွားသောအခါ သူ၏ မျက်လုံးထဲ၌ တိုက်ပွဲစိတ်ဆန္ဒဖြင့် ပြည့်နှက်သွားသည်။</p> <p>သူက ဦးခေါင်းကို ရုတ်တရက် လွှဲယမ်းလိုက်သည်။ ဘေးပတ်ဝန်းကျင်မှ အကန့်အသတ်မဲ့ခွန်အားက သူ၏ ခန္ဓာကိုယ်ထဲသို့ ဒလဟော တိုးဝင်လာသည်။ ထို့နောက် အဖြူရောင်အလင်းက ဆင်ခန္ဓာကိုယ်ထဲမှ ပေါက်ကွဲထွက်လာသည်။ နောက်အခိုက်အတန့်မှာ အံ့ဖွယ်ကောင်းသော မြင်ကွင်းတစ်ခု ထွက်ပေါ်လာသည်။</p> <p>ဆင်၏ နှာမောင်းသည် စွန်းဝူခုန်း၏ ရွှေတုတ်ကဲ့သို့ အကန့်အသတ်မဲ့စွာ ရှည်လျားသွားသည်။ မျက်စိတစ်မှိတ်အတွင်းမှာ ယင်းက မီတာဒါဇင်ခန့် ရှည်လျားသွားသည်။ သူ့ခန္ဓာကိုယ်က နေရာမှ မရွေ့လျားသွားသော်လည်း ဆင်နှာမောင်းသည် ဝိညာဉ်မြွေတစ်ကောင်သဖွယ် ရွေ့လျားသွားပြီး စက်ကရာထံသို့ ဦးတည်သွားသည်။</p> <p>စစ်တုရင်လောက ဓမ္မလက်နက်သည် ချီဝူကျူး၏ သွေး၊ ချွေး၊ မျက်ရည်ဖြင့် ဖန်တီးထားသောအရာ ဖြစ်သည်။ သူက ဤသက်စောင့်ဓမ္မလက်နက်ကို ဖန်တီးသန့်စင်ရန် ရှားပါးသော သတ္ထုပစ္စည်းအများအပြားကို အသုံးပြုခဲ့သည်။</p> <p>ဤစစ်တုရင်ခုံပေါ်မှာ စစ်တုရင်အရုပ်သုံးရုပ်တည်း ရှိသော်လည်း ယင်းတို့က သာမန်စစ်တုရင်အရုပ်များ မဟုတ်ကြချေ။</p> <p>စစ်တုရင်ခုံကို ဖန်တီးသန့်စင်ရန် သတ္ထုပစ္စည်းအများအပြားကို လိုအပ်ရုံသာမက စစ်တုရင်ဝိညာဉ်သည် ပိုပြီးရှုပ်ထွေးနက်နဲသည်။ ထိုအတွက် အသုံးပြုထားသော နည်းစနစ်သည် ပိုပြီးအံ့ဖွယ်ကောင်းသည်။ ယင်းက ရုပ်သေးရုပ် သန့်စင်သော လျှို့ဝှက်နည်းစနစ် ဖြစ်သည်။ ထို့ပြင် ထိုရုပ်သေးရုပ်များသည် တခြားရုပ်သေးရုပ်များနှင့် ကွဲပြားခြားနားကြသည်။ ရုပ်သေးတစ်ရုပ် ဖန်တီးရန်အလို့ငှာ လိုအပ်သော သတ္ထုပစ္စည်းများကို သာမန်ကျင့်ကြံသူတစ်ယောက် သူ့တစ်ဘဝလုံး အသုံးပြုလျှင်ပင် ရှာဖွေနိုင်လိမ့်မည် မဟုတ်ချေ။ </p> <p>အရေးကြီးဆုံးနှင့် အံ့ဖွယ်အကောင်းဆုံးမှာ ထိုရုပ်သေးရုပ်များသည် အသက်မဲ့သော သာမန်သစ်သားအရုပ်များ မဟုတ်ကြချေ။ သူတို့အားလုံးဆီမှာ စစ်ဝိညာဉ်ရှိကြသည်။</p> <p>စစ်ဝိညာဉ်မှာ အဘယ်နည်း။</p> <p>ရိုးရှင်းစွာဆိုရလျှင် သူတို့သည် သက်ရှိသတ္တဝါများ သေဆုံးသွားပြီးနောက် ကျန်ရစ်ခဲ့သော ဝိညာဉ်များ ဖြစ်ကြသည်။</p> <p>ဥပမာ စစ်တုရင်လောကထဲမှ လေးသည်တော်၏ စစ်ဝိညာဉ်သည် သေမျိုးလောက၏ စစ်မြေပြင်ပေါ်မှာ သေဆုံးသွားခဲ့သော လေးပညာရှင်တစ်ယောက်၏ ဝိညာဉ်ဖြစ်သည်။ ချီဝူကျူးက ထိုလေးပညာရှင်၏ ဝိညာဉ်ကို သိမ်းယူ၍ စစ်ဝိညာဉ်အဖြစ် သန့်စင်ကာ ရုပ်သေးရုပ်နှင့် ပေါင်းစည်းလိုက်သည်။ ထို့နောက် သူက လျှို့ဝှက်နည်းစနစ်ကို အသုံးပြု၍ ရုပ်သေးရုပ်ကို အချိန်ကြာမြင့်စွာ ပျိုးထောင်ပေးသည်။</p> <p>အချိန်ကာလတစ်ခုကြာပြီးနောက် ရုပ်သေးရုပ်က စစ်တုရင်လောက၏ တစ်စိတ်တစ်ပိုင်းဖြစ်လာပြီး စစ်တုရင်ဝိညာဉ် ဖြစ်လာသည်။</p> <p>ဆင်ဖြူတော်သည်လည်း ထို့နည်းတူပင်။ ၎င်း၏ စစ်ဝိညာဉ်က သေမျိုးလောက၏ စစ်မြေပြင်ပေါ်မှာ သေဆုံးသွားခဲ့သော တိုက်ဆင်တစ်ကောင်၏ ဝိညာဉ် ဖြစ်သည်။ စစ်တုရင်လောက၏ ပျိုးထောင်ပေးမှုအောက်မှာ ထိုစစ်တုရင်ဝိညာဉ်များက အံ့ဖွယ်စွမ်းရည်များကို ပိုင်ဆိုင်လာကြပြီး သန်စွမ်းလာကြသည်။ အထူးသဖြင့် စစ်တုရင်လောက၏ စွမ်းအားပံ့ပိုးမှုအောက်မှာ သူတို့သည် မသေဆုံးခင်ကထက် အဆပေါင်းများစွာ ပိုပြီးသန်မာလာကြသည်။</p> <p>ယခု စစ်တုရင်လောကထဲမှာ စစ်တုရင်ဝိညာဉ်သုံးကောင် ရှိကြသည်။ သူတို့တစ်ကောင်စီက အံ့ဖွယ်စွမ်းရည်ကို ပိုင်ဆိုင်ထားကြသည်။ အကယ်၍ ချီဝူကျူးသာ စစ်တုရင်ခုံပေါ်မှ စစ်တုရင်အရုပ်အားလုံးကို အမှန်တကယ် ဖန်တီးသန့်စင်နိုင်မည်ဆိုလျှင် သူ၏ သက်စောင့်ဓမ္မလက်နက်က အများကြီး ပိုအစွမ်းထက်လာလိမ့်မည်။</p> <p>“ ဝေါင်း ”</p> <p>သီရှီထျန်က ဟိန်းဟောက်လိုက်သည်။ သူ၏ ခန္ဓာကိုယ်က တုန်ယင်သွားစဉ် ကြီးကျယ်မြင့်မြတ်သော ကျားခွန်အားက ဒီရေလှိုင်းသဖွယ် ပျံ့နှံ့သွားသည်။ မိစ္ဆာမြူနှင်းဓားသွားတစ်ခုက ရေခဲဖြစ်သွားသော်လည်း သူ၏ ဘေးပတ်ဝန်းကျင်မှာ မိစ္ဆာမြူနှင်းဓားသွား(၁၄)ခုက ဆက်လက် ကခုန်နေကြဆဲပင်။</p> <p>ဆင်ဖြူတော်၏ နှာမောင်းက အဆုံးမဲ့စွာ ဆန့်တန်းထွက်လာပြီး သူ၏ ခန္ဓာကိုယ်ကို ရစ်ပတ်ရန် ကြိုးစားနေကြောင်း သီရှီထျန် မြင်သောအခါ အံ့ဩထိတ်လန့်သွားသည်။ ဆင်နှာမောင်းသည် ဆင်တစ်ကောင်၏ အသန်မာဆုံး အစိတ်အပိုင်းဖြစ်သည်။ တစ်စုံတစ်ယောက်က မည်မျှသန်မာပါစေ ဆင်တစ်ကောင်၏ နှာမောင်းဖြင့် ရစ်ပတ်ခံလိုက်ရမည်ဆိုလျှင် သူ၏ ခန္ဓာကိုယ်ထဲမှ အရိုးများက ကျိုးကြေသွားလိမ့်မည်။ ထို့ပြင် ချွန်ထက်သော ဆင်အစွယ်နှစ်ချောင်းလည်း ရှိသေးသည်။ အကယ်၍ တစ်စုံတစ်ယောက်က ဆင်နှာမောင်းဖြင့် ရစ်ပတ်ခံရပြီး ဆင်အစွယ်ဖြင့် အထိုးခံရလျှင် သူက နေရာမှာတင် အသက်ဆုံးရှုံးသွားလိမ့်မည်။</p> <p>ရှည်လျားသော ဆင်နှာမောင်းက ဟင်းလင်းပြင်ထဲမှ နဂါးငွေ့တန်းပမာ သူ့ဆီသို့ ဆန့်တန်းလာနေကြောင်း သီရှီထျန်မြင်သောအခါ ယင်းက အန္တရာယ်များသော တိုက်ခိုက်မှုဖြစ်ကြောင်း သူသိလိုက်သည်။ သူ့မျက်လုံးထဲမှာ အေးစက်စက်အလင်း ထွက်ပေါ်လာသည်။</p> <p>“ မိစ္ဆာမြူနှင်းဓားသွားတွေ တစ်ခုတည်း ပေါင်းစည်းစေ… အဲ့ဒီဆင်နှာမောင်းကို ငါ့အတွက် ပိုင်းဖြတ်လိုက်စမ်း ”</p> <p>သူ၏ အော်သံကြောင့် သူ့အနားမှာ ရစ်ဝဲနေကြသော မိစ္ဆာမြူနှင်းဓားသွားများက စူးရှသော အနက်ရောင်အလင်းကို တစ်ပြိုင်နက် ထုတ်လွှတ်လိုက်ကြသည်။ ဓားတစ်သောင်းက မူလဘူတသို့ ပြန်သွားသည့်အလား မိစ္ဆာမြူနှင်းဓားသွားဆယ်ခုကျော်က သီရှီထျန်၏ ဦးခေါင်းထက်မှာ အချင်းချင်း ပေါင်းစည်းသွားကြသည်။</p> <p>“ ချလွင်… ချလွင်… ”</p> <p>မိစ္ဆာမြူနှင်းဓားသွားများ အချင်းချင်း ထိတွေ့သွားသည့်အခါ ရှင်းလင်းပီသသော သတ္ထုမြည်သံများ တရစပ် ထွက်ပေါ်လာသည်။ ဓားသွားများ အချင်းချင်း ပေါင်းစည်းသွားသည့်အခါ အနက်ရောင်မိစ္ဆာအလင်းက ပေါက်ကွဲသွားသည်။ ယင်းက အနက်ရောင်နေလုံးအသေးစားတစ်ခုပမာ ဖြစ်ပေါ်လာသည်။ မရေမတွက်နိုင်သော အနက်ရောင်ဓားချီများက လေထဲမှာ ပြန့်ကျဲသွားကြစဉ် စူးရှသော လေခွင်းသံများ ထွက်ပေါ်လာသည်။</p> <p>မျက်စိတစ်မှိတ်အတွင်းမှာ ဧရာမလခြမ်းကွေးဓားတစ်လက်က သီရှီထျန်၏ ဦးခေါင်းပေါ်မှာ ထွက်ပေါ်လာသည်။ ဓားသွားပေါ်တွင် ထက်ရှသော ဓားချီက အဆက်မပြတ် ပေါ်လျှိုးနေသည်။ ယင်းက မိစ္ဆာမြူနှင်းဓားသွားဆယ်ခုကျော်ဖြင့် ဖွဲ့စည်းထားသော ဧရာမလခြမ်းကွေးဓား ဖြစ်သည်။ ယင်း၏ စွမ်းအားသည် မိစ္ဆာမြူနှင်းဓားသွားတစ်ခုထက် အဆပေါင်းများစွာ ပိုပြီးအားကောင်းသည်။</p> <p>ဧရာမလခြမ်းကွေးဓားသည် ဖွဲ့စည်းသွားသည်နှင့်ချက်ချင်း စလှုပ်ရှားလိုက်သည်။ ယင်းက သီရှီထျန်ဆီသို့ ဦးတည်လာနေသော ဆင်နှာမောင်းပေါ်သို့ ရက်စက်ကြမ်းတမ်းစွာ ခုတ်ပိုင်းလိုက်သည်။</p> <p>“ ထန် ”</p> <p>မိစ္ဆာမြူနှင်းဓားသွားက ထိတ်လန့်ဖွယ်ကောင်းသော ဓားအလင်းကို ထုတ်လွှတ်လိုက်ပြီး လျှပ်စီးပမာအလျင်ဖြင့် အောက်သို့ ခုတ်ပိုင်းလိုက်သည်။ ဧရာမလခြမ်းကွေးဓား အောက်သို့ ကျဆင်းသွားသည့်အခိုက် သတ်ဖြတ်ခြင်းစိတ်ဆန္ဒက မိုးမြေကြားမှ ထွက်ပေါ်လာပြီး ဓားသွားပေါ်မှာ စုဝေးသွားသည်။</p> <p>မြန်ဆန်သည်။ အလွန်မြန်ဆန်သည်။</p> <p>ဖော်မပြနိုင်သော အလျင်ဖြင့် ဧရာမလခြမ်းကွေးဓားက အောက်သို့ ကျဆင်းသွားသည်။ ထို့ကြောင့် သီရှီထျန်၏ ခန္ဓာကိုယ်အနားသို့ ရောက်လာတော့မည့် ဆင်နှာမောင်းသည် အလယ်မှ တိုက်ရိုက် ခုတ်ပိုင်းခံလိုက်ရလေသည်။</p> <p>“ မူး ”</p> <p>ဆင်ဖြူတော်သည် ခေါင်းမော့လိုက်ပြီး နားကွဲလုမတတ် ကျယ်လောင်သော အော်သံကို ထုတ်လွှတ်လိုက်သည်။ အဖြူရောင်အလင်းလွှာသည် ဆင်နှာမောင်းထံမှ ထွက်ပေါ်လာပြီး မိစ္ဆာမြူနှင်းဓားသွား၏ ခုတ်ပိုင်းမှုကို ခုခံရန် ကြိုးစားလိုက်သည်။</p> <p>သို့သော်လည်း မိစ္ဆာမြူနှင်းဓားသွားသည် ဓားသွားဆယ်ခုကျော်၏ ပေါင်းစည်းမှုမှ ဖွဲ့စည်းသွားသောအရာ ဖြစ်သည်။ ယင်းက မိစ္ဆာမြူနှင်းဓားသွားတစ်ခုထက် အဆပေါင်းများစွာ ပိုပြီးအားကောင်းသည်။</p> <p>ထို့ကြောင့် ဓားသွား၏ ခုတ်ပိုင်းမှုအောက်မှာ အဖြူရောင်အလင်းလွှာက တိုက်ရိုက် အက်ကွဲသွားပြီး မိစ္ဆာမြူနှင်းဓားသွားက ဆင်နှာ‌မောင်းပေါ်သို့ ချက်ချင်း ကျဆင်းသွားသည်။ အနက်ရောင်ဓားအလင်း၏ ပေါက်ကွဲမှုအောက်မှာ ဆင်နှာမောင်းက တိုက်ရိုက် ခုတ်ပိုင်းခံလိုက်ရသည်။</p> <p>“ အခြေတည်နယ်ပယ် ကျင့်ကြံသူတစ်ယောက်ပဲ… မင်းကို ငါသတ်ပြီး ဝါးမျိုနိုင်မယ်ဆိုရင် ငါ့ရဲ့ ခွန်အားက အချိန်တိုလေးအတွင်း ပိုပြီးသန်မာလာလိမ့်မယ် ”</p> <p>သီရှီထျန်က ချီဝူကျူးကို အေးစက်စက်အကြည့်ဖြင့် စိုက်ကြည့်လိုက်သည်။</p> <p>“ မိစ္ဆာသားရဲတွေက ဝိညာဉ်သားရဲတွေထက် အများကြီး ပိုအစွမ်းထက်ကြတယ်… အဲ့ဒီထူးဆန်းတဲ့ အနက်ရောင်ဓားကွေးက ဆင်နှာမောင်းကို တကယ်ကြီး ခုတ်ပိုင်းနိုင်ခဲ့တယ်… အဲ့ဒီလိုအစွမ်းထက်တဲ့ မိစ္ဆာသားရဲတစ်ကောင်ရဲ့ ဝိညာဉ်က ငါ့စစ်တုရင်လောကရဲ့ စစ်တုရင်ဝိညာဉ်ဖြစ်လာဖို့ ထိုက်တန်တယ်… သူသေဆုံးသွားတဲ့အခါ သူ့ရဲ့ မိစ္ဆာချီက မိစ္ဆာအမြူတေဓာတ်လုံးအဖြစ် ဖွဲ့စည်းသွားဦးလိမ့်မယ် ”</p> <p>ဤအခိုက်အတန့်မှာ ချီဝူကျူး၏ အမူအရာက တည်ကြည်လေးနက်သွားသည်။</p> <p>မိစ္ဆာသားရဲတစ်ကောင်၏ ခန္ဓာကိုယ်တစ်ခုလုံးက ရတနာဖြစ်သည်။ သူ၏ လက်ရှိကျင့်ကြံခြင်းအဆင့်က နိမ့်ကျလေရာ သူအသက်ရှင်နေစဉ်မှာ မိစ္ဆာအမြူတေဓာတ်လုံးကို ဖွဲ့စည်းနိုင်ဦးလိမ့်မည် မဟုတ်ချေ။ သို့သော်လည်း မိစ္ဆာသားရဲတစ်ကောင် သေဆုံးသွားသည့်အခါ သူ၏ ခန္ဓာကိုယ်ထဲမှ မိစ္ဆာချီနှင့် ဝိညာဉ်ချီက ပြင်းထန်စွာ ပေါက်ကွဲသွားလိမ့်မည်။ ထိုသို့ပေါက်ကွဲသွားသည့်အခါ မိစ္ဆာသားရဲ၏ စွမ်းအင်အနှစ်သာရအားလုံးက အမြူတေဓာတ်လုံးအဖြစ် ဖွဲ့စည်းသွားလိမ့်မည်။</p> <p>မိစ္ဆာသားရဲများဆီမှာ အမြူတေဓာတ်လုံး မရှိကြပေ။ စစ်မှန်သော မိစ္ဆာများဆီမှာသာ အမြူတေဓာတ်လုံး ရှိကြသည်။ သို့သော် စစ်မှန်သော မိစ္ဆာများသည် မသေမျိုးကျင့်ကြံသူများအတွက် လွယ်ကူသော ပစ်မှတ်များ မဟုတ်ကြချေ။ ထို့ကြောင့် များသောအားဖြင့် မသေမျိုးကျင့်ကြံသူများသည် မိစ္ဆာသားရဲများကို သတ်ဖြတ်ပြီး သူတို့၏ ခန္ဓာကိုယ်ထဲမှ အမြူတေဓာတ်လုံးကို ဆွဲထုတ်ကြသည်။</p> <p>ယင်းက ဘုန်းတော်ကြီးတချို့ ပျံလွန်တော်မူပြီးနောက် ဓာတ်တော်မွေတော်တချို့ ချန်ထားခဲ့ခြင်းနှင့် ဆင်တူသည်။ ထိုဓာတ်တော်မွေတော်များထဲမှာ သူတို့တစ်ဘဝလုံး စုဆောင်းရှာဖွေခဲ့သော အနှစ်သာရများ ပါဝင်သည်။</p> <p>ထို့နည်းတူပင် မိစ္ဆာသားရဲများသည် သူတို့သေဆုံးသွားသည့်အခါ သူတို့၏ စွမ်းအင်အနှစ်သာရအားလုံးကို အမြူတေဓာတ်လုံးအဖြစ် ချန်ထားခဲ့ကြလိမ့်မည်။</p> <p>“ စစ်တုရင်လောကရဲ့ စစ်ဝိညာဉ်… လေးနတ်ဘုရားရဲ့ အမိန့်တော်… မီးမြား ”</p> <p>“ စစ်တုရင်လောကရဲ့ စစ်ဝိညာဉ်… ဆင်ဖြူတော်ရဲ့ အမိန့်တော်… ဆင်နတ်သားရဲရဲ့ ခြေထောက် ”</p> <p>ချီဝူကျူးသည် တိုက်ပွဲအတွေ့အကြုံများပြားသော ကျင့်ကြံသူ ဖြစ်သည်။ ယာယီရှုံးနိမ့်မှုကြောင့် သူက စိတ်ဓာတ်မကျသွားပေ။ သူက ကျယ်လောင်စွာ အော်လိုက်သည်။ သူ၏ အမိန့်ပေးမှုအောက်မှာ လေးနတ်ဘုရားသည် လေးကြိုးကို လပြည့်ဝန်းပုံစံ နောက်တစ်ကြိမ် ဆွဲလိုက်သည်။ ဤတစ်ကြိမ်တွင် အနီရောင်မီးတောက်များက မြားတံပေါ်မှာ စုဝေးသွားကြသည်။</p> <p>ဘေးပတ်ဝန်းကျင်မှ အဆုံးမဲ့သော စွမ်းအား၏ အားဖြည့်ပေးမှုကြောင့် မြားပေါ်မှ မီးတောက်က တစ်စတစ်စ ပိုပြီးအားကောင်းလာသည်။ ဝှစ်ဟူသော လေခွင်းသံနှင့်အတူ မီးတောက်မြားက ဧရာမမိစ္ဆာမြူနှင်းဓားသွားထံသို့ ဦးတည်ပျံသန်းသွားသည်။</p> <p>မြားဖြတ်သန်းသွားသည့်နေရာတိုင်း အနီရောင်အလင်းစီးကြောင်းတစ်ခုက အနောက်မှာ ကျန်နေခဲ့သည်။ ယင်းက မီးတောက်စွတ်ကြောင်းနှင့် ဆင်တူသည်။ အစောနက နိမ့်ဆင်းသွားခဲ့သော အပူချိန်သည် ရုတ်တရက် တစ်ဟုန်ထိုး တိုးမြှင့်သွားသည်။ ဤသည်မှာ စစ်တုရင်လောကထဲမှ အရာအားလုံးက လောင်ကျွမ်းခံရတော့မည့်အလားပင်။</p> <p>ဆင်ဖြူတော်က ပိုပြီးကြောက်စရာကောင်းသည်။ ၎င်း၏ ဧရာမခန္ဓာကိုယ်က လေထဲသို့ မြှောက်ကြွသွားပြီး ကောင်းကင်ပေါ်သို့ တိုက်ရိုက် ပျံတတ်သွားသည်။ ၎င်းက သီရှီထျန်၏ အပေါ်မှာ ထွက်ပေါ်လာသည်။ ၎င်း၏ ခြေထောက်လေးချောင်းက ရုတ်တရက် အဆပေါင်းများစွာ ကြီးမားသွားကြသည်။ ယင်းတို့က မိုးကောင်းကင်ကို ထောက်ပံ့ထားသော ဧရာမတိုင်လုံးများသဖွယ် အရွယ်အစားကြီးမားကြပြီး တောက်ပသော အဖြူရောင်ကျောက်စိမ်းအလင်းကို ထုတ်လွှတ်နေကြသည်။</p> <p>နောက်အခိုက်အတန့်မှာ ဧရာမခြေထောက်များက မည်သည့်သတိပေးမှုမှမရှိဘဲ သီရှီထျန်၏ ဦးခေါင်းပေါ်သို့ တိုက်ရိုက် ဆင်းသက်လာကြသည်။ ခြေထောက်တစ်ချောင်းစီသည် သီရှီထျန်၏ ခန္ဓာကိုယ်တစ်ဝက်ခန့် ကြီးမားကြသည်။ အကယ်၍ သူသာ ထိုခြေထောက်လေးချောင်းဖြင့် ဖိချခံလိုက်ရမည်ဆိုလျှင် သူ၏ မိစ္ဆာခန္ဓာကိုယ်က မည်မျှသန်မာပါစေ သူက အသားပြား ဖြစ်သွားလိမ့်မည်။</p> <p>ကြီးမားလေးလံသော ဖိအားက သူ၏ ဦးခေါင်းပေါ်မှာ ထွက်ပေါ်လာသည်။ ဖိအားက အလွန်ကြီးမားလေရာ သူ၏ ခန္ဓာကိုယ်သည်ပင် မလှုပ်ရှားနိုင်တော့ဟန် ရ၏။ ယင်းက အလွန်ကြောက်စရာကောင်းသည်။</p> <p>“ အဲ့ဒါကို ငါထိပ်တိုက် မရင်ဆိုင်နိုင်ဘူး… ငါရှောင်တိမ်းရမယ်… ပြီးသွားမှ အခွင့်အရေးရှာပြီး ငါတိုက်ခိုက်ရမယ် ”</p> <p>ဆင်ဖြူတော်၏ ခွန်အားက တောင်ကြီးတစ်တောင်နှယ် ကြီးမားလေးလံကြောင်း စက်ကရာ ခံစားမိသောအခါ ထိုတိုက်ခိုက်မှုက သူခုခံနိုင်သောအရာ မဟုတ်ကြောင်း ချက်ချင်း သိသွားသည်။ သို့မဟုတ်လျှင် သူက ဒဏ်ရာပြင်းထန်စွာ ရရှိသွားလိမ့်မည်။ ယင်းကို ယာယီတိမ်းရှောင်ပြီး တန်ပြန်တိုက်ခိုက်ခြင်းက အကောင်းဆုံး ရွေးချယ်မှုဖြစ်သည်။</p> <p> </p> <p> </p> <p> </p> <p> </p> <p style="text-align:center">***</p>


Save