Book List

<h2 style="text-align: center;">အခန်း(၁၂၀)</h2> <h2 style="text-align: center;">*</h2> <p> </p> <p> </p> <p> </p> <p>မိစ္ဆာမျိုးနွယ်စု၏ အင်အားက နိမ့်ကျသွားပြီဖြစ်သော်လည်း သူတို့ဆီမှာ အစွမ်းထက်ပုဂ္ဂိုလ်တချို့ ကျန်ရှိနေဆဲပင်။ သွေးလင်းနို့ဘုရင်အကြောင်းပြောရလျှင် သူက မသေမျိုးကျင့်ကြံခြင်းလောကမှာ နာမည်ဆိုးဖြင့် ကျော်ကြားသူ ဖြစ်သည်။ သူက မြင်မြင်သမျှ လူတိုင်း၏ သွေးကို စုပ်ယူလိမ့်မည်။ သွေးစုပ်ခံလိုက်ရသော လူများသည် မျက်စိတစ်မှိတ်အတွင်းမှာ အလောင်းခြောက်ဖြစ်သွားလိမ့်မည်။ အထူးသဖြင့် သူက အစွမ်းထက်သော မသေမျိုးကျင့်ကြံသူများ၏ သွေးကို ပိုပြီးနှစ်ချိုက်သည်။ တစ်နည်းဆိုရလျှင် သွေးက သူ့အတွက် အကောင်းဆုံး အာဟာရဓာတ် ဖြစ်သည်။ သွေးက ကောင်းကင်ဘုံရတနာနှင့်ပင် နှိုင်းယှဉ်နိုင်သည်။</p> <p>ထို့ကြောင့် သွေးလင်းနို့ဘုရင်သည် မဟာမိစ္ဆာဘုရင်များထဲမှာ အသန်မာဆုံးမဟုတ်သော်ငြား ကြောက်စရာအကောင်းဆုံး မိစ္ဆာဖြစ်သည်။</p> <p>ဤသို့တွေးကြည့်နိုင်သည်။ အကယ်၍ တစ်စုံတစ်ယောက်က သွေးစုပ်ခံလိုက်ရမည်ဆိုလျှင် သူ၏ ခန္ဓာကိုယ်ထဲမှ သွေးက နည်းနည်းချင်းစီ ကုန်ဆုံးသွားလိမ့်မည်။ နောက်ဆုံးမှာ သူက အသက်မဲ့သော အလောင်းခြောက်ဖြစ်သွားလိမ့်မည်။ ယင်းကို စိတ်ကူးကြည့်ရုံဖြင့်ပင် ဦးရေပြားစပ်ဖျင်းဖျင်း ခံစားရလိမ့်မည်။</p> <p>“ ဟွန့်… ဘာကြောက်စရာရှိလို့လဲ… မဟာမိစ္ဆာဘုရင်တွေ ဘယ်လောက်ပဲ သန်မာပါစေ ကုန်းမြေကို လက်ရှိ အုပ်ချုပ်နေတာ ငါတို့လူသားတွေပဲ… ဒီတစ်ကြိမ် ငါတို့တွေ သံလိုက်အိမ်မြှောင် ပြန်ရတာနဲ့ ချက်ချင်း ထွက်သွားကြမယ်… ဒီကိစ္စကြောင့် သူတို့တွေ လင်းနန်မြို့တော်ဆီ ရောက်လာပြီး ငါတို့လီမိသားစုကို ပြဿနာရှာရဲလိမ့်မယ်လို့ ငါတော့ မယုံဘူး ”</p> <p>စတုတ္ထအကြီးအကဲက နှာခေါင်းရှုံ့လိုက်သည်။ အကယ်၍ မဟာမိစ္ဆာဘုရင်များက ကျင့်ကြံခြင်းမိသားစုတစ်ခုကို အမှန်တကယ် တိုက်ခိုက်လာမည်ဆိုလျှင် ယင်းက မိစ္ဆာမျိုးနွယ်စုက လူသားမျိုးနွယ်စုအပေါ် စစ်ကြေညာလိုက်ခြင်း ဖြစ်သွားလိမ့်မည်။</p> <p>ခရမ်းရွှေကုန်းမြေတွင် လက်ရှိ မိစ္ဆာမျိုးနွယ်စု၏ အင်အားအရ သူတို့သည် လူသားမျိုးနွယ်ကို စစ်မကြေညာဝံ့ပေ။</p> <p>တစ်နည်းဆိုရလျှင် မဟာမိစ္ဆာဘုရင်များက မည်မျှအစွမ်းထက်ပါစေ သူတို့က ကျင့်ကြံခြင်းမိသားစုများကို ရန်မပြုဝံ့ကြချေ။</p> <p>“ ဝေါင်း ”</p> <p>သို့သော်လည်း ထိုအခိုက်အတန့်မှာ လေထဲ၌ ကမ္ဘာတုန်ဟီးစေမည့် ကျားဟိန်းသံက လွှမ်းမိုးဗိုလ်ကျစွာ ထွက်ပေါ်လာသည်။ ယင်းက အလွန်ကျယ်လောင်သည်။ ဤသည်မှာ မိုးကြိုးသန်းပေါင်းများစွာက တစ်ပြိုင်နက်တည်း ပေါက်ကွဲသွားသည့်အလားပင်။</p> <p>မြေကြီးပေါ်တွင် ကျောက်တုံးကျောက်ဆောင်များက ချက်ချင်း အက်ကွဲသွားကြသည်။ နက်ရှိုင်းသော အက်ကွဲရာများက ပင့်ကူအိမ်သဖွယ် တောင်နံရံများပေါ်မှာ မြန်ဆန်စွာ ပျံ့နှံ့သွားကြသည်။ မီတာဒါဇင်ခန့် မြင့်မားသော ဧရာမကျောက်တုံးများက အပိုင်းပိုင်း ကွဲထွက်သွားကြပြီး ဖုန်မှုန့်ဖြစ်သွားကြသည်။</p> <p>ကျယ်လောင်သော ဟိန်းသံက မိုးထိတောင်ပေါ်မှာ ပဲ့တင်ထပ်သွားသည်။ မြေကြီးသည် အဆက်မပြတ် ပြင်းထန်စွာ တုန်ယင်သွားသည်။ သစ်ပင်ကြီးများက ပြိုလဲကျသွားကြပြီး အသံအားလုံးက ကျားဟိန်းသံ၏ ဖုံးလွှမ်းခံလိုက်ရသည်။</p> <p>ဤအခိုက်အတန့်မှာ လွှမ်းမိုးဗိုလ်ကျသော ကျားဟိန်းသံသည်သာ ကောင်းကင်ယံအထိ မြှောက်တတ်သွားသည်။</p> <p>ထို့ပြင် အချိန်ကြာလာသည်နှင့်အမျှ ကျားဟိန်းသံက ပိုပြီးကျယ်လောင်လာပြီး ပိုပြီးအားကောင်းလာသည်။</p> <p>“ အား… အဲ့ဒီကျားဟိန်းသံက ဘယ်ကနေ ထွက်လာတာလဲ… အရမ်းအားကောင်းလိုက်တာ… ငါ့ခန္ဓာကိုယ်ထဲက သွေးနဲ့ချီကို မထိန်းချုပ်နိုင်တော့ဘူး ”</p> <p>“ မကောင်းတော့ဘူး… အာရုံခြောက်ပါးကို အမြန်ပိတ်ဆို့ကြ ”</p> <p>ကျားဟိန်းသံထဲမှာ လွှမ်းမိုးဗိုလ်ကျသော သားရဲအရှိန်အဝါ ပါရှိသည်။ ကျောက်တုံးများက အပိုင်းပိုင်းအစစ အက်ကွဲသွားကြစဉ် ကျားဟိန်းသံက ကျင့်ကြံသူအားလုံးကို ဖုံးလွှမ်းသွားသည်။ ချီသန့်စင်ခြင်းနယ်ပယ်မှ ကျင့်ကြံသူများသည် ထိုကျားဟိန်းသံကို ကြားသောအခါ သူတို့၏ ခန္ဓာကိုယ်က ဗြောင်းဆန်သွားသည်။ သူတို့၏ ခန္ဓာကိုယ်ထဲမှ သွေးနှင့်ချီက ထိန်းချုပ်အောက်မှ ကင်းလွတ်သွားသည်။ ကြောက်မက်ဖွယ်ကောင်းသော အင်အားက သူတို့၏ ခန္ဓာကိုယ်ပေါ်သို့ ရိုက်ခတ်လာသည်။</p> <p>အံ့ဖွယ်ကောင်းသော တုန်ခါမှုအားလှိုင်းများက ခန္ဓာကိုယ်တစ်လျှောက် ပျံ့နှံ့သွားကြသည်။ ထိုအားလှိုင်းများက ကျောက်တုံးကြီးများကိုပင် အပိုင်းပိုင်းအစစ အက်ကွဲစေလေရာ ချီသန့်စင်ခြင်းနယ်ပယ်မှ ကျင့်ကြံသူများက ယင်းကို မည်သို့ ခုခံနိုင်မည်နည်း။</p> <p>ကျားဟိန်းသံက နေရာတိုင်းသို့ ပျံ့နှံ့သွားသည်။ မျက်တောင်တစ်ခတ်အတွင်းမှာ ချီသန့်စင်ခြင်းနယ်ပယ် ကျင့်ကြံသူများ၏ တစ်ဝက်ခန့်က ကိုယ်တွင်းအင်္ဂါများ အက်ကွဲသွားကြသည်။ သွေးသည် ဒွါရခုနစ်ပေါက်မှ စီးကျလာသည်။ သူတို့က မျက်ဖြူလန်သွားကြပြီး နေရာမှာတင် ချက်ချင်း သေဆုံးသွားကြသည်။</p> <p>ရာနှင့်ချီသော ချီသန့်စင်ခြင်းနယ်ပယ် ကျင့်ကြံသူများက ကျားဟိန်းသံကြောင့် သေဆုံးသွားကြသည်။</p> <p>ကောင်းကင်သည် အရောင်ပြောင်းလဲသွားပြီး လေကြမ်းများ တိုက်ခတ်လာသည်။ သဲနှင့် ဖုန်မှုန့်က လေထဲသို့ မြှောက်တတ်သွားသည်။</p> <p>ထိုမြင်ကွင်းက အလွန်အံ့ဖွယ်ကောင်းသည်။</p> <p>“ အကိုသီရဲ့ ကျားဟိန်းသံက တကယ် လွှမ်းမိုးဗိုလ်ကျတာပဲ… ကျားဟိန်းသံက ငါတို့အပေါ်ကိုတောင် သက်ရောက်မှုရှိတယ်… ငါ့ရဲ့ သန်စွမ်းကြံ့ခိုင်တဲ့ ရုပ်ခန္ဓာကိုယ်ကြောင့်မဟုတ်ရင် အဲ့ဒီကျားဟိန်းသံက ငါ့ကို ဒဏ်ရာရစေနိုင်တယ် ”</p> <p>အနက်ရောင်မျောက်ဝံဘုရင်က အံ့ဩစွာ ‌ပြောသည်။ သူက လက်နှစ်ဖက်ကို မြှောက်လိုက်ပြီး မြေကြီးပေါ်မှ ကျင့်ကြံသူများပေါ်သို့ ဖိချလိုက်သည်။ သူ၏ လက်ဝါးအောက်မှာ ကျင့်ကြံသူများက အသားပြားဖြစ်သွားကြသည်။</p> <p>ကျားဟိန်းသံသည် ကျင့်ကြံသူများကိုသာ ဖုံးလွှမ်းသွားခြင်း မဟုတ်ပေ။ ယင်းက မိစ္ဆာသားရဲဘုရင်များကိုလည်း ဖုံးလွှမ်းသွားသည်။ မှန်ပေသည်။ ဤနေရာသို့ ရောက်လာကြသော မိစ္ဆာသားရဲများသည် သာမန်မဟုတ်ကြချေ။ ကျားဟိန်းသံကို ကြားသည်နှင့် သူတို့က ကိုယ့်ကိုယ်ကိုယ် ခုခံကာကွယ်လိုက်ကြသည်။ ထို့ပြင် သူတို့၏ ခန္ဓာကိုယ်သည် ကျင့်ကြံသူများထက် အများကြီး ပိုသန်စွမ်းကြသည်။</p> <p>ထို့ကြောင့် ကျားဟိန်းသံသည် သူတို့အပေါ် ကြီးမားသော သက်ရောက်မှုကို မဖြစ်စေပေ။</p> <p>“ သူ့ရဲ့ ကျားဟိန်းသံက အဲ့လောက်အားကောင်းမယ်လို့ ငါမမျှော်လင့်ထားဘူး… ပြီးတော့ ဟိန်းသံက ဓမ္မလက်နက်ကနေ ထွက်ပေါ်လာတာဖြစ်လို့ အစွမ်းကုန် မဟုတ်သေးဘူး… ရှစ်ဆယ်ရာခိုင်နှုန်းလောက်ပဲ အပြင်ကို ထွက်ပေါ်လာခဲ့တာ… တကယ်လို့ သူသာ ဓမ္မလက်နက်ရဲ့ အပြင်ဘက်မှာ ဟိန်းသံကို ထုတ်လွှတ်မယ်ဆိုရင် မြေကြီးတောင် အက်ကွဲသွားလိမ့်မယ် ”</p> <p>မဒူဆာက ခေါင်းမော့လိုက်ပြီး လေထဲမှ အဖြူရောင်ကျောက်စိမ်းစစ်တုရင်ခုံကို ကြည့်လိုက်သည်။ သူ၏ မျက်လုံးထဲမှာ တည်ကြည်လေးနက်မှု ထွက်ပေါ်လာသည်။</p> <p>“ ဘန်း… ဘန်း… ဘန်း ”</p> <p>လေထဲတွင် စစ်တုရင်ခုံက ပိုပြီးပြင်းထန်စွာ တုန်ယင်လာသည်။</p> <p>စစ်တုရင်လောကထဲတွင်…</p> <p>သီရှီထျန်၏ မိစ္ဆာအရှိန်အဝါက မင်ရည်ကဲ့သို့ နက်မှောင်နေသည်။ သူ၏ ဧရာမကျားခန္ဓာကိုယ်က အနက်ရောင်တောင်ကုန်းတစ်ခုနှင့် ဆင်တူသည်။ သူက ပါးစပ်ကို ကျယ်လောင်စွာ ဟ၍ ဟိန်းဟောက်လိုက်သည်။ စစ်တုရင်လောကတစ်ခုလုံးက ပြင်းထန်စွာ တုန်ယင်သွားသည်။ ချူဟန်မြစ်ထဲတွင် အမှန်တကယ် ရေရှိသည်။ သို့သော်လည်း ဤအခိုက်အတန့်မှာ မြစ်ရေက ပေါက်ကွဲသွားပြီး ကောင်းကင်ပေါ်သို့ မြှောက်တတ်သွားသည်။</p> <p>မြစ်ရေက နေရာအနှံ့ ပြန့်ကျဲသွားသည်။ ဤသည်မှာ စစ်တုရင်လောကထဲတွင် မိုးရွာသွန်းနေသည့်အလားပင်။ ဧရာမကျားနက်ကို ဗဟိုပြုထားစဉ် မဟူရာအသံလှိုင်းစက်ဝန်းများက အရပ်မျက်နှာအသီးသီးဆီသို့ ပြန့်ကျဲသွားကြသည်။ အသံလှိုင်းစက်ဝန်းများက အလွန်အားကောင်းလေရာ သာမန်မျက်စိဖြင့်ပင် ယင်းတို့ကို မြင်နိုင်ပေသည်။</p> <p>သူ့အရှေ့တွင် အရောင်အသွေးစုံလင်သော မြားရှည်များက သူ့ဆီသို့ တန်းမတ်စွာ ပျံသန်းလာနေကြသည်။ သို့သော်လည်း စက်ကရာ၏ မဟူရာအသံလှိုင်းစက်ဝန်းများ ပျံ့နှံ့သွားသည့်အခါ မြားရှည်များက ပြင်းထန်စွာ တုန်ယင်သွားကြပြီး အပိုင်းပိုင်းအစစ အက်ကွဲသွားကြသည်။</p> <p>“ မင်း… မင်းက ငါ့ရဲ့ သက်စောင့်ဓမ္မလက်နက်ကို ဖျက်ဆီးချင်နေတာပဲ ”</p> <p>ချီဝူကျူး၏ အမူအရာက သိသာစွာ ပြောင်းလဲသွားသည်။ ကျောက်စိမ်းစစ်တုရင်ခုံသည် ကျားဟိန်းသံကြောင့် ပြင်းထန်စွာ တုန်ယင်နေသည်။ သူက ဤစစ်တုရင်လောကနှင့် ချိတ်ဆက်ထားသည်။ ထို့ကြောင့် သူက စစ်တုရင်လောက၏ နာကျင်မှုကို ခံစားမိသွားသည်။ ထိုအတိုင်းဆက်သွားနေလျှင် သူ၏ သက်စောင့်ဓမ္မလက်နက်က ကျားဟိန်းသံ၏ အသံလှိုင်းတိုက်ခိုက်မှုကြောင့် သေချာပေါက် ပျက်စီးသွားလိမ့်မည်။</p> <p>ထို့ပြင် ဤအခိုက်အတန့်မှာ အက်ကွဲရာများက စစ်တုရင်ခုံ၏ နေရာအသီးသီးမှာ ထွက်ပေါ်လာကြသည်။</p> <p>“ ဟွန့်… ဒီကနေ ထွက်သွားစမ်း ”</p> <p>ချီဝူကျူးသည် နာကျင်ရှုံ့မဲ့သော အမူအရာဖြင့် စစ်တုရင်လောကထဲမှ စစ်တုရင်ဝိညာဉ်များကို ကြည့်လိုက်သည်။ စစ်တုရင်ဝိညာဉ်များသည် သူ၏ သွေး၊ ချွေး၊ မျက်ရည်ဖြင့် ဖန်တီးထားသောအရာများ ဖြစ်ကြသည်။ ထို့ကြောင့် စစ်တုရင်ဝိညာဉ်များ ထိခိုက်ပျက်စီးသွားမည်ကို သူခွင့်မပြုနိုင်ပေ။ ထို့ကြောင့် သူက သီရှီထျန်ကို စိန်းစိန်းဝါးဝါး စိုက်ကြည့်လိုက်သည်။</p> <p>ကျားဟိန်းသံ၏ အဖျက်စွမ်းအားအရ တစ်ဖက်လူကို သူမချုပ်နှောင်နိုင်ကြောင်း ချီဝူကျူး သိလိုက်သည်။ အကယ်၍ သူက တစ်ဖက်လူကို ခေါင်းမာစွာ ဆက်ပြီး ချုပ်နှောင်မည်ဆိုလျှင် သူ၏ သက်စောင့်ဓမ္မလက်နက်က သေချာပေါက် ပျက်စီးသွားလိမ့်မည်။</p> <p>သူက စစ်တုရင်လောကကို အမြန်လက်ညှိုးညွှန်လိုက်သည်။ လျှပ်တစ်ပြက်အတွင်းမှာ ကြီးမားသော တွင်းနက်တစ်ခုက သီရှီထျန်၏ ဦးခေါင်းပေါ်မှာ ရုတ်တရက် ထွက်ပေါ်လာသည်။ တစ်ချိန်တည်းမှာ အလွန်အားကောင်းသော ဆွဲငင်အားက ဧရာမတွင်းနက်ထဲမှ ထွက်ပေါ်လာပြီး သီရှီထျန်ကို စုပ်ယူလိုက်သည်။</p> <p>“ ဘန်း ”</p> <p>သီရှီထျန်၏ ခန္ဓာကိုယ်က စစ်တုရင်လောကထဲမှ မောင်းထုတ်ခံလိုက်ရပြီး တောင်ကုန်းတစ်ခုပေါ်သို့ ပြုတ်ကျသွားသည်။ တောင်ကုန်းသည် သီရှီထျန်၏ ဧရာမခန္ဓာကိုယ်ကို မတောင့်ခံနိုင်သောကြောင့် ချက်ချင်း ကွဲထွက်သွားပြီး ဖုန်မှုန့်ဖြစ်သွားသည်။ မရေမတွက်နိုင်သော ကျောက်တုံးအပိုင်းအစများက အရပ်မျက်နှာအသီးသီးဆီသို့ ပြန့်ကျဲသွားကြသည်။</p> <p>“ ဟွန့်… ဒီကောင်က ဉာဏ်ကောင်းသားပဲ… မင်းငါ့ကို ထူးဆန်းတဲ့ စစ်တုရင်လောကကနေ အမြန်မောင်းထုတ်လိုက်တာ ကံကောင်းသွားတယ်… မဟုတ်ရင် မင်းရဲ့ ဓမ္မလက်နက်ကို ငါဖျက်ဆီးပစ်တယ် ”</p> <p>စက်ကရာသည် မြေကြီးပေါ်သို့ ဆင်းသက်သွားသည်နှင့်ချက်ချင်း သူ၏ ဘေးပတ်ဝန်းကျင်ကို မြန်ဆန်စွာ စစ်ဆေးကြည့်လိုက်သည်။ သူ၏ ဘေးပတ်ဝန်းကျင်တွင် အသက်မဲ့နေသော အလောင်းရာချီက နေရာတိုင်းမှာ ပြန့်ကျဲနေကြသည်။ သူတို့အားလုံးသည် ဒွါရခုနစ်ပေါက်မှ သွေးစီးကျနေလျက် သေဆုံးသွားကြသည်။</p> <p>“ အကိုသီက အရမ်းသန်မာတာပဲ… ဆိုးသွမ်းတဲ့ ကျင့်ကြံသူရာပေါင်းများစွာကို ဟိန်းသံတစ်ချက်တည်းနဲ့ သတ်ပစ်လိုက်တယ် ”</p> <p>ထူးဆန်းသော စစ်တုရင်ခုံထဲမှ သီရှီထျန် ပြန်ထွက်လာကြောင်း ဇာမဏီငှက်မြင်သောအခါ သူက စိတ်လှုပ်ရှားစွာ အော်လိုက်ပြီး အတောင်ပံတဖျပ်ဖျပ်ခတ်လိုက်သည်။ သူ၏ မျက်လုံးထဲမှာ ဝမ်းသာမှုဖြင့် ပြည့်နှက်နေသည်။</p> <p>“ အကိုသီ… မင်းရဲ့ ကျားဟိန်းသံက အရမ်းအားကောင်းတယ်… ခေါင်းသုံးလုံးရွှေခြင်္သေ့ရဲ့ ဟိန်းသံတောင် မင်းလောက် အားမကောင်းဘူး ”</p> <p>အနက်ရောင်မျောက်ဝံဘုရင်က အော်ပြောလိုက်သည်။ သီရှီထျန်၏ ကျားဟိန်းသံက သူ့အပေါ် လေးနက်သောအမြင် ကျန်ရစ်စေကြောင်း ထင်ရှားသည်။</p> <p>“ ကင်းကောင်… ငါတို့ နောက်မှ စကားပြောရအောင်… လောလောဆယ် အဲ့ဒီကျင့်ကြံသူတွေကို အရင်ရှင်းပစ်ရအောင် ”</p> <p>သီရှီထျန်က အရှေ့သို့ လှမ်းကြည့်လိုက်သည်။ ကျင့်ကြံသူအများအပြား ကျန်ရှိနေသေးကြောင်း မြင်သောအခါ သူ၏ အကြည့်က လေးနက်သွားသည်။ ထို့ပြင် ယခုအချိန်ထိ အသက်ရှင်နေသူများသည် လက်ရွေးစင်ကျင့်ကြံသူများ ဖြစ်ကြသည်။</p> <p>သူတို့ထဲမှ တချို့က အခြေတည်နယ်ပယ် ကျင့်ကြံသူများ ဖြစ်ကြသည်။</p> <p>“ ဟုတ်တယ်… အဲ့ဒီကျင့်ကြံသူတွေကို အရင်သတ်ပစ်ရအောင် ”</p> <p>အနက်ရောင်မျောက်ဝံဘုရင်က ပြုံးလိုက်ပြီး ပြောသည်။ သူက တိုက်ခိုက်ရန် လက်နှစ်ဖက်ကို ထပ်မံ မြှောက်လိုက်သည်။</p> <p>“ လီမိသားစုက ကျင့်ကြံသူတွေ… အသင့်ပြင်ကြ… ဓားတစ်သောင်းမိစ္ဆာနှိမ်နင်းဝင်္ကပါ… အဲ့ဒီမိစ္ဆာကျားကို သတ်ပစ် ”</p> <p>ထိုအခိုက်အတန့်မှာ လီဝမ်နှင့် စတုတ္ထအကြီးအကဲက လေထဲသို့ ပျံသန်းသွားကြပြီး ကျယ်လောင်စွာ အော်လိုက်ကြသည်။ သူတို့၏ အသံက ဘေးပတ်ဝန်းကျင်မှာ ရှင်းလင်းပီသစွာ ပဲ့တင်ထပ်သွားသည်။</p> <p>“ ချွင်… ချွင်… ချွင်… ”</p> <p>မျက်စိတစ်မှိတ်အတွင်းမှာ သတ္ထုမြည်သံများက မိုးထိတောင်ပေါ်မှာ တရစပ် ထွက်ပေါ်လာသည်။ နောက်အခိုက်အတန့်မှာ ဓားချီအလင်းတန်းများက မိုးကောင်းကင်ပေါ်သို့ တစ်ဟုန်ထိုး ပျံသန်းသွားကြသည်။ ဓားချီအလင်းတန်းများသည် မိုးထိတောင်၏ အရပ်မျက်နှာအသီးသီးထံမှ ပေါ်လျှိုးလာကြပြီး မိုးကောင်းကင်ပေါ်သို့ တိုက်ရိုက် ပျံသန်းသွားကြသည်။</p> <p>ထိုပြင် ဓားချီအလင်းတန်းများထဲမှာ အလွန်အားကောင်းသော သတ်ဖြတ်ခြင်းစိတ်ဆန္ဒက ကိန်းအောင်းနေသည်။</p> <p> </p> <p> </p> <p> </p> <p> </p> <p>***</p>


Save