Book List

<h2 style="text-align: center;">အခန်း (၃၀၈)</h2> <h2 style="text-align: center;">ဝိညာဉ်ပြောင်းလဲခြင်းအဆင့်နှင့် တစ်ကျော့ပြန်တိုက်ပွဲ</h2> <h2 style="text-align: center;">*</h2> <p> </p> <p>လူအများ ခေါ်ဝေါ်နေကြသော မိစ္ဆာစွမ်းအင် ဆိုသည်မှာ စကြဝဠာအတွင်းရှိ စွမ်းအင် အားလုံး ရောထွေးမှုမှ မြစ်ဖျားခံလာခြင်း ဖြစ်သည်။</p> <p>၎င်း၏ အကြမ်းပတန်းဆန်ပြီး ထိန်းချုပ်ရခက်သော သဘာဝကြောင့် ကျင့်ကြံသူအများစု၏ မုန်းတီးခြင်းကို ခံရလေ့ရှိသည်။</p> <p>သို့သော်လည်း မိစ္ဆာစွမ်းအင်ထဲတွင် နစ်မြုပ်နေစဉ်အတွင်း မုန့်ဝမ်သည်  နက်နဲသည့် အမှန်တရားကို တဖြည်းဖြည်း နားလည်လာခဲ့သည်။</p> <p>လောကကြီးကို ကြည့်လျှင် ရှုပ်ထွေးမှုသည်လည်း ဟန်ချက်ညီမှုတစ်ခုပင် ဖြစ်သည်။</p> <p>၎င်းကို နားမလည်သူတို့မှာ မိမိကိုယ့်တိုင်ကြောင့် ပျက်စီးရသော်လည်း ၎င်းကို ပိုင်နိုင်စွာ ထိန်းချုပ်နိုင်သူမှာမူ လောကအနှံ့ လွတ်လပ်စွာ သွားလာနိုင်မည် ဖြစ်သည်။</p> <p>သူမသည် ထိုကဲ့သို့သော စွမ်းအားကို အသုံးချရုံတင်မကဘဲ သူမ၏ ကျင့်ကြံခြင်းလမ်းခရီးရှိ အတားအဆီးအားလုံးကို ချိုးဖောက်ရန်အတွက်ပါ အသုံးပြုမည် ဖြစ်သည်။</p> <p>ဤသို့ ရှင်းလင်းစွာ နားလည်သွားပြီးနောက် မုန့်ဝမ်သည် သူမ၏ ခန္ဓာကိုယ်အတွင်းရှိ မိစ္ဆာစွမ်းအင်များကို ဆက်လက် လှုံ့ဆော်ကာ လက်နှစ်ဖက်ကြားတွင် အဆက်မပြတ် စီးဆင်းစေခဲ့သည်။</p> <p>အမွှေးတိုင်တစ်တိုင်  တိတ်ဆိတ်စွာ ကုန်ဆုံးသွားသည်။</p> <p>မိစ္ဆာစွမ်းအင်အားလုံးကို အသုံးချပြီးနောက် မုန့်ဝမ်သည် သူမ၏ ပထမဆုံးအကြိမ် သန့်စင်ခြင်းကို ပြီးဆုံးသွားသည်။</p> <p>သူမသည် လက်သီးကို ကျစ်ကျစ်ပါအောင် ဆုပ်လိုက်ပြီး လက်ချောင်းထိပ်များမှ တိုးတက်လာသော ခွန်အားနှင့် စွမ်းအားကို ခံစားရင်း ‘သွေးဝါးမျို မိစ္ဆာခန္ဓာ’ ၏ အံ့ဩဖွယ်ရာများကို မချီးကျူးဘဲ မနေနိုင်တော့ပေ။</p> <p>“ဟမ့်... ကောင်မလေး၊ ဘယ်လိုလဲ........ ငါဖန်တီးထားတဲ့ ကျင့်စဉ်က အံ့ဩစရာ မကောင်းဘူးလား........”</p> <p>တည်ထောင်သူ ဘိုးဘေး၏ အသံမှာ သူမ၏ အသိစိတ်ပင်လယ် ထဲတွင် ဂုဏ်ယူဝင့်ကြွားစွာဖြင့် ပဲ့တင်ထပ်လာသည်။</p> <p>မုန့်ဝမ်က အသာအယာ ပြုံးလိုက်ပြီး ........ “စီနီယာ... ဒီကျင့်စဉ်က တကယ့်ကို ထူးခြားလှပါတယ်…. စီနီယာရဲ့ သင်ကြားပြသမှုတွေအတွက် အထူးပဲ ကျေးဇူးတင်ပါတယ်” ဟု ရိုသေစွာ ပြန်ပြောလိုက်သည်။</p> <p>တည်ထောင်သူ ဘိုးဘေးမှာ ထိုစကားကို ကြားသောအခါ အလွန် ကျေနပ်သွားသည် ........ “အသိတရားရှိတာ ကောင်းတယ်........”</p> <p>“မင်းက ခန္ဓာကိုယ် သန့်စင်တဲ့ နည်းလမ်းကို တတ်မြောက်သွားပြီဆိုတော့ သံပူတုန်း  နာနာရိုက်ဆိုသလိုပဲ  ဆက်ပြီး လေ့ကျင့်စမ်း........”</p> <p>မုန့်ဝမ်၏ ခန္ဓာကိုယ်အတွင်းရှိ မိစ္ဆာစွမ်းအင်များမှာ ခုနက သန့်စင်မှုအတွင်း လုံးဝ ကုန်ခမ်းသွားခဲ့ပြီ ဖြစ်သည်။</p> <p>သူမသည် ကိုယ်တွင်းစွမ်းအင်ကို အသုံးချကာ ကောင်းကင်နှင့် မြေကြီး၏ စွမ်းအင်များကို စုပ်ယူ၍ မိစ္ဆာစွမ်းအင်အဖြစ် ပြောင်းလဲရန် ပြင်လိုက်သည်။</p> <p>ထိုစဉ်မှာပင် သူမ၏ လက်ဖဝါးရှိ မှော်စာလုံးများမှာ ရုတ်တရက် လင်းထိန်လာပြီး ဖြည်းဖြည်းချင်း စတင် လည်ပတ်လာသည်။</p> <p>မှော်စာလုံးများ လည်ပတ်သည်နှင့်အမျှ ကောင်းကင်နှင့် မြေကြီးမှ ရှုပ်ထွေးနက်နဲသော စွမ်းအင်များသည် မုန့်ဝမ်၏ ခန္ဓာကိုယ်ထဲသို့ စုပ်ယူခံလိုက်ရသည်။</p> <p>၎င်းနောက် ထိုစွမ်းအင်များမှာ တစ်ခုတည်းအဖြစ် ပေါင်းစည်းသွားပြီး မိစ္ဆာစွမ်းအင်အဖြစ် ပြောင်းလဲကာ မုန့်ဝမ်၏ တစ်ကိုယ်လုံးကို ပြည့်လျှံသွားစေသည်။</p> <p>ထိုအရာမှာ မိစ္ဆာစွမ်းအင် ဖြည့်တင်းရမည့် အဆင့်ကိုပင် ကျော်လွန်သွားခဲ့ပေသည်။</p> <p>တည်ထောင်သူ ဘိုးဘေးက အရာအားလုံးကို အမှန်တကယ် ကြိုတင် စဉ်းစားပေးထားခဲ့ခြင်းပင်။</p> <p>မုန့်ဝမ်သည် အသက်ရှူမှုကို ထိန်းညှိကာ မိစ္ဆာစွမ်းအင်များကို သတ်မှတ်ထားသော လမ်းကြောင်းအတိုင်း သူမ၏ လက်ဖဝါးများဆီသို့ စီးဆင်းစေခဲ့သည်။</p> <p>အချိန်ကြာလာသည်နှင့်အမျှ မုန့်ဝမ်၏ လက်များသည် ပိုမို ပျော့ပျောင်းကာ သန်မာလာပြီး မိစ္ဆာစွမ်းအင်အပေါ် ထိန်းချုပ်နိုင်စွမ်းမှာလည်း ပိုမို တိကျလာခဲ့သည်။</p> <p>သုံးလ ကြာပြီးနောက်...</p> <p>မုန့်ဝမ်သည် လေ့ကျင့်ရေးကွင်း၌ တင်ပျဉ်ခွေ ထိုင်နေသည်။</p> <p>သူမ၏ ခန္ဓာကိုယ်မှ မိစ္ဆာစွမ်းအင်များမှာ မဲနက်နေကာ လှိုင်းလုံးကြီးများကဲ့သို့ သူမ၏ သွယ်လျသော ကိုယ်လုံးလေးကို လှည့်ပတ် စီးဆင်းနေသည်။</p> <p>သူမ၏ လက်ဖဝါးကြားတွင် နက်မှောင်သော အလင်းတန်းလေးများမှာ မိစ္ဆာဓားနှစ်စင်းကဲ့သို့ တဖျတ်ဖျတ် လက်နေပြီး အေးစက်လှသော အရှိန်အဝါ ကို ထုတ်လွှတ်နေသည်။</p> <p>“ဟူး……”</p> <p>မုန့်ဝမ်သည် သက်ပြင်းအရှည်ကြီး ချလိုက်ကာ မျက်လုံးများကို ဖြည်းဖြည်းချင်း ဖွင့်လိုက်သည်။</p> <p>ထိုနက်မှောင်လှသော မျက်ဝန်းအိမ်များထဲတွင် အဆုံးမရှိသော ချောက်နက်ကြီးတစ်ခု ရှိနေသကဲ့သို့ ခံစားရသဖြင့် တိုက်ရိုက်ကြည့်ရန်ပင် အန္တရာယ်ရှိလှသည်။</p> <p>သူမသည် လက်ကို ဖြည်းဖြည်းချင်း မြှောက်ကာ လက်ချောင်းများကို စုကြည့်လိုက်ရာ လက်ချောင်းထိပ်များမှ ခိုင်မာသော ထိတွေ့မှုကို ခံစားလိုက်ရသဖြင့် နှုတ်ခမ်းတွင် အပြုံးလေးတစ်ခု ပေါ်လာသည်။</p> <p>“အောင်မြင်ပြီ........”</p> <p>သုံးလကြာ ပြင်းထန်သော လေ့ကျင့်မှုအပြီးတွင် သူမ၏ လက်များမှာ အဆင့်နိမ့် တာအိုမှော်လက်နက် တစ်ခုနှင့် နှိုင်းယှဉ်နိုင်လောက်အောင် ခိုင်မာလာခဲ့ပြီ ဖြစ်သည်။</p> <p>“ဒီလောက်ကြာအောင် သန့်စင်ထားတာတောင် ဒီခွန်အားက မဆိုးဘူးလို့ ပြောရမှာပဲ........”</p> <p>တည်ထောင်သူ ဘိုးဘေး၏ လေသံမှာ မာနကြီးဟန် ပါဝင်နေသည် ........ “ကဲ... မင်းရဲ့ ရလဒ်တွေကို စမ်းသပ်ဖို့ အချိန်ရောက်ပြီ........”</p> <p>“စီနီယာ ဆိုလိုတာက...”</p> <p>မုန့်ဝမ်၏ ရင်ထဲတွင် လှုပ်ရှားသွားပြီး တည်ထောင်သူ ဘိုးဘေး၏ ရည်ရွယ်ချက်ကို အနည်းငယ် ရိပ်မိလိုက်သည်။</p> <p>“ပြီးခဲ့တဲ့တစ်ခါက ဝိညာဉ်ပြောင်းလဲခြင်းအဆင့်ကျင့်ကြံသူကို လက်တွေ့လေ့ကျင့်ခန်းအတွက် ခေါ်လိုက်........”</p> <p>တည်ထောင်သူ ဘိုးဘေး၏ စကားမှာ ငြင်းဆန်ရန် မဖြစ်နိုင်ပေ။</p> <p>“ဟုတ်ကဲ့ပါ”</p> <p>ယခင်တစ်ခါကကဲ့သို့ ကြောက်ရွံ့ခြင်း မရှိတော့ဘဲ ယခုတစ်ခါတွင် မုန့်ဝမ်သည် တိုက်ခိုက်ရန် စိတ်အားထက်သန်နေပြီး လာမည့် တိုက်ပွဲကို အလွန် စောင့်မျှော်နေသည်။</p> <p>မကြာမီမှာပင် ပြာလွင်သော ဝတ်ရုံကို ဝတ်ဆင်ထားပြီး ပြင်းထန်သောအရှိန်အဝါရှိသည့် ဝိညာဉ်ပြောင်းလဲခြင်းအဆင့် ကျင့်ကြံသူတစ်ဦး သူမ၏ ကျင့်ကြံခြင်းဂူ အပြင်ဘက်တွင် ပေါ်လာခဲ့သည်။</p> <p>ထိုသူမှာ အခြားသူမဟုတ်ဘဲ ယခင်တစ်ခါက မုန့်ဝမ်နှင့် တိုက်ခိုက်ခဲ့သော ‘လီဖုန်း’ ပေါ်လာခဲ့သည်။</p> <p>ယခင်တစ်ခါနှင့် မတူဘဲ ယခုအခါတွင် သူသည် မုန့်ဝမ်အပေါ် ထားရှိသော သဘောထားမှာ သိသိသာသာ တိုးတက်လာပြီး ဖော်ရွေသော အမူအရာပင် ပြသလာသည်။</p> <p>“ညီမမုန့်... မင်းကတော့ အမြဲအံဩဖို့ကောင်းနေတော့တာပဲ........ လအနည်းငယ်အတွင်းမှာပဲ မင်းရဲ့ ကျင့်ကြံမှုက အများကြီး တိုးတက်လာတာပဲ........”</p> <p>လွန်ခဲ့သော လအနည်းငယ်အတွင်း ဝူကျိဝေသည် မုန့်ဝမ်ကို မည်မျှ အလေးထားသည်ကို အားလုံးက သတိပြုမိနေကြသဖြင့် လူတိုင်းက သူမကို မနာလို ဖြစ်နေကြသည်။</p> <p>သူ၏ စိတ်ထဲတွင် မုန့်ဝမ်ကို အထင်သေးနေသေးသော်လည်း အပြင်ပန်းတွင်မူ ပေါ်တင် မပြရဲပေ။</p> <p>“စီနီယာ လီ... လာရောက်ပေးတဲ့အတွက် ကျေးဇူးတင်ပါတယ်........”</p> <p>မုန့်ဝမ်က ခေါင်းညိတ်ပြလိုက်ပြီး ဧည့်သည်ကို အေးစက်စက် အရှိန်အဝါဖြင့် စကားပြောလိုက်သည်။</p> <p>“ဒီလောက် ယဉ်ကျေးနေစရာ မလိုပါဘူး၊ ငါတို့အားလုံးက သခင်မလေးအတွက် လုပ်ဆောင်နေကြတာပဲ........”</p> <p>သူ၏ အကြည့်မှာ မုန့်ဝမ်၏ လက်များပေါ်သို့ ကျရောက်သွားပြီး ထူးခြားသော အရှိန်အဝါတစ်ခုကို ဝေဝါးစွာ ခံစားလိုက်ရသဖြင့် သူက စမ်းသပ်မေးမြန်းလိုက်သည်။</p> <p>“ဒီတစ်ခါကော သခင်မလေးက မင်းကို ဘယ်လို အံ့ဩစရာ ကျင့်စဉ်တွေ သင်ပေးလိုက်တာလဲ........”</p> <p>မုန့်ဝမ်က ပြုံးလိုက်ပြီး သူမ၏ မျက်လုံးများထဲတွင် လှည့်ကွက်တစ်ခု လက်ခနဲ ပေါ်သွားသည် ........ “မကြာခင် မြင်ရတော့မှာပါ...စီနီယာအကို.....”</p> <p>စကားမဆုံးသေးမီမှာပင် မုန့်ဝမ်၏ ပုံရိပ်မှာ ထိုနေရာမှ ရုတ်တရက် ပျောက်ကွယ်သွားသည်။</p> <p>လီဖုန်း၏ မျက်စိရှေ့တွင် ဝေဝါးသွားပြီး ပြင်းထန်သော ဖိအားများနှင့်အတူ ပြင်းထန်သော မိစ္ဆာစွမ်းအင်များ တိုက်ရိုက် တိုးဝင်လာသည်ကို ခံစားလိုက်ရသည်။</p> <p>မကောင်းသော အငွေ့အသက်ကို သူ၏ ရင်ထဲတွင် ခံစားလိုက်ရသဖြင့် သူသည် မသိစိတ်ဖြင့် နောက်သို့ ဆုတ်လိုက်ကာ တစ်ချိန်တည်းမှာပင် ရှေးဟောင်း ကြေးမုံမှန်တစ်ချပ်ကို ထုတ်ယူပြီး ရုတ်တရက် တိုက်ခိုက်မှုကို ခုခံရန် ပြင်လိုက်သည်။</p> <p>နက်မှောင်သော အလင်းတန်းတစ်ခု ပေါ်လာပြီး မုန့်ဝမ်၏ လက်များသည် သူ၏ ရှေ့တွင် ရောက်ရှိနေပြီ ဖြစ်သည်။ သူမ၏ လက်ချောင်းငါးချောင်းမှာ ချိတ်များကဲ့သို့ ဖြစ်နေပြီး အေးစက်လှသော အရှိန်အဝါနှင့်အတူ သူ၏ ရင်ဘတ်ဆီသို့ တိုက်ရိုက် ဦးတည်လာခဲ့သည်။</p> <p>ထိုလက်များသည် အနက်ရှိုင်းဆုံး အမှောင်ထုထဲမှ ဖန်တီးထားသကဲ့သို့ အေးစက်လှသော မိစ္ဆာစွမ်းအင်များကို ထုတ်လွှတ်နေသည်။</p> <p>၎င်း ဖြတ်သန်းသွားရာ နေရာတိုင်းတွင် လေထုပင်လျှင် ဖိအားကြောင့် အသံမြည်နေတော့သည်။</p> <p>“ဒါက……”</p> <p>လီဖုန်း၏ မျက်စိသူငယ်အိမ်မှာ ကျုံ့သွားသည်။ ထိုလက်များ၏ မာကြောမှုမှာ သူ ထင်ထားသည်ထက် များစွာ ကျော်လွန်နေသည်ကို သူ ရှင်းလင်းစွာ ခံစားလိုက်ရသည်။</p> <p>သူ၏ လက်ထဲရှိ အဆင့်နိမ့် တာအိုမှော်လက်နက်ကြေးမုံထက်ပင် ပို၍ မာကြောနေသေးသည်။</p> <p><strong>“</strong><strong>ဘုန်း........”</strong></p> <p>မုန့်ဝမ်၏ သွေးမိစ္ဆာလက်သည်းသည် ရှေးဟောင်းကြေးမုံနှင့် ပြင်းထန်စွာ ထိပ်တိုက် တွေ့ဆုံသွားသည်။</p> <p>သတ္တုချင်း ထိခိုက်သံအစား ကြောက်စရာကောင်းသော ‘ခရက်’ဟူသောအက်ကွဲတဲ့ အသံကို ကြားလိုက်ရသည်။</p> <p>လီဖုန်းသည် ပြင်းထန်သော စွမ်းအားတစ်ခု သူ၏ဆီသို့ စီးဝင်လာသည်ကို ခံစားလိုက်ရပြီး သူ၏ လက်ဖဝါးများ ပြင်းထန်စွာ တုန်ယင်သွားကာ သူ၏ လက်ထဲရှိ ကြေးမုံပေါ်တွင် သေးငယ်သော အက်ကြောင်းတစ်ခု ပေါ်လာသည်ကို တွေ့လိုက်ရသည်။</p> <p>“ဒါ... ဒါ ဘယ်လိုဖြစ်နိုင်မှာလဲ................”</p> <p>လီဖုန်းသည် ထိတ်လန့်တုန်လှုပ်စွာဖြင့် အသက်ရှူမှားသွားရပြီး သူ၏ မျက်လုံးများမှာ မယုံကြည်နိုင်မှုများဖြင့် ပြည့်နှက်နေသည်။</p> <p>ဒီရှေးဟောင်းကြေးမုံက တာအိုမှော်လက်နက်လေ။ နက်နဲသော ဝိညာဉ်အဆင့် ကျင့်ကြံသူ တစ်ယောက်ရဲ့ လက်နဲ့ ထိလိုက်တာတင် ပျက်စီးသွားတယ် ဟုတ်လား........</p> <p>သို့သော် မုန့်ဝမ်က သူ၏ အံ့ဩမှုကို လုံးဝ ဂရုမစိုက်ဘဲ ဆက်တိုက် တိုက်ခိုက်လေတော့သည်။</p> <p>တိုက်ကွက်တစ်ခု အောင်မြင်သွားပြီးနောက် သူမသည် တစ္ဆေတစ်ကောင်ကဲ့သို့ အရှိန်ဖြင့် ဆက်တိုက် တိုက်ခိုက်လေသည်။ သူမ၏ လက်များသည် ပုံရိပ်ယောင်များစွာဖြင့် လျင်မြန်စွာ တိုက်ခိုက်လာသည်။</p> <p>တိုက်ကွက်တိုင်းတွင် ပြင်းထန်သောစွမ်းအားများ ပါဝင်နေပြီး လီဖုန်း၏ အရေးကြီးသော အဓိကအစိတ်အပိုင်းများကို ဦးတည်နေသည်။</p> <p>လီဖုန်းသည် ထိတ်လန့်တုန်လှုပ်သွားပြီး အခြားအရာများကို ဂရုမစိုက်နိုင်တော့ဘဲ သူ၏ ဝိညာဉ်စွမ်းအင်အားလုံးကို ကြေးမုံထဲသို့ ပုံအောထည့်သွင်းကာ မုန့်ဝမ်၏ တိုက်ခိုက်မှုကို အတင်းအကျပ် ခုခံနေရသည်။</p> <p>သို့သော် သွေးမိစ္ဆာလက်သည်း၏ ကြောက်မက်ဖွယ် စွမ်းအားအောက်တွင် ကြေးမုံပေါ်မှ အက်ကြောင်းများမှာ ပိုမို ကြီးမားလာပြီး လုံးဝ ပျက်စီးတော့မည့်ပုံ ပေါ်နေသည်။</p> <p><strong>“</strong><strong>ခရက်.....ခွမ်း......”</strong></p> <p>နောက်ဆုံးတွင် မုန့်ဝမ်၏ နောက်ထပ် ပြင်းထန်သော တိုက်ကွက်တစ်ခုအောက်၌ ရှေးဟောင်းကြေးမုံမှာ စူးရှသော အသံကို ထုတ်လွှတ်လိုက်ပြီး အပိုင်းပိုင်းအစစ ကွဲအက်ကာ မြေပြင်ပေါ်သို့ လွင့်စင်သွားတော့သည်။</p> <p>တာအိုမှော်လက်နက် ၏ အကာအကွယ် မရှိတော့သော လီဖုန်းသည် မုန့်ဝမ်၏ တိုက်ခိုက်မှုအောက်တွင် လုံးဝ အကာအကွယ်မဲ့ ဖြစ်သွားရသည်။</p> <p>“ဒါ ဘယ်လိုကျင့်စဉ်မျိုးလဲ...........”</p> <p>လီဖုန်း၏ အသံမှာ အနည်းငယ် တုန်ယင်နေသည်။</p> <p>သူသည် ထိုလက်သည်းများ၏ အေးစက်သော ထိတွေ့မှုကို ခံစားနေရပြီ ဖြစ်သည်။ ၎င်းမှာ သေခြင်းတရားထက်ပင် ပိုမို အေးစက်သော မိစ္ဆာဆန္ဒ ဖြစ်သည်။</p> <p>မုန့်ဝမ်က ပြန်မဖြေဘဲ နှုတ်ခမ်းကို အသာအယာ တွန့်လိုက်သည်။</p> <p>သူမသည် အနည်းငယ်မျှ တွန့်ဆုတ်ခြင်း မရှိဘဲ သူမ၏ မိစ္ဆာစွမ်းအင် အားလုံးကို လက်ဖဝါးဆီသို့ ပုံအော ထည့်လိုက်သည်။</p> <p>မူလက မှင်ရည်ကဲ့သို့ မည်းနက်နေသော လက်များသည် ယခုအခါ အရာအားလုံးကို ဝါးမျိုမည့် တွင်းနက်ကြီးနှစ်ခုကဲ့သို့ ပိုမို နက်မှောင်လာပြီး လူကို ကြောက်ရွံ့ခြင်းနှင့် လေးစားခြင်းတို့ကို ဖြစ်ပေါ်စေသည်။</p> <p>သူမသည် လက်ကို မြှောက်ကာ အကာအကွယ်မဲ့နေသော လီဖုန်း၏ ခန္ဓာကိုယ်ဆီသို့ တိုက်ရိုက် ဆွဲကုတ်လိုက်လေသည်။</p> <p>သို့သော် ဝိညာဉ်ပြောင်းလဲခြင်းအဆင့် ကျင့်ကြံသူကို လျှော့တွက်၍ မရနိုင်သေးပေ။</p> <p> </p> <p style="text-align: center;">***</p> <p> </p>


Save