Book List

<h2 style="text-align: center;">အခန်း (၃၁၅)</h2> <h2 style="text-align: center;">အမွေအနှစ်ကို သိမ်းပိုက်ခြင်း</h2> <h2 style="text-align: center;">*</h2> <p> </p> <p>မုန့်ဝမ်သည် စစ်မှန်သော မိစ္ဆာနတ်ဘုရားတစ်ပါးကဲ့သို့ပင် သူမ၏ တစ်ကိုယ်လုံးမှ ကြောက်မက်ဖွယ် မိစ္ဆာမီးလျှံများ ဖြာထွက်နေပြီး၊ သူ၏ရှေ့မှ မိစ္ဆာဝိညာဉ် ခုနစ်ခုကို လျစ်လျူရှုထားလိုက်သည်။</p> <p>ခွေးခေါင်းနှင့် မိစ္ဆာဝိညာဉ်သည် ရူးသွပ်စွာ ဟောင်လိုက်ပြီးနောက် ရှေ့သို့ ခုန်အုပ်လာကာ၊ ၎င်း၏ ထက်မြက်သော သွားများဖြင့် မုန့်ဝမ်၏ ချပ်ဝတ်ဆင်ထားသော ပုခုံးကို ကိုက်ခဲလိုက်ရာ မီးပွင့်များ လွင့်စင်သွားသည်။</p> <p>မုန့်ဝမ်သည် အခြားတစ်ဖက်သော လက်ဖြင့် ၎င်း၏ ဦးခေါင်းခွံကို ဖမ်းဆုပ်လိုက်သည်။ အရိုးသံကြိုးသည် ခွေးသွားများကြားရှိ အက်ကြောင်းများမှတစ်ဆင့် မိစ္ဆာဝိညာဉ်၏ ခန္ဓာကိုယ်အတွင်းသို့ တိုးဝင်သွားပြီး၊ ခွေးခေါင်းမိစ္ဆာဝိညာဉ်အတွင်း၌ ရစ်ပတ်မွှေနှောက်နေသည့် သွေးနီရောင် ချည်မျှင်တန်းများအဖြစ် ပြောင်းလဲသွားသည်။</p> <p>သူမသည် လက်ချောင်းများကို ကျစ်ကျစ်ပါအောင် ဆုပ်လိုက်ရာ၊ ခွေးခေါင်းမိစ္ဆာဝိညာဉ်မှာ နာကျင်စွာ အော်ဟစ်ရင်း အလင်းစက်များအဖြစ် ပေါက်ကွဲသွားတော့သည်။</p> <p>“မင်းတို့က ခေတ်နောက်ကျနေတဲ့ စည်းမျဉ်းတွေကိုပဲ ဖက်တွယ်နေကြတာ၊ ငါကတော့ ငါပိုင်ဆိုင်တဲ့ စွမ်းအားကိုပဲ ယုံကြည်တယ်........”</p> <p>ခွေးခေါင်းမိစ္ဆာဝိညာဉ် ပိုင်ဆိုင်သော ကြေးဝါဆီမီးခွက်မှာ “ဘုန်း” ဟူသော အသံနှင့်အတူ အပိုင်းပိုင်း ပြတ်တောက်သွားပြီး၊ ‘ခွေး’ ၏ အမွေအနှစ်သည် မုန့်ဝမ်၏ မျက်ခုံးအလယ်သို့ ပျံဝင်သွားသည်။</p> <p>မုန့်ဝမ်သည် နက်မှောင်လှသော ချပ်ဝတ်တန်ဆာအတွင်း၌ ဖုံးကွယ်နေပြီး၊ သူမ၏ မျက်လုံးများမှာ အေးစက်ရက်စက်နေသော်လည်း နှုတ်ခမ်းထောင့်တွင်မူ သွေးဆာနေသော အပြုံးတစ်ခု ချိတ်ဆွဲထားသည်။</p> <p>“လာစမ်းပါ၊ မင်းတို့လို ရှေးဟောင်းမိစ္ဆာဝိညာဉ်တွေ ဘာတွေ တတ်နိုင်သေးလဲဆိုတာ ငါကြည့်ချင်သေးတယ်........”</p> <p>သူမသည် ခပ်တိုးတိုး အော်ဟစ်လိုက်ပြီး သူမ၏ ပုံရိပ်မှာ ရုတ်တရက် မြင့်တက်သွားကာ ကျန်ရှိနေသော မိစ္ဆာဝိညာဉ်များဆီသို့ တိုးဝင်သွားသည်။</p> <p>မြွေခေါင်းမိစ္ဆာဝိညာဉ် မှုတ်ထုတ်လိုက်သော အဆိပ်မြူများမှာ သူမ၏ ပတ်ပတ်လည်၌ ဝဲလည်နေသော်လည်း၊ သူမ၏ ချပ်ဝတ်တန်ဆာကို အနည်းငယ်မျှပင် ထိုးဖောက်နိုင်ခြင်း မရှိပေ။</p> <p>မုန့်ဝမ်သည် နှာခေါင်းရှုံ့လိုက်ပြီး အရိုးသံကြိုးကို ရုတ်တရက် ဝေ့ယမ်းလိုက်ရာ၊ ထက်မြက်သော ဓားချက်တစ်ခုကဲ့သို့ မြွေခေါင်းမိစ္ဆာဝိညာဉ်၏ အရေးပါသော ‘ခုနစ်လက်မ’ နေရာကို ထိုးစိုက်လိုက်သည်။(မြွေမှာဆို ဦးခေါင်းနောက်က ၇ လက်မမြောက်နေရာက အဓိက အားနည်းချက်လို့ ပြောချင်တာပါ)</p> <p>မြွေခေါင်းမိစ္ဆာဝိညာဉ်သည် စူးရှစွာ အော်ဟစ်လိုက်ပြီး ၎င်း၏ ဝိညာဉ်မှာ ချက်ချင်းပင် အလင်းစက်များအဖြစ် ပေါက်ကွဲပျက်စီးသွားကာ မုန့်ဝမ်၏ ခန္ဓာကိုယ်အတွင်းသို့ စီးဝင်သွားသည်။</p> <p>ဆဋ္ဌမမြောက် ကြေးဝါဆီမီးခွက်မှာလည်း ပေါက်ကွဲသွားပြီး၊ ၎င်း၏ မီးစာမှာ အလင်းတန်းတစ်ခုအဖြစ် ပြောင်းလဲကာ မုန့်ဝမ်၏ မျက်ခုံးအတွင်းသို့ ပျံဝင်သွားသည်။</p> <p>သူမ၏ စိတ်ထဲတွင် နောက်ထပ် တာအိုတစ်ခုဖြစ်သည့် ‘မြွေ’  ၏ အမွေအနှစ် ပေါ်လာပြန်ပြီ ဖြစ်သည်။</p> <p>မြင်းခေါင်းမိစ္ဆာဝိညာဉ်၏ သံခွာချက်များမှာ လေထုကို ထုရိုက်နေပြီး ပုံရိပ်ယောင် ကိုးခုမှာ တစ်ခုနှင့်တစ်ခု ထပ်နေကာ ၎င်း၏ စွမ်းအားမှာ အံ့ဩဖွယ်ကောင်းလှသည်။</p> <p>မုန့်ဝမ်သည် ရှောင်တိမ်းခြင်း မပြုဘဲ လက်နှစ်ဖက်ကို ရုတ်တရက် ရိုက်လိုက်ရာ၊ သွေးနီရောင် အရိုးသံကြိုးမှာ ကြီးမားသော ကွန်ရက်တစ်ခုအဖြစ် ရက်လုပ်သွားပြီး မြင်းခေါင်းမိစ္ဆာဝိညာဉ်ကို တင်းကြပ်စွာ ဖမ်းချုပ်ထားလိုက်သည်။</p> <p>အားဖြင့် တစ်ချက် ဆွဲလိုက်ရာ အရိုးသံကြိုးမှာ ရုတ်တရက် တင်းကြပ်သွားပြီး မြင်းခေါင်းမိစ္ဆာဝိညာဉ်ကို ဆွဲဖြဲပစ်လိုက်ရာ ၎င်းမှာ အလင်းစက်များအဖြစ် ပျောက်ကွယ်သွားသည်။</p> <p>သတ္တမမြောက် ကြေးဝါဆီမီးခွက်မှာ ပေါက်ကွဲသွားပြီး၊ နောက်ထပ် တာအိုတစ်ခုဖြစ်သည့် ‘မြင်း’ ၏ အမွေအနှစ် သူမ၏ စိတ်ထဲတွင် ပေါ်လာပြန်သည်။</p> <p>မိစ္ဆာဝိညာဉ်၏ ဝိညာဉ်နှိမ်နင်းခေါင်းလောင်းသံမှာ နောက်တစ်ကြိမ် မြည်ဟည်းလာပြန်ရာ မုန့်ဝမ်၏ ကိုယ်တွင်းအင်္ဂါများမှာ အနည်းငယ် နာကျင်လာသည်။</p> <p>သူမသည် အေးစက်စွာ နှာခေါင်းရှုံ့လိုက်ရာ သူမ၏ ကိုယ်တွင်းရှိ သွေးမိစ္ဆာ နက်နဲသော ဝိညာဉ် က ရုတ်တရက် မျက်လုံးများကို ဖွင့်လိုက်သည်။ ပြင်းထန်သော မိစ္ဆာစွမ်းအင်တစ်ခု သူမ၏ ခန္ဓာကိုယ်မှ ပေါက်ကွဲထွက်လာပြီး ခေါင်းလောင်းသံကို ချက်ချင်းပင် ချေဖျက်ပစ်လိုက်သည်။</p> <p>မုန့်ဝမ်သည် တစ်ချက် လှုပ်ရှားလိုက်ပြီး သိုးခေါင်းနှင့် မိစ္ဆာဝိညာဉ်၏ နောက်ကျောတွင် ပေါ်လာခဲ့သည်။ သူမ၏ လက်ချောင်းငါးချောင်းမှာ ချိတ်များကဲ့သို့ပင် ၎င်း၏ ဝိညာဉ်အတွင်းသို့ တိုက်ရိုက် ထိုးစိုက်လိုက်သည်။</p> <p>“ပြီးသွားပြီ........”</p> <p>သူမက အေးစက်စွာ ပြောလိုက်ပြီး လက်ချောင်းငါးချောင်းကို ရုတ်တရက် ဆုပ်လိုက်ရာ သိုးခေါင်းမိစ္ဆာဝိညာဉ်မှာ ပေါက်ကွဲသွားတော့သည်။</p> <p>အဋ္ဌမမြောက် ကြေးဝါဆီမီးခွက်မှာ ပေါက်ကွဲသွားပြီး ၎င်း၏ မီးစာမှာ အလင်းတန်းတစ်ခုအဖြစ် ပြောင်းလဲကာ မုန့်ဝမ်၏ ခန္ဓာကိုယ်အတွင်းသို့ စီးဝင်သွားသည်။</p> <p>နောက်ဆုံးတော့ ငါ့ရဲ့ ‘သိုး’ အမွေအနှစ်ကို ရရှိခဲ့ပြီ........</p> <p>ဤအချိန်တွင် မိစ္ဆာနတ်ဘုရား စစ်သူကြီးဆယ့်နှစ်ပါး၏ အမွေအနှစ်ထဲမှ တာအို ရှစ်ခုကို သူမ ရရှိထားပြီ ဖြစ်သည်။</p> <p>ကျန်ရှိနေသော မျောက်ခေါင်း၊ ကြက်ခေါင်းနှင့် ဝက်ခေါင်း မိစ္ဆာဝိညာဉ်များမှာ မုန့်ဝမ်၏ ရက်စက်မှုကို မြင်လိုက်ရသောအခါ ကြောက်ရွံ့သော မျက်နှာထားများဖြင့် အရပ်ရပ်သို့ ထွက်ပြေးကြသည်။</p> <p>သို့သော် မုန့်ဝမ်သည် သူတို့ကို ထွက်ပြေးရန် အခွင့်အရေး ပေးပါမည်လော........</p> <p>“ထွက်ပြေးချင်တာလား........ နောက်ကျသွားပြီ........”</p> <p>သူမသည် သွေးရိပ်ခြေလှမ်းကို နင်းလိုက်ရာ သူမ၏ ပုံရိပ်မှာ ယဇ်ပလ္လင်ပေါ်တွင် တစ္ဆေတစ်ကောင်ကဲ့သို့ လှုပ်ရှားသွားပြီး မျောက်ခေါင်းမိစ္ဆာဝိညာဉ်ကို ချက်ချင်းပင် မှီသွားသည်။ အရိုးသံကြိုးမှာ အဆိပ်ရှိသော မြွေတစ်ကောင်ကဲ့သို့ ၎င်းကို ရစ်ပတ်လိုက်ပြီး ဝိညာဉ်ကို ဆွဲဖြဲပစ်လိုက်သည်။</p> <p>နဝမမြောက် ကြေးဝါဆီမီးခွက်မှာ ပေါက်ကွဲသွားပြီး ‘မျောက်’ ၏ အမွေအနှစ်ကို ရရှိခဲ့သည်။</p> <p>ကြက်ခေါင်းမိစ္ဆာဝိညာဉ်သည် အရှိန်ဖြင့် ထွက်ပြေးရန် ကြိုးစားသော်လည်း မုန့်ဝမ်၏ ဖမ်းဆုပ်ခြင်းကို လွယ်လင့်တကူ ခံလိုက်ရပြီး ၎င်း၏ ဝိညာဉ်မှာ ဆွဲဖြဲခံလိုက်ရသည်။</p> <p>ဝက်ခေါင်းမိစ္ဆာဝိညာဉ်သည် ပြန်လည် ခုခံရန် ကြိုးစားသော်လည်း မုန့်ဝမ်၏ အကြွင်းမဲ့ စွမ်းအားရှေ့တွင် ၎င်း၏ ခုခံမှုမှာ အလွန်ပင် အချည်းနှီး ဖြစ်နေသည်။</p> <p>မုန့်ဝမ်သည် လက်ဝါးနှစ်ဖက်ကို ရိုက်လိုက်ရာ အရိုးသံကြိုးမှာ အသားကြိတ်စက်တစ်ခုကဲ့သို့ ဝက်ခေါင်းမိစ္ဆာဝိညာဉ်ကို ဝါးမျိုဖျက်ဆီးပစ်လိုက်သည်။</p> <p>ဒွါဒသမမြောက်(ဆယ်နှစ်ခုမြောက်) ကြေးဝါဆီမီးခွက်မှာ “ဘုန်း” ဟူသော အသံနှင့်အတူ ပေါက်ကွဲသွားသည်။</p> <p>ယခုအခါ မုန့်ဝမ်သည် မိစ္ဆာနတ်ဘုရား စစ်သူကြီးဆယ့်နှစ်ပါး၏ အမွေအနှစ်ထဲမှ တစ်ဆယ့်တစ်မျိုးကို ရရှိထားပြီဖြစ်ပြီး ‘နဂါး’ ၏ အမွေအနှစ် တစ်ခုသာ ကျန်ရှိတော့သည်။</p> <p>မုန့်ဝမ်သည် မှောင်မည်းနေသော ပဉ္စမမြောက် ကြေးဝါဆီမီးခွက်ကို ကြည့်လိုက်ပြီး ရှေ့သို့ လှမ်းရန် ပြင်လိုက်သည်။</p> <p>ထိုအခိုက်တွင် ပဉ္စမမြောက် ကြေးဝါဆီမီးခွက်မှာ ရုတ်တရက် စူးရှသော အလင်းတန်းများနှင့်အတူ ပေါက်ကွဲထွက်လာပြီး ကြီးမားသော နဂါးပုံသဏ္ဌာန် ပုံရိပ်ယောင်တစ်ခုသည် ဆီမီးခွက်အတွင်းမှ ကောင်းကင်သို့ ထိုးတက်သွားသည်။ နဂါး၏ ဟိန်းဟောက်သံက ကောင်းကင်ယံကို တုန်ခါသွားစေပြီး ယဇ်ပလ္လင်တစ်ခုလုံး ပြင်းထန်စွာ တုန်ခါသွားသည်။</p> <p>“နဂါးအမွေအနှစ်........”</p> <p>မုန့်ဝမ်၏ မျက်လုံးများတွင် ပြင်းပြသော ဆန္ဒများ လက်ခနဲ ပေါ်သွားသော်လည်း၊ ချက်ချင်းပင် တည်ငြိမ် လေးနက်သွားသည်။</p> <p>ဤနဂါးပုံသဏ္ဌာန် ပုံရိပ်ယောင်၏ စွမ်းအားမှာ ယခင် မိစ္ဆာဝိညာဉ်များထက် များစွာ ပိုမို ကြီးမားကြောင်း သူမ ခံစားလိုက်ရသည်။</p> <p>“လူသားမျိုးနွယ်၊ မင်းက ငါတို့ မိစ္ဆာသားရဲမျိုးနွယ်ရဲ့ သန့်ရှင်းတဲ့ ယဇ်ပလ္လင်ကို ညစ်ညမ်းအောင် လုပ်ရဲတယ်ပေါ့........ မင်း သေထိုက်တယ်........”</p> <p>နဂါးပုံသဏ္ဌာန် ပုံရိပ်ယောင်သည် လူသားစကားဖြင့် ပြောလိုက်ရာ၊ ၎င်း၏ အသံမှာ မုန့်ဝမ်၏ နားထဲတွင် မိုးခြိမ်းသံကဲ့သို့ ဟိန်းထွက်သွားသည်။</p> <p>မုန့်ဝမ်သည် နှာခေါင်းရှုံ့လိုက်ပြီး နဂါးပုံသဏ္ဌာန် ပုံရိပ်ယောင်၏ အကြည့်ကို မကြောက်မရွံ့ ရင်ဆိုင်လိုက်သည်။</p> <p>“မင်းလို ဝိညာဉ်အကြွင်းအကျန်လေးက ငါ့ရှေ့မှာ ဘဝင်မြင့်ရဲတယ်ပေါ့........ ဒီနေ့ မင်းကို လုံးဝ ပျောက်ကွယ်သွားအောင် ငါလုပ်ပြမယ်........”</p> <p>စကားမဆုံးသေးမီမှာပင် မုန့်ဝမ်၏ မိစ္ဆာစွမ်းအင်မှာ ပြန်လည် မြင့်တက်လာပြီး၊ သူမ၏ သွေးမိစ္ဆာ ကောင်းကင်ဘုံကျင့်စဉ်ကို အစွမ်းကုန် လှုံ့ဆော်လိုက်သည်။ သူမသည် မိစ္ဆာနတ်ဘုရားတစ်ပါးကဲ့သို့ပင် နဂါးပုံသဏ္ဌာန် ပုံရိပ်ယောင်ဆီသို့ တစ်ဟုန်ထိုး ပြေးဝင်သွားသည်။</p> <p>နဂါးပုံသဏ္ဌာန် ပုံရိပ်ယောင်သည် ဟိန်းဟောက်လိုက်ပြီး၊ ၎င်း၏ နဂါးလက်သည်းများဖြင့် ဟင်းလင်းပြင်ကို ဆွဲဖြဲကာ မုန့်ဝမ်၏ ဦးခေါင်းပေါ်သို့ ခုတ်ချလိုက်သည်။</p> <p>မုန့်ဝမ်သည် တစ်ချက် လှုပ်ရှားလိုက်ရုံဖြင့် နဂါးလက်သည်းကို ရှောင်လိုက်ပြီး၊ တစ်ပြိုင်နက်တည်းမှာပင် လက်ကွက်များကို ဖော်ဆောင်ကာ နဂါးပုံသဏ္ဌာန် ပုံရိပ်ယောင်ကို ရစ်ပတ်မည့် မရေမတွက်နိုင်သော သွေးနီရောင် ချည်မျှင်များကို ပစ်လွှတ်လိုက်သည်။</p> <p>သို့သော် သွေးနီရောင် ချည်မျှင်များသည် နဂါးပုံသဏ္ဌာန် ပုံရိပ်ယောင်၏ အနီးသို့ ရောက်သည်နှင့် ချက်ချင်းပင် ပျက်စီးသွားကြသည်။</p> <p>မုန့်ဝမ် မျက်မှောင်ကြုတ်လိုက်မိသည် ..... ဤနဂါးဝိညာဉ်မှာ တကယ့်ကို ကိုင်တွယ်ရ ခက်ခဲလှသည်။</p> <p>သို့သော် သူမ နောက်မဆုတ်ဘဲ သူမ၏ တိုက်ခိုက်လိုစိတ်မှာ ပိုမို ပြင်းထန်လာသည်။</p> <p>သူမသည် လက်နှစ်ဖက်ကို ရုတ်တရက် ဆုပ်လိုက်ရာ သူမ၏ ကိုယ်တွင်းရှိ မိစ္ဆာစွမ်းအင်များမှာ ရူးသွပ်စွာ မြင့်တက်လာပြီး၊ နဂါးပုံသဏ္ဌာန် ပုံရိပ်ယောင်ကို ပြင်းထန်စွာ ထိုးစိုက်မည့် သွေးနီရောင် လှံရှည်ကြီးတစ်ခုအဖြစ် ပြောင်းလဲသွားသည်။</p> <p>“ဘုန်း..................”</p> <p>သွေးနီရောင် လှံရှည်ကြီးသည် နဂါးပုံသဏ္ဌာန် ပုံရိပ်ယောင်၏ နဂါးလက်သည်းနှင့် ထိပ်တိုက် တွေ့ဆုံသွားရာ နားကွဲမတတ် အော်ဟစ်သံတစ်ခု ထွက်ပေါ်လာသည်။</p> <p>ဤတိုက်ခိုက်မှုကြောင့် ယဇ်ပလ္လင်တစ်ခုလုံး ပြင်းထန်စွာ တုန်ခါသွားပြီး၊ နဂါးတိုင်ပေါ်ရှိ မိစ္ဆာအမြုတေများမှာ ကွဲကြေသွားကာ မရေမတွက်နိုင်သော အလင်းစက်များအဖြစ် ပြောင်းလဲသွားသည်။</p> <p>မုန့်ဝမ်မှာ ပြန်ကန်ထွက်လာသော စွမ်းအားကြောင့် နောက်သို့ လွင့်ထွက်သွားပြီး သွေးတစ်လုပ် အန်လိုက်ရသည်။</p> <p>သို့သော် သူမ၏ မျက်လုံးများတွင် ရူးသွပ်မှု အရိပ်အယောင်များ လက်ခနဲ ပေါ်လာပြီး “နောက်တစ်ခေါက်........” ဟု အော်ဟစ်လိုက်သည်။</p> <p>သူမသည် ရှေ့သို့ ထပ်မံ ပြေးဝင်သွားပြီး နဂါးပုံသဏ္ဌာန် ပုံရိပ်ယောင်နှင့် ပြင်းထန်စွာ တိုက်ခိုက်တော့သည်။</p> <p>တိုက်ခိုက်မှု တစ်ခုစီတိုင်းက ယဇ်ပလ္လင်တစ်ခုလုံးကို တုန်ခါသွားစေပြီး၊ အချိန်မရွေး ပြိုကျတော့မည့်အလား ထင်ရသည်။</p> <p>နဂါးပုံသဏ္ဌာန် ပုံရိပ်ယောင်၏ တိုက်ကွက်တစ်ခုစီတိုင်းတွင် ကမ္ဘာပျက်စေနိုင်သော စွမ်းအားများ ပါဝင်နေသည်။</p> <p>နဂါးလက်သည်းများက ဟင်းလင်းပြင်ကို ဆွဲဖြဲနေပြီး၊ နဂါးအမြီးက စစ်မြေပြင်ကို ဝေ့ယမ်းနေကာ၊ နဂါး၏ အသက်ရှူထုတ်မှု တစ်ခုစီတိုင်းတွင် ရေမှာ ဆူပွက်လာပြီး ကမ္ဘာလောကကြီး၏ အရောင်အဆင်းမှာ ပြောင်းလဲသွားသည်။</p> <p>သို့သော် မုန့်ဝမ်မှာမူ ကြောက်ရွံ့ခြင်း အလျဉ်းမရှိပေ။ သူမ၏ ပုံရိပ်မှာ တစ္ဆေတစ်ကောင်ကဲ့သို့ပင် ဖြစ်ပြီး၊ သွေးရိပ်ခြေလှမ်းကို အစွမ်းကုန် အသုံးပြုကာ နဂါးပုံသဏ္ဌာန် ပုံရိပ်ယောင်၏ တိုက်ကွက်များကြားတွင် လွတ်လပ်စွာ လှုပ်ရှားနေသည်။</p> <p>“လူသားမျိုးနွယ်၊ မင်းရဲ့ ရုန်းကန်မှုတွေက အချည်းနှီးပဲ........”</p> <p>နဂါးပုံသဏ္ဌာန် ပုံရိပ်ယောင်သည် ဟိန်းဟောက်လိုက်ပြီး ၎င်း၏ နဂါးလက်သည်းဖြင့် မုန့်ဝမ်ကို ယဇ်ပလ္လင်ပေါ်သို့ တိုက်ရိုက် ရိုက်ချလိုက်သည်။</p> <p>“ဘုန်း..................”</p> <p>ယဇ်ပလ္လင်မှာ ကြီးမားသော ကျင်းကြီးတစ်ခုအဖြစ် ပျက်စီးသွားပြီး မုန့်ဝမ်၏ ပုံရိပ်မှာ ထိုကျင်းအတွင်း မြှုပ်နှံခြင်း ခံလိုက်ရသည်။</p> <p>သို့သော် နောက်တစ်ခဏမှာပင် ထိုကျင်းနက်ကြီးအတွင်းမှ ကြီးမားသော မိစ္ဆာစွမ်းအင်တစ်ခု ရုတ်တရက် ပေါက်ကွဲထွက်လာပြီး၊ မုန့်ဝမ်၏ ပုံရိပ်သည် မိစ္ဆာစွမ်းအင်များ ဝန်းရံလျက် အနိုင်မရနိုင်သော မိစ္ဆာနတ်ဘုရားတစ်ပါးကဲ့သို့ ထိုကျင်းအတွင်းမှ ကောင်းကင်သို့ ပျံတက်လာသည်။</p> <p>“မင်းမှာ ရှိတဲ့ ခွန်အားက ဒါအကုန်ပဲလား........ ထမင်းမစားလာဘူးလား........”</p> <p>မုန့်ဝမ်က နှာခေါင်းရှုံ့လိုက်ပြီး လက်နှစ်ဖက်ကို ရုတ်တရက် ဆုပ်လိုက်သည်။ သူမ၏ ကိုယ်တွင်းမှ မိစ္ဆာစွမ်းအင်များမှာ နောက်တစ်ကြိမ် မြင့်တက်လာပြီး၊ ယခင်ကထက် အဆပေါင်းများစွာ ပိုမို ကြီးမားသော သွေးနီရောင် လှံရှည်ကြီးအဖြစ် ပြောင်းလဲကာ နဂါးပုံသဏ္ဌာန် ပုံရိပ်ယောင်ဆီသို့ အရှိန်အဟုန်ဖြင့် ပစ်လွှတ်လိုက်သည်။</p> <p>“သေစမ်း........”</p> <p>ဖျက်ဆီးအား ပြင်းထန်လှသော သွေးနီရောင် လှံရှည်ကြီးသည် နဂါးပုံသဏ္ဌာန် ပုံရိပ်ယောင်၏ ရင်ဘတ်ကို တိုက်ရိုက် ထိုးဖောက်သွားသည်။</p> <p>နဂါးပုံသဏ္ဌာန် ပုံရိပ်ယောင်သည် စူးရှစွာ အော်ဟစ်လိုက်ပြီး၊ ၎င်း၏ နဂါးလက်သည်းများဖြင့် သွေးနီရောင် လှံရှည်ကြီးကို ရူးသွပ်စွာ ဆွဲဖြဲရန် ကြိုးစားသော်လည်း ၎င်းကို ဆွဲထုတ်နိုင်ခြင်း မရှိပေ။</p> <p>“ပြီးသွားပြီ........”</p> <p>မုန့်ဝမ်သည် အေးစက်စွာ ပြောလိုက်ပြီးနောက် သူမ၏ လက်သီးများကို ရုတ်တရက် ဆုပ်လိုက်သည်။</p> <p>နဂါးဝိညာဉ်၏ ကိုယ်တွင်းသို့ နက်နက်ရှိုင်းရှိုင်း ထိုးစိုက်နေသော သွေးနီရောင် လှံရှည်ကြီးမှာ နားကွဲမတတ် အသံနှင့်အတူ ပေါက်ကွဲသွားပြီး၊ ပြင်းထန်သော မိစ္ဆာစွမ်းအင်များက နဂါးပုံသဏ္ဌာန် ပုံရိပ်ယောင်၏ ဝိညာဉ်ကို ဆွဲဖြဲဖျက်ဆီးပစ်လိုက်သည်။</p> <p>“မဖြစ်နိုင်ဘူး..................”</p> <p>နဂါးပုံသဏ္ဌာန် ပုံရိပ်ယောင်သည် နာကျည်းမှုများ ပြည့်နှက်နေသော ဟိန်းဟောက်သံကြီးကို ထုတ်လွှတ်လိုက်ပြီး၊ ၎င်း၏ ဝိညာဉ်ခန္ဓာကိုယ်မှာ ပေါက်ကွဲသွားကာ အလင်းစက် ပေါင်းများစွာအဖြစ် ပြောင်းလဲ၍ မုန့်ဝမ်၏ ခန္ဓာကိုယ်အတွင်းသို့ စီးဝင်သွားသည်။</p> <p>နောက်ဆုံးတွင် မိစ္ဆာနတ်ဘုရား စစ်သူကြီးဆယ့်နှစ်ပါး၏ အမွေအနှစ် အားလုံးသည် မုန့်ဝမ်၏ လက်ထဲသို့ ရောက်ရှိသွားလေတော့သည်........</p> <p> </p> <p> </p> <p style="text-align: center;">***</p> <p> </p>


Save