Book List

<h2 style="text-align: center;">အခန်း ၁၃၈ - သူ ရှင်သန်လာမယ့် အချိန်ကို ငါ စောင့်နေတယ်</h2> <h2 style="text-align: center;">*</h2> <p> </p> <p> </p> <p> </p> <p>လင်းယုန် နိုင်ငံ (ဗြိတိန်)။</p> <p>မြူခိုးများ ဖုံးလွှမ်းနေသော စွန့်ပစ် မြေအောက် ရထားလမ်း အနက်ရှိုင်းဆုံး နေရာ...</p> <p>ထိုနေရာတွင် စုဆောင်းရေး ခန်းမ တစ်ခု အဖြစ် ပြောင်းလဲထားသော နေရာတစ်ခု ရှိသည်။ အလယ်တွင် အစည်းအဝေး စားပွဲရှည် တစ်ခု ချထားပြီး ယခုအချိန်တွင် ထို စားပွဲရှည် ဘေး၌ လူများ ပြည့်နှက်နေလေသည်။</p> <p>အပိုအလို မရှိ၊ အတိအကျ ၁၂ ယောက် ပင်။</p> <p>ထို ၁၂ ယောက် အားလုံးက လူသားများနှင့် တူသော်လည်း မျက်နှာဖုံး တပ်ထားသူ ၅ ယောက်၊ သွေးမရှိသကဲ့သို့ ဖြူဖျော့နေသူ တစ်ယောက်နှင့် စားပွဲပေါ် တင်ထားသော ညာဘက် လက်မှ ဆူးချွန်များ ရံဖန်ရံခါ ထွက်ပေါ်လာတတ်သူ တစ်ယောက် ပါဝင်သည်။ ကျန်သူများမှာမူ သာမန် လူသားများနှင့် တူပေသည်။</p> <p>ယခုအချိန်တွင် ၁၂ ယောက်ထဲမှ ၁၁ ယောက်က ရွှေရောင် မျက်နှာဖုံး တပ်ထားသူကို ကြည့်နေကြသည်။</p> <p>"ဒါက ဟွာရှ ကျင့်ကြံခြင်း လောကရဲ့ ဂိုဏ်းအသီးသီးက အသေးစိတ် အချက်အလက်တွေပဲ... အပြည့်အဝ မပွင့်သေးတဲ့ ကောင်းကင်ဘုံ လိုဏ်ဂူက ဂိုဏ်းတွေ ပါသလို ခွန်းလွန် နတ်နန်းတော် အကြောင်းတောင် ပါသေးတယ်... မင်းတို့ စိတ်ပူစရာ မလိုပါဘူး... ငါတို့ကလည်း ဟွာရှ လူမျိုးတွေ ဖြစ်ပေမဲ့ ဟွာရှက သူတို့ကိုယ်သူတို့ ယန် နဲ့ ဟွမ်ရဲ့ မျိုးဆက်တွေ လို့ သတ်မှတ်ထားကြတယ်... တကယ်တော့ ငါတို့ မျိုးဆက်က အဲဒီနှစ်တုန်းက ရှုံးနိမ့်ခဲ့သူတွေပဲ... သူတို့ကတော့ အရိုင်းအစိုင်းတွေလို့ ခေါ်ကြတယ်... ဒါကြောင့် ငါတို့မှာ ဟွာရှပြည် အပေါ် သံယောဇဉ် သိပ်မရှိဘူး... ငါတို့ နှစ်ထောင်ပေါင်းများစွာ ပုန်းအောင်းနေခဲ့ရတဲ့ ရည်ရွယ်ချက် တစ်ခုတည်း ရှိတယ်... အဲဒါက ငါတို့ရဲ့ တော်ဝင် ဘိုးဘေးကို အသက်ပြန်သွင်းဖို့ပဲ... ဟွာရှ ကျင့်ကြံခြင်း လောကကြီး ဇောက်ထိုးမိုးမျှော် ဖြစ်သွားရင်တောင်၊ လုံးဝ ပျက်စီးသွားရင်တောင် တစ်ချက်လေးမှ တွန့်ဆုတ်နေမှာ မဟုတ်ဘူး..."</p> <p>ရွှေရောင် မျက်နှာဖုံးရှင်က သတ္တု USB မှတ်ဉာဏ်ကတ် တစ်ခုကို ပစ်ချလိုက်ရာ စားပွဲပေါ်သို့ ကျသွားလေသည်။ ကျန် ၁၁ ယောက်က ထို USB မှတ်ဉာဏ်ကတ်ကို စိုက်ကြည့်နေကြသည်။</p> <p>"တော်ဝင် ဘိုးဘေး... မင်းတို့ရဲ့ တော်ဝင် ဘိုးဘေးက ဘယ်သူလဲ... ငါတို့ သွေးစုပ်ဖုတ်ကောင် ဒဏ္ဍာရီထဲက ပထမဆုံး ဘိုးဘေး ကိန်းကိုတော့ ယှဉ်နိုင်မယ် မထင်ပါဘူး... မင်းတို့ရဲ့ ဟွာရှ ကျင့်ကြံခြင်း လောကမှာ မကြာသေးခင်က ဂြိုဟ် ၉ လုံး တန်းစီတဲ့ နိမိတ် ပေါ်လာပြီး ဘုရားသခင် မျက်နှာသာ ပေးခံရသလို ကြီးမားတဲ့ ထူးခြား စွမ်းအင်တွေ ရလာတယ်... တကယ်တော့ အဲဒါက တိုက်ခိုက်ဖို့ နေရာ တစ်ခု သက်သက်ပဲ... ငါတို့ကို ထူးခြားတဲ့ စွမ်းအားတွေ ပေးနေတာပဲ... ငါတို့ သွေးစုပ်ဖုတ်ကောင် မျိုးနွယ်က မင်းသား တစ်ပါး သွေးခေါင်းတလားထဲကနေ နိုးထလာရင် တစ်ယောက်တည်း နဲ့တင် မင်းတို့ရဲ့ ဟွာရှ ကျင့်ကြံခြင်း လောကကို ဖျက်ဆီးပစ်နိုင်တယ်..."</p> <p>ဖြူဖျော့သော အသားအရည်နှင့် လူငယ်က အေးစက်စက် လှောင်ပြောင်လိုက်သည်။</p> <p>သူက သွေးစုပ်ဖုတ်ကောင် တစ်ကောင် ဖြစ်ပြီး သာမန် သွေးစုပ်ဖုတ်ကောင် မဟုတ်ဘဲ သွေးစုပ်ဖုတ်ကောင် မင်းသား တစ်ပါး ဖြစ်ပေသည်။</p> <p>"ကိန်း ဟုတ်လား... ဟွန်း..." ရွှေရောင် မျက်နှာဖုံးရှင်က အေးစက်စက် လှောင်ပြောင်လိုက်သည်။ "ငါ့ ဘိုးဘေး ချီယိုက ကျိုလီ မျိုးနွယ် နဲ့ သွေးတစ်ကြောတည်း ဖြစ်ပြီး ရှန်ကျိုး မြေကို အုပ်စိုးဖို့ ရွှမ်ယွမ်နဲ့ ယှဉ်ပြိုင်ခဲ့တဲ့ အချိန်တုန်းက ဥရောပ မြေပေါ်က မင်းတို့ လူသားတွေက မျောက်တွေလို သစ်ပင်ပေါ်က သစ်သီး ခူးစားနေကြတုန်းပဲ ရှိသေးတယ်ကွ..."</p> <p>"မင်း..."</p> <p>"ရူးနေတဲ့ကောင်..."</p> <p>"ဟွန်း..."</p> <p>မျက်တောင်တစ်ခတ် အတွင်းမှာပင် စားပွဲပေါ်ရှိ အနည်းဆုံး လူ ၉ ယောက်က ရွှေရောင် မျက်နှာဖုံးရှင်ကို အေးစက်စွာ စိုက်ကြည့်လိုက်ကြပြီး ကြောက်မက်ဖွယ် ကောင်းသော အငွေ့အသက် ၉ ခုက ဖိချလာလေသည်။</p> <p>"ငါ မင်းတို့ကို အခွင့်အရေး ပေးပြီးပြီ... ဆုပ်ကိုင်နိုင်မလား ဆိုတာ မင်းတို့ အပေါ်မှာပဲ မူတည်တယ်... အလွန်ဆုံး ၃ လ ပဲ... ၃ လ အတွင်းမှာ ငါတို့ ကျိုလီ မျိုးနွယ်စုတွေ အားလုံးက တော်ဝင် ဘိုးဘေး ချီယိုကို အသက်ပြန်သွင်းဖို့ ပူဇော်ပွဲ လုပ်ကြလိမ့်မယ်... တော်ဝင် ဘိုးဘေး အသက်ပြန်ရှင်လာရင် မင်းတို့ ဟွာရှပြည်ကို ကျူးကျော်ချင်ရင်တောင် အခွင့်အရေး မရှိတော့ဘူး... ဘာပဲဖြစ်ဖြစ် လိုက်ပို့စရာ မလိုပါဘူး..."</p> <p>ရွှေရောင် မျက်နှာဖုံးရှင်က ရယ်မောလိုက်ပြီး ကြောက်မက်ဖွယ် အငွေ့အသက် ၉ ခုကို ဂရုမစိုက်ဘဲ မတ်တပ် ထရပ်ကာ ဤ မြေအောက် အစည်းအဝေး ခန်းမ မှ ထွက်ခွာသွားလေသည်။</p> <p>"မာနကြီးတဲ့ ဟွာရှ လူမျိုး..."</p> <p>ဖြူဖျော့သော အသားအရည်နှင့် သွေးစုပ်ဖုတ်ကောင် မြို့စားက အေးစက်စွာ ထပ်မံ လှောင်ပြောင်လိုက်သည်။</p> <p>"သူ ပြောတာ မင်းတို့ ယုံလား..."</p> <p>အနက်ရောင် မျက်နှာဖုံး တပ်ထားသူ တစ်ယောက်က တိုးတိုးလေး မေးလိုက်သည်။</p> <p>"ငါ... ငါ ပြန်သွားပြီး ဆင်းသက်လာတဲ့ လူကြီးမင်းကို မေးကြည့်ရမယ်..."</p> <p>အဖြူရောင် မျက်နှာဖုံး တပ်ထားသူ တစ်ယောက်က ပြန်ဖြေသည်။</p> <p>"ဆင်းသက်လာတယ်... ဟင်... ကောင်းကင်တမန် တစ်ပါး ကမ္ဘာမြေပေါ် ဆင်းသက်လာပြီလား..."</p> <p>သွေးစုပ်ဖုတ်ကောင် မြို့စား မျက်နှာ မည်းမှောင်သွားပြီး အဖြူရောင် မျက်နှာဖုံးရှင်ကို ပြုံးစစ ကြည့်ကာ မေးလိုက်သည်။</p> <p>"ဒီတစ်ခါ ငါတို့မှာ တူညီတဲ့ ပန်းတိုင် ရှိတယ်... အဲဒါက ဟွာရှပြည်ပဲ... ဘာပဲဖြစ်ဖြစ် ဟွာရှပြည်က ထူးခြားတဲ့ စွမ်းအင် ခေတ်ကို ဖွင့်လှစ်လိုက်ပြီလေ..."</p> <p>အဖြူရောင် မျက်နှာဖုံးရှင်က တည်ငြိမ်စွာ ပြန်ပြောလိုက်သည်။</p> <p>"ဟွန်း..."</p> <p>သွေးစုပ်ဖုတ်ကောင် မြို့စားက အေးစက်စက် လှောင်ပြောင်လိုက်သည်။</p> <p>ထို့နောက် အစည်းအဝေး စားပွဲပေါ်ရှိ လူ ၁၁ ယောက် တိတ်ဆိတ်သွားကြသည်။ ယခုအချိန်တွင် သူတို့၏ အကြည့်များက သတ္တု USB မှတ်ဉာဏ်ကတ် ပေါ်သို့ ကျရောက်နေသည်။ သူတို့ထဲမှ အစိမ်းရောင် မျက်နှာဖုံး တပ်ထားသူ တစ်ယောက်က စားပွဲကို လက်ချောင်းများဖြင့် ညင်သာစွာ ခေါက်ရင်း တစ်ခုခုကို စဉ်းစားနေပုံ ရလေသည်။</p> <p>...</p> <p>ဟွာရှပြည်။</p> <p>နန်ရှီမြို့ ရှိ စုချန်၏ နေအိမ်တွင်....</p> <p>"အင်း... ဒီ ခွေးကောင်... ငါ အတင်း အကြပ် လုပ်တာကို တကယ် ခံချင်နေတာလား..."</p> <p>အန်းကျင်းက တိုးတိုးလေး ညည်းတွားလိုက်ပြီး တစ်ဖက်လှည့်ကာ ချန်ကျန်း၏ ကျောပြင်ကို အော်ဟစ်လိုက်သည်။</p> <p>ချန်ကျန်းက သူမကို အကြောဖွင့်ပေးသည့် အလုပ် ပြီးသွားပြီ ဖြစ်သော်လည်း ဤတစ်ကြိမ်တွင်မူ သူမ ဆက်ပြီး သည်းမခံနိုင်တော့ပေ။ သူမ၏ ရင်ထဲတွင် ပိုးကောင်လေး တစ်ကောင် တွားသွားနေသကဲ့သို့ ခံစားရပြီး ဆက်လက်၍ သည်းမခံနိုင်တော့ပေ။</p> <p>"မင်းမှာ ထူးခြားတဲ့ ခန္ဓာကိုယ် ဖွဲ့စည်းပုံ ရှိတယ်..."</p> <p>ချန်ကျန်းက ပြန်ဖြေလိုက်သည်။</p> <p>"ဘယ်လို ထူးခြားတာလဲ..."</p> <p>အန်းကျင်း အံ့သြသွားသည်။</p> <p>"မင်းရဲ့ ကျင့်ကြံခြင်း အဆင့် မြင့်လေလေ၊ ယောကျာ်းတွေ အတွက် ပိုအကျိုး ရှိလေလေပဲ... ဒါပေမဲ့ ပထမဆုံး အကြိမ် အတွက်ပဲ... ပြီးတော့ ငါ့ရဲ့ ခန္ဓာကိုယ် ဖွဲ့စည်းပုံကလည်း အရမ်း ထူးခြားတယ်... မင်းကို တိုက်ရိုက် ဖျက်ဆီးပစ်မိမှာ စိုးရိမ်လို့ပါ..."</p> <p>ချန်ကျန်းက လှည့်ကြည့်ပြီး အလွန် လေးနက်စွာ ပြောလိုက်သည်။</p> <p>"ဒါဆို ဘယ်လို လုပ်ရမလဲ... ငါက အမြဲတမ်း သည်းခံနေရမှာလား... နင် ငါ့ကို သွေးကြော ရှင်းပေးတိုင်း ငါ့ကို စိတ်လာအောင် လုပ်သလိုပဲ... ဒါပေမဲ့ အကြိမ်တိုင်း နင်က အဆုံးထိ မလုပ်ပေးဘူး... ငါ အရမ်း စိတ်အနှောင့်အယှက် ဖြစ်ရတယ်..."<br /> အန်းကျင်းက ချန်ကျန်းကို စိုက်ကြည့်ပြီး ပြောလိုက်သည်။</p> <p>"မင်း မြေကမ္ဘာ နတ်ဘုရား အဆင့် ရောက်တဲ့အထိ စောင့်လိုက်... အဲဒီအခါကျရင် အသားအစိုင်က အခြေခံ အကျဆုံး အသွင်ပြောင်းမှု ပြီးဆုံးသွားလိမ့်မယ်..."<br /> ချန်ကျန်းက အနည်းငယ် စဉ်းစားပြီး ပြောလိုက်သည်။</p> <p>"မြေကမ္ဘာ နတ်ဘုရားလား... ဘယ်လောက်ကြာကြာ စောင့်ရဦးမှာလဲ..."</p> <p>အန်းကျင်းက ချန်ကျန်းကို မျက်စောင်းထိုး ကြည့်လိုက်သည်။</p> <p>"မကြာတော့ပါဘူး..."<br /> ချန်ကျန်းက တိတ်ဆိတ် လျှို့ဝှက်စွာ ပြုံးပြလိုက်ပြီးနောက် လှည့်ကာ အိပ်ခန်းထဲမှ ထွက်သွားလေသည်။</p> <p>"မကြာတော့ဘူး... ဟူး... ငါက ယောကျာ်း တစ်ယောက်ကို အတင်း တွန်းလှဲဖို့ ဒီလောက်တောင် ခက်ခဲရသလား... ငါက ကျန်းနန် တက္ကသိုလ်က အသိအမှတ် ပြုထားတဲ့ အလှမယ်ဆရာမလေ... မျက်နှာ ဆိုလည်း မျက်နှာ၊ ခန္ဓာကိုယ် ဆိုလည်း ခန္ဓာကိုယ်၊ လိုချင်သလောက် ဆွဲဆောင်မှု ရှိနိုင်တာကို..."</p> <p>အိပ်ခန်းထဲတွင် အန်းကျင်းက မျက်နှာကြက်ကို ကြည့်ရင်း စကားမပြောနိုင် ဖြစ်နေရုံမှလွဲ၍ ဘာမှ မတတ်နိုင်တော့ပေ။</p> <p>နာရီဝက် ကြာပြီးနောက်...</p> <p>ချန်ကျန်းက စုချန်နှင့် ဇူချင်းဟုန် တို့ကို သွေးကြော ရှင်းပေးသည့် အလုပ် ပြီးဆုံးသွားလေပြီ။ စုချန်၏ ကျင့်ကြံခြင်း အဆင့်က မဟာအရှင်သခင် အဆင့်သို့ တည်ငြိမ်စွာ ရောက်ရှိသွားပြီး ဇူချင်းဟုန်လည်း မဟာအရှင်သခင် အဆင့်သို့ လှမ်းတက်သွားလေပြီ။</p> <p>"ငါ အပြင် ခဏ သွားဦးမယ်..."</p> <p>ချန်ကျန်းက ဖုန်းလက်ခံ ပြောဆိုပြီးနောက် မိန်းကလေး နှစ်ယောက်ကို ပြောကာ အပြင်သို့ ထွက်သွားလေသည်။</p> <p>"တစ်ခုခု ဖြစ်လို့လား..."<br /> ဇူချင်းဟုန်က မေးလိုက်သော်လည်း စုချန်က ခေါင်းခါပြလိုက်သည်။</p> <p>"စိတ်မပူပါနဲ့... သခင်ကို ဘယ်သူမှ မထိခိုက်စေနိုင်ပါဘူး... သခင်မလေး နှစ်ယောက်... ရှောင်ကူ နဲ့ ရင်ဘတ် အရွယ်အစား ယှဉ်ကြည့်ရအောင်လေ..."</p> <p>ဇူချင်းဟုန်၏ ရင်ဘတ်ပေါ်တွင် လှဲနေသော အရိုးလေးက ကလေးလေး တစ်ယောက်၏ ချိုသာသော အသံဖြင့် ပြောလိုက်ပြီး သူမ၏ မျက်လုံးများက စုချန်၏ ရင်ဘတ် နေရာသို့ ခုန်ကူးသွားကာ ခေါင်းလေးဖြင့် ပွတ်သပ်နေလေတော့သည်။</p> <p>...</p> <p>တက္ကသိုလ် ဝင်း အပြင်ဘက်ရှိ နန်ဖုန်း ကော်ဖီဆိုင်...</p> <p>ရှောင်ဖန်က အလွန် စိတ်လှုပ်ရှားနေသည်။ ဤတစ်ကြိမ် သူ၏ ခေါင်းဆောင် နှင့်အတူ နန်ရှီမြို့ သို့ လာရခြင်းမှာ ပြီးခဲ့သည့် အကြိမ်ကထက် ပိုမို စိတ်လှုပ်ရှားနေရသည်။</p> <p>အကြောင်းမှာ စွမ်းအားရှင် အဖွဲ့က သတင်း ရထားသောကြောင့် ဖြစ်သည်။ ကျင့်ကြံခြင်း လောက၏ ထိပ်သီး ၃ ခု ထဲမှ တစ်ခု ဖြစ်သော နဂါးမိသားစုသည် ညတွင်းချင်း ပျောက်ကွယ်သွားခဲ့ပြီး ထိုကိစ္စကို ဤလူ လုပ်ခဲ့ခြင်း ဖြစ်နိုင်ကြောင်းပင်။</p> <p>ညတွင်းချင်းမှာပင် အင်အားကြီး ကျင့်ကြံသူ မိသားစု တစ်ခု၊ ဘယ်သူမှ လွယ်လွယ်ကူကူ မရန်စရဲသော နဂါးမိသားစု ပင်လျှင် အသံတိတ် ပျောက်ကွယ်သွားခဲ့သည်လား။</p> <p>ဒီလူ ဘယ်လောက်တောင် စွမ်းအားကြီးသလဲ။</p> <p>"ကျွန်တော်တို့ သတင်းတချို့ ရထားတယ်... လူတစ်ယောက်က ဟွာရှ ကျင့်ကြံခြင်း လောကရဲ့ အဓိက ဂိုဏ်းတွေရဲ့ အချက်အလက်တွေကို နိုင်ငံခြားက ထူးခြားတဲ့ စွမ်းအားရှင် အဖွဲ့ တွေဆီ ပေးလိုက်တယ် တဲ့... ပြီးတော့... အဲဒီလူရဲ့ ရည်ရွယ်ချက် က... ချီယိုကို အသက်ပြန်သွင်းဖို့ တဲ့..."</p> <p>လင်းကျောက်မင်၏ အသံက အလွန် တိုးညှင်းနေပြီး ချန်ကျန်း၏ မျက်လုံးများကို စိုက်ကြည့်နေလေသည်။</p> <p>သူ၏ မျက်နှာပေါ်တွင် အမူအရာ ပြောင်းလဲမှု တစ်ခုခုကို မြင်တွေ့နိုင်ရန် ကြိုးစားနေသော်လည်း စိတ်ပျက်သွားရသည်။ သူ့ရှေ့ရှိ လူငယ်လေးသည် ချီယို ဟူသော နာမည်ကို ကြားလိုက်ရချိန်တွင် မည်သည့် ခံစားချက် ပြောင်းလဲမှုမျှ မရှိပေ။</p> <p>"သူ ရှင်သန်လာမယ့် အချိန်ကို ငါ စောင့်နေတယ်..."</p> <p>ချန်ကျန်းက နို့လက်ဖက်ရည် တစ်ငုံ သောက်လိုက်ပြီး ညင်သာစွာ ပြုံးလိုက်သည်။</p> <p>"......."<br /> သူ့ဘေးတွင် သက်တော်စောင့် အဖြစ် မတ်တပ်ရပ်နေသော ရှောင်ဖန် ထိုစကားကို ကြားလိုက်ချိန်တွင် သူ၏ ခန္ဓာကိုယ်မှာ မနေနိုင်ဘဲ တုန်လှုပ်သွားလေသည်။</p> <p>အစ်ကိုကြီး။</p> <p>ခင်ဗျား အရမ်း တည်ငြိမ်လွန်းနေပြီ။</p> <p>တစ်ယောက်ယောက်က ရှေးဟောင်း မိစ္ဆာ နတ်ဘုရား ချီယိုကို အသက်ပြန်သွင်းချင်နေတာတောင် ခင်ဗျား ဘာခံစားချက်မှ မရှိဘူးလား။</p> <p>ဤသတင်းကို စွမ်းအားရှင် အဖွဲ့ မှ နိုင်ငံခြားတွင် ရှိနေသော သူလျှို ခေါင်းဆောင်က ပြန်ပို့ပေးခဲ့ခြင်း ဖြစ်သည်။ ၎င်းသည် သေချာပေါက် သတင်းတု မဟုတ်ဘဲ လုံးဝ အမှန်တရားပင်။</p> <p>အဲဒါက ရှေးဟောင်း မိစ္ဆာ နတ်ဘုရား ချီယို လေ... အသေးအဖွဲ ကိစ္စလေး မဟုတ်ဘူး။</p> <p>"ကျွန်တော် ရွှမ်ယွမ်ဓားကို ယူလာတယ်... ဟင်... ဒါက... ဓားစွမ်းအင်ပဲ... တက္ကသိုလ်ရဲ့ နောက်ဘက် တောင်ကုန်းက လာတာ..."<br /> လင်းကျောက်မင်က အသံနှိမ့်ပြီး ရွှမ်ယွမ်ဓား ယူလာကြောင်း ပြောမည် အပြုတွင် သူ၏ မျက်မှောင် ရုတ်တရက် ကြုတ်သွားပြီး အပြင်ဘက်ကို စိုက်ကြည့်လိုက်သည်။</p> <p>"ဒီတစ်ခါတော့ ရွှမ်ယွမ်ဓား အတွက် သင့်တော်တဲ့ ပိုင်ရှင် တစ်ယောက် ရှာတွေ့နိုင်လောက်တယ်..."</p> <p>ချန်ကျန်းက နို့လက်ဖက်ရည် နောက်တစ်ငုံ သောက်လိုက်ပြီး ခပ်ပေါ့ပေါ့ ပြောလိုက်သည်။</p> <p>"ဒါဆို... နောက်ဘက် တောင်ကုန်းကို သွားကြည့်ရအောင်လေ..."<br /> လင်းကျောက်မင်၏ စိတ်ထဲတွင် အတွေးများ ဆက်တိုက် ဝင်လာသည်။ စွမ်းအားရှင် အဖွဲ့ အနေဖြင့် ချန်ကျန်းကို အဖွဲ့ဝင် အဖြစ် ခေါ်ယူရန် လုံးဝ မဖြစ်နိုင်ကြောင်း သူ သိသည်။ သူ လုပ်ရမည်မှာ ချန်ကျန်းနှင့် ဆက်ဆံရေး ကောင်းမွန်အောင် တည်ဆောက်ရန်သာ ဖြစ်ပေသည်။</p> <p>ချန်ကျန်း၏ လေသံကို နားထောင်ရသည်မှာ တက္ကသိုလ် နောက်ဘက် တောင်ကုန်းတွင် ဓားအရှိန်အဝါ ထွက်ပေါ်နေသည့်သူကို သိနေပုံ ရသည်။ </p> <p>တကယ်လို့ ရွှမ်ယွမ်ဓားကို အဲဒီလူဆီ ပေးလိုက်ရင်ကော... ဖြစ်နိုင်တာက... ဒါ တကယ့်ကို အခွင့်အရေး တစ်ခုပဲ။</p> <p>အခန်း ၁၃၈ ပြီး</p> <p> </p>


Save