Book List

<h2 style="text-align: center;">အပိုင်း(၂၃၄၂)</h2> <h2 style="text-align: center;">*</h2> <p> </p> <p>မရေမတွက်နိုင်သော မျက်လုံးများက တောက်ပလာကြလေသည်။ ထျန်းရှီကျောက်ရွှမ် သည် စကားတစ်ခွန်းတည်းဖြင့် သူ၏ လိုအပ်ချက် အားလုံးကို လွှမ်းခြုံသွားစေခဲ့ရာ လူအုပ်ကြီး၏ သဘောတူညီမှုကို အလွန်အမင်း ရရှိသွားခဲ့ပေသည်။</p> <p>စုရီသည် နေရာတစ်ခုသို့ ပို့ဆောင်ခံရပြီးနောက် အခြားတစ်နေရာသို့ ထပ်မံ ပို့ဆောင်ခံရနိုင်ချေ အလွန်များပြားလှသည်။ ဟင်းလင်းပြင် အစီအရင်သည် ခြေရာခံရန် အလွန်တရာ ခက်ခဲပြီး၊ ဝေ့ဝူယင်က စုရီကို စောင့်ကြပ်နေသရွေ့ မည်သည့် နိမိတ်ဖတ်သူ မှ တမင်သက်သက် နိမိတ်ဖတ်ရန် ဆန္ဒရှိမည် မဟုတ်သောကြောင့် ပထမ တည်နေရာကို သိရှိရုံဖြင့် သူတို့အတွက် အကျိုးရှိမည် မဟုတ်ချေ။ အကယ်၍ ကြိုးစားခဲ့ပါက ၎င်း၏ ရလဒ်အနေဖြင့် ပြင်းထန်သော တန်ပြန်သက်ရောက်မှုကို သေချာပေါက် ခံစားရမည်သာ ဖြစ်ပေသည်။</p> <p>ထို့အပြင် လူအတော်များများ အတွက် စုရီ သေရန်က ပထမ ဦးစားပေး ဖြစ်သည်။ သူ ပိုင်ဆိုင်ထားသော လျှို့ဝှက်ချက်များမှာမူ ဒုတိယ ဦးစားပေးသာ ဖြစ်လေသည်။ မည်သို့ပင်ဆိုစေ စုရီသည် အထွတ်အထိပ် သူတော်စင် တစ်ပါးနှင့် ယှဉ်ပြိုင်နိုင်လောက်သည့် အံ့မခန်း ခွန်အားများကို ထုတ်ဖော်ပြသပြီးနောက် ပြင်းထန်စွာ ဒဏ်ရာရရှိနေခဲ့ရာ၊ သူတို့၏ တံခါးဝသို့ သူ ရောက်ရှိလာနိုင်သည်ဟူသော ဖြစ်နိုင်ချေလေး တစ်ခုတည်းကပင် သူတို့ကို အစာစားချင်စိတ် ပျောက်စေကာ အိပ်မပျော်သော ရောဂါများ ဖြစ်လာစေလောက်သည်။ ဤသည်က... ထိုရန်သူကို ချေမှုန်းပစ်ရန် အလွန် ထူးခြားသော အခွင့်အရေး တစ်ခုကို သူတို့အား ပေးအပ်ထားခြင်းပင် ဖြစ်ပေသည်။</p> <p>သို့သော်... သူတို့ထဲမှ မည်သူကမျှ မိမိ၏ ဥပဒေသ အာဏာ ကို တိုးတက်စေရန်အတွက် တိုက်ခိုက်ဖို့ သေချာပေါက် ဆုံးဖြတ်ထားပုံရသည့် နယ်ခြားသား ဝေ့ဝူယင်ကို စော်ကားရန် မလိုလားကြချေ။</p> <p>ဝေ့ဝူယင်၏ မျက်မှောင်များက အနည်းငယ် တွန့်ချိုးသွားပြီးနောက် ပြန်လည် ပြေလျော့သွားကာ လောကဖိအား လှိုင်းတစ်ခုက သူ၏ ပတ်လည်တွင် လှည့်ပတ်သွားလေသည်။ သူ၏ ကြယ်တာရာ မျက်ဝန်းများသည် ထျန်းရှီကျောက်ရွှမ် ဆီသို့ ထိုးဖောက်သွားပြီး၊ တိုက်ခိုက်မှုတစ်ခုကို အလိုရှိနေသူ တစ်ဦးအတွက် ထိုကဲ့သို့သော အားနည်းချက်ရှိသည့် အခြေအနေကို ငြင်းပယ်မည့် သူ၏ ရည်ရွယ်ချက်ကို စောင့်ကြည့်နေသူ အားလုံး ရှင်းလင်းစွာ သိရှိနိုင်လောက်အောင် သူ စကားပြောတော့မည့်ဆဲဆဲတွင်၊ ယခင်က တစ်ကြိမ်တစ်ခါမျှ မကြားဖူးသော အခြား အသံတစ်ခု ထွက်ပေါ်လာလေသည်။</p> <p>"အဂ္ဂိရတ် တာအို က တရားမျှတသလိုပဲ အကန့်အသတ်လည်း မရှိဘူး... ငါတို့ ဂလက်ဆီရဲ့ မိုးကုပ်စက်ဝိုင်း တွေရေ... အဂ္ဂိရတ်ပညာရှင် အချင်းချင်း ယှဉ်ပြိုင်ရာမှာ နှစ်ဖက်စလုံးအတွက် တန်းတူညီမျှတဲ့ အကျိုးအမြတ်တွေကို ဖော်ပြပေးရမယ်... တကယ်လို့ ငါတို့ရဲ့ အဂ္ဂိရတ် တာအိုက ငါတို့ရဲ့ မိတ်ဆွေရှေ့မှာ ယိမ်းယိုင်သွားခဲ့မယ်ဆိုရင် သူ့ကို ဘာများ ကမ်းလှမ်းသင့်သလဲ..."</p> <p>ထိုအသံသည် ညဉ့်ဦးယံကဲ့သို့ပင် အဆုံးမဲ့ နက်နဲမှုများနှင့် မှန်းဆ၍မရနိုင်သော လျှို့ဝှက်ဆန်းကြယ်မှုများဖြင့် ချောမွေ့နေပေသည်။ ၎င်းသည် လန်းဆန်းမှု မရှိဘဲ၊ ကောင်းကင်ယံရှိ အဆုံးမဲ့ ကြယ်များက ဆွဲဆန့်ထားသော ကြီးမားသည့် အရိပ်ကြီးတစ်ခုအလား စိတ်ထဲတွင် စွဲထင်နေစေလေသည်။ အသံ၏ အတက်အကျများသည် ဝိညာဉ်ကို လွှမ်းခြုံနိုင်စွမ်းရှိပြီး၊ ဆွဲဆောင်မှုရှိသော မိန်းမဆန်သည့် နက်နဲမှုများ ရောယှက်နေသော ဝင်ရောက်လာသည့် အမှောင်ထု၏ ကန့်လန့်ကာတစ်ခုအလား ဝိညာဉ်နှင့် နားအာရုံအတွက် လုံးဝ ငြင်းဆန်၍မရနိုင်အောင် ဖြစ်နေပေသည်။</p> <p>ထျန်းရှီယာ ၏ မျက်လုံးသူငယ်အိမ်များသည် ပြင်းထန်စွာ ကျုံ့ဝင်သွားပြီး အချိန်နှင့် ဦးတည်ရာတို့က အဓိပ္ပာယ်မဲ့သွားသကဲ့သို့ ခံစားလိုက်ရသည်။ နွေးထွေးပြီး ခွန်အားကြီးမားသော လက်တစ်ဖက်က သူမ၏ လက်ကို တင်းကျပ်စွာ ဆုပ်ကိုင်လိုက်သည်။ သူမ၏ နှလုံးသားနှင့် ဝိညာဉ်မှာ ရှင်းပြ၍မရနိုင်သော သက်သောင့်သက်သာရှိမှုဖြင့် ပြေလျော့သွားလေသည်။ ပျောက်ကွယ်လုနီးပါး ဖြစ်နေသော သူမ၏ ရုပ်ပိုင်းဆိုင်ရာနှင့် ဝိညာဉ် အမြင်အာရုံ နှစ်ခုစလုံးသည် ရုတ်တရက် ပေါက်ကွဲသွားသော ကြယ်တစ်ပွင့်အလား အပြည့်အဝ ပြန်လည် ရောက်ရှိလာပေသည်။ သူမ၏ အသက်ရှူနှုန်း ပုံမှန် ပြန်ဖြစ်သွားပြီး သူမ၏ မျက်ခုံးများပေါ်တွင် ချွေးစေးများ ထွက်ပေါ်လာလေသည်။</p> <p>စူးဟောင်ရန် သည် သူမ၏ ဘေးတွင် ရပ်နေပေသည်။ သူ၏ ခိုင်မာသော ပုံရိပ်သည် ကောင်းကင်ကို ထောက်ပံ့ထားသော တိုင်ကြီးတစ်တိုင်အလား ဖြစ်နေ၏။  သူမ၏ နှလုံးသားသည် ကြောက်ရွံ့မှုများဖြင့် ပြင်းထန်စွာ ခုန်ပေါက်နေစဉ် သူမသည် သူ့ကို မှီတွယ်ထားလိုက်လေသည်။</p> <p>အရိပ်ကွယ် အဖွဲ့ ၏ အထွတ်အထိပ် သူတော်စင်...</p> <p>အလုံးစုံ လွှမ်းမိုးခြင်း ဆည်းဆာ အရှင်သခင်...</p> <p>ထျန်းရှီယာသည် သူမ၏ အတွေးများကို မတားဆီးနိုင်ခဲ့ချေ။ အထွတ်အထိပ် သူတော်စင် တစ်ပါး၏ အကာအကွယ်အောက်တွင် ရှိနေသော သူမပင်လျှင် နတ်ဘုရားနှင့်မတူသော ဝိညာဉ် သဟဇာတမဖြစ်မှု တစ်ခုခု၏ လွှမ်းမိုးခြင်းကို ခံရသည်ဆိုပါက၊ အခြားသူများဆိုလျှင် မည်သို့ ဖြစ်နေမည်နည်း။ သူမ၏ အတွေးများသည် အကြောင်းပြချက် မရှိဘဲ ပေါ်ထွက်လာခြင်း မဟုတ်ပေ။</p> <p>ဟူး... ဟူး...</p> <p>ကြိုတင် သဘောတူညီထားသည့်အလား လျှို့ဝှက်ကောင်းကင် အဆင့် အစစ်အမှန် ရတနာများ ဖြစ်ကြသော မိုးကုပ်စက်ဝိုင်း မျှော်စင် ခြောက်ခုသည် အလုံးစုံ လွှမ်းမိုးခြင်း ဆည်းဆာ အရှင်သခင်၏ နေရာအနှံ့ လွှမ်းခြုံထားသော ဝိညာဉ်စွမ်းအားများကို ခွဲခြမ်းရန် ၎င်းတို့၏ ကောင်းကင် စွမ်းအားကို လမ်းကြောင်းပြောင်းလိုက်ကြလေသည်။ ဤသူမှာ အရိပ်ကွယ် အဖွဲ့ ၏ ဒုတိယမြောက် အထွတ်အထိပ် သူတော်စင် ပင် ဖြစ်ပေသည်။</p> <p>ဒုတိယမြောက်ဟု သတ်မှတ်ထားသော်လည်း အလုံးစုံ လွှမ်းမိုးခြင်း ဆည်းဆာ အရှင်သခင် သည် သူတို့၏ အထွတ်အထိပ် သူတော်စင် သုံးပါးဖြစ်နိုင်ချေရှိသူများအနက် လူသိ အများဆုံး ဖြစ်ပြီး ခပ်သိမ်း သိမြင်ခြင်း ကောင်းကင် အရှင်သခင်၏ အသက်ရှင်ခြင်း သို့မဟုတ် သေဆုံးခြင်းမှာမူ အလွန် အငြင်းပွားဖွယ်ရာဖြစ်ပြီး မသိရသေးသည့် ကိစ္စတစ်ခု ဖြစ်လေသည်။</p> <p>အရိပ်ကွယ် အရှင်သခင်သည် ပထမဆုံးသူနှင့် တည်ထောင်သူ ဖြစ်ပေသည်။ သူသည် အသက်အရွယ်အားဖြင့် အလွန်တရာ ကြီးမားလှသည်။ စုရီ သည် သူ၏ အခြားဘဝတစ်ခုတွင် သူ့ကို ရင်းနှီးကျွမ်းဝင်ခဲ့သော်လည်း၊ ခပ်သိမ်းသိမြင် ကောင်းကင် အရှင်သခင်မှာမူ အရိပ်ကွယ် အဖွဲ့ ကို တည်ထောင်ပြီးနောက်မှ ဝင်ရောက်လာခဲ့ခြင်း ဖြစ်လေသည်။</p> <p>သို့သော်.. သူတို့ သုံးဦးအနက် အလျှို့ဝှက်ဆုံးသူကို ဖော်ပြရမည်ဆိုလျှင်၊ အမှောင် ဥပဒေသ ၏ သခင်၊ ဆည်းဆာ အမည်ရှိ ထူးခြားသော ရည်ရွယ်ချက်ကို ပိုင်ဆိုင်ထားသည့် အလုံးစုံ လွှမ်းမိုးခြင်း ဆည်းဆာ အရှင်သခင် မှလွဲ၍ အခြားသူ ဖြစ်နိုင်မည် မဟုတ်ချေ။</p> <p>သီးခြားလောကငယ် တည်နေရာသို့ ပြန်သွားရလျှင်... သခင်လေး ရှန့် ၏ ရင်ဘတ်အောက်ရှိ ဆွဲသီးတစ်ခုသည် တောက်ပသော အလင်းတန်းတစ်ခုဖြင့် တုန်ခါနေ၏။ ၎င်းသည် တုံ့ပြန်မှုအနေဖြင့် အံ့ဖွယ် စွမ်းအားတစ်ခုကို ထုတ်လွှတ်တော့မည့်ဆဲဆဲ ဖြစ်နေပုံရသောကြောင့် သူ၏ နှလုံးသားမှာ အပြင်းအထန် ခုန်ပေါက်နေခဲ့သည်။ သို့သော်လည်း.. မူလအာရုဏ်ဦး နန်းတော် တွင် ချထားသော အစီအရင်သည် အိုမီဂါ ဆေဘာ လျှို့ဝှက်အင်အား ၏ အုတ်မြစ်ကို အသုံးပြုထားသဖြင့်၊ အတွင်း၌ ရှိနေသူများ အားလုံးကို မည်သည့် သက်ရောက်မှုမျှ မခံစားရစေရန် တားဆီးထားနိုင်ခဲ့ပေသည်။</p> <p>သို့သော်လည်း သခင်လေး ရှန့် မှာ တုန်လှုပ်သွားခဲ့ရသည်။</p> <p>'ကျစ်...'</p> <p>ဆွဲသီး အသက်ဝင်လာခြင်းသည် သူ မမြင်တွေ့လိုသော အရာတစ်ခု ဖြစ်ပေသည်။ အဘယ်ကြောင့်ဆိုသော်...</p> <p>အဘယ်ကြောင့်ဆိုသော် ဆည်းဆာ ရည်ရွယ်ချက်၏ လုံးဝ ဆန့်ကျင်ဘက်ဖြစ်သော အာရုဏ်ဦး ရည်ရွယ်ချက် ဆိုသည်မှာ တည်ရှိနေပြီး၊ သူ၏ မိခင်သည်...</p> <p>'ကျစ်... ကျစ်...'</p> <p>သခင်လေး ရှန့် ထိတ်လန့်နေစဉ်… မိုးကုပ်စက်ဝိုင်း မျှော်စင် ခြောက်ခုက အလုံးစုံ လွှမ်းမိုးခြင်း ဆည်းဆာ အရှင်သခင် ၏ ဝိညာဉ် ဖိနှိပ်မှုကို ချေဖျက်လိုက်ချိန်တွင်... ဝေ့ဝူယင်သည် မတုန်မလှုပ် ရှိနေခဲ့ပေသည်။</p> <p>အလုံးစုံ လွှမ်းမိုးခြင်း ဆည်းဆာ အရှင်သခင်သည် မည်သူကမျှ လျစ်လျူရှု၍ မရနိုင်သော ဝင်ရောက်လာမှု တစ်ခုကို ပြုလုပ်ခဲ့ခြင်း ဖြစ်လေသည်။ သို့သော်လည်း... သူတို့၏ အဂ္ဂိရတ် တာအို သည် သူ၏ အဂ္ဂိရတ် တာအို ရှေ့တွင် ယိမ်းယိုင်သွားနိုင်သည် ဟူသော သူမ၏ ကြေညာချက်မှာ လုံးလုံးလျားလျား ဟာသတစ်ခုထက် မပိုခဲ့ချေ။</p> <p>ဝေ့ဝူယင်သည် လောကရှန့်ထို အဂ္ဂိရတ်ပညာရှင် တစ်ဦးဖြစ်ပြီး၊ သူ့ကို တစ်ခါတစ်ရံ အံ့မခန်း ထုတ်ကုန်များကြောင့် မဟာအဆင့်ဟု သတ်မှတ်နိုင်ပေသည်။ သို့သော်လည်း... ဤနေရာရှိ မည်သူတစ်ဦးတစ်ယောက်ကမျှ သူသည် ကောင်းကင် အဂ္ဂိရတ် ရှန့်ထို တစ်ပါး၏ ဆံချည်မျှင် တစ်မျှင်နှင့်ပင် ယှဉ်နိုင်လိမ့်မည်ဟု မထင်မှတ်ထားကြချေ။</p> <p>သူတို့သည် အဂ္ဂိရတ် တာအို အပေါ်တွင် ဂလက်ဆီ အတိုင်းအတာရှိသော အာဏာပိုင်ရှင်များ ဖြစ်ကြပေသည်။</p> <p>"ငါလည်း သဘောတူတယ်..."</p> <p>ထျန်းရှီကျောက်ရွှမ် က ပဲ့တင်ထပ်ပြောလိုက်ရာ အခြားသော မိုးကုပ်စက်ဝိုင်း အဆင့် ကောင်းကင် အဂ္ဂိရတ် ရှန့်ထို ခြောက်ပါးကို အံ့အားသင့်သွားစေခဲ့သည်။ သို့သော် ထျန်းရှီကျောက်ရွှမ် က ဂရုမစိုက်ပုံရဘဲ ဆက်ပြောလိုက်သည်။</p> <p>"တကယ်လို့ မင်းက ငါတို့ရဲ့ အဂ္ဂိရတ် တာအို စိန်ခေါ်မှုကို လက်ခံရဲပြီး အောင်ပွဲ ရမယ်ဆိုရင်... ဘယ်လောက်ပဲ မဖြစ်နိုင်ပါစေ... ငါတို့ရဲ့ မိုးကုပ်စက်ဝိုင်း မျှော်စင် ခုနစ်ခု က သဘောမတူနိုင်စရာ ဘာရှိမှာလဲ..."</p> <p>စူးဟောင်ရန် က စိတ်ထဲမှ သက်ပြင်းချလိုက်လေသည်။ ထိုအရာက သူတို့ လိုအပ်နေသည့် အရာ အတိအကျပင် ဖြစ်သည်။</p> <p>ဝေ့ဝူယင်၏ မျက်လုံးများမှာ လေးနက်သော စဉ်းစားတွေးတောမှုများဖြင့် တဖျပ်ဖျပ် တောက်ပသွားလေသည်။ ပြင်ပလူတစ်ဦး၏ အမြင်တွင် သူသည် ထိုစိန်ခေါ်မှုကို အလေးအနက် စဉ်းစားနေခြင်း ဖြစ်ပေသည်။ နောက်ဆုံး၌... သူက သက်ပြင်း တစ်ချက် ချလိုက်ပြီး သူ၏ အကြည့်များမှာလည်း မှေးမှိန်သွားခဲ့လေသည်။ သူတို့အားလုံးသည် ထိုခံစားချက်ကို ကောင်းစွာ သိရှိထားကြပေသည်။</p> <p>ဤနယ်ခြားသားသည် စိန်ခေါ်မှုကို လက်ခံခြင်းဖြင့် မည်သည့် အကျိုးကျေးဇူးမျှ မရှိကြောင်း နားလည်သွားခဲ့ခြင်း ဖြစ်ပေသည်။ သူ၏ ဥပဒေသ အာဏာသည် ဂလက်ဆီနှင့် တိုက်ခိုက်ခြင်းအပေါ်တွင် မူတည်နေသည်မှာ မှန်သည်။ သို့သော်လည်း... အစွမ်းကုန် သန့်စင်ခြင်း ဂလက်ဆီ ၏ ထိပ်တန်း အဂ္ဂိရတ်ပညာရှင်များ ကဲ့သို့သော ဧရာမ အင်အားစုကြီး တစ်ခုနှင့် အဂ္ဂိရတ် တာအို ကို ယှဉ်ပြိုင်ရမည် ဆိုသည့် ဤမျှ ရယ်စရာကောင်းပြီး တရားမျှတမှုမရှိသော စိန်ခေါ်မှုမျိုးကို သူက မည်သို့ လက်ခံနိုင်မည်နည်း။ တစ်ဖန် ဝေ့ဝူယင်၏ အရှိန်အဟုန်မှာ ပြန်လည် မြင့်တက်လာခဲ့ပြန်ပေသည်။</p> <p>အသိဉာဏ်ရှိသော မည်သည့် ကျင့်ကြံသူကမျှ တရားမျှတမှု မရှိသော စိန်ခေါ်မှုတစ်ခုတွင် သူတို့၏ ကျင့်ကြံခြင်း လမ်းကြောင်းကို အဟန့်အတား ဖြစ်စေရန် သဘောတူမည် မဟုတ်ချေ။ အကယ်၍ သူတို့က စုရီ၏ တည်နေရာကို လိုချင်ပါက၊ အဖြေမှာ အလွန် ရိုးရှင်းလှပေသည်။ တိုက်ခိုက်ခြင်းပင် ဖြစ်သည်။</p> <p>အကယ်၍ သူတို့က အင်အားလုံလောက်လျှင် သူ့ထံမှ အတင်းအဓမ္မ ရယူနိုင်ပေသည်။ သို့သော် သူတို့ထဲမှ မည်သူကမျှ ထိုသို့ လုပ်ဆောင်ရန် ဆန္ဒမရှိကြချေ။ ၎င်းသည် သူတို့၏ ကိုယ်ကျိုးစီးပွားကို ဆန့်ကျင်နေသည်။ ထိုကဲ့သို့သော အခြေအနေမျိုးတွင် မသေချာမရေရာမှုများ သေချာပေါက် ရှိနေမည်သာ ဖြစ်ပေသည်။</p> <p>ဝေ့ဝူယင်က သူ၏ ကောင်းကင် ရတနာများ ကို ဖောက်ခွဲပစ်ခဲ့လျှင် မည်သို့ ဖြစ်လာမည်နည်း။ သူတို့က သူ့ကို ဖိနှိပ်နိုင်ခဲ့လျှင်တောင်မှ ပျက်စီးဆုံးရှုံးမှုများမှာ အလွန်အမင်း များပြားနေမည်သာ ဖြစ်သည်။ ထို့အပြင် သူ၏ အင်ပါယာ ဥပဒေသ သည် အဓိက အာဏာ သို့မဟုတ် ယင်းထက် ပိုမြင့်သော အဆင့်သို့ တက်လှမ်းသွားခဲ့လျှင်ရော။</p> <p>သူတို့သည် သူတို့ကိုယ်သူတို့ အမှန်တကယ် ထိခိုက်နစ်နာစေမည်သာ ဖြစ်ပေသည်။ ပဲ့တင်ထပ် ဝိညာဉ် အဆင့် ပညာရှင် တစ်ဦးသည် အခြားသော မည်သည့် ကျင့်ကြံခြင်း အဆင့်ထက်မဆို ဥပဒေသ အာဏာများကို များစွာ ပိုမို အသုံးပြုနိုင်ပြီး၊ အနည်းငယ်မျှပင် ယှဉ်၍ မရနိုင်ချေ။</p> <p>***</p> <p> </p>


Save