Book List

<h2 style="text-align: center;">အပိုင်း(၂၃၄၃)</h2> <h2 style="text-align: center;">*</h2> <h2 style="text-align: center;"> </h2> <p>အမှန်စင်စစ်... ဥပဒေသ အပေါ် အာဏာများသည် အထွတ်အထိပ် သူတော်စင်များ အတွက် ရည်ရွယ်ထားခြင်း ဖြစ်သည်။ ပဲ့တင်ထပ် ဝိညာဉ် အဆင့် အတွက် ရည်ရွယ်ထားခြင်း ဖြစ်ပေသည်။</p> <p>သို့သော်လည်း... ကျင့်ကြံခြင်း ခေတ်ကာလ တစ်လျှောက် ကျင့်ကြံခြင်းက တိုးတက်လာခဲ့သည်။ ဝိညာဉ်ဆင်းတု အဆင့် တစ်ဦးက လောကသခင် တစ်ဦးသာ ပိုင်ဆိုင်နိုင်မည့် လောကနယ်မြေကို ပိုင်ဆိုင်လာကြသည်။ ချီပျစ်ခဲခြင်း အဆင့် ကျင့်ကြံသူ တစ်ယောက်က အာကာသနှင့် သက်ဆိုင်သည့် ကျင့်စဉ် နည်းလမ်းများကို အသုံးပြုလာနိုင်ကြသည်။</p> <p>ကျင့်ကြံခြင်းသည် ပုံမှန် စံနှုန်းများကို များစွာ ကျော်လွန်သွားခဲ့ပြီ ဖြစ်ပေသည်။ ယခုအခါတွင် ပါရမီရှင် တစ်ဦးအဖြစ် သတ်မှတ်ခံရရန်အတွက်၊ ကြယ်တာရာ အုတ်မြစ်တစ်ခု သို့မဟုတ် ထူးခြားသည့် ခန္ဓာကိုယ်တစ်ခုမျှသာ မဟုတ်ဘဲ ဥပဒေသ မျိုးစေ့ သို့မဟုတ် ထူးခြားသော ရည်ရွယ်ချက် တစ်ခုကို ပိုင်ဆိုင်ထားရန် လိုအပ်လာပြီ ဖြစ်လေသည်။</p> <p>ထိုအခိုက်တွင်ပင် မိုးကုပ်စက်ဝိုင်း သန့်စင်ခြင်း မျှော်စင်၏ တာအို တရားဥပဒေ ထိန်းသိမ်းသူက နှာခေါင်းတစ်ချက် ရှုံ့၍ ပြောလိုက်ရာ သူမ၏ အသံမှာ အမြဲလိုလို ရန်လိုနေဆဲပင် ဖြစ်လေသည်။</p> <p>"နင် တိုက်ချင်ရင်... ငါတို့ တိုက်မယ်... ဒါပေမယ့် မင်းက ယောက်ျား တစ်ယောက်ဆိုရင်... အထူးသဖြင့် မင်းကိုယ်မင်း တန်ဖိုးရှိတဲ့ အရှင်သခင် တစ်ပါးလို့ သတ်မှတ်ထားရင်... နင် ဘယ်စိန်ခေါ်မှုကိုမှ ထွက်ပြေးမနေသင့်ဘူး... ငါတို့ရဲ့ စိန်ခေါ်မှုကို နင် လက်ခံရဲသလား...”</p> <p>"..."</p> <p>ဆွေးနွေးမှုများ မြင့်တက်လာ၏။ လူအုပ်ကြီးသည် မျှော်လင့်ချက်များဖြင့် ပြည့်နှက်နေကြပေသည်။ ဤနယ်ခြားသားသည် သူတို့၏ အဂ္ဂိရတ် တာအို စိန်ခေါ်မှုကို လက်ခံရဲမည်လော ။ ယေဘုယျဆန်သော်လည်း ဤသည်မှာ အစွမ်းကုန် သန့်စင်ခြင်း ဂလက်ဆီ ရှိ အဂ္ဂိရတ်ပညာရှင်များ အားလုံး၏ စိန်ခေါ်ခံရခြင်းနှင့် မည်သို့မျှ မကွာခြားချေ။</p> <p>ဝေ့ဝူယင်၏ အော်ရာမှာ မသိမသာ တုန်လှုပ်လာ၏။ သူ၏ မျက်နှာအမူအရာမှာ တဖြည်းဖြည်း မှိုင်းညို့လာကာ သူ၏ အကြည့်များထဲတွင် သတ်ဖြတ်လိုသော ရည်ရွယ်ချက်များ လောင်ကျွမ်းလာလေသည်။ ဤအပြောင်းအလဲများကို အာရုံခံနိုင်သူ တစ်ဦးတစ်ယောက်ကမျှ ၎င်းတို့မှာ အကြောင်းပြချက် မရှိဘဲ ဖြစ်ပေါ်လာခြင်းဟု မခံစားရချေ။</p> <p>ဤအမျိုးသမီးသည် သူ၏ အင်ပါယာ ဥပဒေသ အာဏာ ကို သက်ရောက်မှု ရှိစေရန် ကြိုးစားနေခြင်း ဖြစ်ပေသည်။ သူ၏ အရှိန်အဟုန်ကို ချေမွပစ်နေခြင်းပင်။</p> <p>ချက်ချင်းပင်... ဝေ့ဝူယင်၏ အင်ပါယာ ဥပဒေသ အော်ရာမှာ သခင်ဖြစ်သူထံမှ အဖြေကို စောင့်ဆိုင်းနေသည့်အလား ပြင်းထန်စွာ ထကြွလာသည်ကို သူတို့ အားလုံး ခံစားလိုက်ရလေသည်။ ထိုမြင်ကွင်းက အချို့သော ထိပ်တန်း ပညာရှင်များကို ပို၍ပင် စိတ်အားထက်သန် သွားစေ၏။</p> <p>ထိုအခိုက်တွင်ပင် မိုးကုပ်စက်ဝိုင်း သန့်စင်ခြင်း ရှန့်ထို၏ ပညာရှိဆန်သည့် အသံမှာ လှောင်ပြောင်မှုများ ပြည့်နှက်နေသည့် ညင်သာသော လေသံဖြင့် ထွက်ပေါ်လာလေသည်။</p> <p>"မင်း ကြောက်နေတာလား..."</p> <p>ဝေ့ဝူယင်၏ ကြယ်တာရာ မျက်လုံးများမှာ မျက်စိကျိန်းမတတ် တောက်ပသော ခုနစ်ရောင်ခြယ် အလင်းတန်းများဖြင့် ပြင်းထန်စွာ လက်ဖြာသွားလေသည်။</p> <p>"ကျုပ် ကြောက်နေတယ်လို့ ခင်ဗျားတို့ ထင်နေတာလား..."</p> <p>သူ၏ အသံသည် မိုးခြိမ်းသံတစ်ခုအလား ပြည့်နှက်နေပေသည်။</p> <p>"ဘာကိုလဲ..."</p> <p>ဝေ့ဝူယင်သည် မိုးကြိုးမုန်တိုင်း တစ်သန်း၏ စွမ်းအားဖြင့် ဟိန်းဟောက်လိုက်လေသည်။</p> <p>"ဘယ်သူ့ကိုလဲ..."</p> <p>ဒေါသတကြီး ဖြစ်နေသော လောကဖိအား များသည် ကယောက်ကယက် ထကြွလာပြီး မိုးကုပ်စက်ဝိုင်း မျှော်စင် ခြောက်ခုစလုံး၏ ကောင်းကင် စွမ်းအား ကို ဖိနှိပ်သွားလေသည်။ ၎င်းကို တားဆီး၍ မရနိုင်ချေ။ အမှောင် ဟင်းလင်းပြင် အတွင်း၌ အပျက်အစီး မန်နာ လေပြင်းများ ဖြစ်ပေါ်လာကာ ကောင်းကင်ခန္ဓာ များ၏ ပတ်လမ်းများကို ပုံပျက်သွားစေရန်နှင့် နေမင်းကြယ် များကို ငြိမ်းသတ်ပစ်ရန် ကြိုးပမ်းလာကြပေသည်။</p> <p>ဤအထွတ်အထိပ် သူတော်စင်များ သည် ဝေ့ဝူယင်ကို သွေးဆောင်ရန် မည်သည့် ပြဇာတ်ကို ကစားနေသည်ဖြစ်စေ လုံးဝ ပြီးပြည့်စုံစွာ အလုပ်ဖြစ်သွားပြီ ဖြစ်ကြောင်း လူအုပ်ကြီးက ချက်ချင်း သဘောပေါက်သွားကြလေသည်။ သူ ထိုပြဇာတ်ကို စီးမျောမိသွားပြီ ဖြစ်ပေသည်။</p> <p>ထိုစဉ် ဝေ့ဝူယင်၏ အတွေးများမှာမူ သက်ဝင်လှုပ်ရှားနေပေသည်။</p> <p>'ဘယ်လောက်တောင် အံ့သြဖို့ကောင်းလဲ... တွင်းထဲကို ခုန်ဆင်းဖို့ အသင့်ဖြစ်နေတဲ့ လူတွေ ရှိနေတဲ့အခါ၊ ငါ ဒီလောက် အများကြီးတောင် စီစဉ်ဖို့ မလိုခဲ့ဘူးလို့ ခံစားရတယ်... ဟားဟား...'</p> <p>ပြဇာတ် အပိုင်း တစ် သည် နိဂုံးချုပ်လုနီးပါး ဖြစ်နေပြီ ဖြစ်လေသည်။ နောက်ထပ် ခြေလှမ်း တစ်လှမ်းသာ ကျန်ရှိတော့ပေသည်။</p> <p>...</p> <p>မောက်မာခြင်း...</p> <p>လွှမ်းမိုးလိုခြင်း...</p> <p>ဂုဏ်ယူဝင့်ကြွားလိုခြင်း...</p> <p>အင်ပါယာ ဥပဒေသ အာဏာကို ကျင့်ကြံသူများသည် အဓိက ကိုယ်ရည်ကိုယ်သွေး အစိတ်အပိုင်းတစ်ခု အဖြစ် ဤဝိသေသလက္ခဏာ သုံးရပ်ကို အမြဲလိုလို ပိုင်ဆိုင်ထားတတ်ကြလေသည်။ ၎င်းတို့မှာ ‘အင်ပါယာ အုပ်စိုးခြင်း’ ဟူသော သဘောတရားကို နားလည်သဘောပေါက်ရန်နှင့် ဤဥပဒေသ၏ ကောင်းချီးကို ရယူရန်အတွက် မရှိမဖြစ် လိုအပ်သော အကြွင်းမဲ့ လိုအပ်ချက်များ နီးပါးပင် ဖြစ်ပေသည်။</p> <p>အခြားအရာများထက် မိမိကိုယ်ကိုသာ အာရုံစိုက်တတ်သော အေးဆေးသည့် အုပ်စိုးသူများ၊ သို့မဟုတ် မိမိ၏ အုပ်ချုပ်မှုအောက်ရှိ သူများ၏ ကျန်းမာရေး၊ ကြီးပွားတိုးတက်ရေးနှင့် ကျေနပ်ရောင့်ရဲမှုတို့ကို ဦးစားပေးတတ်သော ကရုဏာရှင် အုပ်စိုးသူများ စသဖြင့် ပုံစံအမျိုးမျိုးဖြင့် ထွက်ပေါ်လာနိုင်သော်လည်း၊ သူတို့၏ အုပ်ချုပ်မှု အချိန်မတိုင်မီ နိဂုံးချုပ်သွားခြင်းမျိုး မဖြစ်စေရန် ဤအရည်အသွေးများ ကင်းမဲ့နေ၍ မရနိုင်ချေ။</p> <p>ထျန်းရှီယာ ၏ နှလုံးသားသည် သူမ၏ ရင်ဘတ်အတွင်း၌ မိုးခြိမ်းသံအလား ပြင်းထန်စွာ ခုန်ပေါက်နေ၏။ သူမ၏ လေးလံသော အသက်ရှူမှုကြောင့် ရင်အုပ်မှာ အပြင်းအထန် နိမ့်ချည်မြင့်ချည် ဖြစ်နေကာ၊ သူမ၏ အသားအရေပေါ်တွင်လည်း ကြက်သီးမွေးညင်းများ ထနေခဲ့ပေသည်။ ဝေ့ဝူယင်၏ စကားလုံးများသည် အံ့မခန်းလောက်အောင် ဖိနှိပ်မှု ပြင်းထန်ပြီး၊ အစစ်အမှန် ကြောက်ရွံ့မှုကင်းမဲ့သော ဖြစ်တည်မှုတစ်ခု၏ စစ်မှန်သော ပြသမှုတစ်ခုပင် ဖြစ်လေသည်။</p> <p>အရှင်သခင် တစ်ပါး...</p> <p>အင်ပါယာ တစ်ပါး...</p> <p>ကြောက်ရမည်လော။ ဘာကို ကြောက်ရမည်နည်း၊ ဘယ်သူ့ကို ကြောက်ရမည်နည်း။</p> <p>အထွတ်အထိပ် သူတော်စင်များ နှင့် ကောင်းကင် အဂ္ဂိရတ် ရှန့်ထိုများ သည် အခြေအနေကို သူတို့၏ အကျိုးအမြတ်အတွက် လမ်းကြောင်းပြောင်းနေကြခြင်း ဖြစ်ပြီး ၊ အခြေအနေတိုင်းကို ပြီးပြည့်စုံစွာ အသုံးချကာ အနည်းဆုံး ဆုံးရှုံးမှုနှင့် အတူ သူတို့အတွက် အကျိုးရှိစေမည့် ရလဒ်တစ်ခုကို ကျွမ်းကျင်ပိုင်နိုင်စွာ ကြိုးကိုင်ဖန်တီးနေကြကြောင်း သူမ အပြည့်အဝ သိရှိထားသည်။ သို့သော်လည်း.. နယ်ခြားသား၏ ပြိုင်ဘက်ကင်းသော အော်ရာကြောင့် သူမ အမှန်တကယ် အံ့သြမှင်တက်သွားခြင်းကို မထိန်းချုပ်နိုင်ခဲ့ချေ။</p> <p>သို့သော်လည်း ထိုအထွတ်အထိပ် သူတော်စင်များ နှင့် ကောင်းကင် ရှန့်ထို အဂ္ဂိရတ်ပညာရှင်များ အပေါ် သူမ၏ ကြည်ညိုလေးစားမှုမှာ များစွာ သာလွန်နေခဲ့ရာ၊ လက်ခုပ်တီးချင်စိတ်ကို သူမ ထိန်းချုပ်ထားလိုက်လေသည်။ သူမ၏ အမြင်အရ ဝေ့ဝူယင်သည် ရိုးရှင်းစွာ ချခင်းထားသော်လည်း သခင်တစ်ဦးကဲ့သို့ အကောင်အထည်ဖော်ထားသော ထောင်ချောက်တစ်ခု အတွင်းသို့ ကျရောက်သွားခဲ့ပြီ ဖြစ်ပေသည်။ သူမ၏ မျက်စိထဲတွင် ဝေ့ဝူယင်သည် သူ၏ အင်ပါယာ ဥပဒေသ အာဏာ ကို မြှင့်တင်ရန်အတွက် အကာအကွယ်မဲ့သော အနေအထားတစ်ခုသို့ ရောက်ရှိသွားခဲ့ပြီဟု မြင်ယောင်မိလေသည်။</p> <p>သူတို့က သူ့ကို ဓားသွေးကျောက် အဖြစ် အသုံးပြုခွင့် ပြုလိမ့်မည်လော။ ထို့အပြင် ထိုဗျူဟာသည် အလွန်အမင်း ရည်မှန်းချက်ကြီးမားပြီး မောက်မာသော စရိုက်လက္ခဏာများ ရှိကြသည့် စည်းစိမ် ပျက်သုဉ်းခြင်း ဂလက်ဆီ သို့မဟုတ် ရတနာချိုင့်ဝှမ်း ဂလက်ဆီ ကဲ့သို့သော ဂလက်ဆီတစ်ခုကို ဆန့်ကျင်ရာတွင် အလုပ်ဖြစ်နိုင်သော်လည်း၊ အစွမ်းကုန် သန့်စင်ခြင်း ဂလက်ဆီ သည် အဓိက ခေါင်းဆောင်မှု မရှိဘဲ ကိုယ်ကျိုးစီးပွားများဖြင့်သာ ကွဲပြားနေခဲ့ခြင်း ဖြစ်လေသည်။ သူတို့သည် အဂ္ဂိရတ် တာအို နှင့် လူ့အဖွဲ့အစည်း၏ တိုးတက်လာမှုကိုသာ လိုက်နာကြပြီး အခြား မည်သည့်အရာကိုမျှ ဂရုမစိုက်ကြချေ။</p> <p>ထိုနယ်ခြားသားက ဤနေရာတွင် တိုက်ပွဲတစ်ခုကို ရှာဖွေနေသည်လား။ အကယ်၍ သူက အရာအားလုံးကို လျစ်လျူရှုပြီး သူတို့၏ ဌာနချုပ်များ သို့မဟုတ် ဂလက်ဆီဇုံ များကို တိုက်ရိုက် မတိုက်ခိုက်ဘူးဆိုလျှင်၊ သူတို့သည် ထိုကဲ့သို့သော ပဋိပက္ခမျိုးထဲ အလွယ်တကူ ကျရောက်သွားမည့် နည်းလမ်း လုံးဝ မရှိခဲ့ချေ။</p> <p>သူမ၏ အမြင်တွင် ဝေ့ဝူယင်သည် ဂလက်ဆီ၏ လူမှုရေး သဘာဝကြောင့် ရိုးရှင်းစွာ အားနည်းချက်တစ်ခု ဖြစ်ပေါ်လာခဲ့ခြင်း ဖြစ်ပေသည်။ ထို့အပြင် မည်သည့် အကြောင်းကြောင့်ပင် ဖြစ်စေ သူက ပထမဆုံး စတင်သူ မဖြစ်နိုင်ကြောင်း ရှင်းလင်းစွာ မြင်တွေ့နေရလေသည်။</p> <p>ကျင့်ကြံခြင်း လမ်းစဉ်သည် ခက်ခဲပြီး စိတ်ဝင်စားဖွယ်ကောင်းသော ကန့်သတ်ချက် များစွာ ရှိနေသောကြောင့်၊ သူတို့ထဲမှ မည်သူကမျှ ဤအရာကို ထူးဆန်းသည်ဟု မထင်မှတ်ခဲ့ကြချေ။</p> <p>ဥပမာအားဖြင့် ယခုအခါ ပြတ်သားသော ဆည်းဆာ ဂလက်ဆီ ဟု အမည်တွင်သော ဂလက်ဆီ၏ အစောင့်အရှောက် နတ်ဘုရား ဖြစ်သည့် အဆုံးမဲ့ ကောင်းကင် နတ်ဘုရား သည် ပဲ့တင်ထပ် ဝိညာဉ် အဆင့် ၏ သာမည ကောင်းကင် တမန်တော် အဆင့် ထက် ကျော်လွန်သော ကျင့်ကြံခြင်း အဆင့် ကို ပိုင်ဆိုင်ထားပြီး တကယ်ကို စွမ်းအားကြီးမားသော အထွတ်အထိပ် ဖြစ်တည်မှု တစ်ခု ဖြစ်သော်လည်း၊ ပဲ့တင်ထပ် ဝိညာဉ် အဆင့် အောက်ရှိ မည်သည့် နယ်ခြား ကျင့်ကြံသူကိုမဆို အရေးယူ လှုပ်ရှားခြင်းမှ တားဆီးထားသည့် ကန့်သတ်ချက်များ ရှိနေခဲ့ပေသည်။</p> <p>ဤကန့်သတ်ချက်ကပင် ဝေ့ဝူယင်အား ဒေသခံ သူတော်စင်များ မှလွဲ၍ မည်သည့် ပြင်းထန်သော ခုခံမှုမျှ မရှိဘဲ ထိုဂလက်ဆီကို လက်အောက်ခံအဖြစ် သိမ်းပိုက်ခွင့် ပြုပေးခဲ့ခြင်း ဖြစ်လေသည်။</p> <p>***</p> <p> </p>


Save