Book List

<h2 style="text-align: center;">အခန်း (၉၉)</h2> <h2 style="text-align: center;">နေလကျောင်းတော်</h2> <h2 style="text-align: center;">*</h2> <p> </p> <p> </p> <p>ကျေးငှက် တိရစ္ဆာန်များ၏ တီတီတာတာ တေးသီသံများက တောင်တန်းတစ်လျှောက် သစ်တောများတွင် ပျံ့နှံ့နေ၏။</p> <p>ရောင်စုံပန်းများကလည်း ချည်ထည်၌ ပန်းထိုးထားသကဲ့သို့ တောက်ပ လှပနေသည်။ မြင်တွေ့ရသမျှ အရာရာတိုင်းက လှပသော ပန်းချီကားတစ်ချပ်သဖွယ်။</p> <p>ရောင်စုံငှက်များ ပျံသန်းသွားလာနေကာ လိပ်ပြာငယ်များကလည်း ဟိုမှဒီမှ ပျံဝဲနေကြသည်။ လိပ်ပြာအချို့မှာ ကြီးမားလွန်းလှကာ လူတစ်ယောက်အရွယ်ရှိသည့် လိပ်ပြာတစ်ကောင်ကိုပင် ရန်ချီ မြင်တွေ့ခဲ့ရ၏။ ၎င်းက လေထဲတွင် ပျံသန်းဖို့အတွက် အတောင်ပံခတ်လိုက်တိုင်း အစစ်အမှန် မဟုတ်ပုံရသည့် ဝတ်မှုန်များက ၎င်း၏ အတောင်ပံများမှ ထွက်ပေါ်နေသည်။</p> <p>"ဒီလိပ်ပြာက ဆရာသခင် အဆင့် ကျင့်ကြံမှု အခြေခံရှိတဲ့ စိတ်ဝိညာဉ် မိစ္ဆာတစ်ကောင်ပဲ"</p> <p>လိပ်ပြာက ရန်ချီကို သတိထားမိသွားကာ အတောင်ပံကို ခတ်ထုတ်လိုက်ပြီး အစစ်အမှန် စွမ်းအင်စီးကြောင်းကို သူ့ထံ ပို့လွှတ်လိုက်သည်။ သို့သော် မကြာမီမှာပင် လောကအုပ်ချုပ်သူ့ အော်ရာကို ခံစားမိကာ စွမ်းအင်ကို ပြန်လည်ရုပ်သိမ်းလိုက်ပြီး ရန်ချီနှင့်ဝေးရာ ဆန့်ကျင်ဘက်သို့ ထွက်ပြေးသွားတော့သည်။</p> <p>ရန်ချီ ဖျော့တော့စွာ ပြုံးလိုက်မိ၏။ အမှန်စင်စစ် ထိုတောင်တန်းများမှာ အင်မော်တယ်ခြေနင်း ကျောင်းတော်၏ အစိတ်အပိုင်းများဖြစ်လေရာ လူများကို ဒုက္ခပေးနိုင်သည့် မိစ္ဆာသားရဲများ ထိုနေရာတွင် ပုံမှန်အားဖြင့် ရှိလိမ့်မည် မဟုတ်ချေ။ သူတို့ထဲမှ အများစုမှာ ဤနေရာတွင် နေထိုင်သည့် ကျွမ်းကျင်သူများ၏ သားရဲများသာ ဖြစ်ကြပေလိမ့်မည်။</p> <p>သူက စွမ်းအင်ကြိုးကြာနောက်လိုက်ရင်း နောက်ဆုံး၌ မရေမတွက်နိုင်သော ပန်းများ ပေါက်ရောက်နေသည့် ပန်းခင်းလမ်းကြီးပေါ် ရောက်လာခဲ့သည်။</p> <p>ထိုနေရာက ဘယ်လောက် ရှုပ်ထွေး ပြောင်းလဲလွန်းကြောင်း ကြည့်မိရင်း ၎င်းမှာ မှော်အစီအရင် တစ်ခုဖြစ်လိမ့်မည်ဟု ခံစားလိုက်ရသည်။ အကယ်၍ သူသာ ကြိုးကြာနောက် မလိုက်ပါက ထိုနေရာတွင် ပိတ်မိသွားနိုင်ပေသည်။</p> <p>သူတို့က တောက်ပနေသော ပန်းများ ဖုံးလွှမ်းနေသည့် ကောင်းကင် လျှိုမြောင်တောင်တန်း၏ တောင်ထိပ်တစ်ခုကို ဦးတည်သွားကြသည်။</p> <p>ကြည့်ရသည်မှာ ထိုနေရာရှိ ပန်းများက ရာသီဥတု မည်သို့ ပြောင်းလဲသွားပါစေ တစ်နှစ်ပတ်လုံး ပွင့်လန်းနေသည့်ပုံ ပေါ်နေ၏။ ထို့အပြင် တောင်တစ်ခုလုံးကို နွေးထွေးသော စွမ်းအင်စီးကြောင်းများက အပေါ်မှအောက်သို့ စီးဆင်းနေသည်။ ထို့ကြောင့်ပင် ထိုနေရာနှင့် တောင်တစ်ခုလုံးက တစ်နှစ်ပတ်လုံး နွေဦးကဲ့သို့ နွေးထွေးနေခြင်း ဖြစ်တန်ရာ၏။</p> <p>မြေဩဇာနှင့် ပတ်သက်၍လည်း ထိုနေရာက နှစ်ပေါင်း သန်းနှင့်ချီ ကြွေကျခဲ့သော ပန်းများနှင့် ဖွဲ့စည်းထားခြင်းကြောင့် ရနံ့သင်းကာ ဆေးဖက်ဝင်သည့် အရည်အသွေးလည်း ရှိနေပြန်သည်။</p> <p>သူက သူမြင်တွေ့သမျှကြောင့် အထင်ကြီး အံ့ဩနေမိသည်။ ထိုတောင်ကို ပြုလုပ်ခဲ့သည် မည်သူဖြစ်စေ သူထက် စွမ်းအင်ပညာရပ်မှာ သိသိသာသာ သာလွန်နေပေသည်။</p> <p>"အန်တီလေးစုစုက ဒီနေရာမှာ တကယ်ကြီး ကျင့်ကြံနေတာလား… ဒါဆို သူ့ဆရာက ဒီတောင်ကို ပြုလုပ်ထားတာလား… စွမ်းအင်ကြိုးကြာ အပေါ်မှာ အန်တီလေးစုစုရဲ့ အော်ရာ ပါလာတာကတော့ သေချာပါတယ်"</p> <p>သူက ကြိုးကြာနောက် နှစ်နာရီကျော် လိုက်လာပြီးနောက် တောင်ပေါ် အမြင့်ပိုင်းကို ရောက်လာကာ နောက်ဆုံး၌ မြူခိုးများ ထူထဲလာပြီး ခြေဆယ်လှမ်းအကွာထက် ကျော်လွန်၍ မြင်တွေ့နိုင်ဖို့ ခက်ခဲလာသည်။</p> <p>ရန်ချီက သူမ ဘယ်မှာ ရှိနေသလဲ မသိသကဲ့သို့ လေထဲ ပျံသန်း၍ မရှာဖွေရဲချေ။ သူသိသည်မှာ ကြိုးကြာနှင့် နီးကပ်စွာနေဖို့ တစ်ခုတည်းသာ။</p> <p>ရုတ်တရက် သူက မြူထဲမှ ထွက်လာသည့် နေအလင်းကြောင့် မျက်လုံးများ အရောင်တောက်လာသည်။ ယခုအချိန်၌ သူက တောင်အလယ်ရှိ ကြီးမားသော ကျောက်တုံးစင်မြင့်တစ်ခု အပေါ် ရောက်ရှိနေကြောင်း ရန်ချီ သိထားလိုက်သည်။</p> <p>ထိုနေရာက အများပိုင် စတုရန်း မြေပြင်တစ်ခုနှင့် တူညီကာ လူရာဂဏန်းမှ ထောင်ဂဏန်းအထိ ဆံ့လောက်အောင် ကြီးမားသည်။ ထိုနေရာနှင့် ဝေးလံရာ အရပ်၌ နန်းတော်နှင့် တူညီသည့် အိမ်တော်ကြီး တစ်ခု ရှိနေ၏။ သို့သော် ထိုအိမ်တော်ကြီးက တောင်မျက်နှာပြင်ပေါ် တည်ဆောက်ထားခြင်း မဟုတ်ဘဲ တောင်ကိုထွင်းကာ ဆောက်လုပ်ထားခြင်း ဖြစ်ပေသည်။</p> <p>စင်မြင့်၏ မြေပြင်က အလင်း အနည်းငယ် ဖောက်ဝင်နိုင်သည့် ကြွေထည်များနှင့် ပြုလုပ်ထားပုံရကာ မျက်နှာပြင်ပေါ်၌ ရှုပ်ထွေးလွန်းသည့် မရေမတွက်နိုင်သော ပန်းဒီဇိုင်းများ ထွင်းထုထားသည်။ တစ်ချက်ကြည့်ရုံမျှဖြင့် ထိုအရာက ကြီးမားသော စွမ်းအင်ပညာရပ်ဖြင့် ထွင်းထုထားကြောင်း သိနိုင်ပေသည်။</p> <p>ဤတောင်ပေါ်၌ နန်းတော်ကဲ့သို့ တည်ဆောက်ရန် မည်သည့်အဆင့်လောက် စွမ်းအား လိုအပ်မလဲ ရန်ချီ စဉ်းစားမိသည်။</p> <p>လက်ရှိ ထိုနေရာ၌ လူအချို့ရှိနေကာ သူတို့က အင်မော်တယ်ခြေနင်း ကျောင်းတော်မှ ကျောင်းသားများ မဟုတ်ကြချေ။ ပထမဆုံး ရန်ချီ သတိထားမိသွားသည်မှာ သူတို့၏ ပိုးချည်ဝတ်စုံပေါ်တွင် ထွန်းလင်းနေသော နေမင်းနှင့် တောက်ပနေသော လပုံပါရှိကာ ရှေးဟောင်း စာလုံးအချို့ ရေးသားထားခြင်းပင်။ အံ့ဩဖို့ ကောင်းလွန်းသည်မှာ သူတို့က ချမ်းသာကြွယ်ဝ တိုက်ကြီး၏ နောက်ထပ် သက်တမ်းရင့် အဖွဲ့အစည်းဖြစ်သော နေလကျောင်းတော်မှ ဖြစ်နေခြင်းပင်တည်း။</p> <p>ထို့ပြင် သူတို့အားလုံးက အမျိုးသားများသာ ဖြစ်ကြသည်။</p> <p>သူတို့က ဤနေရာသို့ တရားဝင် လည်ပတ်ခွင့် ရရှိထားပုံ ပေါ်နေသည်။ ထို့အပြင် ပို၍ အရေးကြီးသည့် အချက်က ခံ့ညားတည်ကြည်ကြကာ တစ်ယောက်မှ အားနည်းသည့်ပုံ မပေါ်ကြချေ။ သူတို့အားလုံးက လက်ရွေးစင် ကျောင်းသားများ ဖြစ်ကြပေသည်။</p> <p>ချမ်းသာကြွယ်ဝတိုက်ကြီး၌ သင်ကြားရေး အဖွဲ့အစည်း လေးခုရှိကာ ထိုအရာတို့မှာ အင်မော်တယ်ခြေနင်း ကျောင်းတော်၊ အစစ်အမှန် နဂါးကျောင်းတော်၊ နေလကျောင်းတော်နှင့် ပင်လယ်နတ်ဘုရား ကျောင်းတော်တို့ ဖြစ်ကြသည်။</p> <p>ယန်ကူဖုန်း၏ သမီး ယန်ဖေးရှက အစစ်အမှန် နဂါးကျောင်းတော်မှ တပည့်တစ်ဦး ဖြစ်သည်။ ရန်ချီ သတ်ဖြတ်ခဲ့သည့် ဂူချယ်က ပင်လယ်နတ်ဘုရား ကျောင်းတော်မှ ဖြစ်သည်။ သို့သော် သူက နေလကျောင်းတော်မှ တစ်ယောက်နှင့်မျှ မဆုံတွေ့ဖူးချေ။</p> <p>ကျောင်းသားအချို့က သူလျှောက်လှမ်းလာသည်ကို မြင်တွေ့ကြသောအခါ သူတို့ထဲမှ တစ်ယောက်က အော်ပြောလိုက်သည်။</p> <p>"အဲဒီနေရာမှာ ရပ်နေစမ်း"</p> <p>ဝှစ်... ဝှစ်...</p> <p>သူတို့ထဲမှနှစ်ယောက်က အရိပ်သဖွယ် ပျံသန်းလာရင်း ရန်ချီ၏ လမ်းကို ပိတ်ဆို့ထားလိုက်ကြ သည်။</p> <p>"မင်းက ဘယ်သူလဲ"</p> <p>သူတို့ထဲက တစ်ယောက် အေးစက်စွာ မေးလိုက်သည်။</p> <p>"ဒါက ပန်းပေါင်းစုံ တောင်ထွတ်ပဲ… ငါတို့ ဂိုဏ်းတူအစ်ကိုကြီးက ဒီမှာ လုပ်စရာကိစ္စ ရှိတယ်… နောက်ထပ် ရှေ့တိုးမလာနဲ့… တိုးလာရင်တော့ မင်းကို ခွင့်လွှတ်ပေးမှာ မဟုတ်ဘူး"</p> <p>ရန်ချီက လုံးဝ သဘောမကျတော့ချေ။ ထိုနေရာက အင်မော်တယ်ခြေနင်း ကျောင်းတော်၏ နယ်မြေဖြစ်သော်လည်း သူပတ်လည်မှ နေလကျောင်းသားများက သူ့ကို အမိန့်ပေးဖို့ ကြိုးစားနေသည်။ ကျောင်းသားနှစ်ယောက်ကိုကြည့်ကာ သူက ရှေ့တိုးရင်း ပြောလိုက်သည်။</p> <p>"ဒါက အင်မော်တယ်ခြေနင်း ကျောင်းတော်ပဲ… မင်းတို့လို အခြားကျောင်းကကောင်တွေက ငါ့လမ်းကို ပိတ်ထားဖို့ ကြိုးစားနေတယ်ပေါ့"</p> <p>"အတင့်ရဲလွန်းတယ်"</p> <p>ဒုတိယကျောင်းသားက ငေါက်လိုက်သည်။</p> <p>"မင်းနာမည်က ဘယ်သူလဲ ကောင်စုတ်လေး… ငါအခု ချက်ချင်း မင်းတို့ အကြီးအကဲတွေဆီ တိုင်ကြားလိုက်မယ်... ပြောစမ်း … သူတို့က မင်းကို အပြစ်ပေးလိမ့်မယ်… ငါတို့ ဂိုဏ်းတူအစ်ကိုကြီးက ပန်းများစွာ တောင်ထွတ်ရဲ့ တပည့် မြင့်မြတ်သော သမီးတော်ဖြစ်တဲ့ ရန်စုစုကို လာတောင်းရမ်းတာပဲ… ဒါဆို ငါတို့ ကျောင်းတော်နှစ်ခုကြားက ဆက်ဆံရေးက ပိုမို အဆင်ပြေလာလိမ့်မယ်… မင်းလိုကောင်လေးက အခုလို အချိန်မျိုးမှာ ပြဿနာ လာရှာရဲတယ်လား"</p> <p>ရန်ချီ ရင်ထဲ တုန်လှုပ်သွားကာ မျက်နှာညှိုးငယ်သွားတော့သည်။</p> <p>"တောင်းရမ်းတာ… လက်ထပ်ဖို့" သူက ဘာကြောင့်မှန်း သေချာမသိသော်လည်း ရင်ထဲ ပူလောင်ကာ ဒေါသထွက်လာသည်။</p> <p>"နေလကျောင်းတော်က လူစုတ်တွေကများ ငါ့အန်တီလေး ရန်စုစုကို တောင်းရမ်းချင်သေးတယ် … ဘာက ပိုပြီး အံ့ဩလဲသိလား… အဲဒီကောင်က သူ့ကိုယ်သူ ထိုက်တန်တယ် ထင်နေတာကိုပဲ"</p> <p>သူ့စကားလုံးများက အလွန် ပြင်းထန်သဖြင့် နေလကျောင်းတော်မှ ကျောင်းသားများပင် သူတို့ ကြားရသည်ကို မယုံမကြည် ဖြစ်သွားကာ ဘာပြန်ပြောရမလဲ မသိ ဖြစ်သွားကြသည်။</p> <p>"ဘာ… မင်းဘာပြောလိုက်တယ်"</p> <p>"စော်ကားလွန်းတယ်… မင်းက သေဖို့ ပြင်ထား" ကျောင်းသား တစ်ယောက်က ဒေါသတကြီး အော်ဟစ်လိုက်သည်။</p> <p>ရုတ်တရက် သူ့လက်ထဲ၌ အရာရာတိုင်းကို လောင်ကျွမ်းဖျက်ဆီးနိုင်စွမ်းရှိသည့် မီးဘောလုံးတစ်ခု ပေါ်လာသည်။ ထိုမီးဘောလုံးက လှည့်ပတ်ရင်း ဆေဘာဓားတစ်ချောင်း ပုံသဏ္ဍာန် ဖြစ်လာ၏။</p> <p>သို့သော် ရန်ချီက ထိုပုံစံကို ဂရုစိုက်မနေချေ။ ရန်ချီက လက်ချောင်းကို ဝှေ့ယမ်းလိုက်ရာ စွမ်းအင်စီးကြောင်းများ ဖြစ်ပေါ်လာပြီး ယခုအချိန်၌ ပွင့်ပွင့်လင်းလင်း အသုံးပြုနိုင်သည့် စကြဝဠာတစ်ခွင် နေရောင်ခြည် လွှမ်းမိုးဓားအဖြစ် ပြောင်းလဲသွားတော့သည်။</p> <p>ထိုအရာက သာမန် စကြဝဠာတစ်ခွင် နေရောင်ခြည် လွှမ်းမိုးဓား မဟုတ်ချေ။ သူက ထိုနည်းစနစ်ကို လေးရာသီ ဓားပညာနှင့် ပူးပေါင်းကာ သူ့ကိုယ်ပိုင် ဉာဏ်အလင်း ရရှိခဲ့သည့်အပေါ် အခြေခံထားသည့် ဒြပ်စင်များကိုပါ ထပ်ပေါင်းထည့်ထားသည်။ ရလဒ်အနေဖြင့် သူ့ငရဲမီးတောက် မီးပြင်းဖိုဖြင့် သန့်စင်ထားသော ဓားနည်းစနစ်ကို တစ်စုံတစ်ယောက်မှ မရှိနိုင်ချေ။</p> <p>အမှန်တော့ ထိုအရာက ရန်ချီကိုယ်တိုင် တီထွင်ထားသည့် ပြီးပြည့်စုံသော သိုင်းပညာ ဥပဒေသတစ်ခုသာ ဖြစ်ပေသည်။</p> <p>ထိုနည်းစနစ်၌ စကြဝဠာတစ်ခွင် နေရောင်ခြည် လွှမ်းမိုး ဓားပညာရပ်မှ လောင်ကျွမ်းနိုင်သည့် အစစ်အမှန် စွမ်းအင်များပါရှိသလို လေးရာသီ ဓားပညာမှ ဆင်းသက်လာသည့် နွေဦး၊ နွေ၊ ဆောင်းဦး၊ ဆောင်းရာသီတို့၏ များပြားသော အပြောင်းအလဲများလည်း ပါဝင်နေသည်။ အပင်များ ရှင်သန်လာသလို မိုးကြိုး ပစ်ချလာကာ ရေစက်များလည်း ဆင်းသက်လာပြီး ကောင်းကင်မှ နှင်းများ ကျဆင်းလာသကဲ့သို့ပင်။</p> <p>ဝှစ်…</p> <p>အခြားကျောင်းသား၏ စွမ်းအင်ပညာရပ်က အလျင်အမြန် ပျက်ပြယ်သွားကာ သူက နောက်ဘက်သို့ ခြေလှမ်းတစ်ထောင်ကျော် လွင့်သွားသည်။ သူက ခက်ခက်ခဲခဲ အရှိန်သတ်လိုက်ရကာ မျက်နှာ လုံးဝ ပျက်သွားတော့သည်။</p> <p>"သေစမ်း"</p> <p>"သူ ဒီလို ပြင်းပြင်းထန်ထန် တိုက်ခိုက်မယ်လို့ ငါမထင်ခဲ့ဘူး"</p> <p>"ဒီဓားနည်းစနစ်က ဘာလဲ… ဘယ်လိုလုပ်ပြီး အဲလောက်တောင် နက်ရှိုင်းနေရတာလဲ"</p> <p>"သူက ငါတို့ကို တကယ် တိုက်ခိုက်ရဲတယ်လား… သူ့ကို ဝိုင်းသတ်ကြ… သူက လက်ရွေးစင် ကျောင်းသား တစ်ယောက်ပဲ… အဓိကက သူက နေလကျောင်းတော်ရဲ့ ဂုဏ်သတင်းကို ဘယ်လိုလုပ် စော်ကားရဲရတာလဲ"</p> <p>နေလကျောင်းတော်မှ ကျောင်းသားများက ရန်ချီထံ ပျံသန်းကာ ချက်ချင်း ဝန်းရံလိုက်ကြသည်။ အချို့ကလည်း သူတို့၏ ရှုံးနိမ့်သွားသော ကျောင်းသားကို ကုသဖို့အတွက် အစစ်အမှန် စွမ်းအင်များကို ထိုသူ၏ ဒဏ်ရာအတွင်း ပို့လွှတ်လိုက်ကြသည်။</p> <p>ရန်ချီနှင့် ရင်ဆိုင်နေသည့် လူခုနစ်ဦးက လောကအုပ်ချုပ်သူများဖြစ်ကာ နေလကျောင်းတော်မှ လက်ရွေးစင် ကျောင်းသားများဖြစ်ကြသည်။ သူတို့က သူ့ပတ်လည်၌ ဝင်္ကပါ အစီအရင်အတိုင်း ရပ်နေကြကာ ဓားများကို လှုပ်ယမ်းရင်း သတ်ဖြတ်သည့် တိုက်ကွက်ကို ထုတ်ဖော်တော့မည့်ပုံ ပေါ်နေ၏။</p> <p>ရန်ချီက ထိုနေရာမှနေ၍ သူတို့ကို အေးအေးဆေးဆေး ကြည့်နေသည်။ သူက အင်မော်တယ်ခြေနင်းကျောင်းသားဖြစ်သဖြင့် လုံးဝ ကြောက်ရွံ့မနေချေ။ အသေအကျေ သတ်ဖြတ်ခြင်းကို သူသာ ချိုးဖောက်နိုင်ပါက သူ့အဆင့်အတန်းက သိသိသာသာ ပိုမြင့်မားသွားပေလိမ့်မည်။</p> <p>ကျောင်းသား အချို့က သူ့မျက်လုံးမှ သတ်ဖြတ်ချင်သည့် စိတ်ဆန္ဒများ တောက်ပလာသည်ကို မြင်တွေ့သောအခါ ရုတ်တရက် ကမ္ဘာဦး သားရဲတစ်ကောင်နှင့် ရင်ဆိုင်နေရသလို ခံစားမိလိုက်ကြသည်။</p> <p>ထိုအချိန်မှာပင် နန်းတော်ထဲမှ သာယာလွန်းသည့် အသံတစ်ခု ထွက်ပေါ်လာသည်။</p> <p>"ရပ်လိုက်ကြတော့… ရှင်တို့လူတွေ ဘာလုပ်နေတယ်လို့ ထင်နေကြလဲ"</p> <p>ထို့နောက် ရန်စုစု တစ်ယောက် ထွက်ပေါ်လာသည်။</p> <p>သူမထံမှ ထွက်ပေါ်လာသည့် စွမ်းအားအရ သူမက အရင်တစ်ကြိမ် တွေ့ဆုံတုန်းကထက် တိုးတက်လာသည်ဟု ရန်ချီ ပြောနိုင်သည်။ သူမ၏ အစစ်အမှန် စွမ်းအင်များက သုံးလေးဆလောက် ပိုမို သန်မာလာကာ သူမ၏ အသက်ဓာတ်က အရင်နှင့် လုံးဝ ကွဲပြား ပြောင်းလဲလာသည်။</p> <p>သူမက သူတော်စင်မိစ္ဆာ ပန်းချီကားကို အသုံးပြုကာ လောကအုပ်ချုပ်သူ ဒုတိယအဆင့် ရောက်ရှိသွားကြောင်း သိသာလွန်းလှ၏။</p> <p>သူမက ရန်ချီကို တွေ့သောအခါ သူမ၏ မျက်လုံးများက ပျော်ရွှင် ကြည်နူးသွားတော့သည်။</p> <p>"ချီအာ… ဘာဖြစ်နေတာလဲ… ဘာလို့ နေလကျောင်းသားတွေနဲ့ ရန်ဖြစ်နေတာလဲ… မင်း လွန်ခဲ့တဲ့ နှစ်လက လောကအုပ်ချုပ်သူ အဆင့်ရောက်ပြီး လက်ရွေးစင် ကျောင်းသား ဖြစ်လာတယ်လို့ ငါကြားခဲ့တယ်… ကံမကောင်းတာက အဲဒီအချိန် ငါကျင့်ကြံနေခြင်းက မထွက်နိုင်သေးတာပဲ… ဘာပဲဖြစ်ဖြစ် မင်းအောင်မြင်တာ ဂုဏ်ယူပါတယ်လေ… ငါပြီးခဲ့တဲ့ နှစ်ရက်ကပဲ တရားကျင့်ကြံတာ ပြီးသွားလို့ မင်းကို အသိပေးဖို့အတွက် ကြိုးကြာငှက်ကို စေလွှတ်လိုက်တာပဲ"</p> <p>"အန်တီလေးစုစု… ဒီနေလကျောင်းသားတွေက ဘာလာဖြစ်နေကြတာလဲ… သူတို့ ပြောတာတော့ သူတို့ ဂိုဏ်းတူအစ်ကိုကြီးက အန်တီလေးကို လာတောင်းရမ်းတာဆို … ပြီးတော့ သူတို့ကများ လမ်းကို ပိတ်ရဲသေးတယ် … ဒါ အင်မော်တယ်ခြေနင်း ကျောင်းတော်ပဲ… နေလကျောင်းတော်မဟုတ်ဘူး … သူက ကျွန်တော့်လို လက်ရွေးစင် ကျောင်းသား တစ်ယောက်ကို ဒီလိုဆက်ဆံရဲတာ... ဒါ ကျွန်တော်တို့ ကျောင်းတော်ကို စော်ကားလိုက်တာပဲ… သူတို့ ပြောနေတဲ့ ဂိုဏ်းတူအစ်ကိုကြီးက ဘယ်သူလဲ … ကျွန်တော်က သူ့ကို နှုတ်ဆက်ဖို့ လိုသေးလား… သူက စူပါလူသားလား ဒါမှမဟုတ် တစ်ခုခုပဲလား… သူကများ ဒီကျောင်းတော်မှာ ဘယ်လိုလုပ်ပြီး ဟောင်ဖွာဟောင်ဖွာ လုပ်ရဲရတာလဲ"</p> <p>"ချီအာ…."</p> <p>ရန်စုစုက ရန်ချီ ထိုကဲ့သို့ ပြောလိုက်ခြင်းအားဖြင့် နေလကျောင်းတော်မှ ကျောင်းသားများကို အလျော့ပေးမည် မဟုတ်ကြောင်း သိလိုက်ရသည်။ ရန်ချီကို ကြည့်ကာ သူမက တစ်စုံတစ်ခု ပြောမည် ပြုလိုက်စဉ် ရုတ်တရက် နန်းတော်ထဲမှ အသံတစ်သံ ထွက်ပေါ်လာတော့သည်။</p> <p>"စုစု… ဒါမင်းပြောတဲ့ ပါရမီရှင် တူတော်မောင် ဆိုတာလား… တကယ်လို့ သူသာ ဒီလို ဆက်လုပ်နေရင် သူကိုယ်သူ သတ်ဖို့ ကြိုးစားနေတာပဲ… သူက ငါတို့ ကျောင်းတော်က ကျောင်းသားတွေကို တိုက်ရဲတယ်ဆိုတာ ယုံတောင် မယုံနိုင်ဘူး… လက်ရွေးစင် ကျောင်းသား တစ်ယောက်လို ကောင်စုတ်လေးတစ်ယောက်က ငါတို့ ကျောင်းနှစ်ကျောင်းကြားမှာ သဘောထား ကွဲလွဲအောင် ဘယ်လိုတောင် လုပ်ရဲတာလဲ … ကောင်းပြီ … သူက နှုတ်ဆက်ချင်မှတော့ ငါက သူ့ကို အထဲ ဆွဲခေါ်ပေးရတာပေါ့"</p> <p>ဝှစ်….</p> <p>ရုတ်တရက် စွမ်းအင်စီးဆင်းမှုများ ဖြစ်ပေါ်လာကာ ကြီးမားသော လက်ကြီးတစ်ခုက ရန်ချီထံ ဦးတည် ဆင်းသက်လာသည်။</p> <p> </p> <p> </p> <p style="text-align: center;">End</p> <p style="text-align: center;">***</p>


Save