Book List

<h2 style="text-align: center;">အခန်း (၁၀၀)</h2> <h2 style="text-align: center;">အဆိုပြုချက်ကို ဖျက်ဆီးခြင်း</h2> <h2 style="text-align: center;">*</h2> <p> </p> <p> </p> <p>အရေးပါသည့် တစ်စုံတစ်ယောက်က စတင် လှုပ်ရှားလာလေပြီ။</p> <p>ကျယ်လောင်သော ပေါက်ကွဲသံနှင့်အတူ ကြီးမားသော လက်ကြီးတစ်ခုက ရန်ချီအပေါ် ဖိအားပေးလာ၏။</p> <p>ထိုစွမ်းအင်ပညာရပ်မှာ သူရင်ဆိုင်ခဲ့ဖူးသည့် လောကအုပ်ချုပ်သူများထက် သာလွန်လွန်းလှသည်။ ထိုလူက သက်တမ်း ခိုးယူခြင်း အကြိမ်ကြိမ် အောင်မြင်ထားသော သူတော်စင် သင်ကြားရေး အကယ်ဒမီမှ အကြီးအကဲများအဆင့်နှင့် တူညီလုနီးပါး ဖြစ်နေသည်။</p> <p>ထိုလူ မာနကြီးနေခြင်းမှာ အံ့ဩစရာ မဟုတ်တော့ချေ။</p> <p>သို့သော် ရန်ချီက ကြောက်လန့်တုန်လှုပ်နေသည့်ပုံ မပေါ်ပေ။ သူက အေးအေးဆေးဆေး ရယ်မောရင်း ပြောလိုက်သည်။</p> <p>"အထဲကို ဖိတ်ခေါ်ပြီး နှုတ်ဆက်ရမယ်… မင်းကိုယ်မင်း အရည်အချင်းရှိတယ် ထင်နေလား… ဘယ်သူ့ကို အထင်ကြီးအောင်လုပ်ဖို့ ကြိုးစားနေတာလဲ … တကယ်လို့ မင်းက ငါ့အန်တီလေးစုစုကို စေ့စပ်ချင်ရင် ငါ့ကို အရင်ဖြတ်ကျော်လိုက်ဦး… မင်းမလုပ်နိုင်ရင်တော့ စဉ်းစားတောင် မစဉ်းစားနဲ့"</p> <p>ထို့နောက် ရန်ချီက မြေပြင်ကို ဆောင့်နင်းလိုက်သည်။</p> <p>ဝုန်း……</p> <p>မရေမတွက်နိုင်သော စွမ်းအင်စီးကြောင်းများ ထွက်ပေါ်လာကာ အတူတကွ ပေါင်းစည်းသွားရင်း သူ့အပေါ်၌ ကြီးမားပြီး အဆက်မပြတ် ကြီးထွားလာသည့် စက်ဝန်းတစ်ခု ဖြစ်ပေါ်လာ၏။</p> <p>"ဘယ်လောက်တောင် သုံးစားမရတာလဲ"</p> <p>အသံက အရင်ထက် ပိုကျယ်လောင်စွာ ထွက်ပေါ်လာသည်။ ရုတ်တရက် အစစ်အမှန်စွမ်းအင် ဧရာမ လက်ဝါးကြီးအတွင်းမှ ကြီးမားသော အစစ်အမှန် စေတီတစ်ဆူ ပေါ်လာတော့သည်။ ထိုစေတီက ကိုးထပ်ရှိပြီး ၎င်းထံမှ ထွက်ပေါ်နေသော အရှိန်အဝါက မိစ္ဆာနတ်ဆိုးအားလုံးကို ဖျက်စီးပစ်နိုင်မည့်ပုံ ပေါ်နေသည်။</p> <p>ရန်စုစုက ထိုနည်းစနစ်ကို ချက်ချင်း သတိထားမိသွားသည်။ "ဒါ ကြီးမြတ်သည့် အင်ပါယာ စွမ်းအင်ပညာရပ်က နက်ရှိုင်းတဲ့ အဝါရောင် ဘုံနန်းစေတီပဲ… လုံရွှမ်… ရှင်ကျွန်မတူကို ဒဏ်ရာရအောင် လုပ်ရဲလုပ်ကြည့်… ရှင်နဲ့ ကျွန်မနဲ့ကြား ပြဿနာအကြီးကြီး တက်သွားစေရမယ်"</p> <p>"မစိုးရိမ်ပါနဲ့ စုစု… ငါက မင်းတူ မောက်မာလွန်းလို့ သင်ခန်းစာ နည်းနည်း ပေးရုံပါပဲ… သူသာ အခုလို လေကျယ်နေရင် နောက်ဆုံး သေသွားလိမ့်မယ်"</p> <p>သို့သော် သူက ထုတ်ဖော်ထားသည့် အစစ်အမှန်စွမ်းအင်ကို မလျှော့ချခဲ့ချေ။ ထို့ကြောင့် ဘုံနန်းစေတီက ပို၍ ပို၍ ကြီးမားလာကာ ကြီးမြတ်သည့် အင်ပါယာတစ်ပါး ဆင်းသက်လာသည်နှင့် တူညီနေပြီး စတုရန်းမြေကွက် တစ်ခုလုံး လှုပ်ယမ်းနေတော့သည်။</p> <p>"အန်တီစုစု… ဒီလူက အပြောကြီးတာ သေချာတယ်… ဒီနက်နဲတဲ့ အဝါရောင် ဘုံနန်းစေတီကို ကျော်ဖြတ်ဖို့က ဖျက်ဆီးပစ်တာကလွဲပြီး အခြားလမ်း မရှိမှာကို ငါစိုးရိမ်မိတယ်"</p> <p>သူ့ပုံစံက ထိုနေရာ၌ ရပ်နေရင်း နတ်ဘုရားတစ်ပါးနှင့် တူညီနေကာ သူ့စက်ဝန်းမှ အစစ်အမှန် စွမ်းအင်များ ပေါက်ကွဲထွက်လာပြီး ဓားစွမ်းအင် သန်းပေါင်းမြောက်မြားစွာအဖြစ် ပြောင်းလဲသွားကာ ဘုံနန်းစေတီထံ ဦးတည်၍ စေလွှတ်လိုက်သည်။</p> <p>"အီး…."</p> <p>အသံက သိသိသာသာ တုန်လှုပ်သွားတော့သည်။</p> <p>"မဆိုးပါဘူး… မင်းရဲ့ ဓားပညာက ပြီးပြည့်စုံတဲ့ အဆင့်ကို ရောက်နေပြီ… အဲဒါက ငါ့ကို ကျော်ဖြတ်ဖို့ မဖြစ်နိုင်တာကတော့ ကံမကောင်းစရာပဲ… ဒီဘုံနန်းစေတီက ကြီးမြတ်တဲ့ အင်ပါယာ စွမ်းအားတွေ ပါဝင်တယ်"</p> <p>ဝုန်း…</p> <p>ကြီးမားသော ဘုံနန်းစေတီဆင်းသက်လာရာ ရန်ချီ၏ ဓားစွမ်းအင်ကို ချေဖျက်ခံလိုက်ရပြီး အစိတ်စိတ်အမွှာမွှာ ကွဲကြေသွားသည်။</p> <p>အချိန်များ ကုန်လွန်လာသည်နှင့်အမျှ ဘုံနန်းစေတီက ပိုပိုပြီး ကြီးမားလာခဲ့သည်။ ၎င်းက ယခုအခါ မီတာ တော်တော်ကြီးမားလာကာ ရန်ချီကို နင်းချေဖို့ ဦးတည် ဆင်းသက်လာသည်။</p> <p>ထို့ပြင် ထိုဘုံနန်းစေတီအတွင်း နတ်ဘုရားကဲ့သို့သော အရာတစ်ခု ဖြစ်ပေါ်လာ၏။ ထိုအရာက အစစ်အမှန် စွမ်းအင်များနှင့် ဖွဲ့စည်းထားကာ အတိတ်တစ်ချိန်မှ ကြီးမြတ်သော အင်ပါယာတစ်ပါးနှင့် တူညီနေပြီး သူက ဘုံနန်းစေတီကို ထိန်းချုပ်ရင်း မိစ္ဆာမကောင်းဆိုးဝါးများကို နင်းချေဖို့ အဆင်သင့် ဖြစ်နေသည်။ အကန့်အသတ်မဲ့ ကြီးကျယ်ခမ်းနားသော စွမ်းအားကြောင့် ထိုနယ်မြေတစ်ဝိုက် ကောင်းကင်ဘုံမှ တူရိယာသံကဲ့သို့ အသံများ ဖုံးလွှမ်းသွားတော့သည်။</p> <p>ထိုအရာက ပြိုင်ဘက်ကင်းသည့် တိုက်ကွက်တစ်ခု ဖြစ်ကြောင်း လူတိုင်း ပြောနိုင်ပေသည်။</p> <p>ထိုအရာက အင်ပါယာအဆင့်ဖြစ်သည့် ဒဏ္ဍာရီလာ ကြီးမြတ်သော အင်ပါယာ စွမ်းအင်ပညာရပ် ဖြစ်သည်။ ရန်ချီ၏ ငရဲနတ်ဆိုးလှံတံက ငရဲချေမှုန်း နတ်ဆင်စွမ်းအား၏ အစိတ်အပိုင်းတစ်ခု ဖြစ်သကဲ့သို့ နက်ရှိုင်းသော ရွှေရောင်ဘုံနန်းစေတီက ထိုနည်းစနစ်၏ အစိတ်အပိုင်း တစ်ခုမျှသာ ဖြစ်ပေသည်။</p> <p>ကျယ်လောင်စွာ ထွက်ပေါ်လာသည့် အသံနှင့်အတူ ဘုံနန်းစေတီက စတုရန်း မြေပြင်တစ်ခုလုံးကို ဖုံးအုပ်သွားသည်ကို ရန်ချီ ကြည့်နေမိသည်။ လေထုတောင်မှ လုံးဝ ငြိမ်သက်သွားလေခဲ့ပြီ။</p> <p>ရန်ချီက ထိုတိုက်ခိုက်မှုမှ မရှောင်ရှားနိုင်တော့ချေ။</p> <p>"မင်းတူအတွက် မစိုးရိမ်ပါနဲ့ … ငါ သူ့ကို မသတ်ပါဘူး … နက်ရှိုင်းတဲ့ အဝါရောင် စေတီထဲ သုံးရက်သုံးည ပိတ်လှောင်ထားရုံလောက်ပါပဲ … သူသာ ငါဘယ်လောက် ဩဇာကြီးမားလဲဆိုတာ အသိအမှတ်ပြုပြီး ငါသူ့ကို နေလကျောင်းတော်ကို ခေါ်သွားပြီး တရားဝင် တောင်းပန်ခိုင်းလိုက်မယ်… ပြီးရင် ငါသူ့ကို ပြန်လွှတ်ပေးလိုက်မှာပါ… ကောင်းပြီ… ကဲ… ငါတို့ အထဲပြန်သွားပြီး လက်ထပ် တောင်းရမ်းဖို့ကိစ္စ ဆက်ဆွေးနွေးကြရအောင်"</p> <p>သူပြောနေစဉ်မှာပင် ဘုံနန်းစေတီက ရန်ချီထံ ဆင်းသက်လာခဲ့သည်။</p> <p>သို့သော် လုံးဝ ထင်မှတ်မထားသည့် အရာတစ်ခု ဖြစ်ပေါ်လာသည်။</p> <p>အစစ်အမှန် စွမ်းအင်၏ ရွှေရောင်စေတီအတွင်းမှ ရန်ချီ၏ အသံက ထွက်ပေါ်လာတော့သည်။</p> <p>"သေချာလား လုံရွှမ် … မင်းက ငါ့ကို သုံးရက်သုံးည ပိတ်လှောင်ထားနိုင်မယ်လို့ ထင်နေတာလား … မင်းက ငါ့ကို နောက်နေတာလား… ပျက်စီးသွားစမ်း"</p> <p>ခွမ်….</p> <p>နက်ရှိုင်းသည့် အဝါရောင် ဘုံနန်းစေတီ၏ မျက်နှာပြင်၌ အက်ကွဲရာများ ပေါ်လာကာ ရန်ချီက အတွင်းမှ ထွက်လာသည်။ သူ့ထံမှ စွမ်းအား အမြောက်အမြား တိုးမြှင့်လာကာ ဘယ်အရာကမှ သူ့ကို မဆန့်ကျင်နိုင်တော့ချေ။</p> <p>သူက ဘုံနန်းစေတီကို လုံးဝ ဖျက်ဆီးပစ်လိုက်သည်။</p> <p>ကမောက်ကမဖြစ်နေသည့် စွမ်းအင်များက လေဆင်နှာမောင်းတစ်ဖွယ် ပြင်းထန်လာကာ နေလကျောင်းတော်မှ အကာအကွယ်မဲ့နေသည့် ကျောင်းသားများကို ထိခိုက်သွားစေခဲ့ပြီး သူတို့ခန္ဓာကိုယ်မှ အရေခွံ ဆုတ်သလို နာကျင်စွာ ခံစားလိုက်ရသည်။</p> <p>သူတို့က စွမ်းအားကြီးမားသည့် လောကအုပ်ချုပ်သူများ ဖြစ်ကြသော်လည်း ရန်ချီနှင့် လုံရွမ်တို့အကြား တိုက်ပွဲက ကြောက်မက်ဖွယ်ကောင်းလွန်းနေခဲ့သည်။ ထို့ပြင် အားလုံး ပြီးဆုံးသွားပြီဟု ယူဆထားသည့်အချိန်မှ ကြီးမားသော ထိတ်လန့်ဖွယ် လှိုင်းလုံးကြီးက သူတို့၏ အစစ်အမှန် စွမ်းအင် အကာအကွယ်ကို လုံးဝ ဖျက်ဆီးလိုက်သည်။</p> <p>"ဘာ" ဒေါသတကြီး အော်သံက ထွက်ပေါ်လာတော့သည်။</p> <p>"မင်းက ငါ့ရဲ့ ဘုံနန်းစေတီကို ဖျက်ဆီးပစ်လိုက်တယ်"</p> <p>ထိုအချိန်၌ အဝါရောင် အရိပ်တစ်ခုက နန်းတော်ထဲမှ ထွက်လာခဲ့သည်။</p> <p>နောက်ဆုံးတော့ လုံရွမ်က လူလုံးပြလာခဲ့ပြီ။</p> <p>သူက လမင်းကဲ့သို့ အဝါရောင် ပိုးထည်ကို ဝတ်ဆင်ထားကာ ထိုဝတ်စုံပေါ်၌ နဂါးလက်သည်း ငါးခုပုံ ပန်းထိုးထားလေရာ သူ့ပုံစံက အင်ပါယာမင်းသားတစ်ပါးပုံ ပေါက်နေစေသည်။</p> <p>သူက ထူးခြားသော စွမ်းအားများ ပြည့်နှက်နေရုံမက ကောင်းကင်ဘုံမှ ဆင်းသက်လာသော ကြီးမြတ်သည့် အင်ပါယာတစ်ပါးနှင့် တူညီနေသည်။</p> <p>လုံရွမ်ကို လျစ်လျူရှုကာ ရန်စုစုက ရန်ချီကို သာယာကြည်နူးဖွယ် ကြည့်လိုက်ရင်း မေးလိုက်သည်။</p> <p>"ချီအာ… ဘယ်အချိန်တုန်းက မင်းဒီလောက် သန်မာလာခဲ့ရတာလဲ"</p> <p>လုံရွမ်က နေလကျောင်းတော်မှ အလွန် စွမ်းအားကြီးမားသည့် လူတစ်ယောက်ဖြစ်မှန်း သူမ သိထားသည်။ သူက လောကအုပ်ချုပ်သူ အဆင့်သုံး၌ရှိကာ သူ့ကြီးမြတ်သော အင်ပါယာ စွမ်းအင်ပညာရပ်နှင့်ဆိုပါက အဆင့်တူထဲမှ အခြားလောကအုပ်ချုပ်သူများကို အသာလေး သတ်ဖြတ်နိုင်ပေသည်။ ရန်ချီက နက်ရှိုင်းသော အဝါရောင်စေတီကို ပျောက်ကွယ်သွားအောင် ပြုလုပ်နိုင်ပုံအရ သူက လောကအုပ်ချုပ်သူ အဆင့်သုံးနှင့် တူညီနေကြောင်း ညွှန်ပြနေ၏။</p> <p>"ဘုရားသခင် … ချီအာက ဘယ်လို ကံကောင်းမှုမျိုး ကြုံခဲ့ရတာလဲ"</p> <p>ရန်ချီက ဆရာသခင် အဆင့်မှာကတည်းက လောကအုပ်ချုပ်သူများနှင့် ရင်ဆိုင်နိုင်ကြောင်း ရန်စုစု သတိထားမိခဲ့သည်။ သို့သော် ယခုအရာက အံ့ဩလွန်းတာထက် ပိုသွားခဲ့လေပြီ။ လောကအုပ်ချုပ်သူ အဆင့်တစ်နှင့် အဆင့်နှစ်တောင် ခြားနားချက်က အလွန်ကြီးမားလွန်းလေရာ တတိယအဆင့်ဆိုပါက ပိုတောင် ကွဲပြားပေလိမ့်မည်။</p> <p>"မဆိုးဘူး"</p> <p>လုံရွမ်က ရန်ချီကိုကြည့်ကာ ပြောလိုက်သည်။</p> <p>"တကယ်မဆိုးဘူး… ငါ့ရဲ့ ကြီးမြတ်သော အင်ပါယာ စွမ်းအင်ပညာရပ်ကို ဖျက်ဆီးနိုင်တဲ့ လောကအုပ်ချုပ်သူ ပထမအဆင့်နဲ့ တစ်ခါမှ မကြုံခဲ့ဖူးဘူး … ဒါပေမယ့် မင်းရဲ့ သရုပ်ပြပွဲကို ကြည့်ရတာ ငါငြီးငွေ့သွားပြီ … ငါက ငါ့ရဲ့ အစစ်အမှန် စွမ်းအင် ၃၀ ရာခိုင်နှုန်းလောက်ပဲ သုံးထားခဲ့တာ"</p> <p>"တကယ်လို့ မင်းသာ တစ်ရာအပြည့်သုံးရင် ကွဲပြားသွားမယ်လို့ မင်းထင်တယ်လား" ရန်ချီက အေးအေးဆေးဆေး ပြန်ပြောလိုက်သည်။</p> <p>"တကယ်လို့ မင်းလုပ်နိုင်တယ်ဆိုရင် ငါတို့ ဘာလို့ တကယ် မယှဉ်ပြိုင်ကြမှာလဲ"</p> <p>"ဘာမှ မြန်မြန် မလုပ်မိစေနဲ့ ချီအာ" ရန်စုစုက တားလိုက်သည်။</p> <p>"ငါတို့ ယှဉ်ပြိုင်နိုင်တယ်"</p> <p>လုံရွမ်က ပြောလိုက်ကာ သူ့မျက်နှာက သတ်ဖြတ်ချင်စိတ်ကြောင့် ပြောင်းလဲသွားတော့သည်။</p> <p>"ရလဒ်ကြောင့်တော့ နောင်တမရသွားနဲ့ပေါ့ကွာ… ဒါပေမယ့် ဒီနေ့ မဟုတ်ဘူး… ငါတို့ ကျောင်းတော် နှစ်ခုအကြား ပဋိပက္ခဖြစ်တဲ့ အချိန်ကျမှ ငါတို့ နောက်မဆုတ်ဘဲ တိုက်ကြတာပေါ့… အားလုံး စုလာခဲ့ကြ… သွားကြမယ်"</p> <p>ထို့နောက် သူက အင်္ကျီလက်ကို ခါလိုက်ကာ နေလကျောင်းတော်မှ အခြားကျောင်းသားများနှင့်အတူ ထွက်ခွာသွားခဲ့သည်။</p> <p>ရန်ချီနှင့် ရင်ဆိုင်ရာ၌ ရှုံးနိမ့်သွားကာ မျက်နှာတော်တော် ပျက်သွားခဲ့သဖြင့် သူ့မှာ ထွက်သွားဖို့ကလွဲပြီး အခြားရွေးချယ်စရာ မရှိခဲ့ချေ။ ထို့ပြင် အင်မော်တယ်ခြေနင်း ကျောင်းတော်အတွင်း ဖြစ်၍ သူက ရန်ချီကို တကယ် သတ်ဖြတ်ဖို့ နည်းလမ်း လုံးဝမရှိခဲ့ပေ။</p> <p>လုံရွမ်နှင့် အခြားကျောင်းသားတွေ ထွက်သွားမှ ရန်စုစုက သက်ပြင်းချလိုက်သည်။</p> <p>"ဘာတွေ ဖြစ်နေတာလဲ အန်တီလေးစုစု" ရန်ချီက မေးလိုက်သည်။</p> <p>သူမက ပခုံးတစ်ချက် တွန့်ပြလိုက်၏။</p> <p>"ငါအရင်တစ်ခါက အမဲလိုက်ရင်း လုံရွမ်နဲ့ တစ်ခါ တွေ့ခဲ့တယ်… ငါတို့ရဲ့ ပူးပေါင်းတပ်ဖွဲ့က အင်အားကောင်းခဲ့တာကြောင့် သူက ငါ့ကို မနှောင့်ယှက်ခဲ့ဘူး… မကြာသေးခင်ကပဲ သူက ငါနဲ့ လက်ထပ်ဖို့ ငါ့ဆရာဆီ မေးမြန်းခဲ့တယ်… ငါက တစ်ချိန်လုံး ကျင့်ကြံအားထုတ်နေတာကိုပဲ ကျေးဇူးတင်ရမယ် … အဲဒါကြောင့် သူနဲ့ တစ်ခါမှ မတွေ့ခဲ့ရဘူး… ဒါပေမယ့် သူက အခုတော့ ဒီနားမှာပဲ စောင့်နေခဲ့တယ်… မင်းက ကိုယ်ထင်ပြပြီး ငါ့ကို ပြဿနာများစွာက ကယ်ခဲ့တာကိုပဲ ကျေးဇူးတင်ရတော့မှာပေါ့"</p> <p>"နောက်တစ်ခါ ဒီလိုကောင်မျိုးတွေ့ရင် တစ်ခါတည်း ရှင်းပစ်မယ်" ရန်ချီက ကြိမ်းမောင်းလိုက်သည်။</p> <p>"ဒါနဲ့ အန်တီလေး… သူတော်စင် မိစ္ဆာပန်းချီကားနဲ့ ကိစ္စ ပြီးပြီလား… အခု လောကအုပ်ချုပ်သူ ဒုတိယအဆင့်ကို ရောက်သွားပြီလား"</p> <p>"ငါ သူတော်စင်နဲ့ မိစ္ဆာ ဉာဏ်အလင်းရပြီးတော့ ငါလုပ်နိုင်သွားပြီ… ငါအခု သုံးဆင့်မြောက်ရဲ့ အစွန်းအဖျားကိုတောင် ရောက်နေပြီ… တကယ်လို့ ငါသာ လောကအုပ်ချုပ်သူ အဆင့်သုံး ဖြစ်သွားရင် ကျောင်းတော်ရဲ့ စည်းမျဉ်းတွေအရ ငါ လက်ရင်းတပည့် ဖြစ်ပြီ… လုံရွမ်က လောကအုပ်ချုပ်သူ အဆင့်သုံးကို ရောက်နေတာကြောင့် သူက လက်ထပ်ထိမ်းမြားဖို့ လာနိုင်တာပဲ… ချီအာ… မင်းက ကြောက်စရာပဲ … ဘယ်လိုလုပ်ပြီး သူလို လူတစ်ယောက်ကို အနိုင်ယူနိုင်လောက်အောင် သန်မာနေရတာလဲ"</p> <p>"တကယ်လို့ ကျွန်တော်သာ အစွမ်းကုန်တိုက်ရင် လောကအုပ်ချုပ်သူ အဆင့်သုံးကို နိုင်နိုင်တယ်… ဒါပေမယ့် ဒါကို လျှို့ဝှက်ချက်အဖြစ် ထားထားပါ အန်တီလေးစုစု… ဒါသာ ပေါက်ကြားသွားရင် ကောင်းတာတွေ ဖြစ်မလာနိုင်ဘူး"</p> <p>"နောက်ဆုံး မင်းလုံလုံလောက်လောက် သန်မာလာရင် မင်းရဲ့ စွမ်းအင်ပညာရပ်ကို လူသိခံလို့ ရပြီ … အခုချိန်တော့ မင်းမှီခိုဖို့ ဆရာတစ်ယောက်တော့ လိုအပ်တယ်… အဲဒါဆို မင်းရဲ့နေရာက ပိုတည်ငြိမ်လာလိမ့်မယ်… ငါ့ဆရာက ပန်းပေါင်းစုံ မြင့်မြတ်သော သမီးတော်တစ်ယောက် ဖြစ်ပြီးတော့ ကျောင်းတော်မှာ မြင့်မြတ်တဲ့ အကြီးအကဲတစ်ယောက်ပဲ … သူမ ကျင့်ကြံအားထုတ်ရာကနေ ထွက်လာဖို့ နီးနေပါပြီ… သူမ ပြီးသွားတာနဲ့ မင်းကို ပါရမီရှိတဲ့ ဆရာတချို့နဲ့ မိတ်ဆက်ပေးဖို့ ကူညီတောင်းပေးမယ်… မင်းရဲ့ အံ့ဖွယ် စွမ်းအင်ပညာရပ်နဲ့ ကျင့်ကြံမှု အခြေခံနဲ့ဆိုရင် ငါထင်တာတော့ အကြီးအကဲ တော်တော်များများ မင်းကို တပည့်အဖြစ် လက်ခံချင်ကြမှာပဲ"</p> <p>"အိုး"</p> <p>စိတ်သဘောထား ဆန်းကြယ်တဲ့ စွမ်းအားကြီးမားတဲ့ ကျွမ်းကျင်သူတစ်ယောက်ကို ဆရာအဖြစ် ရထားရင် အနာဂတ်မှာ ကျိန်းသေ ကောင်းမွန်လာပေလိမ့်မည်။</p> <p>ထို့နောက် ရန်စုစုက သူ့ကို ပန်းများစွာနန်းတော်သို့ ခေါ်သွားခဲ့သည်။ ထိုနေရာက သူမ တစ်ယောက်တည်းသာ နေထိုင်သည်။ ထိုတောင်တစ်ခုလုံး သူမနှင့် အမျိုးမျိုးသော မိစ္ဆာသားရဲများကလွဲ၍ အခြားသူ မရှိချေ။</p> <p>ပန်းပေါင်းစုံ မြင့်မြတ်သောသမီးတော်က ချေမှုန်းရေးတပ်သား သူ့ညီအစ်ကိုများနှင့် အဆင့်အတန်း တူညီသည်။ လွန်ခဲ့သည့် နှစ်များစွာက သူ့အန်တီလေးစုစုကို တစ်စုံတစ်ယောက် ခေါ်ယူသွားသဖြင့် ဒေါသထွက်ခဲ့သည်။ နောက်ပိုင်း သူ့ဒေါသမီးငြိမ်းလာမှ ထိုပုဂ္ဂိုလ်က ဘယ်လိုလူစားမျိုး ဖြစ်မလဲဟု သူသိချင်ခဲ့သည်။</p> <p>သူမက တိတ်ဆိတ်မှုကို တန်ဖိုးထားကာ သူမ၏ အချိန်တော်တော်များကို ဤတောင်တန်းမှာသာ အထီးကျန်စွာ ကုန်ဆုံးခဲ့သည်။</p> <p>အကယ်၍ သူမသာ တရားကျင့်ကြံမနေပါက လုံရွမ်ရီနှင့် အခြားကျောင်းသားတွေကို သူမ ကိုယ်တိုင် မောင်းထုတ်ပါလိမ့်မည်။</p> <p>လုံရွမ်ရီ လျင်လျင်မြန်မြန် ထွက်ပြေးသွားရသည့် အကြောင်းရင်းက သူမ ထွက်ပေါ်လာမှာကို ကြောက်ရွံ့သောကြောင့်ပင် ဖြစ်ပေသည်။</p> <p> </p> <p> </p> <p style="text-align: center;">End</p> <p style="text-align: center;">***</p>


Save