Book List

<h2 style="text-align: center;">အခန်း ၄၁၈</h2> <h2 style="text-align: center;">*</h2> <p> </p> <p> </p> <p>"ဝမ်ရွှီ... ဒီမှာ ဘာတွေဖြစ်နေတာလဲ"</p> <p>ရှီယု၏ မျက်နှာအမူအရာမှာ အလွန်ပင် တင်းမာခက်ထန်နေသည်။ သူသည် နှစ်ပေါင်းများစွာအတွင်း သူ၏ ထူးချွန်လှသော တပည့်ဖြစ်သူအပေါ် အမြဲတမ်း ဂုဏ်ယူဝင့်ကြွနေခဲ့သူ ဖြစ်သည်။ ယခင်က ရှာဝမ်ရွှီကို ဤကဲ့သို့ ပြင်းထန်သော လေသံမျိုးဖြင့် တစ်ကြိမ်တစ်ခါမျှ မေးမြန်းခဲ့ဖူးခြင်း မရှိပေ။</p> <p>ရှာဝမ်ရွှီသည် သူ့ဆရာ၏ ဒေါသအပေါ် အထူးတလည် အံ့သြခြင်းမရှိပေ။ ယနေ့နံနက်စောစောတွင် ထျန်းချွဲကျီပျောက်ဆုံးသွားမှုနှင့် သိုင်းသူတော်စင်ပြိုင်ပွဲ ရုတ်တရက် ရပ်တန့်သွားမှုတို့ကို ကြားသိရချိန်တွင် သူကိုယ်တိုင်လည်း အတန်ငယ် အံ့အားသင့်ခဲ့ရသည်။</p> <p>ယန်ပါးဟို၏ ခန္ဓာကိုယ်အတွင်း ထူးဆန်းသော အဆိပ်ရှိနေသည်ကို သူ ကြိုတင်သိရှိထားသော်လည်း ဟောက်ချင်းဘက်မှ ဤကဲ့သို့ ဆုတ်ခွာသွားလိမ့်မည်ဟု သူ မခန့်မှန်းနိုင်ခဲ့ပေ။ အကြောင်းမှာ ယန်ပါးဟိုသည် သေသည်အထိ နောက်မဆုတ်တမ်း ရင်ဆိုင်တတ်သူအဖြစ် ကျော်ကြားလှပြီး ထျန်းချွဲကျီကို မယှဉ်နိုင်မှန်း သိလျက်နှင့်ပင် မည်သည့်အခါမျှ လက်လျှော့မည့်သူ မဟုတ်သောကြောင့်ပင်။</p> <p>တင်းလွန်းလျှင် ပြတ်တတ်သည်ဆိုစကားအတိုင်း ယန်ပါးဟိုအတွက် ဤသွေးစွန်းသော ဘေးဒုက္ခသည် အကြီးမားဆုံး အဟန့်အတားတစ်ခု ဖြစ်ခဲ့သည်။ ရှာဝမ်ရွှီသည် ထျန်းချွဲကျီအတွက်လည်း နိမိတ်ဖတ်ခဲ့ဖူးသည်။ ထိုစဉ်က ပေါ်ထွက်လာသော နိမိတ်မှာ ပဟေဠိနိမိတ်</p> <p>ဖြစ်ပြီး သေဆုံးခြင်းလည်း မဟုတ် မသေတာလည်း မဟုတ်သည့်် အခြေအနေမျိုး ဖြစ်သည်။</p> <p>ယွင်ရှန်းအနေဖြင့် ထိုင်ကြည့်နေမည်မဟုတ်ကြောင်း ရှာဝမ်ရွှီ ခန့်မှန်းထားသော်လည်း ထျန်းချွဲကျီ ပျောက်ဆုံးသွားမှုသည် သူမနှင့် ပတ်သက်နေသည်ဟု ဆိုခြင်းမှာ သူမကို အမွမ်းတင်လွန်းရာ ရောက်နေပေလိမ့်မည်။ သူမသည် မည်သို့ပင်ဖြစ်စေ မှော်ဆရာအဆင့်မျှသာ ရှိသေးသဖြင့် ထျန်းချွဲကျီကဲ့သို့သော ပညာရှင်ကြီးတစ်ဦး၏ ရှေ့မှောက်တွင် ပုရွက်ဆိတ်ကလေးတစ်ကောင်ကဲ့သို့ အားနည်းလွန်းလှသည်။</p> <p>"ဆရာ... တပည့်လည်း ဘာတွေဖြစ်ပျက်ခဲ့တယ်ဆိုတာကို မသိပါဘူး"</p> <p>ရှာဝမ်ရွှီက ပုံမှန်အတိုင်းပင် ပြန်လည်ဖြေကြားလိုက်သည်။ သူသည် ယွင်ရှန်းကို သတိပေးရုံသာ ပြုလုပ်ခဲ့ပြီး ဤသွေးစွန်းသော ဘေးဒုက္ခကို မည်သို့ရှောင်ရှားရမည်ဆိုသည်ကိုမူ ပြောပြခဲ့ခြင်း မရှိပေ။</p> <p>အကယ်၍ အမှန်တကယ်သာ ပြောင်းလဲသွားခဲ့လျှင် ယန်ပါးဟိုသည် ယခုတစ်ကြိမ်တွင် သေဆုံးရန် ကံမပါသေးဘဲ ဆက်လက်ရှင်သန်ရန် အခွင့်အရေးရှိနေသေးသည်ဟုသာ ဆိုရပေလိမ့်မည်။ ရှာဝမ်ရွှီထံတွင် ထူးခြားသော အမူအရာ တစ်စုံတစ်ရာ မတွေ့ရှိရသဖြင့် ရှီယု၏ ဒေါသမှာ အတန်ငယ် ပြေလျော့သွားတော့သည်။ အနည်းဆုံးတော့ ဤဖြစ်ရပ်တွင် ရှာဝမ်ရွှီ ပါဝင်ပတ်သက်ခြင်း မရှိကြောင်း သူ သိရှိသွားရသည်။</p> <p>ဆရာကြီးဝမ်ထံမှ ပေးပို့သောစာတွင် ယန်မိသားစုမှ အမျိုးသမီးငယ်၏ ဆေးခန်း၌ ရှာဝမ်ရွှီကို ရုပ်ဖျက်လျက် ဆုံတွေ့ခဲ့ကြောင်း အပိုဆောင်း ဖော်ပြထားသည်။</p> <p>ရှီယုသည် တစ်ခဏမျှ တွေးတောမိသော်လည်း မဖြစ်နိုင်ပေ။ ရှာဝမ်ရွှီကို သူကိုယ်တိုင် ငယ်</p> <p>စဉ်ကတည်းက ပြုစုပျိုးထောင်ခဲ့ခြင်းပင်။ ဤကလေးသည် အစဉ်အမြဲ အေးစက်တည်ငြိမ်ပြီး လောကီရေးရာများကို စိတ်ဝင်စားသူမဟုတ်ပေ။ ယန်မိသားစုမှ မိန်းကလေးတစ်ဦးက သူ့အား သဋ၏ သက်တမ်းကို အလောင်းအစားပြုကာ ကံကြမ္မာလျှို့ဝှက်ချက်ကို ထုတ်ဖော်ပြောကြားသည့် ရူးသွပ်သော ဆုံးဖြတ်ချက်မျိုး ချမှတ်မိအောင် ဆွဲဆောင်နိုင်မည် မဟုတ်ပေ။</p> <p>ရှီယုသည် စိတ်အေးသွားဟန်ဖြင့် သက်ပြင်းတစ်ချက် ချလိုက်သည်။</p> <p>"ထျန်းချွဲကျီရဲ့ သဲလွန်စကို အနီးကပ် စောင့်ကြည့်ပါ။ ဟောက်ချင်းက တူကူးရှိုရဲ့ လှုပ်ရှားမှုတွေကိုလည်း သတိထားပါ။ အဲဒီလူက စိတ်ရင်းကောင်းသူ မဟုတ်ဘူး။ အခုလို ကျိုးပြည်ထောင်စုမှာ သိုင်းသူတော်စင်တစ်ယောက်ကို မတရား ဆုံးရှုံးလိုက်ရတာကြောင့် သူက မကျေမနပ်နဲ့ လက်တုံ့ပြန်ဖို့ ကြိုးစားလာမှာပဲ။ ဒီကိစ္စ ငြိမ်သက်သွားတာနဲ့ မင်း မှော်ဘုရားကျောင်းကို ပြန်လာရမယ်"</p> <p>"တပည့် နာခံပါ့မယ်"</p> <p>ထိုသို့ ပြောကြားပြီးနောက် မှော်အစီအရင်အတွင်းရှိ မှော်စွမ်းအင်များမှာ ပျောက်ကွယ်သွားပြီး ရှီယု၏ အသံနှင့် ပုံရိပ်မှာလည်း ပျောက်ကွယ်သွားတော့သည်။</p> <p>ရှာဝမ်ရွှီမှာ အတွေးနက်နေမိသည်။</p> <p>ရုတ်တရက်ဆိုသလို ယွီမိုသည် အလောတကြီး ပြေးဝင်လာပြီး "ဂိုဏ်းတူညီလေး... အကြီးအကျယ် ဒုက္ခရောက်နေပြီ" ဟု အော်ဟစ်လိုက်သည်။</p> <p>"ဘာတွေ ဒီလောက်တောင် ထိတ်လန့်နေရတာလဲ"</p> <p>ယွီမို၏ ပျာယာခတ်နေသော အမူအရာကို မြင်လိုက်ရသောအခါ ရှာဝမ်ရွှီမှာလည်း အံ့အားသင့်သွားရသည်။</p> <p>ယွီမိုသည် ယွီကျီကဲ့သို့ မဟုတ်ပေ။ သူသည် စကားနည်းသူဖြစ်ပြီး ဤမျှအထိ တုန်လှုပ်ချောက်ချားနေသည်ဆိုပါက အလွန်ကြီးမားသော ဖြစ်ရပ်တစ်ခု ဖြစ်ပွါးခဲ့ခြင်းပင်။</p> <p>"စစ်သူကြီးယန် ပြင်းပြင်းထန်ထန် ဒဏ်ရာရသွားပြီ... သူ့အသက်က စိုးရိမ်ရတဲ့ အခြေအနေမှာ ရှိနေတယ်"</p> <p>အလားတူ သတင်းစကားမှာပင် ဝူရွှမ်ဝူကျိခန်းမဆောင်သို့လည်း ရောက်ရှိသွားတော့သည်။</p> <p>ခွမ်း….</p> <p>ယွင်ရှန်း၏ လက်ထဲမှ အရိုးကြွေဆေးပုလင်းကလေးမှာ ကြမ်းပြင်ပေါ်သို့ ကျသွားပြီး အစိတ်စိတ်အမြွှာမြွှာ ကွဲအက်သွားတော့သည်။ စစ်သူကြီးယန်ပါးဟိုသည် ဒဏ်ရာပြင်းထန်စွာ ရရှိထားပြီး သွေးထွက်လွန်နေသည်ဟူသော သတင်းက သူမ၏ ရင်ဘတ်ကို အားပြင်းသော တူဖြင့် ထုရိုက်လိုက်သကဲ့သို့ ခံစားလိုက်ရသည်။</p> <p>"ဒါ ဘယ်လိုဖြစ်ရတာလဲ ထျန်းချွဲကျီက... ပျောက်ဆုံးသွားပြီ မဟုတ်ဘူးလား"</p> <p>သွေးသည် ရေထက် နောက်သည်ဟု ဆိုရိုးရှိသည့်အတိုင်း ယန်ပါးဟိုအပေါ် မည်မျှပင် အငြိုးအတေး ရှိနေပါစေ သူမသည် ယန်မိသားစု၏ သွေးသားတစ်ဦးဖြစ်ကြောင်း ငြင်းပယ်၍ မရပေ။</p> <p>"ဒီနေ့မှာ ဟောက်ချင်းမင်းသားက ထျန်းချွဲကျီ ပျောက်ဆုံးသွားတဲ့အတွက် ဟောက်ချင်းကိုယ်စား တောင်းပန်ဖို့ နန်းတော်ထဲကို ရောက်လာခဲ့တယ်။ ဧကရာဇ်မင်းမြတ်ကလည်း စစ်သူကြီးယန်ကို နန်းတော်ထဲ ဖိတ်ကြားခဲ့တာပေါ့။ ဒါပေမဲ့ နန်းတော်တွင်း တည်ခင်းတဲ့ ပွဲတော်အတွင်းမှာ ဟောက်ချင်းရဲ့ အမှောင်အိမ်ရှေ့မင်းသား တူကူးရှို့က စစ်သူကြီးယန်ကို စိန်ခေါ်ခဲ့တယ်။ စစ်သူကြီးက ပြိုင်ဘက်ကို လျှော့တွက်မိပြီး..."</p> <p>သတင်းရရချင်းတွင် ဦးလေးယန်က ယွင်ရှန်းထံသို့ အပြေးအလွှား လာရောက်အကြောင်းကြားခြင်းပင်။</p> <p>ယန်ပါးဟို၏ ခန္ဓာကိုယ်အတွင်း၌ မိစ္ဆာသားရဲ ရေမြွာရည်အဆိပ် ရှိနေဆဲပင်။ ဒဏ်ရာရရှိသည်နှင့် တပြိုင်နက် ဒဏ်ရာရှိရာနေရာမှ သွေးများက ပြောင်းပြန်စီးဆင်းပြီး သွေးတိတ်ရန် မဖြစ်နိုင်လောက်အောင် ဖြစ်သွားတတ်သည်။ ယန်ပါးဟိုနှင့် ကျိုးဧကရာဇ်တို့ နှစ်ဦးစလုံးက တူကူးရှို့သည် အသက် ၂၀ ပင် မပြည့်သေးသော လူငယ်တစ်ဦးဖြစ်သဖြင့် မည်မျှပင် အစွမ်းထက်စေကာမူ ယန်ပါးဟိုကို ဒဏ်ရာရအောင် ပြုလုပ်နိုင်လိမ့်မည်မဟုတ်ဘူးဟု ထင်မှတ်ထားခဲ့ကြသည်။</p> <p>သို့သော် တိုက်ပွဲ၏ ရလဒ်က လူတိုင်းကို အံ့အားသင့်သွားစေခဲ့သည်။ ဦးလေးယန်၏ ရှင်းပြချက်ကို နားထောင်ပြီးနောက် ယွင်ရှန်းသည် နောက်ထပ် စဉ်းစားနေရန် အချိန်မရှိတော့ပေ။ သူမသည် ဆေးသေတ္တာကို အမြန်ထုပ်ပိုးကာ အဘိုးဖြစ်သူ ဒဏ်ရာရရှိနေသည့် နန်းတော်တွင်းသို့ အပြေးအလွှား သွားရောက်ခဲ့သည်။</p> <p>နန်းတော်တံခါးဝသို့ ရောက်ရှိချိန်တွင် စိုးရိမ်ပူပန်နေသော ယွင်ရှန်းနှင့် ဦးလေးယန်တို့ကို နန်းတော်အစောင့်များက တားဆီးလိုက်ကြသည်။</p> <p>"နန်းတော်ဆိုတာ တားမြစ်နယ်မြေပဲ။ ခွင့်ပြုချက်မရှိဘဲ ဘယ်သူမှ ဝင်ခွင့်မရှိဘူး"</p> <p>အစောင့်နှစ်ဦးမှာ ယန်အိမ်တော်မှ လူများကို ဂရုမစိုက်ဘဲ နန်းတွင်းဝင်ခွင့် လက်မှတ်မပါသဖြင့် ဝင်ခွင့်မပြုပေ။</p> <p>"ညီအစ်ကိုတို့... ကျွန်တော်တို့က ယန်အိမ်တော်ကပါ။ စစ်သူကြီးယန်က ဒဏ်ရာပြင်းထန်နေလို့ ဒီအမျိုးသမီးငယ်က ဆရာဝန်မို့ ပေးဝင်ပါဗျာ"</p> <p>ဦးလေးယန်မှာ ငွေစအချို့ကို ထုတ်ပေးကာ အသနားခံသော်လည်း အစောင့်များမှာ လုံးဝ လက်မခံကြပေ။</p> <p>"စစ်သူကြီးယန်ကို ဆေးဧကရာဇ်ခန်းမက ဆရာကြီးဝမ်ကိုယ်တိုင် ကုသပေးနေပြီ။ သာမန်လူတွေ ဝင်စရာမလိုဘူး"</p> <p>အစောင့်များက ခပ်ပြတ်ပြတ်ပင် ငြင်းဆိုလိုက် ကြသည်။</p> <p>နှစ်ပေါင်းများစွာ ဆေးဧကရာဇ်ခန်းမမှ အပြင်မထွက်ခဲ့သော ဆရာကြီးဝမ်ပင် ရောက်ရှိနေပြီဆိုပါက ယန်ပါးဟို၏ အခြေအနေမှာ အလွန်ပင် စိုးရိမ်ရသည့် အနေအထားတွင် ရှိနေကြောင်း ယွင်ရှန်း ရိပ်မိလိုက်တော့သည်။</p> <p>"သူတို့ကို အထဲပေးဝင်လိုက်ပါ။ ဒီအမျိုးသမီးက စစ်သူကြီးယန်ရဲ့ မြေးမလေးပဲ"</p> <p>နန်းတော်ထဲမှ ထွက်လာသော ယီပိုင်မင်း၏ အမိန့်သံကြောင့် အစောင့်များမှာ ဖယ်ပေးလိုက်ကြရသည်။ ယီပိုင်မင်းသည် ယွင်ရှန်းကို တစ်ချက်ကြည့်လိုက်ရာ သူ၏ မျက်ဝန်းများထဲတွင် အပြစ်မကင်းသကဲ့သို့ ခံစားချက်အရိပ်အယောင်အချို့ ဖြတ်ပြေးသွားသည်။ သူသည် ယနေ့နန်းတွင်း တည်ခင်းဧည့်ခံပွဲတွင် ရှိနေခဲ့ပြီး ယန်ပါးဟိုဒဏ်ရာရသွားပုံ အစအဆုံးကို ကိုယ်တိုင်မြင်တွေ့ခဲ့ရသော်လည်း တားဆီးရန် အခွင့်မသာခဲ့ပေ။</p> <p>နန်းတွင်းစင်္ကြံလမ်းတစ်လျှောက် အပြေးအလွှား သွားနေစဉ် ယွင်ရှန်းက "တကယ်တော့ ဘာတွေဖြစ်ခဲ့တာလဲ တူကူးရှို့က ဘယ်လိုလုပ်ပြီး ဒီလောက်အထိ အစွမ်းထက်နေရတာလဲ" ဟု မေးမြန်းလိုက်သည်။</p> <p>ယွင်ရှန်းသည် တူကူးရှို့၏ အစွမ်းကို ယခင်က မြင်တွေ့ဖူးသည်။ သူ၏ အဆင့်မှာ ပုကျိုရှောင်</p> <p>နှင့် အလားတူနိုင်သော်လည်း သူမ၏ ဦးလေးဖြစ်သူ ယန်ချန်းလန်ကိုပင် မီရန် ခဲယဉ်းလှသည်။ ယန်ပါးဟိုနှင့်ဆိုလျှင်မူ ပြောနေရန်ပင် မလိုပေ။ ယန်ပါးဟိုမှာ အဆိပ်ကြောင့် သတိထားနေရသည်ဆိုဦးတော့ တူကူးရှို့ကဲ့သို့သော လူငယ်တစ်ဦးက သူ့ကို ဒဏ်ရာရအောင် ပြုလုပ်နိုင်ရန်မှာ မဖြစ်နိုင်သလောက်ပင်။</p> <p>"အထဲရောက်ရင် မင်း နားလည်သွားမှာပါ"</p> <p>ယီပိုင်မင်းက မျက်မှောင်ကြုတ်လျက် ပြောလိုက်သည်။ ဟောက်ချင်းအမှောင်အိမ်ရှေ့မင်းသား၏ အစွမ်းမှာ မမျှော်လင့်ဘဲ...</p> <p>ယွင်ရှန်းသည် နန်းဆောင်အတွင်းသို့ အမြန်ဝင်ရောက်ခဲ့သည်။ နန်းဆောင်အပြင်ဘက်တွင် လူအများအပြား ရှိနေကြပြီး သူတို့အနက် ဦးလေးဖြစ်သူ ယန်ချန်းလန်ကိုလည်း တွေ့ရသည်။ အပြင်ဘက်အစွန်တွင် တူကူးရှို့၊ ရွှမ်ဝူကျိနှင့် အခြားသူများ ရှိနေကြပြီး အလယ်တွင်မူ ကျိုးဧကရာဇ်၊ မိဖုရားကြီးချီ၊ အိမ်ရှေ့မင်းသားနှင့် ချန်လျန်လျန်တို့ ရှိနေကြသည်။</p> <p>အတွင်းဘက်ဆုံးရှိ ကုတင်ဘေးတွင်မူ ဆေးဧကရာဇ်ခန်းမမှ လူများက ဝိုင်းရံထားကြသည်။ ယွင်ရှန်းကို မြင်လိုက်ရချိန်တွင် တူကူးရှို့၏ မျက်ဝန်းများမှာ အရောင်တောက်သွားပြီး အောင်နိုင်သူတစ်ဦးကဲ့သို့ လှောင်ပြောင်သော အပြုံးတစ်ခု ပေါ်လာသည်။ သူသည် ယွင်ရှန်းကို သားကောင်တစ်ကောင်ကို မြင်လိုက်ရသည့်အလား စူးစိုက်ကြည့်နေခဲ့သည်။</p> <p>သူမ ဒေါသထွက်နေချိန်တွင် ယခင်ကထက် ပိုမိုတောက်ပနေသည်ကို သူ သတိထားမိလိုက်သည်။ ပုံမှန်အားဖြင့် သူမသည် အရုဏ်ဦးမှ နှင်းပန်းလေးတစ်ပွင့်နှင့် တူသော်လည်း ယခုအခါတွင်မူ ဆူးများပါသော နှင်းဆီတစ်ပွင့်ကဲ့သို့ ထူးခြားသော အလှတရားမျိုး ရှိနေသည်။ တူကူးရှို့၏ အကြည့်များမှာ အလွန်ပင် ရိုင်းစိုင်းလှသဖြင့် ယွင်ရှန်းသည် သူ့ကို မြင်လိုက်ရသည်မှာ ယင်ကောင်တစ်ကောင် မျိုချလိုက်ရသကဲ့သို့ ရွံရှာဖွယ်ကောင်းလှသည်။</p> <p>တူကူးရှို့ ဝတ်ဆင်ထားသော ဝတ်ရုံ၏ ညာဘက်လက်မောင်းပေါ်တွင် လတ်လတ်ဆတ်ဆတ် သွေးစွန်းနေသည်ကိုလည်း သူမ တွေ့ရှိလိုက်ရသည်။ မည်သူမျှ ပြောပြရန် မလိုဘဲ ထိုသွေးများမှာ ယန်ပါးဟို၏ သွေးများဖြစ်ကြောင်း သူမ သိလိုက်သည်။</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save