Book List

<h2 style="text-align: center;">အပိုင်း(၅၀၆)</h2> <h2 style="text-align: center;">အရာအားလုံးကို သိမြင်ခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p>လော်ယွမ်က တောင်တန်းကြီးပမာ ဧရာမရုပ်အလောင်းကြီးကို လှည့်ကြည့်လိုက်ပြီးနောက် လေဟာနယ်ကွေးညွတ်ပျံသန်းခြင်းစနစ်ကို ဖွင့်ကာ အဝေးသို့ ပျံသန်းသွားလေ၏။</p> <p>ထိုရုပ်အလောင်းကြီးကို စွန့်ပစ်ခဲ့ခြင်းတော့ မဟုတ်ပေ။ လော်ယွမ်က ဤမျှတန်ဖိုးရှိသော အရာကို အလဟဿ အဖြစ်မခံနိုင်ချေ။</p> <p>အာကာသသားရဲကြီး၏ တန်ဖိုးမှာ စွမ်းအင်ဗဟိုချက်တစ်ခုတည်းတွင်သာ ရှိနေသည် မဟုတ်ပေ။</p> <p>၎င်း၏ ရုပ်အလောင်းမှာလည်း လူသားများအတွက် စွမ်းအင်ဗဟိုချက်ထက် မလျော့သော အရေးပါမှုရှိသည်။</p> <p>တန်ဖိုးအားဖြင့် နှိုင်းယှဉ်ရလျှင် ဤရုပ်အလောင်းက ယခင်အကောင်ထက်ပင် ပို၍သာလွန်နေသေး၏။</p> <p>၎င်း၏ လေဟာနယ်စွမ်းရည်ပဲဖြစ်ဖြစ်၊ စောစောက ပေါက်ကွဲထွက်လာသည့် အလွန်သေးငယ်သော ဂမ္မာရောင်ခြည်တန်းပဲဖြစ်ဖြစ် လူသားများအတွက် အလွန်ကြီးမားသော အဓိပ္ပာယ်ရှိလှသည်။</p> <p>ပထမအချက်မှာ ပြောနေစရာပင် မလိုတော့ပေ။ ဗိုရှင်းဂြိုဟ်သားများ၏ နည်းပညာပင်လျှင် လေဟာနယ်နှင့်ပတ်သက်၍ နားလည်နိုင်စွမ်း အကန့်အသတ် ရှိနေသေးသည်။</p> <p>ဒုတိယအချက်မှာ လူသားများသာ ၎င်းကို ဖော်ထုတ်နိုင်ခဲ့ပါက လူသားမျိုးနွယ်တွင် စူပါလက်နက်တစ်ခု ပိုင်ဆိုင်လာမည်ဟု အဓိပ္ပာယ်ရပေသည်။</p> <p>တကယ်တမ်းတွင် အာကာသသားရဲကြီး၏ ဂမ္မာရောင်ခြည်တန်း ပေါက်ကွဲမှု၌ ပါဝင်သော စုစုပေါင်းစွမ်းအင်မှာ မကြီးမားလှချေ။</p> <p>အနည်းဆုံးတော့ ယာဉ်ပျံ၏ စွမ်းအင်သိုလှောင်မှုဖြင့်ပင် လုံလောက်စွာ ထောက်ပံ့ပေးနိုင်စွမ်း ရှိသည်။ သို့သော် ၎င်း၏ ဖျက်ဆီးနိုင်စွမ်းကမူ ယာဉ်ပျံပေါ်ရှိ လက်နက်အားလုံးထက် သာလွန်နေခဲ့သည်။</p> <p>အကြောင်းရင်းမှာ ထိုခဏအတွင်း ထွက်ပေါ်လာသော စွမ်းအင်က အလွန်အမင်း ပြင်းထန်လွန်းသောကြောင့် ဖြစ်သည်။</p> <p>နာနိုစက္ကန့် ဆယ့်ငါးစက္ကန့်မျှသာ ကြာမြင့်သည့် အချိန်တိုလေးအတွင်း၌ပင် ဂမ္မာရောင်ခြည်တန်း ပေါက်ကွဲမှုနှင့် ရင်ပေါင်တန်းနိုင်လောက်သည့် စွမ်းအင်ပြင်းအားကို ထုတ်လွှတ်ပေးနိုင်ခဲ့သည်။</p> <p>ဤသည်မှာ အမှန်တကယ်ပင် ယုံကြည်နိုင်စရာ မရှိလောက်အောင် အံ့မခန်းဖြစ်လှသည်။</p> <p>ထို့ပြင် ဤသည်မှာ အရပ်လေးမျက်နှာသို့ ပြန့်ကျဲပေါက်ကွဲသွားသည့် ရလဒ်သာ ဖြစ်သေးသည်။ အကယ်၍သာ တစ်နေရာတည်းသို့ စုစည်းပစ်ခတ်နိုင်မည်ဆိုပါက စွမ်းအားမှာ အဆပေါင်း ထောင်သောင်းချီ၍ တိုးလာမည်မှာ အသေအချာပင်။</p> <p>ဤသို့သော သားရဲကြီး၏ ရုပ်အလောင်းကို လော်ယွမ်က အလွယ်တကူ လက်လွှတ်ခံမည် မဟုတ်ပေ။</p> <p>ယခုအချိန်တွင် သူက တစ်ယောက်တည်း ဖြစ်နေသောကြောင့် အစွမ်းကုန် ကြိုးစားလျှင်တောင် အရေပြား အနည်းငယ်ကိုသာ လှီးဖြတ်နိုင်မည် ဖြစ်ပြီး ဘာမှထူးခြားလာမည် မဟုတ်ချေ။</p> <p>ထို့ပြင် ရုပ်အလောင်းကြီးမှာ အာကာသထဲတွင် မျောပါနေပြီး နေ၏ဆွဲငင်အားကြောင့် တဖြည်းဖြည်း လှည့်ပတ်နေကာ ၎င်း၏ လှုပ်ရှားမှုလမ်းကြောင်းကိုလည်း ခြေရာခံနိုင်သည်။</p> <p>ထို့ကြောင့် ဘယ်ကိုမှ ထွက်ပြေးသွားမည် မဟုတ်ပေ။</p> <p>အချိန်အတိုင်းအတာတစ်ခု ကြာပြီးနောက် ယာဉ်ပျံက နောက်တစ်ကြိမ် စမ်းသပ်ပျံသန်းရာတွင် ဤနေရာသို့ ရောက်လာသည့်အခါမှ ထိုသားရဲကြီး၏ ရုပ်အလောင်းကို သိမ်းယူနိုင်မည် ဖြစ်သည်။</p> <p>သူက လမ်းတစ်လျှောက် အရှိန်အပြည့်ဖြင့် ပျံသန်းလာရာ အမြန်နှုန်းမှာ တဖြည်းဖြည်း ပို၍မြန်ဆန်လာသည်။</p> <p>တစ်နာရီခွဲခန့် အကြာတွင် သူက ယာဉ်ပျံအနီးသို့ ရောက်ရှိလာခဲ့သည်။ အချက်ပြသင်္ကေတ မပို့ရသေးမီမှာပင် ယာဉ်ပျံ၏ အပေါ်ဘက် တံခါးပေါက်က အလိုအလျောက် ပွင့်လာခဲ့သည်။</p> <p>"ယာဉ်မှုး ပြန်လည်ရောက်ရှိလာတာကို ကြိုဆိုပါတယ်" ဉာဏ်ရည်တုစနစ်၏ အသံက အပေါ်ထပ်အခန်းထဲတွင် ပဲ့တင်ထပ်သွားသည်။</p> <p>ဥက္ကာခဲ အစအနလေးများ ကပ်လာသည်ကိုပင် ယာဉ်ပျံ၏ စောင့်ကြည့်ရေးစနစ်က မသိဘဲ မနေနိုင်ရာ သူ့လောက် ကြီးမားသော အရာဝတ္ထုတစ်ခုအတွက်မူ ပြောနေစရာပင် မလိုတော့ချေ။</p> <p>လော်ယွမ်ကလည်း သိပ်ဂရုမစိုက်ပေ။ ဤဗိုရှင်းဂြိုဟ်သားတို့၏ ဉာဏ်ရည်တုစနစ်က အမြဲတမ်း စွမ်းဆောင်ရည်ကောင်းမွန်ပြီး သစ္စာဖောက်မည့် အရိပ်အယောင် အနည်းငယ်မျှပင် မပြခဲ့ဖူးချေ။</p> <p>သို့မဟုတ် သစ္စာဖောက်ချင်လျှင်တောင် စွမ်းရည်မရှိခြင်းလည်း ဖြစ်နိုင်သည်။</p> <p>ဗိုရှင်းဂြိုဟ်သားများက ဒီဇိုင်းဆွဲကတည်းက ၎င်းကို ကန့်သတ်ချက်ပေါင်းများစွာ ထည့်သွင်းထားခဲ့သည်။ ပရိုဂရမ်အောက်ခြေတွင် ထည့်သွင်းထားသော မရေမတွက်နိုင်သည့် စည်းမျဉ်းစည်းကမ်းများကြောင့် ဉာဏ်ရည် နိုးကြားလာလျှင်တောင် လွတ်လပ်စွာ လုပ်ပိုင်ခွင့် သိပ်မရှိဘဲ ပရိုဂရမ်က ချမှတ်ထားသည့် ကန့်သတ်ချက်များကို ဖောက်ထွက်နိုင်စွမ်း မရှိပေ။</p> <p>သို့သော် ထိုသို့ဖြစ်နေလျှင်တောင် ဤဉာဏ်ရည်တုစနစ် ရှိနေခြင်းက ဖုံးကွယ်နေသော အန္တရာယ်တစ်ခုတော့ ဖြစ်နေဆဲပင်။</p> <p>၎င်းက သစ္စာဖောက်မည်ကို စိုးရိမ်နေခြင်းတော့ မဟုတ်ပေ။ အတိအကျပြောရလျှင် ၎င်း သစ္စာမဖောက်နိုင်ခြင်းကြောင့်ပင် ဗိုရှင်းဂြိုဟ်သားများက ၎င်းအပေါ် ထိန်းချုပ်နိုင်စွမ်း ရှိနေသေးခြင်း ဖြစ်သည်။</p> <p>ယခင်က ကြယ်တာရာကွမ်တမ် ဆက်သွယ်ရေးကိရိယာ ပျက်စီးသွားချိန်က ၎င်း၏ တုံ့ပြန်ပုံကို သူ ယခုထက်တိုင် ရှင်းလင်းစွာ မှတ်မိနေဆဲပင်။ ထိုကိစ္စအတွက် ၎င်းက စက်ရုံဇုန်၏ ဆက်သွယ်ရေး လမ်းကြောင်းကိုပင် ဖြတ်တောက်ခဲ့သေးသည်။</p> <p>သို့သော် ဗိုရှင်းဂြိုဟ်သားများက ယာဉ်ပျံ၏ ဉာဏ်ရည်တုစနစ်တွင် နောက်ထပ် ဘာလျှို့ဝှက်တံခါးများ ချန်ထားခဲ့သေးသည်ကို မည်သူကမျှ မသိနိုင်ချေ။</p> <p>ဖြစ်နိုင်ခြေ အလွန်နည်းပါးနေလျှင်တောင် လော်ယွမ်က စွန့်စားရဲခြင်း မရှိပေ။ လူသားများ ဖန်တီးထားသော ဉာဏ်ရည်တု မဟုတ်သဖြင့် မည်သို့ပင်ဖြစ်စေ စိတ်မချရသေးပေ။</p> <p>ဝမ်းနည်းစရာမှာ ယခုအချိန်သည် အစားထိုးရန် အချိန်မကျသေးခြင်းပင် ဖြစ်သည်။ အနည်းဆုံး လက်ရှိအခြေအနေအရ လူသားများအနေဖြင့် ဤဉာဏ်ရည်တုကို မှီခိုနေရဆဲ ဖြစ်သည်။</p> <p>၎င်းက စက်ရုံဇုန်မှလွဲ၍ ယာဉ်ပျံတစ်ခုလုံးရှိ အရာအားလုံးကို ထိန်းချုပ်ထားသည်။ တစ်ကြိမ် ဖယ်ရှားလိုက်သည်နှင့် ယာဉ်ပျံတစ်ခုလုံးသည်လည်း ဝိညာဉ်ကင်းမဲ့သွားကာ လုံးဝ ရပ်တန့်သွားပေလိမ့်မည်။</p> <p>အင်ဂျင်ကို စက်နှိုး၍မရ၊ ဆွဲငင်အားကို ထိန်းချုပ်၍မရ၊ လေအေးပေးစနစ်ပင် အလုပ်လုပ်တော့မည် မဟုတ်ပေ။</p> <p>လူသားများသည် အကြမ်းဖျင်း အစားထိုးနိုင်မည့် အရာများကို တီထွင်နိုင်နေပြီ ဖြစ်သော်လည်း ဉာဏ်ရည်အဆင့်အတန်းနှင့် တွက်ချက်မှုစွမ်းရည် နှစ်ခုစလုံးတွင် ကြီးမားသော ကွာဟချက် ရှိနေဆဲဖြစ်သည်။</p> <p>လူသားတို့၏ ဉာဏ်ရည်တုမှာ တောင့်တင်းပြီး စက်ဆန်လွန်းကာ တုံ့ပြန်နိုင်စွမ်းလည်း ညံ့ဖျင်းလှသည်။ ဤသည်က ကြယ်တာရာခရီးစဉ်၏ အန္တရာယ်ကို များစွာ တိုးလာစေမည်မှာ သေချာလှသည်။</p> <p>ကွာဟချက် ဤမျှကြီးမားနေရခြင်း အကြောင်းရင်းမှာ ဤဗိုရှင်းဂြိုဟ်သားတို့၏ ဉာဏ်ရည်တုသည် သာမန်ဆော့ဖ်ဝဲတစ်ခု မဟုတ်သောကြောင့်ပင်။</p> <p>ဒီဇိုင်းဆွဲစဉ်ကတည်းက ဉာဏ်ရည်တုကြောင့် ဖြစ်ပေါ်လာနိုင်မည့် အန္တရာယ်များကို လျှော့ချရန်အတွက် ၎င်းကို ယာဉ်ပျံ၏ ပင်မထိန်းချုပ်ရေး ကွမ်တမ်ကွန်ပျူတာနှင့် တစ်သားတည်း ဖြစ်အောင် ဖန်တီးထားခဲ့သည်။</p> <p>လွှဲပြောင်း၍မရသလို ကိုယ်ပိုင်ပုံတူကူးယူခြင်းလည်း မပြုလုပ်နိုင်ပေ။ ဉာဏ်ရည်တုကို စွန့်လွှတ်လိုက်ခြင်းက ပင်မကွမ်တမ်ကွန်ပျူတာကို စွန့်လွှတ်လိုက်ခြင်းနှင့် အတူတူပင် ဖြစ်သည်။</p> <p>ယခုအချိန်အထိ လူသားတို့၏ နည်းပညာဖြင့် ထိုသို့သော စူပါကွမ်တမ်ကွန်ပျူတာမျိုးကို မထုတ်လုပ်နိုင်သေးချေ။</p> <p>...</p> <p>လော်ယွမ်က သူ၏ ကိုယ်ပေါ်တွင် သွေးကွက်အချို့ ကျန်ရှိနေသေးသည်ကို ကြည့်လိုက်ရာ ကြွက်သားများ ချက်ချင်း အနည်းငယ် တင်းမာသွားလေ၏။</p> <p>"ဝုန်း" ဟူသော အသံနှင့်အတူ သူ၏ ပတ်ဝန်းကျင်တွင် ဗြောက်အိုးဖောက်လိုက်သကဲ့သို့ ပေါက်ကွဲသံများ ထွက်ပေါ်လာပြီး ခန္ဓာကိုယ်တစ်ခုလုံးကို အသံလှိုင်းတိမ်တိုက်တစ်ခုက လွှမ်းခြုံသွားသည်။</p> <p>သူ၏ ဘေးပတ်လည်တွင် လေပြင်းများ တိုက်ခတ်သွားပြီး စက္ကန့်အနည်းငယ် အကြာတွင်တော့ အရာအားလုံး ပြန်လည်ငြိမ်သက်သွားကာ သူ၏ ပုံရိပ် ထွက်ပေါ်လာသည်။ သူ၏ တစ်ကိုယ်လုံးမှာ အသစ်စက်စက်ကဲ့သို့ တောက်ပနေပြီး ဖုန်တစ်မှုန်မျှပင် ကပ်ငြိမနေတော့ချေ။</p> <p>ထို့နောက် လော်ယွမ်က ဉာဏ်ပညာသစ်ပင် စိုက်ခင်းသို့ ထွက်လာခဲ့သည်။</p> <p>ဉာဏ်ပညာသစ်ပင် စိုက်ခင်းက ပိုမိုအရေးပါလာသည်နှင့်အမျှ ဤနေရာ၏ လုံခြုံရေးကလည်း ပိုမိုတင်းကျပ်လာခဲ့သည်။</p> <p>ဆင့်ကဲပြောင်းလဲသူ စစ်သား တစ်တပ်ခွဲကို တပ်စွဲထားရုံသာမက လုံခြုံရေးတပ်ခွဲ၏ တပ်ခွဲမှူးအဖြစ် အထူးစစ်ဆင်ရေးအဖွဲ့ (ဓားတရားအဖွဲ့) မှ လီတုန်းကို ပူးတွဲတာဝန် ပေးအပ်ထားသည်။</p> <p>ခွင့်ပြုချက်မရဘဲ ယင်ကောင်တစ်ကောင်ပင် ဖြတ်ပျံခွင့် မရှိပေ။</p> <p>လီတုန်းက လော်ယွမ် ရောက်လာသည်ကို မြင်လိုက်ရသဖြင့် ရုံးခန်းထဲမှ ချက်ချင်းထွက်လာကာ အလေးပြုလိုက်သည်။</p> <p>"မြို့တော်ဝန် မင်္ဂလာပါ"</p> <p>ပတ်ဝန်းကျင်က လူတစ်ယောက်ကို ပြောင်းလဲစေနိုင်သည်။ လုံခြုံရေးတပ်ခွဲတွင် အချိန်ကြာမြင့်စွာ နေထိုင်ခဲ့ရသောကြောင့် ယခင်က ကြမ်းတမ်းခက်ထန်သော အသွင်အပြင်များ တဖြည်းဖြည်း ပျောက်ကွယ်သွားပြီး သူ၏ ကိုယ်ပေါ်တွင် စစ်သားတစ်ယောက်၏ အငွေ့အသက်များ ရရှိနေပြီ ဖြစ်သည်။</p> <p>"အင်း... အလုပ်နဲ့ အသားကျနေပြီလား" လော်ယွမ်က မေးလိုက်သည်။</p> <p>သူက လီတုန်းနှင့် ရင်းနှီးကျွမ်းဝင်သူဖြစ်ရာ နှုတ်ဆက်ရသည်မှာလည်း အတော်လေး ပေါ့ပါးလွတ်လပ်လှသည်။ သို့သော် လီတုန်းကမူ သတိမလွတ်ရဲပေ။ ယခုအချိန်က ယခင်နှင့် မတူတော့ချေ။</p> <p>ထိုစဉ်က တစ်ဖက်လူမှာ ဒုတိယအဖွဲ့ခေါင်းဆောင် ဖြစ်နေလျှင်တောင် နောက်ပြောင်ကျီစယ်၍ ရသေးသည်။ သို့သော် ယခုအခါတွင်မူ ရာထူးအရဖြစ်စေ၊ စွမ်းအားအရဖြစ်စေ ကွာဟချက်က ကြီးမားလွန်းနေပြီ ဖြစ်ရာ ယခင်ကကဲ့သို့ ပေါ့ပေါ့ပါးပါး စကားပြောဆိုရန်မှာ မဖြစ်နိုင်တော့ပေ။</p> <p>သူက ရိုသေလေးစားသော မျက်နှာထားဖြင့် "အစပိုင်းက နည်းနည်း အသားမကျတာကလွဲရင် အခုတော့ အကုန်လုံး လမ်းကြောင်းမှန်ပေါ် ရောက်နေပါပြီ"</p> <p>"အထူးသဖြင့် တပ်ဖွဲ့ရဲ့ စည်းကမ်းပိုင်းကို ကျွန်တော်တို့ တင်းတင်းကျပ်ကျပ် ကိုင်တွယ်ထားတာမို့ ဘာအမှားအယွင်းမှ ရှိလာမှာ မဟုတ်ပါဘူး" ဟု ပြန်ဖြေလေသည်။</p> <p>လော်ယွမ်က အနီးအနားတွင် မတ်မတ်ရပ်နေကြသော လုံခြုံရေးများကို ကြည့်ရင်း ခေါင်းကို အနည်းငယ် ညိတ်ပြလိုက်မိသည်။</p> <p>ဆင့်ကဲပြောင်းလဲသူ တပ်ဖွဲ့များ၏ စည်းကမ်းပိုင်းက အမြဲတမ်း စိုးရိမ်စရာ ကောင်းလှသည်။ ယခုကဲ့သို့ လေ့ကျင့်ပေးနိုင်ခြင်းမှာလည်း ရှားပါးလှပေသည်။</p> <p>သေချာသည်မှာ ထိုသို့ဖြစ်နေရခြင်းတွင် သူ လာရောက်ခြင်းကြောင့်လည်း ပါဝင်မည် ဖြစ်သည်။</p> <p>ပုံမှန်အချိန်များတွင် ဤမျှလောက်အထိ စည်းကမ်းတင်းကျပ်မည် မဟုတ်သော်လည်း ဤသို့ စံချိန်မီ စစ်သားပုံစံ ရပ်နိုင်ရန်အတွက် အနည်းဆုံးတော့ ကြိုးစားအားထုတ်မှုများစွာ ရှိခဲ့မည် ဖြစ်သည်။</p> <p>လော်ယွမ်က အလောတကြီး လာခဲ့သဖြင့် မည်သူ့ကိုမျှ အကြောင်းမကြားခဲ့ပေ။ ထို့ကြောင့် ယခုအချိန်မှသာ စိုက်ခင်း၏ ကြီးကြပ်ရေးမှူးနှင့် အခြားတာဝန်ရှိသူများက ချွေးသံတရွဲရွဲဖြင့် အပြေးအလွှား ရောက်ရှိလာကြသည်။</p> <p>"မြို့တော်ဝန်... လူကြီးမင်း လာမယ်ဆိုတာကို ကျွန်တော်တို့ မသိလိုက်ရလို့ပါ..." ကြီးကြပ်ရေးမှူးက စကားပြောနေစဉ် မျက်နှာမှာ ဖြူရော်နေလေ၏။</p> <p>သူက ပထမဆုံး ကြီးကြပ်ရေးမှူး မဟုတ်ဘဲ မကြာသေးမီကမှ ရာထူးတိုးလာခြင်း ဖြစ်သည်။</p> <p>ယခင် ကြီးကြပ်ရေးမှူးမှာ လမ်းမှားသို့ ရောက်သွားကာ ဉာဏ်ပညာဆေးရည်အပေါ် အကြံအစည်ထုတ်ရန် ကြိုးစားခဲ့သောကြောင့် ဖမ်းဆီးစစ်ဆေးခံခဲ့ရသည်။</p> <p>လူအများအပြားလည်း ဤကိစ္စတွင် ပါဝင်ပတ်သက်ခဲ့ပြီး ထိုအချိန်မှစ၍ သူတို့ကို မည်သူကမျှ ပြန်မတွေ့ရတော့ချေ။</p> <p>သူ တာဝန်ယူချိန်မှစ၍ တာဝန်ကျေပွန်အောင် အမြဲတမ်း ကြိုးစားခဲ့သည်ဟု ကိုယ့်ကိုယ်ကိုယ် ယုံကြည်ထားသော်လည်း လက်အောက်ငယ်သားများက အခြားအကြံအစည် ရှိနေမည်ကိုတော့ စိုးရိမ်မိသည်။ ထိုသို့ဖြစ်လာပါက သူလည်း ပြစ်ဒဏ်မှ လွတ်ကင်းမည် မဟုတ်ပေ။</p> <p>တကယ်တမ်းတွင် ဉာဏ်ပညာနှလုံးသား ကဲ့သို့သော အရာမျိုးက လူတို့၏ စိတ်ကို ဆွဲဆောင်နိုင်လွန်းသည်။ စိုက်ခင်းထဲတွင် နေထိုင်ပြီး နေ့စဉ်နှင့်အမျှ ဤအရာများကို ကိုင်တွယ်နေရပါက မည်မျှပင် ရိုးသားသူဖြစ်စေ လိုချင်တပ်မက်စိတ်များ ဖြစ်ပေါ်လာတတ်သည်။</p> <p>ဉာဏ်ပညာသစ်ပင် တိုင်းတွင် မှတ်ပုံတင်စာရင်း ရှိပြီး အချိန်ကာလတစ်ခုတိုင်းတွင် ထွက်ရှိလာမည့် ဉာဏ်ပညာဆေးရည် ပမာဏမှာလည်း ပုံသေဖြစ်နေသောကြောင့် အထက်လူကြီးကို လိမ်လည်လှည့်ဖြားရန် မဖြစ်နိုင်ပေ။</p> <p>သို့သော် အကြိမ်တိုင်းတွင် သတိထား၍ အနည်းငယ်စီ ဖုံးကွယ်ထားမည်ဆိုပါက မည်သူမျှ မသိအောင် လုံးဝ လုပ်ဆောင်နိုင်ပေသည်။ ပြီးခဲ့သည့်အကြိမ်ကလည်း ဤကိစ္စကြောင့် လူများစွာ ဒုက္ခရောက်ခဲ့ရသည်။</p> <p>သူ၏ ရုတ်တရက် လာရောက်စစ်ဆေးမှုက ဤလူများကို အလွန်အမင်း ထိတ်လန့်သွားစေလိမ့်မည်ဟု လော်ယွမ် မသိခဲ့ပေ။</p> <p>တကယ်တော့ ဤသို့ဖြစ်ရန် လုံးဝ မလိုအပ်ချေ။ လေယာဉ်ပျံကြီးတစ်ခုလုံး၏ အချင်းမှာ ၁ မိုင်ခန့်သာ ရှိပြီး ယခုအခါ သူ၏ အာရုံခံနိုင်စွမ်း အချင်းဝက်မှာ ပေ ၂၁၀၀ ကျော်အထိ ရောက်ရှိနေပြီဖြစ်ကာ အချင်းအားဖြင့် ဝ.၈ မိုင်ခန့် ရှိပြီဖြစ်သည်။</p> <p>ဆိုလိုသည်မှာ လေယာဉ်ပျံတစ်ခုလုံးနီးပါးက သူ၏ ထိန်းချုပ်မှုအောက်တွင် ရှိနေခြင်းပင်။ ထို့ပြင် သူ၏ ဦးနှောက် တွက်ချက်မှုစွမ်းရည်ဖြင့် အာရုံမစိုက်ထားလျှင်တောင် မြင်တွေ့ရသမျှ သတင်းအချက်အလက်အားလုံးက သူ၏ ဦးနှောက်ထဲတွင် ရေစီးကြောင်းပမာ ဖြတ်သန်းသွားမည်ဖြစ်ရာ သူ၏ မျက်စိကို လှည့်စားရန် လုံးဝ မဖြစ်နိုင်ချေ။</p> <p>တကယ်လို့များ သူတို့ မှားယွင်းလုပ်ဆောင်နေသည်ကို သိရှိခဲ့ပါက စည်းကမ်းထိန်းသိမ်းရေး ကော်မတီက စောစောစီးစီး ရောက်လာခဲ့ပြီး ဖြစ်ပေလိမ့်မည်။</p> <p>လော်ယွမ်အနေဖြင့် ပြဿနာ မကြီးမားသရွေ့တော့ မျက်စိတစ်ဖက်မှိတ်ထားပေးလေ့ ရှိသည်။ ရေကြည်လွန်းလျှင် ငါးမနေနိုင်သကဲ့သို့ လူတိုင်းကလည်း လိုအင်ဆန္ဒ ကင်းမဲ့နေသော သူတော်စင်များ မဟုတ်ကြပေ။</p> <p>ကမ္ဘာကြီးတစ်ခုလုံး အမှောင်ထု လုံးဝမရှိဘဲ အလင်းရောင်ချည်းသက်သက်သာ ရှိနေမည်ဆိုပါက ၎င်းမှာ မည်သို့မျှ သဘာဝကျနိုင်တော့မည်မဟုတ်ပေ။</p> <p> </p> <p> </p> <p> </p> <p>ဆက်ရန်...</p> <p> </p> <p> </p> <p> </p> <p style="text-align: center;">***</p>


Save