Book List

<h2 style="text-align: center;">အပိုင်း(၅၀၇)</h2> <h2 style="text-align: center;">မျိုးဆက်သစ်လူသား</h2> <h2 style="text-align: center;">*</h2> <p> </p> <p> </p> <p> </p> <p> </p> <p>ပြီးခဲ့သည့်ရက်များအတွင်း ချွေ့ဝေ့ချွမ်၏ မိသားစုတွင် အရေးကြီးသည့် ကိစ္စကြီးနှစ်ခု ဖြစ်ပျက်ခဲ့သည်။</p> <p>ပထမအချက်မှာ နှစ်နှစ်ကျော်ကြာ ပြင်းပြင်းထန်ထန် ကြိုးစားပညာသင်ယူခဲ့ပြီးနောက် သူက အငယ်တန်း လျှပ်စစ်သံလိုက် အင်ဂျင်နီယာ စာမေးပွဲကို ခက်ခက်ခဲခဲ အောင်မြင်သွားခဲ့ကာ လျှပ်စစ်သံလိုက် ဓာတ်ခွဲခန်းတစ်ခုတွင် အလုပ်သင်အဖြစ် ဝင်ရောက်ခွင့် ရရှိသွားခြင်းပင် ဖြစ်သည်။</p> <p>သို့သော်လည်း ယခုခေတ်ကာလက အရင်လို မဟုတ်တော့ပေ။ လူ့အဖွဲ့အစည်းက အင်ဂျင်နီယာများအပေါ် ထားရှိသည့် သတ်မှတ်ချက်များမှာ ပို၍ မြင့်မားလာခဲ့သည်။</p> <p>အငယ်တန်း အင်ဂျင်နီယာ အရည်အချင်းစစ် စာမေးပွဲကို အောင်မြင်ခဲ့လျှင်တောင်မှ ထိုအရာက အလုပ်ခွင်ဝင်ရန် အစပျိုးရုံသာ ရှိသေးသည်။</p> <p>လွန်ခဲ့သော နှစ်အနည်းငယ်ကလို အလုပ်ထဲတွင် ခြောက်လ သို့မဟုတ် တစ်နှစ်ခန့် လုပ်ရုံဖြင့် လက်ထောက် အင်ဂျင်နီယာအဖြစ် ရာထူးတိုးနိုင်သည့် အချိန်ကောင်းများမှာ လုံးဝ ပြန်မလာနိုင်တော့ချေ။</p> <p>ထင်ရှားသော ရလဒ်တစ်ခုမှ မပြသနိုင်ပါက လက်ထောက် အင်ဂျင်နီယာအဖြစ် ရာထူးတိုးရန်ဟူသည်မှာ လုံးဝ မဖြစ်နိုင်တော့ပေ။</p> <p>အလုပ်သင် တစ်ယောက်သာ ဖြစ်နေသေးသော်လည်း သူ၏ လစာနှင့် ခံစားခွင့်များက သိသိသာသာ မြင့်တက်လာခဲ့ပြီး မိသားစု စားဝတ်နေရေးမှာလည်း အတော်လေး အဆင်ပြေလာခဲ့သည်။</p> <p>ပို၍ အရေးကြီးသည်မှာ အပြင်သွား၍ သူ၏ အလုပ်အကြောင်း ပြောလိုက်သည်နှင့် အခြားသူများထံမှ အံ့သြမင်သက်သံများကို ကြားရတတ်ပြီး မနာလိုအားကျစွာဖြင့် မြှောက်ပင့်ပြောဆိုခြင်းများကိုပါ ခံရလေ့ရှိသည်။</p> <p>ယခုအချိန်သည် သိပ္ပံနှင့် သုတေသနကို ဦးစားပေးသော ခေတ်ဖြစ်ပြီး အရင်းအမြစ် အားလုံးကိုလည်း သုတေသန လုပ်ငန်းများအတွက်သာ အဓိကထား ထောက်ပံ့ပေးနေသည်။</p> <p>သုတေသနလုပ်ငန်းခွင်သို့ ဝင်ရောက်နိုင်ခြင်းက သာမန်လူတန်းစား ဘဝမှ အထူးအခွင့်အရေးရ လူတန်းစားတစ်ရပ်အဖြစ်သို့ ခြေတစ်လှမ်းတည်းဖြင့် ကူးပြောင်းသွားနိုင်သကဲ့သို့ပင်။</p> <p>လစာနှင့် ခံစားခွင့်များ ကောင်းမွန်ရုံသာမက ငွေကြေးမည်မျှပင် ပေးပေး ဝယ်ယူ၍မရနိုင်သော လူမှုအဆင့်အတန်းနှင့် အခွင့်အရေးများကိုပါ ရရှိနိုင်ပေသည်။</p> <p>ဒုတိယ အရေးကြီးသည့် ကိစ္စမှာတော့ သူ၏ ဇနီးသည်က နောက်ဆုံးတွင် ကလေးမီးဖွားခဲ့ပြီး သူ့အတွက် သားယောကျ်ားလေး တစ်ယောက် မွေးဖွားပေးခဲ့ခြင်း ဖြစ်သည်။</p> <p>သို့သော် ဤကိစ္စနှင့် ပတ်သက်၍ သူ၏ စိတ်ထဲတွင် အနည်းငယ် ရှုပ်ထွေးနေမိသည်။</p> <p>အကြောင်းမှာ ထိုကလေးက မိဘနှစ်ပါးနှင့် လုံးဝ မတူသောကြောင့်ပင်။ ဥပမာအားဖြင့် သူနှင့် သူ၏ ဇနီးမှာ အသားအနည်းငယ် ညိုသော်လည်း သားဖြစ်သူ၏ အသားအရေက အလွန် ဖြူဝင်းနေသည်။</p> <p>ထို့အပြင် သူတို့ ဇနီးမောင်နှံ နှစ်ဦးစလုံးက မျက်ရစ်မပါသော်လည်း သားဖြစ်သူမှာမူ မျက်ရစ်များနှင့် ဖြစ်နေသည်။ မွေးကင်းစ အရွယ်လေးသာ ရှိသေးသော်လည်း ရုပ်ရည်မှာ အလွန် ချောမောခန့်ငြားနေပြီ ဖြစ်သည်။</p> <p>အကယ်၍ ရုပ်ရည်သွင်ပြင် ကွဲပြားမှုလောက်သာ ဆိုလျှင် ထားလိုက်ပါတော့။ သို့သော် သာမန် ကလေးငယ်များနှင့် လုံးဝမတူညီသော ကလေး၏ ထူးခြားသည့် တိုးတက်မှုများက သူ့ကို ရင်ထိတ်စေခဲ့သည်။</p> <p>ကလေးမွေးပြီး လဝက်ပင် မပြည့်သေးချိန်တွင် ဇနီးဖြစ်သူ၏ မိခင်နို့ရည်က ကလေးအတွက် မလုံလောက်တော့ပေ။ ထို့ကြောင့် ဆရာဝန်၏ အကြံပြုချက်အရ ဆန်ပြုတ်ကျဲကျဲဖြင့် အစားထိုး တိုက်ကျွေးခဲ့ရသည်။</p> <p>ကံကောင်းထောက်မစွာပင် ဤသားဖြစ်သူ၏ ခန္ဓာကိုယ် ကြံ့ခိုင်မှုက သာမန်ထက် များစွာ သာလွန်နေပြီး အစာခြေဖျက်နိုင်စွမ်းလည်း အလွန် ကောင်းမွန်လှသဖြင့် အချိန်တိုအတွင်းမှာပင် အသားကျသွားခဲ့သည်။</p> <p>ထို့နောက် သုံးလသား အရွယ်သို့ ရောက်သောအခါတွင် ကလေးက စကားပြောတတ်နေပြီ ဖြစ်ပြီး မကြာမီမှာပင် ပုံမှန် လမ်းလျှောက်တတ်နေပြီ ဖြစ်သည်။</p> <p>သားဖြစ်သူ၏ ဉာဏ်ရည်ထက်မြက်မှုက မယုံနိုင်လောက်အောင် အံ့မခန်း ဖြစ်နေသော်လည်း အစွန်းရောက်ဆုံး အိပ်မက်ထဲတွင်ပင် သူ ဤသို့ မယုံကြည်နိုင်လောက်အောင် ထူးချွန်လိမ့်မည်ဟု မမျှော်လင့်ခဲ့ဖူးပေ။</p> <p>ဒါက... သာမန် ကလေးတစ်ယောက် ဟုတ်သေးရဲ့လား။</p> <p>ချွေ့ဝေ့ချွမ်၏ စိတ်ထဲတွင် အတွေးများ ဗြောင်းဆန်နေရင်းဖြင့် မကြာမီ အိမ်သို့ ရောက်ရှိလာခဲ့သည်။</p> <p>"အဖေ... ပြန်လာပြီလား" တံခါးကို ဖွင့်လိုက်သည်နှင့် သားဖြစ်သူက ဝမ်းသာအားရ အော်ခေါ်လိုက်သည်။</p> <p>ဇနီးဖြစ်သူမှာ ဟင်းချက်နေဆဲ ဖြစ်သည်။ ချွေ့ဝေ့ချွမ်က သူ၏ စာရွက်စာတမ်းအိတ်ကို ချလိုက်ရင်း ပြုံးကာ မေးလိုက်သည်။</p> <p>"ဒီနေ့ သား လိမ်လိမ်မာမာ နေရဲ့လား"</p> <p>"သား အရမ်းလိမ္မာတာ... မယုံရင် အမေ့ကို မေးကြည့်"</p> <p>ထိုအချိန်တွင် ဇနီးဖြစ်သူက ချက်ပြုတ်ပြီးသား ဟင်းလျာများကို စားပွဲပေါ်သို့ လာချလိုက်သည်။ ထို့နောက် သားဖြစ်သူ၏ ပါးပြင်ကို ဆွဲယူကာ အားရပါးရ နမ်းလိုက်ရင်း ပြုံးကာ ပြောလိုက်သည်။</p> <p>"အင်း... သားသားက အလိမ္မာဆုံးပဲ... ဒီနေ့တောင် စာလုံးရေ တစ်ရာကျော် မှတ်မိနေပြီ... နောက်ရက်အနည်းငယ်လောက်ဆိုရင် သူ့ဘာသာသူ စာဖတ်နိုင်တော့မှာ"</p> <p>"အမေ... သား အခုလည်း ပုံပြင်စာအုပ်တွေ ဖတ်လို့ရနေပါပြီ... စာလုံး အနည်းငယ်လောက်ပဲ မသိသေးတာ" သားဖြစ်သူက ဘေးမှနေ၍ မကျေမချမ်း ဝင်ပြောလိုက်သည်။</p> <p>ချွေ့ဝေ့ချွမ်က ကြားပြီးနောက် အနည်းငယ် တုံ့ဆိုင်းသွားကာ တွေဝေစွာဖြင့် ပြောလိုက်သည်။</p> <p>"ဒီလောက်စောစော စာသင်တာ သိပ်မကောင်းဘူး ထင်တယ်... သူက ငယ်သေးတာကို"</p> <p>ဇနီးဖြစ်သူက ဂရုမစိုက်သည့်ဟန်ဖြင့် သားဖြစ်သူ၏ ပါရမီအပေါ် ဂုဏ်ယူဝင့်ကြွားစွာ ပြောလိုက်သည်။</p> <p>"ဘာမကောင်းရမှာလဲ... ကျွန်မတို့သားက ပါရမီရှင်လေးပဲ... ဘာသင်သင် တစ်ခေါက်တည်းနဲ့ အကုန်တတ်တယ်... နောင်ကျရင် သိပ္ပံပညာရှင်ကြီး ဖြစ်လာမှာ သေချာတယ်"</p> <p>ကလေးက လေးလသားပဲ ရှိသေးတာလေ... ငါ့သားက ဒီလောက်အထိ ပါရမီရှင် ဖြစ်ဖို့ဆိုတာ မဖြစ်နိုင်ပါဘူး။</p> <p>ချွေ့ဝေ့ချွမ်က ပါးစပ်ဟလိုက်သော်လည်း နောက်ဆုံးတွင် ဘာမှမပြောဖြစ်တော့ချေ။</p> <p>"ပြီးခဲ့တဲ့တစ်ခေါက် ဆေးရုံသွားတုန်းက ဆရာဝန်ပြောတာ ကြားခဲ့ရတယ်... အစိုးရက စောစောစီးစီး ပညာပေးတဲ့ အတန်းတွေ ဖွင့်မယ်တဲ့... ကျွန်မတို့သားကို အဲ့ဒီမှာ ထားရမလား"</p> <p>ဇနီးဖြစ်သူက သားဖြစ်သူ၏ ရုန်းကန်နေမှုကို ဂရုမစိုက်ဘဲ ကလေးကို ချစ်ခင်မြတ်နိုးစွာ ပွေ့ချီကာ ကုလားထိုင်ပေါ်တွင် ထိုင်လိုက်ပြီး စိတ်အားထက်သန်စွာဖြင့် ဆက်ပြောလိုက်သည်။</p> <p>ချွေ့ဝေ့ချွမ်က ကြည့်ရင်းဖြင့် စိတ်ထဲတွင် အနည်းငယ် မနာလိုသလို ခံစားလိုက်ရသည်။</p> <p>ကလေးမွေးပြီးကတည်းက ဇနီးဖြစ်သူ၏ အာရုံစိုက်မှု အားလုံးက ကလေးထံသို့သာ ရောက်သွားခဲ့သည်။</p> <p>သို့သော်လည်း ကိုယ့်သားအရင်းကို မနာလိုနေခြင်းမှာ အဓိပ္ပာယ်မရှိမှန်း သူ ကောင်းကောင်း သိပါသည်။</p> <p>"အဲဒီအတန်းတွေက အနည်းဆုံး သုံးနှစ်ပြည့်မှ လက်ခံတာမလား... စောပါသေးတယ်"</p> <p>"မစောတော့ဘူး... ဒီအတန်းတွေက ကျွန်မတို့သားလိုမျိုး နည်းပညာသစ်နဲ့ မွေးလာတဲ့ ကလေးတွေအတွက် သီးသန့်ရည်ရွယ်တာတဲ့... ခြောက်လပြည့်တာနဲ့ ကျောင်းထားလို့ရပြီ... မထားဘူးဆိုရင် နောက်ပိုင်း ပညာရေးမှာ သူများနောက် နောက်ကျကျန်ခဲ့လိမ့်မယ်" ဇနီးဖြစ်သူက တက်ကြွစွာ ရှင်းပြသည်။</p> <p>"ဒါဆိုလည်း ထားလိုက်လေ... ဘာပဲဖြစ်ဖြစ် သားလေးရဲ့ ပညာရေးကိုတော့ အနှောင့်အနှေး အဖြစ်မခံနိုင်ဘူး" ချွေ့ဝေ့ချွမ်က သူ၏ ဇနီး အကျင့်ကို ကောင်းကောင်း သိသည်။</p> <p>သူမ၏ စိတ်ထဲတွင် ဆုံးဖြတ်ချက် ချပြီးနေပြီ ဖြစ်ပြီး ယခု သူ့ကို မေးခြင်းမှာ အတည်ပြုရုံ သက်သက်သာ ဖြစ်သည်။</p> <p>နည်းပညာသစ်ဖြင့် မွေးဖွားလာသည့် အခြားကလေးများကလည်း ဤကဲ့သို့ ပါရမီရှင်တွေပဲ ဖြစ်နေမလား။ သူ၏ စိတ်ထဲတွင် စိုးရိမ်မှုတစ်ရပ် ရုတ်တရက် ပေါ်ပေါက်လာခဲ့သည်။</p> <p>သုတေသန လုပ်ငန်းခွင်တွင် အချိန်ကြာကြာ လုပ်ကိုင်လေလေ ဉာဏ်ရည်ဉာဏ်သွေး၏ အရေးပါမှုကို ချွေ့ဝေ့ချွမ်က ပို၍ နားလည်သဘောပေါက်လာလေလေ ဖြစ်သည်။</p> <p>သူလိုမျိုး သာမန်လူထက် အနည်းငယ်သာ ပိုထက်မြက်သည့် လူတစ်ယောက်အနေဖြင့် အစွမ်းကုန် ကြိုးစားလျှင်တောင်မှ ခရီးပေါက်မည် မဟုတ်ပေ။</p> <p>အကယ်၍ မမျှော်လင့်ထားသည့် အပြောင်းအလဲများ မရှိပါက လက်ထောက် အင်ဂျင်နီယာ ရာထူးက သူ၏ ဘဝအတွက် အမြင့်ဆုံး ရည်မှန်းချက် ဖြစ်လာလိမ့်မည်။</p> <p>အကယ်၍ ဤကလေးများအားလုံးက ပါရမီရှင်တွေချည်းသာ ဖြစ်နေမည် ဆိုပါက သူတို့ အရွယ်ရောက်လာချိန်တွင် မိမိတို့လို လူဟောင်းများမှာ ဖယ်ရှားခံရတော့မည်မှာ အသေအချာပင်။</p> <p>............</p> <p>ဆယ်ကြိမ်ကျော်ခန့် စမ်းသပ် ပျံသန်းမှုများ ပြုလုပ်ပြီးနောက် မိခင်ယာဉ်ကြီးသည် သောကြာဂြိုဟ်၏ အနားသို့ ရောက်ရှိလာခဲ့ပြီ ဖြစ်သည်။</p> <p>ဤနေရာမှနေ၍ ကမ္ဘာမြေကို သာမန် မျက်စိဖြင့် လှမ်းကြည့်မည် ဆိုပါက အခြားသော ကြယ်များနှင့် ဘာမှကွာခြားမှု မရှိတော့ပေ။</p> <p>ဧရာမ သားရဲကြီး၏ အလောင်းကို တူးဖော်ရေး လုပ်ငန်းများ စတင် ဆောင်ရွက်နေပြီ ဖြစ်သည်။ မြောက်မြားစွာသော အင်ဂျင်နီယာသုံး စက်ရုပ်များသည် ပုရွက်ဆိတ်များကဲ့သို့ သားရဲကြီး၏ နေရာအနှံ့အပြားတွင် တွယ်ကပ်နေကြသည်။</p> <p>၎င်း၏ အရေပြား မျက်နှာပြင် အများစုကို ခွာချထားပြီးဖြစ်ရာ ကြောက်မက်ဖွယ်ကောင်းလောက်အောင် ရှုပ်ထွေးလိမ်ယှက်နေသော ကြွက်သားများကို မြင်တွေ့နေရသည်။</p> <p>၎င်း၏ ဧရာမ ကိုယ်ထည်ကြီးမှာ မိခင်ယာဉ်ကြီးထက်ပင် များစွာ မသေးငယ်လှပေ။ အနီးအနား ၃ မိုင်ခန့်အကွာတွင် ကြားခံ စခန်းအဖြစ် အသုံးပြုနေသော အရေးပေါ်ယာဉ်မှာ ထိုသားရဲကြီးနှင့် ယှဉ်လိုက်ပါက သုံးပုံတစ်ပုံပင် မပြည့်ချေ။</p> <p>ပထမအကြိမ် ဧရာမ သားရဲကြီး၏ အလောင်းမှ အစိတ်အပိုင်းများ ခွဲထုတ်ရယူစဉ်က လုပ်သားအင်အား အမြောက်အမြား လိုအပ်ခဲ့သော်လည်း ယခုအကြိမ် စစ်ဆင်ရေးကတော့ ယခင်ကထက် အဆပေါင်းများစွာ ပိုမို အဆင့်မြင့်မားနေပြီ ဖြစ်သည်။</p> <p>လုပ်ငန်းခွင် တစ်ခုလုံးတွင် လူတစ်ယောက်မှ မရှိသလောက်ပင်။ အားလုံးကို အဝေးထိန်း စနစ်ဖြင့် စက်ရုပ်များနှင့် ဒရုန်းများကို အသုံးပြုကာ အာကာသထဲတွင် အလုပ်လုပ်ဆောင်နေကြခြင်း ဖြစ်သည်။</p> <p>၎င်းတို့သည် ပျားများကဲ့သို့ သားရဲကြီး၏ ခန္ဓာကိုယ်ပေါ်မှ ပျံတက်သွားကာ အရေးပေါ်ယာဉ်ဆီသို့ သွားရောက်ကြပြီး ယာဉ်အတွင်းမှ အခြားစက်ရုပ် အများအပြားကလည်း သားရဲကြီးဆီသို့ ပြန်လည် ပျံသန်းလာကြသည်။</p> <p>ထို အင်ဂျင်နီယာသုံး စက်ရုပ်များမှာ တစ်ရုပ်လျှင် အမြင့်ပေ ၄၀ ခန့်စီ ရှိပြီး စွမ်းအင် အလွန် ပြင်းထန်ကာ အာကာသထဲတွင် ပျံသန်းနိုင်စွမ်းလည်း ရှိကြသည်။ ၎င်းတို့၏ ကြီးမားလှသော ခွန်အားများကြောင့် သားရဲကြီး၏ ခန္ဓာကိုယ်ကို အလွယ်တကူ ခွဲစိတ်နိုင်ပြီး တာဝန်များကို ပြီးပြည့်စုံစွာ ထမ်းဆောင်နိုင်ကြသည်။</p> <p>......</p> <p>ထိုအချိန်တွင် အရေးပေါ်ယာဉ်အတွင်းရှိ စီမံကိန်း ကွပ်ကဲရေး စင်တာ၌ အလွန် စွမ်းအားမြင့်မားသော သံလိုက်ပဲ့တင်ရိုက်ခတ်မှု ပုံရိပ်ဖော်စက်နှင့် အိတ်က်စ်ရေး စက်တို့မှတစ်ဆင့် သားရဲကြီး၏ အတွင်းပိုင်း တည်ဆောက်ပုံကို အသေးစိတ် ဖော်ပြထားသည့် ရှင်းလင်းပြတ်သားသော ပုံရိပ်တစ်ခုက ဖန်သားပြင် အလယ်တွင် ပေါ်လာခဲ့သည်။</p> <p>နယ်ပယ် အသီးသီးမှ ကျွမ်းကျင်ပညာရှင် ဆယ်ဦးကျော်ခန့်သည် ထိုတည်ဆောက်ပုံ ပုံကြမ်းကို သေချာစွာ လေ့လာနေကြသည်။</p> <p>သားရဲကြီး၏ အရွယ်အစားမှာ အလွန် ကြီးမားလွန်းလှသည်။ လူသားများအနေဖြင့် သားရဲကြီး တစ်ကောင်လုံးကို ယာဉ်ထဲသို့ ထည့်သွင်းရန်မှာ လုံးဝ မဖြစ်နိုင်ပေ။</p> <p>ယာဉ်ပေါ်ရှိ ပစ္စည်းများ သိုလှောင်ရန် နေရာလွတ်များနှင့် ပြီးခဲ့သည့် နှစ်များအတွင်း ကုန်ဆုံးသွားခဲ့သော ရိက္ခာများ နေရာတွင် အစားထိုး ဖြည့်တင်းမည် ဆိုလျှင်တောင်မှ အသား တန်ချိန် တစ်သိန်းကျော်ခန့်သာ ဆံ့မည် ဖြစ်သည်။ ထိုပမာဏမှာ သားရဲကြီး၏ တစ်ရာခိုင်နှုန်းပင် မပြည့်ချေ။</p> <p>ထို့ကြောင့် အရေးကြီးသော အစိတ်အပိုင်းများကို လွတ်ကျန်ရစ်မှု မရှိစေရန်အတွက် သားရဲကြီး၏ ခန္ဓာကိုယ် တည်ဆောက်ပုံကို ခွဲခြမ်းစိတ်ဖြာ လေ့လာရန်မှာ အထူးပင် အရေးကြီးလှသည်။</p> <p>"သူ့ရဲ့ မျိုးဗီဇပြောင်းလဲမှုက တော်တော်လေး ပြင်းထန်တယ်... ခန္ဓာကိုယ်ထဲက ကလီစာအများစုက ကျုံ့ဝင်သွားပေမဲ့ တချို့အင်္ဂါအစိတ်အပိုင်းတွေကတော့ ပိုပြီး အားကောင်းလာတယ်... ဥပမာ နှလုံးလိုမျိုးပေါ့"</p> <p>ဝဝဖိုင့်ဖိုင့် လူလတ်ပိုင်းအရွယ် ပညာရှင်တစ်ဦးက အံ့သြတကြီးဖြင့် ပြောလိုက်သည်။ သူသည် ဇီဝဗေဒပညာရှင် တစ်ဦးဖြစ်ပြီး ကမ္ဘာပျက်ကပ်ဘေး မတိုင်မီကတည်းက သန္ဓေပြောင်း သက်ရှိများဆိုင်ရာ ဇီဝတုပဗေဒ သုတေသန လုပ်ငန်းများကို လုပ်ကိုင်ခဲ့သူ ဖြစ်ရာ အတွေ့အကြုံ အလွန် ကြွယ်ဝသူ ဖြစ်သည်။</p> <p>"စက်ရုပ်တွေကနေ ပို့လိုက်တဲ့ အတွင်းပိုင်းပုံရိပ်တွေအရ နှလုံးနားမှာ အဖုအကျိတ်တွေ အများကြီး ထွက်နေတယ်... သက်ရှိတွေရဲ့ ဆင့်ကဲပြောင်းလဲမှုတိုင်းက အကြောင်းပြချက်ရှိတယ်... ဒီအဖုအကျိတ်တွေကလည်း ထူးခြားတဲ့ လုပ်ဆောင်ချက်တွေ ရှိနေမှာ သေချာတယ်"</p> <p>"ဖြစ်နိုင်ချေ တော်တော်များတယ်လို့ ကျွန်တော်လည်း ထင်တယ်... ဒါပေမဲ့ သန္ဓေပြောင်းသားရဲတွေက သာမန် ဆင့်ကဲပြောင်းလဲလာတဲ့ သက်ရှိတွေမှ မဟုတ်တာ... မျိုးဗီဇဖောက်ပြန်တဲ့ ရောဂါဖြစ်နိုင်ချေကိုလည်း ထည့်သွင်းစဉ်းစားရမယ်"</p> <p>"ကနဦး သုတေသနလုပ်ဖို့ နမူနာတချို့ အရင်ယူရလိမ့်မယ်... အခုချက်ချင်း ကောက်ချက်ချဖို့ဆိုတာ စောလွန်းသေးတယ်" အခြား ဇီဝဗေဒပညာရှင် တစ်ဦးက စဉ်းစားခန်းဖွင့်ကာ ဝင်ပြောလိုက်သည်။</p> <p> </p> <p> </p> <p>ဆက်ရန်...</p> <p> </p> <p> </p> <p> </p> <p style="text-align: center;">***</p>


Save