Book List

<h2 style="text-align: center;">အပိုင်း(၅၀၈)</h2> <h2 style="text-align: center;">အကျိတ်လုံး၏ လျှို့ဝှက်ချက်</h2> <h2 style="text-align: center;">*</h2> <p> </p> <p> </p> <p> </p> <p> </p> <p>အာကာသသားရဲကြီး၏ ဧရာမခန္ဓာကိုယ်ကြီးသည် ယနေ့ခေတ် လူသားများအတွက်ပင်လျှင် သေးငယ်လှသော လုပ်ငန်းခွင်တစ်ခုတော့ မဟုတ်ပေ။</p> <p>ထိုတူးဖော်ရေးစက်ကိရိယာများနှင့် အမျိုးမျိုးသော ထောက်လှမ်းရေးကိရိယာများကို ထုတ်လုပ်ရန်အတွက် စက်မှုဇုန်တစ်ခုလုံးက နေ့ရောညပါ အလုပ်လုပ်နေခဲ့ပြီး စက်ယန္တရားအမြောက်အမြားကို ရေစီးကြောင်းတစ်ခုပမာ အဆက်မပြတ် ထုတ်လုပ်နေခဲ့သည်။</p> <p>ယခုအချိန်တွင် လူသားအရေအတွက် ငါးသန်း၊ ခြောက်သန်းခန့်သာ ကျန်ရှိတော့သည်ဟု ဆိုသော်လည်း ကုန်ထုတ်လုပ်မှုစွမ်းအားကို ယှဉ်ကြည့်မည်ဆိုပါက ကမ္ဘာပျက်ကပ်ဘေးမတိုင်မီက သမ္မတနိုင်ငံထက် လုံးဝလျော့နည်းခြင်း မရှိပေ။ နည်းပညာအဆင့်အတန်းဆိုလျှင်တော့ နှိုင်းယှဉ်၍ပင် မရနိုင်တော့ချေ။</p> <p>ပေသုံးဆယ်ကျော် အမြင့်ရှိသော ဂန်းဒမ်းစက်ရုပ်ပုံစံ ဧရာမအင်ဂျင်နီယာသုံးစက်ရုပ်ကြီး တစ်ရုပ်ကို အပိုပစ္စည်းထုတ်လုပ်ရေးလမ်းကြောင်း ပြုပြင်မွမ်းမံမှု ပြီးစီးသွားသည်နှင့် တစ်နေ့လျှင် အစီးရေ ဒါဇင်နှင့်ချီ၍ ထုတ်လုပ်နိုင်ပြီဖြစ်သည်။</p> <p>ဤသည်မှာ လုပ်ငန်းလည်ပတ်မှု ထက်ဝက်သာရှိသေးသည့် အခြေအနေဖြစ်ပြီး အကယ်၍ အရေးပေါ်အခြေအနေ သို့မဟုတ် စစ်မက်ဖြစ်ပွားချိန်မျိုးတွင်ဆိုပါက ထုတ်လုပ်နိုင်စွမ်းမှာ ယခုထက် အဆပေါင်းများစွာ မြင့်တက်လာဦးမည်ဖြစ်သည်။</p> <p>လဝက်ခန့်တိုတောင်းသော အချိန်ကာလအတွင်းမှာပင် အမျိုးအစားစုံလင်လှသော အင်ဂျင်နီယာသုံးစက်ရုပ် အစီးရေ တစ်ထောင်ကျော်က ဤလုပ်ငန်းခွင်အတွင်းသို့ ဝင်ရောက်လာခဲ့ကြသည်။</p> <p>သို့သော် ဤတာဝန်ကြီး ပြီးဆုံးသွားသည့်အခါ ထိုစက်ရုပ်အများစုကို မီးဖိုထဲပြန်သွင်းကာ အခြေခံဒြပ်စင်များအဖြစ် ပြန်လည်ခွဲထုတ်ပစ်ရမည်ဖြစ်သည်။</p> <p>အကြောင်းမှာ လက်ရှိလူသားများအတွက် အာကာသယာဉ်ကြီးမှာ အနည်းငယ် ကျဉ်းမြောင်းကျပ်တည်းနေပြီဖြစ်ရာ ထိုစက်ယန္တရားများကို ထားသိုရန် အပိုနေရာ မရှိတော့သောကြောင့်ပင်။</p> <p>လော်ယွမ်က ဗဟိုထိန်းချုပ်ရေးခန်းမထဲတွင် မတ်တတ်ရပ်ရင်း မိုင်သိန်းနှင့်ချီ ဝေးကွာသော နေရာမှ ကျိုင်းကောင်အုပ်ကြီးပမာ လှုပ်ရှားနေကြသော အင်ဂျင်နီယာသုံး စက်ယန္တရားများကို ကြည့်ကာ ရင်ထဲတွင် သက်ပြင်းတစ်ချက် ချမိသွားသည်။</p> <p>ဤနှစ်တွေအတွင်း အရှိန်အဟုန်ဖြင့် လေ့လာစုပ်ယူမှုနှင့် ဖွံ့ဖြိုးတိုးတက်မှုများအရ လူသားတို့၏ နည်းပညာအဆင့်အတန်းသည် လွန်ခဲ့သော အနှစ်ခြောက်ဆယ်ခန့်က ဗိုရှင်းဂြိုဟ်သားတို့၏ အဆင့်အတန်းနှင့် အခြေခံအားဖြင့် တန်းတူဖြစ်နေပြီဖြစ်သည်။ အချို့နေရာများတွင် အားနည်းချက်များ ရှိနေသေးသော်လည်း အချို့ကဏ္ဍများတွင်မူ ကျော်လွန်နိုင်ခဲ့ပြီဖြစ်သည်။</p> <p>လူသားများသည် ဤနှစ်များအတွင်း ဗိုရှင်းနည်းပညာများကို သာမန်ကာလျှံကာ လေ့လာစုပ်ယူခဲ့ခြင်းမျိုး မဟုတ်ပေ။ စနစ်နှစ်ခုကြား အပြန်အလှန် လေ့လာမှီငြမ်းမှုများမှတစ်ဆင့် နည်းပညာအမြောက်အမြားကို ဆန်းသစ်တီထွင်နိုင်ခဲ့ပြီး ဆရာ့ထက်လက်စွမ်းထက်သည့် အခြေအနေသို့ပင် ရောက်ရှိနေပြီဖြစ်သည်။</p> <p>နေရာကွက်ကျား အောင်မြင်မှုလေးများသာဖြစ်ပြီး စနစ်တကျ မရှိသေးသဖြင့် ဗိုရှင်းဂြိုဟ်သားတို့၏ နည်းပညာအဆင့်ကို တစ်ကြိမ်တည်းဖြင့် အလုံးစုံ ကျော်လွန်သွားနိုင်ခြင်း မရှိသေးသော်လည်း၊ လူသားတို့သည် ဗိုရှင်းနည်းပညာ၏ ဘောင်ထဲမှ တရားဝင် ရုန်းထွက်နိုင်ခဲ့ပြီဖြစ်ကာ ရှေ့သို့ တဖြည်းဖြည်း ချီတက်နေပြီဖြစ်ကြောင်းတော့ သက်သေပြနေသည်။</p> <p>နှမြောစရာကောင်းသည်မှာ ဤအရာများသည် ဗိုရှင်းဂြိုဟ်သားတို့၏ လွန်ခဲ့သော အနှစ်ခြောက်ဆယ်က နည်းပညာအဆင့်သာဖြစ်ပြီး တကယ့်လက်တွေ့ နည်းပညာအဆင့်အတန်းနှင့် ယှဉ်လျှင် နောက်ကျနေဆဲပင် ဖြစ်သည်။</p> <p>ဗိုရှင်းဂြိုဟ်သားတို့၏ ပထမဆုံးသော ကြယ်တာရာသွား အာကာသယာဉ်ဖြစ်သည့်အတွက် ၎င်း၏ အဆင့်မြင့်မားမှုမှာ ယုံမှားသံသယဖြစ်ဖွယ် မရှိပေ။ သို့သော် ထိုအရာသည် ယင်းယဉ်ကျေးမှု၏ အမြင့်ဆုံးနည်းပညာတော့ လုံးဝမဟုတ်ချေ။</p> <p>အဘယ်ကြောင့်ဆိုသော် ဤကဲ့သို့ ကြယ်တာရာများကြား ခရီးဝေးနှင်ရသော စူးစမ်းရှာဖွေရေးယာဉ်များအတွက် အဆင့်မြင့်မားမှုဆိုသည်မှာ ဒုတိယဦးစားပေးသာဖြစ်ပြီး အရေးအကြီးဆုံးမှာ လုံခြုံရေးနှင့် တည်ငြိမ်မှုသာဖြစ်သည်။</p> <p>ထို့ကြောင့် အာကာသယာဉ်တွင် အများဆုံးအသုံးပြုထားသည်မှာ အသေချာဆုံးနှင့် အခိုင်မာဆုံးသော နည်းပညာများသာဖြစ်ပြီး ဓာတ်ခွဲခန်းထဲတွင် စမ်းသပ်ဆဲဖြစ်သော မရင့်ကျက်သေးသည့် နည်းပညာများကို ဤနေရာတွင် လုံးဝအသုံးပြုမည် မဟုတ်ပေ။</p> <p>အနှစ်ခြောက်ဆယ် သို့မဟုတ် ခုနစ်ဆယ်၊ ရှစ်ဆယ်ခန့် ကွာဟမှုဆိုသည်မှာ နည်းပညာဖွံ့ဖြိုးတိုးတက်မှု ခေတ်တစ်ခေတ်ကို ကျော်လွန်သွားရန် လုံလောက်ရုံသာမက နည်းပညာတော်လှန်ရေးတစ်ရပ်ကိုပါ ဖြစ်ပေါ်စေနိုင်ပြီး နည်းပညာပိုင်းဆိုင်ရာ ဧရာမကွာဟချက်ကြီးကိုပါ ဖြစ်တည်စေနိုင်သည်။</p> <p>အမှန်တကယ်တော့ ဤမျှကြီးမားသော ကွာဟချက်ကြီး ရှိနေသော်လည်း လက်ရှိ လူသားတို့၏ အံ့မခန်း ဖွံ့ဖြိုးတိုးတက်မှုအမြန်နှုန်းအရဆိုလျှင် နောက်ထပ် ဆယ်စုနှစ် သုံးလေးခုခန့် အချိန်ပေးလိုက်ပါက သူတို့ကို လိုက်မီရန် သို့မဟုတ် ကျော်တက်သွားရန် လုံလောက်သည်ဟု လော်ယွမ် ခန့်မှန်းထားသည်။</p> <p>ဒုတိယမြောက် စွမ်းအင်ဗဟိုချက်က ဉာဏ်ပညာသစ်ပင်ကို စတင်ပျိုးထောင်ပေးပြီးနောက်ပိုင်း ဉာဏ်ပညာဆေးရည် ထုတ်လုပ်မှုမှာ တစ်နှစ်လျှင် ပြွန်ပေါင်း လေးထောင်ကျော်အထိ ရောက်ရှိလာခဲ့ပြီး ထုတ်လုပ်မှုနှုန်း လေးဆအထိ တိုးတက်လာခဲ့သည်။</p> <p>တစ်နှစ်လျှင် ဉာဏ်ရည် ၁၆ မှတ်မှ ၁၈ မှတ်အထိရှိသော စူပါသိပ္ပံပညာရှင် သုံးထောင်ခန့် ထွက်ပေါ်လာခြင်းက လူသားတို့၏ နည်းပညာဖွံ့ဖြိုးတိုးတက်မှုအပေါ် တွန်းအားပေးနိုင်စွမ်းမှာ သာမန်သိပ္ပံပညာရှင် ထောင်ပေါင်းများစွာထက်ပင် ပိုမိုများပြားလှသည်။</p> <p>ဤအရေအတွက်မှာ နှစ်စဉ်နှစ်တိုင်း ဖြစ်ပေါ်နေမည်ဖြစ်ရာ ဗိုရှင်းဂြိုဟ်သားများဘက်တွင် တူညီသော ဦးနှောက်စွမ်းရည်မြှင့် နည်းပညာမျိုး မရှိသရွေ့ လူသားများနှင့် သူတို့ကြားမှ နည်းပညာကွာဟချက်သည် တဖြည်းဖြည်း ကျဉ်းမြောင်းလာမည်သာ ဖြစ်သည်။</p> <p>တစ်ခုတည်းသော ပြဿနာမှာ ဗိုရှင်းဂြိုဟ်သားများ မည်သည့်အချိန်တွင် ရောက်လာမည်နည်း ဆိုသည်ပင်ဖြစ်သည်။</p> <p>ပြီးခဲ့သည့်အကြိမ်ကဲ့သို့ အနှစ်ငါးဆယ်ခန့် အချိန်ယူရနိုင်သော်လည်း ထိုသို့ဖြစ်နိုင်ခြေမှာ အလွန်နည်းပါးလှသည်။ အဖြစ်နိုင်ဆုံးမှာ ဤသုံးလေးနှစ်အတွင်း သို့မဟုတ် ထို့ထက်ပင် ပို၍ မြန်ဆန်နိုင်သည်။</p> <p>ဤသည်မှာ လောင်းကစားတစ်ရပ်ပင်။ အကယ်၍ သူတစ်ယောက်တည်းသာ ဆိုပါက လော်ယွမ်သည် အိမ်ရာမဲ့ခွေးတစ်ကောင်လို ထွက်ပြေးပုန်းရှောင်နေမည့်အစား တစ်ကြိမ်တစ်ခါလောက်တော့ စွန့်စားကြည့်လိုက်မည်ဖြစ်သည်။ သို့သော် လူသားမျိုးနွယ်တစ်ခုလုံးအတွက်မူ ဤသို့စွန့်စားရန် မဖြစ်နိုင်ချေ။</p> <p>အကယ်၍ စစ်ရှုံးခဲ့ပါက လူသားများကို စောင့်ကြိုနေသည်မှာ မျိုးတုံးပျောက်ကွယ်ခြင်းသာ ဖြစ်ပေလိမ့်မည်။ ဗိုရှင်းဂြိုဟ်သားတို့သည် ၎င်းတို့အတွက် ကြီးမားသော ခြိမ်းခြောက်မှုဖြစ်စေနိုင်သည့်အပြင် သေခန်းပြတ် ရန်ငြိုးဖွဲ့ထားပြီးဖြစ်သော လူမျိုးတစ်မျိုးကို သူတို့အနီးအနားတွင် ဆက်လက်ရှင်သန်ခွင့် ပြုထားမည်မဟုတ်ပေ။</p> <p>ဤပေးဆပ်ရမှုက ကြီးမားလွန်းလှသည်။</p> <p>ရှင်သန်ရေးသည် ယဉ်ကျေးမှုတစ်ခု၏ ပထမဆုံးနှင့် အရေးအကြီးဆုံးသော တာဝန်ဖြစ်သည်။ ရှင်သန်နိုင်ရန်အတွက် အရာအားလုံးကို ရှောင်ကွင်းရမည်ဖြစ်ပြီး အင်အားကြီးမားသော ရန်သူကို ခေတ္တရှောင်ရှားရခြင်းမှာ ဘာမှမဟုတ်ပေ။</p> <p>သူက အဝေးမှ ကြယ်ရောင်များကို ငေးကြည့်နေမိသည်။ ထိုအရပ်မျက်နှာမှာ ဗိုရှင်းဂြိုဟ်သားများ ရှိနေသည့်နေရာပင် ဖြစ်သည်။ သူက အချိန်အတော်ကြာသည့်တိုင်အောင် မလှုပ်မယှက် ရပ်နေခဲ့ပြီး ဉာဏ်ရည်တုစနစ်၏ အသံထွက်ပေါ်လာမှသာ သတိပြန်ဝင်လာတော့သည်။</p> <p>"သတိပေးချက်... သံဓာတ်ပါဝင်သည့်ပစ္စည်းများ၏ လက်ကျန်မှာ ၃၁ ရာခိုင်နှုန်းသာ ကျန်ရှိတော့ပြီး အန္တရာယ်ရှိသည့်မျဉ်းနားသို့ ကပ်နေပါပြီ"</p> <p>လော်ယွမ်က တစ်ချက်ကြည့်လိုက်သော်လည်း သိပ်ပြီး ဂရုမစိုက်လှပေ။ ဤကာလအတွင်း အင်ဂျင်နီယာသုံး စက်ရုပ်အမြောက်အမြားကို ထုတ်လုပ်ခဲ့ရသဖြင့် သတ္တုဒြပ်စင် အများအပြား ကုန်ဆုံးသွားခဲ့ရသည်။ သို့သော် ထိုကုန်ဆုံးသွားမှု အများစုကို ဒြပ်စင်ခွဲထုတ်သည့် မီးဖိုမှတစ်ဆင့် ပြန်လည်ရယူနိုင်ပြီး လက်ကျန်ပမာဏကို ပြန်လည်ဖြည့်တင်းနိုင်သည်။</p> <p>"လက်ကျန် ဒြပ်စင်အားလုံးကို စာရင်းလုပ်ပြစမ်း"</p> <p>"ဟုတ်ကဲ့ပါ ယာဉ်မှုး"</p> <p>လော်ယွမ်က ဖန်သားပြင်ပေါ်ရှိ လက်ကျန်စာရင်းပြဇယားကို ကြည့်လိုက်သည်။ လက်ကျန်များထဲတွင် အနည်းဆုံးကုန်ကျသည်မှာ ရေဖြစ်ပြီး ထိုကုန်ကျမှုမှာ လျစ်လျူရှုထားနိုင်လောက်အောင် နည်းပါးလှသည်။</p> <p>မည်သို့ပင်ဆိုစေကာမူ အာကာသယာဉ်တွင် ပြီးပြည့်စုံသော ရေသံသရာလည်ပတ်မှုစနစ် ရှိနေပြီး သုံးစွဲပြီးရေများကို ပြန်လည်အသုံးပြုသည့် နည်းပညာမှာလည်း အလွန်ရင့်ကျက်နေပြီဖြစ်ရာ ရေတစ်စက်ကိုမျှ အလေအလွင့် ဖြစ်စေမည်မဟုတ်ပေ။</p> <p>ကုန်ကျသွားသော ရေများမှာ အနုမြူပေါင်းစပ်မှု လောင်စာအတွက် အသုံးပြုသွားခြင်းသာ ဖြစ်သည်။</p> <p>အခြားသော ဒြပ်စင်များမှာမူ အနည်းနှင့်အများဆိုသလို လက်ကျန်လျော့နည်းနေပြီဖြစ်သည်။ အများဆုံးကျန်ရှိနေသည်မှာ ၈၀ ရာခိုင်နှုန်းခန့်ဖြစ်ပြီး အနည်းဆုံးမှာမူ သံဒြပ်စင်ကဲ့သို့ပင် ၃၀ ရာခိုင်နှုန်းဝန်းကျင်သို့ ကပ်နေပြီဖြစ်သည်။</p> <p>အသစ်ထုတ်လုပ်ထားသော အမျိုးမျိုးသော အင်ဂျင်နီယာသုံး စက်ယန္တရားများ၊ စက်ကိရိယာများနှင့် အာကာသတိုက်လေယာဉ်များအပြင် လူနေထူထပ်သော စခန်းရှိ လူဦးရေ ၅ သန်း၊ ၆ သန်းခန့်၏ စားဝတ်နေရေးအတွက် လိုအပ်သော နေ့စဉ်သုံးပစ္စည်း အမျိုးမျိုးကလည်း ကြီးမားသော ကုန်ကျမှုတစ်ခုဖြစ်သည်။</p> <p>ဤဒြပ်စင်အများစုကို ပြန်လည်အသုံးပြုနိုင်သည် ဆိုသော်လည်း အစိတ်အပိုင်း အတော်များများမှာမူ အမြဲတမ်း အသုံးပြုသွားရမည်ဖြစ်သည်။</p> <p>"မထွက်ခွာခင် လက်ကျန်ပစ္စည်းတွေကို တစ်ကြိမ်လောက်တော့ ပြန်ဖြည့်ထားမှ ရမယ်ထင်တယ်" လော်ယွမ်က စိတ်ထဲမှ တိတ်တဆိတ် တွေးလိုက်သည်။</p> <p>............</p> <p>တစ်လကြာပြီးနောက်။</p> <p>ထိုအချိန်တွင် အာကာသသားရဲကြီး၏ ဝမ်းဗိုက်တစ်ခုလုံးကို ခွဲခြမ်းစိတ်ဖြာပြီးဖြစ်ကာ ဧရာမ ကလီစာအစိတ်အပိုင်းများကို အင်ဂျင်နီယာသုံးစက်ရုပ်များက အရေးပေါ်ယာဉ်ဆီသို့ ဆွဲယူပျံသန်းသွားကြသည်။</p> <p>ယခုအခါ အရေးပေါ်ယာဉ်တစ်ခုလုံးမှာ ဧရာမ ဓာတ်ခွဲခန်းကြီးတစ်ခုအဖြစ် ပြောင်းလဲသွားခဲ့ပြီဖြစ်သည်။ ခဲရည်စိမ်ထားသော လေလုံအကာအကွယ်ဝတ်စုံများကို ဝတ်ဆင်ထားသည့် သုတေသီအမြောက်အမြားသည် အသားတောင်၊ သွေးချောင်းများကြားတွင် အလုပ်များစွာဖြင့် ကူးလူးသွားလာနေကြသည်။ မြင်ကွင်းတစ်ခုလုံးမှာ သွေးသံရဲရဲဖြစ်နေပြီး သားသတ်ရုံတစ်ခုထဲသို့ ရောက်နေသကဲ့သို့ပင်။</p> <p>အလယ်ဗဟိုတွင် နှစ်ပိုင်းပိုင်းခံထားရသော်လည်း ပေတစ်ရာနီးပါး အမြင့်ရှိနေဆဲဖြစ်သော နှလုံးသားကြီးဘေးတွင် လူအများအပြား ဝိုင်းရံနေကြသည်။</p> <p>အနီးအနားရှိ အထူးတီထွင်ဖန်တီးထားသော ဧရာမစက်ကိရိယာကြီးတစ်ခုက စက်ရုပ်လက်တံများကို ဝှေ့ယမ်းကာ ၎င်းကို အသေးစိတ် စကင်ဖတ်စစ်ဆေးမှုများ ပြုလုပ်နေသည်။</p> <p>"အကျိတ်လုံးက အခဲပုံစံမဟုတ်ဘူး... ရှစ်လိမ်ခွေဖွဲ့စည်းပုံစနစ်နဲ့ တွေ့ရတယ်" မန်ကျွင်းဟွာက စကင်ဖတ်ထားသော သုံးဘက်မြင် ဖန်သားပြင်ကို သေချာကြည့်ရှုရင်း ပြောလိုက်ရာ ဘေးနားရှိ လက်ထောက်အချို့က ချက်ချင်း မှတ်တမ်းတင်လိုက်ကြသည်။</p> <p>သူ့ပုံစံက အတော်လေးငယ်ရွယ်ပြီး မျက်နှာသွင်ပြင်ကလည်း ကလေးဆန်နေဆဲဖြစ်သည်။ အသက် ၂၇ နှစ်သာရှိသေးပြီး သုတေသနလုပ်ငန်းခွင်သို့ ဝင်ရောက်လာသည်မှာ လေးနှစ်ခန့်သာ ရှိသေးသည်။</p> <p>သူသည် ကပ်ဘေးအပြီး သိပ္ပံသုတေသနအဖွဲ့သို့ အသစ်ဝင်ရောက်လာသော ပထမဆုံး ဘွဲ့ရကျောင်းသားအသုတ်မှ ဖြစ်သည်။ အလုပ်လုပ်သက် မကြာသေးသော်လည်း သူ၏စွမ်းဆောင်ရည်မှာ အလွန်ထူးချွန်လှသည်။</p> <p>ဤနှစ်များအတွင်း စွမ်းအင်မြင့်ရူပဗေဒနှင့် သင်္ချာနယ်ပယ်များတွင် ကောင်းမွန်သော ပင်ကိုယ်စွမ်းရည်များ ရှိကြောင်း ပြသနိုင်ခဲ့ပြီး အလုပ်သင်ကာလအတွင်းမှာပင် တန်ဖိုးရှိသော သုတေသနစာတမ်းများစွာကို ထုတ်ဝေနိုင်ခဲ့သည်။</p> <p>လူသားများနှင့် ဗိုရှင်းဂြိုဟ်သားများကြား အကြီးမားဆုံး ကွာဟချက်က ဘာလဲဟုမေးလျှင် သီအိုရီပိုင်းဆိုင်ရာ နယ်ပယ်ပင်ဖြစ်သည်ဟု ဖြေရပေမည်။</p> <p>ဤကဏ္ဍနှင့်ပတ်သက်၍ လူသားများ ရရှိထားသော အချက်အလက်မှာ အလွန်နည်းပါးလှပြီး လူသားများကိုယ်တိုင် ဖြည့်စွက်လေ့လာနေရသည်။</p> <p>ယခုလက်ရှိ လူသားတို့၏ နည်းပညာအဆင့်အတန်းနှင့် သီအိုရီအဆင့်အတန်းမှာ လုံးဝ ကိုက်ညီမှုမရှိဟု ဆိုနိုင်သည်။</p> <p>နည်းပညာများစွာကို မည်သို့ထုတ်လုပ်ရမည်ကို သိရှိပြီး ဗိုရှင်းဂြိုဟ်သားများနှင့် ကွာခြားမှုမရှိသော ထုတ်ကုန်များကို ထုတ်လုပ်နိုင်သော်လည်း ၎င်းကို ထောက်ပံ့ပေးနိုင်မည့် သက်ဆိုင်ရာ သီအိုရီ အထောက်အထားများ လုံးဝမရှိပေ။</p> <p>၎င်းမှာ ကျောင်းသားတစ်ယောက် ပုစ္ဆာတွက်ရာတွင် ဖော်မြူလာကို အလွတ်ကျက်မှတ်ပြီး အတင်းအကျပ် အစားသွင်းတွက်ချက်နေသော်လည်း အဘယ်ကြောင့် ဤသို့ဖြစ်ရသည်ကို လုံးဝနားမလည်နိုင်သည့် အခြေအနေမျိုးနှင့် တူနေသည်။</p> <p>ယခုအချိန်တွင် ၎င်း၏ သက်ရောက်မှုမှာ သိပ်မကြီးမားသေးသော်လည်း ဤကွက်လပ်ကို မဖြည့်ဆည်းနိုင်ပါက နည်းပညာဖွံ့ဖြိုးတိုးတက်မှုကို ဆိုးရွားစွာ ထိခိုက်စေမည်ဖြစ်သည်။</p> <p>ဝမ်းနည်းစရာကောင်းသည်မှာ သီအိုရီပိုင်းဆိုင်ရာ သုတေသနပညာရှင် အများစုမှာ ကပ်ဘေးမတိုင်မီက ရှင်းကျင်းမြို့တွင် ရှိနေခဲ့ကြခြင်းဖြစ်သည်။</p> <p>အဘယ်ကြောင့်ဆိုသော် ထိုနေရာရှိ စက်ကိရိယာများက ပိုမိုခေတ်မီဆန်းသစ်သောကြောင့် ဖြစ်သည်။</p> <p>မျှော်လင့်ချက်မြို့တော်နှင့် အခြားမြို့သုံးမြို့တွင် ကျန်ရစ်ခဲ့သူများမှာ လက်ချိုးရေတွက်၍ ရလောက်အောင်ပင် နည်းပါးလှသည်။</p> <p>မန်ကျွင်းဟွာသည် ထိုသို့သော အခြေအနေမျိုးအောက်တွင် ထင်ပေါ်ကျော်ကြားလာခဲ့ပြီး အဓိက အရည်အချင်းရှိသူတစ်ဦးအဖြစ် သတ်မှတ်ခံခဲ့ရသည်။</p> <p>လွန်ခဲ့သောတစ်နှစ်က ဉာဏ်ပညာဆေးရည်ကိုပင် ချီးမြှင့်ခံခဲ့ရပြီး ယခုအခါ အကြီးတန်း သုတေသီတစ်ဦး ဖြစ်နေလေပြီ။</p> <p>"အဏုကြည့်ဖွဲ့စည်းပုံမှာ ဆဲလ်တွေ မရှိဘူး... အဲဒီအစား ချည်မျှင်လို ဝါဂွမ်းလို အရာမျိုးတွေ တွေ့ရတယ်... ဖွဲ့စည်းပုံက အတော်လေး ခိုင်မာတယ်... သာမန်ကြွက်သားတွေထက် ခြောက်ဆ၊ အရေပြားထက် နှစ်ဆခွဲလောက် ပိုမိုခိုင်မာတယ်... တိကျတဲ့လုပ်ဆောင်ချက်ကိုတော့ ဆက်လက်လေ့လာဖို့ လိုအပ်သေးတယ်"</p> <p>"နှလုံးနဲ့ ဆက်သွယ်ထားတဲ့နေရာက... ဖွဲ့စည်းပုံက နည်းနည်း ထူးခြားနေတယ်" မန်ကျွင်းဟွာက ခဏမျှ ကြည့်ရှုပြီးနောက် ဖန်သားပြင်ပေါ်တွင် လျင်မြန်စွာ ခလုတ်အချို့ကို နှိပ်လိုက်သည်။</p> <p>ထိုဖွဲ့စည်းပုံအလွှာသည် အဏုကြည့်အဆင့်သို့ ချက်ချင်း ပြောင်းလဲသွားပြီး သူ၏မျက်လုံးများက အရောင်လက်သွားသည်။</p> <p>"ဒါက အက်တမ်စစ်ထုတ်တဲ့ ဇကာပဲ... အက်တမ်တွေနဲ့ မော်လီကျူးတွေကို စစ်ထုတ်ပေးတာ... ဒါက သူ့ရဲ့ စွမ်းအင်ဖြတ်သန်းတဲ့ လမ်းကြောင်းဖြစ်ဖို့ များတယ်"</p> <p>စွမ်းအင်သည် နှလုံး၏ စွမ်းအင်ဗဟိုချက်မှတစ်ဆင့် အကျိတ်လုံးဆီသို့ စီးဆင်းသွားပြီး အကျိတ်လုံးအတွင်းရှိ ရှစ်လိမ်ခွေ ဖွဲ့စည်းပုံမှတစ်ဆင့် စွမ်းအင်အဆင့်ကို မြှင့်တင်ကာ ဂမ်မာရောင်ခြည်တန်းအဖြစ် ပြောင်းလဲသွားခြင်းဖြစ်မည်ဟု သူ စိတ်ထဲမှ တွေးတောနေမိသည်။</p> <p>သို့သော် ဝမ်းနည်းစရာမှာ စွမ်းအင်ပို့ဆောင်သည့် လမ်းကြောင်းကို ရှာမတွေ့ခြင်းပင်။ ဤဂမ်မာရောင်ခြည်တန်း ပေါက်ကွဲမှုကို မည်သို့ထုတ်လွှတ်သနည်းဆိုသည်မှာ စဉ်းစားစရာပင်။</p> <p>စွမ်းအင်ကူးပြောင်းမှုလား... ဒါမှမဟုတ် တခြားဒြပ်ပစ္စည်းတွေရဲ့ ပြွန်လမ်းကြောင်းကနေလား။</p> <p>ဒီအကျိတ်လုံး ရာနဲ့ချီပြီး ဘယ်လိုမျိုး ပူးပေါင်းလုပ်ဆောင်ကြသလဲ။</p> <p>ပြီးတော့ ဒီလောက်တိုတောင်းတဲ့ အချိန်လေးအတွင်းမှာ ဘယ်လိုလုပ် ချက်ချင်း ပေါက်ကွဲထွက်သွားအောင် လုပ်နိုင်တာလဲ။</p> <p>......</p> <p>မရေမတွက်နိုင်သော အတွေးအမြင်များက မန်ကျွင်းဟွာ၏ ဦးနှောက်ထဲမှ ပေါက်ကွဲထွက်ပေါ်လာသော်လည်း ၎င်းက သူ၏ တွေဝေမှုများကို ပိုမိုနက်ရှိုင်းသွားစေသည်။</p> <p>ကံမကောင်းစွာဖြင့် ရရှိထားသော အချက်အလက်များက နည်းပါးလွန်းနေသေးရာ ပိုမိုနက်ရှိုင်းပြီး ကျယ်ပြန့်သော သုတေသနများ ပြုလုပ်ရန် လိုအပ်နေသေးသည်။</p> <p>သူက ခေါင်းကို ကုတ်လိုက်မိသည်။ ဉာဏ်ပညာဆေးရည်ကို သောက်သုံးပြီးကတည်းက သူ့ကို ဤမျှလောက် အချိန်ကြာမြင့်စွာ ခေါင်းစားစေသည့်ကိစ္စမျိုး မရှိသလောက် နည်းပါးသွားခဲ့ပြီဖြစ်သည်။</p> <p>သို့သော် ဤအရာက သူ၏ စိတ်ဝင်စားမှုကို ပိုမိုနှိုးဆွပေးလိုက်သကဲ့သို့ ဖြစ်သွားသည်။</p> <p>ဒီအထဲမှာ လူမသိသူမသိတဲ့ လှုံ့ဆော်မှုပုံစံတစ်မျိုးမျိုး သေချာပေါက် ရှိရမည်... ရှာမတွေ့သေးတဲ့ ရူပဗေဒ၊ ဓာတုဗေဒ ဖြစ်စဉ်တစ်ခုခုလည်း ဖြစ်နိုင်သည်။</p> <p>သူ တစ်နေကုန် အလုပ်များနေခဲ့သော်လည်း ရလဒ်ကတော့ အကန့်အသတ်နှင့်သာ ရှိနေခဲ့သည်။ အဘယ်ကြောင့်ဆိုသော် ဤနေရာရှိလုပ်ငန်းမှာ အသုံးဝင်သော အစိတ်အပိုင်းများကို ရွေးချယ်ရန်အတွက် အကိုးအကားအဖြစ်သာ အသုံးပြုသော ကနဦးသုတေသနမျှသာ ဖြစ်သောကြောင့်ပင်။ ပိုမိုနက်ရှိုင်းသော သုတေသနများအတွက်မူ မိခင်ယာဉ်ကြီးဆီသို့ ပြန်သွားမှသာ ပြုလုပ်နိုင်မည်ဖြစ်သည်။</p> <p>သို့သော် ဤအကျိတ်လုံးသည် ဂမ်မာရောင်ခြည်တန်း ပေါက်ကွဲမှု ထုတ်လွှတ်ခြင်းနှင့် လုံးဝသက်ဆိုင်နေကြောင်းကိုတော့ သူ သေချာပေါက် အတည်ပြုနိုင်ခဲ့သည်။</p> <p>ညစာစားချိန်တွင် သူနှင့် တစ်ဝိုင်းတည်းထိုင်နေသော သုတေသီအချို့နှင့် ခဏတဖြုတ် ဆွေးနွေးဖြစ်ခဲ့သည်။</p> <p>သူတို့ထဲမှ တစ်ဦးမှာ ဇီဝအာရုံကြောနယ်ပယ်မှ ကျွမ်းကျင်သူတစ်ဦးဖြစ်ပြီး သူ၏ အကြံဉာဏ်အချို့က မန်ကျွင်းဟွာကို အတွေးသစ် အမြင်သစ်များစွာ ရရှိစေခဲ့သည်။</p> <p> </p> <p> </p> <p> </p> <p>ဆက်ရန်...</p> <p> </p> <p> </p> <p> </p> <p style="text-align: center;">***</p>


Save