Book List

<h2 style="text-align: center;">အပိုင်း(၅၂၀)</h2> <h2 style="text-align: center;">သာလွန်ထူးကဲသော စွမ်းအား</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>လေးဘက်မြင်ကမ္ဘာသည် သုံးဘက်မြင်ကမ္ဘာနှင့် မတူညီပေ။ သုံးဘက်မြင်ကမ္ဘာတွင် စွမ်းအင်အများစုသည် ကြယ်များကဲ့သို့သော ဟိုတစ်ပွင့် ဒီတစ်ပွင့်သာ စုစည်းနေတတ်သော်လည်း လေးဘက်မြင်ကမ္ဘာတွင်မူ စွမ်းအင်များ ပင်လယ်ရေပြင်ကြီးသဖွယ် ပြည့်နှက်နေလေသည်။</p> <p>အဆုံးအစမဲ့သော အမှောင်စွမ်းအင်တို့မှာ ဒီရေလှိုင်းများပမာ နိမ့်ချည်မြင့်ချည် လှုပ်ခတ်နေသည်။</p> <p>အနည်းငယ်မျှသော ဂယက်ထမှုလေးကပင် ကောင်းကင်နှင့်မြေကြီးကို ဖျက်ဆီးပစ်နိုင်လောက်သည့် စွမ်းအင်မုန်တိုင်းတစ်ခုအဖြစ် ပြောင်းလဲသွားနိုင်သည်။</p> <p>သူ၏ခန္ဓာကိုယ်မှာ အတိုင်းအတာတစ်ခုအထိ အဆင့်တက်လာစဉ်အတွင်း အမှောင်စွမ်းအင်များ၏ ဆေးကြောသန့်စင်မှုကို ခံယူခဲ့ရပြီးဖြစ်၍ ယခုအခါ အတော်အသင့် ခံနိုင်ရည်ရှိနေပြီ ဖြစ်သော်လည်း ထိုစွမ်းအင်ပင်လယ်ပြင်ကြီးထဲတွင်မူ အလွယ်တကူ စုတ်ပြဲပျက်စီးသွားနိုင်သော စက္ကူလှေငယ်လေးတစ်စင်းနှင့် တူနေဆဲပင်။ အနည်းငယ်မျှ ပေါ့ဆမိသည်နှင့် လှေကွဲကာ လူပါသေဆုံးသွားနိုင်ချေ ရှိနေသည်။</p> <p>ဤသည်မှာ အတိုင်းမသိ အန္တရာယ်များလှသော ကမ္ဘာတစ်ခုဖြစ်သည်။ ဓားတောင်များကိုကျော်၍ မီးပင်လယ်များကို ဖြတ်သန်းရသည်ထက်ပင် အဆပေါင်းများစွာ ပိုမိုကြောက်မက်ဖွယ် ကောင်းလှသည်။</p> <p>လော်ယွမ်က အတိတ်က သူ မကြာခဏ အသုံးပြုခဲ့သော လေဟာနယ် ဖြတ်သန်းသွားလာခြင်း စွမ်းရည်များကို ပြန်တွေးမိပြီး နောက်ကျမှ ကြောက်စိတ်ဝင်လာမိသည်။ ထိုအချိန်က သူ၏ ခန္ဓာကိုယ်သည် ယခုလောက် မသန်မာခဲ့ပေ။</p> <p>ကံကောင်းသည်မှာ ယခင်က သူ၏ လေဟာနယ် ဖြတ်သန်းသွားလာမှုများသည် အကွာအဝေးတိုတောင်းလှပြီး လေးဘက်မြင်ကမ္ဘာတွင် နေထိုင်ရသည့် အချိန်မှာလည်း အလွန်တိုတောင်းလှသည်။</p> <p>စက္ကန့်တစ်ဘီလီယံပုံ တစ်ပုံမျှပင် မကြာခဲ့ပေ။ လက်ညှိုးဖြင့် ဖယောင်းတိုင်မီးလျှံကို လျင်မြန်စွာ ဖြတ်သန်းလိုက်သည့်အခါ အပူမလောင်နိုင်သကဲ့သို့ပင် သူ၏ အစောပိုင်း ကူးပြောင်းမှုများတွင် မည်သည့် မတော်တဆမှုမျှ မဖြစ်ပွားခဲ့ခြင်း ဖြစ်သည်။</p> <p>ထိုစဉ် ဤလေဟာနယ်ထဲ၌ တဖြည်းဖြည်း လေတိုက်ခတ်လာသည်ကို သူ သတိပြုမိလိုက်သည်။ အစပိုင်းတွင် လေပြေလေးသာ ဖြစ်သော်လည်း မကြာမီမှာပင် လေပြင်းများအဖြစ်သို့ ပြောင်းလဲသွားပြီး နောက်ဆုံးတွင် မုန်တိုင်းကြီးပမာ တိုက်ခတ်လာလေသည်။</p> <p>လော်ယွမ်သည် သူ၏ လက်ဝါးကို တစ်ချက်ပြန်ကြည့်လိုက်ပြီး လက်ချောင်းများ လှုပ်ရှားနေမှုကို ကပျာကယာ ရပ်တန့်လိုက်သည်။ ထိုအခါမှသာ တိုက်ခတ်နေသော လေပြင်းမုန်တိုင်းကြီးမှာ ချက်ချင်းဆိုသလို ငြိမ်သက်သွားတော့သည်။</p> <p>သူ့အနေဖြင့် လက်ရှိခန္ဓာကိုယ်၏ စွမ်းအား မည်မျှကြီးမားနေသည်ကို တိတိကျကျ မသိသေးပေ။ ဤတစ်ကြိမ် အဆင့်တက်ခြင်းက သူ့ကို ယခင်ကထက် အဆပေါင်းများစွာ သန်မာလာစေပြီး အဆုံးမရှိသော စွမ်းအားများက သူ၏ ခန္ဓာကိုယ်တစ်ခုလုံးတွင် ပြည့်လျှံနေသည်ကိုသာ သူ သိထားသည်။</p> <p>သူ၏ အမြင်တွင် ဤအာကာသယာဉ်ကြီးမှာ အလွန်တရာ ကျွတ်ဆတ်လွန်းလှပြီး သူသာ ဆန္ဒရှိပါက မျက်တောင်တစ်ခတ်အတွင်း အလုံးစုံ ဖျက်ဆီးပစ်နိုင်စွမ်း ရှိနေသည်ဟု ခံစားရသည်။ သို့သော် သူ၏ အစွမ်း မည်မျှအထိ ရောက်ရှိနေပြီဆိုသည်ကိုမူ ခန့်မှန်း၍ မရသေးပေ။</p> <p>သို့သော်လည်း ယခုလေးတင် သူ လက်ချောင်းများကို အနည်းငယ် လှုပ်ရှားလိုက်ရုံဖြင့် ဤနေရာတွင် လေပြင်းမုန်တိုင်းကြီးတစ်ခုကို ဖြစ်ပေါ်စေခဲ့သည် မဟုတ်ပါလော။</p> <p>သူ၏ စွမ်းအားကို ပိုမိုတိကျစွာ စမ်းသပ်နိုင်ရန်အတွက် လော်ယွမ်က သူ၏လက်ဝါးကို ဖြည်းညှင်းစွာ ဆုပ်ကြည့်လိုက်သည်။</p> <p>မျက်စိဖြင့် မမြင်နိုင်သော လေထုကို သူ၏ လက်ဝါးကြီးဖြင့် ဆုပ်ကိုင်လိုက်မိသကဲ့သို့ ဖြစ်သွားပြီး "ဝုန်း" ဟူသော ပေါက်ကွဲသံကြီး ထွက်ပေါ်လာသည်။</p> <p>သူ၏ အမြင်တွင်မူ ကမ္ဘာကြီးတစ်ခုလုံး၏ အပြောင်းအလဲများသည် အလွန်တရာ နှေးကွေးနေပြီး လေထု၏ အသေးစား ပြောင်းလဲမှုနှင့် လှိုင်းထမှုတိုင်းကို သူ၏ မျက်စိနှင့် အာရုံခံစားမှုတို့က ရှင်းလင်းစွာ သိမြင်နေသည်။</p> <p>သူ လက်သီးဆုပ်လိုက်သော အခိုက်အတန့်လေးမှာပင် လေထုက ပြင်းထန်စွာ ပွတ်တိုက်မိသွားပြီး နေမင်းကြီးပမာ စူးရှတောက်ပသော မီးတောက်များ ထွက်ပေါ်လာကာ ဘေးပတ်ဝန်းကျင်သို့ ပြန့်နှံ့သွားသော အဖျက်စွမ်းအားလှိုင်းတစ်ခု ပါဝင်လာသည်ကို သူ အလွန် ရှင်းလင်းပြတ်သားစွာ မြင်တွေ့နေရသည်။</p> <p>အစပိုင်းတွင် ထိုအဖျက်စွမ်းအားလှိုင်းမှာ အပြာနုရောင် အခိုးအငွေ့များ ဖြစ်ပြီး အရည်ကဲ့သို့ အသွင်အပြင်ရှိသည်။ ၎င်းမှာ လေထုကို အစွန်အဖျားအထိ ဖိသိပ်လိုက်ရာမှ အရည်အဖြစ်သို့ ပြောင်းလဲသွားလုမတတ် ဖြစ်သွားခြင်းပင်။</p> <p>သို့သော် ထိုအရောင်မှာ စက္ကန့်ဆယ်ပုံတစ်ပုံခန့်သာ ကြာမြင့်ပြီး ချက်ချင်းဆိုသလို အဖြူရောင်အဖြစ်သို့ ပြောင်းလဲသွားသည်။</p> <p>ငြိမ်သက်နေသော ရေပြင်ထဲသို့ ကျောက်ခဲတစ်လုံး ပစ်ချလိုက်သကဲ့သို့ လေထုထဲတွင် အဖြူရောင် လှိုင်းဂယက်များ ထွက်ပေါ်လာပြီး ဘေးပတ်ဝန်းကျင်သို့ တဖြည်းဖြည်း ရွေ့လျားသွားလေသည်။</p> <p>လှပသော်လည်း အလွန်အန္တရာယ်များလှပေသည်။</p> <p>သို့သော်လည်း ထိုအန္တရာယ်များသော အဖျက်စွမ်းအားလှိုင်းများက အရာဝတ္ထုများကို မဖျက်ဆီးမီမှာပင် လော်ယွမ်၏ စိတ်အာရုံ စေခိုင်းမှုကြောင့် မမြင်ရသော လက်ဝါးကြီးတစ်ဖက်က ဖွဖွလေး ပွတ်ဆွဲလိုက်သကဲ့သို့ ဖြစ်သွားပြီး အရာအားလုံးမှာ ချက်ချင်းဆိုသလို လေငြိမ်လှိုင်းအေး သွားတော့သည်။</p> <p>လော်ယွမ်၏ မျက်နှာမှာ ထုံပေပေ ဖြစ်သွားပြီး အတန်ကြာမှ လက်ဝါးကို ပြန်ဖြန့်လိုက်သည်။ လက်ထဲမှ အပြာရင့်ရောင် ရေခဲပွင့်လေးများ မြေပြင်ပေါ်သို့ ပြန့်ကျသွားပြီး "ချလွင်" ဟူသော ကြည်လင်သည့် အသံများ ထွက်ပေါ်လာကာ အချိန်အတော်ကြာသည်အထိ အရည်မပျော်ဘဲ ရှိနေသည်။</p> <p>သူ၏ ခန္ဓာကိုယ်မှာ လူစွမ်းအားဖြင့် လျှောက်လှမ်းနေသော အနုမြူဗုံး တစ်လုံးသဖွယ် ဖြစ်နေချေပြီ။ သူ၏ လှုပ်ရှားမှုတိုင်းက လက်တွေ့ကမ္ဘာကြီးအပေါ် ကြီးမားသော ဂယက်ရိုက်ခတ်မှုများကို ဖြစ်ပေါ်စေနိုင်သည်။</p> <p>ဤအရာသည် သာမန် စွမ်းအားထိန်းချုပ်မှုမျိုးဖြင့် ထိန်းချုပ်၍ ရနိုင်သောအရာ မဟုတ်တော့ပေ။ သူ၏ ကြွက်သားများ သဘာဝအလျောက် လှုပ်ရှားသွားမှုလေး သို့မဟုတ် မရည်ရွယ်ဘဲ တွေးလိုက်မိသော စိတ်ကူးလေး တစ်ခုကပင် သာမန်လူတစ်ယောက်ကို သေဆုံးစေနိုင်သည်။</p> <p>အခြားသူများနှင့် အတူယှဉ်တွဲ နေထိုင်ရန် ဆိုသည်မှာ ဝေလာဝေး၊ အနီးကပ် ချဉ်းကပ်ရန်ပင် အလွန်တရာ အန္တရာယ်များလှသော ကိစ္စရပ်တစ်ခု ဖြစ်နေပေသည်။</p> <p>လော်ယွမ်သည် စိတ်ထဲတွင် ဗျာများလာပြီး စိတ်အခြေအနေလည်း အလွန် ဆိုးရွားလာသည်။</p> <p>အချိန်အတော်ကြာမှသာ လက်ရှိအခြေအနေကို လက်ခံလိုက်ပြီး အရည်အသွေးပြဇယားကို ဖွင့်ကြည့်လိုက်သည်။</p> <p>အမည် - လော်ယွမ်</p> <p>အလုပ်အကိုင် - မုဆိုး</p> <p>အဆင့် - ၁၃</p> <p>အတွေ့အကြုံ - ၃၇၃၅၂၀ / ၁၂၂၈၈၀၀</p> <p>အရည်အသွေးများ</p> <p>ခွန်အား - ၅၂ (၁၀)</p> <p>လျင်မြန်မှု - ၂၇ (၁၀)</p> <p>ကြံ့ခိုင်မှု - ၅၃+၃၇ (၁၀)</p> <p>ဉာဏ်ရည် - ၃၄ (၁၀)</p> <p>အာရုံခံနိုင်စွမ်း - ၂၃+၁ (၁၀)</p> <p>စိတ်စွမ်းအား - ၂၆+၁ (၁၀)</p> <p>ကျွမ်းကျင်မှုများ</p> <p>သိပ္ပံ ကျွမ်းကျင်အဆင့် - ၁၂</p> <p>သင်္ချာ ကျွမ်းကျင်အဆင့် - ၇</p> <p>လက်နက်မဲ့တိုက်ခိုက်ခြင်း ကျွမ်းကျင်အဆင့် - ၁၁</p> <p>ဓားပညာ ကျွမ်းကျင်အဆင့် - ၁၅</p> <p>သေနတ်ပစ်ခတ်ခြင်းပညာ ကျွမ်းကျင်အဆင့် - ၈</p> <p>ပစ်ပေါက်ခြင်း ကျွမ်းကျင်အဆင့် - ၂</p> <p>အထူးကျွမ်းကျင်မှု - အမျိုးအမည်ခွဲခြားအစွမ်း၊ ပေါင်းစပ်အစွမ်း၊ ထောက်လှမ်းအစွမ်း</p> <p>ပင်ကိုယ်အစွမ်းများ</p> <p>မြေလှိုင်းကြိမ်နှုန်း - အဆင့် ၃၇</p> <p>ပေါင်းစပ်ခန္ဓာကိုယ် - အဆင့် ၂၅</p> <p>လေးဖက်မြင်လေဟာနယ်ခရီးသွားခြင်း - အဆင့် ၂၆</p> <p>လေးဘက်မြင် အမြင်အာရုံ - ၅၀%</p> <p>လေးဘက်မြင် ဦးနှောက် - ၂၀%</p> <p>လေးဘက်မြင် ခန္ဓာကိုယ် - ၅%</p> <p>အရည်အသွေးအားလုံးမှာ မျက်စိကျိန်းလောက်အောင် အံ့မခန်း ဖြစ်နေသည်။</p> <p>ဤတစ်ကြိမ် အဆင့်တက်မှုသည် ပြီးပြည့်စုံခြင်း မရှိသေးသော်လည်း အသက်ဇီဝအရမူ ကြီးမားသော ခုန်ပျံကျော်လွှားမှု တစ်ခုပင် ဖြစ်သည်။</p> <p>အာကာသ ဧရာမသားရဲကြီးများနှင့် ယှဉ်လျှင်ပင် ယခုလက်ရှိ သူ၏ အနေအထားနှင့် သိပ်မကွာလှတော့ပေ။ လူတစ်ပိုင်း နတ်တစ်ပိုင်းဟု ခေါ်ဆိုလျှင်ပင် လွန်အံ့မထင်ပေ။</p> <p>အများဆုံး ပြောင်းလဲသွားသည်မှာ ခွန်အားပင် ဖြစ်သည်။ ခန္ဓာကိုယ် ကြီးမားလာခြင်းကြောင့် ပိုမို၍ အထောက်အပံ့ ရရှိခြင်းလည်း ဖြစ်ကောင်းဖြစ်နိုင်သည်။</p> <p>ခွန်အားမှာ အဆပေါင်း သုံးထောင်ကျော်အထိ တိုးလာပြီး ပေါင်သန်းပေါင်း လေးထောင်နီးပါးအထိ ရောက်ရှိသွားသည်။</p> <p>လျင်မြန်မှုပိုင်းတွင် များများစားစား မတိုးလာသော်လည်း အဆ ခြောက်ဆယ်ကျော်ခန့် မြင့်တက်လာသည်။ ဉာဏ်ရည်မှာမူ အံ့အားသင့်ဖွယ်ရာ ၃၄ မှတ်အထိ ရောက်ရှိသွားပြီး အခြားသော အရည်အသွေးများမှာလည်း ပြောင်းလဲမှု ကြီးမားလှသည်။</p> <p>သို့သော်လည်း ဤအရည်အသွေးများ တိုးတက်လာခြင်းမှာ အကျိုးဆက်သာ ဖြစ်ပြီး အကြောင်းရင်း မဟုတ်ပေ။ အရာအားလုံးမှာ လေးဘက်မြင် အသွင်ပြောင်းလဲခြင်း၏ ဘေးထွက်ဆိုးကျိုးများသာ ဖြစ်သည်။</p> <p>"လေးဘက်မြင် အမြင်အာရုံ"</p> <p>"လေးဘက်မြင် အသွင်ပြောင်းလဲမှု - ၅၀%"</p> <p>"အာနိသင် - လေးဘက်မြင် ကမ္ဘာကြီးသည် သင့်မျက်စိရှေ့တွင် အထင်းသား ပေါ်လွင်နေမည်ဖြစ်ပြီး လေးဘက်မြင် ကမ္ဘာ၏ အရာခပ်သိမ်းကို သင် ဂရုတစိုက် လေ့လာစူးစမ်းနိုင်သည်"</p> <p>"သုံးသပ်ချက် - လေးဘက်မြင် ကမ္ဘာသည် အလွန် ကျယ်ပြောလှပြီး အဆုံးမဲ့ လျှို့ဝှက်ချက်များ ကိန်းအောင်းနေပုံရသည်"</p> <p>"သတိပေးချက် - လေးဘက်မြင် သက်ရှိများကို ရှာဖွေရန် မကြိုးစားပါနှင့်။ အလွန်တရာ အန္တရာယ်များသည်"</p> <p>ထိုသတိပေးချက်ကို မြင်လိုက်ရသောအခါ လော်ယွမ်၏ မျက်နှာထား အနည်းငယ် ပြောင်းလဲသွားသည်။ သူက လေးဘက်မြင် ဦးနှောက်၏ ကဏ္ဍအခွဲကို ထပ်ဖွင့်ကြည့်လိုက်သည်။</p> <p>"လေးဘက်မြင် ဦးနှောက်"</p> <p>"လေးဘက်မြင် အသွင်ပြောင်းလဲမှု - ၂၀%"</p> <p>"အာနိသင် (၁) - ၁၂ စက္ကန့်စာ ကြိုတင်သိမြင်နိုင်ခြင်း"</p> <p>"သုံးသပ်ချက် - ... "</p> <p>"အာနိသင် (၂) - ကွမ်တမ် ဦးနှောက်"</p> <p>"သုံးသပ်ချက် - သင်၏ ဦးနှောက်သည် ကွမ်တမ် ကွန်ပျူတာတစ်လုံးကဲ့သို့ ဖြစ်နေပြီဖြစ်သည်"</p> <p>"အာနိသင် (၃) - စိတ်ချင်းဆက်သွယ်နိုင်စွမ်း"</p> <p>"အာနိသင် - မည်သည့် အာရုံခံစားမှု အင်္ဂါကိုမျှ အသုံးမပြုဘဲ သတင်းအချက်အလက်များကို မည်သည့် သက်ရှိထံသို့မဆို စိတ်ပိုင်းဆိုင်ရာ ကွမ်တမ်လှိုင်း အသွင်ဖြင့် တိုက်ရိုက် ပေးပို့နိုင်စွမ်း"</p> <p>"သုံးသပ်ချက် - သင်သည် လေးဘက်မြင် သက်ရှိများ၏ အခြေခံ ဆက်သွယ်ရေးစွမ်းရည်ကို ကနဦး ပိုင်ဆိုင်ထားပြီဖြစ်သည်"</p> <p>...</p> <p>"လေးဘက်မြင် ခန္ဓာကိုယ်"</p> <p>"လေးဘက်မြင် အသွင်ပြောင်းလဲမှု - ၅%"</p> <p>"အာနိသင် (၁) - ကနဦး အမှောင်စွမ်းအင်နှင့် သဟဇာတဖြစ်သော ခန္ဓာကိုယ်"</p> <p>"သုံးသပ်ချက် - သင်သည် အမှောင်စွမ်းအင်ကို အနည်းငယ် စုပ်ယူ အသုံးပြုနိုင်ပြီဖြစ်ရာ သင်၏ လှုပ်ရှားမှုတိုင်းတွင် သာလွန်ထူးကဲသော စွမ်းအားများ ပါဝင်နေပြီဖြစ်သည်"</p> <p>"အာနိသင် (၂) - ကနဦး အကန့်အသတ်မဲ့ ခန္ဓာကိုယ်"</p> <p>"သုံးသပ်ချက် - လေးဘက်မြင်တစ်ပိုင်း ဝိသေသလက္ခဏာများက သင်၏ ခန္ဓာကိုယ်ကို သုံးဘက်မြင် ရူပဗေဒ၏ အမြင့်ဆုံး အကန့်အသတ်များဆီသို့ ချဉ်းကပ်သွားစေသည်။ သင်သည် ဖျက်ဆီးရခက်ခဲသော အရာတစ်ခု ဖြစ်လာမည်။ မကြာမီ အချိန်အတွင်း ကြယ်များ၏ ဗဟိုချက်မှ အပူချိန်သည်ပင်လျှင် သင့်အတွက် ခပ်ကြီးကြီး ရေချိုးကန်တစ်ခုမျှသာ ဖြစ်လာပေလိမ့်မည်"</p> <p>လော်ယွမ်က ထိုစနစ်ကို ကြည့်ရင်း ရုတ်တရက် အေးစက်စက် ပြုံးလိုက်သည်။ ယခုလေးတင် သူ၏ ခန္ဓာကိုယ်ထဲမှ အလွန် သေးငယ်ပြီး သတိမပြုမိနိုင်လောက်သော သတင်းအချက်အလက် လှိုင်းဂယက်လေးတစ်ခု ထွက်ပေါ်လာကာ လေးဘက်မြင် ကမ္ဘာထဲသို့ ချက်ချင်း ဝင်ရောက် ပျောက်ကွယ်သွားသည်ကို သူ ခံစားလိုက်ရသည်။</p> <p>ယခင်ကဆိုလျှင် အဆုံးအစမဲ့သော အမှုန်များ လှုပ်ရှားနေသည့် ဤနေရာတွင် ရောနှောနေသော ထိုသို့သော သတင်းအချက်အလက် လှိုင်းဂယက်များကို သူ သတိပြုမိနိုင်မည် မဟုတ်ပေ။</p> <p>သို့သော် ယခုအချိန်တွင်မူ သူ၏ ခန္ဓာကိုယ် အတွင်းပိုင်းတွင်ဖြစ်စေ၊ ပြင်ပ ပတ်ဝန်းကျင်တွင်ဖြစ်စေ သတင်းအချက်အလက် အားလုံးကို အပြည့်အဝ ထိန်းချုပ် သိရှိနိုင်သော အရာခပ်သိမ်းကို သိမြင်စွမ်းနိုင်သည့် အခြေအနေတွင် ရှိနေသည်။</p> <p>ထို့ကြောင့် အနီးအနားရှိ မည်သည့် ပုံမှန်မဟုတ်သော သေးငယ်သည့် အပြောင်းအလဲများကိုမဆို သူ ရှင်းလင်းစွာ သိမြင်နေသည်။</p> <p>ဤစနစ်ကို တီထွင်ခဲ့သော ယဉ်ကျေးမှုအဖွဲ့အစည်း၏ ရည်ရွယ်ချက်မှာ သာမန်ရိုးရှင်းလှသည်တော့ မဟုတ်ပေ။ ၎င်းစနစ်တွင် သတင်းအချက်အလက် စုဆောင်းသည့် လုပ်ဆောင်ချက်များ ပါဝင်နေပုံရသည်။</p> <p>ထို့အပြင် လေးဘက်မြင် သက်ရှိများနှင့် ပတ်သက်၍ ဤစနစ်က မကြာခဏ သတိပေးချက်များ ထုတ်ပြန်ခြင်းကို ကြည့်ခြင်းအားဖြင့် သူ၏ ယခင်က ခန့်မှန်းချက်များနှင့် ပေါင်းစပ်ကာ ဤစနစ်၏ ရည်ရွယ်ချက်နှင့် ဇာစ်မြစ်ကို သူ အကြမ်းဖျင်း သုံးသပ်မိသွားသည်။</p> <p>ဤစနစ်ကို တီထွင်ခဲ့သော ယဉ်ကျေးမှုအဖွဲ့အစည်းသည် လူသားများ၏ စိတ်ကူးဉာဏ်ထက် များစွာ သာလွန်သည့် အဆင့်မြင့် စူပါအဖွဲ့အစည်းတစ်ခု ဖြစ်ပေမည်။</p> <p>၎င်းတို့၏ နည်းပညာများ တိုးတက်လာချိန်တွင် လေးဘက်မြင် ကမ္ဘာကို ရှာဖွေတွေ့ရှိခဲ့ပြီး နောက်ဆုံးတွင် လေးဘက်မြင် သက်ရှိများကို ရှောင်လွှဲမရဘဲ တွေ့ရှိခဲ့ကာ ထိုလေးဘက်မြင် သက်ရှိများနှင့် စစ်ပွဲများပင် ဖြစ်ပွားခဲ့ဖူးပေလိမ့်မည်။</p> <p>မည်သို့ပင်ဆိုစေ စစ်ပွဲ မဖြစ်ပွားခဲ့လျှင်တောင်မှ နည်းပညာပိုင်းဆိုင်ရာ ယဉ်ကျေးမှုအဖွဲ့အစည်း တစ်ခုအနေဖြင့် နတ်ဘုရားများသဖွယ် ဖြစ်နေသော ထိုသို့သော လေ့လာစူးစမ်းစရာ သတ္တဝါများကို အလွတ်ပေးမည် မဟုတ်ပေ။</p> <p>၎င်းတို့သည် လေးဘက်မြင် သက်ရှိများကို စတင် ထောက်လှမ်း လေ့လာခဲ့ကြပြီး နောက်ဆုံးတွင် လူသားဖန်တီးမှုဖြင့် လေးဘက်မြင် သက်ရှိများကို ဖန်တီးရန်ပင် ကြိုးစားခဲ့ကြပေမည်။</p> <p>ဤစနစ်မှာ ၎င်းတို့၏ လူသားဖန်တီးမှု လေးဘက်မြင် သက်ရှိ စမ်းသပ်ချက်၏ အစိတ်အပိုင်းတစ်ခု ဖြစ်နိုင်ခြေ အလွန်များပြားပြီး သူကိုယ်တိုင်က ထိုစမ်းသပ်ခံများထဲမှ တစ်ဦး ဖြစ်နေသည်။</p> <p>စနစ်မှတစ်ဆင့် စွမ်းအင်များကို စုဆောင်းကာ စမ်းသပ်ခံကို အဆက်မပြတ် သန်မာလာစေပြီး နောက်ဆုံးတွင် အဆင့်တက်စေမည့် ရည်ရွယ်ချက်ကို အကောင်အထည်ဖော်ခြင်း ဖြစ်သည်။ စနစ်ကမူ ဤဖြစ်စဉ်အတွင်း စမ်းသပ်ခံ၏ အဆင့်တက်ခြင်းဆိုင်ရာ အချက်အလက်များကို စုဆောင်းနေခြင်းသာ ဖြစ်ပေလိမ့်မည်။</p> <p> </p> <p> </p> <p> </p> <p>ဆက်ရန်...</p> <p> </p> <p> </p> <p> </p> <p> </p> <p> </p> <p style="text-align: center;">***</p>


Save