Book List

<h2 style="text-align: center;">အခန်း (၁၄၂)</h2> <h2 style="text-align: center;">ရှန်ကွမ်းကျန်းနန်</h2> <h2 style="text-align: center;">*</h2> <h2 style="text-align: center;"> </h2> <p> </p> <p>"ကောင်ကင်မျက်နှာကြက်လား..."</p> <p>ဟောက်ရှီရီသည် လင်းဖုန်းကို တစ်ချက် ကြည့်လိုက်သည်။ သူ့မျက်လုံးများတွင်လည်း ဇဝေဇဝါဖြစ်မှု အရိပ်အယောင်တစ်ခု ရှိနေပုံရသည်။</p> <p>"သခင်ဟောက်ရှီရီ... ကောင်းကင်မျက်နှာကြက်ကို ခင်ဗျား မြင်ဖူးလား။ ကောင်းကင်မျက်နှာကြက်ရဲ့ အပြင်ဘက် စကြဝဠာထဲမှာ ဘာတွေရှိလဲ"</p> <p>အမှန်တကယ်တော့ ကောင်းကင်မျက်နှာကြက်အပြင်ဘက် စကြဝဠာထဲတွင် သူတို့ကဲ့သို့ အခြားသော ဉာဏ်ရည်မြင့် သက်ရှိများ ရှိမရှိကို လင်းဖုန်း မေးချင်ခဲ့ခြင်း ဖြစ်သည်။ ဤသည်မှာ သိပ္ပံလောကတွင် အမြဲတမ်း ငြင်းခုံနေရသော မေးခွန်းတစ်ခု ဖြစ်သည်။</p> <p>ဟောက်ရှီရီ ခေါင်းခါကာ ပြောလိုက်သည်။</p> <p>"ငါ ကောင်းကင်မျက်နှာကြက်ကို တစ်ခါမှ မမြင်ဖူးဘူး။ ဒါပေမဲ့ သခင်သူတော်စင်တွေကတော့ မြင်ဖူးမှာ သေချာတယ်။ ကောင်းပြီ... မင်း ဝါးနိုင်တာထက်ပိုပြီး မကိုက်နဲ့။ ကောင်းကင်မျက်နှာကြက်ရဲ့ အပြင်ဘက်မှာ ဘာရှိလဲဆိုတာကို မင်း တွေးနေစရာ မလိုပါဘူး။ မင်း အခု တွေးသင့်တာက တောင်ပိုင်းတောင်တန်း အခြေစိုက်စခန်းကို ရောက်သွားပြီးနောက်ပိုင်း ပြဿနာပဲ"</p> <p>"တောင်ပိုင်းတောင်တန်း အခြေစိုက်စခန်းမှာ ပြဿနာ ရှိလို့လား"</p> <p>လင်းဖုန်းက ပြန်မေးလိုက်သည်။</p> <p>"ဟားဟားဟား... မင်း အဲဒီကို ရောက်တဲ့အခါ သိရမှာပါ"</p> <p>ဟောက်ရှီရီက တိုက်ရိုက် မဖြေဘဲနေသဖြင့် လင်းဖုန်း ဇဝေဇဝါ ဖြစ်သွားသည်။ တောင်ပိုင်းတောင်တန်း အခြေစိုက်စခန်းတွင် သူ့ကို စောင့်ကြိုနေသော ခက်ခဲကြမ်းတမ်းသည့် တာဝန်တစ်ခု တကယ် ရှိနေနိုင်ပါသလော။ သို့သော် သေသေချာချာ စဉ်းစားကြည့်သောအခါ ၎င်းမှာ မဖြစ်နိုင်ပုံရသည်။ မည်သို့ပင်ဆိုစေ သူသည် မျိုးရိုးဗီဇကန့်သတ်ချက်ကို အခုလေးတင် ချိုးဖျက်ထားသော အသွင်ပြောင်းနယ်ပယ် သိုင်းသမားတစ်ဦး ဖြစ်သည်။ သာမန် အခြေစိုက်စခန်း တစ်ခုကို စောင့်ကြပ်ရန် သူ့ကို စေလွှတ်ခြင်းက ကိစ္စမရှိသော်လည်း အလွန် အန္တရာယ်များသော အခြေစိုက်စခန်းတစ်ခုသို့ သူ့ကို အမှန်တကယ် စေလွှတ်မည် မဟုတ်သည်မှာ သေချာသည်။</p> <p>ကြီးမားလှသော နဂါးကြီး၏ ပျံသန်းနှုန်းမှာ အလွန် မြန်ဆန်လှသည်။ မည်သို့ပင်ဆိုစေ ၎င်းမှာ နတ်ဘုရားနယ်ပယ် နတ်ဆိုးတစ်ကောင် ဖြစ်သည်။ အာကာသယာဉ်၏ အရှိန်ကပင် ဤနဂါးကြီးကို မယှဉ်နိုင်ပေ။ ကံကောင်းထောက်မစွာဖြင့် လင်းဖုန်း၏ ရုပ်ပိုင်းဆိုင်ရာ ခန္ဓာကိုယ်မှာ အလွန်သန်မာပြီး အရှိန်ကြောင့် အပြင်းအထန်လေတိုးခြင်းကို လုံးဝ မကြောက်ပေ။ ခန္ဓာကီုယ်ကြံ့ခိုင်မှုအားနည်းသော သာမန် ကြေးစား သိုင်းသမားများမှာ နဂါးကြီးပေါ်မှ စီးနင်းလိုက်ပါရန်ပင် အရည်အချင်း ပြည့်မီမည် မဟုတ်ပေ။</p> <p>လင်းဖုန်းသည် နဂါးကြီးနှင့် ပတ်သက်၍လည်း အလွန် စပ်စုချင်နေမိသည်။ သူသည် နဂါး၏ ခန္ဓာကိုယ်ပေါ်ရှိ ကြွက်သားများကိုပင် ခပ်နာနာ ဖိကြည့်ရန် ကြိုးစားခဲ့သေးသည်။ သို့သော်လည်း နဂါးကြီးက လေထဲတွင် အရှိန်မြှင့်ကာ ဆန္ဒပြသောအခါ လင်းဖုန်းသည် နဂါးကျောပေါ်တွင် ထပ်မံ မလှုပ်ရှားရဲတော့ပေ။</p> <p>သူတို့သည် ခုနစ်နာရီ သို့မဟုတ် ရှစ်နာရီခန့် ပျံသန်းခဲ့ကြသည်။ မြေပြင်မှာ သူတို့၏ ရှေ့တွင် မျက်စိတစ်ဆုံး ကျယ်ပြန့်နေပြီး အထီးကျန် မြို့တစ်မြို့ကိုသာ မြင်တွေ့ရသည်။</p> <p>"ငါတို့ ရောက်ပြီ။ မင်းက တောင်ပိုင်းတောင်တန်းမြို့ရဲ့ သံတမန်ကို အရင် သွားတွေ့ရမယ်"</p> <p>"တောင်ပိုင်းတောင်တန်းမြို့မှာလည်း သံတမန် ရှိတာလား"</p> <p>လင်းဖုန်း အနည်းငယ် အံ့အားသင့်သွားသည်။ သူသိသလောက် မြို့တိုင်းတွင် သံတမန် မရှိပေ။ အလွန် အရေးကြီးသော မြို့များတွင်သာ ရှိသည်။ အနည်းဆုံးတော့ နဂါးကျောက်တုံးမြို့တွင် သံတမန် မရှိပေ။</p> <p>"သေချာတာပေါ့။ တောင်ပိုင်းတောင်တန်းမြို့ရဲ့ ပထဝီဝင်အနေအထားက အရမ်းအရေးကြီးတယ်။ တောင်ပိုင်းတောင်တန်း အခြေစိုက်စခန်းကို ရောက်တဲ့အခါ ဘာလို့သံတမန် ရှိနေလဲဆိုတာကို မင်း သိရလိမ့်မယ်။ ဒါပေမဲ့ စိတ်မပူပါနဲ့။ တောင်ပိုင်းတောင်တန်းမြို့ရဲ့ သံတမန်က အစိုးရအဖွဲ့ဝင် ဖြစ်ပေမဲ့ သူက တခြား အစိုးရအဖွဲ့က သံတမန်တွေနဲ့ မတူဘူး။ သူက ရှေ့တန်းကို စောင့်ကြပ်နေတာဖြစ်ပြီး ကျောက်တုံးမြို့မှာ မင်း ပြဿနာရှာခဲ့တဲ့ ကိစ္စကို သူ ဂရုစိုက်မှာ မဟုတ်ဘူး။ ဒါ့ပြင် ငါ သူ့အသက်ကို တစ်ခါ ကယ်ဖူးတယ်။ သူ မင်းကို အခက်တွေ့အောင် လုပ်မှာ မဟုတ်ပါဘူး"</p> <p>လင်းဖုန်း၏ မျက်နှာအမူအရာ အနည်းငယ် ရှက်ရွံ့သွားသည်။ ထိုသည်မှာ သူ့စိတ်ထဲရှိ သေးသိမ်သော အတွေးတစ်ခုသာ ဖြစ်သည်။ ကျောက်တုံးမြို့မှ ဖြစ်ရပ်ပြီးနောက် အစိုးရအဖွဲ့မှ လူများက သူ့ကို မလိုမုန်းထား ဖြစ်မည်ကို သူ ကြောက်နေခဲ့မိသည်။</p> <p>သို့သော် ဟောက်ရှီရီက ဤမျှ ပွင့်ပွင့်လင်းလင်း ပြောလိမ့်မည်ဟု သူ မမျှော်လင့်ထားခဲ့ပေ။</p> <p>သို့သော် ဟောက်ရှီရီ၏ စကားများက လင်းဖုန်းကို စိတ်အေးသွားစေသည်။ ဟောက်ရှီရီသည် သံတမန်၏ အသက်ကို တစ်ခါ ကယ်ဖူးသည်။ ဤဆက်ဆံရေး တစ်ခုတည်းအပေါ် အခြေခံရုံဖြင့်ပင် သံတမန်သည် လင်းဖုန်းကို သေချာပေါက် တကူးတက ပစ်မှတ်ထားမည် မဟုတ်ပေ။ ဤသည်မှာ အနာဂတ်တွင် လင်းဖုန်း တောင်ပိုင်းတောင်တန်း အခြေစိုက်စခန်းကို စောင့်ကြပ်ရာတွင်လည်း အထောက်အကူ ဖြစ်စေလိမ့်မည်။</p> <p>ဟောက်ရှီရီသည် လင်းဖုန်းကို သံတမန်ထံ လည်ပတ်ရန် ခေါ်ဆောင်လာသည့် ရည်ရွယ်ချက်မှာ အမှန်တကယ်တော့ လင်းဖုန်းကို ကူညီရန် ရည်ရွယ်ချက် ရှိနေပုံရသည်။ ထို့ကြောင့် လင်းဖုန်းသည်လည်း ဟောက်ရှီရီကို အလွန် ကျေးဇူးတင်မိသည်။</p> <p>ကြီးမားလှသော နဂါးကြီးသည် အတောင်ပံများကို ခတ်ကာ အောက်ဘက်ရှိ တောင်ပိုင်းတောင်တန်းမြို့ဆီသို့ လျင်မြန်စွာ ပျံသန်းသွားသည်။ ဤမြင်ကွင်းသည် သဘာဝကျကျပင် တောင်ပိုင်းတောင်တန်းမြို့ရှိ လူအများအပြား၏ အာရုံစိုက်မှုကို ဆွဲဆောင်နိုင်ခဲ့သည်။</p> <p>"ကြည့်စမ်း... အဲဒါ ဘယ်လို သားရဲမျိုးလဲ"</p> <p>"မဟုတ်ဘူး၊ အဲဒါ သာမန်သားရဲ မဟုတ်ဘူး။ အဲဒါ နတ်ဆိုး မဟုတ်လား။ အရမ်း ကြောက်စရာကောင်းတဲ့ နတ်ဆိုးပဲ"</p> <p>"အဲဒါ နဂါးကြီးပဲ။ နဂါးကြီးတစ်ကောင် တကယ် ရောက်လာတာလား။ ဒါပေမဲ့ နဂါးကြီးရဲ့ ကျောပေါ်မှာ လူတစ်ယောက် ရှိနေပုံရတယ်"</p> <p>"ငါ မှတ်မိပြီ။ အဲဒါ တန်ခိုးကြီးမားတဲ့ နဂါးစီးသူရဲကောင်း သခင်ဟောက်ရှီရီများ ဖြစ်နေမလား"</p> <p>တောင်ပိုင်းမြို့ရှိ သာလွန်လူသား ကျွမ်းကျင်သူအချို့မှာ အတွေ့အကြုံရှိပြီး ဗဟုသုတ ကြွယ်ဝပုံရသည်။ သူတို့သည် နဂါးစီးသူရဲကောင်း ဟောက်ရှီရီကို ချက်ချင်း သတိရလိုက်ကြသည်။ မည်သို့ပင်ဆိုစေ နဂါးစီးသူရဲကောင်း ဟောက်ရှီရီ တစ်ယောက်သာ နဂါးကြီးကို စီးနင်းပြီး ကောင်းကင်ယံတွင် ပျံသန်းနိုင်သည်။</p> <p>နဂါးစီးသူရဲကောင်း ဟောက်ရှီရီသည် ဘုန်းတန်ခိုးကြီးမားသော နတ်ဘုရားနယ်ပယ် ကျွမ်းကျင်သူတစ်ဦး ဖြစ်သော်လည်း သူသည် ယခု ဤနေရာသို့ နဂါးကြီးကို စီးနင်းလာသည်။ ဘာဖြစ်သွားသည်ကို သူတို့ မသိကြပေ။ သိုင်းသမားအချို့ အနည်းငယ် စိုးရိမ်လာကြသည်။ မကြာသေးမီက ရှေ့တန်း အခြေစိုက်စခန်းများ ဖိအားပေးခံနေရပြီး နဂါးစီးသူရဲကောင်းကို သူတို့၏ အကူအညီအတွက် လာရောက်ရန် တောင်းဆိုခဲ့ခြင်းများ ဖြစ်နေမလား။</p> <p>ကြီးမားလှသော နဂါးကြီးသည် ကောင်းကင်မှ ဆင်းသက်လာပြီး ကြီးမားသော စံအိမ်ကြီးတစ်ခုအတွင်းသို့ ဆင်းသက်လာသည်။</p> <p>စံအိမ်ကြီးထဲတွင် အစောင့်အချို့လည်း ရှိနေပြီး သူတို့သည် ချက်ချင်းပင် စိုးရိမ်တကြီးဖြင့် ဝိုင်းရံလာကြသည်။ သို့သော် နဂါးကြီး၏ သာမန် နှာချေမှု တစ်ချက်ကပင် လေဆင်နှာမောင်း တစ်ခုကို ဖန်တီးနိုင်သည်။ အစောင့်များသည်လည်း မြင်ကွင်းကြောင့် ထိတ်လန့်သွားကြပြီး အနားမကပ်ရဲကြပေ။</p> <p>ဝှစ်</p> <p>ရုတ်တရက် စံအိမ်ကြီးထဲမှ ပုံရိပ်တစ်ခု ပျံသန်းထွက်လာပြီး နဂါးကြီးရှေ့တွင် ပေါ်လာသည်။</p> <p>"ဟောက်ရှီရီ... မင်း ဘယ်လေတိုက်လို့ ဒီကို ရောက်လာတာလဲ"</p> <p>ဤပုံရိပ်သည် နွေဦးလေပြေကို ခံစားနေရသကဲ့သို့ ခံစားရစေသည့် ထူးခြားသော အရှိန်အဝါတစ်ခုကို ထုတ်လွှတ်နေပြီး အလွန်နှစ်လိုဖွယ်ကောင်းပုံရသည်။ ၎င်းမှာ ဟောက်ရှီရီ၏ ကိုယ်ပေါ်ရှိ အာဏာရှင်ဆန်ပြီး သတ်ဖြတ်လိုစိတ် အရှိန်အဝါနှင့် လုံးဝ ကွာခြားလှသည်။ ကျောက်တုံးမြို့၏ သံတမန် ကျန်းဇီဖုန်း၏ ကိုယ်ပေါ်ရှိ မြင့်မားပြီး နတ်ဘုရားတစ်ပါးကဲ့သို့သော အရှိန်အဝါနှင့်လည်း အခြေခံအားဖြင့် ကွာခြားလှသည်။</p> <p>ဤသူမှာ နတ်ဘုရားနယ်ပယ်တွင် ရှိနေသူတစ်ဦးလည်း ဖြစ်၊ တောင်ပိုင်းတောင်တန်း၏ သံတမန်လည်း ဖြစ်သော ရှန်ကွမ်းကျန်းနန်ပင်။</p> <p>လင်းဖုန်းသည် သိုင်းနယ်မြေဖိုရမ်တွင် နတ်ဘုရားနယ်ပယ် ကျွမ်းကျင်သူများနှင့် ပတ်သက်သည့် အချက်အလက်အချို့ကိုလည်း စစ်ဆေးခဲ့ဖူးသည်။ လူအချို့က နတ်ဘုရားနယ်ပယ် ကျွမ်းကျင်သူတိုင်း၏ အရှိန်အဝါသည် လုံးဝ ကွဲပြားသည်ဟု ဆိုကြပြီး ၎င်းက သူတို့၏ သိုင်းလမ်းစဉ်များမှာလည်း အလွန် ကွဲပြားကြောင်း ဆိုလိုသည်။</p> <p>နတ်ဘုရားနယ်ပယ် ကျွမ်းကျင်သူတစ်ဦး၏ အရှိန်အဝါသည် သူတို့၏ သိုင်းတာအိုရည်ရွယ်ချက်ကို ပုံဖော်နေသည်။</p> <p>အရင်က လင်းဖုန်းသည် သိုင်းတာအိုရည်ရွယ်ချက်ဆိုတာ ဘာလဲဆိုသည်ကို သိပ်နားမလည်ခဲ့သော်လည်း ယခုရှန်ကွမ်းကျန်းနန်ကို မြင်သောအခါ သူ ခပ်ရေးရေး နားလည်သွားသည်။ ထိုစဉ်က ကျောက်တုံးမြို့၏ သံတမန် ကျန်းဇီဖုန်းသည် မြင့်မားပြီး နတ်ဘုရားတစ်ပါးကဲ့သို့သော အရှိန်အဝါ ရှိခဲ့ရာ ထိုသည်က သူသည် အမှန်တကယ်တော့ အေးစက်ပြီး တစ်ကိုယ်ကောင်းဆန်ကာ အရာအားလုံးကို အထင်သေးကြောင်း ဆိုလိုသည်။ သူ၏ သိုင်းတာအိုရည်ရွယ်ချက်မှာလည်း သေချာပေါက် အတူတူပင် ဖြစ်သည်။ သူအသုံးပြုသော သိုင်းပညာများပင်လျှင် ရေခဲကဲ့သို့ အေးစက်ပြီး ကြောက်မက်ဖွယ်ကောင်းပုံရသည်။</p> <p>အခြားတစ်ဖက်တွင်မူ ဟောက်ရှီရီမှာ ကွာခြားသည်။ ဟောက်ရှီရီ၏ အရှိန်အဝါမှာ အာဏာရှင်ဆန်ပြီး ဂုဏ်သိက္ခာရှိသည်။ အကယ်၍ သူသာ တိုက်ခိုက်ပါက သတ်ဖြတ်လိုစိတ်မှာ ကြီးမားလှပေလိမ့်မည်။ ဤကဲ့သို့သော သိုင်းတာအိုရည်ရွယ်ချက်မှာ အတော်လေး ကြောက်စရာကောင်းလှသည်။ သူသည် ထိပ်တန်း နတ်ဘုရားနယ်ပယ် ကျွမ်းကျင်သူများထဲမှ တစ်ဦး ဖြစ်လာနိုင်ပြီး ကြောက်မက်ဖွယ်ကောင်းသော ဂုဏ်သတင်း ရှိနေခြင်းမှာ အံ့ဩစရာ မဟုတ်ပေ။</p> <p>ဤရှန်ကွမ်းကျန်းနန်နှင့် ပတ်သက်၍မူ သူ၏ အရှိန်အဝါမှာ သိမ်မွေ့ပြီး လူများကို နွေဦးလေပြေကို ရှူရှိုက်နေရသကဲ့သို့ ခံစားရစေသည်။ သူသည် အလွန် ဖော်ရွေပြီး သူ၏ သိုင်းတာအိုရည်ရွယ်ချက်မှာ အတော်လေး တည်ငြိမ်သင့်သည်။</p> <p>အကယ်၍ လင်းဖုန်းသာ မမှားပါက ရှန်ကွမ်းကျန်းနန်၏ သိုင်းတာအိုလမ်းစဉ်မှာ အလွန်တည်ငြိမ်ပြီး ယေဘုယျအားဖြင့် အတော်လေး ချောမွေ့သင့်သည်။ တစ်ဆင့်ပြီးတစ်ဆင့် ကျင့်ကြံရုံဖြင့် ဒုတိယအကြိမ် အသက်ဝိညာဏ်အသွင်ကူးပြောင်းမှုကို ဖြတ်သန်းနိုင်ပြီး နတ်ဘုရားနယ်ပယ်သို့ ရောက်ရှိခြင်းက သူ၏ ပါရမီမှာ အတော်လေး ကြီးမားကြောင်းလည်း ဆိုလိုသည်။</p> <p>လက်တွေ့တွင် လင်းဖုန်း၏ ခန့်မှန်းချက်မှာ လုံးဝ မှန်ကန်နေသည်။ ရှန်ကွမ်းကျန်းနန်သည် ငယ်စဉ်ကတည်းက ပါရမီရှင်တစ်ဦးအဖြစ် ကျော်ကြားခဲ့ပြီး သူ၏ ခရီးလမ်းမှာ ချောမွေ့ခဲ့သည်။ သူသည် သေရေးရှင်ရေး အကျပ်အတည်းနှင့် တစ်ကြိမ်သာ ကြုံတွေ့ခဲ့ရပြီး ဟောက်ရှီရီ၏ ကယ်တင်ခြင်းကို ခံခဲ့ရသည်။ ထိုအချိန်မှစ၍ သူသည် ဟောက်ရှီရီနှင့် အလွန် ရင်းနှီးသော ဆက်ဆံရေး ရှိခဲ့သည်။ သံတမန် ဖြစ်လာပြီးနောက်တွင်ပင် သူ၏ နှလုံးသားမှာ ပြောင်းလဲမသွားခဲ့ပေ။</p> <p>"ရှန်ကွမ်း... ဒီတစ်ခါ ငါ မင်းဆီကို စိတ်ဝင်စားဖို့ကောင်းတဲ့ ကောင်လေးတစ်ယောက် ခေါ်လာတယ်။ သူက တောင်ပိုင်းတောင်တန်း အခြေစိုက်စခန်းကို စောင့်ကြပ်ဖို့ တာဝန်ယူထားတယ်။ မင်း ရေးကြီးခွင်ကျယ် လုပ်နေစရာ မလိုပါဘူး။ သူ့ကို သေသေချာချာ လေ့ကျင့်ပေးလိုက်"</p> <p>ဟောက်ရှီရီက ပွင့်ပွင့်လင်းလင်း ပြောလိုက်သည်။</p> <p>"လင်းဖုန်း မဟုတ်လား။ ငါ သူတော်စင်ရဲ့ အမိန့်ကို ရထားပြီးပါပြီ။ စိတ်မပူပါနဲ့။ တောင်ပိုင်းတောင်တန်း အခြေစိုက်စခန်းကို ရောက်သွားပြီးရင် မင်းက ငါ့လူပဲ။ ဘယ်သူမှ မင်းကို ဘာမှ လုပ်လို့မရဘူး"</p> <p> </p> <p>ရှန်ကွမ်းကျန်းနန်က ပြုံးကာ ပြောလိုက်ပြီး လင်းဖုန်းကို စိတ်အေးသွားစေသည်။ လင်းဖုန်း ကျောက်တုံးမြို့တွင် ဆူပူမှု အတော်လေး ဖြစ်စေခဲ့ကြောင်းကိုလည်း သူ သိထားသည်မှာ ထင်ရှားသည်။</p> <p>"ကျေးဇူးအများကြီးတင်ပါတယ် သခင်ရှန်ကွမ်း"</p> <p>လင်းဖုန်း နောက်ဆုံးတွင် သက်ပြင်းချလိုက်နိုင်သည်။ ဤရှန်ကွမ်းကျန်းနန်သည် ပေါင်းသင်းရ အလွန် လွယ်ကူပုံရသည်။ အနာဂတ်တွင် သူသည်လည်း တောင်ပိုင်းတောင်တန်း အခြေစိုက်စခန်းတွင် စိုးရိမ်စရာမလိုဘဲ နေထိုင်နိုင်ပေလိမ့်မည်။</p> <p>"ဟုတ်ပြီလေ။ ကိစ္စရှိရင် ငါ့ကို တိုက်ရိုက် ဆက်သွယ်လို့ ရပါတယ်"</p> <p> </p> <p>ရှန်ကွမ်းကျန်းနန်သည် ဟောက်ရှီရီကို လေးစားသောအားဖြင့် လင်းဖုန်းကို သူ၏ ဆက်သွယ်ရမည့် ဖုန်းနံပါတ်ကိုပင် ပေးခဲ့သည်။</p> <p>"ကောင်းပြီ... လင်းဖုန်းကို တောင်ပိုင်းတောင်တန်း အခြေစိုက်စခန်းဆီ ငါ အရင် ပို့လိုက်မယ်။ ငါတို့ ပြန်လာရင် သောက်ရင်းစားရင်း စကားပြောကြတာပေါ့"</p> <p>ဟောက်ရှီရီသည် ရှန်ကွမ်းကျန်းနန်နှင့် အကြာကြီး စကား‌ဖောင်ဖွဲ့မပြောခဲ့ပေ။ သူသည် လင်းဖုန်းနှင့်အတူ တောင်ပိုင်းတောင်တန်းမြို့မှ လျင်မြန်စွာ ထွက်ခွာသွားသည်။</p> <p>"လင်းဖုန်းလား။ အသွင်ပြောင်းနယ်ပယ် ပထမအဆင့်။ သူက မျိုးရိုးဗီဇကန့်သတ်ချက်ကို အခုလေးတင် ချိုးဖျက်ထားတာ။ တောင်ပိုင်းတောင်တန်း အခြေစိုက်စခန်းရဲ့ အခြေအနေကို သူ တည်ငြိမ်အောင် လုပ်နိုင်ပါ့မလား"</p> <p> </p> <p>ရှန်ကွမ်းကျန်းနန် ခေါင်းခါလိုက်သည်။ ပညာရေးအဖွဲ့က တောင်ပိုင်းတောင်တန်း အခြေစိုက်စခန်းကို စောင့်ကြပ်ရန် လင်းဖုန်းကို ဘာကြောင့် စေလွှတ်လိုက်သည်ကို သူ မသိပေ။ တောင်ပိုင်းတောင်တန်း အခြေစိုက်စခန်း၏ လက်ရှိ အခြေအနေမှာ ထိုမျှလောက် မကောင်းမွန်ပေ။</p> <p>သို့သော် သူ့ကို ဟောက်ရှီရီ ကိုယ်တိုင် ခေါ်ဆောင်လာခြင်းဖြစ်ကြောင်း ထည့်သွင်းစဉ်းစားကာ ရှန်ကွမ်းကျန်းနန်သည် လိုအပ်ပါက လင်းဖုန်းကို ကူညီရပေလိမ့်မည်။</p> <p> </p> <p> </p> <p style="text-align: center;">***</p>


Save