Book List

<h2 style="text-align: center;">အခန်း (၇၄)</h2> <h2 style="text-align: center;">အရှေ့ပင်လယ် တန်ထိုက် မိသားစု</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p> </p> <p>အမွေအနှစ် ရှည်ကြာစွာ တည်ရှိနေသော သိုင်းမျိုးနွယ်စုများမှ မည်သည့် မျိုးဆက်သစ်မဆို ၎င်းတို့၏ အပြုအမူများတွင် အလွန် သတိထားရပေသည်။ အထူးသဖြင့် အိမ်ထောင်မပြုမီ အချိန်တွင် ၎င်းတို့၏ အသွင်အပြင်၊ ဂုဏ်သိက္ခာနှင့် အခြားသော အချက်အလက်များကို အလေးထားရမည် ဖြစ်သည်။ သို့မဟုတ်ပါက ၎င်းတို့၏ အိမ်ထောင်ရေး အလားအလာကို ကြီးစွာ ထိခိုက်စေနိုင်ပြီး အဆိုးရွားဆုံး အခြေအနေတွင် အိမ်ထောင်ဖက် အဆင့်အတန်း လျှော့ချခံရနိုင်ချေပင် ရှိလေသည်။</p> <p>မည်သည့် သိုင်းမျိုးနွယ်စုကမှ နာမည်ပျက်နေသော လူရှုပ် တစ်ဦးနှင့် ၎င်းတို့၏ သမီးကို ပေးစားမည် မဟုတ်ပေ။ အထူးသဖြင့် တရားဝင် သား (သို့မဟုတ်) သမီးများအတွက် ဆိုလျှင် ပို၍ပင် ဖြစ်သည်။ ၎င်းတို့သည် မျိုးနွယ်စု နှစ်ခု၏ မျက်နှာနှင့် ဂုဏ်သိက္ခာတို့ ပါဝင်ပတ်သက်နေလေ့ရှိသော ဤအသေးစိတ် အချက်အလက်များကို အလေးထားရပေသည်။</p> <p>ထို့ကြောင့် မျိုးနွယ်စု၏ တရားဝင် သားများ အနီးရှိ အစေခံများမှာ အမျိုးသား အစေခံများသာ ဖြစ်ပြီး အစေခံမလေးများ တစ်အုပ်တစ်မကြီး ရှိနေရန်မှာ မဖြစ်နိုင်ပေ။</p> <p>အိမ်ထောင်မပြုမီ မယားငယ် ယူခြင်း ကဲ့သို့သော ကိစ္စများမှာမူ လုံးဝ မဖြစ်နိုင်သလောက်ပင်။ မည်သည့် မျိုးနွယ်စုကမှ မျက်နှာအပျက် မခံနိုင်ကြပေ။ မယားငယ် ရှိပြီးသား သူတစ်ယောက်နှင့် သူတို့၏ တရားဝင် သမီးကို မည်သို့ လက်ထပ်ပေးနိုင်မည်နည်း။</p> <p>ထို့အပြင် အရင်းအမြစ် နည်းပါးပြီး ၎င်းတို့၏ အဆင့်အတန်း မြင့်မားလာစေရန် အမြဲ ကြိုးပမ်းနေရသော ဝိညာဉ်အဆင့် မျိုးနွယ်စုများ ကဲ့သို့သော မိသားစုများတွင် မျိုးနွယ်စုခေါင်းဆောင်က မယားငယ် ယူသည့် အဖြစ်အပျက်မျိုး အလွန် နည်းပါးလေသည်။ သွေးဆက် မြင့်မားသော အမျိုးသမီးများသည် မယားငယ် အဖြစ် မခံယူနိုင်ကြပေ။ သွေးဆက် နိမ့်ကျသော မယားငယ်များနှင့် ကလေးမွေးဖွားခြင်းက ၎င်းတို့၏ မျိုးဆက်များ၏ အဆင့်အတန်းကို ကျဆင်းစေရုံသာ ရှိပေလိမ့်မည်။</p> <p>ထို့အပြင် မယားငယ်မှ မွေးဖွားလာသော တရားမဝင် ကလေးတစ်ဦး၏ အဆင့်အတန်းမှာ အလွန် နေရခက်လှပေသည်။ ဝိညာဉ်အဆင့် မျိုးနွယ်စု၏ ငွေကြေးနှင့် ပစ္စည်း အရင်းအမြစ်များဖြင့် တရားမဝင် ကလေးတစ်ဦးကို ပြုစုပျိုးထောင်ရန် အားထုတ်မှုများစွာကို မည်သို့ အသုံးပြုနိုင်မည်နည်း။</p> <p>အရင်းအမြစ်များနှင့် မိသားစု ပိုင်ဆိုင်မှုများ ပိုမို ကြွယ်ဝသော ကောင်းကင်လူသား မျိုးနွယ်စုများတွင်သာ မိသားစု လုပ်ငန်း အသီးသီးကို စီမံခန့်ခွဲရန် အရည်အချင်းရှိသူများ ပိုမို လိုအပ်လေသည်။ ထို့ကြောင့် မယားငယ် ယူသည့် အလေ့အထက တဖြည်းဖြည်း ခေတ်စားလာခဲ့ခြင်း ဖြစ်သည်။</p> <p>ချန်ဖန်ကျယ်သည် သင်္ဘောဦးပိုင်းတွင် မတ်တပ်ရပ်နေပြီး အေးစိမ့်သော လေကြောင့် သူ၏ ဆံပင်များ ရှုပ်ပွနေလေသည်။ သူသည် ဝမ်ရှိုကျဲ့၏ ကံကောင်းမှုအတွက် မနာလို ဖြစ်နေသကဲ့သို့ သူ့အတွက်လည်း စိုးရိမ်နေမိသည်။ ဤကျုံးလော်ရှန်း ဆိုသူမှာ တကယ်ပဲ ကျုံးမျိုးနွယ်စု၏ တရားဝင် သမီး ဖြစ်နေနိုင်သလား။</p> <p>မဖြစ်နိုင်တာတော့ မဟုတ်ပေ။ လွန်ခဲ့သော အချိန်အတန်ကြာက ရှိုကျဲ့သည် ကျွန်းတစ်ရာ အစောင့်တပ်စခန်းသို့ လျှို့ဝှက်စွာ သွားရောက်ခဲ့ပြီး နောက်ဆုံးတွင် ကျုံးမျိုးနွယ်စုမှ လူတစ်ဦးက သူ့ထံသို့ ပစ္စည်းတစ်ခု ကိုယ်တိုင် လာပို့ပေးခဲ့သည်။ ထို့နောက် သူက ကျုံးမျိုးနွယ်စုမှ လူတစ်ဦးကို ဝိညာဉ်အဆင့်တွင် စားသောက်ရန်ပင် ဖိတ်ခေါ်ခဲ့သေးသည်။ ရှိုကျဲ့က တကယ်ပဲ ကောင်းကင်လူသား မျိုးနွယ်စု ဖြစ်တဲ့ ကျုံးမျိုးနွယ်စုနဲ့ ရှင်းလင်းမှု မရှိတဲ့ ဆက်ဆံရေးမျိုး ရှိနေတာများလား။</p> <p>သို့သော် ရှိုကျဲ့၏ အဆင့်အတန်းနှင့် ဆိုလျှင် ကျုံးမျိုးနွယ်စု၏ တရားဝင် သမီးဆီသို့ တက်လှမ်းရန်မှာ အတော်လေး ခက်ခဲပေလိမ့်မည်။ သူက အဆိုးဆုံး အခြေအနေကို အကောင်းဆုံး ဖြစ်အောင် ဖန်တီးဖို့များ ပြင်ဆင်နေတာလား။</p> <p>ဒါဆို လျိုမျိုးနွယ်စုက သခင်မလေး လျိုရဲ့ ကိစ္စကရော ဘယ်လို လုပ်မလဲ။</p> <p>အင်အားကြီးမားတဲ့ လျိုမျိုးနွယ်စုက ဒီလို အရှက်ခွဲခံရတာကို ဘယ်လိုလုပ် လွှတ်ထားပေးနိုင်မှာလဲ။</p> <p>ရှိုကျဲ့ရဲ့ ဉာဏ်ရည်နဲ့ဆိုရင် သခင်မလေး လျိုရဲ့ ကိစ္စကို တိတ်တဆိတ် ဖြေရှင်းပြီးသားများ ဖြစ်နေမလား။</p> <p>ရှိုကျဲ့... အော်... ရှိုကျဲ့ မင်းက တကယ်ကို လွန်လွန်းနေပြီ။</p> <p>ငါက အားနည်းတယ်... ချန်မျိုးနွယ်စုကလည်း မိသားစုငယ်လေးပဲ... ဒီတစ်ခါတော့ ငါ မင်းကို မကူညီနိုင်တော့ဘူး... မင်းဘာသာမင်း ကံကောင်းပါစေတော့...</p> <p>ချန်ဖန်ကျယ်သည် သင်္ဘောဦးပိုင်းတွင် ရပ်နေရင်း သင်္ဘောခန်းမဆောင် အတွင်းရှိ ကျုံးလော်ရှန်းနှင့် ဝမ်ရှိုကျဲ့တို့၏ လျှို့ဝှက် တွေ့ဆုံမှု အကြောင်းကို တွေးတောနေမိသည်။ ထိုအချိန်တွင် သူကမူ ဤနေရာ၌ လေအေးခံရင်း သူ့အတွက် စိုးရိမ်နေရသည်။ တကယ့်ကို သနားစရာ ကောင်းလှသည်။</p> <p>ဟူး...</p> <p>ဒီအနာဂတ် ယောက်ဖက ကိုင်တွယ်ရ သိပ်လွယ်မယ့်ပုံ မပေါ်ဘူး။</p> <p>ကံကောင်းထောက်မစွာဖြင့် ဝမ်ရှိုကျဲ့သည် သူ၏ အနာဂတ် ယောက်ဖဖြစ်သူက လေအေးထဲတွင် ရပ်ကာ သူ၏ စိတ်ကူးယဉ်မှု သက်သက်သာ ဖြစ်သော တြိဂံ အချစ်ဇာတ်လမ်း အကြောင်းကို တွေးတောနေသည်ကို မသိခဲ့ပေ။ သို့မဟုတ်ပါက သူသည် ဤအနာဂတ် ယောက်ဖဖြစ်သူ၏ အသိစိတ် ပြန်လည် နိုးကြားလာစေရန် မြစ်ထဲသို့ ကန်ချပစ်လိုက်မည်မှာ သေချာပေသည်။</p> <p>...</p> <p>"ဝမ်မေ အခု ပိုကြီးမားတဲ့ အစီအစဉ်ကို နားလည်ပြီလား"</p> <p>ဝမ်ရှိုကျဲ့က ရေနွေးကြမ်းကို သောက်လိုက်ပြီး တည်ငြိမ်စွာ ပြောလေသည်။</p> <p>"မေးစရာ ရှိရင် မေးလို့ရတယ် ဒါပေမဲ့ ဒီတစ်ခါတော့ နင် အန္တရာယ် နည်းနည်း စွန့်ရလိမ့်မယ်"</p> <p>အန္တရာယ် စွန့်သင့်၊ မစွန့်သင့် ဆိုသည်မှာ မည်မျှ အကျိုးအမြတ် ရနိုင်သည် ဆိုသည့်အပေါ်တွင် မူတည်ပေသည်။ ကြီးမားသော အကျိုးအမြတ်များ ရရှိနိုင်ပြီး ရန်သူကို ထိုးနှက်နိုင်မည် ဆိုပါက အန္တရာယ် စွန့်ရခြင်းမှာ ရှောင်လွှဲ၍ မရနိုင်သော ကိစ္စပင် ဖြစ်သည်။</p> <p>"ခေါင်းဆောင်..."</p> <p>ဝမ်မေ၏ ကြယ်ရောင်ကဲ့သို့ တောက်ပနေသော မျက်ဝန်းများတွင် အလင်းတန်း တစ်ချက် လက်သွားပြီး သူမက တိုးညှင်းစွာ ပြောလိုက်သည်။</p> <p>"ခေါင်းဆောင်အတွက်ဆိုရင် ကျွန်မ အသက်ကို စတေးရမယ် ဆိုရင်တောင် နောက်တွန့်နေမှာ မဟုတ်ပါဘူး"</p> <p>သူမ၏ အသံမှာ နူးညံ့ပြီး နတ်သမီးလေး တစ်ပါးကဲ့သို့ နားထောင်လို့ အလွန် ကောင်းမွန်ကာ လူတစ်ဦး၏ နှလုံးသားကို ထုံကျင်သွားစေနိုင်သည်။</p> <p>"ဖူး..."</p> <p>ဝမ်ရှိုကျဲ့က ရေနွေးကြမ်းများ ပန်းထွက်မတတ် ဖြစ်သွားပြီး သူမကို စိုက်ကြည့်ကာ ပြောလိုက်သည်။</p> <p>"သေချာ ပြောစမ်းပါ"</p> <p>"အင်း... တောင်းပန်ပါတယ် ခေါင်းဆောင်... ကျွန်မ ဒီရက်ပိုင်း အဲဒီလို ပြောရတာ အကျင့်ပါသွားလို့ပါ ကျွန်မ ဆိုလိုတာက လျိုနဲ့ ကျောက် မျိုးနွယ်စုတွေကို ရင်ဆိုင်ဖို့အတွက် ကျွန်မ အသက်ကို စတေးဖို့ ဆန္ဒရှိပါတယ် ဆိုတာပါ"</p> <p>ဝမ်မေက နေရခက်စွာ ပြုံးလိုက်ပြီး သူမ၏ သာမန် လေသံသို့ အလျင်အမြန် ပြန်လည် ပြောင်းလဲသွားကာ သူမ၏ အသံတွင် နာကြည်းမှု အနည်းငယ် ရောယှက်နေလေသည်။</p> <p>သူမသည် မျိုးဆက် အဆက်ဆက် လက်ဆင့်ကမ်းလာခဲ့သော မိသားစု အစောင့်အရှောက် တစ်ဦး ဖြစ်ပြီး သူမ၏ အဘိုးမှာ ထိုတိုက်ပွဲတွင် ကျဆုံးခဲ့ရသည်။ သူမ မည်သို့ မမုန်းတီးဘဲ နေနိုင်မည်နည်း။</p> <p>သူမ၏ အသံစစ်ကို ကြားသောအခါ ဝမ်ရှိုကျဲ့သည် ထပ်မံ၍ အရသာ ပျက်သွားသကဲ့သို့ ခံစားရပြီး မျက်မှောင်ကြုတ်ကာ ပြောလိုက်သည်။</p> <p>"အသံတုကိုပဲ သုံးပါ"</p> <p>"ဟုတ်ကဲ့ ခေါင်းဆောင် ကျွန်မ ခေါင်းဆောင် စကားကို နားထောင်ပါ့မယ်"</p> <p>ဝမ်မေက လူများကို ရင်ခုန်စေသော သူမ၏ ဆွဲဆောင်မှုရှိပြီး နူးညံ့သည့် အသံသို့ လိမ္မာစွာ ပြန်လည် ပြောင်းလဲလိုက်သည်။ အခြေအနေထဲ ဝင်သွားပြီးနောက် သူမက သူမ၏ လှပသော မျက်ဝန်းများဖြင့် ဘေးတိုက်ပင် လှမ်းကြည့်လိုက်သေးသည်။</p> <p>"ဟူး..."</p> <p>ဝမ်ရှိုကျဲ့က သူ၏ နဖူးကို အုပ်လိုက်သည်။ ဤအသံက သူ ထိန်းချုပ်နိုင်စွမ်းထက် ကျော်လွန်လွန်းနေသည်။ သူက လက်ကို ဝှေ့ယမ်းကာ လက်လျှော့လိုက်သည့် အမူအရာဖြင့် ပြောလိုက်သည်။</p> <p>"ထားလိုက်တော့ မင်းရဲ့ အသံစစ်ကိုပဲ သုံးပါ"</p> <p>"..."</p> <p>ဝမ်မေက သူမ၏ အပြစ်ကင်းစင်သော မျက်လုံးလေးများကို ပုတ်ခတ်ပုတ်ခတ် လုပ်လိုက်ပြီး ခေါင်းဆောင်က ဘာကြောင့် သူမကို ဒီလိုပြောခိုင်းလိုက်၊ ဟိုလိုပြောခိုင်းလိုက် လုပ်နေသနည်းဟု တွေးတောနေမိသည်။</p> <p>သူ့အကြိုက်က တကယ်ကို ခန့်မှန်းရ ခက်တာပဲ။</p> <p>...</p> <p>နံနက်စောစော အချိန်တွင်……</p> <p>ကောင်းကင်မှာ မလင်းတလင်း အချိန်လေးသာ ရှိသေးသည်။</p> <p>တင်းဖူ ကူးတို့ဆိပ်ကမ်းမှ လှေတစ်စီး ထွက်ခွာလာပြီး လျိုမျိုးနွယ်စု၏ မျိုးဆက်သစ် လူငယ် ခေါင်းဆောင် လျိုယုံးကျိုးနှင့် မျိုးနွယ်စုခေါင်းဆောင် လျိုရှန်းယဲ့ အပြင် အခြားသော မျိုးနွယ်စု၏ အဓိက အဖွဲ့ဝင် အချို့လည်း ပါဝင်လေသည်။</p> <p>"ခေါင်းဆောင်"</p> <p>လူလတ်ပိုင်း အရွယ် မျိုးနွယ်စုဝင် တစ်ဦးက စိတ်လှုပ်ရှားစွာဖြင့် ပြောလိုက်သည်။</p> <p>"ကျွန်တော်တို့ မစုံစမ်းရင် မသိနိုင်ဘူးလို့ တစ်ခါမှ မတွေးမိဘူး ပတ်ဝန်းကျင် အစောင့်တပ်စခန်း မြို့တွေမှာ ရှိတဲ့ ကျုံးမိသားစု အနည်းငယ်ထဲမှာ ဒုက္ခရောက်နေတဲ့ နတ်သမီးလေး သခင်မလေး ကျုံးရဲ့ အမှတ်အသားနဲ့ အကိုက်ညီဆုံးက ပိုင်ရီကျွန်း အစောင့်တပ်စခန်းက ကျုံးမိသားစုပဲ ဖြစ်ရမယ်"</p> <p>လျိုရှန်းယဲ့၏ မျက်နှာအမူအရာမှာလည်း အလွန် လေးနက်နေပြီး ထိန်းချုပ်မရသော ဝမ်းသာမှု အနည်းငယ် ရောယှက်နေလေသည်။</p> <p>"သခင်မလေး ကျုံးရဲ့ အမှတ်အသားက မြင့်မြတ်တယ် ဒီလို ခက်ခဲတဲ့ အခြေအနေမျိုးမှာ သူမရဲ့ အမှတ်အသားကို ထုတ်မဖော်ချင်တာက သဘာဝကျတယ် အားလုံး စိတ်အေးအေးထားကြပါ ငါတို့ လျိုမျိုးနွယ်စုကို အရှက်မခွဲကြပါနဲ့"</p> <p>"ဟုတ်ကဲ့ပါ ခေါင်းဆောင်"</p> <p>လူတိုင်းက ပြန်လည် ဖြေကြားလိုက်ကြသည်။</p> <p>လျိုယုံးကျိုး တစ်ယောက်တည်းသာ လှေဦးပိုင်းတွင် လှံတံတစ်ခုကဲ့သို့ မတ်မတ်ရပ်နေပြီး သူ၏ မျက်လုံးများတွင် လောင်ကျွမ်းနေသော ရမ္မက်များ တစ်ခါတစ်ရံ တောက်ပနေလေသည်။</p> <p>ကောင်းကင်လူသား မိသားစု</p> <p>နတ်သမီးလေးက တကယ်ကို... မဟုတ်ဘူး... သေချာပေါက် ကောင်းကင်လူသား မိသားစုက သခင်မလေး တစ်ယောက်ပဲ ဖြစ်ရမယ်။</p> <p>သူမက သူမ၏ မိသားစု နောက်ခံအကြောင်းကို အကြိမ်ကြိမ် ရှောင်လွှဲနေခဲ့သည်မှာ အံ့ဩစရာ မဟုတ်ပေ။ ကောင်းကင်လူသား မိသားစုကသာ သူမ၏ စကားတိုင်းနှင့် အပြုအမူတိုင်းတွင် တက်လှမ်း၍ မရနိုင်သော အရှိန်အဝါ ပါဝင်သည့် ဤမျှ ထူးခြားသော နတ်သမီး သခင်မလေး တစ်ဦးကို ပြုစုပျိုးထောင်နိုင်မည် ဖြစ်သည်။</p> <p>သူ၏ နှလုံးသားကို ပို၍ လောင်ကျွမ်းစေခဲ့သည်မှာ နတ်သမီးလေးက သူအပေါ်ထားရှိသော သဘောထားမှာ အနည်းငယ် ကွဲပြားနေသကဲ့သို့ ဖြစ်ပြီး သူနှင့် ပို၍ နီးကပ်ချင်သော်လည်း နက်နဲသော စိုးရိမ်ပူပန်မှုများ ရှိနေပုံရခြင်းပင် ဖြစ်သည်။</p> <p>သူမက တစ်ခါတစ်ရံတွင် စိုးရိမ်ပူပန်နေသကဲ့သို့ မျက်မှောင်ကြုတ်နေသည်ကို မြင်ရသောအခါ လျိုယုံးကျိုး၏ နှလုံးသားများ ကျိုးပဲ့သွားရလေသည်။</p> <p>ဟုတ်ပါတယ် သူတို့ ရှေ့မှာ ရပ်တည်နေတဲ့ မိသားစု နှစ်ခုကြားမှာ ကြီးမားတဲ့ ကွာဟချက် ရှိနေတာကိုး။</p> <p>ထိုအကြောင်းကို တွေးမိသောအခါ လျိုယုံးကျိုး၏ ပူလောင်နေသော နှလုံးသား အနည်းငယ် အေးစက်သွားလေသည်။</p> <p>သို့သော် သူ၏ ဦးလေး လျိုရှန်းဟောက်သည် မကြာမီ ဝိညာဉ်အဆင့် ဘိုးဘေးအဖြစ် အဆင့်တက်တော့မည် ဖြစ်ပြီး မျိုးနွယ်စုသည်လည်း အရင်းအမြစ် ဝင်ငွေ သိသိသာသာ တိုးလာကာ ချဲ့ထွင်မှု ကာလသို့ ဝင်ရောက်လာတော့မည် ဖြစ်ကြောင်း သူ ချက်ချင်း သတိရသွားသည်။ ထို့အပြင် သူ လျိုယုံးကျိုးသည်လည်း နောက်တစ်ဆက် ခေါင်းဆောင် အဖြစ် ဝိညာဉ်အဆင့် လမ်းကြောင်းကို ဆက်ခံရန် သတ်မှတ်ခံထားရသူ ဖြစ်သည်။</p> <p>သူ၏ အဆင့်အတန်းနှင့် ဆိုလျှင် သူနှင့် လော်ရှန်း အကြားတွင် ကြီးမားသော ကွာဟချက် ရှိနေသေးသော်လည်း ကျော်လွှား၍ မရနိုင်သော အတားအဆီးတော့ မဟုတ်ပေ။ အကယ်၍ သူ၏ တစ်မျိုးနွယ်စုလုံးက သူ ဝိညာဉ်အဆင့် လမ်းကြောင်းကို လျှောက်လှမ်းရန် ပံ့ပိုးပေးပြီး လော်ရှန်းကလည်း သူအပေါ် ခံစားချက် ရှိမည် ဆိုပါက သူတို့ နှစ်ဦး အောင်မြင်နိုင်ချေ ရှိပေသည်။</p> <p>သူ၏ နှလုံးသားမှာ ပို၍ ပို၍ ပူလောင်လာပြီး အနာဂတ်အတွက် မျှော်လင့်ချက်များ ပြည့်နှက်နေသကဲ့သို့ ခံစားရလေသည်။</p> <p>လှေလေးသည် အချိန်ကြာကြာ မခုတ်မောင်းရသေးပေ။</p> <p>လျိုမျိုးနွယ်စုသည် မကြာမီတွင် ဇိမ်ခံ အလတ်စား သင်္ဘောတစ်စီးကို မြင်တွေ့လိုက်ရသည်။</p> <p>"အဲဒါက..."</p> <p>လျိုမျိုးနွယ်စု အံ့ဩသွားကြသည်။ ယနေ့ သခင်မလေး ကျုံးက ၎င်းတို့အား ရိက္ခာ ရောင်းချသူ တစ်ဦးနှင့် တွေ့ဆုံရန် စီစဉ်ပေးခဲ့သော်လည်း ဤကဲ့သို့ ဇိမ်ခံ သင်္ဘောမျိုးနှင့် ကြုံတွေ့ရမည်ဟု သူတို့ မထင်မှတ်ထားခဲ့ပေ။</p> <p>"ဟင်"</p> <p>လျိုရှန်းယဲ့သည် အမြင်အာရုံ ကောင်းမွန်ပြီး သူ၏ သူငယ်အိမ်များ ကျုံ့သွားလေသည်။</p> <p>"ဒီသင်္ဘောက မျိုးနွယ်စု အလံ မလွှင့်ထားပေမယ့် သင်္ဘောဦးပိုင်းက အမှတ်တံဆိပ်ကို ကြည့်ရတာ အရှေ့ပင်လယ်က တန်ထိုက် မိသားစုရဲ့ သင်္ဘော ဖြစ်ရမယ်"</p> <p>တန်ထိုက် မိသားစုလား။</p> <p>အရှေ့ပင်လယ် အစောင့်တပ်စခန်းသည် ဝေးလံခေါင်သီသော ကျွန်းတစ်ရာ အစောင့်တပ်စခန်းနှင့် မတူပေ။ ၎င်းသည် ချန်နင်ဝေနှင့် နယ်နိမိတ် ထိစပ်နေပြီး တန်ထိုက် မိသားစုသည်လည်း ပတ်ဝန်းကျင် အစောင့်တပ်စခန်းများအထိ ကျော်ကြားသော နာမည်ကျော် ကောင်းကင်လူသား မိသားစု တစ်ခု ဖြစ်သည်။</p> <p>"ဒီသင်္ဘောက အရမ်း ဇိမ်ကျတယ် သူ့ရဲ့ ပိုင်ရှင်ကလည်း တန်ထိုက် မိသားစုက အရေးကြီးတဲ့ ပုဂ္ဂိုလ် ဖြစ်ဖို့ များတယ်"</p> <p>လျိုရှန်းယဲ့က လေးလေးနက်နက်နှင့် သတိထား၍ ပြောလိုက်သည်။</p> <p>"ပြဿနာ မဖြစ်ရအောင် ငါတို့ ရှောင်သွားကြတာပေါ့"</p> <p>သို့သော် လျိုယုံးကျိုး၏ နှလုံးသားမှာ လှုပ်ရှားသွားလေသည်။ ဖြစ်နိုင်တာက...</p> <p>သေချာသည်ပင်၊ နတ်သမီး ဝတ်စုံ ဝတ်ဆင်ထားသော နတ်သမီးလေးနှင့် တူသည့် ပုံရိပ်တစ်ခု သင်္ဘောပေါ်မှ ထွက်ပေါ်လာလေသည်။</p> <p>"သခင်မလေး ကျုံးလော်ရှန်းပါလား"</p> <p>လျိုယုံးကျိုး စိတ်လှုပ်ရှားသွားလေသည်။</p> <p>"ဒါဆို သူ ရှာနေတဲ့ ရိက္ခာ ရောင်းချသူက အရှေ့ပင်လယ် တန်ထိုက် မိသားစုက ဖြစ်ရမယ် သူက တကယ်ကို သခင်မလေး ကျုံး ဖြစ်ထိုက်ပါတယ်"</p> <p>လျိုမျိုးနွယ်စုသည်လည်း အရှေ့ပင်လယ် တန်ထိုက် မိသားစုနှင့် ဆက်ဆံရေး တည်ဆောက်ခွင့် ရရှိတော့မည် ဖြစ်သဖြင့် စိတ်လှုပ်ရှားနေကြသည်။</p> <p>သင်္ဘော ဆိုက်ကပ်သွားပြီးနောက် လျိုမျိုးနွယ်စုသည် သင်္ဘောသားများ၏ လမ်းညွှန်မှုအတိုင်း သင်္ဘောပေါ်သို့ တက်ရောက်သွားကြသည်။ အတွင်းပိုင်း၏ ဇိမ်ခံမှုက ၎င်းတို့အား အထူး သတိထားစေခဲ့သည်။ ဤသင်္ဘော၏ ကုန်ကျစရိတ်မှာ ရွှေတာရာ သုံးလေးထောင် အောက် မနည်းနိုင်ပေ။</p> <p>လျိုမျိုးနွယ်စု၏ ဝင်ငွေ အမျိုးမျိုးမှာလည်း ဤပမာဏသို့ ရောက်ရှိနိုင်သော်လည်း မိသားစု ကြီးမားပြီး အသုံးစရိတ် များပြားသဖြင့် တစ်နှစ်လျှင် ရွှေတာရာ ငါးရာ၊ ခြောက်ရာခန့်သာ စုဆောင်းနိုင်လေသည်။</p> <p>"သခင်လေးလျို"</p> <p>ကျုံးလော်ရှန်း၏ အကြည့်က လျိုယုံးကျိုးထံသို့ အရင်ဆုံး ကျရောက်သွားသည်။ သူ့ကို မြင်သောအခါ သူမ အနည်းငယ် ဝမ်းသာသွားပုံ ရသော်လည်း ချက်ချင်းပင် ထိန်းချုပ်လိုက်ပြီး လျိုမျိုးနွယ်စု အကြီးအကဲများအား နူးညံ့သော အသံဖြင့် နှုတ်ဆက်လေသည်။</p> <p>"လော်ရှန်းက လျိုမျိုးနွယ်စု အကြီးအကဲတွေကို ဂါရဝပြုပါတယ်"</p> <p>လျိုရှန်းယဲ့က အလျင်အမြန်ပင် အခြားသူများကို ဦးဆောင်၍ ပြန်လည် ဂါရဝပြုလေသည်။ ကျုံးလော်ရှန်းက ၎င်းတို့အား လူငယ် တစ်ဦး အနေဖြင့် နှုတ်ဆက်နေသော်လည်း ၎င်းတို့က မာနထောင်လွှားနေ၍ မရပေ။ သူမသည် တကယ့်ကို ကောင်းကင်လူသား မိသားစုမှ ကောင်းစွာ ပြုစုပျိုးထောင်ထားသော သမီးပျို တစ်ဦး ဖြစ်ပြီး အလွန် ဖော်ရွေလှပေသည်။</p> <p>လျိုရှန်းယဲ့သည် ဤခရီးစဉ်၏ နောက်ဆုံး ပန်းတိုင်အတွက် ယုံကြည်မှု အပြည့် ရှိနေလေသည်။</p> <p>ခေတ္တမျှ စကားပြောပြီးနောက် ကျုံးလော်ရှန်းက ၎င်းတို့အား ရိက္ခာ ရောင်းချသူနှင့် တွေ့ဆုံရန် သင်္ဘော၏ အတွင်းပိုင်းသို့ ခေါ်ဆောင်သွားလေသည်။</p> <p>သင်္ဘော၏ အတွင်းပိုင်းမှာ ၎င်းတို့ ထင်မှတ်ထားသည်ထက် ပို၍ ဇိမ်ကျလှပေသည်။ ၎င်းတို့က ဤသင်္ဘော၏ ကုန်ကျစရိတ်ကို လျှော့တွက်ထားခဲ့မိသည်။ အလှဆင်ထားသော ပစ္စည်း အမျိုးမျိုး တစ်ခုတည်းကပင် ရွှေတာရာ တစ်ထောင်ကျော် တန်ဖိုးရှိပေလိမ့်မည်။</p> <p>ခန်းမဆောင် အတွင်းတွင် ပိုးသားဝတ်ရုံကို ဝတ်ဆင်ထားပြီး ကျောက်စိမ်းသရဖူ ဆောင်းထားသော ချောမောသည့် လူငယ်လေး တစ်ဦးက ဆိုဖာပေါ်တွင် ပျင်းရိစွာ မှီနေလေသည်။ သူ၏ တစ်ကိုယ်လုံးမှ မွန်မြတ်သော အရှိန်အဝါများ ထွက်ပေါ်နေလေသည်။</p> <p>ပိုးသားဝတ်ရုံကို ရေခဲဝိညာဉ် ပိုးကောင်၏ ပိုးကြိုးဖြင့် ပြုလုပ်ထားပြီး အနည်းငယ် တောက်ပနေသော အဖြူရောင် အလင်းတန်းလေး ထွက်ပေါ်နေသဖြင့် အလွန် ထူးခြားလှပေသည်။ ရေခဲဝိညာဉ် ပိုးကြိုးသည် အမြဲတမ်း အလွန် ဇိမ်ကျပြီး ဈေးကြီးသော ပစ္စည်း တစ်ခု ဖြစ်သည်။ ပူပြင်းသော နွေရာသီတွင် ဝတ်ဆင်ပါက ချွေးမထွက်စေဘဲ အချိန်ကြာမြင့်စွာ ဝတ်ဆင်ထားပါက အသားအရေကို ပြုစုပျိုးထောင်ပေးခြင်း၊ အသားအရေ ဖြူဝင်းလာစေခြင်းနှင့် အခြားသော အကျိုးကျေးဇူးများ ရှိလေသည်။</p> <p>အရေးအကြီးဆုံးမှာ ရေခဲဝိညာဉ် ပိုးကြိုးသည် အလွန် သိပ်သည်းပြီး ခိုင်ခံ့သဖြင့် သာမန် ဓားများနှင့် လှံများက အလွယ်တကူ ခုတ်ဖြတ်၍ မရနိုင်ပေ။ ထို့ကြောင့် ၎င်းသည် အတိုင်းအတာ တစ်ခုအထိ ကာကွယ်မှုနှင့် မီးဘေး အန္တရာယ်ကို ကာကွယ်ပေးနိုင်စွမ်း ရှိလေသည်။ သာမန် ဆွေကြီးမျိုးကြီး မျိုးဆက်များက ရေခဲဝိညာဉ် ပိုးကြိုးကို ၎င်းတို့ အိပ်မက်သာ မက်နိုင်သော ဇိမ်ခံ ပစ္စည်း တစ်ခု အဖြစ် သတ်မှတ်ထားကြသည်။ ချန်နင်ဝေမှ ရွှီမျိုးနွယ်စု၏ ဝိညာဉ် ပိုးမွှား သခင်သည် ရေခဲဝိညာဉ် ပိုးကောင် အချို့ကို လျှို့ဝှက်စွာ မွေးမြူထားပြီး ၎င်းတို့ထံမှ ငွေအမြောက်အမြား ရရှိခဲ့သည်ဟု ဆိုကြသည်။ သို့သော် ထိုသို့ပင် ဖြစ်လင့်ကစား ရွှီမျိုးနွယ်စုမှ လူအနည်းငယ်သာ ရေခဲဝိညာဉ် ပိုးကြိုးဖြင့် ပြုလုပ်ထားသော အဝတ်အစားများကို ဝတ်ဆင်နိုင်ကြပေသည်။</p> <p>ဈေးနှုန်းက အလွန် မြင့်မားလွန်းလှသည်။</p> <p>အတွင်းခံ တစ်စုံပင်လျှင် ရွှေတာရာ ရာနှင့်ချီ၍ ကုန်ကျမည် ဖြစ်သည်။ သခင်လေး၏ ပိုးသားဝတ်ရုံ တစ်ခုတည်းပင် ရွှေတာရာ ရာနှင့်ချီ တန်ဖိုးရှိမည်ဟု ခန့်မှန်းရသည်။ သူ၏ ခေါင်းပေါ်တွင် ဆောင်းထားသော ကျောက်စိမ်းသရဖူမှာလည်း တောက်ပနေပြီး တန်ဖိုးကြီး ဝိညာဉ်ရတနာ တစ်ခု ဖြစ်ကြောင်း သိသာလှပေသည်။</p> <p>သူ၏ အနောက်တွင် ရပ်နေသော မိသားစု အစောင့်အရှောက်ပင်လျှင် ထူးခြားပြီး အထင်ကြီးလောက်စရာ ဖြစ်ပုံရသည်။</p> <p>"ကျုံးလော်ရှန်း"</p> <p>မွန်မြတ်သော သခင်လေးက လျိုမျိုးနွယ်စုမှ လူများကို မျက်လုံး တစ်ဝက်ပိတ်ကာ ကြည့်လိုက်ပြီး မျက်မှောင် အနည်းငယ် ကြုတ်လျက် ပျင်းရိစွာနှင့် အထင်သေးသော လေသံဖြင့် ပြောလိုက်သည်။</p> <p>"မင်းက ငါတို့ တန်ထိုက် မိသားစုဆီ စာရေးလိုက်တာ ဒီလို အဆင့်နိမ့်တဲ့ မျိုးနွယ်စုနဲ့ အရောင်းအဝယ် လုပ်ဖို့လား"</p> <p>"..."</p> <p>လျိုယုံးကျိုး၏ ရင်ဘတ်ထဲတွင် ဒေါသများ ပေါက်ကွဲထွက်လာသည်။ ဒီခွေးကောင်က ဘယ်သူလဲ။ သခင်မလေး လော်ရှန်းကို ဒီလို အပြုအမူမျိုးနဲ့ စကားပြောရဲရအောင် သူက ဘယ်သူမို့လို့လဲ။</p> <p> </p> <p> </p> <p> </p> <p style="text-align: center;">***</p>


Save