Book List

<h2 style="text-align: center;">အခန်း (၇၇)</h2> <h2 style="text-align: center;">ယောက်မလေးပါ လိုက်လာတာလား</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p>ထို့နောက် ဝမ်ရှိုကျဲ့သည် မနီးမဝေးတွင် အသက် ဆယ့်သုံးနှစ်၊ ဆယ့်လေးနှစ် အရွယ် မိန်းကလေး တစ်ဦးလည်း ရှိနေသည်ကို သတိထားမိလိုက်သည်။</p> <p>သူမသည် ဖူးပွင့်စ အရွယ်ဖြစ်ပြီး ဆံမြိတ်လေး နှစ်ဖက်ဖြင့် ကြာစေ့ပုံ မျက်နှာလေး ရှိကာ ချစ်စရာ ကောင်းသော အသွင်အပြင် ရှိလေသည်။ သူမသည် အလွန် သန့်ရှင်းလတ်ဆတ်နေပြီး သူမ၏ ရှင်းလင်းသော အနက်နှင့် အဖြူ ရောစပ်နေသည့် မျက်လုံးလေးများကို ပုတ်ခတ်ပုတ်ခတ် လုပ်ကာ ဝမ်ရှိုကျဲ့အား စူးစမ်းလိုစိတ်ဖြင့် အကဲခတ်နေလေသည်။</p> <p>"ညီမလေးက ရိုလန်ရဲ့ ညီမလေး ရိုလဲ့ မလား"</p> <p>ဝမ်ရှိုကျဲ့က လက်အုပ်ချီ၍ နှုတ်ဆက်လိုက်သည်။</p> <p>လျိုမျိုးနွယ်စု၏ တိုက်ရိုက် သွေးဆက်များသည် ဤမျိုးဆက်တွင် ပိုမို ကြီးပွားတိုးတက်ကြောင်း သူ သိထားလေသည်။ လက်ရှိ မျိုးနွယ်စုခေါင်းဆောင် လျိုကောင်းဝမ်တွင် သားနှစ်ယောက်၊ သမီးနှစ်ယောက် ရှိသည်။ သူ၏ စေ့စပ်ထားသူ လျိုရိုလန်မှာ သမီးအကြီးဆုံး ဖြစ်ပြီး သူမတွင် လျိုရိုလဲ့ အမည်ရှိ ညီမ တစ်ဦး ရှိလေသည်။</p> <p>လျိုရိုလဲ့ပါ ဤခရီးစဉ်တွင် လိုက်ပါလာလိမ့်မည်ဟု သူ မထင်မှတ်ထားခဲ့ပေ။</p> <p>ကောင်းပြီလေ မကြာသေးမီကမှ သူသည် ချန်ဖန်ကျယ်၏ အရှေ့တွင် ယောက်ဖ တစ်ယောက်အနေဖြင့် အစွမ်းပြခဲ့ပြီး ချန်ဖန်ကျယ်အား ရေခဲပြင်ပါးပါးပေါ်တွင် လမ်းလျှောက်နေရသကဲ့သို့ ခံစားရအောင် လုပ်ခဲ့သည်။</p> <p>ယခုအခါ သူ၏ အနာဂတ် ယောက်ဖနှင့် ယောက်မလေးတို့ ရောက်လာပြီ ဖြစ်ရာ သူ စိတ်လှုပ်ရှားရမည့် အလှည့် ရောက်လာပြီ ဖြစ်သည်။</p> <p>"ရိုလဲ့က အစ်ကို ရှိုကျဲ့ကို ဂါရဝပြုပါတယ်"</p> <p>လျိုရိုလဲ့ကလည်း အလျင်အမြန် ပြန်လည် ဂါရဝပြုလိုက်ပြီး သင့်လျော်သော အမူအရာဖြင့် အနာဂတ် သခင်မလေး တစ်ဦး၏ ပုံစံကို ပြသလေသည်။</p> <p>ခဲအို ဆိုသည်မှာ ယခုလောလောဆယ် နောက်ပြောင်ခြင်းသာ ဖြစ်သည်။ ဝမ်ရှိုကျဲ့နှင့် လျိုရိုလန်တို့ အိမ်ထောင်မကျသေးသဖြင့် သူမအား ခေါ်ဝေါ်သည့် အသုံးအနှုန်းကို သူ အလွယ်တကူ ပြောင်းလဲ၍ မရနိုင်ပေ။</p> <p>နှုတ်ခွန်းဆက် စကားများ ပြောဆိုပြီးနောက် လျိုမျိုးနွယ်စု၏ အစေခံများက မြင်းလှည်းကို ကူးတို့ဆိပ်မှ မောင်းနှင်သွားပြီး ၎င်းတို့၏ သန်စွမ်းသော မြင်းများနှင့်အတူ စောင့်ဆိုင်းနေကြသည်။</p> <p>ထို့နောက် ဝမ်ရှိုကျဲ့က ၎င်းတို့အား ကူးတို့ဆိပ်ကမ်းတွင် ကြိုဆိုလိုက်လေသည်။</p> <p>"အစ်ကို လာ... အစ်ကို ရှိုကျဲ့ရဲ့ မြင်းလှည်းကို စီးကြရအောင် ဖင်းအန်းမြို့နယ်ရဲ့ ဓလေ့ထုံးစံတွေ အကြောင်း သူ ရှင်းပြတာကို နားထောင်လို့ ရတာပေါ့"</p> <p>လျိုရိုလဲ့က လျိုယွမ်ရွေ့၏ အင်္ကျီလက်စကို ဆွဲကာ အကြံပြုလေသည်။</p> <p>လျိုရိုလဲ့သည် သူမ၏ အနာဂတ် ခဲအိုဖြစ်သူအား အလွန် စိတ်ဝင်စားနေပြီး သူ့အကြောင်း ပိုမို သိရှိလိုကြောင်း ထင်ရှားလှပေသည်။</p> <p>လျိုယွမ်ရွေ့သည် အသက် ဆယ့်ခြောက်နှစ် မပြည့်သေးဘဲ သူ၏ မျက်နှာမှာ အနည်းငယ် နုနယ်နေသေးသော်လည်း လူမှုဆက်ဆံရေးတွင်မူ ရင့်ကျက်နေပြီ ဖြစ်သည်။ သူက ခါးသီးစွာ ပြုံး၍ ခေါင်းယမ်းလိုက်ပြီး ဝမ်ရှိုကျဲ့အား လက်အုပ်ချီကာ ပြောလိုက်သည်။</p> <p>"အစ်ကို ရှိုကျဲ့ စိတ်ထဲ မထားပါနဲ့နော် ရိုလဲ့က ငယ်ငယ်ကတည်းက အလိုလိုက်ခံထားရလို့ပါ"</p> <p>"ကိစ္စမရှိပါဘူး ရိုလဲ့က သွက်လက်ပြီး ချစ်စရာ ကောင်းပါတယ် ယွမ်ရွေ့ မင်း စိတ်မရှိဘူးဆိုရင် ရိုလဲ့နဲ့အတူ ငါ့မြင်းလှည်းကို စီးလို့ ရပါတယ် ငါတို့က ညီအစ်ကိုတွေ ဖြစ်နေပြီပဲ ပြီးတော့ ငါတို့ မတွေ့ရတာလည်း ကြာပြီလေ အတူတူ စကားပြောကြတာပေါ့"</p> <p>ဝမ်ရှိုကျဲ့က ပြုံး၍ ပြောလိုက်သည်။</p> <p>"ဒါက မင်းနဲ့ငါ အချင်းချင်း လေ့လာသင်ယူဖို့ အခွင့်အရေးကောင်း တစ်ခုပဲ"</p> <p>"ဒါဆိုရင် အရမ်းကောင်းတာပေါ့ ကျွန်တော်လည်း အစ်ကို ရှိုကျဲ့ဆီကနေ အများကြီး သင်ယူလို့ ရတာပေါ့"</p> <p>ထို့နောက် သူတို့ သုံးဦး မြင်းလှည်းပေါ်သို့ တက်သွားကြပြီး လျိုမျိုးနွယ်စုနှင့် ဝမ်မျိုးနွယ်စု၏ အစေခံများက မြင်းများစီးကာ ဘေးပတ်လည်မှ စောင့်ကြပ် လိုက်ပါလာကြသည်။</p> <p>လမ်းတစ်လျှောက်တွင် သူတို့ သုံးဦးသည် သစ်သီးများ စားရင်း မြင်းလှည်း အပြင်ဘက်ရှိ ရှုခင်းများ အကြောင်း ပေါ့ပေါ့ပါးပါး စကားပြောလာခဲ့ကြသည်။</p> <p>လျိုယွမ်ရွေ့သည်လည်း စကားပြော ကောင်းသူ ဖြစ်သည်။ မကြာသေးမီက ဖြစ်ပွားခဲ့သော ပိုးမွှား ဘေးဒုက္ခမှစ၍ ဘေးဒုက္ခ ကယ်ဆယ်ရေးနှင့် ဖြစ်ပေါ်လာနိုင်သော အပြောင်းအလဲများ၏ ရေရှည် အကျိုးသက်ရောက်မှုများအထိ သူသည် ကဏ္ဍပေါင်းစုံတွင် ခိုင်မာသော အသိပညာနှင့် ထိုးထွင်းသိမြင်မှုများကို ပြသနိုင်ခဲ့သည်။</p> <p>ဝမ်ရှိုကျဲ့ သဘောမတူသော သေးငယ်သည့် အကြံဉာဏ် အနည်းငယ် ရှိသော်လည်း ၎င်းက ဤအနာဂတ် ယောက်ဖအပေါ် သူ၏ အမြင်ကောင်းကို မထိခိုက်စေခဲ့ပေ။ ရန်သူ့ဘက်က လျိုမျိုးနွယ်စုနှင့် ကျောက်မျိုးနွယ်စုတို့နှင့် မတူဘဲ ယခု လျိုမျိုးနွယ်စုသည် မိသားစု ပညာရေး အပိုင်းတွင် အလွန် ကောင်းမွန်စွာ လုပ်ဆောင်ထားကြောင်း တွေ့ရသည်။</p> <p> </p> <p>** မူရင်း တရုတ်ဝတ္ထုမှာ ရန်သူဖြစ်တဲ့ လျိုမျိုးနွယ်စုက (刘 - Liu) ဖြစ်ပြီး၊ စေ့စပ်ထားတဲ့ သတို့သမီးလောင်းရဲ့ လျိုမျိုးနွယ်စုက (柳 - Liu / မိုးမခ) ဖြစ်ပါတယ်။**</p> <p> </p> <p>လျိုယွမ်ရွေ့၏ နှလုံးသားထဲတွင်မူ ပို၍ပင် အံ့ဩနေမိသည်။ သူသည် ယခင်က ဝမ်ရှိုကျဲ့နှင့် ဆက်ဆံဖူးပြီး ထိုအချိန်က ဝမ်ရှိုကျဲ့မှာ အနေအထိုင် အေးဆေးပြီး စကားပြော မကျွမ်းကျင်ပေ။ ကျင့်ကြံခြင်း လမ်းစဉ်တွင်သာ သူ့ကို အထင်ကြီးစေနိုင်ခဲ့သည်။</p> <p>ထို့ကြောင့် လျိုယွမ်ရွေ့သည် ဤစေ့စပ်မှုအပေါ် အနည်းငယ် မကျေနပ်ခဲ့ပေ။ ဝမ်ရှိုကျဲ့ ပြသခဲ့သော စွမ်းရည်နှင့် အသိပညာများမှာ သူကပင် သာလွန်သည်ဟု သူ အမြဲ ခံစားခဲ့ရသည်။ ထိုသို့ဆိုလျှင် သူက သူ့အစ်မ လျိုရိုလန်နှင့် မည်သို့ ထိုက်တန်နိုင်မည်နည်း။</p> <p>သို့သော် ဤစေ့စပ်မှုကို ဘိုးဘေးများက ဆုံးဖြတ်ခဲ့ခြင်း ဖြစ်ပြီး မျိုးဆက်သစ် တစ်ဦး အနေဖြင့် သူ မကျေနပ်လျှင်တောင် ဝင်ရောက် စွက်ဖက်ခွင့် မရှိပေ။</p> <p>မထင်မှတ်ဘဲ တစ်နှစ်၊ နှစ်နှစ်မျှသာ ကြာသောအခါ အနာဂတ် ယောက်ဖဖြစ်သူသည် ကောင်းကင်နှင့် မြေကြီး ပြောင်းလဲသွားသကဲ့သို့ ကြီးမားသော အပြောင်းအလဲများ ဖြစ်ပေါ်လာခဲ့သည်။ သူ၏ စကားပြောဆိုမှုနှင့် အပြုအမူများတွင် ရင့်ကျက် တည်ငြိမ်မှု ရှိပြီး ယုံကြည်မှု အပြည့်ရှိသော အမူအရာ ရှိလေသည်။</p> <p>လက်ရှိ နိုင်ငံရေး ကိစ္စရပ် အချို့ကို ဆွေးနွေးသောအခါ သူ၏ တွေးခေါ်မှုက သွက်လက်ပြီး သူ၏ ယုတ္တိဗေဒက ရှင်းလင်းလှသည်။ သူက စကား အနည်းငယ်ဖြင့်ပင် ပြဿနာ၏ အနှစ်သာရကို ခွဲခြား သိမြင်နိုင်ပြီး ကိစ္စရပ်၏ နှလုံးသားဆီသို့ ထိုးဖောက် ဝင်ရောက်နိုင်လေသည်။ သူ့စကားများကို နားထောင်ရုံဖြင့်ပင် လျိုယွမ်ရွေ့မှာ ဉာဏ်အလင်းပွင့်သွားသကဲ့သို့ ရှင်းလင်းမှုကို ခံစားလိုက်ရသည်။</p> <p>"အစ်ကို ရှိုကျဲ့ရဲ့ အမြင်တွေကို ကျွန်တော် လေးစားပါတယ် ဒါပေမဲ့ ရိက္ခာဈေးနှုန်းတွေကို လွတ်လပ်ခွင့် မပေးသင့်ဘူး ဆိုတဲ့ အစ်ကို့ရဲ့ အငြင်းပွားမှုနဲ့ ပတ်သက်ပြီး ကျွန်တော့်မှာ ကန့်ကွက်စရာ နည်းနည်း ရှိတယ်"</p> <p>လျိုယွမ်ရွေ့က ယုံကြည်မှု အပြည့်ဖြင့် ပြောလိုက်သည်။</p> <p>"မကြာသေးခင်က ဖြစ်သွားတဲ့ ပိုးမွှား ဘေးဒုက္ခကနေ ဒီနိုင်ငံတော် မူဝါဒရဲ့ အားနည်းချက်တွေကို ကျွန်တော်တို့ မြင်တွေ့နိုင်နေပါပြီ အကျိုးအမြတ် မရှိဘဲနဲ့ ကုန်သည်တွေက အဝေးကနေ ရိက္ခာတွေကို ဘယ်လိုလုပ် သယ်ယူ ရောင်းချချင်ကြမှာလဲ မကြာခင် အနာဂတ်မှာ ရိက္ခာဈေးနှုန်း မူဝါဒ အပြောင်းအလဲတွေ ဖြစ်လာနိုင်ခြေ အများကြီး ရှိတယ်လို့ ကျွန်တော် ယုံကြည်တယ်"</p> <p>"ရိက္ခာဈေးနှုန်း မူဝါဒ အပြောင်းအလဲတွေ ဖြစ်လာနိုင်ခြေ ရှိပါတယ် ဒါပေမဲ့ ပြောင်းလဲသွားရင်တောင် အသေးစား ပြုပြင်ပြောင်းလဲမှုလောက်ပဲ ဖြစ်လိမ့်မယ်"</p> <p>ဝမ်ရှိုကျဲ့က ခေါင်းယမ်း၍ ပြောလိုက်သည်။</p> <p>"ယွမ်ရွေ့ မင်းက ရိက္ခာဈေးနှုန်းတွေကို လွတ်လပ်ခွင့် ပေးလိုက်ခြင်းရဲ့ အားသာချက်တွေကိုပဲ မြင်နေတာ အငတ်ဘေး ကြုံတဲ့ နှစ်တွေမှာ ဘေးဒုက္ခသည်တွေကို ကူညီဖို့ ရိက္ခာတွေကို အမြန် စုဆောင်းနိုင်တာမျိုးပေါ့ ဒါပေမဲ့ လူသားတွေရဲ့ လောဘကို မင်း မေ့လျော့နေတယ် ရိက္ခာဈေးနှုန်းတွေကို အပြည့်အဝ လွတ်လပ်ခွင့် ပေးလိုက်တာနဲ့ လုပ်ငန်းရှင်ကြီးတွေက ဈေးကွက်ထဲ ဝင်လာပြီး ရိက္ခာ ထုတ်လုပ်မှုကို လက်ဝါးကြီးအုပ်ကာ ဈေးနှုန်း အတက်အကျကို ကြိုးကိုင် ခြယ်လှယ်ကြလိမ့်မယ် အဲဒီအချိန်ကျရင် ငါတို့လို မိသားစုငယ်တွေ၊ ကိုယ်ပိုင် လယ်သမားတွေနဲ့ အခြား သာမန် ပြည်သူတွေက ဒီလုပ်ငန်းရှင်ကြီးတွေရဲ့ လက်ခုပ်ထဲက ရေ ဖြစ်သွားပြီး ကိုယ့်ဘဝကို ကိုယ် မထိန်းချုပ်နိုင်တော့ဘဲ ဖြစ်သွားလိမ့်မယ်"</p> <p>"သဘာဝ ဘေးဒုက္ခတွေက နှစ်တိုင်း မဖြစ်ဘူး ဒါပေမဲ့ လူလုပ်တဲ့ ဘေးဒုက္ခတွေကတော့ အချိန်မရွေး ဖြစ်ပေါ်လာနိုင်တယ်"</p> <p>ဝမ်ရှိုကျဲ့၏ မျက်နှာအမူအရာမှာ အလွန် လေးနက်သွားလေသည်။</p> <p>"နိုင်ငံရေး မူဝါဒတွေကို ကြည့်တဲ့အခါ အားနည်းချက် တချို့ကိုပဲ အာရုံစိုက်နေလို့ မရဘူး ပြီးတော့ အငတ်ဘေး ကြုံတဲ့ နှစ်တွေမှာတောင် ရိက္ခာဈေးနှုန်းတွေကို လွတ်လပ်ခွင့် ပေးလိုက်တာက ကြီးမားတဲ့ ဘေးဒုက္ခ တစ်ခုပဲ လောဘကြီးတဲ့ ကုန်သည်တွေက သာမန် ပြည်သူတွေကို ခေါင်းပုံဖြတ်ပြီး သူတို့ရဲ့ အိတ်ကပ်တွေကို ရှင်းလင်းပစ်လိမ့်မယ် သူတို့ရဲ့ လယ်မြေတွေ၊ ပိုင်ဆိုင်မှုတွေနဲ့ သူတို့ရဲ့ ကလေးတွေကိုတောင် ရောင်းချဖို့ အတင်းအကျပ် ဖိအားပေးလာလိမ့်မယ်"</p> <p>"ဒီဟာက..."</p> <p>လျိုယွမ်ရွေ့မှာ သံသယ ရှိနေပုံ ရသော်လည်း ထိုအကြောင်းအရာနှင့် ပတ်သက်၍ ဆက်လက် မငြင်းခုံလိုတော့ပေ။ သူက စကားလမ်းကြောင်း လွှဲလိုက်သည်။</p> <p>"အစ်ကို ရှိုကျဲ့ ရှေ့ကဟာက ကျူဝေရေကန်လား ကျွန်တော် ဖင်းအန်းမြို့နယ်ကို ရောက်တာ ဒါပထမဆုံး အကြိမ်ပဲ အစ်ကို ရှိုကျဲ့ ကျွန်တော့်ကို ရေကန်ဆီ လိုက်ပြပေးရမယ်နော်"</p> <p>စကားသိပ်မပြောသော လျိုရိုလဲ့သည် စကားဝိုင်းအတွင်း အစ်ကို ရှိုကျဲ့မှာ ပို၍ပင် ယုံကြည်မှု ရှိပြီး တည်ငြိမ်နေကြောင်း ခံစားလိုက်ရသည်။ ကောလာဟလများထက် သူက ပို၍ ထူးချွန်နေနိုင်ချေ ရှိပေသည်။</p> <p>ကြည့်ရသည်မှာ အစ်ကို ရှိုကျဲ့က သူမ ထင်ထားသည်ထက်ပင် ပို၍ ထူးချွန်နေပုံ ရသည်။</p> <p>သူမကလည်း ကျူဝေရေကန်ကို စိတ်ဝင်စားသွားလေသည်။</p> <p>"ညီမလည်း ကျူဝေရေကန်ကို သွားချင်တယ်"</p> <p>သူတို့ နှစ်ဦးစလုံး ကျူဝေရေကန်သို့ သွားချင်ကြောင်း ကြားသောအခါ လျိုမျိုးနွယ်စု၏ တိုက်ရိုက် သွေးဆက်များတွင် ရေကန်နှင့် ပတ်သက်၍ အခြားသူများနှင့် မတူသော ခံစားချက် တစ်ခု ရှိကြောင်း ဝမ်ရှိုကျဲ့ ရုတ်တရက် သတိရသွားသည်။</p> <p>ဝမ်မျိုးနွယ်စု၏ ဒုတိယ သမီးဖြစ်သူ ဝမ်ကျူရှီသည် လျိုမျိုးနွယ်စုသို့ အိမ်ထောင်ကျခဲ့ပြီး သားနှစ်ယောက်နှင့် သမီးတစ်ယောက် ရရှိခဲ့သည်။ လက်ရှိ တိုက်ရိုက် သွေးဆက်များ အားလုံးမှာ သူမ၏ သွေးဆက်များသာ ဖြစ်ကြသည်။</p> <p>လျိုမျိုးနွယ်စုတွင် သူမ၏ မြင့်မားသော အဆင့်အတန်းမှာ ယခုတိုင် အသက်ရှင်လျက် ရှိနေဆဲ ဖြစ်သော လျိုမျိုးနွယ်စု၏ ဝိညာဉ်အဆင့် ဘိုးဘေး သုံးပါးသည် သူမနှင့် ဆွေမျိုး တော်စပ်နေခြင်းကြောင့် ပို၍ ဖြစ်ပေသည်။ တစ်ဦးမှာ သူမ၏ သားဖြစ်ပြီး တစ်ဦးမှာ သူမ၏ မြေး ဖြစ်လေသည်။</p> <p>သမီးတစ်ယောက်လည်း ရှိသေးပြီး သူမက ပို၍ပင် ထူးခြားလေသည်။</p> <p>သူမမှာ ဘိုးဘေးလုံယန်နှင့် တန်းတူ ဖြစ်သော ချန်နင်၏ အလှပဂေး အမြွှာ နှစ်ဦး အနက်မှ တစ်ဦး ဖြစ်သူ လျိုရွှမ်ဖူ ပင်ဖြစ်သည်။</p> <p>လူတိုင်း၏ ခန့်မှန်းချက်များအရ ခရမ်းရောင်နန်းတော် အကယ်ဒမီတွင် အလွန် ချောမွေ့စွာ တိုးတက်လာခဲ့သော လျိုရွှမ်ဖူသည် ယခုအခါ ဝိညာဉ်အဆင့် နှောင်းပိုင်းသို့ ရောက်ရှိနေပြီ ဖြစ်နိုင်ချေ အများဆုံးပင်။ မကြာသေးမီ နှစ်များအတွင်း လျိုမျိုးနွယ်စု၏ လျင်မြန်သော ဖွံ့ဖြိုးတိုးတက်မှုသည် လျိုရွှမ်ဖူ၏ ဂရုစိုက်မှုနှင့် ပံ့ပိုးမှုတို့နှင့်လည်း တိုက်ရိုက် သက်ဆိုင်နေပေသည်။</p> <p>ထို့ကြောင့် အဘွားကျူရှီသည် လျိုမျိုးနွယ်စုတွင် ကြီးပွားချမ်းသာသော ဘဝတစ်ခုကို ဖြတ်သန်းခဲ့ရသည်။ ကံမကောင်းစွာဖြင့် ဘိုးဘေးကျိုးရွှမ် ကွယ်လွန်ခဲ့သော ချန်လုံခေတ် သုံးထောင့်ကိုးဆယ့်ငါး ခုနှစ်တွင် အဘွားကျူရှီသည် အလွန် ဝမ်းနည်းကြေကွဲခဲ့ရပြီး နောက်ဆုံးတွင် အသက် ရှစ်ဆယ့်ခုနစ်နှစ် အရွယ်၌ ကွယ်လွန်သွားခဲ့လေသည်။</p> <p>သို့သော် အတင်းအဖျင်းများအကြောင်း ဆက်မပြောကြပါစို့။</p> <p>မြင်းလှည်း ရှေ့သို့ ဆက်သွားသောအခါ ကျူဝေရေကန်ဘေးရှိ စည်ကားနေသော ဆောက်လုပ်ရေး လုပ်ငန်းခွင်ကို သူတို့ မြင်တွေ့လိုက်ရသည်။</p> <p>လျိုယွမ်ရွေ့ တစ်ဖန် စိတ်ဝင်စားသွားပြန်သည်။</p> <p>"အစ်ကို ရှိုကျဲ့ ဆောက်လုပ်ရေး တဲတွေ အများကြီးပဲ ရေကန်ဘေးမှာ အိမ်ကြီးအိမ်ကောင်းတွေ ဆောက်မလို့လား"</p> <p>ဝမ်ရှိုကျဲ့ ပြုံးလိုက်သည်။ အိမ်ကြီးအိမ်ကောင်းများ ဆောက်ရန် ဆိုသည်မှာ သေချာပေါက် မဖြစ်နိုင်ပေ။ ဝမ်မျိုးနွယ်စု၏ မကြာသေးမီက စီးပွားရေး အခြေအနေ တိုးတက်လာသော်လည်း အိမ်ကြီးအိမ်ကောင်းများ ဆောက်ရန် ငွေကြေး ဖြုန်းတီးပစ်ရမည့် အကြောင်းအရင်း မရှိပေ။</p> <p>"ကျွန်တော်တို့ ဝမ်မျိုးနွယ်စုက ရေကန်ကို နုန်းဆယ်ပြီး မြေဖို့ဖို့ စီစဉ်နေတာပါ"</p> <p>ဝမ်ရှိုကျဲ့က အစီအစဉ်ကို အတိုချုပ် ရှင်းပြလိုက်သည်။ ဤမျှ ကြီးမားသော စီမံကိန်းကို ဖုံးကွယ်ထား၍ မရနိုင်သကဲ့သို့ ဖုံးကွယ်ထားရန်လည်း မလိုအပ်ပေ။</p> <p>နားထောင်ပြီးနောက် လျိုယွမ်ရွေ့မှာ နေရာတွင်ပင် မှင်တက်သွားလေသည်။ သူက စိတ်ထဲတွင် အလျင်အမြန် တွက်ချက်လိုက်ပြီး သူ၏ မျက်နှာအမူအရာမှာ တုန်လှုပ်မှုများ ပြည့်နှက်သွားလေသည်။</p> <p>"အစ်ကို ရှိုကျဲ့ နောက်နေတာလား ဒီလောက် ကြီးမားတဲ့ စီမံကိန်းက ရွှေတာရာ သုံးသောင်း အောက်တော့ မနည်းနိုင်ဘူး ပြီးတော့ ပါဝင်မယ့် လူအင်အားနဲ့ အရင်းအမြစ်တွေကလည်း အရမ်း များပြားမှာ အစ်ကို... အစ်ကို..."</p> <p>ဤမျှ ကြီးမားသော စီမံကိန်းသည် ဘိုးဘေးများ နယ်မြေသစ်များ ဖွင့်လှစ်ခဲ့စဉ်က စွမ်းဆောင်ချက်များနှင့် နှိုင်းယှဉ်နိုင်သည်မှာ အံ့ဩစရာ မဟုတ်ပေ။ အချို့သော သိုင်းမျိုးနွယ်စုများသည် အလုပ်အားလပ်ချိန်တွင် မြစ်ချောင်းများ နုန်းဆယ်ခြင်းနှင့် မြေဖို့ခြင်း လုပ်ငန်း အချို့ လုပ်ဆောင်ရန် အိမ်ငှား လယ်သမားများ (သို့မဟုတ်) လယ်သမားများကို စည်းရုံးလေ့ ရှိသော်လည်း ပမာဏမှာ အကန့်အသတ် ရှိလေသည်။ လယ်ယာတစ်ခုသည် တစ်နှစ်လျှင် ဧက ဆယ်ဂဏန်းမှ ရာဂဏန်းအထိ တိုးချဲ့နိုင်ပါက ကောင်းမွန်သည်ဟု ယူဆရသည်။</p> <p>"ဒီလောက် အရေးကြီးတဲ့ ကိစ္စကို ငါက နောက်ပြောင်ပါ့မလား"</p> <p>ဝမ်ရှိုကျဲ့၏ မျက်နှာအမူအရာ လေးနက်သွားလေသည်။</p> <p>လျိုယွမ်ရွေ့၏ ခန္ဓာကိုယ် တုန်ရီသွားပြီး သူ၏ မျက်နှာအမူအရာမှာ ရှုပ်ထွေးသွားလေသည်။ သူသည် နှိမ့်ချမှုနှင့် ယဉ်ကျေးမှုကို ပြသခဲ့သော်လည်း သူ၏ အတွင်းစိတ်ထဲတွင် သာလွန်မှု ခံစားချက် တစ်ခု ရှိနေခဲ့သည်။ သူက ဤနေရာသို့ သူ၏ အနာဂတ် ယောက်ဖဖြစ်သူအား ဝေဖန် အကဲဖြတ်မည့် သဘောထားဖြင့် ရောက်လာခဲ့ခြင်း ဖြစ်သည်။</p> <p>လျိုမျိုးနွယ်စုသည် အင်အားကြီးမားပြီး လျိုယွမ်ရွေ့ ကိုယ်တိုင်မှာလည်း ပါရမီ ပါသဖြင့် ဘိုးဘေးများ၏ ချီးကျူးမှုကို အကြိမ်များစွာ ခံခဲ့ရသည်။ သူ၏ အစ်မ လျိုရိုလန်သည် ဝမ်ရှိုကျဲ့ထံသို့ အဆင့်နိမ့်၍ အိမ်ထောင်ကျရသည်ဟု သူ အမြဲ တွေးထင်ခဲ့သည်။</p> <p>သို့သော် ဝမ်ရှိုကျဲ့သည် ရည်ရွယ်ချက် မရှိဘဲ သူ၏ မာနကို တစ်စစီ ရိုက်ချိုးပစ်ခဲ့လေသည်။ ကိုယ်ပိုင် ပါရမီ၊ အမြော်အမြင်၊ အပြုအမူနှင့် တွေးခေါ်မှု အပိုင်းတို့တွင် သူက အနည်းငယ် ညံ့ဖျင်းနေသည်ဟု ခံစားလိုက်ရသည်။</p> <p>သို့သော် လျိုမျိုးနွယ်စု၏ ခွန်အားသည်လည်း သူ၏ ဂုဏ်ယူစရာပင်ဖြစ်သည်။</p> <p>မထင်မှတ်ဘဲ ယခုအခါ ဝမ်မျိုးနွယ်စုက ဤမျှ ကြီးမားသော ဖွံ့ဖြိုးတိုးတက်ရေး အစီအစဉ်ကြီးကို စတင်နေပြီ ဖြစ်ရာ ဤစီမံကိန်းကို လျိုမျိုးနွယ်စုပင် အလွယ်တကူ လုပ်ဆောင်ရဲမည် မဟုတ်ပေ။</p> <p>"အစ်ကို ရှိုကျဲ့က ကျွန်တော့်ထက် နှစ်နှစ်၊ သုံးနှစ်ပဲ ပိုကြီးတာနော်"</p> <p>လျိုယွမ်ရွေ့က ခါးသီးမှု အနည်းငယ် ရောယှက်ကာ လေးစားစွာ ပြောလိုက်သည်။ ဤမျှ ငယ်ရွယ်သော အရွယ်တွင် အစ်ကို ရှိုကျဲ့သည် မိသားစု လုပ်ငန်းကို စတင် ဆက်ခံနေပြီ ဖြစ်ပြီး တကယ့် အာဏာကို ချုပ်ကိုင်ကာ ဤမျှ ကျယ်ပြန့်သော ဖွံ့ဖြိုးတိုးတက်ရေး စီမံကိန်းကြီးကို စတင်၍ မိသားစု၏ နှစ်တစ်ရာ အုတ်မြစ်ကို ချမှတ်နေပြီ ဖြစ်သည်။</p> <p>သူ လျိုယွမ်ရွေ့နှင့် နှိုင်းယှဉ်ပါက ၎င်းတို့သည် အဆင့်အတန်းချင်းပင် မတူတော့ချေ။</p> <p>သူ့ကို ထားလိုက်ပါတော့၊ သူ၏ အစ်ကိုဖြစ်သူ လက်ရှိ လျိုမျိုးနွယ်စု၏ ခေါင်းဆောင်ငယ် လျိုယွမ်ဟွေးပင်လျှင် နှိုင်းယှဉ်ရန် ခက်ခဲပေလိမ့်မည်။</p> <p>"အစ်ကို ရှိုကျဲ့က အရမ်း တော်တာပဲ"</p> <p>လျိုရိုလဲ့၏ မျက်လုံးများတွင်လည်း စိတ်လှုပ်ရှားမှုများ တောက်ပနေပြီး ဝမ်းသာအားရ ပြောလိုက်သည်။</p> <p>"စာရွက်ပေါ်မှာပဲ စကားပြောတတ်တဲ့ သမီးရဲ့ အစ်ကိုထက် အများကြီး ပိုတော်တယ်"</p> <p>လျိုယွမ်ရွေ့၏ မျက်နှာ မည်းမှောင်သွားလေသည်။ အစ်ကို ရှိုကျဲ့သည် တကယ်ပင် ထူးခြားသည် မှန်သော်လည်း ရိုလဲ့ မင်းရဲ့ အစ်ကိုကို အဲဒီလောက်အထိ နှိမ့်ချစရာ မလိုပါဘူး။</p> <p> </p> <p> </p> <p> </p> <p> </p> <p style="text-align: center;">***</p>


Save