Book List

<h2 style="text-align: center;">အခန်း (၂၁၃)</h2> <h2 style="text-align: center;">သူမက ခုံးနျန်ကျောင်းတော်ရဲ့ ဗုဒ္ဓ၊ ငါက အနန္တတာအိုဂိုဏ်းရဲ့ မိစ္ဆာ</h2> <h2 style="text-align: center;">*</h2> <p> </p> <p> </p> <p>အနန္တတာအိုဂိုဏ်း၏ မြောက်ဘက်ရှိ တောင်ထိပ်တစ်ခုပေါ်တွင်။</p> <p>လူငယ်တစ်ဦးသည် သူ၏လက်ထဲတွင် ထန်ဟန်ဓားကို ကိုင်ဆောင်လျက် သွေးမိစ္ဆာဓားသိုင်းကို လေ့ကျင့်နေလေသည်။</p> <p>ထိုလူငယ်သည် အရွယ်ရောက်နေပြီ ဖြစ်သည်။</p> <p>ယခုနှစ် သူ၏အသက် ဆယ့်ရှစ်နှစ်အရွယ်တွင် လူငယ်သည် သန္ဓေတည်ဝိညာဉ်အဆင့်သို့ ဝင်ရောက်သွားခဲ့လေပြီ။</p> <p>"ဝုန်း"</p> <p>လူငယ်က သူ၏ဓားကို အောက်သို့ ခုတ်ချလိုက်သည်နှင့်အမျှ မြေကြီးမှာ အပြင်းအထန် တုန်ခါသွားပြီး ငှက်များနှင့် သားရဲများမှာ အထိတ်တလန့် ထွက်ပြေးသွားကြလေသည်။</p> <p>အဝေးရှိ ဖုန်းဆိုးတောင်ကြီးမှာ လူငယ်၏ ခုတ်ပိုင်းမှုကြောင့် ထက်ပိုင်း ပြတ်သွားခဲ့လေသည်။</p> <p>ဖုန်းဆိုးတောင်၏ ပြတ်တောက်သွားသော အက်ကြောင်းထဲမှ သွေးချီများ လျှံကျလာပြီး ကောင်းကင်တစ်ခွင်သို့ ပျံ့နှံ့သွားလေသည်။</p> <p>"ဝှစ်"</p> <p>ရှောင်မိုက အသက်ပြင်းပြင်း ရှူလိုက်ပြီး သူ၏ဓားရှည်ကို သိမ်းဆည်းလိုက်လေသည်။</p> <p>သူ၏ပထမဆုံးဘဝတွင် ဓားအရိုးကို ပိုင်ဆိုင်ထားသဖြင့် အသက်ဆယ့်ရှစ်နှစ်အရွယ်၌ သန္ဓေတည်ဝိညာဉ်အဆင့်သို့ ဝင်ရောက်ခဲ့ဖူးသည် မှန်သော်လည်း။</p> <p>သို့သော် ဤဘဝရှိ သူ၏အဆင့် အရည်အသွေးမှာ ပထမဘဝကထက် များစွာ ပိုမိုမြင့်မားနေလေသည်။</p> <p>တကယ်တမ်းတွင် သူသာ အဆင့်တိုင်းကို တတ်နိုင်သမျှ အပြစ်အနာအဆာ ကင်းစင်စေရန် အဆက်မပြတ် မွမ်းမံသန့်စင်ခြင်းများ မပြုလုပ်ခဲ့ပါက ယခုအချိန်တွင် ကျောက်စိမ်း သန့်စင်ခြင်းအဆင့်သို့ ဝင်ရောက်ရန်မှာ မဖြစ်နိုင်သည့် ကိစ္စမဟုတ်ပေ။</p> <p>"တကယ် လက်တွေ့မှာသာ ငါ့ဆီမှာ ဒီလိုပါရမီမျိုး ရှိနေခဲ့ရင် သိပ်ကောင်းမှာပဲ"</p> <p>ရှောင်မိုက အနည်းငယ် ခံစားချက်ပြင်းပြသွားလေသည်။</p> <p>သို့သော် မကြာမီမှာပင် ရှောင်မိုက ခေါင်းယမ်းလိုက်ပြီး သူ အတွေးလွန်နေသည်ဟုသာ ခံစားလိုက်လေသည်။</p> <p>ကျင့်ကြံခြင်းနှင့် ပတ်သက်၍ အကောင်းဆုံးကြိုးစားခြင်းကသာ အသင့်တော်ဆုံးဖြစ်သည်။ ပို၍ အတင်းအကျပ် ဖိအားပေးလေလေ ဆိုးကျိုးသက်ရောက်နိုင်ခြေ ပိုများလေလေပင် ဖြစ်သည်။</p> <p>"ဂိုဏ်းတူအစ်ကို"</p> <p>ရှောင်မိုက အနန္တတာအိုဂိုဏ်းသို့ ပျံသန်းပြန်ရန် လှည့်လိုက်ချိန်မှာပင် ဆယ့်ခြောက်နှစ်အရွယ် မိန်းကလေးတစ်ဦးက သူ၏ထံသို့ ပျံသန်းလာလေသည်။</p> <p>မိန်းကလေးသည် အနက်ရောင် ဂါဝန်ရှည်ကို ဝတ်ဆင်ထားပြီး ၎င်း၏အောက်ခြေစွန်းများက မြူခိုးများအလား ပေါ့ပါးလွင့်မျောနေသော ပိုးဇာသားဖြစ်ကာ တင်းကျပ်စွာ စည်းနှောင်ထားသော ခါးလေးကြောင့် သူမ၏ ကိုယ်လုံးကိုယ်ပေါက်မှာ ပိုမို သွယ်လျနေပုံပေါက်လေသည်။</p> <p>အနီရောင် ရေစက်ပုံသဏ္ဌာန် ဆွဲသီးလေးတစ်ခုက သူမ၏ လည်ပင်းတွင် တိတ်ဆိတ်စွာ ရှိနေပြီး အနက်ရောင် စက္ကူပေါ်ရှိ ဟင်္သာပြဒါးစက်လေးတစ်ခုအလား ဆွဲဆောင်မှုတစ်ရပ်ကို ထပ်လောင်းပေါင်းထည့်ပေးနေလေသည်။</p> <p>ဤအနီရောင် ဆွဲသီးလေးမှာ အဆင့်ခြောက် မိစ္ဆာအမြူတေတစ်ခုမှ ဖန်တီးထားသော အဆင့်ခြောက် မှော်လက်နက်တစ်ခု ဖြစ်သည်။</p> <p>အဆင့်ခြောက် မှော်လက်နက်ဆိုသည်မှာ မိန်းကလေးအတွက် ထူးခြားသောအရာ မဟုတ်သော်လည်း သူမက အမြဲတမ်း သူမ၏ ခန္ဓာကိုယ်နှင့် ကပ်လျက် ဝတ်ဆင်ထားတတ်လေသည်။</p> <p>ထိုဆွဲသီးလေးက သူမအတွက် အထူးအရေးပါသော အဓိပ္ပာယ်တစ်ရပ် ရှိနေသကဲ့သို့ပင်။</p> <p>ထို့အပြင် ငွေရောင် လိပ်ပြာနားဆွဲလေးများက သူမ၏ နားရွက်တွင် တွဲလောင်းကျနေပြီး သူမ၏ နက်မှောင်သော ဆံကေသာကို ငွေရောင် ဆံထိုးတစ်ခုဖြင့် ထိုးတင်ကာ သေသပ်လှပသော မိုးမခရွက်ပုံသဏ္ဌာန် ဆံထုံးလေးတစ်ခုအဖြစ် ထုံးဖွဲ့ထားလေသည်။ ထို့နောက် စံပယ်ပန်းတစ်ပွင့်ဖြင့် အလှဆင်ထားရာ သူမကို လန်းဆန်းလှပပြီး အလွန်အမင်း ကျက်သရေရှိနေစေလေသည်။</p> <p>နှင်းပွင့်အလား ဖြူဖွေးသော သူမ၏ အသားအရေ၊ အနက်ရောင် ဂါဝန်ရှည်နှင့် အနီရောင် ဆွဲသီး၊ ဤအရောင်သုံးမျိုး ပေါင်းစပ်မှုက ထူးခြားသော အလှတရားတစ်ခုကို ဖန်တီးပေးထားပြီး ညဉ့်ယံတွင် ဖူးပွင့်လာသော နှင်းဆီပန်းတစ်ပွင့်အလား ဆွဲဆောင်မှုရှိကာ အန္တရာယ်လည်း ပေးနိုင်စွမ်းရှိလေသည်။</p> <p>သို့တိုင် သူမ၏ စရိုက်လက္ခဏာတွင် စာပေပညာတတ်တစ်ဦး၏ အငွေ့အသက်များလည်း ပါဝင်နေသေးသည်။</p> <p>"ယွင်ဝေ့၊ ဘာဖြစ်လို့လဲ" ကျက်သရေရှိသော မိန်းမပျိုလေးတစ်ဦးအဖြစ် ကြီးပြင်းလာပြီဖြစ်သည့် သူ၏ ဂိုဏ်းတူညီမလေးကို ကြည့်ကာ ရှောင်မိုက မေးလိုက်လေသည်။</p> <p>"ဂိုဏ်းတူအစ်ကို၊ ဘာဖြစ်လို့လဲလို့ ဘယ်လိုလုပ်ပြီး မေးနိုင်ရတာလဲ" ယွီယွင်ဝေ့က သူမ၏ လက်သီးဆုပ်လေးကို ဆုပ်ကာ ရှေ့သို့တက်လာပြီး မှုတ်ထုတ်လိုက်သည်၊ "ဒီနေ့က သူတော်စင်ရွေးချယ်ပွဲရဲ့ ပထမဆုံးနေ့လေ"</p> <p>"ဒီနေ့လား" ရှောင်မိုမှာ တကယ်ပင် မေ့နေခဲ့ခြင်း ဖြစ်သည်။</p> <p>"သေချာတာပေါ့" ယွီယွင်ဝေ့၏ ဖြူဖွေးနုနယ်သော လက်ဖဝါးလေးက ရှောင်မို၏ လက်ကောက်ဝတ်ကို လှမ်းဆွဲလိုက်သည်၊ "ဂိုဏ်းတူအစ်ကို၊ မြန်မြန် သွားကြရအောင်"</p> <p>ယွီယွင်ဝေ့က ရှောင်မိုကို ဆွဲခေါ်ကာ အနန္တတာအိုဂိုဏ်းသို့ ပျံသန်းပြန်သွားလေသည်။</p> <p>သို့သော် သူမ၏ ဂိုဏ်းတူအစ်ကို၏ လက်ကောက်ဝတ်ကို ဆုပ်ကိုင်ထားသော မိန်းကလေး၏ ပါးပြင်ပေါ်တွင် ပန်းရောင်သဲ့သဲ့လေး သန်းနေလေသည်။</p> <p>သိပ်မကြာမီမှာပင် ယွီယွင်ဝေ့နှင့် ရှောင်မိုတို့သည် အနန္တတာအိုဂိုဏ်း၏ အနန္တတာအိုလွင်ပြင်သို့ ပြန်လည်ရောက်ရှိလာကြလေသည်။</p> <p>ဤကျယ်ပြန့်လှသော လွင်ပြင်ကြီးပေါ်တွင် မှော်ဝင်္ကပါများကို တစ်ခုပြီးတစ်ခု ခင်းကျင်းထားလေသည်။</p> <p>ထိုမှော်ဝင်္ကပါများက လွင်ပြင်ကို တပည့်များ ယှဉ်ပြိုင်တိုက်ခိုက်ရန်အတွက် နယ်မြေအကွက်များအဖြစ် ပိုင်းခြားပေးထားလေသည်။</p> <p>သို့သော် ယင်းက နောက်ဆုံးအနိုင်ရရှိသူသည် အနန္တတာအိုဂိုဏ်း၏ သူတော်စင် ဖြစ်လာမည်ဟု မဆိုလိုပေ။</p> <p>အနန္တတာအိုဂိုဏ်း၏ သူတော်စင်ရွေးချယ်ပွဲကို အပိုင်းနှစ်ပိုင်း ခွဲခြားထားလေသည်။</p> <p>ပထမအပိုင်းမှာ သိုင်းပညာ ယှဉ်ပြိုင်တိုက်ခိုက်ခြင်း ဖြစ်သည်။</p> <p>သူတော်စင်ရွေးချယ်ပွဲတွင် ပါဝင်မည့် တပည့်အားလုံးက အနန္တတာအိုလွင်ပြင်သို့ လာရောက်ကာ အသက်လုတိုက်ပွဲများကို အကြိမ်ကြိမ် ဆင်နွှဲကြရမည်ဖြစ်ပြီး နောက်ဆုံးတွင် လူဆယ်ဦးကို ရွေးချယ်မည် ဖြစ်သည်။</p> <p>ထိုလူဆယ်ဦးသည် သူတော်စင် ကိုယ်စားလှယ်လောင်းများ ဖြစ်လာမည် ဖြစ်သည်။</p> <p>ထို့နောက် အနန္တတာအိုဂိုဏ်း၏ ဂိုဏ်းချုပ်က တာဝန်တစ်ခု သို့မဟုတ် တာဝန်အချို့ကို သတ်မှတ်ပေးမည် ဖြစ်သည်။</p> <p>ထိုတာဝန်များကို ပထမဆုံး ပြီးမြောက်အောင် ဆောင်ရွက်နိုင်သူက အနန္တတာအိုဂိုဏ်း၏ သူတော်စင် ဖြစ်လာမည်ပင်တည်း။</p> <p>ရှောင်မိုနှင့် ယွီယွင်ဝေ့တို့က လွင်ပြင်ပေါ်တွင် လျှောက်လှမ်းလာကြရာ လူများစွာက သူတို့အပေါ်သို့ အကြည့်များ ကျရောက်လာကြလေသည်။</p> <p>"အဲဒါ ဂိုဏ်းတူညီမလေးယွီ မဟုတ်လား"</p> <p>"သူမက တကယ်ကို ကျက်သရေရှိတဲ့ မိန်းမပျိုလေးတစ်ယောက်အဖြစ် ကြီးပြင်းလာခဲ့တာပဲ"</p> <p>"ငါတို့ အနန္တတာအိုဂိုဏ်းမှာ ဂိုဏ်းတူညီမလေးယွီထက် ပိုလှတဲ့ အမျိုးသမီး မရှိလောက်တော့ဘူး ထင်တယ်"</p> <p>"အနန္တတာအိုဂိုဏ်းတင် ဘယ်ကမလဲ၊ အနောက်ဘက်ဒေသ တစ်ခုလုံးမှာတောင် ဂိုဏ်းတူညီမလေးယွီထက် ပိုလှတဲ့သူကို ရှာတွေ့ဖို့ မဖြစ်နိုင်လောက်ဘူး"</p> <p>"အဲဒါကလည်း လုံးဝ မမှန်ပါဘူး၊ အကြီးအကဲ သွေးမိစ္ဆာကလည်း အလွန်အမင်း လှပတာပဲ"</p> <p>"မင်း သေချင်နေတာလား"</p> <p>"တကယ်တော့ မဟာယာနဗုဒ္ဓဘာသာဘုရားကျောင်းမှာလည်း အရမ်းလှတဲ့ အမျိုးသမီးတစ်ယောက် ရှိတယ်လို့ ငါ ကြားထားတယ်။ ပြီးတော့ သူ့ရဲ့ ပါရမီကလည်း အလွန်အမင်း မြင့်မားတယ်တဲ့"</p> <p>"မဟာယာနဗုဒ္ဓဘာသာဘုရားကျောင်းက အမျိုးသမီး ဟုတ်လား။ မင်း ဘာတွေပြောနေတာလဲ"</p> <p>"မင်း မသိတာလည်း ပုံမှန်ပါပဲ။ မကြာသေးခင်ကမှ သူမ နာမည်ကြီးလာတာကိုး"</p> <p>အနန္တတာအိုလွင်ပြင်ပေါ်တွင် လူများစွာက သူတို့နှစ်ဦးကို ကြည့်ရှုကာ တိုးတိုးတိတ်တိတ် စကားပြောဆိုနေကြလေသည်။</p> <p>ထိုလူများ၏ အကြည့်များကို ခံစားမိသောအခါ ယွီယွင်ဝေ့က ဂုဏ်ယူဝင့်ကြွားစွာဖြင့် ခေါင်းမော့လိုက်ပြီး သူမ၏ လက်မောင်းကို ရှောင်မိုနှင့် တင်းကျပ်စွာ ကပ်ထားလိုက်လေသည်။</p> <p>"ငါတို့ အနန္တတာအိုဂိုဏ်းက အမျိုးသားတပည့်တွေ အားလုံး မင်းကို တော်တော် သဘောကျနေကြပုံပဲ" ဟု ရှောင်မိုက သူ၏ဘေးရှိ ဂိုဏ်းတူညီမလေးကို ပြောလိုက်လေသည်။</p> <p>"ဟွန့်၊ သူတို့အားလုံးက အသုံးမကျတဲ့ကောင်တွေချည်းပါပဲ" ယွီယွင်ဝေ့က သူမ၏ ဂုဏ်ယူဝင့်ကြွားနေသော မေးစေ့ကို မော့လိုက်သည်၊ "သူတို့က ဂိုဏ်းတူအစ်ကိုရဲ့ ဆံပင်တစ်ပင်လောက်တောင် အသုံးမကျပါဘူး"</p> <p>ရှောင်မိုက တိုးညှင်းစွာ ရယ်မောလိုက်ပြီး ဘာမျှမပြောခဲ့ချေ။</p> <p>ဒီနှစ်တွေတစ်လျှောက်လုံး ယွီယွင်ဝေ့၏ စရိုက်လက္ခဏာများက သူမ ကလေးဘဝတုန်းကထက် သိသိသာသာ ပြောင်းလဲသွားခဲ့ပြီး ယဉ်ကျေးပျူငှာကာ ပိုမို သိနားလည်လာခဲ့လေသည်။</p> <p>စာသင်ကြားရခြင်းက တကယ်ကို အသုံးဝင်တယ်လို့ပဲ ဆိုရပေမည်။</p> <p>ဒါပေမယ့်။</p> <p>ဒီမိန်းကလေးက ကြီးလာလေလေ ပိုပြီး ကပ်ချွဲတတ်လာလေလေ ဖြစ်နေပုံရသည်။</p> <p>"ရှောင်မို။ ကြည့်စမ်း၊ ဟိုလူက ရှောင်မိုပဲ"</p> <p>"သူက တကယ်ကို ချောမောတာပဲ"</p> <p>"သူနဲ့သာ နှစ်ကိုယ်ကြားကျင့်ကြံလို့ ရရင် သိပ်ကောင်းမှာပဲ"</p> <p>"ရှောင်မိုရဲ့ မူလယန်စွမ်းအင်က ဒီနေ့အထိ မကျိုးပေါက်သေးဘူးလို့ ကြားတယ်"</p> <p>"ဒီည သူနဲ့ အတူတူ ညစာစားလို့ရမလား သွားမေးကြည့်ရမလား"</p> <p>"လက်လျှော့လိုက်စမ်းပါ၊ သူက နင့်ကို မျက်စိကျပါ့မလား။ နင်ကရော ဟို ယွီယွင်ဝေ့ လောက် လှလို့လား"</p> <p>"ယွီယွင်ဝေ့။ အဲဒါ ဘာလဲ။ ခုံးနျန်ကျောင်းတော်မှာ ဝမ်ရှင်းလို့ ခေါ်တဲ့ မဟာယာနဗုဒ္ဓဘာသာ သီလရှင်မလေး တစ်ပါးရှိတယ်လို့ ငါ ကြားတယ်။ သူမက လောကီလူသားလို့တောင် မထင်ရလောက်အောင်ကို အရမ်းလှတာတဲ့"</p> <p>"ပြီးတော့ ကောလာဟလတွေအရ အဲဒီ မဟာယာနဗုဒ္ဓဘာသာ သီလရှင်မလေးနဲ့ ရှောင်မိုက ပတ်သက်မှု တစ်ခုခု ရှိနေတယ်တဲ့"</p> <p>"သူတို့က အရင်တုန်းက ငယ်သူငယ်ချင်းတွေ ဖြစ်ခဲ့ကြတယ်လို့လည်း ငါ ကြားထားတယ်"</p> <p>ရှောင်မိုက ပန်းတစ်သောင်းတောင်ထွတ်မှ အမျိုးသမီးအချို့အနီးမှ ဖြတ်လျှောက်သွားစဉ် သူတို့၏ မျက်လုံးများက ရှောင်မိုကို စိတ်လှုပ်ရှားစွာ ကြည့်နေကြပြီး သူ့ကို နေရာမှာတင် အရှင်လတ်လတ် ဝါးမြိုပစ်ချင်နေသည့်အလား ဖြစ်နေကြလေသည်။</p> <p>သို့သော် ယွီယွင်ဝေ့က ခေါင်းလှည့်ကာ သူတို့ကို သတ်ဖြတ်လိုသော မျက်လုံးများဖြင့် စူးရဲစွာ စိုက်ကြည့်လိုက်ပြီးနောက် သူတို့မှာ ကြောက်လန့်တကြားဖြင့် ချက်ချင်း ပါးစပ်ပိတ်သွားကြလေသည်။</p> <p>ယွီယွင်ဝေ့က သူမ၏ ဂိုဏ်းတူအစ်ကိုကို တစ်ချက် လှမ်းကြည့်လိုက်ရာ သူ၏ ခံစားချက်မဲ့နေသော မျက်နှာကို မြင်သောအခါ သူမက ခေါင်းကို ပြန်ငုံ့ထားလိုက်ပြီး ဝမ်ရှင်း ဟူသော စကားလုံးက သူမ၏ စိတ်ထဲတွင် ပဲ့တင်ထပ်နေလေသည်။</p> <p>မကြာသေးမီက ထို ဝမ်ရှင်း နှင့် ပတ်သက်သော ကောလာဟလများက ပိုမို များပြားလာခဲ့လေသည်။</p> <p>ဝမ်ရှင်းသည် ကျောင်းထိုင်ကိုယ်တော် ရွှီကျင်း၏ တစ်ဦးတည်းသော တပည့်ဖြစ်ပြီး လောကတွင် ပထမဆုံးသော အမျိုးသမီး ကိုယ်တော်ဖြစ်ကြောင်း ဆိုကြလေသည်။</p> <p>သူမ၏ မဟာယာနဗုဒ္ဓဘာသာ ကျင့်ကြံမှုမှာ အလွန်အမင်း နက်ရှိုင်းလှပြီး သူမက ထူးကဲစွာ လှပလွန်းလှပေသည်။</p> <p>ဝမ်ရှင်းက ဗုဒ္ဓတာအို၏ နောက်ထပ် ခေါင်းဆောင် ဖြစ်လာလိမ့်မည်ဟု ကောလာဟလများလည်း ရှိနေလေသည်။</p> <p>သို့သော် ယွီယွင်ဝေ့က ဤအရာများ အားလုံးကို ဂရုမစိုက်ခဲ့ချေ။</p> <p>ယွီယွင်ဝေ့ အဂရုစိုက်ဆုံး အရာက...</p> <p>"ဂိုဏ်းတူအစ်ကို" ယွီယွင်ဝေ့က ရှောင်မို၏ အင်္ကျီကို ညင်သာစွာ ဆွဲလိုက်ပြီး ဂရုမစိုက်သည့်ဟန်ဖြင့် ပြောလိုက်သည်၊ "ဂိုဏ်းတူအစ်ကို့ရဲ့ ငယ်သူငယ်ချင်းမလေးက အရင်တုန်းက တော်တော်လေး နာမည်ကြီးခဲ့တာပဲနော်"</p> <p>"အင်း" ရှောင်မိုက ခေါင်းညိတ်လိုက်လေသည်။</p> <p>ယွီယွင်ဝေ့က သူမ၏ ပါးလွှာသော နှုတ်ခမ်းကို ကိုက်ကာ ဆက်ပြောလိုက်သည်၊ "ဂိုဏ်းတူအစ်ကိုက သူ့ကို သွားမတွေ့ချင်ဘူးလား"</p> <p>"မလိုပါဘူး" ဟု ရှောင်မိုက ပြောလိုက်သည်။</p> <p>"ဟင်" ယွီယွင်ဝေ့၏ စိတ်ခံစားချက်များ တောက်ပလာလေသည်၊ "ဂိုဏ်းတူအစ်ကိုတို့ ငယ်ငယ်တုန်းက ဝမ်ရှင်းနဲ့ ဆက်ဆံရေး အရမ်းကောင်းခဲ့တယ် မဟုတ်ဘူးလား"</p> <p>"မင်းပဲ ပြောတယ်လေ၊ အဲဒါက ငယ်ငယ်တုန်းကလို့"</p> <p>"အခုကော" ယွီယွင်ဝေ့၏ တည်သီးလုံးအလား မျက်လုံးလေးများ ပုတ်ခတ်ပုတ်ခတ် ဖြစ်သွားလေသည်။</p> <p>"အခုတော့"</p> <p>ရှောင်မိုက သူ၏ ဓားရှည်ကို ကိုင်ဆောင်လျက် သိုင်းပညာယှဉ်ပြိုင်ရာ မှော်ဝင်္ကပါအတွင်းသို့ လျှောက်လှမ်းဝင်ရောက်သွားလေသည်။</p> <p>"သူမက ခုံးနျန်ကျောင်းတော်ရဲ့ ဗုဒ္ဓ၊ ငါက အနန္တတာအိုဂိုဏ်းရဲ့ မိစ္ဆာပဲ"</p> <p> </p> <p> </p> <p style="text-align: center;">***</p>


Save