Book List

<h2 style="text-align: center;">Chapter 10</h2> <h2 style="text-align: center;">နောက်ဆုံး စမ်းသပ်စစ်ဆေးမှု</h2> <h2 style="text-align: center;">*</h2> <p> </p> <p> </p> <p>ကွေ့ရီ ဓားသိုင်း ရဲ့ အစိတ်အပိုင်း တစ်ခုကို ချန်ထားခဲ့ပြီးတဲ့နောက်၊ ဂျူဟွာက သူ့ရဲ့ တံဆိပ်တော် ကို စွမ်းအင်ဖြည့်ပြီး နေမင်းကြီး ပေါ်ကနေ ထွက်ခွာလာခဲ့ပါတယ်။</p> <p> </p> <p>လွတ်လပ်သော ကောင်းကင်ဘုံဂူနန်း အတွင်းက နေကိုးစင်း ပေါ်က စမ်းသပ်စစ်ဆေးမှုတွေဟာ စိန်ခေါ်မှုတွေရော အခွင့်အရေးတွေပါ ပြည့်နေတယ် ဆိုရမှာပါ။ ပြဇာတ်ကို ကြည့်ကောင်းအောင် ကပြရမှာ ဖြစ်တာကြောင့် ဂျူဟွာ အနေနဲ့ အကြောင်းပြချက် မရှိဘဲ စမ်းသပ်စစ်ဆေးမှု တစ်ခုကို လက်လျှော့မှာ မဟုတ်ပါဘူး။</p> <p> </p> <p>ဒါပေမဲ့လည်း ဂျူဟွာက တပည့်ရင်း မဖြစ်ချင်တာကြောင့် တချို့သော စမ်းသပ်စစ်ဆေးမှုတွေမှာ လက်လျှော့ခဲ့ပါတယ်။</p> <p> </p> <p>ဒါကြောင့် ဂျူဟွာဟာ ဒုတိယနဲ့ တတိယ နေမင်း တွေပေါ်က စမ်းသပ်စစ်ဆေးမှုတွေမှာ ကျရှုံးခဲ့ပါတယ်။</p> <p> </p> <p>စတုတ္ထ နေမင်း ပေါ်မှာတော့ ဂျူဟွာက အလျှော့မပေးတော့ပါဘူး။ ဒါကြောင့် စမ်းသပ်စစ်ဆေးမှုကို ထပ်မံ အောင်မြင်ခဲ့ပါတယ်။</p> <p> </p> <p>ဂျူဟွာက ပဉ္စမ နေမင်း ပေါ်က စမ်းသပ်စစ်ဆေးမှုကိုလည်း အောင်မြင်ခဲ့ပါတယ်။ ဒီအတွက်ကြောင့် သူဟာ လွတ်လပ်သော ကောင်းကင်ဘုံအရှင် ရဲ့ အမည်ခံတပည့် ဖြစ်လာဖို့ လိုအပ်ချက်တွေနဲ့ ကိုက်ညီသွားခဲ့ပါပြီ။</p> <p> </p> <p>ဒါပေမဲ့ ဂျူဟွာက အဲဒီမှာတင် ရပ်မနေခဲ့ပါဘူး။ အဲဒီလိုလုပ်ရင် တမင်သက်သက် လုပ်နေတာမှန်း အရမ်း သိသာသွားမှာပါ။</p> <p> </p> <p>ဒါကြောင့် ဂျူဟွာက ဆဋ္ဌမ၊ သတ္တမ နဲ့ အဋ္ဌမ နေမင်း တွေဆီကို သွားခဲ့ပါတယ်။ ဆဋ္ဌမ နေမင်း မှာ သူ ကျရှုံးခဲ့ပေမဲ့ သတ္တမ နဲ့ အဋ္ဌမ နေမင်း နှစ်ခုစလုံးမှာတော့ အောင်မြင်ခဲ့ပါတယ်။</p> <p> </p> <p>ဒီနည်းလမ်းနဲ့ ဂျူဟွာဟာ စမ်းသပ်စစ်ဆေးမှု ငါးခုကို အောင်မြင်ခဲ့ပြီး သူ့အတွက် စမ်းသပ်စစ်ဆေးမှု တစ်ခုပဲ ကျန်ပါတော့တယ်။</p> <p> </p> <p>ဆိုလိုတာက ဂျူဟွာသာ ဒီနေမင်း ပေါ်က စမ်းသပ်စစ်ဆေးမှုကို အောင်မြင်ခဲ့ရင် တပည့်ရင်း ဖြစ်လာမှာ ဖြစ်ပြီး၊ မအောင်မြင်ခဲ့ရင်တော့ အမည်ခံတပည့် သက်သက်သာ ဖြစ်လာမှာပါ။</p> <p> </p> <p>တခြားသူတွေရဲ့ အမြင်မှာတော့ ဒီကိစ္စက ရင်ခုန်စရာ ကောင်းနေနိုင်ပေမဲ့၊ ဂျူဟွာကတော့ သူ သေချာပေါက် အောင်မြင်မှာ မဟုတ်ဘူး ဆိုတာကို သိထားပြီးသားပါ။</p> <p> </p> <p>...</p> <p> </p> <p>နောက်ဆုံး နေမင်း ပေါ်က စမ်းသပ်စစ်ဆေးမှုကတော့ ချော်ရည်ငရဲ ထဲမှာ အနှစ်သုံးဆယ် တိုင်တိုင် တရားကျင့်ရင်း ရှင်သန်ရမှာပါ။ ဒီချော်ရည်ငရဲမှာ တခြား ထူးခြားချက်တွေ မရှိပါဘူး။ ချော်ရည် သက်ရှိ တွေကို အဆက်မပြတ် ထွက်လာနေမှာပါ။ ဒီချော်ရည်တွေထဲ နေထိုင်တဲ့ သက်ရှိတွေဟာ အစွမ်းမထက်လှပေမယ့် အရေအတွက်က အဆုံးအစ မရှိနေခဲ့ပါဘူး။</p> <p> </p> <p>ဒီနေရာမှာ အသက်ရှင်ဖို့အတွက် နည်းလမ်း တစ်ခုတည်းပဲ ရှိပါတယ်။ အဲဒါကတော့ အဆက်မပြတ် တိုက်ခိုက်ခြင်းပါပဲ။</p> <p> </p> <p>အပြင်လောကမှာ ဆိုရင်တော့ စွမ်းအင် အရင်းအမြစ်တွေ ပေါများတာကြောင့် စမ်းသပ်စစ်ဆေးမှု ကျော်ဖြတ်ဖို့ ဝင်ရောက်လာတဲ့ အင်မော်တယ် တွေနဲ့ ဖင်းဂေါ့ တွေ အားလုံးက နှစ်ပေါင်းသုံးဆယ်တိုင်အောင် မရပ်မနား တိုက်ခိုက်နိုင်ကြမှာပါ။ ဒါပေမဲ့ ချော်ရည်ငရဲကတော့ ကွာခြားပါတယ်။</p> <p> </p> <p>အရေအတွက် အလွန်များပြားလှတဲ့ ချော်ရည် သက်ရှိတွေ အပြင်၊ ချော်ရည်ငရဲက အလွန်တရာ ကြမ်းတမ်းတဲ့ ပတ်ဝန်းကျင်လည်း ပိုင်ဆိုင်ထားပါသေးတယ်။ ဒီနေရာမှာ အနှစ်သုံးဆယ် တိုင်တိုင် ဆက်လက် ရှင်သန် တိုက်ခိုက်နေဖို့အတွက် အလွန်ကို ကြံ့ခိုင်တဲ့ စိတ်ဓာတ်ရှိဖို့ လိုအပ်ပါတယ်။</p> <p> </p> <p>အမှန်ပါပဲ။ ဂျူဟွာရဲ့ အမြင်မှာတော့ ဒီအဆင့်က စိတ်ဓာတ် ကြံ့ခိုင်မှုကို ပိုပြီးသန့်စင်သွားစေဖို့ ရည်ရွယ်ထားခဲ့တာပါ။</p> <p> </p> <p>ဂျူဟွာရဲ့ ပုံရိပ်က နောက်ဆုံး နေမင်း ပေါ်မှာ ပေါ်ထွက်လာပါတယ်။ ဒါပေမဲ့ သူက ဂူနန်း ဝိညာဉ်အစောင့်အရှောက်ကြီး နဲ့ ဆက်သွယ်ဖို့ လုပ်လိုက်တဲ့ အချိန်မှာပဲ၊ အနောက်ကနေ အံ့အားသင့်စွာ ခေါ်လိုက်တဲ့ အသံတစ်ခု ရုတ်တရက် ကြားလိုက်ရပါပြီ။</p> <p> </p> <p>"တာအိုရောင်းရင်း ဂျူဟွာ လား"</p> <p> </p> <p>"..."</p> <p> </p> <p>ဂျူဟွာ နောက်လှည့်ကြည့်လိုက်ပါတယ်။ ပန်းကိုးပွင့် အင်မော်တယ်က သူ့နဲ့ အလှမ်းမဝေးလှတဲ့ နေရာမှာ ရပ်နေပါတယ်။</p> <p> </p> <p>"တာအိုရောင်းရင်း ပန်းကိုးပွင့်... တကယ်ကို အချိန်တွေအတော်ကြာသွားပြီပဲ"</p> <p> </p> <p>ဂျူဟွာက လက်နှစ်ဖက်ယှက် ဂါရ၀ပြုလိုက်ပါယတ်။ နှစ်ပေါင်း တစ်ရာ အချိန်ယူခဲ့ရတဲ့ ပထမဆုံး စမ်းသပ်စစ်ဆေးမှုကလွဲရင် ကျန်တဲ့ စမ်းသပ်စစ်ဆေးမှုတွေကို ဂျူဟွာက တတ်နိုင်သမျှ အမြန်ဆုံး ကျော်ဖြတ်ခဲ့ပါတယ်။</p> <p> </p> <p>အဲဒီလို ကျော်ဖြတ်ခဲ့တာတောင်မှ အခုဆိုရင်  လွတ်လပ်သော ကောင်းကင်ဘုံဂူနန်း အတွင်းကို သူရောက်နေတာ နှစ်ပေါင်း နှစ်ရာ ကျော်သွားပါပြီ။</p> <p> </p> <p>ဂျူဟွာက အခုမှ သက်တမ်း ငါးရာကျော်လေးပဲ ရှိပါသေးတယ်။ နှစ်ပေါင်း နှစ်ရာ ဆိုတာက သူ့စုစုပေါင်း သက်တမ်း ရဲ့ ထက်ဝက်နီးပါး ဖြစ်တာကြောင့် အချိန်အတော်ကြာသွားပြီ လို့ ပြောရမှာပါ။</p> <p> </p> <p>ပန်းကိုးပွင့် အင်မော်တယ် ဆီမှာ ခြောက်ကပ်ကပ် ခံစားချက်မျိုး ရှိနေပါတယ်။ သူက ခါးသီးစွာ ပြုံးပြီး ခေါင်းခါယမ်းလိုက်ပေမဲ့ အများကြီးတော့ မပြောခဲ့ပါဘူး။</p> <p> </p> <p>"တာအိုရောင်းရင်း ပန်းကိုးပွင့်၊ ဒီစမ်းသပ်စစ်ဆေးမှုကို‌ ကျော်ဖြတ်မလို့လား"</p> <p> </p> <p>ဂျူဟွာက မေးလိုက်ပါတယ်။</p> <p> </p> <p>"တကယ်တော့ ငါက ချော်ရည်ငရဲ ထဲကနေ အခုလေးတင် ထွက်လာတာပါ"</p> <p> </p> <p>ပန်းကိုးပွင့် အင်မော်တယ်က သက်ပြင်းချလိုက်ပါတယ်။</p> <p> </p> <p>"ပွင့်ပွင့်လင်းလင်း ပြောရရင် တာအိုရောင်းရင်း... ငါ ဒီစမ်းသပ်စစ်ဆေးမှုမှာ ကျရှုံးသွားခဲ့ပြီ"</p> <p> </p> <p>"..."</p> <p> </p> <p>ဂျူဟွာက မျက်မှောင် အနည်းငယ် ကြုတ်လိုက်မိပေမဲ့ ဘာမှတော့ မပြောဖြစ်ခဲ့ပါဘူး။</p> <p> </p> <p>နှစ်ပေါင်းတစ်သန်းခွဲ တိုင်တိုင် အသက်ရှင် နေထိုင်ခဲ့တဲ့ လွတ်မြောက်အင်မော်တယ် တစ်ပါး အနေနဲ့ ပန်းကိုးပွင့် အင်မော်တယ်ရဲ့ စိတ်ဓာတ် ကြံ့ခိုင်မှုကတော့ သံသယဖြစ်စရာ မလိုပါဘူး။ မမျှော်လင့်ဘဲ သူတောင်မှ ကျရှုံးသွားခဲ့ပါတယ်။</p> <p> </p> <p>ဒါပေမဲ့ ပန်းကိုးပွင့် အင်မော်တယ်ရဲ့ နာမည်က မဟာရှ ကမ္ဘာကြီး အတွင်းမှာသာ ကျော်ကြားထင်ရှားတာပါ။ ဒီလွတ်လပ်သော ကောင်းကင်ဘုံဂူနန်း က လွတ်လပ်သော နယ်မြေ တစ်ခုလုံးရဲ့ အထူးချွန်ဆုံး လွတ်မြောက်အင်မော်တယ် အများကြီးကို ဆင့်ခေါ်စုစည်းထားတာ ဖြစ်ပြီး၊ မရေမတွက်နိုင်တဲ့ နှစ်ပရိစ္ဆေဒတွေ တစ်လျှောက် အသက်ရှင် နေထိုင်ခဲ့ကြတဲ့ အဆုံးမရှိ သက်တမ်း ပိုင်ဆိုင်ထားတဲ့ ကောင်းကင်အင်မော်တယ် တွေတောင် အများကြီး ရှိနေခဲ့ပါတယ်။</p> <p> </p> <p>တကယ်လို့ ဒီချော်ရည်ငရဲ ရဲ့ အခက်အခဲ အဆင့်က အရမ်း နိမ့်လွန်းနေမယ် ဆိုရင် အဓိပ္ပာယ် ရှိမှာ မဟုတ်တော့ပါဘူး။</p> <p> </p> <p>"တာအိုရောင်းရင်း ဂျူဟွာအနေနဲ့ စမ်းသပ်စစ်ဆေးမှု ဘယ်နှစ်ခုကို အောင်မြင်ပြီးပြီလဲ ဆိုတာ ငါ မမေးတော့ပါဘူး။ လွတ်လပ်သော ကောင်းကင်ဘုံအရှင် ရဲ့ တပည့်ရင်း ဖြစ်လာနိုင်ပါစေလို့ တာအိုရောင်းရင်း ကို ငါ ဆုတောင်းပေးလိုက်ပါတယ်"</p> <p> </p> <p>ပန်းကိုးပွင့် အင်မော်တယ်က လက်နှစ်ဖက်ယှက် ဂါရ၀ပြုလိုက်ပြီးနောက်၊ သူ့ရဲ့ တံဆိပ်တော် ကို စွမ်းအင်ဖြည်ပြီး ဒီနေမင်းကြီး ပေါ်ကနေ ထွက်ခွာသွားပါတော့တယ်။</p> <p> </p> <p>"..."</p> <p> </p> <p>ဂျူဟွာက ဘာမှ ဆက်မပြောတော့ပါဘူး။ ပန်းကိုးပွင့် အင်မော်တယ် ရဲ့ စကားကို နားထောင်ရသလောက်၊ သူက တပည့်ရင်း ဖြစ်လာဖို့ မျှော်လင့်ချက် မရှိတော့ပုံ ရပါတယ်။ ဒါပေမဲ့ ပန်းကိုးပွင့် အင်မော်တယ် အနေနဲ့ တပည့်ရင်း မဖြစ်လာနိုင်ဘူး ဆိုရင်တောင်၊ အမည်ခံတပည့် ဖြစ်လာဖို့ကတော့ ပြဿနာ မရှိနိုင်ပါဘူး။</p> <p> </p> <p>ပန်းကိုးပွင့် အင်မော်တယ် က ဘာပဲဖြစ်ဖြစ် အံ့မခန်း ပါရမီရှင် နှစ်သန်းချီသက်တမ်းရှိ လွတ်မြောက်အင်မော်တယ် တစ်ပါးပါ။ သူက အဆင့် သုံးဆင့်ကိုတောင် မအောင်မြင်နိုင်လောက်အောင် အထိတော့ အခြေအနေ ဆိုးရွားမနေနိုင်ပါဘူး။</p> <p> </p> <p>...</p> <p> </p> <p>ပန်းကိုးပွင့် အင်မော်တယ် ထွက်သွားပြီး သိပ်မကြာခင်မှာပဲ ဂျူဟွာက ဂူနန်း ဝိညာဉ်အစောင့်အရှောက်ကြီး နဲ့ ဆက်သွယ်လိုက်ပါတယ်။</p> <p> </p> <p>"မှတ်ထားရမှာက ဒီစမ်းသပ်စစ်ဆေးမှုက မင်းရဲ့ အသက်အန္တရာယ် ကို ထိခိုက်နိုင်ခြေ ရှိတယ်။ တကယ်လို့ ဆက်မသွားနိုင်တော့ဘူးလို့ ခံစားရရင် ကိုယ့်ကိုယ်ကိုယ် အတင်းအကျပ် ဖိအားမပေးပါနဲ့။ ငါ့ကိုသာ ခေါ်လိုက်၊ မင်းကို အပြင်ရောက်အောင် ပို့ဆောင်ပေးမယ်"</p> <p> </p> <p>ဂူနန်း ဝိညာဉ်အစောင့်အရှောက်ကြီး ရဲ့ အသံက ဂျူဟွာရဲ့ နားထဲကို ဝင်လာပါတယ်။</p> <p> </p> <p>"ကျွန်တော် နားလည်ပါပြီ"</p> <p> </p> <p>ဂျူဟွာက ခေါင်းညိတ်လိုက်ပါတယ်။</p> <p> </p> <p>"..."</p> <p> </p> <p>ဂူနန်း ဝိညာဉ်အစောင့်အရှောက်ကြီး က ဘာမှ ဆက်မပြောတော့ပါဘူး။ မကြာခင်မှာပဲ မျက်စိနဲ့ မမြင်နိုင်တဲ့ စွမ်းအားတစ်ခု ထွက်ပေါ်လာပြီး ဂျူဟွာရဲ့ ပုံရိပ်က မူလနေရာ ကနေ ချက်ချင်း ပျောက်ကွယ်သွားပါတော့တယ်။</p> <p> </p> <p>ဂျူဟွာ ပြန်ပေါ်လာတဲ့ အခါမှာတော့ သူဟာ မီးဟုန်းဟုန်း တောက်လောင်နေတဲ့ အနီရောင် ကမ္ဘာကြီး တစ်ခု အတွင်းကို ရောက်ရှိနေခဲ့ပါပြီ။</p> <p> </p> <p>ဒီကမ္ဘာကြီး ရဲ့ အပူချိန် က အလွန်အမင်း မြင့်မားလွန်းလှပါတယ်။ မျက်စိတစ်ဆုံး ကြည့်လိုက်တဲ့ အခါ သူ့ပတ်ဝန်းကျင်က အရာအားလုံး ဟာ မီးဟုန်းဟုန်း တောက်နေတဲ့ အနီရောင် ချော်ရည်တွေ နဲ့ ပေါက်ကွဲနေတဲ့ မီးတောင်တွေ ချည်းပါပဲ။ ဂျူဟွာက အချိန်အတော်ကြာ ရှာဖွေခဲ့ပေမဲ့ ဆင်းသက်ဖို့ နေရာ တစ်ခုမှ ရှာမတွေ့ခဲ့ပါဘူး။</p> <p> </p> <p>ရုတ်တရက်ဆိုသလို စက်လုံးပုံသဏ္ဍာန် ချော်ရည် သက်ရှိတွေ ဟာ ပတ်ဝန်းကျင်က ချော်ရည်တွေ ထဲကနေ တွားသွား ထွက်လာပြီး ဂျူဟွာကို ချက်ချင်း ဝိုင်းရံလိုက်ကြပါတယ်။</p> <p> </p> <p>ဒီချော်ရည် သက်ရှိတွေက ဂျူဟွာနဲ့ ဆက်သွယ် စကားပြောမှာ မဟုတ်တာ သေချာပါတယ်။ ဂျူဟွာကို ခဏလောက် စောင့်ကြည့်ပြီးတဲ့နောက် သူတို့က ဂျူဟွာဆီ ပြေးဝင်လာကြပါပြီ။</p> <p> </p> <p>ဒါပေမဲ့ ဒီချော်ရည် သက်ရှိတွေ ဂျူဟွာ အနားကို မရောက်လာခင်မှာတင်၊ ကြောက်စရာကောင်းတဲ့ ဓားအလင်းတန်း တစ်ခု က လေဟာနယ် ထဲကနေ ပေါ်ထွက်လာပါတယ်။ မျက်တောင်တစ်ခတ် အတွင်းမှာတင် ချော်ရည် သက်ရှိ အားလုံး ဖုန်မှုန့် အဖြစ် ပျောက်ကွယ် လွင့်စင်သွားပါတော့တယ်။</p> <p> </p> <p>"သူတို့က တကယ်ကို တော်တော်လေး အားနည်းတာပဲ"</p> <p> </p> <p>ဂျူဟွာ အနည်းငယ် မျက်မှောင်ကြုတ်လိုက်မိပါတယ်။ ဒီချော်ရည် သက်ရှိတွေ ထဲက အားအနည်းဆုံး အကောင်တွေ က ဇင်တျန်အဆင့်တွေနဲ့ သာ ညီမျှပါတယ်။ ပိုသန်မာတဲ့ အကောင်တွေ တောင်မှ ဇီဖူ အဆင့် လောက်ပဲ ရှိနေတာပါ။</p> <p> </p> <p>ဒီလို စွမ်းအားမျိုးနဲ့ ဆိုရင် သာမန် လွတ်မြောက်အင်မော်တယ် တစ်ပါး က သူတို့ကို အစုလိုက်အပြုံလိုက် သတ်ပစ်နိုင်ပါတယ်။ နှစ်သန်းချီသက်တမ်းရှိ လွတ်မြောက်အင်မော်တယ် တစ်ပါး ဆိုရင် လာသမျှ အကုန် သတ်ပစ်မှာပါ။ ပိုသန်မာတဲ့ ကောင်းကင်အင်မော်တယ် တစ်ပါး ဆိုရင်တော့...</p> <p> </p> <p>ဂျူဟွာ စဉ်းစားနေတုန်းမှာတင် အောက်ဘက်က ချော်ရည်တွေ ထဲကနေ နောက်ထပ် ချော်ရည် သက်ရှိ အုပ်စု တစ်စု ထွက်ပေါ်လာပါပြီ။ သူတို့ရဲ့ အရေအတွက် က အရင် အုပ်စုထက် အများကြီး ပိုများနေပါတယ်။</p> <p> </p> <p>"..."</p> <p> </p> <p>ဂျူဟွာက ဓားတစ်ချက်တည်းနဲ့ သူတို့ကို နောက်တစ်ကြိမ် ရှင်းလင်းလိုက်ပြီးနောက် တုံ့ဆိုင်းမှု မရှိဘဲ ပျံသန်း ထွက်ခွာသွားပါတော့တယ်။</p> <p> </p> <p>ဒါပေမဲ့ ဂျူဟွာ ဘယ်နေရာကိုပဲ ပျံသန်းသွားပါစေ၊ အောက်ဘက်မှာ ချော်ရည် သက်ရှိ အမြောက်အမြား ချက်ချင်း ပေါ်လာပြီး တခြား ဘာကိုမှ ဂရုမစိုက်ဘဲ သူ့ကို အပြင်းအထန် တိုက်ခိုက်လာကြပါတယ်။</p> <p> </p> <p>တဖြည်းဖြည်းနဲ့ ဂျူဟွာဟာ ဒီချော်ရည်ငရဲ ရဲ့ ဒုက္ခပေးတဲ့ သဘာဝကို နောက်ဆုံးတော့ သဘောပေါက်သွားပါတော့တယ်။</p> <p> </p> <p>ဒီချော်ရည် သက်ရှိတွေက ထူးခြားတာ ဘာမှ မရှိပေမဲ့၊ သူတို့ရဲ့ မရပ်မနား နှောင့်ယှက်မှု တွေကတော့ အလွန်အမင်း စိတ်အနှောင့်အယှက် ဖြစ်စရာ ကောင်းလှပါတယ်။ ဒါ့အပြင် ဒီချော်ရည် သက်ရှိတွေ က ဘယ်တော့မှ မကုန်ခမ်းနိုင်ဘူး ဆိုတာကို ဂျူဟွာ နောက်ဆုံးတော့ နားလည်သွားပါတယ်။ သူ တစ်ခါတည်း ချော်ရည် သက်ရှိ ဘယ်လောက် အများကြီးကို သတ်လိုက်ပါစေ၊ အောက်ဘက်က ချော်ရည်တွေ ထဲကနေ ပိုများတဲ့ အကောင်တွေ ချက်ချင်း ပေါ်ထွက်လာတာပါပဲ။</p> <p> </p> <p>သူ့ရဲ့ နတ်ဘုရား စွမ်းအင် နဲ့ ဖင်းဂေါ့စွမ်းအင်တွေက အဆုံးမရှိတာ မဟုတ်ပါဘူး။ အစွမ်းထက်တဲ့ တိုက်ခိုက်မှု တွေကို ထပ်ခါတလဲလဲ ပြုလုပ်နေမယ့် အစား၊ ဒီချော်ရည် သက်ရှိတွေ နဲ့ ဖြည်းဖြည်းချင်း အချိန်ဆွဲ တိုက်ခိုက်နေတာက ပိုကောင်းပါလိမ့်မယ်။</p> <p> </p> <p>ဘာပဲဖြစ်ဖြစ် သူက ဒီနေရာမှာ နှစ်ပေါင်းနှစ်ဆယ်ကျော်လောက် တောင့်ခံထားဖို့ပဲ လိုအပ်တာပါ။</p> <p> </p> <p> </p> <p> </p> <p style="text-align: center;">***</p>


Save