Book List

<h2 style="text-align: center;">အပိုင်း (၁၅၅)</h2> <h2 style="text-align: center;">အမဲဖျက်ခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>“သတ်ပစ်”</p> <p>“အမှုန့်ချေပစ်မယ်”</p> <p>“ငါတို့ကို ဘာများ မှတ်နေသလဲ ၊ ချီးပဲ”</p> <p>“ကျနော် ဟက်ထရစ် သွင်းပစ်မယ် ဘော့စ်”</p> <p>“ကျနော်လည်း အနည်းဆုံး နှစ်ဂိုးတက်သွင်းမယ်”</p> <p>“မင်းက ဂိုးသမားလေ …”</p> <p>    ကစားသမားများ၏ ဒေါသများ ပေါက်ကွဲထွက်လာပြီ ဖြစ်လေသည်။</p> <p>    မီဒီယာများဟူသည် မီးပွားရှာ၍ မလောင် လောင်အောင် ရှို့ကြသူများ ဖြစ်သည်။ ယခု ဒါဘီ ဥက္ကဌက မီးပွားမျှပင် မဟုတ်ဘဲ မီးတုတ် ပစ်သွင်းလိုက်ခြင်းဖြစ်ရာ သတင်းထောက်များအတွက် ပွဲတော်ကြီး ဖြစ်လာလေသည်။</p> <p>   ထို ဒဏ်ကို ခံကြရသူများမှာ ကစားသမားများ ဖြစ်ကြသည်။ လေ့ကျင့်ရေးကွင်း အပေါက်ဝတွင် သတင်းထောက်များ၏ ခြုံခို တိုက်ခိုက်မှုများအား ကစားသမား အတော်များများ ကြုံတွေ့ကြရလေသည်။ ဒါဘီ ဥက္ကဌ၏ မှတ်ချက်အား မည်သို့ တုံ့ပြန်လိုပါသနည်း ဟူသော မေးခွန်းအား သူတို့ လွန်စွာ နားခါးနေကြပြီဖြစ်သည်။</p> <p>    ယခု ဒေးဗစ်၏ မေးခွန်းတွင် ၎င်းတို့၏ မကျေနပ်မှုများ ပွင့်အံထွက်လာကြခြင်း ဖြစ်သည်။ ဒေးဗစ်၏ သဘောထားအား သူ၏ အမေးစကား၌ပင် သိရှိနိုင်သောကြောင့် ဒါဘီကောင်တီအား ရှင်းပစ်ရန် အတွက် မီးစိမ်းပြလိုက်ခြင်းဟု နားလည်သွားကြလေပြီ။ ကစားသမားများမှာ ပွဲနေ့အား မစောင့်နိုင်တော့လာက်အောင် စိတ်ဓာတ်ပြင်းထန်လာကြပြီ ဖြစ်သည်။</p> <p>    လက်ရှိအနေအထားမှာ ဒါဘီ ဥက္ကဌ၏ စကားကြောင့် လိဂ်ဝမ်းအသင်းများမှာ အလိုလို နားလည်မှုတခု ရရှိသွားကြပြီ ဟု ဆိုရပေမည်။ အခြားပွဲများတွင် ၎င်းတို့၏ အခြေအနေအလိုက် ကစားကြမည်ဖြစ်သော်လည်း ဒါဘီနှင့်ပွဲအား အသင်းအတော်များများ ခြေကုန်ထုတ်ကြတော့မည်ဟု ခန့်မှန်းနိုင်ပေသည်။</p> <p>    ခြေစွမ်းကောင်းမွန်သေယ အသင်းများမှာ ဒါဘီအား မဖြစ်မနေ အနိုင်ယူရန် ကြိုးစားလာကြမည် ဖြစ်သည်။ အလယ်အလတ်အဆင့် အသင်းများမှာ ကျားကုတ်ကျားခဲ ခံကစားကြမည်ဟု ယူဆနိုင်သည်။ အသင်းငယ်များမှာ မနိုင်လျှင်ပင် ဒါဘီ၏ ကီးပလေယာများအား ဆေးရုံသို့ ပို့ဆောင်ရန် ကြိုးစားလာပါက အဘယ်သို့ ရှိမည်နည်း။</p> <p>    မည်သို့ဆိုစေ ဒါဘီသည် ပြည်သူ့ရန်သူ နံပတ်တစ် အဖြစ်သို့ ၎င်းတို့ ဥက္ကဌ၏ အင်တာဗျူးတခုနှင့်ပင် ရောက်ရှိသွားခဲ့ပြီ ဖြစ်သည်။ ယင်းမှာ နှုတ်ကြောင့်သေတတ်ခြင်း၏ ဥပမာတခုပင် ဖြစ်လာနိုင်ဖွယ်ရှိလေ၏။</p> <p>    မျှတစွာ ပြောရမည်ဆိုပါက ဒါဘီကောင်တီ၏ ခြေစွမ်းမှာ ယမန်နှစ်ကထက် သိသာစွာ လျော့ကျသွားခဲ့သော်လည်း လိဂ်ဝမ်းတွင် ဇယားထိပ်ပိုင်းနား၌ ရပ်တည်နိုင်သော အစွမ်းအစ ရှိနေသေးသည်။ ၎င်းတို့ အနေဖြင့် ကောင်းစွာ ကစားနိုင်လျှင် ပလေးအော့ဖ်‌တနေရာ ရည်မှန်းနိုင်ပြီး ကစားပုံ မကောင်းလျှင်ပင် တန်းဆင်းအန္တရာယ်အား စိုးရိမ်ဖွယ်ရာမရှိပေ။</p> <p>    သို့သော် ယခုမူ အခြေအနေက ခြားနားသွားပြီ ဖြစ်လေ၏။</p> <p>    စင်စစ်တွင် ဒါဘီကောင်တီ ကစားသမားများပင် သူတို့ ဥက္ကဌ၏ စကားအား ကျေနပ်မှုမရှိကြပေ။ ဒါဘီသည် ယမန်နှစ်က စွမ်းရည်မျိုး မရှိတော့။ လိုအပ်သော အရည်အသွေးမြင့် ကစားသမားများ ဖြည့်ဆည်းရန်ပင် ငွေမရှိချေ။ သို့တိုင်အောင် ယခု ဥက္ကဌ၏ ဘဝင်ကြောင့် တရွာလုံးနှင့် တယောက် ဖြစ်သွားရလေပြီ။</p> <p>    ကစားသမားများမှာ အပြစ်မရှိသော်လည်း ဥက္ကဌ၏ စကားကြောင့် ကွင်းထဲ၌ အခက်အခဲပေါင်းစုံ ကြုံတွေ့ကြရတော့မည်ဖြစ်၏။</p> <p>    ပွဲကစားမည့်နေ့တွင် နော့တ်စ်ကောင်တီသည် နှစ်သင်းကြား ခရီးဝေးကွာမှုမရှိသောကြောင့် ပွဲမစမီ နာရီပိုင်းအလိုတွင်မှ ဒါဘီကောင်တီ၏ ကွင်းသို့ ရောက်ရှိလာခဲ့သည်။</p> <p>    ပွဲကစားသည့် အချိန်တွင် အိမ်ကွင်း အားသာချက်ကို အသုံးချလိုသော ဒါဘီမှာ ပွဲချိန် ၁၀ မိနစ်၌ပင် ဂိုးစတင် ပေးလိုက်ရလေသည်။</p> <p>    နော့တ်စ်ကောင်တီမှာ ပွဲစတင်ကတည်းက အပြင်းအထန် တိုက်စစ်ဆင်နေခြင်းဖြစ်သည်။ ပွဲအား စိုးမိုးမှု လျင်မြန်စွာရွေ့လျားမှု တိကျသော ပေးပို့မှုများဖြင့် ဒါဘီအသင်းသားများအား အသက်ရှုကြပ်လောက်အောင်ပင် ဖိကစားထားခြင်းဖြစ်လေသည်။ အကြောင်းမသိပါက နော့တ်စ်ကောင်တီ၏ အိမ်ကွင်းဟုပင် ထင်မှတ်မှားဖွယ် ရှိတော့သည်။</p> <p>    ဒါဘီကောင်တီမှာ ပွဲစကာစက အနည်းငယ် တိုက်စစ်ဆင်နိုင်မည့် အရိပ်အယောင် ရှိခဲ့သော်လည်း မိနစ်အနည်းငယ်အတွင်း နော့တ်စ်ကောင်တီ၏ လွှမ်းမိုးမှုအောက်သို့ ရောက်ရှိသွားခဲ့ခြင်း ဖြစ်သည်။ ထိုမှတဆင့် ကွင်းတဝက်အထိ ဖိကစားခံရပြီး တန်ပြန်တိုက်စစ်ပင် ဆင်နိုင်ခြင်းမရှိသော အခြေအနေသို့ ဆိုက်ရောက်လာလေသည်။</p> <p>    ပွဲမတိုင်မီ အစည်းအဝေးတွင် ဟက်ထရစ်သွင်းမည်ဟု ကြုံးဝါးခဲ့သူ ‌ဒေးဗစ်ဗီလာမှာ ယနေ့ပွဲတွင် ပွဲထွက်ခွင့် ရခဲ့လေသည်။ ထိုစပိန်သားလေးမှာ သူကြုံးဝါးထားသည်ကို အကောင်အထည်ဖော်နိုင်ရန် ပွဲစကတည်းက တိုက်စစ်တွင် ကြိုးစားအားထုတ်မှု အပြည့်ဖြင့် ဒါဘီအား ဖိအားပေးနေခဲ့ခြင်း ဖြစ်သည်။</p> <p>    ၎င်း၏ကြိုးစားမှုမှာ မြန်ဆန်စွာ အရာထင်လာခဲ့သည်။ ပွဲချိန် ၁၀ မိနစ်တွင် ကွင်းလယ်မှ အလွန်ဆိုက သူ့ထံအမှတ်မထင် ပေးပို့လိုက်သော အမြင့်ဘောကို ရင်ဘတ်နှင့်ထိန်း၍ ကိုယ်ကို တပတ်လှည့်ကာ ဒါဘီကောင်တီ ဂိုးပေါက်ထဲသို့ ဗော်လီကန်သွင်းလိုက်သည်။ ကန်ချက်မှာ မြန်ဆန် ပြင်းထန်ခြင်းကြောင့် ဒါဘီဂိုးသမား လှုပ်ပင် မလှုပ်လိုက်နိုင်ပေ။</p> <p>    ဂိုးသွင်းယူလိုက်ပြီးနောက် ဗီလာသည် အသင်းဖော်များနှင့်အတူ ကွင်းဘေးသို့ ‌အောင်ပွဲခံရင်း ပြေးသွားလေသည်။ ထို့နောက် ကင်မရာရှေ့တွင် အုပ်စုလိုက်ရပ်ကာ လက်ညှိုးကို ထောင်၍ ဝှေ့ယမ်း ပြလိုက်ကြသည်။ (finger-wigging gesture) ရည်ရွယ်ချက်မှာ ရှင်းလင်းနေသည်။ မလုပ်နဲ့၊ ဒီလောက်နဲ့မရဘူး၊ တက်မလာနဲ့!!</p> <p>    ဗီလာတို့အဖွဲ့ အောင်ပွဲခံသည့်နေရာမှာ တိာက်ဆိုင်သည်လော၊ တမင်ရွေးချယ်ထားသည်လော မသိပေ။ အသင်းဥက္ကဌများ ပွဲကြည့်လေ့ကြည့်ထရှိသော နေရာတည့်တည့်ပင် ဖြစ်၏။ ဒါဘီဥက္ကဌ ပစ်ကာရင်းမှာ ဒေါသကြောင့် မျက်နှာများ နီရဲလာလေသည်။</p> <p>    သူ၏အမြင်တွင် နော့တ်စ်ကောင်တီမှာ တန်းတက်အသင်းသာ ဖြစ်၍ အရေးထားစရာမလို ဟူသောစကားမှာ အမှားမရှိပေ။ ထို့အပြင် ဒါဘီကောင်တီမှာလည်း ပရီးမီးယားလိဂ်တွင် အလယ်အလတ်အဆင့် ကျင်လည်ခဲ့သော အသင်းဖြစ်၍ လိဂ်ဝမ်းမှ အသင်းများထက်သာလွန်သည် ဟူသည်မှာ အမှန်တရားပင် ဖြစ်သည်။</p> <p>    သို့သော် အမှန်တကယ် အဖြစ်အပျက်မှာ အဘယ်ကြောင့် သူ၏အမြင်နှင့် ဆန့်ကျင်ဘက်ဖြစ်နေရပါသနည်း။ သူ၏ ခေါင်းထဲတွင် များစွာရှုပ်ထွေးလာလေသည်။</p> <p>    ပွဲပြန်စသည့်အခါတွင် ဦးဆောင်ဂိုးရရှိသွားသော နော့တ်စ်ကောင်တီမှာ ပို၍ပင် တိုက်စစ်ကို ပြင်းထန်စွာ ကစားလာလေ၏။ ကြည့်ရသည်မှာ ဒါဘီအား အပြီးအပြတ် မချေမှုန်းနိုင်မခြင်း ရပ်မည့်ပုံ မပေါ်ချေ။</p> <p>    ထို့နောက် ဗီလာက သူ၏ ဒုတိယဂိုး၊ အလွန်ဆို၊ ဒီနာတာလီနှင့် အင်နီယက်စ်တာတို့မှ တဂိုးစီ အသီးသီးသွင်းယူကြပြီး ပထမပိုင်းအပြီး ရလဒ်မှာ ၀:၅ ဖြစ်သွားလေတော့သည်။ ဤပွဲသည် ဒါဘီအား ဇကာပေါက်ဖြစ်အောင် ဖောက်သည့်ပွဲမျိုး ဖြစ်လာလျက်ရှိလေပြီ။</p> <p>    ပထမပိုင်း ပွဲသိမ်းခရာမှုတ်လိုက်သည့် အချိန်တွင် ဒါဘီကစားသမားများမှာ လေးပင်စွာဖြင့် ကွင်းတွင်းမှ ထွက်ခွာသွားကြသည်။ ပရိသတ်များမှာမူ များပြားလှသော ပေးဂိုးများကြောင့် ထုံနေကြလေပြီ။ ဒါဘီ ဥက္ကဌ၏ မျက်နှာမှာ သွေးမရှိတော့သကဲ့သို့ ဖြူလျော်လျော် ဖြစ်နေလေ၏။ သူသည် သူ၏အသင်းမည်သို့ ဖြစ်သွားသည်ကို လုံးဝနားမလည်နိုင်ပေ။</p> <p>    မိမိ အားပေးသောအသင်း အမဲဖျက်ခံရသည်ကို မကြည့်နိုင်ကြသော ဒါဘီပရိသတ်များမှာ ပထမပိုင်းအပြီး၌ပင် ကွင်းတွင်းမှ ထွက်ခွာနေကြပြီဖြစ်သည်။ ကျန်ရှိနေသော ပရိသတ်များမှာ “ပစ်ကာရင်း ထွက်သွား”ဟူသည့် ကြွေးကြော်သံကို သံပြိုင် အော်ဟစ်နေကြလေ၏။</p> <p>    ပစ်ကာရင်းမှာ မူးမိုက်လဲကျမတတ် ဖြစ်သွားရသည်။ သူ၏မျက်လုံးအစုံမှာ ပြူးကျယ်ထွက်လာလေသည်။ အဘယ်ကြောင့် ဤမျှ အခြေအနေအထိ ရောက်ရှိသွားရပါသနည်း။ သူသည် အသင်းအတွက် များစွာ ပေးဆပ်ခဲ့သူဖြစ်သည်။ ယခုမူာပရိသတ်များက သူ့အား ထွက်သွားရန် အော်ဟစ်နေကြလေပြီ။ သူ့အနေဖြင့် အခြေအနေ အရပ်ရပ်အား မည်သို့မျှ နားမလည်နိုင် ဖြစ်နေရလေသည်။</p> <p>    သို့သော် သူ၏အသင်းသည် သူ့မျက်စိအောက်၌ပင် အမဲဖျက်ခံရခြင်းက ပစ်ကာရင်းအား များစွာ တုန်လှုပ်ခြောက်ခြားသွားစေ၏။ သူ၏ ဘဝင်နှင့် မာနများ ဖြည်းဖြည်း ပြိုကျလာနေပြီဖြစ်သည်။</p> <p>    ပွဲ၏ ဒုတိယပိုင်းမှာ နော့တ်စ်ကောင်တီ၏ သရုပ်ပြပွဲ အဖြစ်သို့ ပြောင်းလဲသွားလေတော့သည်။ လုဖ်သည် ပထမပိုင်းအပြီး၌ပင် လူစားလဲလှယ်ခွင့် သုံးခုစလုံးကို အသုံးပြုကာ အသင်း၌ အတွေ့အကြုံ အနည်းဆုံးသော ကစားသမားများအား ထည့်သွင်းလိုက်သည်။</p> <p>    ဒါဘီကောင်တီနည်းပြ ဂျွန် ဂရက်ဂိုရီ (John Gregory) မှာ သူ၏အသင်းသားများအား စိတ်ပျက်လက်ပျက် ကြည့်နေလေသည်။ သူ၏အသင်းသည် ပြိုင်ဘက်အား ယှဉ်နိုင်စွမ်းမရှိ။ ယခု အခြေအနေ၌ သူ့ထံတွင် မည်သည့် နည်းဗျူဟာမျှ ထွက်မလာတော့။ ထွက်လာလျှင်ပင် ကစားသမားများ အကောင်အထည်ဖော်နိုင်ကြတော့မည် မဟုတ်ပေ။ ဒါဘီကစားသမားများ၏ စိတ်ဓာတ်များ အလုံးစုံ ပြိုလဲသွားပြီဖြစ်လေသည်။ သူ့အနေနှင့် ဘာမှမတတ်နိုင်တော့ပြီ။</p> <p>    သူ၏ ရှေ့မှ နည်းပြဟောင်း ကောလင်း တော့ဒ် (Colin Todd) မှာ ၉၈ ရက်သာ နည်းပြပြီး ထုတ်ပယ်ခံခဲ့ရသည်။ ယခု သူ့အလှည့်ကျလာတော့မည်လား မသိနိုင်ချေ။ ပွဲမတိုင်မီက လေတလုံး မိုးတလုံးဖြင့် လိဂ်ဝမ်းတခုလုံးကို ရန်သူဖြစ်အောင် လုပ်ခဲ့သော ဥက္ကဌဖြစ်သူမှာ သူ၏အရှက်ရမှုကို နည်းပြထံ ပုံချလာရန် အလွန်ရာခိုင်နှုန်း များနေ၏။</p> <p>    ဒုတိယပိုင်းတွင် နော့တ်စ်ကောင်တီမှ ပွဲကို ထိန်းလိုက်ပြီဖြစ်သည်။ သို့သော် စိတ်ဓာတ်ပိုင်းဆိုင်ရာ ပြိုလဲသွားပြီဖြစ်သော ဒါဘီမှာ အဖတ်ဆည်၍ မရတော့ပြီ ဖြစ်လေသည်။ အရံခုံမှ ထလာသူ မာရှေယာနိုမှာ အလွန်ကံကောင်းသည်ဟု ဆိုရပေမည်။ သူတဦးတည်း နှစ်ဂိုး ထပ်မံသွင်းယူနိုင်ခဲ့ပြီး ကာဗယ်လ်ဟိုက ထောင့်ကန်ဘောမှ ခေါင်းတိုက်၍ တဂိုးသွင်းယူကာ ၀:၈ ဖြင့် ပွဲသိမ်းနိုင်ခဲ့သည်။</p> <p>    ထိုရလဒ်မှာ ကြားရသူအပေါင်းအား ဆွံ့အသွားစေလေ၏။ နော့တ်စ်ကောင်တီ၏ ခြေစွမ်းမှာ များစွာကောင်းမွန်ကြောင်း သိရှိထားကြသော်လည်း ဒါဘီကောင်တီမှာ လိဂ်ဝမ်းကဲ့သို့ အဆင့်မျိုး၌ အသင်းငယ်လေး တသင်းဟု မယူဆနိုင်ပေ။ လိဂ်ဝမ်း၏ ထိပ်တန်းအသင်းများထဲတွင်ပင် ထည့်သွင်းနိုင်သော အသင်းဖြစ်သည်။ ထိုကဲ့သို့ အသင်းတသင်းအား အဝေးကွင်းတွင် ဤမျှ ဂိုးပြတ်နိုင်ပွဲ ရယူနိုင်သည်မှာ မယုံချင်စရာပင် ကောင်းနေသည်။</p> <p>    ပွဲအပြီးတွင် မီဒီယာများမှာ ပစ်ကာရင်းအား အင်တာဗျူးရန် အလုအယက် ကြိုးစားကြလေတော့သည်။ ဤကဲ့သို့ အိမ်ကွင်း၌ အရှက်တကွဲ ရှုံးနိမ့်ခဲ့ရအပြီးတွင် လွန်စွာ လေကြီးသော ဥက္ကဌကြီး မည်သို့ ဖြေကြားမည်ကို သတင်းထောက်များ သိလိုလှပြီ ဖြစ်လေသည်။</p> <p> </p> <p> </p> <p> </p> <p style="text-align: center;">***</p>


Save