Book List

<h2 style="text-align: center;">အခန်း (၂)</h2> <h2 style="text-align: center;">ရွှေရောင်ကမ်းခြေရှိ မြေ ဧရိယာ ၂၀၀ အသုံးပြုခွင့်</h2> <h2 style="text-align: center;">*</h2> <p> </p> <p> </p> <p> </p> <p> </p> <p>လုပေါင်သည် အိပ်မက်တစ်ခု မက်နေသည်။ အိပ်မက်ထဲတွင် သူသည် ကျောင်းပြန်တက်နေရပြီး သူတိတ်တခိုး ချစ်နေရသော နတ်မိမယ်လေးက သူ့ကို ချစ်ခွင့်ပန်ကာ ချွဲနွဲ့ပြီး ဖက်လှဲတကင်း နမ်းရှုပ်ရန်ပင် တောင်းဆိုနေသဖြင့် သူ အလွန်စိတ်လှုပ်ရှားနေမိသည်။</p> <p>သို့သော် မျက်တောင်တစ်ခတ်အတွင်းမှာပင် ထိုနတ်မိမယ်လေးမှာ သူ၏ ထိပ်ပြောင်ပြောင် ကျောင်းအုပ်ဆရာကြီးအဖြစ် ပြောင်းလဲသွားပြီး သူ့ကို လာဖက်ရန် ကြိုးစားနေသည်။</p> <p>“သွားစမ်းးး”</p> <p>လုပေါင်သည် မဆိုင်းမတွဘဲ လက်ဝါးဖြင့် ထိပ်ကိုရိုက်ချလိုက်တော့သည်။ ရိုက်ချက်ထိမှန်သွားပြီးနောက် ထိုထိပ်ပြောင်ပြောင်ကြီးမှာ အဘယ်ကြောင့် ဤမျှ နူးညံ့နေရသနည်းဟု သူတွေးမိသွားသည်။</p> <p>“ဟင်...”</p> <p>သူ ရုတ်တရက် နိုးလာပြီး မျက်လုံးပွင့်လိုက်သည်နှင့် တစ်ပြိုင်နက် တစ်ကိုယ်လုံး တောင့်တင်းသွားတော့သည်။</p> <p>သူ မြင်လိုက်ရသည်မှာ သားရဲတို့၏ ဘုရင်ဖြစ်သောကျားကြီးသည် ဒေါသတကြီးဖြင့် ဟိန်းဟောက်နေပြီး သူ၏လက်မှာ ကျားခေါင်းဘေးတွင် ရောက်နေ၍ ကျားကြီးမှာ ခေါင်းကို အနည်းငယ် စောင်းသွားရသည်။</p> <p>“ပေါင်... မင်းနိုးပြီလား။”</p> <p>လုပေါင် တစ်ယောက် အာခေါင်များ ခြောက်ကပ်သွားသည်။ သွားပြီ... သူ အိပ်မက်ထဲမှာ ကျားကြီးကို မှားပြီး ပါးရိုက်လိုက်မိသည်လား။</p> <p>ကျားကြီး၏ ဒေါသထွက်နေသော မျက်နှာကို ကြည့်ရသည်မှာ သူရိုက်မိသွားတာဟုတ်ပုံရသည်။ ခေတ္တစဉ်းစားပြီးနောက် သူသည် ကျားခေါင်းကို အမြန်ပင် အသာအယာ ပွတ်သပ်ပေးလိုက်သည်။</p> <p>“ ငါ ကျောင်းအုပ်ဆရာကြီးကို အိပ်မက်မက်တာ မဆန်းပါဘူး မင်းတို့ နှစ်ယောက်က အရမ်းတူလွန်းတာကိုး နှစ်ယောက်လုံးက ကျားတွေပဲ‌လေ။”</p> <p>Ocean Live Stream ပလက်ဖောင်း။ ရတနာနတ်ဘုရား ၏ အခန်းထဲတွင်...</p> <p>ဤကျားကြီးသည် လုပေါင်ကို စိုက်ကြည့်နေသည်မှာ အတော်ပင် ကြာလှပြီဖြစ်ရာ ထိုင်လျက်ပင် အိပ်ပျော်သွားခဲ့သည်။ တိုက်ရိုက်ထုတ်လွှင့်မှု အခန်းထဲတွင်မူ ပရိသတ်များမှာ ဗိုက်နာအောင် ရယ်မောနေကြသည်။</p> <p>လူတိုင်းက လုပေါင် နိုးလာမည့်အချိန်ကို စောင့်နေကြခြင်းဖြစ်သည်။ ကျားကြီး ထိုင်လျက် အိပ်ပျော်နေသည်ကို ကြည့်နေစဉ်မှာပင်... </p> <p>အိပ်ပျော်နေသောလုပေါင်က ရုတ်တရက် ကျားကြီးကို ပါးရိုက်လိုက်သဖြင့် ကျားကြီးမှာ ကြောင်အသွားပြီးနောက် အံဩဖွယ် မျက်နှာပေး ဖြစ်သွားသည်။</p> <p>“ဘုရားရေ... ဒီလောက် ကြောက်စရာ‌‌ကောင်းတဲ့ကျားကြီးကို ဘယ်လိုစိတ်နဲ့များ ရိုက်ရဲတာလဲ။”</p> <p>“ဟားဟားဟား... ကျားကြီးက ပါးရိုက်ခံလိုက်ရလို့ ကြောင်သွားတာ ကြည့်ကြပါဦး။”</p> <p>“Streamer တော့ သွားပြီ... သွားပြီ။”</p> <p>“ရတနာနတ်ဘုရား နိုးလာပြီ။”</p> <p>လု‌ပေါင်၏ ရုတ်တရက် ပါးရိုက်လိုက်မှုကြောင့် တိုက်ရိုက်ထုတ်လွှင့်မှု အခန်းတစ်ခုလုံး ပွက်လောရိုက်သွားပြီး လက်ဆောင်များ တဖွဲဖွဲ ကြလာသည်။</p> <p>တောရိုင်းကျားကြီးကို ပါးရိုက်ဝံ့သော Streamer မှာ တကယ်ပင် ရဲတင်းလှပေသည်။</p> <p>လုပေါင်သည် သူ၏လက်ကို သတိထားကာ ပြန်ရုပ်လိုက်သည်။ ကျားကြီး၏ ဒေါသမျက်နှာမှာ အနည်းငယ် ပြေလျော့သွားပြီး လုပေါင်ကို တစ်ချက်ကြည့်ကာ အိပ်ပျော်နေဆဲဖြစ်သော ကျားပေါက်လေးနှစ်ကောင်ဆီသို့ လှည့်သွားသည်။</p> <p>သူ အချိန်ကို အမြန်စစ်ဆေးလိုက်သည်။</p> <p>Check-in အောင်မြင်သွားပြီ။</p> <p>သူသည် ၃ နာရီခွဲခန့် အိပ်ပျော်သွားခဲ့ပြီး ထူးခြားသော ဆုလာဘ်တစ်ခုကို ရရှိလိုက်သည်။</p> <p>လုပေါင်က ဆုလာဘ်ကို နှိပ်၍ ကြည့်လိုက်သည်။</p> <p>[စနစ်:] သားရဲဘုရင်၏ ဂူတွင် Check-in အောင်မြင်ပါသည်။</p> <p> </p> <p>ဆုလာဘ်- ရွှေရောင်ကမ်းခြေရှိ စိုက်ပျိုးရေးမြေဧရိယာ ၂၀၀ခန့်။</p> <p>ဤမြေကို လွှဲပြောင်းရောင်းချ၍မရပါ။ပိုင်ရှင်ကိုယ်တိုင် စိုက်ပျိုးရေးနှင့် မွေးမြူရေးအတွက်သာ အသုံးပြုနိုင်သည်။</p> <p>တစ်ချိန်တည်းမှာပင် သူ၏ စနစ်အချက်အလက်များ ပြောင်းလဲသွားသည်။</p> <p>ပိုင်ရှင်: လုပေါင်။</p> <p>စွမ်းရည်: သားရဲတိရစ္ဆာန်များ၏ နှစ်သက်မှု +၁၀၀ (ရွှေရောင်အဆင့်)။</p> <p>ကျွမ်းကျင်မှု: ဆရာကြီးအဆင့် ပုလွေ မှုတ်ခြင်း။</p> <p>စနစ်သုံးပစ္စည်း: စူပါကောင်းကင်မျက်လုံး၊ ရွှေရောင်ကမ်းခြေ မြေအသုံးပြုခွင့် ဧရိယာ ၂၀၀ (စိုက်ပျိုးရေးမြေအဖြစ်သာ ကန့်သတ်ထားသည်)။</p> <p>“တကယ်ကြီးလား။မြို့ပြဧရိယာထဲကရွှေရောင်ကမ်းခြေမှာ မြေဧရိယာ ၂၀၀ တောင်ရတာလား။”</p> <p>လုပေါင် အံ့အားသင့်သွားသည်။ ထိုနေရာသည် ရွှေထက်ပင် တန်ဖိုးရှိသော နေရာဖြစ်သည်။ အကယ်၍ ထိုနေရာကို လေလံတင်မည်ဆိုပါက တစ်စတုရန်းမီတာလျှင် ယွမ်သောင်းဂဏန်းအထိ တန်ဖိုးရှိပေမည်။</p> <p>ဧရိယာ ၂၀၀ ဆိုလျှင် စုစုပေါင်းတန်ဖိုးမှာ ယွမ်သန်းပေါင်း ထောင်ချီတန်ဖိုးရှိပေမည်။</p> <p>သူ ခေါင်းထဲ မူးသွားသည်။ ဤစနစ်က ဤမျှ အစွမ်းထက်လိမ့်မည်ဟု သူ မထင်ထားခဲ့ပေ။ ကျားဂူထဲတွင် Check-in တစ်ခါလုပ်ရုံဖြင့် သန်းပေါင်းများစွာ တန်ဖိုးရှိသည့်အရာကို ရလိုက်ခြင်းပင်။</p> <p>နှမြောစရာတစ်ခုမှာ ထိုနေရာတွင် ပင်လယ်မြင်ကွင်းရ ဗီလာများ ဆောက်၍မရဘဲ စိုက်ပျိုးရေးအတွက်သာ အသုံးပြုရမည် ဖြစ်သည်။ သို့သော်လည်း ထိုနေရာသည် လူစည်ကားသော ခရီးသွားဇုန်ဖြစ်သဖြင့် စည်းစိမ်ဥစ္စာများစွာကို ဖန်တီးပေးနိုင်မည်မှာ အသေအချာပင်။</p> <p>“ငါ ချမ်းသာပြီ ဟား ဟား..”</p> <p>လုပေါင်သည် စိတ်လှုပ်ရှားစွာဖြင့် သူ့ပေါင်ကိုပြန်ကို ရိုက်လိုက်သည်။</p> <p>“ဝူးးး”</p> <p>လေးလျောင်းနေသော ကျားမကြီးမှာ သူ၏ရိုက်သံကြောင့် ရုတ်တရက် လန့်နိုးလာပြီး အမွေးများ ထောင်သွားကာ သူ့ကို သတိဖြင့် လှည့်ပတ်ကြည့်နေသည်။ ပါးရိုက်ခံထားရသဖြင့် ကြောက်စိတ်ဝင်သွားပုံရသည်။</p> <p>“ရပါတယ်... ဘာမှမဖြစ်ဘူးနော်။”</p> <p>လုပေါင်သည် ပျော်ရွှင်စွာဖြင့် ကျားမကြီး၏ ခေါင်းကို ပွတ်သပ်ပေးလိုက်သည်။ ဤစနစ်သည် အလွန်အံ့ဩစရာ ကောင်းလှသည်။ စနစ်သည် သူ့ကို တစ်ခဏချင်းအတွင်းမှာပင် သူဌေးတစ်ဦး ဖြစ်စေခဲ့သည်။</p> <p>လုပေါင်သည် ပစ္စည်းများကို သိမ်းဆည်းကာ ကျားပေါက်လေးတစ်ကောင်ကို ချီ၍ နဖူးကို နမ်းလိုက်သည်။ ကျားပေါက်လေးမှာ ကြောက်လန့်တကြား အော်ဟစ်နေသည်။</p> <p>“ဧည့်ဝတ်ကျေပွန်မှုအတွက် ကျေးဇူးပဲ နောက်မှ ထပ်တွေ့ကြတာပေါ့။”</p> <p>လုပေါင်သည် ကျားဂူထဲမှ ထွက်လာခဲ့သည်။ တိုက်ရိုက်ထုတ်လွှင့်မှုအတွင်းမှ ပရိသတ်များမှာလည်း ကျားကြီး၏ ဖိအားပေးမှုမှ လွတ်မြောက်သွားသဖြင့် သက်ပြင်းချနိုင်ကြတော့သည်။</p> <p>ထုတ်လွှင့်မှု စာရင်းဇယားကို စစ်ဆေးလိုက်သောအခါ Follower ၁.၀၄ သန်းအထိ ရှိနေသည်ကို တွေ့ရသည်။ Follower တစ်သန်းရှိသော Streamer မှာ အလွန်ကျော်ကြားသူတစ်ဦး ဖြစ်နေပြီဖြစ်သည်။</p> <p>“အားလုံးပဲ... ထုတ်လွှင့်မှုအစီအစဥ်ကို ဒီမှာပဲ ခေတ္တရပ်ပါမယ်။ နောက်ထပ် စိတ်ဝင်စားစရာကောင်းတဲ့ တိရစ္ဆာန်တွေ တွေ့ရင် ပြန်လာခဲ့ပါမယ်ခင်‌ဗျာ”</p> <p>လုပေါင်သည် ထုတ်လွှင့်မှုကို ပိတ်လိုက်ပြီး သူ၏ မြေ ဧရိယာ ၂၀၀ ကို သွားကြည့်ရန်အမြန် ပြင်ဆင်တော့သည်။</p> <p>သူ နောက်လှည့်ကြည့်လိုက်သောအခါ ကျားမကြီးက ဂူထဲမှ လိုက်ထွက်လာသည်ကို တွေ့ရသည်။ လုပေါင်က လက်ပြနှုတ်ဆက်လိုက်ပြီး အနာဂတ်တွင် ကျားမွေးမြူရန် စိတ်ကူးရှိလာပါက ပြန်လာနိုင်ရန် စနစ်မြေပုံပေါ်တွင် တည်နေရာကို မှတ်သားထားလိုက်သည်။</p> <p>နောက်ထပ် Check-in တာဝန်က ဘယ်တော့လောက်လာဦးမလဲ။</p> <p>အိမ်အပြန်လမ်းတွင် လုပေါင်သည် စနစ်မြေပုံကို ကြည့်လိုက်ရာ လမ်းကြောင်းနှစ်ခု တွေ့ရသည်။ တစ်ခုမှာ ၅၉ နာရီ လမ်းလျှောက်ရမည်ဖြစ်သည်။စနစ်က အကြံပြုထားသော လမ်းကြောင်းမှာ ၇၀ နာရီ ကြာမြင့်မည်ဖြစ်သည်။</p> <p>၁၁ နာရီ ကွာခြားသည်။ သူသည် သားရဲတိရစ္ဆာန်များကို ကြောက်စရာ မလိုသဖြင့် ပိုတိုသောလမ်းကိုသာ ရွေးချယ်လိုက်သည်။</p> <p>သူသည် နှစ်ရက်တိုင်တိုင် လမ်းလျှောက်လာခဲ့သည်။ ဗိုက်ဆာလျှင် ဟမ် စားသည်။ရေဆာလျှင် မြစ်ရေသောက်သည်။ငါးဖမ်း၍ ကင်စားသည်။သို့မဟုတ် တောသီးများ ရှာစားသည်။</p> <p>“စနစ်... တောသီးတွေကို ရှာဖွေစစ်ဆေးပေးပါ။”</p> <p>[စနစ်:] စစ်ဆေးနေပါသည်... အမည်မသိ တောသီး အဆိပ်မရှိပါ၊ ဗီတာမင်ကြွယ်ဝပြီး ချိုချဉ်အရသာရှိသည်။ ၎င်းသည် အစာစားချင်စိတ် မရှိခြင်း ရောဂါကို ကုသပေးနိုင်ပါသည်။</p> <p>လုပေါင်သည် ထိုသတင်းကြောင့် အလွန်ဝမ်းသာသွားသည်။ သူ၏ ညီမလေးမှာ အနည်းငယ် ဝဖြိုးသော်လည်း အစာစားချင်စိတ် မရှိသည့် ရောဂါ အနည်းငယ် ရှိနေသောကြောင့် ဖြစ်သည်။ သူသည် ထိုအသီးများကို ခူးဆွတ်ကာ အမြစ်များကိုပါ တူးယူလိုက်သည်။ အိမ်တွင် ပြန်လည်စိုက်ပျိုးရန် ဖြစ်သည်။</p> <p>“ဖုန်းးး”</p> <p>လုပေါင် အမြစ်တူးနေစဉ် ရုတ်တရက် ခေါင်းကို တစ်ခုခုဖြင့် ထိမှန်သွားသဖြင့် နာကျင်သွားရသည်။ သူလှည့်ကြည့်လိုက်သောအခါ အဖြူရောင် ကြက်တူရွေး အကြီးကြီးတစ်ကောင်က သူ၏ခေါင်းပေါ်မှ ဖြတ်သန်းကာ ပျံသန်းသွားသည်ကို တွေ့လိုက်ရသည်။</p> <p>ဘာလို့ ငါ့ကို လာတိုက်တာလဲ။</p> <p>လုပေါင်သည် ထိုကြက်တူရွေးကြီးကို ကြည့်ကာ အလွန်ပင် ဇဝေဇဝါ ဖြစ်သွားတော့သည်။</p> <p> </p> <p> </p> <p> </p> <p> </p> <p style="text-align: center;">***</p>


Save