Book List

<h2 style="text-align: center;">အခန်း (၃)</h2> <h2 style="text-align: center;">ကြက်တူရွေးနှင့် တောနက်က မျောက်ဝံဖြူဂူ</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p>ကြက်တူရွေးကြီးသည် အောက်သို့ ပြန်လည်ပျံသန်းလာပြီး လုပေါင်ကို တစ်ချက်ဆိတ်လိုက်သည်။ ထို့နောက် သူ၏လက်ကိုပါ လိုက်ဆိတ်နေသော်လည်း သူ့ကို ကြောက်ရွံ့ပုံမပြပေ။</p> <p>ကြက်တူရွေးကြီးသည် အပင်အမြစ်ကို မတူးရန် သူ့ကို တားနေခြင်းလော။ သို့မဟုတ် ၎င်းနှစ်သက်သော အသီးဖြစ်နေ၍လော။</p> <p>“တောက်... မင်းနော်”</p> <p>လုပေါင် မျက်စိလှန်ကြည့်လိုက်သည်။ ကျားကြီးတောင် သူ့ကို ရန်မမူဝံ့တာ ဒီငှက်စုတ်လေးက သူ့ကို လာဆိတ်ရဲတယ်ပေါ့။ ဒါပေမဲ့ ကြည့်ရတာ ချစ်ဖို့ကောင်းနေလို့ ဒီတစ်ခါတော့ လွှတ်ပေးလိုက်မယ်။</p> <p>“ဂူး... တောက်... မင်းနော်”</p> <p>ကြက်တူရွေးကြီးက ခေါင်းကိုမော့လိုက်ပြီး ပါးစပ်ဟလိုက်ချိန်တွင် လုပေါင် ဆွံ့အသွားရသည်။ အသံက စူးရှနေသော်လည်း ၎င်းပြောလိုက်သည့် အသံမှာ လုပေါင်၏ အသံအတိုင်းပင် ဖြစ်နေသည်။</p> <p>၎င်းက သူ့အသံကို တုပနေခြင်းလော။ထိပ်တန်းအဆင့် ကြက်တူရွေးပဲ။</p> <p>လုပေါင် မယုံနိုင်ဘဲ ကြည့်နေမိသည်။ ခေတ္တစဉ်းစားပြီးနောက် သူက</p> <p> “ငါက သောက်ပေါ။</p> <p>“ဂူး... ငါက လူ‌သောက်‌ပေါ။”</p> <p>လုပေါင် ပါးစပ်အဟောင်းသား ဖြစ်သွားသည်။ ဤကြက်တူရွေးသည် ရိုးရိုးမဟုတ်ပေ။ စကားပြောရုံတင်မကဘဲ လေယူလေသိမ်းကိုပါ ထပ်တူတုပနိုင်စွမ်းရှိသေးသည်။</p> <p>ကြက်တူရွေးသည် ခေါင်းကိုစောင်းကာ စဉ်းစားနေပြီးနောက် အခြားအသံများကို ဆက်တိုက် တုပလေတော့သည်။</p> <p>“ကျိကျိ... ကျိကျိ..” (မျောက်သံ)</p> <p>“ဆရာကြီး... ဂူး... ဒီမျောက်ဂူထဲမှာ ရတနာတွေ ရှိတယ်။ ငါတို့ ချမ်းသာပြီဟေ့။”</p> <p>“ဂူး... ရွှေတွေရှိတယ်။”</p> <p>“မြန်မြန်ပြေး... ပြေးကြတော့။ ဂူး... ဒါတွေက ရက်စက်တဲ့ မျောက်ဝံအုပ်တွေပဲ။ နှင်းလုံးလေး မြန်မြန်ပျံတက်တော့။ အားလုံးကို လွတ်အောင်ပြေးခိုင်းလိုက်။”</p> <p>“အိုထျန်း... ကယ်ပါဦးးး အားးး”</p> <p>မျောက်ဝံဟိန်းသံများ အမျိုးသားတစ်ဦး၏အသံအမျိုးသမီးတစ်ဦး၏အသံနှင့် စူးရှသောအော်သံများကိုကြက်တူရွေးကတုပလိုက်သောကြောင့် လုပေါင်ကြက်သီးများ ထသွားရသည်။ တစ်ချိန်တည်းမှာပင် နောက်ကျောမှ တစ်စုံတစ်ယောက်က စိုက်ကြည့်နေသကဲ့သို့ ခံစားလိုက်ရသည်။</p> <p>[တီ... တီ...:] မတော်တဆတာဝန် ပေါ်လာပါပြီ။ မျောက်ဝံဖြူဂူတွင် Check-in လုပ်ပါ။</p> <p>မျောက်ဝံဖြူဂူ။</p> <p>ဤကြက်တူရွေးသည် ယခင်က သေဆုံးသွားသူတစ်ဦးဦး၏ အိမ်မွေးတိရစ္ဆာန် ဖြစ်ပုံရသည်။ ၎င်းသည် သူ့ကို မြင်သောအခါ အန္တရာယ်ရှိကြောင်း သတိပေးရန် ပျံသန်းလာခြင်း ဖြစ်နိုင်သည်။</p> <p>သူ့အတွေးကို အတည်ပြုသည့်အလား။မျောက်ဝံဖြူကြီးတစ်ကောင်သည် သစ်ပင်ပေါ်မှ ခုန်ဆင်းလာသည်။ ၎င်း၏လက်ထဲတွင် ဟောင်းနွမ်းနေသော မြေတူးဂေါ်ပြား တစ်ခုကို ကိုင်ထားပြီး လုပေါင်ကို အကဲခတ်၍ နေသည်။</p> <p>ဘေးပတ်ဝန်းကျင်ကို ကြည့်လိုက်ရာ သစ်ပင်နောက်ကွယ်မှ သူ့ကို စောင့်ကြည့်နေသော ပိုကြီးသည့် မျောက်ဝံဖြူကြီး တစ်ကောင်ကိုလည်း ထပ်မံတွေ့လိုက်ရသည်။</p> <p>ကြက်တူရွေးသည် တောင်ပံခတ်ကာ ပျံသန်းသွားရင်း...</p> <p>“မြန်မြန်ပြေး... ပြေးကြတော့။”</p> <p>နှင်းလုံးလေး ၏ သခင်မှာ ဤနေရာတွင်ပင် သေဆုံးသွားခဲ့ခြင်း ဖြစ်ပေလိမ့်မည်။</p> <p>လုပေါင်သည် အမည်မသိအသီး၏ အမြစ်ကို အိတ်ထဲသို့ အသာအယာထည့်ကာ မတ်တတ်ရပ်လိုက်သည်။ ဤမျောက်ဝံဖြူများက ဘာကြောင့် ဤမျှ ဒေါသကြီးနေရသနည်း။</p> <p>သို့သော် သူ၏ ရွှေရောင်စွမ်းရည်မှာ အလွန်အစွမ်းထက်လှသည်။ ခေတ္တမျှ စောင့်ကြည့်ပြီးနောက် မျောက်ဝံဖြူများမှာ ရန်လိုစိတ်များ လျော့ပါးသွားကြသည်။ ၎င်းတို့သည် သူ့အနားသို့ လာရောက်ကာ လူသားတစ်ဦးကဲ့သို့ စူးစမ်းကြည့်နေကြတော့သည်။</p> <p>အချို့မျောက်ဝံများက သူ၏ ကျောပိုးအိတ်ကို လုယူရန် ကြိုးစားကြသည်။ အခြားလူများ၏ အိတ်များကို ဖွင့်ကြည့်ဖူးသည့် အတွေ့အကြုံ ရှိပုံရသည်။</p> <p>“ဒါ ငါ့ပိုင်တဲ့ဟာ”</p> <p> လုပေါင်က ရှောင်လိုက်သည်။</p> <p>လုပေါင်သည် Check-in လုပ်ရန် တာဝန်ရှိရာ ဧရိယာသို့ ရောက်ရှိသွားသည်နှင့် သူ၏ ကောင်းကင်မျက်လုံး ကင်မရာသည် အလိုအလျောက် ပွင့်သွားပြီး တိုက်ရိုက်ထုတ်လွှင့်မှု စတင်လေတော့သည်။</p> <p>ရက်အနည်းငယ်အတွင်း လုပေါင်၏ Follower အသစ်များမှာ အလွန်တိုးပွားနေသည်။ ဝံပုလွေဂူနှင့် ကျားဂူထဲတွင် အိပ်ခဲ့သော ထိုလူငယ်ကို လူတိုင်း စိတ်ဝင်စားနေကြခြင်းဖြစ်သည်။</p> <p>မျောက်ဝံဖြူနှစ်ကောင်ကို မြင်လိုက်ရသည်နှင့် ပရိသတ်များမှာ ရုတ်ရုတ်သဲသဲ ဖြစ်သွားကြပြန်သည်။</p> <p>“ဘုရားရေ... သူ ပျောက်သွားတာ နှစ်ရက်ရှိပြီ။အခုထိ တောထဲမှာရှိ‌နေတာလား။”</p> <p>“မျောက်ဝံဖြူတွေလား။ ကြည့်ရတာ တော်တော် ရက်စက်မယ့်ပုံပဲ။ လက်ထဲမှာ မြေတူးဂေါ်ပြားကြီးနဲ့ အိုးးး”</p> <p>“ရတနာနတ်ဘုရားရေ... ပုလွေလေး မှုတ်ပြပါဦးလားဗျာ။”</p> <p>လုပေါင်သည် ပရိသတ်များကို အာရုံမစိုက်နိုင်သေးပေ။ သူသည် မျောက်ဝံဖြူဂူရှိရာ လမ်းကြောင်းအတိုင်း တစ်လှမ်းချင်း လျှောက်နေသည်။ ဂူသည် သူနှင့် မီတာတစ်ထောင်ပင် မဝေးတော့ပေ။</p> <p>ဤနေရာသည် မျောက်ဝံဖြူများ၏ နယ်မြေဖြစ်သည်မှာ သိသာလှသည်။ လမ်းတစ်လျှောက်တွင် ဖြူမျောက်ဝံ ၇ ကောင် ၈ ကောင်ခန့်ကို ထပ်မံတွေ့ရှိရသည်။</p> <p>“ဂူးးးး”</p> <p>ကြက်တူရွေး၏ အော်သံ ထပ်မံထွက်ပေါ်လာပြန်သည်။</p> <p>လုပေါင် မော့ကြည့်လိုက်ရာ သစ်ပင်ပေါ်တွင် ချိတ်ဆွဲထားသော ခြောက်ကပ်နေသည့် လူသေအလောင်းတစ်ခုကို တွေ့လိုက်ရသဖြင့် ကြက်သီးထသွားသည်။ ကြက်တူရွေးသည် ထိုအလောင်းဘေးတွင် နားကာ နှုတ်ဆက်သည့်အလား အော်မြည်နေသည်။</p> <p>ဒါ သူ့၏သခင်ဖြစ်မည်လော။</p> <p>လုပေါင် အနားသို့ သွားကြည့်လိုက်ရာ အလောင်းတွင် လက်သည်းရာကြီးများ ပြည့်နှက်နေပြီး လက်တစ်ဖက်မှာလည်း ဆွဲဖြုတ်ခံထားရသကဲ့သို့ ပျောက်ဆုံးနေသည်။ မျောက်ဝံဖြူများ၏ တိုက်ခိုက်မှုကြောင့် သေဆုံးခဲ့ရခြင်းဖြစ်နိုင်သည်။</p> <p>ကြက်တူရွေးက လုပေါင်ကို ငုံ့ကြည့်ကာ</p> <p>“ပြေး... မြန်မြန်ပြေးးး ရက်စက်တဲ့ မျောက်ဝံဖြူတွေကလူသတ်တယ်။”</p> <p>လုပေါင် ထိတ်လန့်သွားသည်။ ဤကြက်တူရွေးကလိမ်မပြောကြောင်း သူသိသည်။ အကယ်၍ သူသာတိရိစ္တာန်များ၏ နှစ်သက်မှုစွမ်းရည်မရှိခဲ့လျှင်မျောက်ဝံဖြူများ၏ လက်ချက်ဖြင့် သေဆုံးနေသည်မှာ ကြာပြီဖြစ်သည်။</p> <p>“ဘုရားရေ... Streamer ရေ မြန်မြန်ပြေးတော့။”</p> <p>“တောနက်ထဲက မျောက်ဝံဖြူတွေက တကယ်ရက်စက်တာ၊။ လူဆိုတာ သူတို့ရဲ့ အစာပဲ မြန်မြန် ပြေး..ပြေးး။”</p> <p>“အဲဒီ ကြက်တူရွေးက သေခါနီး လူတွေ ပြောသွားတဲ့ စကားတွေကို လိုက်ပြောနေတာလားးးကြောက်စရာကြီးး။”</p> <p>မျောက်ဝံဖြူအုပ်စုများသည် အသိဉာဏ်ရှိပြီး အုပ်စုလိုက် စနစ်တကျ တိုက်ခိုက်တတ်သဖြင့် ကျားများပင် ၎င်းတို့၏ နယ်မြေထဲသို့ မဝင်ရဲကြပေ။</p> <p>လုပေါင်သည် တုန်လှုပ်နေသော်လည်း မျောက်ဝံဖြူဂူရှိရာသို့ ဆက်လက် လျှောက်လှမ်းသွားသည်။</p> <p>“ဆရာကြီး... ဂူး... ရွှေတွေ ငါတို့ ချမ်းသာပြီ။”</p> <p>ကြက်တူရွေးက ထပ်မံအော်လိုက်ပြန်သည်။</p> <p>ရွှေ။</p> <p>လုပေါင်သည် ချမ်းသာသော မိသားစုမှ လာသူဖြစ်သော်လည်း ယခုအခါ စိုက်ပျိုးရေးမြေ ဧရိယာ ၂၀၀ ကို ရရှိထားရာ ငွေကြေးပိုမို လိုအပ်လာမည်ဖြစ်သည်။ အကယ်၍ ရွှေအချို့ ရှာတွေ့ပါက အကျိုးရှိမည်မှာ အသေအချာပင်။</p> <p>“တိုက်ရိုက်ထုတ်လွှင့်မှုကို ကြိုဆိုပါတယ်ခင်ဗျာ။ ကျွန်တော်တို့ အခု ဖြူမျောက်ဝံဂူထဲမှာ ရတနာတွေ ရှိ မရှိ သွားရောက် စစ်ဆေးကြည့်ကြရ‌အောာင်ခင်ဗျာ။”</p> <p>လုပေါင်သည် ပရိသတ်များကို နှုတ်ဆက်ရင်း ဂူအတွင်းသို့ စတင်ဝင်ရောက်ရန် ပြင်ဆင်လိုက်တော့သည်။</p> <p> </p> <p> </p> <p> </p> <p style="text-align: center;">***</p>


Save