Book List

<h2 style="text-align: center;">အခန်း (၄)</h2> <h2 style="text-align: center;">တောင်ပေါ်က ရွှေများ</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p>သူ တောနက်ထဲသို့ ပိုတိုးဝင်လာသည်နှင့်အမျှ မျောက်ဝံများဖြူ၏ အရေအတွက်မှာ တဖြည်းဖြည်း များပြားလာလေသည်။</p> <p>အရွယ်အစားမျိုးစုံရှိသော မျောက်ဝံနက်များနှင့် မျောက်ဝံဝါအချို့ပင် ရှိနေသေးသည်။ အချို့က သူ၏အိတ်ကို လုယူရန် ကြိုးစားနေကြသဖြင့် လုပေါင်မှာ တကယ်ပင် ခေါင်းခဲနေရသည်။</p> <p>“ထွက်သွားကြစမ်းးးး” </p> <p>အိတ်ထဲတွင်ဆေးဝါးများ  အစားအစာများနှင့် အပြင်ထွက်လျှင် သုံးသည့် ပစ္စည်းများပါဝင်ပြီး အားလုံးမှာ မရှိမဖြစ် အရေးကြီးသောအရာများ ဖြစ်သည်။ အကယ်၍ ဤမျောက်များက လုသွားပါက ဤတောနက်ကြီးထဲတွင် သူ အကြီးအကျယ် ဒုက္ခရောက်ပေလိမ့်မည်။</p> <p>မျောက်ဝံဖြူပေါက်လေးတစ်ကောင်က သွားဖြဲပြကာ အိတ်ကို လုရန် ကြိုးစားသဖြင့် သူ ကန်ထုတ်ပြစ်လိုက်သည်။</p> <p>“ဒီမျောက်စုတ်လေးကတော့  မင်းရဲ့ လက်သည်းတွေနဲ့ငါ့ကို လာထပ်ထိရင် မင်းအမေတောင် မမှတ်မိအောင် ငါမင်းကိုရိုက်လွှတ်လိုက်မယ်။”</p> <p>လုပေါင်သည် ကျောပိုးအိတ် အနည်းငယ် ပြဲသွားသည်ကို မြင်သောအခါ ဒေါသထွက်သွားပြီး နောက်ထပ်တစ်ချက် ထပ်ကန်လိုက်သည်။</p> <p>တိုက်ရိုက်ထုတ်လွှင့်မှုမှ ပရိသတ်များမှာ ဆွံ့အသွားကြသည်။ တကယ်ကြီးလား။ ရက်စက်တဲ့ မျောက်ဝံအုပ်ကြီးကြားထဲမှာ မျောက်ဖြူကလေးကို ချနေတာလား။အခြေအနေကိုလည်း ကြည့်ဦးလေ။</p> <p>သို့သော် အံ့ဩစရာကောင်းသည်မှာ မည်သည့် မျောက်ဝံဖြူမှ ဒေါသထွက်မလာခြင်းပင်။ ထိုအစား မျောက်ဝံဖြူလေးများနှင့် မျောက်ဝံနက်အချို့မှာ ကြောက်လန့်တကြား ထွက်ပြေးကုန်ကြသည်။ ၎င်းမှာ ပျော့လျှင်ဖိ နာလျှင်ရှိဟူသော သဘောကို ကောင်းကောင်း သက်သေပြနေခြင်းပင်ဖြစ်သည်။</p> <p>ဤနေရာ၏ အနံ့အသက်မှာ အလွန်ဆိုးဝါးလှပြီးမျောက်ဝံဖြူများ၏ ဆီးနံ့များမှာအလွန် နံစော်နေသည်။ အကယ်၍ မျောက်ဝံဖြူဂူထဲတွင် သုံးနာရီကြာ Check-in လုပ်ရမည်ဆိုပါက သူ အသက်ရှူကျပ်ကာ သေသွားနိုင်သည်ဟု လုပေါင် ခံစားနေရသည်။</p> <p>ဖောက်။</p> <p>တစ်ခုခုကို နင်းမိလိုက်သကဲ့သို့ ခံစားလိုက်ရသည်။ လုပေါင်သည် ခြေထောက်ကို အမြန်ဖယ်လိုက်ပြီး မြင်လိုက်ရသည့် မြင်ကွင်းကြောင့် အသက်ရှူမှားသွားသည်။ ၎င်းမှာ အဝတ်အိတ်တစ်ခုကို ကျစ်ကျစ်ပါအောင် ဆုပ်ကိုင်ထားသော လက်တစ်ဖက် ဖြစ်နေသည်။ တစ်ချိန်တည်းမှာပင် သစ်ရွက်များအောက်တွင် အမျိုးသမီးတစ်ဦး၏ အလောင်းကို ထပ်မံတွေ့ရှိလိုက်ရပြန်သည်။</p> <p>လုပေါင် ဆက်မကြည့်ရဲတော့‌ပေ။ဒီနေရာတွင် အဘယ်ကြောင့် အနံ့ဆိုးနေရသနည်းဆိုသည်မှာ မဆန်းတော့။ သူသည် သေသည်အထိ မလွှတ်တမ်း ဆုပ်ကိုင်ထားသော အဝတ်အိတ်ကို ကန်လိုက်ရာ ရွှေတုံးနှစ်တုံး ထွက်ကျလာသည်။</p> <p>“ဘုရားရေ”</p> <p>လုပေါင်၏ မျက်လုံးများ ပြူးသွားပြီး တိုက်ရိုက်ထုတ်လွှင့်မှု အခန်းမှာလည်း ဆူညံပွက်လောရိုက်သွားသည်။ မူလက အလောင်းကို တွေ့သဖြင့် ကြောက်လန့်နေကြသော်လည်း ရွှေတုံးများ ထွက်ကျလာသည်ကို မြင်လိုက်ရသောအခါ ထိုကြောက်စိတ်များမှာ ချက်ချင်းပင် ပျောက်ကွယ်သွားတော့သည်။</p> <p>“Streamer ရေ... မင်းတော့ သူဌေးဖြစ်ပြီဟ” </p> <p>လုပေါင်သည်ရွှေတုံးများကို အမြန်ကောက်ယူလိုက်သည်။ နေရောင်အောက်တွင် ၎င်းတို့မှာ ဆွဲဆောင်မှုရှိသော အလင်းတန်းများဖြင့် ဖြာထွက်နေသည်။</p> <p>ပိုက်ဆံနံ့လေးပဲ။</p> <p>သူသည် အိတ်ထဲရှိ ရွှေတုံးအားလုံးကို သွန်ချလိုက်သည်။ စုစုပေါင်း ၁၁ တုံး ရှိသည်။ အလွန်မကြီးသော်လည်း တစ်တုံးလျှင် ၁၀၀ ဂရမ်ခန့် အလေးချိန် ရှိသည်။</p> <p>‘တစ်တုံးကို ၁၀၀ ဂရမ်ဆိုတော့ ၁၁ တုံးဆို ၁၁၀၀ ဂရမ်ပေါ့။ လက်ရှိ ရွှေဈေးနဲ့ တွက်ရင် ယွမ် ၄ သိန်း ၄ သောင်း (မြန်မာငွေ သိန်းထောင်ချီ) ကျော်တန်တာပေါ့။ အရည်အသွေး မပြည့်ရင်တောင် အနည်းဆုံး ၃ သိန်းကျော်တော့ ရမှာပဲ။</p> <p>လုပေါင်စိတ်ထဲတွင် တွက်ချက်နေသည်။</p> <p>“ယွမ် ၅၀၀ နဲ့ ဂုဏ်ပြုမှတ်တမ်းလွှာပဲ ရမှာနော်။ Streamer ရေ... နုံအမနေနဲ့။ အခု ကင်မရာရှေ့မှာ လွှင့်ပစ်လိုက်သလို လုပ်ပြီးမှ Live ပိတ်ရင် ပြန်လာကောက်လိုက်တော့။”</p> <p>“ဘုရားရေ... သူ‌တော့ချမ်းသာပြီ။”</p> <p>ရွှေတွေ့လျှင် အပ်ရမည်ဆိုသော စည်းကမ်းကို လုပေါင်လည်း သိသည်။ သူသည် ရွှေတုံးများကို ပြန်ထည့်ကာ အလောင်းကို အလေးပြုလိုက်ပြီး ရှေ့သို့ ဆက်လျှောက်လာခဲ့သည်။</p> <p>“Liveပိတ်ရင် ငါ မင်းဆီ ပြန်လာခဲ့မယ်။”</p> <p>ထိုအမူအရာကြောင့် ပရိသတ်များက ဆရာကျတယ်ဟု ဝိုင်းချီးကျူးကြတော့သည်။</p> <p>မျောက်ဝံဖြူများ၏ အသိုက်မှာ ချိုင့်ဝှမ်းအတွင်း၌ ရှိသည်။ သူ တောနက်ထဲသို့ ပိုတိုးဝင်လာသည်နှင့်အမျှ မျောက်ဝံဖြူများ ပို၍ များပြားလာသည်။</p> <p>ဤနေရာတွင် လူများ စိုက်ပျိုးထားသည့်အလား သစ်သီးပင်များမှာ အစီအရီ ရှိနေသည်။ ဤသစ်သီးပင်များကြောင့်ပင် ဤမျှကြီးမားသော ဖြူမျောက်ဝံအုပ်စုကြီး တည်ရှိနေခြင်း ဖြစ်သည်။</p> <p>နှင်းလုံးလေးဟု အမည်ရသော ကြက်တူရွေးသည် လုပေါင်၏ ကျောပိုးအိတ်ပေါ်သို့ ဆင်းနားလိုက်သည်။</p> <p>ထူးခြားချက်မှာ မည်သည့် ဖြူမျောက်ဝံမှ သစ်ပင်ပေါ်သို့ တက်၍ အသီးမခူးကြခြင်းပင်။ သို့သော် အသီးတစ်လုံး ကြွေကျလာတိုင်း ဖြူမျောက်ဝံများမှာ လုယက်ရန် ပြေးဝင်သွားကြပြီး ရန်ပင် ဖြစ်ကြသေးသည်။</p> <p>“အားလုံး သတိထားမိလား။ဒီက မျောက်ဝံဖြူတွေက သစ်ပင်ပေါ်က အသီးတွေကို မခူးရဲကြဘူး။ သူတို့မှာ စည်းမျဥ်း စည်းကမ်းတွေ ရှိပုံရတယ်။ ခုနက ငှက်တစ်ကောင် သစ်ပင်ပေါ် နားတာကို မျောက်အိုကြီးတစ်ကောင်က ခဲနဲ့ ထုသတ်လိုက်တာ တွေ့လိုက်ကြလား။”</p> <p>လုပေါင်သည် ဤထူးခြားသော အချက်ကို ရှာဖွေတွေ့ရှိသွားသည်။ ဤဖြူမျောက်ဝံများသည် လူသားများကဲ့သို့ စနစ်တကျ နေထိုင်နေကြခြင်းပင်။</p> <p>ဤနေရာတွင် ကြီးမားသော မျောက်ဝံဖြူဘုရင် တစ်ကောင် ရှိနေပေဦးမည်။</p> <p>ခေတ္တအကြာတွင် သူ၏ ထင်မြင်ချက်မှာ အတည်ဖြစ်သွားသည်။ ဝါးတောင်းများ လွယ်ထားသော သန်မာသည့် မျောက်ဝံဖြူ ဒါဇင်ပေါင်းများစွာသည် သစ်ပင်များပေါ်မှ မှည့်နေသော အသီးများကို ခူးဆွတ်နေကြသည်။</p> <p>သူတို့သည် အသီးများကိုအောက်တွင် စောင့်နေသည့် မျောက်ဝံများထံ ပစ်ချပေးနေကြ‌သည်။ အသီးကောင်းများကိုမူ သစ်ရွက်များဖြင့် ပတ်ကာ ဝါးတောင်းများထဲသို့ သေချာ ထည့်ကြသည်။ မျောက်ဝံဖြူအိုကြီး တစ်ကောင်က ခေါင်းဆောင်အဖြစ် ညွှန်ကြားနေပုံရသည်။</p> <p>ဤအံ့ဩဖွယ် မြင်ကွင်းကြောင့် ပရိသတ်များမှာ ဆွံ့အသွားကြသည်။</p> <p>“Rise of the Planet of the Apes ဇာတ်ကားက တကယ်ကြီးအပြင်မှာရှိတာပဲ။”</p> <p>“ဒီမျောက်အိုကြီးရဲ့ မျက်လုံးတွေက ဉာဏ်ပညာရှိတဲ့ပုံပဲ အံ့ဩဖို့ကောင်းလိုက်တာနော်။”</p> <p>လုပေါင်သည် မျောက်များ နေထိုင်ရာ ကျောက်တောင် ကမ်းပါးသို့ ရောက်ရှိလာသည်။</p> <p>ကမ်းပါးတွင် ဂူပေါက်ပေါင်းများစွာ ရှိနေပြီး မျောက်ဝံဖြူများ ပြည့်နှက်နေသည်။ သူ Check-in လုပ်ရမည့် မျောက်ဝံဖြူဂူမှာ တောင်တစ်ဝက်ခန့်တွင် ရှိသော ကြီးမားသည့် ဂူကြီးပင် ဖြစ်သည်။</p> <p>“ကျောက်လှေကားတွေတောင် ရှိတာပဲ...”</p> <p> လုပေါင်သည် ဂူဆီသို့ တိုက်ရိုက် ဦးတည်နေသော ကြီးမားသည့် ကျောက်လှေကားများကို တွေ့လိုက်ရသည်။</p> <p>“ပြေးတော့... ပြေးတော့။”</p> <p>“ဂူး ဆရာကြီး... ပြေးတော့ အထဲမှာ မျောက်ဝံဖြူဘုရင် ရှိတယ် ပြေးတော့”</p> <p>ကြက်တူရွေးက အော်ဟစ်ကာ လုပေါင်ကို လာဆိတ်ပြီး သူ၏ ယခင်သခင် ပြောခဲ့သော စကားများကို တုပပြောဆိုနေသည်။</p> <p>၎င်း၏ အသံမှာ အလွန် ထိတ်လန့်နေပုံရသည်။</p> <p>လုပေါင်သည် မြေပြင်ရှိ သစ်ရွက်ခြောက်များကြားတွင် ရွှေရောင် တဖိတ်ဖိတ် တောက်နေသည်ကို တွေ့လိုက်ရသည်။ သူ သစ်ရွက်များကို ဖယ်လိုက်ရာ ရွှေတုံးတစ်တုံးကို တွေ့ရသည်။ သူ ဆက်ရှာကြည့်ရာ နောက်ထပ် ရွှေတုံးတစ်တုံးကို ထပ်တွေ့ပြီး ၎င်းမှာ ပို၍ပင် ကြီးမားသေးသည်။</p> <p>‘ဒါက ရတနာသိုက်ပဲ။ဒီမှာ ရွှေတုံးတွေ ဒီလောက်တောင် များနေတာလား။’</p> <p>လုပေါင်သည် ခေတ္တစဉ်းစားပြီးနောက် ၎င်းတို့ကို အိတ်ကပ်ထဲသို့ တိတ်တဆိတ် ထည့်လိုက်သည်။</p> <p>မျောက်ဝံများ ပိုမို စုရုံးလာကြပြီး ၎င်းတို့ထဲတွင် ခေါင်းဆောင်ကဲ့သို့သော မျောက်ဝံအိုကြီးများလည်း ပါဝင်ကာ ဆူညံစွာ အော်ဟစ်နေကြသည်။</p> <p>၎င်းတို့မှာ သူ့အပေါ် ရန်လိုစိတ် မရှိသည်ကို အတည်ပြုပြီးနောက် လုပေါင်သည် ကျောက်လှေကားများအတိုင်း ဖြည်းညင်းစွာ တက်လာခဲ့လိုက်သည်။</p> <p>ကျောက်လှေကားများမှာ ကြမ်းတမ်းပြီး မျောက်များ ကိုယ်တိုင် ထွင်းထုထားသည့်အလား ဖြစ်နေတော့သည်။</p> <p> </p> <p> </p> <p> </p> <p style="text-align: center;">***</p>


Save