Book List

<h2 style="text-align: center;">အခန်း (၁၆)</h2> <h2 style="text-align: center;">နှစ်တစ်ထောင်လိပ်ကြီးကို ကယ်တင်ခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p>ရောင်းမထွက်ခဲ့ရင်ကော... သူ တွေဝေနေစဉ်မှာပဲ ဖုန်းသံမြည်လာခဲ့သည်။</p> <p>ဖုန်းခေါ်ဆိုသူမှာ သူ့သားဖြစ်နေကြောင်း စုန့်ခွန်လင်းမြင်လိုက်ရသည့်အခါ ရင်ထဲတွင် ဒေါသများ အလိပ်လိုက် တက်လာတော့သည်။ ဒီအသုံးမကျတဲ့ကောင်က သူ့ကို ဒုက္ခပေးဖို့ကလွဲရင် ဘာမှမတတ်ဘူး။</p> <p>သူ အံကြိတ်ကာ ဖုန်းကို ကိုင်လိုက်သည်။</p> <p>“အဖေ ကျွန်တော့်သူငယ်ချင်း အချို့ကို ရဲတွေ ဖမ်းသွားလို့။ အဖေ့အဆက်အသွယ်တွေ သုံးပြီး သူတို့ကို ထုတ်ပေးလို့ရမလား ကြည့်ပေးပါဦး။”</p> <p>“ဘာလို့ အဖမ်းခံရတာလဲ။”</p> <p>စုန့်ခွန်လင်း ဒေါသကြောင့် မေးရိုးများ‌ထောင်နေသည်။ ဒီကောင်က သူ့လူတွေကိုလွှတ်ခိုင်းဖို့ ငါ့ကို အကူအညီတောင်းရဲသေးတယ်ပေါ့။</p> <p>တစ်မိသားစုလုံး‌သောက်တုံးတွေချည်းပဲ။</p> <p>“အမှတ်(၁) မြေကွက်ပေါ်က ဝိုင်ချက်စက်ရုံကို သွားရိုက်ခွဲဖို့ ကျွန်တော် လွှတ်လိုက်တာလေ။ တောက် အဲ့ဒီပိုင်ရှင်က ဘယ်သူလဲဆိုတာ သိတာနဲ့ ချက်ချင်းအဲ့ကောင်ကို သတ်ပစ်မယ်။” </p> <p>စုန့်ချင်းဝေကတော့ သူ့အဖေ အံကြိတ်ပြီး ပြောနေတာကို သတိမထားမိသေးပေ။</p> <p>ဒီအချိန်မှာ သူက အမှတ်(၁) မြေကွက်ပိုင်ရှင်အပေါ် ဒေါသထွက်နေတုန်းပင်။ အမြဲတမ်း ဗိုလ်ကျစိုးမိုးလာခဲ့သည့်သူက မည်သူ့ကိုမှ ဂရုမစိုက်ပေ။</p> <p>“မင်းလို အမှိုက်ကများ လူသတ်ချင်တယ် ဟုတ်လား။မင်းက မင်းရဲ့တုံးအတဲ့ အမေလိုပဲ အသုံးမကျတဲ့ကောင် ဘယ်သူက မင်းကို အဲ့ဒီနေရာကို သွားရိုက်ခွဲခိုင်းလို့လဲ။မင်းကြောင့် ငါ့ရဲ့ လွတ်လမ်းတွေ အကုန်ပိတ်သွားပြီဆိုတာ မင်းသိလား။အမှတ်(၁) မြေကွက်ပိုင်ရှင်က ခုနတင် ငါ့ကို ဆက်သွယ်လာတာ။ မင်းက သူ့ကို သတ်လို့ရမှာမဟုတ်ဘူး။သူက ငါတို့ကို သတ်မှာ ငါတို့ကို သတ်တော့မှာကွ။”</p> <p>ပြောရင်းနှင့် ပိုဒေါသထွက်လာကာ စုန့်ကွန်းလင်က ဖုန်းကို ဝုန်းခနဲ ရိုက်ချလိုက်ပြီး ရုံးခန်းထဲရှိ ပစ္စည်းများကိုဖျက်ဆီးတော့သည်။ သူ၏ လပ်တော့ကိုပင် ပြတင်းပေါက်အပြင်ဘက်သို့ လွှင့်ပစ်လိုက်၏။</p> <p>“သူဌေး...”</p> <p>အတွင်းရေးမှူးမလေးမှာ ဆူညံသံများကြောင့် အပြေးအလွှား ဝင်လာကြည့်သည်။ စုန့်ခွန်လင်း၏ မျက်လုံးများ နီမြန်းကာ အသက်ပြင်းပြင်းရှူနေသည်ကို မြင်ရသောအခါ သူမ ကြောက်လန့်တကြားနှင့် ဘာမှမပြောရဲတော့ပေ။</p> <p>“စုန့်ချင်းဝေကို အလုပ်ကနေ ချက်ချင်းထုတ်လိုက် ပြီးတော့ ငါပေးထားတဲ့ သူ့ရဲ့ ခရက်ဒစ်ကတ်ကိုလည်း ပိတ်ပစ်လိုက်။”</p> <p>ဒီအကောင်ကိုတော့ ဒီနေ့ကစပြီး ကိုယ့်ဘာသာကိုယ်ပဲရှာစားခိုင်းမယ်။</p> <p>“ရှင်...”</p> <p>လုပေါင်တို့ မိသားစုကတော့ ပျော်ရွှင်စွာ အချိန်ကုန်နေကြသည်။</p> <p>မိသားစုဝင်များ နေ့လယ်စာ အတူစားနေစဉ်မှာပင် စနစ်၏ စက်ရုပ်ဆန်သော အသံ ထွက်ပေါ်လာသည်။</p> <p>မစ်ရှင်အသစ် ရောက်လာပြီ။</p> <p>“တုန်: အထူး Check-in မစ်ရှင် စတင်ပါပြီ ရေအောက်ကယ်ဆယ်ရေး။”</p> <p>“မစ်ရှင် ဖော်ပြချက်: နှစ်တစ်ထောင်လိပ်ကြီးတစ်ကောင်သည် ခရုကပ်ပါးများကြောင့် ဒုက္ခရောက်နေပါသည်။Hostအနေဖြင့် အရှေ့ဘက်ကမ်းရိုးတန်းသို့ သွားရောက်၍ လိပ်ကြီးကို ရှာဖွေပါ။ Check-in ဝင်ပါ။ထို့နောက် ခရုကပ်များကို ဖယ်ရှားပေးပါ။”</p> <p>တစ်ချိန်တည်းမှာပင် လမ်းညွှန်မြေပုံတစ်ခု ပေါ်လာသည်။ လုပေါင်က စနစ်၏ အချက်အလက်များကို စစ်ဆေးလိုက်၏။</p> <p>“အပြင်းထန်ဆုံး Live လွှင့် Check-in စနစ်”</p> <p>Host: လုပေါင်</p> <p>ပါရမီ: သားရဲများ၏ နှစ်သက်မှု +၁၀၀ (Gold အဆင့်)။</p> <p>ကျွမ်းကျင်မှု: တရုတ်ရိုးရာ လေမှုတ်တူရိယာ Great Master အဆင့် မျောက်ဝံသိုင်းပညာအငယ်တန်းအဆင့်။</p> <p>စနစ်ပစ္စည်းများ: စူပါ Live မျက်လုံး ရွှေရောင်ကမ်းခြေ ရှေးဦးလယ်ဧက ၂၀၀။</p> <p>လက်ရှိမစ်ရှင်: ရေအောက်ကယ်ဆယ်ရေး (အထူးမစ်ရှင်)။</p> <p>လုပေါင်က ထမင်းကို အမြန်ပင် လေးငါးလုပ် ခပ်စားလိုက်ပြီး</p> <p>“ကျွန်တော် ဝပြီ လူကြီးမင်းတို့ ဆက်စားကြပါ။ မျက်နှာဝိုင်းလေးငါ့ရဲ့ နှင်းလုံးလေးကို သွားမစနဲ့ဦးနော် အန်တီ နှင်းလုံးလေးကို ရက်နည်းနည်းလောက် ဂရုစိုက်ပေးပါဦး။” </p> <p>ချက်ပြုတ်ပေးသူ အန်တီကြီးကို မှာကြားပြီး အပေါ်ထပ်သို့ ပြေးတက်သွားတော့သည်။</p> <p>“ဖေဖေ မေမေ ကြည့်ဦး သူ သမီးကို ခေါင်းပုတ်သွားတယ်။”</p> <p> </p> <p>မျက်နှာဝိုင်းလေးကချက်ချင်းပင် တိုင်တောတော့သည်။</p> <p>“ဘာလဲ သူက ရက်နည်းနည်းလောက် တရားကျင့်မလို့လား။” </p> <p>လုပိုင်ဟောက်က လှမ်းမေးလိုက်သည်။ သူ့သားက ဒီရက်ပိုင်း ထူးဆန်းနေပြီး လျှို့ဝှက်ချက်တွေ များနေသလိုပင်။</p> <p>“ရည်းစားရနေတာ ဖြစ်မှာပါ။ သမီးလေး၊ ဗိုက်ဝပြီလား။ဒီရက်ပိုင်း သမီး ထမင်းစားတာ အရမ်းများနေပါလား။” </p> <p>ကျန်းရွှယ်ချင်းက သမီးဖြစ်သူ၏ ခေါင်းကို ပွတ်သပ်ရင်း မေးလိုက်သည်။ သမီးက အစားအသောက် ပျက်တတ်သည့်ရောဂါ ရှိသည်မဟုတ်ပါလား။</p> <p>လုပေါင် ပေးထားသည့် သစ်သီးများက အစားအသောက်ပျက်ခြင်းကို ကုသနိုင်မှန်း မျက်နှာဝိုင်းလေး ကိုယ်တိုင်လည်း မသိဘဲ မုန့်သဖွယ်သာ စားနေခဲ့ခြင်း ဖြစ်သည်။</p> <p>“ဘယ်သွားမလို့လဲ ဘယ်သွားမလို့လဲ။”</p> <p>“ဝုတ်”</p> <p>မကြာခင်မှာပင် အပေါ်ထပ်မှ နှင်းလုံးလေး၏ လုပေါင်နောက်သို့ လိုက်လိုသော အော်ဟစ်သံနှင့် ဒါပေါင်၏ ဟောင်သံများကတစ်အိမ်လုံး ဆူညံသွားတော့သည်။</p> <p>ယခုတစ်ခေါက် အရှေ့ဘက်ကမ်းရိုးတန်း မစ်ရှင်မှာလည်း ချင်းကျန်းမြို့မှာပင် ဖြစ်သော်လည်း အရှေ့ဘက်ကမ်းခြေ ဒေသဖြစ်သဖြင့် မနီးပေ။ တက္ကစီဖြင့်သွားလျှင် နှစ်နာရီခန့် ကြာလိမ့်မည်။</p> <p>သို့သော် ယခင်ကျားဂူထက်စာလျှင် ပို၍ အဆင်ပြေပါသည်။</p> <p>“ပင်လယ်ရေအောက်ထဲမှာ မဖြစ်ပါစေနဲ့လို့ ဆုတောင်းရမယ်။ လိပ်ကြီးက ကုန်းပေါ်တက်လာရင် အကောင်းဆုံးပဲ ကျွန်တော်က ရေငုပ်မှ မငုပ်တတ်တာ။” </p> <p>လုပေါင်အတွက်ဒီအထူးမစ်ရှင်က အနည်းငယ် ခက်ခဲနေသည်။ နှစ်တစ်ထောင်လိပ်ကြီးဆိုတော့ ပင်လယ်ကြမ်းပြင်မှာပဲ နေမှာ မဟုတ်လား။</p> <p>ရေအောက်ထဲမှာဆိုရင် သူ ဘယ်လိုကယ်ရမလဲ။</p> <p>ကိရိယာနှင့်အသုံးအ‌ဆောင်ပစ္စည်းအချို့ ပါသည့် အိတ်ကိုလွယ်ကာ လုပေါင်က သူ့နောက်လိုက်နေသည့် နှင်းလုံးကိုထားခဲ့ပြီး အမြန်ထွက်လာခဲ့သည်။</p> <p>“မင်းမေဂျီးတော်...မင်းမေဂျီးတော်...” </p> <p>နှင်းလုံးမှာသူ့ကို ရှာမတွေ့တော့သဖြင့် ဒေါသတကြီး အော်ဟစ်နေတော့သည်။ သူလည်း လိုက်ချင်တာပေါ့။အိမ်က ခွေးနက်ပြာကြီးက သူ့ကို လာလာခင်နေတာ စိတ်ပျက်ဖို့ ကောင်းလှပြီ။</p> <p>“နှင်းလုံးလေးရေ...” </p> <p>မျက်နှာဝိုင်းလေးကလည်းပျော်ရွှင်စွာ အော်ခေါ်နေသည်။</p> <p>“ဂူး....” </p> <p>နှင်းလုံးလေးမှာစိတ်ပျက်လက်ပျက် ဖြစ်သွားရသည်။ သူက ကစားစရာ မဟုတ်ဘူးလေ။</p> <p>ဒီရက်ပိုင်းအတွင်း Ocean Live Stream က အရမ်းခေတ်စားနေသည်။</p> <p>အကြောင်းမှာ အလွန်တောင့်တင်းကြံ့ခိုင်သည့် streamer တစ်ဦး ပေါ်ထွက်လာခြင်းကြောင့်ဖြစ်သည်။ သူက ဝံပုလွေဂူထဲမှာ အိပ်သည်။ကျားဂူထဲက ကျားတွေကို ပွတ်သပ်ရဲသည်။ကျားရဲ့မျက်နှာကိုတောင် ရိုက်ရဲသေးသည်။ နောက်ဆုံး Live မှာဆိုလျှင် မျောက်ဝံအုပ်စုကြားတွင် ရတနာရှာပြီး မျောက်ဝံဘုရင်ကြီးကို ယှဉ်ပြိုင်ကာ မျောက်ဝိုင်နှင့် ရတနာများကို ရရှိခဲ့သေးသည်။</p> <p>ထို့ကြောင့် လူတိုင်းကရတနာနတ်ဘုရား live ပြန်လွှင့်မည့်အချိန်ကို စောင့်မျှော်နေကြသည်။ သို့သော် Live လွှင့်ခန်းထဲတွင် မည်သည့်လှုပ်ရှားမှုမှ မရှိသေးပေ။</p> <p>Liveလွှင့်ပလက်ဖောင်း အများအပြားကလည်း ဒီလူသစ်ကို လိုက်ရှာနေကြသည်။ Live သုံးကြိမ်ဖြင့် သူက ထိပ်တန်း Streamer တစ်ဦး ဖြစ်လာခဲ့သည်။ နောက်ထပ် ဒီလိုအရည်အသွေးမျိုးသာ ထပ်လွှင့်နိုင်လျှင် သူသည် Live လောက၏ နတ်ဘုရားပင်ဖြစ်လာနိုင်ပေလိမ့်မည်။</p> <p>“အခုထိ ဆက်သွယ်လို့ မရသေးဘူးလား။”</p> <p>Ocean Live Stream မှ လုလင်းဟွာကတော့ စိတ်ပူနေသည်။ သူ၏ပလက်ဖောင်း လူကြည့်များနေသော်လည်း သူ မပျော်နိုင်ပေ။ ရတနာနတ်ဘုရားသာ သူတို့ဆီက ထွက်သွားလျှင် ဒီလူကြည့်နှုန်းတွေ အကုန်ပျောက်သွားမည်ကို သူသိသည်။</p> <p>“သူဌေး...ဆက်သွယ်လို့ မရဘူး။ ဖုန်းနံပါတ်ပဲ ရှိတယ် WeChat မှာ ရာနဲ့ချီပြီး Add ခဲ့ပေမယ့် သူက လက်မခံဘူး...”</p> <p>“ဆက်ကြိုးစား။”</p> <p>လုလင်းဟွာက အကောင်းဆုံး စာချုပ်ကို ပြင်ဆင်ထားပြီးဖြစ်သည်။ ရတနာနတ်ဘုရားဆီကနေ တစ်ပြားမှ မမြတ်ရင်တောင် သူ့ကို သူတို့ဆီမှာ ဆွဲထားရမည်။ လူကြည့်နှုန်းကသာ အဓိက ဖြစ်သည်။</p> <p>“ဒါနဲ့... ငါတို့ ရတနာနတ်ဘုရားကို စာချုပ်ချုပ်ဖို့ ပြင်နေတယ်ဆိုတဲ့ ကောလာဟလကို အသာလေး လွှတ်ထားလိုက်။ တရားဝင်တော့ ကြေညာစရာ မလိုသေးဘူး။”</p> <p> </p> <p>ပြိုင်ဘက်တွေကိုဟန့်တားရန် သူ ဆုံးဖြတ်လိုက်သည်။</p> <p>အရှေ့ဘက်ကမ်းရိုးတန်းတွင် လုပေါင်က ကျောက်ဆောင်တစ်ခုပေါ်၌ ရပ်ကာ ပင်လယ်လှိုင်းများကို ကြည့်ရင်း တွေဝေနေသည်။ လိပ်ကြီးက မီတာ ၅၀၀ ခန့် အကွာမှာ ရှိနေသည်။ဒါပေမဲ့ သူ ဘယ်လိုဆင်းသွားရမလဲ။</p> <p>ပြီးတော့ ရေအောက်ထဲမှာ။</p> <p>စူပါ Live မျက်လုံးကလည်း အလိုအလျောက် ပွင့်မလာသေးသဖြင့် Live လွှင့်ရန် အကောင်းဆုံးအခြေအနေ မဟုတ်သေးဟု ဆိုလိုသည်။ ရေကူးသွားရမှာလား။သူ အခု အားအင်တွေ သန်မာနေပြီဆိုပေမယ့်... ကဲ စမ်းကြည့်တာပေါ့။</p> <p>စနစ်က ဒီမစ်ရှင်ကို ပေးတယ်ဆိုရင် မဖြစ်နိုင်တဲ့အရာတော့ မဟုတ်တန်ရာ။ လုပေါင်က အင်္ကျီ ဖိနပ်နှင့် ခြေအိတ်များကို ချွတ်ကာ ကျောက်ဆောင်ပေါ်မှ ပင်လယ်ထဲသို့ ခုန်ချလိုက်တော့သည်။</p> <p>“ဗွမ်းး”</p> <p>ရေထဲရောက်သွားသည့်အခါ လုပေါင် အံ့သြသွားရသည်။ မျက်လုံးအနည်းငယ် စပ်သည်မှအပ သူသည် အလွန်ပင် နေရထိုင်ရ သက်သောင့်သက်သာ ရှိနေသည်။</p> <p>ရေချိုးနေရသလိုမျိုးပါပဲ။</p> <p>တစ်မီတာ နှစ်မီတာ သုံးမီတာ... ဒီနေရာက ငါးမီတာခန့် နက်သည်။ လုပေါင်က ပင်လယ်ကြမ်းပြင်မှာ ရပ်ရင်း အပေါ်က နေရောင်ခြည်ကို လှမ်းကြည့်လိုက်သည်။ သူက... အသက်ရှူဖို့ မလိုတော့သလိုပဲ။</p> <p>ဒါ့အပြင် ရေဖိအားကိုလည်း သူ မခံစားရပေ။</p> <p>ဒါဟာ မျောက်ဝံ သိုင်းပညာ ကြောင့် ဖြစ်ရမည်။</p> <p> </p> <p> </p> <p> </p> <p> </p> <p style="text-align: center;">***</p>


Save