Book List

<h2 style="text-align: center;">အခန်း (၁၇)</h2> <h2 style="text-align: center;">ခရုကပ်ပါးများတွယ်နေသော ပင်လယ်လိပ်ကြီး</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p>သူ ဤတာဝန်ကို အောင်မြင်အောင် ထမ်းဆောင်နိုင်မည်ကိုယုံကြည်သွားသည်။</p> <p>ချက်ချင်းပင် သူသည် ရေပေါ်သို့ ပြန်ကူးတက်ကာ ကျောပိုးအိတ်ထဲမှ ရေငုပ်မျက်မှန်ကို ထုတ်တပ်လိုက်ပြီး တူတစ်လက်နှင့် သစ်သီးလှီးဓားတစ်ချောင်းကို ဆွဲယူကာ ပင်လယ်ထဲသို့ ပြန်ဆင်းသွားတော့သည်။</p> <p>စနစ်၏ လမ်းညွှန်မှုက ဦးတည်ရာကို စဉ်ဆက်မပြတ် ပြသနေသည်။</p> <p>ပင်လယ်ကြမ်းပြင်တွင်လုပေါင်သည် ငါးတစ်ကောင်ကဲ့သို့ လျင်မြန်စွာ ကူးခတ်သွားလာနေသည်။ သူ၏ ရင်ထဲတွင် စိတ်လှုပ်ရှားမှုများ ပြည့်နှက်နေ၏။ ရတနာရှာဖွေခြင်းသည် လူတိုင်း၏ အိပ်မက်ဖြစ်ပြီး လျှို့ဝှက်ဆန်းကြယ်သော ပင်လယ်ကြမ်းပြင်သည် ထိုအိပ်မက်အတွက် အကောင်းဆုံးရတနာသိုက်ပင် ဖြစ်သည်။</p> <p>သို့သော်လည်း လူသားတို့အဖို့ ပင်လယ်ပြင်သို့ ရောက်အောင်သွားရသည်မှာ ခဲယဉ်းလွန်းလှသည်။</p> <p>ကမ္ဘာ့ချန်ပီယံ၏ ရေငုပ်နိုင်သည့် အနက်သည် မီတာတစ်ရာကျော်သာ ရှိသသည်။ယခုတွင်လုပေါင်သည် မီတာတစ်ရာအနက်သို့ ရောက်ရှိနေပြီဖြစ်၍သူ၏ ခန္ဓာကိုယ်ပေါ်သို့ သက်ရောက်နေသော ရေဖိအားမှာ အံ့သြစရာကောင်းလောက်အောင် ပေါ့ပါးနေဆဲ ဖြစ်သည်။</p> <p>၁၃၀ မီတာ... ၁၅၀ မီတာ... မီတာ ၂၂၀ အရောက်တွင်မူစနစ်၏ အသံ ထွက်ပေါ်လာသည်။</p> <p>“မစ်ရှင်ဧရိယာသို့ ရောက်ရှိလာပါပြီ။ Super Live Eye စတင်ပါပြီ။”</p> <p>တိုက်ရိုက်ထုတ်လွှင့်မှုစတင်သွားလေပြီ။</p> <p>ရတနာနတ်ဘုရား၏ Live Room တွင် Follower (၃) သန်းကျော် ရှိနေပြီဖြစ်သည်။ သူ Live မလွှင့်သည့်ရက်များတွင်ပင် Follower အရေအတွက်မှာ တစ်ရက်လျှင် တစ်သိန်းကျော်နှုန်းဖြင့်ဆက်လက် တိုးပွားနေသည်။ မရေမတွက်နိုင်သော လူအများအပြားသည် သူ၏ ထုတ်လွှင့်မှုကို စိတ်အားထက်သန်စွာ စောင့်ဆိုင်းနေကြသည်။</p> <p>ဝံပုလွေအုပ်နှင့်အတူ အိပ်စက်ခြင်း ကျားဂူထဲတွင် ကျားများကို ပွတ်သပ်ခြင်းနှင့် မျောက်ဖြူဂူရှိ ထွားကျိုင်းလွန်းသော မျောက်ဘုရင်ကြီးနှင့် ယှဉ်ပြိုင်ခြင်းတို့သည် ကြည့်ရှုသူတို့အတွက် အလွန်ပင် ရင်ခုန်စိတ်လှုပ်ရှားဖွယ် ကောင်းလှသည် မဟုတ်ပါလား။</p> <p>Live စတင်သည်နှင့် Notification ပေးထားသူများက ချက်ချင်းပင် အလုအယက် ဝင်ရောက်လာကြသည်။</p> <p>“သူ Live လွှင့်နေပြီ။”</p> <p>“ရတနာနတ်ဘုရား Live လာပြီဟေ့။”</p> <p>“ဟာ... ပင်လယ်ကြမ်းပြင်လား။ရတနာနတ်ဘုရားကတော့ တကယ်ကို လန်းတယ်ဗျာ။”</p> <p>“အား... နောက်ဆုံးတော့ Live လာပြီ။စိတ်လှုပ်ရှားလိုက်တာ ပင်လယ်ကြမ်းပြင်ကြီးပါလား။”</p> <p>“ဒီတစ်ခါ ပင်လယ်အောက်မှာ ငါးမန်းတွေနဲ့များ စကားပြောဖို့ ပြင်နေတာလား မသိဘူး။”</p> <p>“ရေအောက်မှာ ဘာလို့ ဒီလောက်တောင် ကြည်လင်နေရတာလဲ။ဘုရားရေ... ပင်လယ်ကြမ်းပြင်က အရမ်းလှတာပဲ ရွှံ့နွံတွေနဲ့ မှောင်မည်းနေမယ် ထင်ထားတာ။ ကမ်းခြေတွေထက်တောင် ပိုလှနေသေးတယ်။”</p> <p>Live လွှင့်ပြီး တစ်မိနစ်အတွင်းမှာပင် လူပေါင်း သိန်းချီ၍ဝင်ရောက်ကြည့်ရှုလာသည်။ ရေအောက်ကမ္ဘာ၏ မြင်ကွင်းများ ပေါ်လာသည်နှင့် ကြည့်ရှုသူများ အလွန်အမင်း စိတ်လှုပ်ရှားသွားကြသည်။ ဤသည်မှာ တကယ့်ပင်လယ်အောက်ခြေ ရတနာရှာဖွေမှုပင်။</p> <p>လုပေါင်သည် နှစ်တစ်ထောင်လိပ်ကြီးကို လိုက်လံရှာဖွေနေခြင်း ဖြစ်သည်။ သူသည် သန္တာကျောက်တန်းများရှိရာ နေရာသို့ ရောက်ရှိလာသည်။စနစ်က နှစ်တစ်ထောင်လိပ်ကြီးသည် အနီးအနားတွင် ရှိနေကြောင်း သတိပေးသော်လည်း သူ ရှာမတွေ့သေးပေ။</p> <p>အရမ်းကြီးလွန်းနေလို့လား။</p> <p>လုပေါင်သည် ကျောက်ဆောင်ကြီးများကို တစ်ခုပြီးတစ်ခု စစ်ဆေးကြည့်သော်လည်း ရှာမတွေ့သေးပေ။</p> <p>Ocean Live Stream ရုံးချုပ်တွင်လုလင်းဟွာ သည် ကြီးမားသော screen ကြီးကို စိတ်လှုပ်ရှားစွာ ကြည့်နေပြီး သူ၏လက်ထောက်ကို ချက်ချင်းအမိန့်ပေးလိုက်သည်။</p> <p>“ချက်ချင်း Banner တွေ ပြင်လိုက် screen ပေါ်မှာ ကြော်ငြာတွေတင် Pop-up တွေပါ ထည့်လိုက်တော့။ အမြန်လုပ်လိုက် Operations အဖွဲ့ကို ပြောလိုက် လုပ်နိုင်သမျှ အကုန်လုပ်ခိုင်းလိုက်။”</p> <p>သူတို့ပလက်ဖောင်းတွင် ထိပ်တန်း Streamer တစ်ဦး အမြဲတမ်း လိုအပ်နေခဲ့သည်။ Streamer အကြီးစားအချို့ ရှိသော်လည်း ပလက်ဖောင်းတစ်ခုလုံးကို ဆွဲတင်နိုင်လောက်သည့် စွမ်းဆောင်နိုင်သူတော့ မရှိခဲ့ပေ။</p> <p>ထို့ကြောင့် လုပေါင်သည် အသင့်တော်ဆုံး streamer ပင်။ လုပေါင်ကို အခြားပလက်‌ဖောင်းတစ်ခုခုက ခေါ်သွားမှာ သို့မဟုတ် သူက အပျော်တမ်း live လွှင့်နေတာမျိုး ဖြစ်နေမှာကို သူ အလွန်စိုးရိမ်နေခဲ့သည်။</p> <p>ယခုမူ သူ ထပ်မံ Live လွှင့်လာပြီ။</p> <p>“သူ့ရဲ့ တည်နေရာကို ရှာလို့ရမလား ကြည့်စမ်း။” </p> <p>သူသည်လုပေါင်နှင့် ကိုယ်တိုင်ကိုယ်ကျတွေ့ဆုံပြီး မည်သည့်စျေးနှင့်မဆို စာချုပ်ချုပ်ဆိုချင်နေသည်။</p> <p>အခြားသော Live streaming ပလက်ဖောင်း များမှာလည်း ဤမိနစ်အနည်းငယ်အတွင်း ရိုက်ခတ်မှုဒဏ်ကို ခံလိုက်ရသည်။ နာမည်ကြီး ပလက်ဖောင်းအချို့တွင် လူကြည့်နှုန်း၁၀ရာခိုင်နှုန်းကျော် ကျဆင်းသွားပြီး လူတိုင်းက ရတနာနတ်ဘုရားကို ကြည့်ရန် Ocean Live Stream သို့ စုပြုံရောက်ရှိသွားကြသည်။</p> <p>Live ထဲတွင်ပင်လယ်ရတနာဟုခေါ်သော လက်ဆောင်များကို အကြိမ်ပေါင်းများစွာကိုရာနှင့်ချီ၍ ပေးပို့နေကြသည်။ ထိုအထဲတွင် ၅ ခုမှာ ကြည့်ရှုသူကို ပိုမိုဆွဲဆောင်ရန် Ocean Live Stream အဖွဲ့က ပေးပို့ခြင်း ဖြစ်သည်။</p> <p>၅ မိနစ်အတွင်းမှာပင် တကယ့်ကြည့်ရှုသူ</p> <p>၂ သန်းအထိ ရှိလာခဲ့သည်။ လူတိုင်းသည် လုပေါင်ကို ကြည့်ကာ အံ့သြမှင်သက်နေကြရသည်။</p> <p>“ဒါ တကယ့်ပင်လယ်အောက်ခြေလား။ သူ အသက်ရှူဖို့ မလိုဘူးလား။”</p> <p>“ဘယ်လို အသက်ရှူနေတာလဲ။”</p> <p>“ရေအောက်မှာ ၅ မိနစ်တောင် အောင့်ထားတာလား။စောစောက အပေါ်ကို လှမ်းပြတဲ့ပုံအရဆိုရင် တော်တော်နက်မယ့်ပုံပဲ။ သူ ဘယ်လောက်အနက်အထိ ငုပ်သွားတာလဲ။”</p> <p>လူအများ အံ့သြနေစဉ်မှာပင် လုပေါင်အတွက် System Prompt အသံ ထွက်ပေါ်လာသည်။</p> <p>“Check-in ဝင်နေပါသည်...”</p> <p>သူသည် ကားတစ်စီးခန့် ပမာဏရှိပြီးခရုကပ်ပါးများ ဖုံးလွှမ်းနေသည့် ကျောက်ဆောင်ကြီးကို ငုံ့ကြည့်လိုက်သည်။ သူရှာနေသည့် နှစ်တစ်ထောင်လိပ်ကြီးမှာ ဤကျောက်ဆောင်ကြီး ဖြစ်နေမှန်း သူ သိလိုက်ရပြီ</p> <p>သူသည် အောက်သို့ အမြန်ဆင်းသွားပြီး သဲများကို ဖယ်ရှားကာ လိပ်ကြီး၏ခန္တာကိုယ်ကိုရှာဖွေလိုက်သည်။ ထို့နောက် လက်နှစ်ဖက်ဖြင့် အားကုန်သုံး၍ မလိုက်သည်။</p> <p>“ဝူး...” သဲများ လွင့်စင်သွားပြီး ရေလှိုင်းများ ထသွားသည်။</p> <p>အရမ်းလေးလွန်းသည်။</p> <p>လုပေါင် လက်လွှတ်လိုက်ရသည်။ ဆက်ကိုင်ထားပါက သူ အသက်ရှူရန် လိုအပ်တော့မည်ဖြစ်သည်။ ဤနေရာရှိ ရေဖိအားမှာ ပြင်းထန်လွန်းလှသည်။ သူ၏ ထူးကဲသော ခန္ဓာကိုယ်ကြံ့ခိုင်မှုနှင့်ပင် လုံးဝပေါ့ပေါ့ပါးပါး မနေပေ။</p> <p>နှစ်တစ်ထောင်လိပ်ကြီးသည် လန့်နိုးသွားပြီး ကြီးမားသော ဦးခေါင်းကို ဖြည်းညှင်းစွာ ထုတ်လာသည်။ အခွံဝတွင် ထူထပ်စွာ ကပ်ငြိနေသော ခရုကပ်ပါးများမှာ စတင်ကွဲအက်ပြီး ပြုတ်ကျလာသည်။ လိပ်အိုကြီးမှာ အကြာကြီး အိပ်ပျော်နေခဲ့သဖြင့် ခေါင်းကို ချက်ချင်း အပြည့်အဝ မထုတ်နိုင်ဘဲ ဖြစ်နေသည်။</p> <p>“အသက်ရှူဖို့ အချိန်တန်ပြီ။”</p> <p>လုပေါင်သည် ရေပေါ်သို့ ငါးမန်းတစ်ကောင်ကဲ့သို့ အရှိန်ဖြင့် ထိုးတက်သွားသည်။ သူသည် လတ်ဆတ်သော လေကို အဝရှူသွင်းပြီးနောက် ရေအောက်သို့ တစ်ဖန် ပြန်ငုပ်ဆင်းသွားပြန်သည်။</p> <p>လိပ်ကြီးမှာ လုံးဝနိုးကြားခြင်း မရှိသေးဘဲ အပေါ်သို့တက်ရန်သာ ကြိုးစားနေသည်။ သို့သော် သူ၏ အခွံပေါ်တွင် ခရုကပ်ပါးများ အလွန်အမင်း ကပ်ငြိနေသည်။</p> <p>လုပေါင်သည် တူကိုယူကာ ခရုခွံများကို စတင်ထုရိုက် ဖယ်ရှားပေးတော့သည်။ သူသည် ယခု Check-in လုပ်ငန်းစဉ်ထဲတွင် ရှိနေသည်။ အချိန်ကန့်သတ်ချက် မရှိသော်လည်း ဤလိပ်ကြီးပေါ်ရှိ ခရုခွံအားလုံးကို စင်ကြယ်အောင် ရှင်းလင်းပေးနိုင်မှသာ အောင်မြင်မည်ဖြစ်သည်။</p> <p>လိပ်ကြီးပေါ်ရှိ ခရုကပ်ပါးများမှာ အံ့သြစရာကောင်းလောက်အောင် ကြီးမားလှသည်။ အချို့မှာ သေနေပြီဖြစ်သော်လည်း အများစုမှာ အသက်ရှင်နေဆဲဖြစ်ပြီး အလွန်ထူထပ်လှသည်။ လိပ်ကြီး၏ ခေါင်းထွက်လာချိန်တွင် လုပေါင်ပင် အံ့သြလွန်း၍ ပါးစပ်အဟောင်းသား ဖြစ်သွားရသည်။</p> <p>လိပ်ကြီး၏ ခေါင်းပေါ်မှာပင် ခရုကပ်ပါးများ အပြည့်အသိပ် ကပ်ငြိနေသည်။</p> <p>သူ၏ ခြေလက်များမှာလည်း အပြည့်ဖုံးလွှမ်းခံထားရသည်။ လိပ်အိုကြီးတစ်ကောင်လုံးမှာ ကျောက်သားဝတ်စုံ ဝတ်ထားသည့် နဂါးတစ်ကောင်နှင့်ပင် တူနေတော့သည်။ လိပ်ကြီးမှာ အလွန်ပင် နာကျင်စွာ ရှင်သန်နေရပုံရသည်။</p> <p>သူသည် ခေါင်းလှည့်ကြည့်ပြီး လုပေါင်ကို မြင်သောအခါ ခေတ္တမျှ ရပ်တန့်သွားပြီးနောက် ခေါင်းကို ဟိုဘက်ဒီဘက် ခါလိုက်သည်။ ထို့နောက် သူ၏ ခန္ဓာကိုယ်ကို အထပ်ထပ် ညွှန်ပြကာ လုပေါင်ကို အကူအညီတောင်းသည့်အနေဖြင့် ပွတ်သပ်လေသည်။</p> <p>ရွှေရောင်စွမ်းရည်ကြောင့် ဤလိပ်ကြီးသည် လုပေါင်ကို ချက်ချင်း အကူအညီ တောင်းခံလာခြင်း ဖြစ်သည်။</p> <p>လုပေါင်ကလက်ဖြင့် OK ဟု အမှတ်အသားပြပြီးလိပ်ကြီး၏ ခေါင်းကို ပုတ်ပေးလိုက်သည်။ ထို့နောက် ဓားနှင့် တူကို အသုံးပြု၍ ခေါင်းပေါ်မှ ခရုခွံများကို ဂရုတစိုက် ခွာပေးတော့သည်။ လိပ်အိုကြီးသည် ငြိမ်သက်စွာ နေပေးပြီး မျက်တောင်ကိုသာ ခဏခဏ ခတ်နေရှာသည်။</p> <p>Live ထဲတွင်မူ ကြည့်ရှုသူများ ပေါက်ကွဲထွက်ကုန်ကြပြီ။</p> <p>“ဘုရားရေ...”</p> <p>“ဒါ တကယ့်ကို အံ့သြဖို့ကောင်းတာပဲ။ရေအောက်မှာ ခရုကပ်ပါးကိုခွာပေးပြီး ကယ်တင်တာမျိုး တစ်ခါမှ မမြင်ဖူးဘူး။ လိပ်တွေက ကမ်းပေါ်တက်လာပြီး လူတွေကို အကူအညီတောင်းတာပဲ မြင်ဖူးတာ။ တကယ့်ကို ဉာဏ်ကောင်းလိုက်တာ။”</p> <p>“ဟာ... အဲ့ဒီ ခရုကပ်ပါးတွေက ရွံစရာကြီးပဲ။ ကျွန်တော်တော့ကြက်သည်းတွေတောင်ထတယ်။”</p> <p>လူအများအပြား သတိမထားမိသော အချက်တစ်ခုမှာ လုပေါင် ရောက်ရှိနေသည့် ရေအနက်ပင် ဖြစ်သည်။</p> <p>“လုပေါင် အသက်ရှူဖို့ ရေပေါ်တက်သွားတဲ့ အကွာအဝေးကို ကျွန်တော် ခန့်မှန်းကြည့်တာ မီတာ ၁၅၀ လောက် ရှိတယ်။ ကမ္ဘာ့စံချိန်တောင် ဒီလောက် မနက်ဘူးဆိုတာ မင်းတို့ သိလား။”</p> <p>“သနားစရာ လိပ်ကြီးပါလား။”</p> <p> </p> <p> </p> <p> </p> <p> </p> <p style="text-align: center;">***</p>


Save