Book List

<h2 style="text-align: center;">အခန်း (၁၉)</h2> <h2 style="text-align: center;">ဝါသနာရှင်တစ်ဦးက ကမ္ဘာ့ချန်ပီယံကို အနိုင်ယူခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p>လူတိုင်းသည် လုပေါင်ကြောင့် အံ့အားသင့်နေကြရသည်။</p> <p>မီတာ ၁၅၅ ခန့်နက်သော ပင်လယ်အောက်ခြေတွင် ရေငုပ်ကိရိယာ တစ်ခုမှမပါဘဲ ရေငုပ်မျက်မှန်မှအပ အပေါ်ပိုင်းဗလာနှင့် အမျိုးသားတစ်ဦး ရှိနေသည်။ ပြီးတော့ သူက... ခရုကပ်ပါးတွေကို ခွာပေးနေတာလား။ပင်လယ်လိပ်ကြီးကိုလား။</p> <p>လိပ်တစ်ကောင်က ဘယ်လိုလုပ် ဒီလောက်ကြီးနိုင်ရတာလဲ။</p> <p>ဒီလူက လိပ်ကြီးပေါ်က ခရုကပ်ပါးတွေကို တကယ်ပဲ ခွာပေးနေတာလား။အောက်ခြေရှိ ရေငုပ်သမားသည် ချက်ချင်းပင် လုပေါင်ရှိရာသို့ ငုပ်ဆင်းသွားတော့သည်။ ယခုအချိန်တွင်ဟီလီယို’ သည် သူ့အတွက်ချန်ပီယံက အရေးမကြီးတော့ပေ။ ပင်လယ်အောက် မီတာ ၁၅၅ အနက်မှာ ရှိနေတဲ့ ဒီလူက ဘယ်သူလဲဆိုတာ သူ သိချင်နေပြီ။</p> <p>ဒါတင်မကသေးဘူး။သူက ဒီအနက်မှာ အလုပ်တောင် လုပ်နေသေးတာလား။</p> <p>ခရုကပ်ပါးခွာရသည်မှာ ခက်ခဲလှပြီး ပင်လယ်နက်ထဲတွင် ခွာပေးနေခြင်းမျိုးမှာ တစ်ခါမှ မကြားဖူးသော ကိစ္စပင်။</p> <p>ရေငုပ်သမား ချဉ်းကပ်လာသည်ကို မြင်သောအခါ လုပေါင်က လက်လှမ်းပြပြီး နှုတ်ဆက်လိုက်သည်။</p> <p>ရေငုပ်သမားက လုပေါင်ကို လက်ညှိုးထိုးပြပြီးနောက် အပေါ်သို့ လက်ညှိုးထိုးပြကာ အချက်ပြသည်။ လုပေါင် တစ်ခုခုဖြစ်သွားမှာကို သူ စိုးရိမ်နေခြင်း ဖြစ်သည်။ဒါက အလွန်အန္တရာယ်များလွန်းသည် မဟုတ်ပါလား။</p> <p>“ငါ့ကို အပေါ်တက်ခိုင်းနေတာလား။”</p> <p>လုပေါင်သည် လိပ်ကြီးကို ကြည့်လိုက်ရာ ခရုကပ်ပါးထက်ဝက်ခန့် ကျန်ရှိနေသေးသည်ကို တွေ့ရသည်။ သူကိုယ်တိုင်လည်း အသက်ရှူရန် လိုအပ်နေပြီ ဖြစ်သည်။ ခဏမျှ စဉ်းစားပြီးနောက် သူသည် လိပ်ကြီးကို အပေါ်သို့ လက်ညှိုးထိုးပြကာ သူ အသက်ရှူရန် အပေါ်တက်တော့မည်ဖြစ်ကြောင်း အချက်ပြလိုက်သည်။</p> <p>တစ်ဖက်တွင်မူ အနက်စိန်ခေါ်ပွဲ နွှဲနေသည့် ဟီလီယိုသည် ၁၃၀ မီတာအနက်သို့ ရောက်ရှိနေပြီး ငုပ်ဆင်းသည့် အရှိန်မှာ စတင်နှေးကွေးလာသည်။</p> <p>၁၃၅... ၁၃၆... မီတာ ၁၃၆ အရောက်တွင်မူ အခြေအနေ မကောင်းတော့ကြောင်း ဟီလီယို ခံစားလိုက်ရသည်။ သူသည် တွန့်ဆုတ်မနေဘဲ နောက်ပြန်လှည့်လိုက်သည်။ သူ၏ အခြေအနေမှာ အကောင်းဆုံးမဟုတ်ဘဲ ရေအောက်တွင် တစ်မီတာချင်းစီ ပိုနက်သွားခြင်းမှာ သိသာသော အပြောင်းအလဲ ရှိသောကြောင့် ဖြစ်သည်။</p> <p>သူသည် ၁၄၀ မီတာကို အောင်မြင်အောင် စိန်ခေါ်နိုင်မည်မဟုတ်ကြောင်း သိလိုက်ပြီ။</p> <p>ဒါပေမဲ့ ဘာဖြစ်လဲ။</p> <p>ဘယ်သူက ငါ့စံချိန်ကို ချိုးနိုင်မှာလဲ။</p> <p>ဟီလီယိုသည် မိမိကိုယ်ကို နှစ်သိမ့်ကာ အပေါ်သို့ ပြန်ကူးတက်လာသည်။ ရေငုပ်ရာတွင် အပြန်ခရီးသည် မတော်တဆမှု ဖြစ်နိုင်ခြေ (၈၀) ရာခိုင်နှုန်း ရှိသောကြောင့် သူ အထူးဂရုစိုက်နေရသည်။</p> <p>ရေအောက်တွင်မူ ရေငုပ်သမားသည် လုပေါင်ကို လက်ပြကာ မီတာ ၁၅၀ နေရာတွင် ထားရှိထားသော ဘောလုံးပြာလေးကို ယူရန် အချက်ပြလိုက်သည်။</p> <p>လုပေါင်မှာ ပြောစရာ စကားမဲ့သွားသော်လည်း ထိုဘောလုံးလေးကို ကောက်ယူကာ အပေါ်သို့ တက်လာခဲ့သည်။ ထိုဘောလုံးပေါ်တွင်၁၅၀ မီတာဟု ရေးသားထားသည်။</p> <p>သူ၏ အရှိန်မှာ အလွန်မြန်လှသည်။ ရေငုပ်သမားက သူ့ကို လွှတ်လိုက်သည်နှင့် လုပေါင်သည် ငါးမန်းတစ်ကောင်ကဲ့သို့ ရေပေါ်သို့ ပျံတက်သွားသည်ဟုပင် ထင်ရသည်။</p> <p>ဟီလီယိုသည် လက်ထောက်၏ အကူအညီဖြင့် နောက်ဆုံး မီတာ ၂၀ ကို အောင်မြင်စွာ တက်လာနိုင်ခဲ့သည်။ ရေပေါ်သို့ ရောက်သည်နှင့် သူသည် အသက်ကို အဝရှူလိုက်ပြီး မျက်နှာတွင် ဂုဏ်ယူဝင့်ကြွားသည့် အရိပ်အယောင်များ ပေါ်လာသည်။ သူ မအောင်မြင်ခဲ့သော်လည်း သူ၏ စံချိန်ကို မည်သူမှ မကျော်နိုင်သေးဟု သူ ယူဆထားသည်။</p> <p>သို့သော် မကြာမီမှာပင် အခြေအနေတစ်ခုခု မှားယွင်းနေကြောင်း သူ သိလိုက်ရသည်။ အောင်ပွဲခံသံများ မကြားရသလို အင်တာဗျူးရန် လာသည့် သတင်းထောက်များလည်း မရှိပေ။ သူ၏ နည်းပြပင်လျှင် သူ့နားတွင် မရှိဘဲ ရေအောက်တိုင်းတာရေး ကိရိယာတစ်ခု၏ ဘေးတွင် အံ့သြတကြီး ဝိုင်းအုံကြည့်နေကြသည်။</p> <p>သူ့ကို ကူညီခဲ့သော လက်ထောက်သည်လည်း ထိုနေရာသို့ ချက်ချင်း ပြေးသွားတော့သည်။</p> <p>ဘာဖြစ်နေတာလဲ။သူတို့ ဘာကိုကြည့်နေကြတာလဲ။</p> <p>“သူ လာနေပြီ။”</p> <p>“သူ ရေပေါ်ပေါ်လာပြီ။” </p> <p>တစ်စုံတစ်ယောက်ကအော်ဟစ်လိုက်သည်။</p> <p>“ဘုန်းးးး”</p> <p>ဟီလီယို ကြောင်တောင်တောင် ဖြစ်နေစဉ်မှာပင် သူ၏ နောက်ဘက်တွင် ရေလှိုင်းများ ထသွားပြီး လုပေါင် ပေါ်လာတော့သည်။</p> <p>လုပေါင်၏ အရှိန်မှာ အံ့မခန်းပင်။ သူ ရေပေါ်ရောက်သည်နှင့် လူအုပ်ကြီးနှင့် ရာ့ခ်သင်္ဘောကြီးတစ်စီးကို မြင်ကာ ကြောင်သွားသည်။</p> <p>“ဟာ... ငါ တခြားလူတွေ စိန်ခေါ်ပွဲလုပ်နေတဲ့ နေရာထဲ ရောက်သွားတာပဲ။”</p> <p> </p> <p>လူအများအပြားသည် သူ့ကို တစ္ဆေတစ်ကောင် မြင်လိုက်ရသကဲ့သို့ ပါးစပ်အဟောင်းသားနှင့် စိုက်ကြည့်နေကြသည်။</p> <p>လုပေါင်သည် သူ၏ လက်ထဲမှ ၁၅၀ မီတာ အမှတ်အသားပါသော ဘောလုံးပြာလေးကို တိတ်တဆိတ် ကြည့်နေမိသည်။</p> <p>“ဝုန်းးးး” သတင်းထောက်တစ်ဦးသည် သင်္ဘောပေါ်မှ ရေထဲသို့ တိုက်ရိုက်ခုန်ချကာ လုပေါင်ရှိရာသို့ အမြန်ကူးလာသည်။ ဤနေရာသို့ လာရောက်သတင်းယူသော သတင်းထောက်များမှာ ရေကူးကျွမ်းကျင်သူများဖြစ်ပြီး အင်တာဗူးရရန်အတွက်ဆိုလျှင် ဘာမဆို လုပ်မည့်သူများ ဖြစ်သည်။</p> <p>“ဘာဖြစ်နေတာလဲ။ဘာတွေ ဖြစ်ကုန်တာလဲ။” </p> <p>ဟီလီယိုသည်မိမိကိုယ်ကို အပယ်ခံတစ်ယောက်လိုခံစားလိုက်ရသည်။လူတိုင်းက ရေထဲမှ ရုတ်တရက် ပေါ်လာသော ထိုလူကိုသာ စိုက်ကြည့်နေကြသည်</p> <p>“ဒါ Ocean Live Stream က ရတနာနတ်ဘုရားပဲ။”</p> <p>“ဘုရားရေ... ဝံပုလွေတွေနဲ့ အတူအိပ်ကျားဂူထဲမှာ ကျားကို ရိုက် မျောက်ဘုရင်ကို နှိပ်ကွပ်တဲ့ ရတနာနတ်ဘုရားလား။ဟုတ်တယ်... သူပဲ။ကျွန်တော်က သူ့ပရိသတ်ဗျ။”</p> <p>“၁၅၅ မီတာ အနက်တဲ့... သူ ခုလေးတင် အောက်ကို ဆင်းပြီး ပြန်တက်လာတာ။”</p> <p>“သူ ဘယ်လိုလုပ်လိုက်တာလဲ။”</p> <p>“သူ ကမ္ဘာ့စံချိန်ကို ချိုးလိုက်ပြီ။”</p> <p>လူတိုင်းက အော်ဟစ်အားပေးနေကြသည်။</p> <p>“ဝုန်းးး”</p> <p>လုပေါင်၏ ခြေထောက်အောက်တွင် အားကောင်းသော ခံစားမှုတစ်ခု ရလိုက်သည်။ နှစ်တစ်ထောင်လိပ်ကြီးသည် ရေပေါ်သို့ ပေါ်လာပြီး လုပေါင်ကို သူ၏ ကျောပေါ်တင်ကာ ရေမျက်နှာပြင်ပေါ်သို့ မြှောက်တင်ပေးလိုက်သည်။</p> <p>“သူက ဘယ်သူလဲ။”</p> <p>လုပေါင်ကို မြင်သောအခါ ဟီလီယိုက သူ၏ နည်းပြကို အော်မေးလိုက်သည်။</p> <p>“ခင်ဗျားတို့ ဘာတွေကို ကြည့်နေကြတာလဲ။”</p> <p>ပင်လယ်အောက်ခြေကနေ တက်လာတာလား။သူ ရေပေါ်တက်လာတုန်းက ဒီလူကို မမြင်ခဲ့ပါဘူး။</p> <p>“ဒီလူက... ၁၅၅ မီတာ အနက်ကနေ တက်လာတာ။”</p> <p>ဟီလီယို၏ နည်းပြက လုပေါင်နှင့် လိပ်ကြီးကို မယုံနိုင်စရာ ကောင်းလောက်အောင် စိုက်ကြည့်နေသည်။</p> <p>“ဒါ တကယ်ပဲ လူသားတစ်ယောက်ရောဟုတ်ရဲ့လား။”</p> <p>“ဘာ”</p> <p>ဟီလီယို၏ ပါးစပ်မှာ အဟောင်းသား ဖြစ်သွားရသည်။</p> <p>“ဒါတရုတ်လူမျိုးပဲ။”</p> <p>“ရတနာနတ်ဘုရားကတရုတ်လူမျိုးကွ။ဘုရားရေ... အနက်စိန်ခေါ်ပွဲရဲ့ ကမ္ဘာ့စံချိန်ဟာ အခုတော့ တရုတ်လူမျိုးလက်ထဲ ရောက်သွားပြီ။”</p> <p>တရုတ်လူမျိုးရေငုပ်သမားများ နည်းပြများနှင့် သတင်းထောက်များသည် ထိုအချက်ကို သိလိုက်ရသောအခါ စိတ်လှုပ်ရှားစွာအော်ဟစ်ကုန်ကြသည်။ ၁၅၅ မီတာအနက်နေရာရှိ ရေဖိအားမှာ ဘယ်လောက်တောင် ကြောက်စရာကောင်းလိုက်မလဲ။</p> <p>လုပေါင်မှာ အနည်းငယ်ကြောင်တောင်တောင် ဖြစ်နေပြီး လိပ်ကြီး၏ ကျောပေါ်တွင် တိတ်ဆိတ်စွာ ထိုင်နေမိသည်။ သူသည် ရုတ်တရက်ကြီး လူစွမ်းကောင်း ဖြစ်သွားပုံရသည်... Live Room ထဲတွင်လည်း လက်ဆောင်များတရှိန်ထိုးတတ်လာတော့သည်။</p> <p>“ရတနာနတ်ဘုရားကတော့ ရှယ်ပဲ။”</p> <p>“ဟားဟား... ကျွန်တော် အခုပဲ Baidu မှာ ရှာကြည့်တာ။ ဟို ဟီလီယိုက ကမ္ဘာ့စံချိန် ချိုးထားတာတဲ့ အခုတော့ ရတနာနတ်ဘုရားက သူ့စံချိန်ကို အမှုန့်ချေပစ်လိုက်ပြီ။”</p> <p>“မရည်ရွယ်ဘဲ လုပ်လိုက်တာက ပိုပြီး ပြင်းထန်တယ်ဗျာ။ ကျွန်တော့်ရဲ့ ဝါသနာရှင် အဆင့်လောက်နဲ့တင် ကမ္ဘာ့ချန်ပီယံကို အနိုင်ယူလိုက်တာ။”</p> <p>ယခုအချိန်တွင် Ocean Live Stream ၏ အကြီးအကဲမှာ လုပေါင်ကို သူတို့ ပလက်ဖောင်း ၏ ကိုယ်စားလှယ်အဖြစ် ခန့်အပ်ရန်သာ စိတ်ကူးရှိတော့သည်။ မည်သည့်စျေးပေးရပေးရ လုပေါင်ကို စာချုပ်ချုပ်ရမည်ဟု ဆုံးဖြတ်လိုက်သည်။</p> <p>လုပေါင်သည် လူအုပ်ကြီးကို တိတ်တဆိတ် ကြည့်နေရင်း လက်များကမူ လိပ်ကြီးပေါ်မှ ခရုကပ်ပါးများကို မနားတမ်း ခွာပေးနေဆဲ ဖြစ်သည်။ ခရုကပ်ပါးအချပ်ကြီးများကို ရေထဲသို့ လွှင့်ပစ်နေသည်။</p> <p>ရေငုပ်သမားမှာလည်း ရေပေါ်သို့ တက်လာပြီး လုပေါင်ကို တစ္ဆေတစ်ကောင်လို စိုက်ကြည့်နေသည်။ လုပေါင် အပေါ်သို့ တက်လာသည့် အရှိန်မှာ သူ့ကို ကြောက်လန့်သွားစေခဲ့သည်။</p> <p>“မြန်မြန်လုပ် ဟိုမှာ ကျောက်တန်းတွေ ရှိတယ် အဲ့ဒီမှာ သွားပြီး ဆက်ခွာကြစို့။” </p> <p>လုပေါင်ကလိပ်ကြီး၏ ခေါင်းကို ပုတ်ကာ အဝေးရှိ ကျောက်တန်းဧရိယာသို့ ညွှန်ပြလိုက်သည်။ လူတွေက သူ့ဆီလာပြီး ဒုက္ခပေးတော့မည်ဟု သူ ခံစားနေရသည်။</p> <p>လိပ်ကြီးသည် နားလည်ပုံရပြီး ချက်ချင်းပင် ဦးခေါင်းကို လှည့်ကာ ကျောက်တန်းဧရိယာဘက်သို့ ကူးခတ်သွားတော့သည်။</p> <p>“အစ်ကိုကြီး အစ်ကိုကြီး ပြန်လာခဲ့ပါဦး။”</p> <p>“မသွားပါနဲ့ဦး။”</p> <p>“အဲ့ဒီလိပ်ကြီးက... တကယ်ပဲ အဲ့ဒီလောက်အထိ ကြီးတာလား။”</p> <p>“ဒီလောက်ကြီးဖို့ဆိုရင် နှစ်ပေါင်း ထောင်ချီ အသက်ရှင်ခဲ့ရမှာပဲ။”</p> <p>ဟီလီယိုသည် သူ၏လက်ထောက် ပြောပြချက်များကို မယုံနိုင်စွာ နားထောင်နေရသည်။သူ၏ စိတ်ဓာတ်များ ပြိုလဲသွားပြီး ...</p> <p>“မဖြစ်နိုင်ဘူး မဖြစ်နိုင်ဘူး ငါ့ကို ကျော်နိုင်တဲ့သူ ဘယ်သူမှ မရှိစေရဘူး။”</p> <p>ဒါက ကျော်တက်ရုံတင်မကဘဲ အပြတ်အသတ် ချေမှုန်းခံလိုက်ရခြင်း ဖြစ်သည်။</p> <p>လက်ထောက်က သူ့ကို ဘယ်လိုနှစ်သိမ့်ရမှန်း မသိတော့ပေ။ အမှန်တရားမှာ ထိုလူသည် မီတာ ၁၅၅ အနက်တွင် ရှိနေခဲ့ပြီး ခရုကပ်ပါးများကိုပင် ခွာပေးနေခဲ့သေးသည်။</p> <p>သူ၏ ရေပေါ်သို့တက်နှုန်းအရဆိုလျှင် ပြင်းထန်သော ရေဖိအားမှာ ထိုလူအတွက် ဘာမှမဟုတ်သလိုပင်။သူ့ရဲ့ ကန့်သတ်ချက်က ဘယ်လောက်အထိ ရှိနေမှာလဲ။</p> <p>လုပေါင်သည် လိပ်ကြီးကို ကျောက်တန်းတွေရှိသည့် နေရာသို့ ခေါ်လာခဲ့သည်။ ဤနေရာတွင် ခရုကပ်ပါးခွာရသည်မှာ ပို၍ မြန်ဆန်သည်။</p> <p>“ဘုန်း ဘုန်း ဘုန်း”</p> <p>မြည်သံများနှင့်အတူ ခရုကပ်ပါးများ ပြုတ်ကျလာပြီး ၎င်းတို့ကို စားရန် ဇင်ယော်ငှက်များစွာ စုပြုံရောက်ရှိလာကြသည်။</p> <p>“Streamer ကို ကြိုက်ရင် Follow လုပ်ပေးကြပါဦး။”</p> <p>သူသည် ပေါ့ပေါ့ပါးပါးပင် ကြော်ငြာလိုက်ပြီး ခရုကပ်ပါးများကို ဆက်လက် ရှင်းလင်းပေးနေသည်။</p> <p>၅ မိနစ်အတွင်းမှာပင် သူ အတော်များများ ရှင်းလင်းပြီးသွားပြီ ဖြစ်သည်။ သူ၏ အားအင်မှာ ကြီးမားသဖြင့် လက်ဗလာဖြင့်ပင် ခရုခွံများကို အလွယ်တကူ ချေမွပစ်နိုင်သည်။</p> <p>စနစ်က တာဝန်ပြီးမြောက်ကြောင်း အကြောင်းမကြားသေးသဖြင့် ထောင့်ချိုးများရှိ ခရုကပ်ပါးသေးသေးလေးများကိုပင် သူ မကျန်ရအောင် ရှင်းလင်းပေးနေတော့သည်။</p> <p> </p> <p> </p> <p> </p> <p> </p> <p> </p> <p style="text-align: center;">***</p>


Save