Book List

<h2 style="text-align: center;">အခန်း (၂၀)</h2> <h2 style="text-align: center;">ပင်လယ်ဘုရင် ခန္ဓာကိုယ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p>ခန္ဓာကိုယ် ပေါ့ပါးသွားသော နှစ်တစ်ထောင်လိပ်ကြီးသည် ပျော်ရွှင်စွာ ကူးခတ်နေတော့သည်။ သူ့အပေါ်တွင် ကပ်ငြိနေသော ခရုကပ်ပါးများမှာ အလွန်လေးလံလှသဖြင့် ရေပေါ်တက်ရန် ခက်ခဲခြင်း အသက်ရှူရကျပ်ခြင်းနှင့် ပုံမှန်အစာစားရန်ပင် မဖြစ်နိုင်ခြင်းတို့ကို ကြုံတွေ့ခဲ့ရသည်။</p> <p>ယခုအခါ အကုန်စင်ကြယ်သွားပြီဖြစ်သောကြောင့်ခန္ဓာကိုယ်သစ်တစ်ခု ရရှိလိုက်သကဲ့သို့ ခံစားနေရပြီး သူ၏ မျက်နှာတွင် အပြုံးများ ဝေဆာနေတော့သည်။</p> <p>“တီ... တီ နှစ်တစ်ထောင်လိပ်ကြီးကို ကယ်တင်ခြင်း မစ်ရှင် အောင်မြင်ပါသည်။”</p> <p>“ဆုလာဘ် - ပင်လယ်ဘုရင် ခန္ဓာကိုယ်။</p> <p>မစ်ရှင် ပြီးဆုံးသွားပြီ ဖြစ်သည်။</p> <p>လိပ်ခွံကြားရှိ နောက်ဆုံးခရုကပ်ပါးလေးကို ဖယ်ရှားပြီးသည်နှင့် မစ်ရှင်အောင်မြင်ကြောင်း အကြောင်းကြားစာ ရောက်ရှိလာသည်။ သို့သော် ဤဆုလာဘ်က အနည်းငယ် ထူးဆန်းနေသည်။</p> <p> </p> <p>“ငါ့ကိုမိန်းမချောလေးတွေ ဝိုင်းဝိုင်းလည်နေမယ့် ပင်လယ်ဘုရင် တစ်ယောက် ဖြစ်အောင် လုပ်ပေးမှာလား။”</p> <p>လုပေါင်သည် စိတ်လှုပ်ရှားစွာဖြင့် အသေးစိတ် အချက်အလက်များကို စစ်ဆေးလိုက်သည်။</p> <p>Host: လုပေါင်။</p> <p>ပါရမီ : သားရဲများ၏ နှစ်သက်မှု +၁၀၀ (ရွှေရောင်) ပင်လယ်ဘုရင် ခန္ဓာကိုယ် (ငွေရောင်)။</p> <p>ကျွမ်းကျင်မှု: တရုတ်ရိုးရာ လေမှုတ်တူရိယာ (ပါရဂူအဆင့်) မျောက်ဝံသိုင်းပညာ (အငယ်တန်းအဆင့်)။</p> <p>ပစ္စည်းများ: Super Live Eye ၊ ရွှေရောင်ကမ်းခြေ မြေဧက ၂၀၀။</p> <p>ငွေရောင်စွမ်းရည်ပင်လယ်ဘုရင် ခန္ဓာကိုယ်။</p> <p>လုပေါင်က ထိုပါရမီကို နှိပ်လိုက်သောအခါ အသေးစိတ် ဖော်ပြချက်များ ပေါ်လာသည်။</p> <p>သမုဒ္ဒရာအောက်ခြေတွင် ငါးတစ်ကောင်ကဲ့သို့ အရှိန်နှုန်းနှင့် ဒေါင်းပုစွန်ကဲ့သို့ ခွန်အားများကို ပိုင်ဆိုင်နိုင်မည်။</p> <p>၎င်းကို ကြည့်ပြီးနောက် လုပေါင်သည် ဝမ်းသာသလို စိတ်ပျက်သလို ဖြစ်သွားသည်။ ဤပင်လယ်ဘုရင်မှာ သူထင်ထားသည့် ကောင်မ‌‌လေးများနှင့် ပတ်သက်ရမည့် ပင်လယ်ဘုရင်မျိုး မဟုတ်ပေ။ သူက အကြီးစားPlayboyဖြစ်လာတော့မည်ဟု ထင်ကာ အဝေးကြီး တွေးမိသွားခြင်းပင်။</p> <p>လိပ်ကြီးသည် လုပေါင်ကို အလွန်ခင်တွယ်သွားပြီး သူ၏ ဘောင်းဘီကို ခပ်ဖွဖွကိုက်ကာ ခြေလက်များကို ယမ်းခါပြနေသည်။ ဤမျှကြီးမားသော သတ္တဝါကြီးက ချစ်စဖွယ် ပြုမူနေသည်မှာ ချစ်စရာကောင်းသော မြင်ကွင်းတစ်ခုပင်။</p> <p>ပရိသတ်များမှာလည်း ပြုံးတတ်ပြီး ချစ်စရာကောင်းသော ဤလိပ်ကြီးကို ချစ်ခင်သွားကြသည်။</p> <p>လုလင်းဟွာမှာမူ အရှေ့ဘက်ကမ်းခြေသို့ အမြန်သွားချင်နေသဖြင့် အလွန်ပင် စိတ်လှုပ်ရှားနေသည်။ လုပေါင်သည် Live ကို အချိန်မရွေး ပိတ်သွားနိုင်သည် မဟုတ်ပါလား။ လက်ရှိ Ocean Live Stream တွင် လူကြည့်နှုန်းမှာ မကြုံစဖူး ထိပ်ဆုံးသို့ ရောက်ရှိနေပြီ ဖြစ်သည်။</p> <p>အားလုံးမှာ လုပေါင်ကြောင့်ပင်။</p> <p>“အကြီးအကဲ... ကျွန်တော်တို့ ဒီဘက်ကနေ အတင်းအကျပ် ဆက်သွယ်လို့ ရပါတယ်။” </p> <p>နည်းပညာရှင်တစ်ဦးကပြောလိုက်သည်။</p> <p>လုလင်းဟွာ ခေတ္တကြောင်သွားသော်လည်း ချက်ချင်း နားလည်သွားသည်။ ဟုတ်သည်အသံဖြင့် အတင်းအကျပ် ဆက်သွယ်၍ ရသော်လည်း ထိုသို့လုပ်ပါက ပြောသမျှစကားများကို Live ကြည့်နေသူ အားလုံး ကြားရမည် ဖြစ်သည်။</p> <p>ခဏမျှ တွန့်ဆုတ်နေပြီးနောက် လုလင်းဟွာက</p> <p> “ပြင်ဆင်လိုက်တော့။”</p> <p>လုပေါင်၏ မစ်ရှင်မှာ ပြီးဆုံးသွားပြီ ဖြစ်သော်လည်း သူသည် ကယ်ဆယ်ရေးလှေများဝိုင်းရံခြင်းကို ခံနေရသည်။ ရေငုပ်သမားများနည်းပြများနှင့် သတင်းထောက်များမှာ လှေငယ်များဖြင့် လုပေါင်ရှိရာသို့ လာနေကြသည်။ ရာ့ခ်သင်္ဘောကြီးများမှာမူ ဤကျောက်တန်းဧရိယာသို့ ဝင်၍မရပေ။</p> <p>“ဆရာ... ခဏလောက် စကားပြောရအောင်ပါ။”</p> <p>“ညီလေး... မသွားပါနဲ့ဦး။”</p> <p>“ရတနာနတ်ဘုရား... ကျွန်တော်က ခင်ဗျားရဲ့ fan ပါ ရေထဲ ပြန်မဆင်းပါနဲ့ဦး။”</p> <p>လုပေါင်က လိပ်ကြီးကို ကျောက်တန်းပေါ်မှ တွန်းချကာ ကျောပေါ်သို့ ခုန်တက်လိုက်သည်ကို မြင်သောအခါ ထိုလူများက ထိတ်လန့်တကြား အော်ဟစ်ကြသည်။</p> <p>“အားလုံးပဲ ဆောရီးပါဗျာ၊း ခင်ဗျားတို့ရဲ့ ပြိုင်ပွဲကို အနှောင့်အယှက် ပေးမိသလို ဖြစ်သွားတယ်။ ကျွန်တော် သွားတော့မယ်။”</p> <p> </p> <p>လုပေါင်ကအမြန်အော်ပြောလိုက်ပြီး လိပ်ကြီးကို ပုတ်ကာ ...</p> <p>“သူငယ်ချင်းကြီး... ငါတို့‌ပြေးကြစို့။”</p> <p>“ဝုန်းးး”</p> <p>ပေါ့ပါးသွားသော လိပ်ကြီးသည် လုပေါင်ကို တင်ကာ ရေအောက်သို့ ငုပ်လျှိုးပျောက်ကွယ်သွားတော့သည်။</p> <p>ပင်လယ်အောက်ခြေတွင်...</p> <p>လိပ်ကြီးသည် ပျော်ရွှင်စွာ ကူးခတ်နေသည်။ ဤမျှ ပေါ့ပါးမှုကို မခံစားရသည်မှာ ကြာလှပြီဖြစ်သည်။လုပေါင် ဖယ်ရှားပေးလိုက်သော ခရုခွံများ၏ အလေးချိန်မှာ လိပ်ကြီး၏ ကိုယ်အလေးချိန်နှင့်ပင် မရှေးမနှောင်း ဖြစ်နေသည်။ ပုံမှန်ဆိုလျှင် အသက်ရှူရန် ရေပေါ်တက်ခြင်းမှာအလွန်နာကျင်လှသော်လည်း ယခုမူ ထိုနာကျင်မှုများ မရှိတော့ပေ။</p> <p>“ဘုတ်... ဘုတ်”</p> <p>အချိန်တန်ပြီဟု ယူဆသဖြင့် လုပေါင်က လိပ်ကြီးကို ပုတ်ကာ ရေပေါ်သို့ ညွှန်ပြလိုက်သည်။ လိပ်ကြီးက နားလည်သည့်အလား ခေါင်းငြိမ့်ပြကာ ရေပေါ်သို့ အရှိန်ဖြင့် ကူးတက်သွားသည်။</p> <p>ထိုစဉ် Live ထဲတွင် အသံဖြင့် ဆက်သွယ်မှု စတင်လာပြီး လုလင်းဟွာ ပေါ်လာသည်။</p> <p>“မင်္ဂလာပါ ရတနာနတ်ဘုရား။ ကျွန်တော်တို့ Ocean Live Streaming ပလက်ဖောင်းကို ရွေးချယ်ပေးတဲ့အတွက် ကျေးဇူးတင်ပါတယ်။ ကျွန်တော်က Ocean Live Stream ရဲ့ အကြီးအကဲ လုလင်းဟွာပါ။ ခင်ဗျားရဲ့ ကြိုးစားမှုကို ကျေးဇူးဆပ်တဲ့အနေနဲ့ လက်ဆောင်တစ်ခု ပြင်ဆင်ထားပါတယ်။ အသေးစိတ်ကို WeChat မှာ စစ်ဆေးပေးပါ၊ ကျွန်တော်ကိုယ်တိုင်ဆုချီးမြှင့်မှာပါ။”</p> <p>လုလင်းဟွာမှာ အခြားရွေးချယ်စရာ မရှိပေ။ လုပေါင်က သူ၏ ဖုန်းကိုလည်း မကိုင် WeChat မှာလည်း လက်မခံသောကြောင့် ဖြစ်သည်။ ပြိုင်ဘက်ပလက်ဖောင်းများကလည်း စောင့်ကြည့်နေသဖြင့် သူ စကားကို အတိအလင်း မပြောဝံ့ပေ။</p> <p>လုပေါင် ကြောင်သွားသည်။ Ocean Live Stream ရဲ့ အကြီးအကဲလား။ ငါ့ကို ပိုက်ဆံပေးဖို့ လာတာလား။</p> <p>Live ကြည့်နေသူများကမူ မကျေမနပ် ဖြစ်ကုန်ကြသည်။</p> <p>“ဒီလူကြီးက ဘာလို့ Live အလယ်မှာ ဝင်ရှုပ်နေတာလဲ။”</p> <p>ဝိုင်းဆဲကြတော့သည်။</p> <p>လုပေါင်သည် ဤပလက်ဖောင်းကို အသုံးပြုနေကျဖြစ်သဖြင့် အကြီးအကဲကို အားနာကာ</p> <p>“ကောင်းပါပြီ အိမ်ပြန်ရောက်ရင် WeChat ကနေ ဆက်သွယ်လိုက်ပါ့မယ်။”</p> <p>“ကောင်းပါပြီ ရတနာနတ်ဘုရား။ ခင်ဗျားရဲ့ Live ကို ဆက်မနှောင့်ယှက်တော့ပါဘူး။ ဆက်သွယ်ဖို့ မမေ့ပါနဲ့ဦး။” </p> <p>လုလင်းဟွာသည်ဝမ်းသာအားရဖြင့် ဆက်သွယ်မှုကို ချက်ချင်း ဖြတ်လိုက်သည်။</p> <p>ယခုအခါ လုပေါင်သည်ပင်လယ်ဘုရင် ခန္ဓာကိုယ်ကို စမ်းသပ်ချင်နေပြီ ဖြစ်သည်။ သူသည် လိပ်ကြီး၏ ခေါင်းကို ပုတ်ကာ ပင်လယ်ထဲသို့ ခုန်ချလိုက်သည်။</p> <p>“ဘုန်းးး”</p> <p>ရေအောက်တွင် လုပေါင်သည် သူ၏လက်များကို မယုံနိုင်စွာ ကြည့်နေမိသည်။ သူ၏ တစ်ကိုယ်လုံးတွင် ကြောက်မက်ဖွယ်ကောင်းသော အားအင်များ ပြည့်နှက်နေပြီး သူ၏ ခန္ဓာကိုယ်ကပင် အသက်ရှူနေသကဲ့သို့ ခံစားရသည်။</p> <p>တစ်ချက်တည်း ငုပ်လိုက်ရုံဖြင့် မီတာ ၁၀ ကျော်အထိ ရောက်သွားသည်။ သူ၏ အရှိန်မှာ အလွန်မြန်လှသဖြင့် သူတပ်ထားသော ရေငုပ်မျက်မှန်ပင် ကွဲထွက်သွားတော့သည်။</p> <p>သို့သော် ရေအောက်တွင် သူ၏ အမြင်အာရုံမှာ အလွန်ကြည်လင်နေဆဲ ဖြစ်သည်။</p> <p>လိပ်ကြီးက သူ့နောက်မှ အမှီလိုက်ရန် ကြိုးစားသော်လည်း လုပေါင်၏ အရှိန်ကို မမီတော့ပေ။ လုပေါင်သည် ပိုမိုနက်သော နေရာသို့ ဆက်လက်ငုပ်ဆင်းသွားသည်။</p> <p>၃၀ မီတာ... ၅၀ မီတာ... ၁၀၀ မီတာ... ၂၀၀ မီတာ...</p> <p>မီတာ ၂၀၀ အနက်သို့ ရောက်သောအခါ Live ကြည့်နေသော နည်းပြများနှင့် ရေငုပ်သမားများမှာ ရူးမတတ် ဖြစ်ကုန်ကြသည်။ ကမ္ဘာ့စံချိန်မှာပင် ၁၄၀ မီတာ မပြည့်သေးပေ။ သို့သော် ဤလျှို့ဝှက်ဆန်းကြယ်သော Streamer မှာမူ မီတာ ၂၀၀ ကျော်အထိ ရောက်နေပြီ ဖြစ်သည်။</p> <p>“ရေဖိအားကို.... တကယ်ပဲ ဘာမှမခံစားရဘူး...”</p> <p>မီတာ ၃၀၀ အနက်သို့ ရောက်သောအခါ လုပေါင်သည် ပင်လယ်ကြမ်းပြင်ပေါ်တွင် ရပ်ကာ မယုံနိုင်စွာ ဘေးပတ်ဝန်းကျင်ကို ကြည့်လိုက်သည်။ သူသည် အလွန်ပင် သက်သောင့်သက်သာရှိကာ လွတ်လပ်ပေါ့ပါးနေဆဲ ဖြစ်သည်။</p> <p>ငါတော့ ချမ်းသာပြီဟေ့။</p> <p>ပင်လယ်အောက်ခြေက ရတနာတွေ အားလုံးက ငါ့အပိုင်ပဲ။</p> <p> </p> <p> </p> <p> </p> <p> </p> <p style="text-align: center;">***</p>


Save