Book List

<h2 style="text-align: center;">အခန်း (၃၁၀)</h2> <h2 style="text-align: center;">ရန်ယွမ်ဇီကို ဖိနှိပ်ခြင်း... ကောင်းကင်နှင့် မြေကြီး အသွင်နှစ်ပါး ထွက်ပေါ်လာခြင်း(၂)</h2> <h2 style="text-align: center;">*</h2> <p> </p> <p> </p> <p>ဝူယွမ်က ပြုံးကာ ပြောလိုက်သည်။ တိုက်ခိုက်မှုကို ဖြိုခွဲရန် သူက စကြဝဠာရှေးဟောင်းအစီအရင်ကို ထပ်မံအသက်သွင်းလိုက်သည်။</p> <p>ဤသည်မှာ ဝင်စားခြင်းအဆင့် သိုင်းပညာရှင်တစ်ဦးနှင့် ပထမဆုံးအကြိမ် တိုက်ခိုက်ခြင်းဖြစ်ပြီး သူ၏နည်းလမ်းအားလုံးကို အသုံးပြုရန် ပြင်ဆင်ထားသည့် ပထမဆုံးအကြိမ်လည်း ဖြစ်သည်။</p> <p>နှစ်ပေါင်းများစွာ ကြာပြီးနောက် ဝူယွမ်သည် သူစုဆောင်းထားခဲ့သော ကြောက်မက်ဖွယ်နည်းလမ်းများ မည်မျှ အစွမ်းထက်သည်ကို မသိခဲ့ပေ။</p> <p>ယခင်က မဟာရှေးဟောင်းကျောက်တိုင်အတွင်း၌ နည်းလမ်းနှစ်ခုကို အသုံးပြုခဲ့ရာ ထိုအရာက မိစ္ဆာစစ်သူကြီး၏ မျက်နှာကိုပင် ပျက်ယွင်းသွားစေခဲ့သည်။</p> <p>ယခုအခါ ဝူယွမ်သည် ဆန်းကြယ်ရှင်ခြင်းအဆင့်သို့ ရောက်ရှိသွားပြီဖြစ်ရာ သူ၏စွမ်းအားမှာ အရည်အသွေးပိုင်းဆိုင်ရာအရ ပြောင်းလဲမှုတစ်ခု ဖြစ်ပေါ်သွားပြီဖြစ်သည်။ </p> <p>ဆန်းကြယ်ရှင်ခြင်းအဆင့်တွင် သူ၏ ယွမ်စွမ်းအင်မှာ ကုန်ဆုံးနိုင်ခြင်းမရှိတော့ဘဲ သူ၏ ကောင်းကင်ကိုအန်တုသော ကျင့်စဉ်နည်းလမ်းများနှင့် သိုင်းပညာရပ်များစွာသည် ဤအဆင့်သို့ ရောက်မှသာ အစွမ်းပြလာနိုင်လေ့ရှိသည်။</p> <p>ယခင်က သူ၏အဆင့်မှာ အလွန်အားနည်းလွန်းပြီး ၎င်းတို့ကို အသုံးပြုခြင်း၏ ဘေးထွက်ဆိုးကျိုးများက အလွန်ကြီးမားခဲ့သည်။</p> <p>ယခုအခါ ကုန်ဆုံးနိုင်ခြင်းမရှိသော ဆန်းကြယ်ရှင်ခြင်းအဆင့်ချီက သူ့ကိုအသက်ဆက်ရှင်ရန် ကူညီပေးနေပြီး ကစဉ်ကလျားသန္ဓေသားက သူ၏မူလဝိညာဉ် မသေဆုံးနိုင်ရန် ကာကွယ်ပေးထားကာ အာဏာရှင်ခန္ဓာကိုယ်နှင့် ပြီးပြည့်စုံသော ကြီးမြတ်သည့် တောင်တန်းခန္ဓာကိုယ်က သူ၏ ရုပ်ပိုင်းဆိုင်ရာ ခန္ဓာကိုယ်ကို ဖျက်ဆီး၍မရနိုင်အောင် ထောက်ပံ့ပေးထားသည်။</p> <p>ကျဲ့အက္ခရာလျှို့ဝှက်ချက်က လျင်မြန်စွာ ပြန်လည်ကောင်းမွန်ရန် ကူညီပေးပြီး ရှင်းအက္ခရာလျှို့ဝှက်ချက်ကို လိုက်လံဖမ်းဆီးမှုမှ ရှောင်တိမ်းရန် အသုံးပြုနိုင်ကာ ချယ်အက္ခရာလျှို့ဝှက်ချက်ကို စွမ်းအားများ ပေါက်ကွဲထွက်နိုင်ရန် အသုံးပြုလို့ရပြီး စကြဝဠာရှေးဟောင်းအစီအရင်က မိမိကိုယ်ကို သန်စွမ်းစေကာ ရန်သူများကို အားနည်းစေသည်။</p> <p>ဝါးမျိုခြင်းဘိုးဘေးအဆောင်နှင့် မဟာရှေးဟောင်းကျမ်းတို့က ပြင်ပစွမ်းအားများကို သူ၏ပေါက်ကွဲမှုများအတွက် စုပ်ယူပေးနိုင်ပြီး အချိန်မရွေး ပြန်လည်ကောင်းမွန်လာစေရန် ကူညီပေးနိုင်သည့် ကမ္ဘာ့သစ်ပင်၏ စွမ်းအင်များလည်း ရှိနေသေးသည်။</p> <p>သူ၌ နည်းလမ်းများစွာ ရှိ၏။ ဤအဆင့်တွင် ဝူယွမ်၌ အားနည်းချက်ဟူ၍ လုံးဝမရှိသလောက်ပင်။ သူ့ကို ချက်ချင်းသတ်ပစ်၍ မရနိုင်သရွေ့ သူက အကန့်အသတ်မရှိ ဆက်လက်တိုက်ခိုက်နေနိုင်မည် ဖြစ်သည်။</p> <p>‘ငါ့ကို မသတ်နိုင်တဲ့အရာမှန်သမျှက ငါ့ကို ပိုပြီး သန်စွမ်းလာစေမှာပဲ' သွေးကျောက်မြေရိုင်းဆီသို့ သွားရောက်စဉ်က သူ၏ကိုယ်ပိုင် ရည်မှန်းချက်ဖြစ်သော ထိပ်ဆုံးသို့ ရောက်ရှိရန်ရည်မှန်းချက်မှာ ဤတိုက်ပွဲမှတစ်ဆင့် ပိုမိုခိုင်မာလာလေသည်။</p> <p>“ဒီလောက်ပဲလား”</p> <p>ဝူယွမ်က ရန်ယွမ်ဇီကို ရန်စသလိုကြည့်ကာ ပြောလိုက်သည်။</p> <p>“အဘိုးကြီး ခွေးအိုကြီး... ဆက်လုပ်လေ”</p> <p>ရန်ယွမ်ဇီ ဒေါသထွက်သွားလေသည်။ ဝူယွမ်၏ ထူးဆန်းသော နည်းလမ်းများက သူ့ကို အနည်းငယ် အကူအညီမဲ့သွားစေသည်။</p> <p>“ခင်ဗျားဆီမှာ ဘာမှမကျန်တော့ဘူးလား။ ဒါဆိုရင်ကျုပ်အလှည့်ပဲ”</p> <p>ဝူယွမ်က ခြောက်ကပ်ကပ်ပြုံးလိုက်ပြီးနောက် ဖန်ထျန်းမီးဖိုက သူ၏လက်ထဲတွင် ထွက်ပေါ်လာကာ ရန်ယွမ်ဇီကို လွှမ်းခြုံလိုက်သည်။</p> <p>မိမိကို လွှမ်းခြုံထားသော အနီရောင် မီးဖိုကြီးကို ကြည့်ကာ ရန်ယွမ်ဇီ၏ မျက်နှာထက်တွင် အထင်သေးသော အမူအရာတစ်ခု ပေါ်လာသည်။</p> <p>ဝူယွမ်က သူ၏တိုက်ခိုက်မှုများကို မည်သို့ ဖြေရှင်းနိုင်ခဲ့သည်ကို သူ နားမလည်သော်လည်း ဝူယွမ်၏တိုက်ခိုက်မှုများကမူ သူ၏အမြင်တွင် ကလေးဆန်လွန်းပြီး သူ့ကို လုံးဝ ခြိမ်းခြောက်နိုင်ခြင်းမရှိပေ။</p> <p>“မင်းဆီမှာ လှည့်ကွက်တချို့ရှိတယ်ဆိုတာကို ငါဝန်ခံပါတယ်၊ ဒါပေမဲ့ မင်းရဲ့ တိုက်ခိုက်မှုတွေနဲ့ကတော့ မင်းမလုပ်နိုင်...”</p> <p>ရန်ယွမ်ဇီ စကားမဆုံးမီမှာပင် ထူးဆန်းသော စွမ်းအားတစ်ခုက သူ့ကို နေရာတွင်ပင် ရပ်တန့်သွားစေသည်ကို ရုတ်တရက် ခံစားလိုက်ရသည်။</p> <p>ဘုန်း...</p> <p>တစ်ခဏအတွင်းမှာပင် ဖန်ထျန်းမီးဖိုက ကျဆင်းလာပြီး သူ့ကို တိုက်ရိုက်လွှမ်းခြုံသွားတော့သည်။</p> <p>လူတိုင်း ဆွံ့အသွားကြလေသည်။ သူတို့၏ အမြင်တွင် ရန်ယွမ်ဇီက အရူးတစ်ယောက်လို ငြိမ်သက်စွာ ရပ်နေပြီး ဝူယွမ်၏ ထိန်းချုပ်မှုကို စောင့်ဆိုင်းနေသကဲ့သို့ ဖြစ်နေ၏။</p> <p>သို့သော် ဝူယွမ်က ဖန်ထျန်းမီးဖိုကို ထုတ်ယူလိုက်သည့် အခိုက်အတန့်တွင် ငြိမ်သက်ခြင်းရူန်းကို အသက်သွင်းလိုက်ကြောင်းကိုမူ သူတို့ မသိကြပေ။</p> <p>ယင်းရွှမ်ဇီ၏ ဆုချီးမြှင့်မှုမှ ရရှိလာသော ထိုငြိမ်သက်ခြင်းကျောက်တိုင်ကို ကစဉ်ကလျားသန္ဓေသားထဲသို့ ပေါင်းစပ်လိုက်ပြီးနောက် ဝူယွမ်က ငြိမ်သက်ခြင်းရူန်းအဖြစ် ပြောင်းလဲကျင့်ကြံခဲ့ခြင်း ဖြစ်သည်။ ဤရူန်းတွင် အချိန်၏ စွမ်းအားများ ပါဝင်နေပြီဖြစ်သည်။</p> <p>အကယ်၍ သူသည် ယခင်က ငြိမ်သက်ခြင်းကျောက်တိုင်ကိုသာ အားကိုးခဲ့မည်ဆိုလျှင် ရန်ယွမ်ဇီကဲ့သို့သော သိုင်းပညာရှင်တစ်ဦးကို ရပ်တန့်စေရန် သေချာပေါက် မဖြစ်နိုင်ပေ။</p> <p>သို့သော် ဝူယွမ်၏ ရူန်းများဖြင့် မြှင့်တင်ပြီးနောက် ၎င်း၏စွမ်းအားက များစွာတိုးတက်လာပြီး မျက်တောင်တစ်ခတ်စာမျှ သူ့ကို ထိန်းချုပ်ထားနိုင်ခဲ့ခြင်း ဖြစ်သည်။</p> <p>ဖန်ထျန်းမီးဖိုထဲသို့ ကျရောက်သွားသော ရန်ယွမ်ဇီသည် ချက်ချင်း သတိပြန်ဝင်လာသည်။ ဤအချိန်တွင် သူ၏ခန္ဓာကိုယ်ကို မီးတောက်များက ဝန်းရံထား၏။</p> <p>ဘန်း... ဘန်း... ဘန်း...</p> <p>သူက ဖန်ထျန်းမီးဖိုကို ပြင်းပြင်းထန်ထန် ရိုက်ခတ်ကာ အပြင်သို့ ထွက်ချင်နေလေသည်။ သို့သော် ဖန်ထျန်းမီးဖိုက မိစ္ဆာစစ်သူကြီးတစ်ဦးကိုပင် ပိတ်လှောင်ထားနိုင်ရာ သူက မည်သို့ အလွယ်တကူရုန်းထွက်နိုင်မည်နည်း။  </p> <p>ဖန်ထျန်းမီးတောက်များက ရန်ယွမ်ဇီကို စဉ်ဆက်မပြတ် လောင်ကျွမ်းနေပြီး သူ၏ ရုပ်ပိုင်းဆိုင်ရာခန္ဓာကိုယ်ကို သန့်စင်ရန်ကြိုးစားနေသည်။</p> <p>ဝူယွမ်က မီးဖိုကိုယ်ထည်ပေါ်သို့ လက်ဝါးတစ်ချက် ရိုက်ချလိုက်ပြီး နှလုံးကြွေမီးတောက်ကို အထဲသို့ ထည့်သွင်းလိုက်သည်။</p> <p>တစ်ချိန်တည်းမှာပင် သူ၏ ရင်ဘတ်တွင် ဆွဲထားသော မဟာရှေးဟောင်းကျောက်တိုင် အသေးစားလေးကလည်း မီးဖိုကိုယ်ထည်နှင့် ချိတ်ဆက်မိသွားပြီး နီရဲရဲမီးတောက်တစ်ခုက ထိုနည်းတူ ဝင်ရောက်သွားသည်။</p> <p>နှလုံးကြွေမီးတောက်နှင့် ဝူယွမ်၏ အစစ်အမှန် နေမင်းမီးတောက်...</p> <p>ဤမီးတောက်နှစ်ခုတွင် တစ်ခုက ဝိညာဉ်ကို လောင်ကျွမ်းစေပြီး အခြားတစ်ခုက အသားအရေကို လောင်ကျွမ်းစေသည်။</p> <p>မီးတောက်နှစ်ခု၏ မြှင့်တင်မှုအောက်တွင် ဖန်ထျန်းအစီအရင်၏စွမ်းအားက ချက်ချင်းပင် အဆပေါင်းများစွာတိုးလာလေသည်။</p> <p>ဝူယွမ်၏ နှလုံးကြွေမီးတောက်က ရန်ယွမ်ဇီ၏ စိတ်ကို အနှောင့်အယှက်ပေးနိုင်ပြီး သူ့ကို ဒေါသထွက်စေကာ ဂနာမငြိမ်ဖြစ်အောင် လုပ်ဆောင်နိုင်သလို အစစ်အမှန် နေမင်းမီးတောက်က ဝင်စားခြင်းအဆင့် ပညာရှင်တစ်ဦးကိုပင် သန့်စင်နိုင်ပေသည်။</p> <p>ရန်ယွမ်ဇီက မီးဖိုအတွင်း၌ ပြင်းပြင်းထန်ထန် ခုခံနေသည်။ ဖန်ထျန်းမီးဖိုက ထိန်းချုပ်မရနိုင်အောင် လွင့်ပျံနေပြီး လေထဲတွင် ရူးသွပ်နေသော သားရဲတစ်ကောင်လို ပျံသန်းနေသည်။</p> <p>“အား... အား... အား...”</p> <p>ဖန်ထျန်းမီးဖို၏ ဝိညာဉ်က နာကျင်စွာ အော်ဟစ်လိုက်သည်။ နှစ်ပေါင်းများစွာ အိပ်စက်နေခဲ့ရပြီးနောက် သူသည် အကောင်းဆုံးအခြေအနေတွင် မရှိတော့ပေ။</p> <p>ရန်ယွမ်ဇီသည် လက်ရှိတွင် အလွန်ကောင်းမွန်သော အခြေအနေတွင်ရှိသည့် ဝင်စားခြင်းအဆင့် သိုငပညာရှင်တစ်ဦးဖြစ်ပြီး သေလုမျောပါး ဖြစ်နေသော မိစ္ဆာစစ်သူကြီးနှင့် များစွာ ကွာခြားသည်။ </p> <p>အဘိုးအိုအဘိုးအို ဖန်ထျန်း၏ အကူအညီမပါဘဲ သူတစ်ဦးတည်းဖြင့် ရန်ယွမ်ဇီကို မဖိနှိပ်နိုင်ပေ။</p> <p>“ငါ ကွဲထွက်တော့မယ်”</p> <p>ဖန်ထျန်းမီးဖို၏ ဝိညာဉ်က နာကျင်စွာ ထပ်မံညည်းတွားလိုက်သည်။</p> <p>ရန်ယွမ်ဇီသည် မီးဖြင့်လောင်ကျွမ်းခံနေရသဖြင့် ဤအကျပ်အတည်းတွင် မီးဖိုကိုယ်ထည်ကို အစွမ်းကုန် တိုက်ခိုက်နေမည်မှာ သေချာသည်။</p> <p>မကြာမီမှာပင် မီးဖိုကိုယ်ထည်ပေါ်တွင် အက်ကွဲကြောင်းများ ပေါ်လာသည်။</p> <p>“မလန့်နဲ့... ငါ မင်းကိုပြန်ပြင်ပေးမယ်”</p> <p>ဝူယွမ်က သူ့ကို နှစ်သိမ့်လိုက်ပြီးနောက် မဟာရှေးဟောင်းကျောက်တိုင်နှင့် ဆက်သွယ်ကာ မဟာရှေးဟောင်းကျောက်တိုင်ကို မီးဖိုကိုယ်ထည်ပေါ်တွင် တင်လိုက်သည်။</p> <p>အဝါရောင် စွမ်းအားတစ်ခုက မီးဖိုကိုယ်ထည်ကို လွှမ်းခြုံသွားပြီး ၎င်းကို ဖိနှိပ်ရန် ကူညီပေးလိုက်သည်။ တစ်ချိန်တည်းမှာပင် စိမ်းလန်းစိုပြည်သော သစ်ကိုင်းတစ်ခုက ဆန့်ထွက်လာပြီး ဖန်ထျန်းမီးဖိုကို ရစ်ပတ်သွားကာ မျက်နှာပြင်ပေါ်ရှိ အက်ကွဲကြောင်းများကို တဖြည်းဖြည်း ကုစားပေးနေလေသည်။</p> <p>မဟာရှေးဟောင်းကျောက်တိုင်၏ အကူအညီဖြင့် မီးဖိုကိုယ်ထည်ကို ဖိနှိပ်ထားနိုင်ခဲ့လေသည်။</p> <p>“အစ်ကိုကြီး... ဒါက အရမ်းအံ့ဩဖို့ကောင်းလွန်းတယ်”</p> <p>ရှောင်တျောင်းတံတွေးမြိုချလိုက်သည်။ ‘ဒါက အရမ်းလန်းလွန်းတယ်၊ ရန်ယွမ်ဇီက အစ်ကိုကြီးရဲ့ ဒီလို ဖိနှိပ်တာကို ခံလိုက်ရတယ်ပေါ့'</p> <p>“အစ်ကိုက ညီမကို သေမတတ်လန့်သွားအောင်လုပ်တာပဲ”</p> <p>ချင်းတန်က သူမ၏ ရင်ဘတ်လေးကို ပုတ်ကာ ပြောလိုက်သည်။ အစောပိုင်းက ဝူယွမ် မနိုင်နိုင်ဘူးလို့ သူမ ထင်ခဲ့မိလေသည်။</p> <p>လင်းတုန်က အသက်ပြင်းပြင်း ရှူလိုက်၏။</p> <p>“အစ်ကိုကြီးရဲ့ စွမ်းအင်ပေါက်ကွဲမှုက အရမ်း အံ့ဩဖို့ကောင်းလွန်းတယ်။ အစ်ကိုကြီးနဲ့ ငါ့ကြားက ကွာဟချက်က သိပ်မကြီးဘူးလို့ ငါထင်ခဲ့မိတာ... ငါ ကိုယ့်ကိုကိုယ် အထင်ကြီးလွန်းသွားတာပဲ”</p> <p>ယင်းဟွမ်ဟွမ်၏ မျက်လုံးများထဲရှိ ရေခဲပြာရောင်အလင်းက တဖြည်းဖြည်း မှေးမှိန်သွားပြီး မှိန်ဖျော့ဖျော့ အပြုံးတစ်ခု ပေါ်လာသည်။</p> <p>‘ငါ သဘောကျတဲ့ အမျိုးသားပီသပါပေတယ်...’ သူမ ဂုဏ်ယူစွာ တွေးလိုက်မိသည်။</p> <p>ကိုးကောင်းကင် တိုင်ချင်းနန်းတော်ဘက်တွင် လင်းချင်းကျူ၏ နှုတ်ခမ်းများက အနည်းငယ်လှုပ်ရှားသွားပြီး တိုးတိုးလေးရေရွတ်လိုက်သည်။</p> <p>“ဒါဆို သူက ငါ့ကိုလုယူဖို့ ကိုးကောင်းကင် တိုင်ချင်းနန်းတော်ကိုပါ ဝင်စီးနိုင်တဲ့စွမ်းအား တကယ်ရှိတာပေါ့၊ ဆရာမက သူ့ကိုတကယ်ပဲ တားနိုင်မှာမဟုတ်ဘူး၊ ကံကောင်းလို့ သူက ငါ့ကို ပြန်လည်ကောင်းမွန်အောင် ကူညီပေးနိုင်လို့ပေါ့”</p> <p>“မဟုတ်ရင် သူနဲ့ဆရာမသာ တိုက်ခိုက်ကြရင် ငါ ဘာလုပ်ရမှန်းတောင် သိမှာမဟုတ်ဘူး၊ ဒီလူ... နောင်ကျရင် သူ့လက်ထဲကနေ ငါ လွတ်မြောက်နိုင်မှာ မဟုတ်လောက်တော့ဘူး”</p> <p>ဝူယွမ်နှင့် နီးစပ်သူများက သက်ပြင်းချနိုင်ခဲ့သော်လည်း ပတ်သက်မှုမရှိသော ဘေးလူများမှာမူ အလွန်အမင်း တုန်လှုပ်နေကြသည်။ ကမ္ဘာခြားနတ်ဆိုးနယ်မြေထဲတွင် ရှိနေစဉ်က ဝူယွမ်သည် သူတို့ကဲ့သို့ပင် တပည့်တစ်ဦးသာ ဖြစ်နေသေးသည်မှာ ထင်ရှားသည်။</p> <p>လူတိုင်းက အတူတကွတိုက်ခိုက်နိုင်ကြသေးသည်။ သူက ယွမ်ဂိုဏ်းကို သုတ်သင်လိုက်သော်လည်း ၎င်းမှာ နားလည်နိုင်သော အတိုင်းအတာအတွင်း၌သာ ရှိသေးသည်။ ရွယ်တူများကြားတွင် သူသည် ပါရမီရှင်တစ်ဦး ဖြစ်သည်မှာ မှန်ပေသည်။</p> <p>သို့သော် သူ ထွက်လာသည်နှင့် တစ်ပြိုင်နက် ယွမ်ဂိုဏ်း၏ ဆန်းကြယ်ရှင်ခြင်းအဆင့် ပညာရှင်များကို အရင်ဆုံး သုတ်သင်ပစ်လိုက်ပြီး ယခုအခါ တစ်ယောက်ချင်း တိုက်ပွဲတွင် ရန်ယွမ်ဇီကို ဖိနှိပ်ထားနိုင်ခဲ့သည်။</p> <p>‘ဒါကို တောင်ဂိုဏ်း ဂိုဏ်းချုပ် ယင်းရွှမ်းဇီတောင် လုပ်နိုင်ပါ့မလား'</p> <p>“ရန်ယွမ်ဇီကို လွှတ်ပေးလိုက်”</p> <p>ကောင်းကင်ဘုံမှ အသံတစ်သံက ရုတ်တရက် ထွက်ပေါ်လာပြီး နတ်ဘုရားတစ်ပါး ဆင်းသက်လာသကဲ့သို့ ကမ္ဘာခြားနတ်ဆိုးမြို့တော် တစ်ခွင်သို့ ပျံ့နှံ့သွားသည်။</p> <p>လူတိုင်း တပြိုင်တည်း မော့ကြည့်လိုက်ကြရာ ကောင်းကင်ယံအထက်ရှိ လေဟာနယ်က ထပ်မံ တွန့်လိမ်သွားပြီး ပုံရိပ်နှစ်ခုက ဖြည်းညင်းစွာ ထွက်ပေါ်လာသည်ကို မြင်လိုက်ကြရသည်။</p> <p>ပုံရိပ်နှစ်ခုအနက် တစ်ဦးမှာ အနက်ရောင်ဝတ်ရုံကို ဝတ်ဆင်ထားပြီး ကျောဘက်တွင် ရှည်လျားသော ဆံပင်မည်းများ ချထားသည်။</p> <p>သူ၏ လက်များက ၀တ်ရုံလက်အတွင်းမှ ထွက်ပေါ်နေပြီး အနည်းငယ် ဖြူရော်နေပုံရသော်လည်း မျက်နှာမှာ ကျောက်စိမ်းကဲ့သို့ ကြည်လင်၊ နွေးထွေးနူးညံ့ကာ မျက်လုံးများက ကြယ်ရောင်များသဖွယ် တောက်ပနေပြီး ရှင်သန်ခြင်းနှင့် သေဆုံးခြင်းကို ထိုးဖောက်မြင်နိုင်သော စွမ်းအားများ ရှိနေပုံရသည်။</p> <p>အခြားတစ်ဦးမှာ အဖြူရောင်ဝတ်ရုံကို ဝတ်ဆင်ထားပြီး အသားအရေ လှပလွန်း၏။ သူ၏ ရုပ်ရည်မှာ သာမန်ဖြစ်သော်လည်း သူ၏မျက်လုံးများမှာ အနက်နှင့် အဖြူရောင်ဖြစ်နေပြီး ယင်နှင့်ယန် ပေါင်းစပ်နေသကဲ့သို့ လျှို့ဝှက်ဆန်းကြယ်မှုကို ထုတ်လွှတ်နေသည်။</p> <p>ထိုပုံရိပ်နှစ်ခု ပေါ်လာသည်နှင့် တစ်ပြိုင်နက် လူတိုင်းက သူတို့၏ ပတ်ဝန်းကျင်ရှိ လေဟာနယ်မှာ ပြင်းထန်စွာ တွန့်လိမ်နေသည်ကို ရှင်းလင်းစွာ ခံစားလိုက်ရသည်။ သူတို့သည် သာမန်ပုဂ္ဂိုလ်များ မဟုတ်ကြောင်း ထင်ရှားလှ၏။</p> <p>“ထျန်းယွမ်ဇီ... တိယွမ်ဇီ...”</p> <p> </p> <p> </p> <p style="text-align: center;">***</p>


Save