Book List

<h2 style="text-align: center;">အခန်း (၁၆၃)</h2> <h2 style="text-align: center;">ကျွန်တော် အထူးလျှော့စျေး ပေးပါ့မယ်။</h2> <h2 style="text-align: center;">*</h2> <p> </p> <p> </p> <p>လျူအန်းရှန်းသည်လည်း ဤအခြေအနေကို ကောင်းစွာ သိရှိပေသည်။ ထို့ကြောင့် ပဋိပက္ခမဖြစ်ပွား စေရန်အတွက် တစ်ဖက်လူ၏ နှုတ်ဆက်စကားကို လျစ်လျူမရှုခဲ့ပေ။</p> <p>"အင်မော်တယ်တိမ်တိုက်ဂိုဏ်းက အကြီးအကဲ လျူအန်းရှန်းပါ...။ ဒီနေရာကို ဖြတ်သွားရုံသက်သက်ပါ၊ ခင်ဗျားတို့နဲ့ ဘာမှမပတ်သက်ပါဘူး...။"</p> <p>မျှော်လင့်ထားသည့်အတိုင်းပင် အင်မော်တယ်တိမ်တိုက်ဂိုဏ်း၏ အမည်နာမမှာ သူ၏ အတိဒုက္ခအဆင့် ကျင့်ကြံသူဟူသော ဂုဏ်ပုဒ်ထက်ပင် ပို၍ အစွမ်းထက်လှသည်။</p> <p>လျူအန်းရှန်း၏ မည်သူမည်ဝါဖြစ် ကြောင်း ကြားလိုက်ရသည်နှင့် ရွှေဓားဂိုဏ်းမှ မဟာယာနကျင့်ကြံသူ နှစ်ဦးသည် ချက်ချင်းပင် ရိုရိုသေသေ ဖြစ်သွားကြတော့သည်။ သူတို့၏ နောက်ကွယ်တွင် ပုန်းကွယ်နေ သော အတိဒုက္ခအဆင့်ရှိ အကြီးအကဲများပင်လျှင် ဆက်လက်နှောင့်ယှက်ရန် မဝံ့ရဲကြတော့ပေ။</p> <p>"ဪ... အင်မော်တယ်တိမ်တိုက်ဂိုဏ်းက စီနီယာဖြစ်နေတာကိုး...။"</p> <p>"ကျွန်တော်တို့ စကားများသွားတာ ခွင့်လွှတ်ပါ စီနီယာ... ကြွပါ... ကြွပါ...။"</p> <p>ပြောပြောဆိုဆိုနှင့်ပင် ထိုကျင့်ကြံသူနှစ်ဦးမှာ လင်းဖန်တို့အဖွဲ့ မိမိတို့ဂိုဏ်း၏ အထက်မှ ပျံသန်းသွားနိုင် ရန် လမ်းဖယ်ပေးလိုက်ကြလေသည်။</p> <p>တစ်ဖက်လူ၏ သဘောထားကို မြင်သောအခါ လင်းဖန်သည် ခရီးဆက်ရန် မလောတော့ပေ။</p> <p>ဤကဲ့သို့သော ကြော်ငြာရန် အခွင့်ရေးကောင်းကို လက်လွတ်မခံနိုင်သည် မဟုတ်ပါလား။</p> <p>"ဟားဟား... ခင်ဗျားတို့ရဲ့ နားလည်ပေးမှုကို ကျေးဇူးတင်ပါတယ်...။"</p> <p>"အမှန်အတိုင်း ပြောရရင် ကျွန်တော်က အခု ဂိုဏ်းနေရာ ရွှေ့နေတာလေ၊ လမ်းကွေ့ပြီးသွားမယ်ဆိုရင် အချိန်တွေ အများကြီး ကုန်မှာစိုးလို့ပါ...။"</p> <p>"ဘာပဲဖြစ်ဖြစ် ခင်ဗျားတို့က အခုလို စေတနာထားပြီး လမ်းဖယ်ပေးတဲ့အတွက် ကျေးဇူးတင်တဲ့အနေနဲ့ နောက်ကျရင် ခင်ဗျားတို့ဂိုဏ်း နေရာရွှေ့ချင်တယ်ဆိုရင် ကျွန်တော့်ကို ဆက်သွယ်လိုက်ပါ...။"</p> <p>"အဲဒီအချိန်ကျရင် အထူးလျှော့စျေး ပေးပါ့မယ်...။"</p> <p>လင်းဖန်၏ တစ်ယောက်တည်း ပြောနေသော စကားများက ရွှေဓားဂိုဏ်းမှ လူနှစ်ဦးကို ဇဝေဇဝါ ဖြစ်သွားစေခဲ့သည်။</p> <p>*ကျုံးကျိုးမှာ ဂိုဏ်းနေရာရွှေ့ပြောင်းပေးတဲ့ ဝန်ဆောင်မှုဆိုတာ ဘယ်တုန်းက ပေါ်လာတာလဲ….။*</p> <p>သူတို့ကို လျှော့စျေးပေးမည်ဟူသော စကားမှာလည်း သူတို့ကို ဆွံ့အသွားစေသည်။</p> <p>*ဘယ်ဂိုဏ်းကများ အားနေလို့ အိမ်ရွှေ့သလိုမျိုး ဂိုဏ်းနေရာကို ရွှေ့နေမှာလဲ…။*</p> <p>"ဟီးဟီး... မိတ်ဆွေရဲ့ စေတနာကို ကျေးဇူးတင်ပါတယ်။ ကျွန်တော်တို့ ဂိုဏ်းတည်ရှိတဲ့နေရာရဲ့ ဖုန်းရွှေ က တော်တော်လေး ကောင်းမွန်နေတာမို့လို့ နေရာရွှေ့ဖို့ မလိုသေးပါဘူး….။"</p> <p>*ဪ... ထျန်းယွမ်တိုက်ကြီးပေါ်က လူတွေက ဖုန်းရွှေကို ယုံကြတာလား….။*</p> <p>*ဒါဆိုရင်တော့ ငါလည်း အဲဒီပညာကို လေ့လာထားမှ ဖြစ်မယ်။ ဖုန်းရွှေကြည့်တတ်သွားပြီဆိုရင်တော့ တခြားဂိုဏ်းတွေကို ဖုန်းရွှေပိုကောင်းတဲ့နေရာကို ရွှေ့ဖို့ လှည့်စားလို့ရတာပေါ့…။*</p> <p>*အဲဒီလိုဆိုရင်တော့ အရင်က စဉ်းစားခဲ့တဲ့ ဝိညာဉ်စုဆေးတို့၊ အဆိပ်ငွေ့ဆေးတို့လို နည်းလမ်းညံ့တွေ သုံးတာထက်စာရင် ပိုက်ဆံကို သိက္ခာရှိရှိနဲ့ တရားဝင် ရှာလို့ရပြီပေါ့….။*</p> <p>"ကောင်းပါပြီ... ဒါဆိုရင်လည်း အနီးအနားက တခြားဂိုဏ်းတွေကို မေးပေးပါဦး...။"</p> <p>"လိုအပ်တာရှိရင် အချိန်မရွေး ဆက်သွယ်ပါ...။ အဲဒီအချိန်ကျရင် အင်မော်တယ်တိမ်တိုက်ဂိုဏ်းကို လာခဲ့ပြီး ကျွန်တော့်ကို ရှာလိုက်ပါ...။"</p> <p>ဟင်းလင်းပြင် မြင့်မြတ်နယ်မြေမှာ နာမည်မကြီးသေးသဖြင့် အင်မော်တယ်တိမ်တိုက်ဂိုဏ်း၏ အမည် ကို အသုံးပြုရခြင်း ဖြစ်လေသည်။ ရွှေဓားဂိုဏ်းသားနှစ်ဦးမှာမူ လင်းဖန်၏ စကားကို အလိုက်သင့်ပင် ခေါင်းညိတ်ပြလိုက်ကြသည်။</p> <p>သူတို့မှာ လင်းဖန်တို့နှင့် ကြာရှည် စကားမပြောချင်ဘဲ အမြန်ဆုံး ထွက်သွားစေချင်နေကြပုံရပေသည်။<br />  </p> <p>တစ်ဖက်လူ၏ စိတ်မပါသော အမူအရာကို မြင်သဖြင့် လင်းဖန်လည်း ဘာမှဆက်မပြောတော့ဘဲ ချင်းယွင်ဂိုဏ်းဌာနချုပ်ကြီးကို ဆွဲကာ ရွှေဓားဂိုဏ်း၏ အထက်မှ ပျံသန်းထွက်ခွာလာခဲ့လေတော့သည်။</p> <p>ခရီးစဉ်၏ ကျန်ရှိသော လမ်းတစ်လျှောက်တွင် လင်းဖန်တို့ သုံးဦးသည် အဟန့်အတားမရှိ ဆက်လက် မောင်းနှင်ခဲ့ကြလေသည်။ အတန်ကြာ သွားလာပြီးနောက် ရှေ့ဆုံးမှ ဦးဆောင်နေသော လျူအန်းရှန်း သည် ရုတ်တရက် ရပ်တန့်လိုက်လေသည်။</p> <p>လင်းဖန်၏ မေးခွန်းထုတ်သော အကြည့်ကို မြင်သောအခါ လျူအန်းရှန်းက ဖြည်းဖြည်းချင်း ပြောလိုက် လေသည်။</p> <p>"မိတ်ဆွေငယ် လင်း... ငါတို့ ဒီနေရာကို ရောက်ပြီဆိုရင်တော့ လမ်းကွေ့သွားမှ ဖြစ်တော့မယ်…။"</p> <p>အဘယ်ကြောင့်နည်းဟု လင်းဖန် မေးမည့်ဆဲဆဲမှာပင် အဖြေကို ချက်ချင်းတွေးမိသွားလေသည်။</p> <p>"စီနီယာ... ရှေ့မှာ နဝမအဆင့်ရှိတဲ့ ဂိုဏ်းတစ်ခုခု ရှိနေလို့လား...။"</p> <p>လျူအန်းရှန်းက ခေါင်းငြိမ့်ပြလိုက်လေသည်။</p> <p>"ဟုတ်တယ်... ရှေ့မှာ ရှိနေတာက နဝမအဆင့် 'ရွှမ်းမင်ဂိုဏ်း'ရဲ့ နယ်မြေပဲ...။ သူတို့ရဲ့ အင်အားက ငါတို့ အင်မော်တယ်တိမ်တိုက်ဂိုဏ်းထက် မလျော့ဘူး...။"</p> <p>"ဒါ့အပြင် အဲဒီဂိုဏ်းက တော်တော်လေးလည်း မောက်မာတတ်တော့ အမြန်ဆုံး လမ်းလွှဲသွားတာက ပိုကောင်းလိမ့်မယ်...။"</p> <p>လျူအန်းရှန်းက ထိုသို့ပြောလာသဖြင့် လင်းဖန်လည်း ရှေ့ဆက်မတိုးတော့ပေ။</p> <p>"ကောင်းပါပြီ... ဒါဆိုလည်း လမ်းလွှဲသွားကြတာပေါ့...။ စီနီယာပဲ ဆက်ပြီး လမ်းပြပေးပါ...။"</p> <p>အကယ်၍ လင်းဖန် တစ်ယောက်တည်းဆိုလျှင်တော့ ဘာကိုမှ ဂရုစိုက်မည်မဟုတ်ပေ။</p> <p>အန္တရာယ်တွေ့လျှင် အစောင့်အရှောက်ရုပ်သေးကို ထုတ်သုံးမည်၊ သို့မဟုတ် မြင့်မြတ်တဲ့နယ်မြေထဲ တိုက်ရိုက်ဝင်ပုန်းမည်။ သို့သော် ယခုမူ သူသည် ချင်းယွင်ဂိုဏ်းကြီးကို သယ်ဆောင်လာခြင်းဖြစ်သည်။</p> <p>အကယ်၍ သူသာ မြင့်မြတ်တဲ့နယ်မြေထဲ ဝင်သွားပါက အပြင်တွင် ကျန်ရစ်မည့် ချင်းယွင်ဂိုဏ်းမှာ ဘေးကင်းမည်မဟုတ်ပေ။</p> <p>လင်းဖန်တို့ လမ်းကွေ့ရန် ဆုံးဖြတ်လိုက်သည့်အချိန်မှာပင် မမျှော်လင့်ထားသော အခြေအနေတစ်ခု ဖြစ်ပေါ်လာသည်။ ရှေ့တည့်တည့်မှ ကျင့်ကြံသူနှစ်ဦးသည် သူတို့ဆီသို့ ပျံသန်းလာပြီး လမ်းပိတ်လိုက် ကြလေသည်။</p> <p>လျူအန်းရှန်း၏ အတိဒုက္ခအဆင့် ကျင့်ကြံမှုကို မြင်ပါလျက်နှင့် လာရောက်တားဆီးဝံ့သည်ဆိုခြင်းမှာ ထိုနှစ်ဦးသည်လည်း အတိဒုက္ခအဆင့် ကျင့်ကြံသူများ ဖြစ်ရချေမည်။</p> <p>"ဟဲဟဲ... မိတ်ဆွေ... ဘာအကြောင်းပြချက်ကြောင့် ငါတို့ 'ရွှမ်းမင်ဂိုဏ်း' ရဲ့ နယ်မြေထဲကို ကျူးကျော် ဝင်ရောက်လာတာလဲ...။"</p> <p>"ဒါမှမဟုတ် ငါတို့ ရွှမ်းမင်ဂိုဏ်းကိုလည်း ရွှေဓားဂိုဏ်းလို အမှိုက်ဂိုဏ်းလို့ ထင်နေတာလား...။"</p> <p>တစ်ဖက်လူက စကားစသည်နှင့် ရန်စသည့်ပုံစံမျိုး ပြောလာသဖြင့် လင်းဖန်သည် တစ်ခုခုမှားနေပြီဟု ချက်ချင်း ခံစားလိုက်ရသည်။ ထိုအချိန်တွင် လျူအန်းရှန်းသည်လည်း မျက်မှောင်ကြုတ်လိုက်မိသည်။</p> <p>"ခင်ဗျားတို့ ဘာကို ဆိုလိုတာလဲ... ဒီနေရာက ခင်ဗျားတို့ ရွှမ်းမင်ဂိုဏ်းနဲ့ အတော်ဝေးသေးတာပဲ...။ ဘယ်တုန်းကများ ခင်ဗျားတို့ နယ်မြေ ဖြစ်သွားရတာလဲ...။"</p> <p>လျူအန်းရှန်း၏ ပြန်လည်ချေပချက်ကို နားထောင်ရင်း လင်းဖန်သည် ဘာမှားနေသလဲဆိုသည်ကို သဘောပေါက်သွားခဲ့လေသည်။</p> <p>တစ်ဖက်လူက အဆင့်မရှိသော ဂိုဏ်းဟု ပြောရာတွင် အဘယ်ကြောင့် ရွှေဓားဂိုဏ်းကိုမှ နမူနာပေးပြီး ပြောရသနည်း။ သူတို့ ရွှေဓားဂိုဏ်းအပေါ်မှ ဖြတ်ပျံလာသည်ကို တစ်ဖက်လူက သတိပြုမိသွားခြင်းများ လား။</p> <p>ဤဂိုဏ်းကြီးများသည် တစ်ခုနှင့်တစ်ခု နက်နက်ရှိုင်းရှိုင်း ဆက်နွှယ်နေကြပြီး ရွှေဓားဂိုဏ်းအတွင်း၌ သူတို့၏ သူလျှိုများ ရှိနေနိုင်သည် မဟုတ်ပါလား။</p> <p>ထို့အပြင် လျူအန်းရှန်း ပြောသည့်အတိုင်းဆိုလျှင် သူတို့သည် တစ်ဖက်ဂိုဏ်း၏ နယ်မြေထဲသို့ လုံးဝ မဝင်ရောက်ရသေးပေ။ ထိုအတိဒုက္ခအဆင့် ကျင့်ကြံသူ နှစ်ဦးသည် သူတို့အား ဤနေရာတွင် ကြိုတင် စောင့်ဆိုင်းနေခြင်းသာ ဖြစ်ရပေမည်။</p> <p>ဤမျှ တိကျသော ရည်ရွယ်ချက်ရှိနေသည်မှာ သူ ရွှေဓားဂိုဏ်းတွင် ရှိနေစဉ်ကပင် သူတို့၏ အာရုံစိုက် မှုကို ခံလိုက်ရခြင်းလော။ သို့သော် သူသည် ရွှေဓားဂိုဏ်းတွင် သယ်ယူပို့ဆောင်ရေး ဝန်ဆောင်မှုကိုသာ ကြော်ငြာခဲ့သည် မဟုတ်ပါလား။ ရွှမ်းမင်ဂိုဏ်းကများ နေရာရွှေ့ချင်နေလို့လား။</p> <p>*ဒုက္ခပါပဲ... ခင်ဗျားတို့က ပိုက်ဆံမပေးချင်ဘဲ ဓားပြတိုက်ဖို့ ကြံစည်နေတာတော့ မဟုတ်ပါဘူးနော်…။*</p> <p>ဤသို့ ခန့်မှန်းမိလိုက်သောအခါ လင်းဖန်၏ ပထမဆုံး တုံ့ပြန်မှုမှာ ဒေါသထွက်ခြင်း မဟုတ်ဘဲ ပြိုင်ဘက် ကို သတိထားမိခြင်းသာ ဖြစ်၏။</p> <p>တစ်ဖက်လူ၏ အပြုအမူမှာ သူ၏ ဓါးပြတိုက်ခြင်း စီးပွားရေး နှင့် အတော်လေး ဆင်တူနေသည် မဟုတ် ပါလား။ လုပ်ငန်းတူသူမှာ ရန်သူ ဆိုသည့်အတိုင်း လင်းဖန်သည် သူတို့ကို ပြိုင်ဘက်များအဖြစ် ချက်ချင်း သတ်မှတ်လိုက်လေသည်။</p> <p>သို့သော်လည်း လင်းဖန်သည် ထိုသူများကို ဖျောင်းဖျရန် အခွင့်အရေး ရှာနေသေးသည်။ ပြိုင်ဘက်များ အဖြစ်မှ ဝယ်သူများအဖြစ် ပြောင်းလဲပစ်ချင်နေခြင်း ဖြစ်၏။ သို့သော် လင်းဖန် စကားမပြောရသေး မီမှာပင် တစ်ဖက်လူက ဆက်ပြောလိုက်လေသည်။</p> <p>"မိတ်ဆွေက အင်မော်တယ်တိမ်တိုက်ဂိုဏ်းက မဟုတ်လား... ဒါပေမဲ့ အင်မော်တယ်တိမ်တိုက်ဂိုဏ်းရဲ့ နာမည်က ဒီနေရာမှာတော့ အသုံးမဝင်ဘူး...။"</p> <p>"ငါတို့ ရွှမ်းမင်ဂိုဏ်းရဲ့ အင်အားက တစ်နေ့ထက်တစ်နေ့ ကြီးထွားလာတာနဲ့အမျှ ငါတို့ရဲ့ နယ်မြေက လည်း ကျယ်ပြန့်လာတာပေါ့...။"</p> <p>"ခင်ဗျားတို့ အင်မော်တယ်တိမ်တိုက်ဂိုဏ်းနဲ့ မတူဘူးလေ...။ လွန်ခဲ့တဲ့ နှစ်ပေါင်းများစွာက စစ်ပွဲအပြီးမှာ ခင်ဗျားတို့ရဲ့ အင်အားက တိုးတက်လာဖို့ထက် ဆုတ်ယုတ်သွားတာ မဟုတ်လား...။"</p> <p>တစ်ဖက်လူ ရည်ညွှန်းနေသည်မှာ အင်မော်တယ်တိမ်တိုက်ဂိုဏ်းနှင့် သွေးမိစ္ဆာဂိုဏ်းတို့ကြား ဖြစ်ပွားခဲ့ သော စစ်ပွဲအကြောင်းပင် ဖြစ်သည်။</p> <p>နဝမအဆင့် ဂိုဏ်းတစ်ခုသည် တိုက်ပွဲကြီးတစ်ခုတွင် အနိုင်ရခဲ့လျှင်ပင် ၎င်း၏ အင်အားမှာ အကြီး အကျယ် ဆုံးရှုံးသွားမည်မှာ အသေအချာပင်။ အင်မော်တယ်တိမ်တိုက်ဂိုဏ်းအနေဖြင့် နဝမအဆင့် ဂိုဏ်းအဖြစ် ဆက်လက်ရပ်တည်နိုင်ခြင်းမှာပင် သူတို့၏ အခြေခံအုတ်မြစ်မှာ မည်မျှ နက်ရှိုင်းကြောင်း ပြသနေခြင်းပင်ဖြစ်လေသည်။</p> <p>တစ်ဖက်လူ၏ စကားကို ကြားသောအခါ လျူအန်းရှန်း၏ မျက်နှာမှာလည်း ပျက်ယွင်းသွားသည်။</p> <p>အဆင့်တူ ဂိုဏ်းအချင်းချင်းကြားတွင် ဤကဲ့သို့ အထင်သေးခံရခြင်းကို မည်သူက သည်းခံနိုင်ပါ မည်နည်း။</p> <p>"ငါ့ရဲ့ အင်မော်တယ်တိမ်တိုက်ဂိုဏ်းက အင်အားဆုတ်ယုတ်သွားသလားဆိုတာ ခင်ဗျားတို့ ရွှမ်းမင်ဂို ဏ်းက စမ်းသပ်ကြည့်ချင်လို့လား…။"</p> <p>လျူအန်းရှန်းက စကားနိုင်လုရုံဖြင့် တစ်ဖက်လူကို ကြောက်သွားလိမ့်မည်ဟု မယူဆပေ။ သို့သော် လင်းဖန်ကမူ ဤအခြေအနေကို နားမလည်ဘဲ နှစ်ဖက်စလုံး တင်းမာနေသဖြင့် ဂိုဏ်းစစ်ပွဲကြီးတစ်ခု တကယ်ပဲ ဖြစ်ပွားတော့မည်ဟု ထင်မှတ်နေသည်။</p> <p>လျူအန်းရှန်းသည် သူ့အတွက်နှင့် ဤခရီးကို လိုက်ပါလာခြင်း ဖြစ်ရာ ဤကိစ္စကြောင့် အင်မော်တယ် တိမ်တိုက်ဂိုဏ်းမှာ နောက်ထပ် စစ်ပွဲတစ်ခု ဖြစ်ပွားရလျှင်တော့ ဆိုးဝါးပေလိမ့်မည်။ထိုသို့ဖြစ်လျှင် သူ အားနာမိမည်မှာ အမှန်ပင်။ စစ်ပွဲဖြစ်လျှင် မည်သူနိုင်နိုင် ရှုံးရှုံး နှစ်ဖက်လုံးမှ လူအများအပြား သေကြေ ပျက်စီးကြရမည် မဟုတ်ပါလား။</p> <p>ထိုသို့တွေးမိသည်နှင့် လင်းဖန်သည် နှစ်ဖက်ကြား တင်းမာမှုများကို လျှော့ချရန် ချက်ချင်း ကြားဝင် ပြောလိုက်လေသည်။</p> <p>"လူကြီးမင်းတို့... စိတ်မဆိုးကြပါနဲ့... ရန်မဖြစ်ဘဲ အေးအေးဆေးဆေး စကားပြောကြတာက ပိုကောင်း ပါတယ်...။"</p> <p> "ခင်ဗျားတို့ ကျွန်တော့်လမ်းကို ပိတ်နေတာက ကျွန်တော့်ရဲ့ ကုန်စည်သယ်ယူ ရွှေ့ပြောင်းရေး လုပ်ငန်း အကြောင်း ကြားမိလို့လား...။"</p> <p>"အဲဒါဆိုရင်တော့ ဆွေးနွေးလို့ ရပါတယ်။ ရွှမ်းမင်ဂိုဏ်းကသာ လိုအပ်တယ်ဆိုရင် ကျွန်တော် လျှော့စျေး ပေးပါ့မယ်...။"</p> <p>"လမ်းပေါ်မှာ ဓားပြတိုက်တဲ့ အလုပ်မျိုးတော့ မလုပ်ကြပါနဲ့...။ အတင်းအကျပ် လုပ်တဲ့ စီးပွားရေးက ဘယ်တော့မှ အောင်မြင်မှာ မဟုတ်ဘူး...။"</p> <p> </p> <p> </p> <p style="text-align: center;">***</p>


Save