Book List

<h2 style="text-align: center;">အခန်း (၁၆၅) </h2> <h2 style="text-align: center;">ဘယ်သူ့အမှားလဲ</h2> <h2 style="text-align: center;">*</h2> <p> </p> <p> </p> <p>လင်းဖန်၏ သတိပေးမှုကို ကြားသောအခါ လျူအန်းရှန်းသည် အတိဒုက္ခအဆင့် ကျင့်ကြံသူနှင့် ခပ်လှမ်း လှမ်းသို့ ဆုတ်ခွာလိုက်လေသည်။ ထိုအချိန်တွင် တစ်ဖက်မှ ကျင့်ကြံသူမှာ လျူအန်းရှန်းနှင့် တိုက်ခိုက် ရန်သာ အာရုံစိုက်နေသဖြင့် မည်သည့်အရာ ဖြစ်ပျက်သွားသည်ကို လုံးဝ မသိလိုက်ပေ။</p> <p>သူသည် ဘာမှမသိလိုက်ရဘဲ ဝေခွဲမရဖြစ်နေသော အခြေအနေဖြင့်ပင် ကောင်းကင်ယံသို့ လွင့်ထွက် သွားခဲ့လေတော့သည်။</p> <p>မကြာမီမှာပင် သူသည်လည်း ရှေ့ကလူများကဲ့သို့ပင် မြေပြင်ပေါ်သို့ ပြင်းထန်စွာ ကျဆင်းသွားသည့် ကံကြမ္မာနှင့် ရင်ဆိုင်လိုက်ရလေတော့သည်။ လင်းဖန်နှင့် လျူအန်းရှန်းတို့သည် ထိုကျင့်ကြံသူ ပြုတ်ကျ နေသည့်နေရာသို့ ရောက်လာခဲ့ကြလေသည်။ စစ်ဆေးကြည့်လိုက်သောအခါ သူသည် အပြင်းအထန် ဒဏ်ရာရနေပြီး အသက်ငင်နေသည်ကို တွေ့လိုက်ရလေ၏။</p> <p>ဤရလဒ်ကြောင့် လျူအန်းရှန်းမှာ အံ့သြလွန်းသဖြင့် မျက်လုံးများ ပြူးကျယ်သွားရလေသည်။</p> <p>အတိဒုက္ခအဆင့် ကျင့်ကြံသူများကို သတ်ရန်မှာ အလွန်ခက်ခဲလှသည် မဟုတ်ပါလား။</p> <p>*မင်းက တကယ့်ကို ဒီလောက် လွယ်လွယ်ကူကူနဲ့ ဖြေရှင်းလိုက်တာလား…။*</p> <p>လင်းဖန်မှာမူ ထိုနှစ်ဦးစလုံး အသက်ရှိနေသေးသည်ကို သိလိုက်ရသဖြင့် အနည်းငယ် စိတ်တိုင်းမကျ ဖြစ်သွားလေသည်။ သူ သယ်ယူလာသော ဝန်စည်ကြီးမှာ ပို၍ ကြီးမားလေးလံနေမည်ဆိုလျှင် တစ်ချက် တည်းနှင့် အသေသတ်နိုင်လောက်သည့် အစွမ်းရှိမည်ဟု သူ တွေးနေမိခြင်းဖြစ်သည်။</p> <p>လာလာရွှေ့ဖြင့် သယ်ဆောင်လာသော ကြီးမားလှသည့် ဝန်စည်နှင့် သုံးဘီးစက်ဘီး၏ တိုက်ခိုက်မှု ပေါင်းစပ်လိုက်လျှင် ၎င်းမှာ သေစေနိုင်သော လက်နက်တစ်ခု ဖြစ်သွားတော့သည်။</p> <p>ထိုလူနှစ်ဦး၏ သိုလှောင်လက်စွပ်များကို သိမ်းဆည်းပြီးနောက် လင်းဖန်က ရုတ်တရက် ပြောလိုက် လေသည်။</p> <p>"စီနီယာ... အမြစ်ပြတ်အောင် ရှင်းချင်ရင်တော့ အပင်ပေါက်ကတည်းက နှိမ်နင်းရမယ်လေ။ ကျွန်တော် သူတို့ကို နောက်ထပ် အကြိမ်နည်းနည်းလောက် ထပ်ကြိတ်ပေးလိုက်ဦးမယ်…။"</p> <p>သူပြောနေသည်ကို လျူအန်းရှန်းမှာ ကြောင်စီစီဖြင့် ကြည့်နေမိသည်။ လင်းဖန်သည် သူ၏ သုံးဘီး စက်ဘီးကို နင်းကာ အတိဒုက္ခအဆင့် ကျင့်ကြံသူ နှစ်ဦးပေါ်မှ အကြိမ်ကြိမ် ဖြတ်မောင်းနေလေတော့ သည်။</p> <p>ထိုကျင့်ကြံသူများ မြေပြင်မှာ ပြားချပ်သွားပြီး အရိပ်အယောင်ပင် မတွေ့ရတော့သည့် အခြေအနေ ကိုရောက်မှသာ လင်းဖန်က ရပ်တန့်လိုက်လေတော့သည်။</p> <p>ကြည့်ရသည်မှာ ထိုကျင့်ကြံသူ နှစ်ဦးသည် ဤမြေပြင်နှင့် တစ်သားတည်း ဖြစ်သွားကြပုံရလေသည်။ လျူအန်းရှန်းနှင့် လီလဲ့ယန်တို့က သူ့ကို ထူးဆန်းသော အကြည့်ဖြင့် ကြည့်နေသည်ကို မြင်သောအခါ လင်းဖန်က နေရခက်စွာဖြင့် ပြောလိုက်လေသည်။</p> <p>"အဟမ်း….။ ဒါက သူတို့ နယ်မြေလို့ သူတို့ပဲ ပြောခဲ့တာ မဟုတ်လား…။ အဲဒါကြောင့် သူတို့ တောင်းဆို ချက်ကို ကျွန်တော် ဖြည့်ဆည်းပေးလိုက်တာပါ။ အခုတော့ သူတို့ဟာ ဒီမြေကြီးနဲ့ တစ်သားတည်း ဖြစ်သွားပြီဆိုတော့ ဒါဟာ တကယ့်ကို သူတို့ နယ်မြေ ဖြစ်သွားပြီပေါ့….။"</p> <p>ထိုစကားကို ကြားသောအခါ လျူအန်းရှန်းမှာ နှုတ်ခမ်းများပင်တုန်တုန်ယင်ယင် ဖြစ်သွားရလေသည်။</p> <p>"လင်း... လင်းဖန် ပြောတာ မှန်ပါတယ်။ ငါတို့ ဒီနေရာကနေ မြန်မြန် ထွက်သွားကြစို့။ ရွှမ်းမင်ဂိုဏ်းက သူတို့ သေသွားတာကို မကြာခင် သိသွားလိမ့်မယ်။ သူတို့ ငါတို့ကို ဝိုင်းမထားနိုင်ခင် သွားကြရအောင်..။"</p> <p>လင်းဖန်က သူ၏ အစောင့်အရှောက်ရုပ်သေးမှာ အတိဒုက္ခအဆင့် အထွတ်အထိပ်တွင် ရှိနေသဖြင့် သူတို့ကို မကြောက်ကြောင်း ပြောရန် ပြင်လိုက်သော်လည်း... တစ်ဖက်ဂိုဏ်းမှာ နဝမအဆင့်ဂိုဏ်း ဖြစ် ပြီး အတိဒုက္ခအဆင့် အထွတ်အထိပ်ရှိသော ကျင့်ကြံသူများစွာ ရှိနေနိုင်သည်ကို ရုတ်တရက် သတိ ရလိုက်လေသည်။</p> <p>တစ်ယောက်တည်းဆိုလျှင် အဆင်ပြေသော်လည်း နှစ်ယောက် သို့မဟုတ် ထိုထက်ပိုလာလျှင် မည်သို့ လုပ်မည်နည်း။ သူ၏ အစောင့်တစ်ဦးက သူတို့ကို တားဆီးနေစဉ်အတွင်း သူ့ကို ကာကွယ်ပေးမည့်သူ ရှိတော့မည် မဟုတ်ပေ။</p> <p>လင်းဖန်၏ လက်ရှိ ကျင့်ကြံမှုမှာ မဟာယာနအဆင့် အစောပိုင်းသာ ရှိသေးသည်။ သူသည် အတိဒုက္ခ သုံးကြိမ်အောက် ကျော်ဖြတ်ထားသော ကျင့်ကြံသူများကို ကိုင်တွယ်နိုင်သော်လည်း အတိဒုက္ခ သုံးကြိမ် နှင့် ထိုထက်ပိုသော ကျင့်ကြံသူများကိုမူ ရင်ဆိုင်ရန်တော့ ယုံကြည်မှု မရှိသေးပေ။</p> <p>"ကောင်းပါပြီ... ဒါဆို သွားကြရအောင်…။"</p> <p>ထိုသို့ဖြင့် သူတို့ သုံးဦးသည် ရွှမ်းမင်ဂိုဏ်းကို ကွေ့ပတ်ကာ အင်မော်တယ်တိမ်တိုက်ဂိုဏ်းဆီသို့ အရှိန် ကုန် မောင်းနှင်ခဲ့ကြလေတော့သည်။</p> <p>သူတို့ ထွက်ခွာသွားပြီး မကြာမီမှာပင်...</p> <p>အတိဒုက္ခအဆင့် ကျင့်ကြံသူ သုံးဦးသည် လင်းဖန်တို့ တိုက်ခိုက်ခဲ့သော နေရာသို့ လျင်မြန်စွာ ရောက်ရှိ လာခဲ့ကြလေသည်။ သူတို့၏ မှော်အတတ်များကို သုံးကာ စူးစမ်းကြည့်ပြီးနောက် အားလုံးက မျက်မှောင်ကြုတ်ကာ အချင်းချင်း ဆွေးနွေးကြတော့သည်။</p> <p>"အတိဒုက္ခ တစ်ကြိမ်စီ ကျော်ဖြတ်ထားတဲ့ အကြီးအကဲ နှစ်ယောက်လုံး ခဏလေးအတွင်း အသတ်ခံ လိုက်ရတာပဲ။ ငါတို့ ရထားတဲ့ သတင်းအချက်အလက်တွေက မမှန်ဘူး ထင်တယ်…။"</p> <p>"ဟုတ်တယ်... သူတို့ထဲမှာ အတိဒုက္ခ သုံးကြိမ် ဒါမှမဟုတ် အဲဒီထက် မြင့်တဲ့ ကျင့်ကြံသူတွေ ပုန်းကွယ် နေတာ ဖြစ်ရမယ်…။"</p> <p>"တောက်... ရွှေဓားဂိုဏ်းမှာ ထားခဲ့တဲ့ သူလျှိုကတော့ တကယ့်ကို အသုံးမကျတာပဲ။ သူ့ကြောင့် ငါတို့ရဲ့ အတိဒုက္ခအဆင့် အကြီးအကဲ နှစ်ယောက်တောင် ဆုံးရှုံးသွားရတယ်…။"</p> <p>"သူတို့ရဲ့ အသက်ပေးဆပ်မှုက အချည်းနှီး မဖြစ်စေရဘူး။ ဒီသေဆုံးမှုတွေကို အကြောင်းပြပြီး အင်မော်တယ်တိမ်တိုက်ဂိုဏ်းဆီကနေ လျော်ကြေး တောင်းရမယ်…။"</p> <p>"မှန်တယ်...။ အထူးသဖြင့် ဂိုဏ်းတစ်ခုလုံးကို ဘာဒဏ်ရာမှမရဘဲ သယ်ယူနိုင်တဲ့ အဲဒီ နတ်ဘုရားအဆင့် ရတနာကို ငါတို့ ရအောင် ယူရမယ်…။"</p> <p>"အဲဒါက တကယ့် နတ်ဘုရားအဆင့် ရတနာဆိုတာ သေချာလား…။"</p> <p>"ဖြစ်နိုင်ခြေ အရမ်းများပါတယ်။ တကယ်လို့ မဟုတ်ဘူးဆိုရင်တောင် အဲဒီလို လုပ်ဆောင်နိုင်စွမ်းက ငါတို့ဂိုဏ်းအတွက် အခုလက်ရှိ အရေးတကြီး လိုအပ်နေတာပဲ…။"</p> <p>"အင်မော်တယ်တိမ်တိုက်ဂိုဏ်းက အလျှော့ပေးမှာ မဟုတ်ဘူး ထင်တယ်…။"</p> <p>"ဟဲ... တကယ်လို့ သူတို့ ငြင်းရင်တော့ သူတို့ကို အမြစ်ပြတ် သုတ်သင်ပစ်လိုက်ရုံပဲပေါ့...။"</p> <p>ထိုသုံးဦး စကားပြောနေစဉ်အတွင်း လင်းဖန်တို့ အဖွဲ့မှာမူ အဝေးသို့ ရောက်ရှိသွားပြီ ဖြစ်သည်။ ပျံသန်း နေစဉ်အတွင်း လျူအန်းရှန်းမှာ ရွှမ်းမင်ဂိုဏ်းက အဘယ်ကြောင့် သူတို့ကို ပစ်မှတ်ထားသနည်းဟူသည် ကို မျက်မှောင်ကြုတ်ကာ စဉ်းစားနေမိလေသည်။</p> <p>လင်းဖန်က တစ်ဖက်လူ၏ ဇဝေဇဝါဖြစ်နေမှုကို သတိပြုမိပုံရသည်။ ထို့ကြောင့် စက်ဘီးနင်းနေရင်း နှင့်ပင် တစ်ဖက်လူ၏ သံသယကို ကူညီဖြေရှင်းပေးရန် အခွင့်အရေးကို လက်လွတ်မခံခဲ့ပေ။</p> <p>"စီနီယာ... သူတို့ ငါတို့ကို ဘာလို့ ပစ်မှတ်ထားတာလဲဆိုတာ စဉ်းစားနေတာ မဟုတ်လား…။"</p> <p>"စီနီယာ... သူတို့ ဘာလို့ ကျွန်တော်တို့ကို ပစ်မှတ်ထားသလဲဆိုတာ ကျွန်တော် အစောကြီးကတည်းက သိပြီးသားပါ...။"</p> <p>"အဖြေက ရိုးရိုးလေးပဲ... သူတို့က ဂိုဏ်းနေရာ ရွှေ့ချင်နေတာ၊ ဒါပေမဲ့ ပိုက်ဆံ မကုန်ချင်ကြဘူးလေ...။ အဲဒါကြောင့် ကျွန်တော်တို့ကို ပစ်မှတ်ထားပြီး အလကား ရအောင် ကြံစည်နေကြတာပေါ့...။"</p> <p>"ဟူး... တကယ်တော့ ဒီကိစ္စကြောင့် စီနီယာတို့ အင်မော်တယ်တိမ်တိုက်ဂိုဏ်းပါ ရန်ပွဲထဲ ပါဝင်သွားရ တာ ကျွန်တော့်ကြောင့်ပါပဲ...။"</p> <p>လင်းဖန်၏ သုံးသပ်ချက်ကို နားထောင်ပြီးနောက် လျူအန်းရှန်းက ခေါင်းယမ်းလိုက်သည်။</p> <p>"ရှောင်လင်း... အခြေအနေက အဲဒီလောက် မရိုးရှင်းဘူး...။"</p> <p>"နဝမအဆင့် ဂိုဏ်းတစ်ခုရဲ့ တည်နေရာဆိုတာ အလွန် အရေးကြီးတယ်…။ အဲဒါကို  အလွယ်တကူ ပြောင်းလဲလို့ မရဘူး။ မင်းပြောတဲ့ အကြောင်းပြချက်က ယုတ္တိမရှိဘူး။ ငါ့အထင်တော့ တစ်ဖက်လူက ငါတို့ အင်မော်တယ်တိမ်တိုက်ဂိုဏ်းကို ပစ်မှတ်ထားနေတာ ဖြစ်ဖို့ ပိုများတယ်…။"</p> <p>လျူအန်းရှန်း၏ စကားကို ကြားသောအခါ လင်းဖန်က စိတ်မချမ်းမသာ ဖြစ်သွားရသည်။</p> <p>*ဒါက ငါ့ရဲ့ သယ်ယူပို့ဆောင်ရေး လုပ်ငန်းကို အသိအမှတ် မပြုတာ မဟုတ်ဘူးလား…။*</p> <p>"စီနီယာ... အဲဒီလို မပြောပါနဲ့…။"</p> <p>"ရွှမ်းမင်ဂိုဏ်းက သူတို့ဂိုဏ်းရဲ့ အခုလက်ရှိ ဖုန်းရွှေက မကောင်းဘူးလို့ ထင်နေတာလည်း ဖြစ်နိုင်တာပဲ။ ကြည့်လေ... ဒီနေ့ သူတို့ရဲ့ အတိဒုက္ခအဆင့် ကျင့်ကြံသူ နှစ်ယောက် ဆုံးရှုံးသွားတာက ဖုန်းရွှေ မကောင်း လို့ပဲ ဖြစ်ရမယ်…။"</p> <p>လင်းဖန်၏ ဖုန်းရွှေအကြောင်း ရှင်းပြချက်က လျူအန်းရှန်းကို ဆွံ့အသွားစေသည်။</p> <p>*ရန်သူဘက်က အတိဒုက္ခအဆင့် ကျင့်ကြံသူ နှစ်ယောက် ဆုံးရှုံးသွားတာက မင်း သတ်လိုက်လို့ မဟုတ် ဘူးလား….။*</p> <p>*ဒါက ဖုန်းရွှေနဲ့ ဘာဆိုင်လို့လဲ…။*</p> <p>"ရှောင်လင်း... နဝမအဆင့် ဂိုဏ်းတွေရဲ့ အခြေစိုက်စခန်းတွေက အဆင့်မြင့် ဝိညာဉ်ကြောတွေပေါ်မှာ တည်ရှိတာလေ...။"</p> <p>"ဒီဝိညာဉ်ကြောက ဂိုဏ်းဖွံ့ဖြိုးတိုးတက်ဖို့အတွက် အခြေခံပဲ၊ အဲဒါကို ထိလို့မရဘူး...။"</p> <p>"မောင်ရင်က ဂိုဏ်းတွေကို ဘယ်လို ရွှေ့သလဲဆိုတာ ငါ မသိပေမဲ့...၊ ဒီလို အဆင့်မြင့် ဝိညာဉ်ကြောတွေ ကိုတော့ ဂိုဏ်းရုံးချုပ်တွေလို ရွှေ့လို့ မရနိုင်ဘူး...။"</p> <p>လျူအန်းရှန်း၏ ရှင်းပြချက်မှာ အလွန် ယုတ္တိရှိသော်လည်း လင်းဖန်ကမူ သူ၏ ခန့်မှန်းချက်သာ မှန်ကန် သည်ဟု ခံစားနေရဆဲပင်။</p> <p>"စီနီယာ... သူတို့ ကျွန်တော်တို့ကို ဒီလောက် တိတိကျကျ ပစ်မှတ်ထားတာက ကျွန်တော့်ရဲ့ သယ်ယူ ပို့ဆောင်ရေး စွမ်းရည်ကလွဲရင် တခြား ယုတ္တိရှိတဲ့ အကြောင်းပြချက် မရှိပါဘူး…။"</p> <p>ခဏမျှ စဉ်းစားပြီးနောက် လျူအန်းရှန်းက ပြောလိုက်လေသည်။</p> <p>"သူတို့ ဂိုဏ်းရွှေ့မယ် ဟုတ်လား...။ အဆင့်မြင့် ဝိညာဉ်ကြောကြီး ပျက်စီးသွားတာမျိုး ဒါမှမဟုတ် ပိုကောင်းတဲ့ ဝိညာဉ်ကြောတစ်ခု ရှာတွေ့တာမျိုး မဟုတ်ရင်တော့ မဖြစ်နိုင်ပါဘူး...။"</p> <p>"ဒါပေမဲ့ အဲဒါကလည်း မဖြစ်နိုင်သလောက်ပါပဲ...။"</p> <p>"ငါ့အထင်တော့ သူတို့က ငါတို့ အင်မော်တယ်တိမ်တိုက်ဂိုဏ်းကိုပဲ ကြံစည်နေတာ...။"</p> <p>"သွေးတိမ်တိုက်ဂိုဏ်းနဲ့ စစ်ပွဲအပြီးမှာ ငါတို့ အင်အား ဆုတ်ယုတ်သွားပြီလို့ သူတို့က ထင်နေကြတာ၊ အဲဒါကြောင့် ငါတို့ကို ဖိနှိပ်ချင်နေကြတာပဲ...။"</p> <p>လျူအန်းရှန်းက သူ၏ အယူအဆကိုသာ အခိုင်အမာ ဆုပ်ကိုင်ထားသဖြင့် လင်းဖန်လည်း ထပ်ပြီး မရှင်း ပြတော့ပေ။</p> <p>*သူက အပြစ်တင်ခံရဖို့တောင် ဆန္ဒရှိနေမှတော့ သူ အလိုရှိသလိုပဲ ထားလိုက်ပါတော့မယ်…။*</p> <p>သူတို့နှစ်ဦး စကားပြောနေစဉ်အတွင်းမှာပင် အင်မော်တယ်တိမ်တိုက်ဂိုဏ်း၏ နယ်မြေနှင့် နီးကပ်လာပြီ ဖြစ်၏။ လျူအန်းရှန်းသည် လမ်းပြရမည့် သူ၏ တာဝန် ပြီးဆုံးသွားပြီ ဖြစ်ကြောင်း သိလိုက်ရသဖြင့် လင်းဖန်ဘက်သို့ လှည့်ကာ ပြောလိုက်လေသည်။</p> <p>"လင်းဖန်... ငါ ဒီနေ့ ဖြစ်ပျက်ခဲ့တာတွေကို ဂိုဏ်းကို သတင်းပို့ဖို့ ပြန်သွားရမယ်။ အဲဒါကြောင့် အခုပဲ အရင် ပြန်နှင့်လိုက်တော့မယ်နော်…။"</p> <p>ထိုသို့ပြောပြီးနောက် လျူအန်းရှန်းသည် ဂိုဏ်းရှိရာဘက်သို့ အလျင်အမြန် ပျံသန်းသွားလေတော့သည်။ လင်းဖန်သည်လည်း တစ်ဖက်လူ၏ ကျောပြင်ကို ကြည့်ရင်း သူ ရွေးချယ်ထားသော တည်နေရာဆီသို့ တိုက်ရိုက် ပျံသန်းသွားခဲ့လေသည်။</p> <p>ခဏအကြာတွင် မြေပြင်မှ မြည်ဟီးသံကြီးတစ်ခု ထွက်ပေါ်လာခဲ့သည်။ လင်းဖန်သည် ချင်းယွင်ဂိုဏ်း ဌာနချုပ်ကို အောင်မြင်စွာ နေရာချလိုက်ပြီပင် ဖြစ်၏။</p> <p>ချင်းယွင်ဂိုဏ်း၏ ကိစ္စများ ပြီးဆုံးပြီးနောက် လင်းဖန်သည် အချိန်မဆွဲတော့ဘဲ ခရမ်းရွှေနတ်နဂါးအစီ အရင်ကို ရုပ်သိမ်းကာ လီလဲ့ယန်နှင့်အတူ အရှေ့ဘက်ဒေသသို့ တယ်လီပို့ဖြင့် ပြန်သွားခဲ့လေသည်။</p> <p>ဘာပဲဖြစ်ဖြစ် ချင်းယွင်ဂိုဏ်းအပြင် အခြား ဂိုဏ်းနှစ်ဂိုဏ်းနှင့် ဈေးမြို့တော် တစ်ခုလည်း ကျန်သေး သည် မဟုတ်ပါလား။</p> <p>ဤကိစ္စမှာ လင်းဖန်အတွက် အနည်းငယ် စိတ်ပျက်စရာ ကောင်းလှသည်။ ဤကိရိယာတွင် တယ်လီပို့ လုပ်ဆောင်ချက် ပါဝင်သော်လည်း ဂိုဏ်းများကို တစ်ခုချင်းစီသာ ရွှေ့နိုင်ခြင်း ဖြစ်လေသည်။</p> <p>ကံကောင်းသည်မှာ တယ်လီပို့ ပါဝင်သလို သုံးဘီးစက်ဘီးကလည်း မြန်ဆန်သဖြင့် အချိန်အများကြီး မကုန်ခဲ့ခြင်း ဖြစ်၏။ကံကောင်းထောက်မစွာဖြင့် တယ်လီပို့လုပ်ဆောင်ချက် ရှိနေပြီး သုံးဘီးစက်ဘီး မှာလည်း အချိန်အများအပြား မကုန်ရလောက်အောင် မြန်ဆန်လှသည်။</p> <p>အရှေ့ဘက်ဒေသရှိ ထျန်းဟော်ဂိုဏ်းသို့ ရောက်ရှိပြီးနောက် လင်းဖန်သည် ယခင်နည်းလမ်းအတိုင်းပင် ထပ်မံ အသုံးပြုခဲ့လေသည်။ ခရမ်းရွှေနတ်နဂါးထီးသည် ထျန်းဟော်ဂိုဏ်းတစ်ခုလုံးကို ဦးစွာ လွှမ်းခြုံ လိုက်လေသည်။ ထို့နောက် လာလာရွှေ့ကို အသက်သွင်းကာ ထျန်းဟော်ဂိုဏ်းတစ်ခုလုံးကို အမြစ်ပါ မကျန် ဆွဲနှုတ်ယူလိုက်လေတော့သည်။</p> <p>ယခင်အကြိမ်က လျူအန်းရှန်း လမ်းပြခဲ့သည့်အတွက် လင်းဖန်သည် လမ်းကြောင်းကို မှတ်မိနေပြီ ဖြစ်သည်။ ထို့ကြောင့် ကျုံးကျိုးသို့ ရောက်ရှိပြီးနောက် သူသည် လမ်းကြောင်းကို ကျွမ်းကျင်စွာဖြင့် လျင်မြန်စွာ မောင်းနှင်သွားနိုင်ခဲ့လေတော့သည်။</p> <p> </p> <p> </p> <p style="text-align: center;">***</p>


Save