Book List

<h2 style="text-align: center;">အခန်း (၁၆၆)</h2> <h2 style="text-align: center;">အတိဒုက္ခအဆင့် အထွတ်အထိပ်က ဒီလောက်တောင် အစွမ်းထက်နေလို့လား</h2> <h2 style="text-align: center;">*</h2> <p> </p> <p> </p> <p>ယခုတစ်ကြိမ်တွင်လည်း ရွှေဓားဂိုဏ်းနှင့် ရွှမ်းမင်ဂိုဏ်းတို့ရှိရာ နယ်မြေများကို ဖြတ်ကျော်ရဦးမည် ဖြစ်သည်။ လမ်းကြောင်းအသစ်မှ သွားပါက နောက်တစ်ကြိမ် လမ်းပြန်ပျောက်မည်ကို လင်းဖန် စိုးရိမ် နေမိလေသည်။</p> <p> </p> <p>မကြာမီမှာပင် ထျန်းဟော်ဂိုဏ်းကို ကို တင်ဆောင်ထားသော သုံးဘီးစက်ဘီးသည် ရွှမ်းမင်ဂိုဏ်းအနီးသို့ တစ်ဖန် ချဉ်းကပ်လာခဲ့ပြန်လေသည်။ သို့သော် လင်းဖန်သည် ယခင်အတိုင်း လမ်းလွှဲရန် ပြင်လိုက်စဉ် မှာပင်...။</p> <p>အတိဒုက္ခအဆင့် အထွတ်အထိပ်မှာရှိတဲ့ အစောင့်အရှောက်ရုပ်သေးသည် လင်းဖန်၏ ဘေးနားတွင် ရုတ်တရက် ပေါ်လာခဲ့လေသည်။ ဤအခြေအနေကို မြင်သည်နှင့် လင်းဖန်သည် သူ့ကို ခြိမ်းခြောက်နိုင် သော အန္တရာယ်တစ်ခုနှင့် ရင်ဆိုင်နေရပြီဆိုသည်ကို သိလိုက်လေ၏။</p> <p>ထိုအန္တရာယ်၏ အရင်းအမြစ်မှာ အခြားမဟုတ်ဘဲ ရွှမ်းမင်ဂိုဏ်းပင် ဖြစ်ရပေမည်။</p> <p>မျှော်လင့်ထားသည့်အတိုင်းပင် အစောင့်အရှောက်ရုပ်သေး ပေါ်လာပြီးနောက် ကျင့်ကြံသူ သုံးဦးသည် လင်းဖန်၏ အမြင်အာရုံထဲသို့ ပျံသန်းဝင်ရောက်လာခဲ့ကြလေသည်။</p> <p>"ဟဲဟဲ... ငါက နောက်မှ အင်မော်တယ်တိမ်တိုက်ဂိုဏ်းဆီသွားပြီး လူတောင်းမလို့ ကြံနေတာ၊ အခုတော့ မင်းတို့ကိုယ်တိုင် ငါတို့ခြေရင်းကို လာပို့တာပဲ...။"</p> <p>လူမရောက်လာသေးမီမှာပင် အသံက လင်းဖန်၏ နားထဲသို့ အရင်ရောက်နှင့်နေခဲ့ပြီ ဖြစ်သည်။ အရှိန် အဟုန်နဲ့ ချဉ်းကပ်လာသော ထိုသုံးဦးကို ကြည့်ပြီး လင်းဖန်က သူ့စိတ်ထဲ၌ ထင့်နေသော မေးခွန်းကို မေးလိုက်လေတော့သည်။</p> <p>"ကျွန်တော် တော်တော်လေး ဇဝေဇဝါ ဖြစ်နေလို့ပါ။ ခင်ဗျားတို့ ကျွန်တော့်ကို ပစ်မှတ်ထားရတဲ့ တကယ့် အကြောင်းရင်းက ဘာလဲ…။ အင်မော်တယ်တိမ်တိုက်ဂိုဏ်းကြောင့်လား….။ ဒါမှမဟုတ် ကျွန်တော့်ရဲ့ နေရာရွှေ့ပြောင်းရေး လုပ်ငန်းကြောင့်လား….။"</p> <p>ထိုအချိန်တွင် ထိုသုံးဦးမှာ လင်းဖန်၏ ရှေ့သို့ ရောက်ရှိလာကြပြီ ဖြစ်သည်။ လင်းဖန်၏ မေးခွန်းကို ကြားသောအခါ သူတို့က လှောင်ပြောင်သရော်ရင်း အော်ဟစ်ရယ်မောလိုက်ကြ၏။</p> <p>"ဟားဟား... မင်းက သေခါနီး လူတစ်ယောက် ဖြစ်နေတာတောင် သိချင်တာတွေ များလှချည်လား...။"</p> <p>"ပြောပြလိုက်တာလည်း ဘာမှတော့မဖြစ်ပါဘူး၊ မင်း သေသွားရင်တောင် ဘာကြောင့်သေရမှန်း သိသွားရတာပေါ့...။"</p> <p>"ငါတို့က ဂိုဏ်းတွေကို ရွှေ့ပေးနိုင်တဲ့ မင်းရဲ့ နတ်ဘုရားအဆင့် ရတနာကိုလည်း လိုချင်တယ်၊ အင်မော် တယ်တိမ်တိုက်ဂိုဏ်းရဲ့ နယ်မြေကိုလည်း လိုချင်တယ်...။"</p> <p>"ကဲ... အခုတော့ သွားဖို့ ပြင်ပေတော့...။"</p> <p>ထိုသို့ပြောပြီးနောက် အတိဒုက္ခအဆင့် ကျင့်ကြံသူတစ်ဦးက လင်းဖန်ကို တိုက်ရိုက် တိုက်ခိုက်လိုက် လေတော့သည်။</p> <p>ကျန်နှစ်ဦးမှာမူ အရိပ်ထဲတွင် တစ်စုံတစ်ယောက် ပုန်းအောင်းနေမလားဟု ပတ်ဝန်းကျင်ကို အကဲခတ် နေခဲ့ကြသည်။ အကြောင်းမှာ ရှေ့ကလူများက သူတို့၏ ပထမအဆင့် အတိဒုက္ခ အကြီးအကဲ နှစ်ဦးကို သတ်နိုင်လိမ့်မည်ဟု သူတို့ မယုံကြည်သောကြောင့်ပင် ဖြစ်၏။</p> <p>လင်းဖန်၏ ဘေးနားက အစောင့်အရှောက်ရုပ်သေးကိုမူ သူတို့ လျစ်လျူရှုထားကြလေသည်။ ထို ရုပ်သေးမလေးကို သာမန် အစေခံ မိန်းကလေးတစ်ဦးဟုသာ သူတို့ ထင်မှတ်နေကြခြင်း ဖြစ်၏။</p> <p>ထို့အပြင် ရုပ်သေးမှာ မည်သည့် စွမ်းအားလှိုင်းကိုမျှ ထုတ်မပြထားသဖြင့် သူတို့အတွက် အန္တရာယ်ရှိ သည်ဟု မခံစားရပေ။</p> <p>အဖြေကို ရရှိသွားပြီ ဖြစ်ရာ လင်းဖန်သည် သူတို့နှင့် စကားပြောကာ အချိန်မဖြုန်းချင်တော့ပေ။ သူ သည် ခရီးဆက်ရန် အလျင်လိုနေပြီး ဂိုဏ်းရွှေ့သည့် အလုပ်ကို အမြန်ဆုံး အဆုံးသတ်ချင်နေခဲ့သည်။ ထို့နောက် သူသည် ဘေးက ရုပ်သေးကို လှည့်၍ အမိန့်ပေးလိုက်လေတော့၏။</p> <p>"စလိုက်တော့...။"</p> <p>အမိန့်ကို ရလိုက်တာနှင့် အစောင့်အရှောက်ရုပ်သေးသည် ချက်ချင်း လှုပ်ရှားလေတော့၏။ ပထမဦးဆုံး အနေဖြင့် ထိုကျင့်ကြံသူ၏ တိုက်ခိုက်မှုကို လက်ဝါးတစ်ချက်တည်းနဲ့ ဖျက်ဆီးပစ်လိုက်ပြီး ပြန်လည် တိုက်ခိုက်ခဲ့လေသည်။</p> <p>သို့ပေမဲ့ လင်းဖန် အံ့သြသွားရသည်က အစောင့်အရှောက်ရုပ်သေးသည် ဤတစ်ကြိမ်မှာတော့ ထိုလူသုံးဦးကို ချက်ချင်း အသေသတ်နိုင်ခြင်း မရှိခြင်းပင်။</p> <p>ဤသည်မှာ ထိုသုံးဦး၏ ကျင့်ကြံမှု အဆင့်မှာ မနိမ့်လှကြောင်း ပြသနေသည်။ ထို့အပြင် လင်းဖန်သည် ပိုက်ဆံကုန်မည်စိုးသဖြင့် ရုပ်သေးအတွက် မည်သည့် မှော်ရတနာနှင့် မှော်အတတ်ကိုမျှ စီစဉ်မထားခဲ့မိ ခြင်းမှာလည်း သူ၏ အမှားပင် ဖြစ်လေသည်။</p> <p>ဤသည်မှာ လက်နက်မဲ့နေသော အစောင့်အရှောက်ရုပ်သေး အနေဖြင့် ပြိုင်ဘက်များကို ဖိနှိပ်ရန် သူမ ၏ ကျင့်ကြံမှု စွမ်းအားတစ်ခုတည်းကိုသာ အားကိုးနေရခြင်း ဖြစ်လေသည်။</p> <p>ဤသည်ကိုမှ မကြာခင်မှာပင် ထိုသုံးဦးစလုံးသည် ရုပ်သေး၏ တိုက်ခိုက်မှုကြောင့် ဒဏ်ရာတွေ ရလာ ခဲ့ကြလေသည်။ သူတို့၏  အတိဒုက္ခအဆင့် ကျင့်ကြံသူတွေ၏ ဝိညာဉ်တွေသည်လည်း မကြာခင်မှာ ဤနေရာရှိ မြေကြီးထဲကို ထပ်ပြီး ရောက်သွားတော့မယ်ဟု ယုံကြည်ရပေသည်။</p> <p>သူတို့၏ မှော်လက်နက်များ အားလုံးကို ပေါင်းပြီး ခုခံနေကြသော်လည်း ရုပ်သေး၏ တိုက်ခိုက်မှုကို မယှဉ်နိုင်သောကြောင့် သူတို့ ချက်ချင်းပဲ ထွက်ပြေးဖို့ ကြံစည်ကြလေတော့သည်။</p> <p>"သူက... သူက အတိဒုက္ခအဆင့် အထွတ်အထိပ်မှာ ရှိနေတာပဲ...။ ဆုတ်ကြစို့...။"</p> <p>ဦးဆောင်လာသော သတ္တမအဆင့် အတိဒုက္ခ ကျင့်ကြံသူသည် ကျန်ရှိသော ဆဌမအဆင့် အတိဒုက္ခ ကျင့်ကြံသူ နှစ်ဦးကို ခေါ်ကာ သူတို့ဂိုဏ်းရှိရာဘက်သို့ အလျင်အမြန် ထွက်ပြေးကြလေတော့သည်။</p> <p>လွင့်ထွက်တော့မည့် သိုလှောင်လက်စွပ် သုံးကွင်းကို မြင်သောအခါ လင်းဖန်က မည်သို့ အလွတ်ပေး နိုင်ပါမည်နည်း။ ချက်ချင်းပင် သူသည် သုံးဘီးစက်ဘီးကို နင်းကာ အစောင့်အရှောက်ရုပ်သေးနှင့်အတူ ထိုသူများနောက်သို့ လိုက်လေတော့သည်။</p> <p>ပြောရလျှင် တစ်ဖက်လူ၏ ထွက်ပြေးနှုန်းမှာ အတော်လေး မြန်လှသည်။ လင်းဖန်မှာ ထျန်းဟော်ဂိုဏ်း ၏ နယ်မြေကြီးကို ဆွဲထားရသဖြင့် လေးလံနေသော သုံးဘီးစက်ဘီးမှာ တစ်ဖက်လူကို အမီမလိုက်နိုင် ခဲ့ချေ။</p> <p>အစောင့်အရှောက်ရုပ်သေးမှာမူ အမီလိုက်နိုင်သော်လည်း လင်းဖန်နှင့် အဝေးကြီး မခွာနိုင်သဖြင့် လိုက် မရ ဖြစ်နေရလေသည်။</p> <p>သိုလှောင်လက်စွပ် သုံးကွင်းက သူ့လက်ထဲက လွတ်တော့မလို ဖြစ်နေသည်ကို မြင်ပြီး လင်းဖန် တော် တော်လေး ဒေါသထွက်သွားလေတော့သည်။ ထို့ကြောင့် သူသည် တစ်ဖက်ဂိုဏ်းရှိရာသို့ တိုက်ရိုက် ချီတက်ရန် ဆုံးဖြတ်လိုက်လေတော့၏။</p> <p>သို့သော် လင်းဖန် အံ့အားသင့်သွားရသည်မှာ...၊ သူသည် ရွှမ်းမင်ဂိုဏ်းချုပ်ရုံးသို့ ရောက်ရှိသွားသည့် အခါ ယခင် ထွက်ပြေးသွားသော သူသုံးဦးမှာ ဂိုဏ်းဝင်ပေါက်တွင် ကြိုတင် စောင့်ဆိုင်းနေကြခြင်း ဖြစ်သည်။</p> <p>သူတို့၏ နောက်ကွယ်တွင် လင်းဖန်တို့အဖွဲ့ကို အံ့အားသင့်စွာ ကြည့်နေကြသော အခြား ကျင့်ကြံသူ နှစ်ဦးလည်း ရှိနေသေးသည်။</p> <p>"ကောင်လေး... ငါက မင်းနောက်ကို လိုက်မလို့ပဲ။ မင်းက ငါ့ဆီကို ကိုယ်တိုင် အရောက်လာလိမ့်မယ်လို့ မထင်ထားဘူး"</p> <p>"ဟီးဟီး... အတိဒုက္ခအဆင့် အထွတ်အထိပ်က ဒီလောက်တောင် အစွမ်းထက်နေလို့လား…။"</p> <p>"ငါတို့ နှစ်ယောက်စလုံးကို တစ်ပြိုင်တည်း ရင်ဆိုင်နိုင်မလားဆိုတာ ကြည့်ရသေးတာပေါ့…။"</p> <p>ပြောပြောဆိုဆိုနှင့်ပင် အသစ်ထွက်လာသော ကျင့်ကြံသူ နှစ်ဦးမှာ လင်းဖန်တို့ဆီသို့ တိုက်ရိုက် ပြေးဝင် လာကြလေသည်။ သူတို့ထံမှ ထွက်ပေါ်နေသော အစွမ်းထက်လှသည့် အရှိန်အဝါအရ ထိုသူနှစ်ဦးမှာ သေချာပေါက် အတိဒုက္ခအဆင့် အထွတ်အထိပ် ကျင့်ကြံသူများ ဖြစ်ကြလေသည်။</p> <p>အတိဒုက္ခအဆင့် အထွတ်အထိပ် ဆိုသည်မှာ ကောင်းကင်အတိဒုက္ခ ရှစ်ကြိမ်တိုင်တိုင် ကျော်ဖြတ်ထား သော ကျင့်ကြံသူကို ဆိုလိုခြင်း ဖြစ်သည်။ အဘယ်ကြောင့်ဆိုသော် ကိုးကြိမ်မြောက် အတိဒုက္ခကို ကျော်ဖြတ်ပြီးပါက အင်မော်တယ်ဘုံသို့ တက်လှမ်းသွားပြီ ဖြစ်ရာ အတိဒုက္ခအဆင့်တွင် မရှိတော့ သောကြောင့် ဖြစ်လေ၏။</p> <p>လင်းဖန်၏ အစောင့်အရှောက်ရုပ်သေးမှာလည်း အတိဒုက္ခ ရှစ်ကြိမ် ကျော်ဖြတ်ထားသူ ဖြစ်သည်။ သို့သော် ရွှမ်းမင်ဂိုဏ်း၏ အင်အားမှာ လင်းဖန်ကို အတော်လေး အံ့အားသင့်သွားစေသည်။ သူသည် အတိဒုက္ခအဆင့် ကျင့်ကြံသူ နှစ်ဦးကို သတ်ခဲ့ပြီးပြီ ဖြစ်သော်လည်း၊ ယခု သူ၏ ရှေ့တွင် နောက်ထပ် အတိဒုက္ခအဆင့် ကျင့်ကြံသူ ငါးဦး ရှိနေပြန်သည်မဟုတ်ပါလား။</p> <p>ထို့အပြင် သူတို့ထဲမှ နှစ်ဦးမှာ ဘေးဒုက္ခ ရှစ်ကြိမ် ကျော်ဖြတ်ထားသော အထွတ်အထိပ် အဆင့်များ ဖြစ်ကြလေသည်။ ဤအင်အားစုမှာ နဝမအဆင့်ရှိသော သုန်ယွဲ့အင်ပါယာထက်ပင် ပိုမို အစွမ်းထက် နေသည်ပင်။</p> <p>သေချာပေါက်ပင် သုန်ယွဲ့အင်ပါယာတွင် အပြင်ပန်း၌ အတိဒုက္ခအဆင့် ငါးဦးထက်မက ရှိနိုင်သလို၊ လျှို့ဝှက်ထားသော အင်အားများလည်း ရှိနေနိုင်ပေသည်။ သို့သော် ရွှမ်းမင်ဂိုဏ်းတွင်လည်း ယခု မြင်တွေ့ရသည်ထက်မက ရှိနေမည်မှာ အသေအချာပင်။</p> <p> ယခင် သူသတ်ခဲ့သည်မှာ ပထမအဆင့် အတိဒုက္ခ ကျင့်ကြံသူများ ဖြစ်ပြီး၊ ယခု ရှေ့တွင် ရှိနေသည်မှာ ဆဌမ၊ သတ္တမနှင့် အဋ္ဌမအဆင့် ကျင့်ကြံသူများ ဖြစ်၏။ ဒုတိယ၊ တတိယ၊ စတုတ္ထနှင့် ပဉ္စမအဆင့် ကျင့်ကြံသူများလည်း ကြားထဲတွင် ရှိနေဦးမည်ဟု သူ ခန့်မှန်းမိလေသည်။</p> <p>ဘာပဲဖြစ်ဖြစ် ဤကဲ့သို့ နဝမအဆင့် ဂိုဏ်းကြီးတစ်ခုမှာ အင်အား ကွာဟချက် ရှိနေလိမ့်မည် မဟုတ် ပါချေ။</p> <p>လင်းဖန် တွေးတောနေစဉ်မှာပင် အစောင့်အရှောက်ရုပ်သေးသည် အထွတ်အထိပ် ကျင့်ကြံသူ နှစ်ဦးနှင့် စတင် တိုက်ခိုက်နေပြီ ဖြစ်သည်။ မှော်လက်နက်နှင့် မှော်အတတ်များ မရှိသဖြင့် အစောင့်အရှောက်ရုပ် သေးမှာ ချက်ချင်းပင် အသာစီး မရနိုင် ဖြစ်နေခဲ့ရလေသည်။</p> <p>၎င်းကို မြင်သောအခါ လင်းဖန်သည် ကိုယ့်နဖူးကိုယ်ရိုက်ကာ ဘယ်လောက်တောင် အချည်းနှီး ဖြစ်ခဲ့ သလဲဟု တွေးမိသွားလေသည်။</p> <p>မိမိ၏ ခရမ်းရွှေ နတ်နဂါးဓားကို အစောင့်အရှောက်ရုပ်သေးအား အဘယ်ကြောင့် ပေးမသုံးမိသနည်း။ သို့သော် လင်းဖန် ထိုသို့ တွေးလိုက်သည့် ခဏမှာပင် စနစ်က အသိပေးချက် တစ်ခု ထုတ်ပြန်လိုက် လေသည်။</p> <p>[ပိုင်ရှင်... ခရမ်းရွှေနတ်နဂါးဓားလို ပစ္စည်းမျိုးတွေကို ပိုင်ရှင်ကိုယ်တိုင်ပဲ သုံးလို့ရပါတယ်။ ပိုင်ရှင်ရဲ့ အစောင့်အရှောက်ရုပ်သေးတွေတောင် သုံးလို့ မရပါဘူး…။]</p> <p>ဤသည်ကို ကြားတော့ လင်းဖန် စိတ်ပူသွားလေတော့သည်။</p> <p>"ဒုက္ခပါပဲ... ဒါက ငါ့ကို မှော်လက်နက်တွေ ထပ်ငှားခိုင်းဖို့ မင်း အသစ်ထည့်လိုက်တဲ့ စည်းကမ်းလား။ မင်း... အသုံးမကျတဲ့ကောင်…။"</p> <p>"ဒါဆို ငါ့ရဲ့ ထုတ်လုပ်ရေးအဖွဲ့ ဆေးမီးဖိုကို တခြားလူတွေက ဆေးသန့်စင်ဖို့နဲ့ လက်နက်လုပ်ဖို့ သုံးလို့ ရနေတာကျတော့ရော…။"</p> <p>[ပိုင်ရှင်... အဲဒါတွေက ဆေးမီးဖိုရဲ့ ကိုယ်ပွားတွေပဲ ဖြစ်ပါတယ်...။ ကိုယ်ပွားတွေ ဖြစ်နေတာတောင် အဲဒါတွေကို တကယ့်ကို အသုံးဝင်တယ်လို့ ပြောလို့ မရပါဘူး...။]</p> <p>[သူတို့က ကုန်ကြမ်းတွေကို ဆေးမီးဖိုထဲ ထည့်ပေးရုံပဲလေ။ ဆေးမီးဖိုကပဲ ဆေးဖော်တာနဲ့ လက်နက် လုပ်တာတွေကို သူ့ဘာသာသူ လုပ်သွားတာပါ။ သူတို့က တကယ် သုံးနေတာ မဟုတ်ပါဘူး…။]</p> <p>[ပိုင်ရှင်ရဲ့ စကားနဲ့ ပြောရမယ်ဆိုရင် သူတို့က တကယ့်ကို ကိရိယာတွေပဲ ဖြစ်ပါတယ်…။]</p> <p>ထိုရှင်းပြချက်ကို ကြားသောအခါ လင်းဖန် ဆွံ့အသွားလေတော့သည်။ တစ်ခုခုတော့ မှားနေသလို ခံစား နေရသော်လည်း ပြန်ပြီး ချေပဖို့လည်း အချက်အလက် ရှာမတွေ့သေးချေ။ ရှေ့မှ အစောင့်အရှောက် ရုပ်သေး အရေးနိမ့်နေတာကို မြင်တော့ လင်းဖန်မှာ သူ့ကို ယာယီ ပြန်သိမ်းလိုက်ရန်ကလွဲ၍ တခြား ရွေးချယ်စရာ မရှိတော့ချေ။</p> <p>တစ်ချိန်တည်းမှာပဲ အစောင့်အရှောက်ရုပ်သေးအတွက် အဆင့်မြင့် မှော်လက်နက်တစ်ခု လုပ်ပေးဖို့ကို လည်း သူ စတင် စဉ်းစားလိုက်လေသည်။</p> <p>ရွှမ်းမင်ဂိုဏ်းမှ အထွတ်အထိပ် ကျင့်ကြံသူ နှစ်ဦးမှာ သူတို့၏ ပြိုင်ဘက် ရုတ်တရက် ပျောက်ကွယ်သွား သည်ကို မြင်သောအခါ ကြောင်သွားကြ၏။ ပတ်ဝန်းကျင်ကို ရှာဖွေကြည့်သော်လည်း အရိပ်အယောင် ပင် မတွေ့ရသဖြင့် သူတို့၏ အကြည့်ကို လင်းဖန်ဆီသို့ လှည့်လိုက်ကြလေသည်။</p> <p>"ကောင်လေး...၊ မင်းတော့ အစွန့်ပစ်ခံလိုက်ရပြီ ထင်တယ်...။"</p> <p>တစ်ဖက်လူ၏ လှောင်ပြောင်သော အကြည့်ကို မြင်သော်လည်း လင်းဖန်မှာ လုံးဝ တည်ငြိမ်နေဆဲ ဖြစ်သည်။ သူသည် ခရမ်းရွှေ နတ်နဂါး အစီအရင်၏ အတိုင်းအတာအတွင်းမှာ ရှိနေသည် မဟုတ်ပါ လား။</p> <p>အဆိုးဆုံး ဖြစ်လာလျှင်ပင် အစီအရင်က မကာကွယ်နိုင်တော့ပါက သူ မြင့်မြတ်ရာနယ်မြေထဲ ဝင်ပုန်း လိုက်ရုံသာ ဖြစ်ပြီး၊ ထျန်းဟော်ဂိုဏ်း၏ အခြေစိုက်စခန်းသာ ပျက်စီးသွားပေလိမ့်မည်။</p> <p>ထို့အပြင် ခရမ်းရွှေ နတ်နဂါးထီး၏ မူလပုံစံမှာ ခုခံရေးအတွက် အသုံးပြုသော ထီးပုံစံ မှော်ရတနာ ဖြစ်သည်။ ၎င်း၏ ခုခံနိုင်စွမ်းမှာ တိုက်စစ်ထက် အဆပေါင်းများစွာ သာလွန်လှသည်။ သူ မဟာယာန အဆင့်သို့ အဆင့်မြှင့်ထားသော ခရမ်းရွှေ နတ်နဂါးထီးသည် ပြိုင်ဘက်ကို ခုခံနိုင်စွမ်း ရှိနေဆဲ ဖြစ်ရ ပေမည်။</p> <p>မိမိကိုယ်ကိုယ် ယုံကြည်မှု ရှိနေသဖြင့် လင်းဖန်သည် ချက်ချင်းပင် စကားပြန်ပြောလိုက်တော့သည်။</p> <p>"ဟဲ... အတိဒုက္ခအဆင့် အထွတ်အထိပ် ကျင့်ကြံသူ ဟုတ်လား….။ အဲဒါက ဒီလောက်တောင် အစွမ်း ထက်နေလို့လား….။"</p> <p> </p> <p> </p> <p style="text-align: center;">***</p>


Save