Book List

<h2 style="text-align: center;">အခန်း (၁၆၇) </h2> <h2 style="text-align: center;">ဂိုဏ်းစောင့်အစီအရင်က အပိုပြထားတာလား...</h2> <h2 style="text-align: center;">*</h2> <p> </p> <p> </p> <p>"ခဏနေရင် ငါ တစ်ယောက်တည်းနဲ့ မင်းတို့အားလုံးကို ဘယ်လို အသေသတ်မလဲဆိုတာ စောင့်ကြည့် နေလိုက်…။ ဒါပေမဲ့ အဲဒီမတိုင်ခင်မှာ မင်းတို့ဆီကနေ အတိုးလေး အရင်ယူရဦးမယ်…။"</p> <p>ပြောပြီးသည်နှင့် လင်းဖန်သည် သုံးဘီးစက်ဘီးကို နင်းကာ ရွှမ်းမင်ဂိုဏ်းဌာနချုပ်ရှိရာသို့ ဆက်လက် ဦးတည်မောင်းနှင်သွားလေသည်။</p> <p>၎င်းကို မြင်သောအခါ တစ်ဖက်မှ အတိဒုက္ခအဆင့် အထွတ်အထိပ် ကျင့်ကြံသူနှစ်ဦးက ချက်ချင်းပင် ဝင်ရောက် တားဆီးကြတော့သည်။ သို့သော် သူတို့၏ တိုက်ခိုက်မှုများမှာ မည်မျှပင် ထက်မြက်ပါစေ...။</p> <p>လင်းဖန်၏ ခရမ်းရွှေ နတ်နဂါး အစီအရင်ကို ထိမှန်သည့်အခါ ရေပြင်ပေါ်တွင် လှိုင်းတွန့်ကလေးများ ဖြစ်ပေါ်ရုံမျှသာ တတ်နိုင်ကြသည်။ ဤကြောက်မက်ဖွယ်ကောင်းလှသော ခုခံနိုင်စွမ်းမှာ ထိုသူနှစ်ဦးကို အံ့အားသင့်လွန်းသဖြင့် ဆွံ့အသွားစေတော့သည်။</p> <p>ဤသည်မှာ လင်းဖန်ကို လုံးဝ စိတ်အေးသွားစေတော့သည်။</p> <p>"ဟဲဟဲဟဲ... ဆက်လုပ်လေ... ဘာလို့ ရပ်လိုက်တာလဲ...။ ဒီလောက် တိုက်ခိုက်မှုလေးက ငါ့အတွက်တော့ ယားတောင် မယားဘူး...။ ဒါက အတိဒုက္ခအဆင့် အထွတ်အထိပ် ကျင့်ကြံသူရဲ့ စွမ်းအားလား...။"</p> <p>လင်းဖန်က လှောင်ပြောင်ရင်းနှင့်ပင် သုံးဘီးစက်ဘီးကို တစ်ဖက်ဂိုဏ်း၏ အစီအရင်ထဲသို့ မောင်းဝင် လိုက်လေတော့သည်။</p> <p>"မင်းက ငါတို့ဂိုဏ်းရဲ့ အကာအကွယ်အစီအရင်ကို အတင်းဝင်ရဲတယ်ပေါ့... မင်း တကယ့်ကို သတ္တိ ရှိတာပဲ...။"</p> <p>"ဒါကတော့ တကယ့်ကို မဟာမောက်မာမှုပဲ...။ ငါတို့ ရွှမ်းမင်ဂိုဏ်းရဲ့ အစီအရင်က အလှပြသက်သက် ပဲထားတာလို့ မင်း ထင်နေတာလား...။"</p> <p>သို့သော် သူတို့ စကားမဆုံးသေးမီမှာပင်...</p> <p>လင်းဖန်သည် သူ၏ သုံးဘီးဆိုင်ကယ်ကို လူသူမရှိသော ကွင်းပြင်ထဲ မောင်းဝင်သွားသကဲ့သို့ ရွှမ်းမင် ဂိုဏ်းအတွင်းသို့ အေးအေးဆေးဆေးပင် မောင်းဝင်သွားလေတော့သည်။</p> <p>ဂိုဏ်းစောင့်အစီအရင်မှာမူ မည်သည့် တုံ့ပြန်မှုမှ မပြဘဲ ငြိမ်သက်နေဆဲ ဖြစ်၏။ ဤအံ့ဖွယ် မြင်ကွင်း ကြောင့် ရွှမ်းမင်ဂိုဏ်းမှ အတိဒုက္ခအဆင့် ကျင့်ကြံသူများမှာ လုံးဝ ကြောင်အမ်းသွားကြတော့ သည်။ သူတို့သည် လင်းဖန်နောက်သို့ လိုက်ရန်ပင် မေ့လျော့သွားကြကုန်၏။</p> <p>ဤအခွင့်အရေးကို အသုံးချကာ လင်းဖန်သည် ရန်သူ့ဂိုဏ်းနယ်မြေအတွင်း စိတ်ကြိုက် သောင်းကျန်း လေတော့သည်။ အဆောက်အဦးများစွာကို ဖျက်ဆီးပြီးနောက်မှသာ သူ မောင်းထွက်ခဲ့သည်။ သူက ဆက်ပြီး ဒုက္ခပေးချင်သော်လည်း စနစ်က ရုတ်တရက် သတိပေးချက် ထုတ်ပြန်လာသောကြောင့် ဖြစ်သည်။</p> <p>ရွှမ်းမင်ဂိုဏ်း၏ အနက်ရှိုင်းဆုံးနေရာတွင် လင်းဖန်ကို ခြိမ်းခြောက်နိုင်သည့် အရာတစ်ခု ရှိနေကြောင်း စနစ်က ပြောလာခြင်း ဖြစ်သည်။</p> <p>"အင်မော်တယ်တိမ်တိုက်ဂိုဏ်းကတော့ တော်တော်လေး ကောင်းနေကြတာပဲ...။"</p> <p>"ငါက မင်းတို့ကို နောက်မှ ရှင်းမလို့ ကြံထားတာ၊ အခုတော့ မင်းတို့ကိုယ်တိုင် သေတွင်းထဲ တိုးလာမှ တော့ စောစောစီးစီး သေလမ်းပို့ပေးရတာပေါ့...။"</p> <p>ထွက်ခွာသွားသော လင်းဖန်ကို ကြည့်ရင်း ရွှမ်းမင်ဂိုဏ်းသားများမှာ မကျေမနပ် အော်ဟစ်နေရုံမှတစ်ပါး ဘာမျှ မတတ်နိုင်ကြပေ။</p> <p>ရွှမ်းမင်ဂိုဏ်းမှ ထွက်လာပြီးနောက် လင်းဖန်သည် စနစ်နှင့် စတင် စကားပြောတော့သည်။</p> <p>"မင်းကတော့ အသုံးမကျတဲ့ဟာပဲ... ငါ့ကို နောက်နေတာလား...။ အဋ္ဌမအဆင့် အတိဒုက္ခ ကျင့်ကြံသူ တောင် ငါ့ကို ဘာမှမလုပ်နိုင်တာ၊ ဘာက ငါ့ကို ခြိမ်းခြောက်နိုင်မှာလဲ...။"</p> <p>"မင်းက ငါ့ကို ပိုက်ဆံထပ်ကုန်အောင် အန္တရာယ်ရှိတယ်ဆိုပြီး ညာနေတာ မဟုတ်လား...။"</p> <p>ထိုစကားများကို ကြားသောအခါ စနစ်မှာ ဆွံ့အသွားရလေသည်။</p> <p>[ငါ့ရဲ့ စေတနာတွေ အလကား ဖြစ်ကုန်ပြီပဲ။ မင်း မထင်မှတ်ထားတဲ့ အန္တရာယ်နဲ့ တွေ့ပြီး အစောင့် အရှောက်ရုပ်သေးကို ကိုယ်တိုင်ပေါက်ကွဲစေမယ့် အဖြစ်မျိုး ကြုံမှာစိုးလို့ ငါက သတိပေးရတာပါ။]</p> <p>[မင်းက မဟာယာနအဆင့် အစောပိုင်းပဲ ရှိသေးတာဆိုတာကို မမေ့ပါနဲ့။ ဒီထျန်းယွမ်တိုက်ကြီးပေါ်မှာ မင်းက အနိုင်မရနိုင်တဲ့သူလို့ တကယ် ထင်နေတာလား…။]</p> <p>အစောင့်အရှောက်ရုပ်သေး၏ ဘေးကင်းရေးအတွက် စနစ်က သတိပေးနေခြင်း ဖြစ်ကြောင်း ကြားလိုက်ရသောအခါ လင်းဖန်မှာ ဆွံ့အသွားရလေသည်။</p> <p>"မဟုတ်ပါဘူး….။ မင်းက ဘာလို့ ဒီရုပ်သေးကို ဒီလောက် စိုးရိမ်နေရတာလဲ။ ဒါက ရုပ်သေးသက် သက်ပဲလေ...။ အသက်မှ မရှိတာ၊ ပေါက်ကွဲသွားလည်း ဘာဖြစ်လဲ….။"</p> <p>[ဒီစနစ်က ထုတ်လုပ်ထားတဲ့ ရုပ်သေးတွေက သာမန်ပစ္စည်းတွေ မဟုတ်ဘူး…။]</p> <p>[ဘာပဲဖြစ်ဖြစ်...၊ မင်းသာ ဒီရုပ်သေးကို ပေါက်ကွဲအောင် လုပ်ဝံ့ရင် ငါ မင်းကို အကြွေးတွေနဲ့ သေအောင် ခြိမ်းခြောက်လိုက်မယ်...။]</p> <p>[ဒါက မင်းကို ဘယ်တော့မှ ဆပ်လို့မကုန်နိုင်တဲ့ နက္ခတ္တဗေဒဆိုင်ရာ အကြွေးတွင်းထဲကို တိုက်ရိုက် ဆွဲချသွားလိမ့်မယ်….။]</p> <p>စနစ်၏ ခြိမ်းခြောက်မှုကို ကြားသောအခါ လင်းဖန်မှာ ဂရုမစိုက်ဟန်ဖြင့် ပခုံးတွန့်လိုက်သည်။</p> <p>ရုပ်သေးကို ကိုယ်တိုင်ပေါက်ကွဲဆေး ကျွေးမည်ဟူသော အကြံမှာ သူ၏ စိတ်ကူးယဉ်မှု သက်သက်သာ ဖြစ်ပြီး တကယ် လုပ်မည်မဟုတ်ပေ။ ဘာပဲဖြစ်ဖြစ် ဤအစောင့်အရှောက်ရုပ်သေးများသည် တစ်လမ်း လုံး သူ ရဲရဲဝံ့ဝံ့ သောင်းကျန်းနိုင်ရန် ယုံကြည်မှု ပေးစွမ်းနေသည့် အရာများ မဟုတ်ပါလား။</p> <p>အကြိမ်ပေါင်းများစွာ အသုံးမပြုရသေးသော်လည်း ရှိနေခြင်းနှင့် အသုံးမပြုခြင်းမှာ အဓိပ္ပာယ် တခြား စီပင် ဖြစ်လေသည်။ သို့သော်လည်း စနစ်က ဤရုပ်သေးအပေါ် အလေးအနက်ထားသည့် သဘောထား ကြောင့် လင်းဖန်မှာ စူးစမ်းလိုစိတ် ဖြစ်ပေါ်လာခဲ့လေသည်။</p> <p>"အသုံးမကျတဲ့ကောင်... ငါ့ကို အမှန်အတိုင်း ပြောစမ်းပါ။ ငါ အင်မော်တယ်ဘုံကို တက်လှမ်းသွားပြီးရင် ဒီအစောင့်အရှောက်ရုပ်သေးကို ဆက်ပြီး အဆင့်မြှင့်လို့ ရဦးမလား….။"</p> <p>"အင်မော်တယ်ဘုရင်၊ အင်မော်တယ်ဧကရာဇ် ဒါမှမဟုတ် သူတော်စင် အဆင့်တွေအထိရော ရောက်နိုင် မလား….။"</p> <p>စနစ်မှာမူ ဤမေးခွန်းကို ဘာမှပြန်မဖြေဘဲ တိတ်ဆိတ်နေခဲ့သည်။ စနစ်၏ တိတ်ဆိတ်မှုက လင်းဖန်ကို အတွေးပေါင်းစုံ ဖြစ်ပေါ်စေသည်။ သူ၏ ခန့်မှန်းချက် မှန်မမှန်ကိုမူ နောင်အနာဂတ်ကျမှသာ အတည် ပြုနိုင်ပေလိမ့်မည်။</p> <p>သူ၏ အတွေးများကို ရပ်တန့်ကာ လင်းဖန်သည် အင်မော်တယ်တိမ်တိုက်ဂိုဏ်းဆီသို့ သယ်ယူပို့ဆောင် ရေး လုပ်ငန်းအတွက် အရှိန်မြှင့် မောင်းနှင်ခဲ့သည်။</p> <p>ထိုအချိန်တွင် အင်မော်တယ်တိမ်တိုက်ဂိုဏ်း၏ အစည်းအဝေးခန်းမတွင် လူအများအပြား စုဝေးနေကြ လေသည်။ လျူအန်းရှန်းသည်လည်း သူ ကြုံတွေ့ခဲ့ရသည်များကို အားလုံးအား ပြောပြနေသည်။</p> <p>လျူအန်းရှန်း၏ ပြောပြချက်ကို နားထောင်ပြီးနောက် အင်မော်တယ်တိမ်တိုက်ဂိုဏ်း၏ ဂိုဏ်းချုပ် လီချန်းချင်းက စတင် စကားစလိုက်လေသည်။</p> <p>"ညီနောင်လျူ... မင်းရဲ့ အမြင်အရဆိုရင် သူတို့ရဲ့ ပစ်မှတ်က ငါတို့ အင်မော်တယ်တိမ်တိုက်ဂိုဏ်းလား၊ ဒါမှမဟုတ် မိတ်ဆွေငယ်လင်းလား...။"</p> <p>ထိုမေးခွန်းကို ကြားသောအခါ လျူအန်းရှန်းသည် ခဏမျှ စဉ်းစားပြီးမှ ပြန်ဖြေလိုက်လေသည်။</p> <p>"ဂိုဏ်းချုပ်စီနီယာ... ကျွန်တော် လမ်းမှာ မိတ်ဆွေငယ်လင်းနဲ့ ဒီကိစ္စကို ဆွေးနွေးခဲ့ပါသေးတယ်...။"</p> <p>"မိတ်ဆွေငယ်လင်းကတော့ သူ့ကိုယ်သူ ပစ်မှတ်လို့ ထင်နေတာပါ၊ ရွှမ်းမင်ဂိုဏ်းက သူ့ရဲ့ ဂိုဏ်းရွှေ့တဲ့ လုပ်ငန်းကို အလကား ခိုင်းချင်နေတယ်လို့ သူက ယူဆထားတယ်...။"</p> <p>"ဒါပေမဲ့ အဲဒါက ဘယ်လိုလုပ် ဖြစ်နိုင်မှာလဲ...။ ဒါကြောင့် ရွှမ်းမင်ဂိုဏ်းက ငါတို့ အင်မော်တယ် တိမ်တိုက်ဂိုဏ်းကို ပစ်မှတ်ထားနေတာပဲ ဖြစ်ရမယ်လို့ ကျွန်တော် ယုံကြည်တယ်...။"</p> <p>"သူတို့က ဒီကိစ္စကို အသုံးချပြီး ပြဿနာရှာချင်နေတာပဲ၊ ငါတို့ဂိုဏ်း အင်အား မပြည့်စုံသေးတာကို အခွင့်ကောင်း ယူချင်နေကြတာ...။"</p> <p>လျူအန်းရှန်း၏ ခန့်မှန်းချက်ကို ကြားသောအခါ အခန်းထဲရှိ လူအားလုံး တိတ်ဆိတ်သွားကြလေသည်။ သို့သော် အချို့ကမူ လျူအန်းရှန်း၏ အယူအဆကို ထောက်ခံသည့်အနေဖြင့် ခေါင်းငြိမ့်ပြကြသည်။</p> <p>ဘာပဲဖြစ်ဖြစ် လင်းဖန်၏ အကြောင်းပြချက်မှာ ယုံကြည်ရခက်လွန်းလှသည် မဟုတ်ပါလား။ ထိုအချိန် တွင် လီချန်းချင်းက ဖြည်းဖြည်းချင်း ပြောလိုက်လေသည်။</p> <p>"မင်းရဲ့ ခန့်မှန်းချက်ရော၊ လင်းဖန်ရဲ့ ခန့်မှန်းချက်ရော နှစ်ခုလုံး ဖြစ်နိုင်တယ်လို့ ငါ ထင်ပါတယ်။ ဒါမှ မဟုတ် နှစ်ခုလုံးက အမှန်တရား ဖြစ်နေနိုင်တာပဲ"</p> <p>"ငါတို့ အင်မော်တယ်တိမ်တိုက်ဂိုဏ်းနဲ့ သွေးတိမ်တိုက်ဂိုဏ်းကြားက စစ်ပွဲကြီးအပြီးမှာ ငါတို့ကို မျက်စိကျနေတဲ့ နဝမအဆင့် ဂိုဏ်းတွေ အများကြီး ရှိနေတယ်...။"</p> <p>"ရွှမ်းမင်ဂိုဏ်းကတော့ အဲဒီဂိုဏ်းတွေထဲမှာ အသိသာဆုံး ဖြစ်နေတာပဲ...။"</p> <p>ဤနေရာသို့ ရောက်သောအခါ အခန်းထဲရှိ လူအားလုံးကလည်း ထောက်ခံစကား ဆိုကြလေသည်။</p> <p>"ဂိုဏ်းချုပ် ပြောတာ မှန်ပါတယ်။ တခြား နဝမအဆင့် အင်အားစုတွေက တိတ်တဆိတ် စူးစမ်းတာ ဒါမှမဟုတ် အခွင့်အရေးကို စောင့်နေကြတာပဲ ရှိတာပါ။ ဒါပေမဲ့ ရွှမ်းမင်ဂိုဏ်းက ဒီတစ်ခါတော့ တကယ့် ကို လူသိရှင်ကြား လုပ်လွန်းပါတယ်…။"</p> <p>"ဟုတ်ပါတယ်... ဒီအပြုအမူက ငါတို့ အင်မော်တယ်တိမ်တိုက်ဂိုဏ်းကို တိုက်ရိုက် စိန်ခေါ်လိုက်တာပဲ"</p> <p>"တခြားဂိုဏ်းတွေက အဆင့်နိမ့် တပည့်တွေကြားမှာပဲ ယှဉ်ပြိုင်မှုတွေ လုပ်နေကြတာလေ။ ဒါပေမဲ့ ရွှမ်းမင်ဂိုဏ်းက အတိဒုက္ခအဆင့် ကျင့်ကြံသူကိုတောင် စေလွှတ်လိုက်တယ်ဆိုတာ... ဒါက စစ်ကြေညာ လိုက်တာနဲ့ ဘာများကွာသေးလို့လဲ…။"</p> <p>လူတိုင်းက ပထမအကြောင်းပြချက်ကိုသာ ထောက်ခံနေကြစဉ်မှာပင် လီချန်းချင်းက ဆက်လက် ပြောဆိုလိုက်သည်။</p> <p>"မင်းတို့ ပြောတာတွေ အားလုံး မှန်ပါတယ်... ဒါပေမဲ့ မိတ်ဆွေငယ်လင်းရဲ့ ခန့်မှန်းချက်ကလည်း အခြေ အမြစ် မရှိတာတော့ မဟုတ်ဘူး...။"</p> <p>"အကယ်၍ သူ့ရဲ့ မှော်ရတနာက ညီနောင်လျူ ပြောသလို တကယ်ပဲ အံ့သြဖို့ ကောင်းနေမယ်ဆိုရင် ငါတို့ကိုယ်တိုင်တောင် လောဘစိတ်တွေ ဖြစ်လာနိုင်တယ် မဟုတ်လား...။"</p> <p>ထိုစကားကို ကြားသောအခါ လျူအန်းရှန်းသည် လီချန်းချင်းကို အံ့သြသော မျက်နှာဖြင့် ကြည့်လိုက် လေသည်။ လျူအန်းရှန်း၏ အကြည့်ကို မြင်သောအခါ လီချန်းချင်းက ရယ်မောလိုက်သည်။</p> <p>"ဂျူနီယာညီအစ်ကို လျူ... စိတ်မလောပါနဲ့ဦး။ ငါက လူ့သဘာဝကို ပြောပြတာပါ။"</p> <p>"ဒါပေမဲ့ ငါတို့က မင်းနဲ့ လင်းဖန်ရဲ့ ဆက်ဆံရေးကို သိထားကြတာပဲလေ...။ မင်းတို့က မိသားစုလို ဖြစ်နေကြပြီပဲ။ ငါတို့ လူအချင်းချင်းကြားမှာတော့ လောဘစိတ်တွေ ရှိလာမှာ မဟုတ်ပါဘူး…။"</p> <p>"အဲဒီအပြင် မင်းပြောခဲ့သလိုပဲ မိတ်ဆွေငယ် လင်းမှာ ထူးခြားတဲ့ နောက်ခံတွေ ရှိနေမယ်လို့လည်း ငါတို့ ယုံကြည်ပါတယ်…။"</p> <p>"ဒါပေမဲ့ ဂျူနီယာညီအစ်ကို လျူ...။ မင်း နားလည်ထားရမှာက ငါတို့က မင်းအပေါ် ယုံကြည်မှု ရှိလို့သာ ဒီလို တွေးပေးတာပါ။ လင်းဖန်နဲ့ ဘာပတ်သက်မှုမှ မရှိတဲ့ တခြားဂိုဏ်းတွေကတော့ အဲဒီလို တွေးမှာ မဟုတ်ဘူး…။"</p> <p>"သူတို့က လင်းဖန်ကို မသိဘူးလေ။ အဲဒါကြောင့် လင်းဖန်ရဲ့ မည်သူမည်ဝါဖြစ်ကြောင်း မင်းရဲ့ ခန့်မှန်း ချက်တွေကိုလည်း သူတို့ မသိနိုင်ဘူး…။"</p> <p>"ရွှမ်းမင်ဂိုဏ်းကတော့ လင်းဖန်ကို ငါတို့ အင်မော်တယ်တိမ်တိုက်ဂိုဏ်းက လူတစ်ယောက်လို့ပဲ ယူဆ မှာပဲ။ ငါတို့ရဲ့ အခုလက်ရှိ အခြေအနေအရဆိုရင် သူတို့အတွက် ကြောက်စရာ ဘာမှမရှိဘူးလို့ ထင်နေ ကြမှာပေါ့….။"</p> <p>လီချန်းချင်း၏ စကားကြောင့် လျူအန်းရှန်းမှာ ချက်ချင်းပင် သဘောပေါက်သွားတော့သည်။</p> <p>မှန်ပါသည်... တခြားလူများသည် လင်းဖန်ကို သူ သိသလောက် မသိကြပေ။ လင်းဖန်တွင် မြင့်မြတ်ရာ နယ်မြေများကိုပင် ကျော်လွန်သော ကောင်းချီးပေးထားသည့် နယ်မြေတစ်ခု ရှိနေသည်ကို သူတို့ မသိ ကြပေ။</p> <p>လင်းဖန်တွင် ဤမျှ မြန်ဆန်သော ကျင့်ကြံမှုအမြန်နှုန်း ရှိနေသည်ကိုလည်း သူတို့ မသိကြပေ။ လင်းဖန် တွင် အတိဒုက္ခအဆင့် အထွတ်အထိပ်ရှိသော အစောင့်အရှောက်ရုပ်သေး တစ်ဦး ရှိနေသည်ကိုလည်း သူတို့ မသိကြပေ။</p> <p>ဤအရာများကို မသိကြသည့်အတွက် သူတို့သည် လင်းဖန်၏ နောက်ခံကို ကြောက်ရွံ့နေကြမည် မဟုတ်ပေ။</p> <p> </p> <p> </p> <p style="text-align: center;">***</p>


Save