Book List

<h2 style="text-align: center;">အခန်း (၁၄၃၅)</h2> <h2 style="text-align: center;">မလွဲမသွေ သေဆုံးရမည့် အခြေအနေ</h2> <h2 style="text-align: center;">*</h2> <p> </p> <p> </p> <p>​နက်မှောင်သော ကောင်းကင်ပြင်ကျယ်ထဲတွင် နဂါးနက်လှေသည် အရှိန်အဟုန်ဖြင့် ပြေးလွှားနေသည်။</p> <p>​ကြာနီနတ်မိမယ်က အနည်းငယ် သိချင်စိတ်ဖြင့် မေးမြန်းလိုက်သည် ။</p> <p> "စီနီယာအစ်မကြီး... ဒီတစ်ခေါက် အောက်နယ်မြေ ခြောက်ခုကို သွားတဲ့အခါ ကျမတို့ရဲ့ ဦးတည်ရာက ဘယ်နေရာလဲဟင် "</p> <p>​"ရှေးဟောင်းနယ်မြေ ပဲ "</p> <p>​စီနီယာအစ်မကြီးက ပြုံး၍ ဖြေကြားပြီးနောက် ဖန့်ချန်ဘက်သို့ လှည့်ကြည့်ကာ</p> <p> "ဖန့်မောင်လေး... ရှေးဟောင်းနယ်မြေက ထျန်းရှန်းဂိုဏ်း  အကြောင်း ကြားဖူးသလား "</p> <p>​"ကြားဖူးသလိုလိုတော့ ရှိပါတယ် "</p> <p>​ဖန့်ချန်က ပြန်ပြောလိုက်သည်။</p> <p>​သူ့စိတ်ထဲတွင်တော့ အနည်းငယ် အံ့ဩသွားမိသည်။</p> <p>ထိုစီနီယာအစ်မကြီးက ဝမ်ချုံစန်းရဲ့ ဇာတိအိမ်ကို ဝင်မွှေဖို့ ပြင်နေတာများလား</p> <p>​သို့သော်လည်း ဝမ်ချုံစန်း၏ စရိုက်အရ အရေးကြီးသော အရာမှန်သမျှကို ထျန်းရှန်းဂိုဏ်းထဲမှာ ဝှက်ထားလိမ့်မည် မဟုတ်ပေ။</p> <p>​"အင်း... ထျန်းရှန်းဂိုဏ်းကလည်း တာအိုဂိုဏ်းတစ်ခုပဲ။ မင်းကလည်း ရှေးဟောင်းနယ်မြေက လာတာဖြစ်သလို တာအိုကျင့်ကြံသူလည်း ဖြစ်နေတော့၊ ဒီတစ်ခေါက် ငါ့ကို အကူအညီလေးတစ်ခုလောက် ပေးစေချင်တယ် "</p> <p>​စီနီယာအစ်မကြီးက ဆိုသည်။</p> <p>​"ဖန့်မိတ်ဆွေရဲ့ ကျင့်စဉ်အဆင့်နဲ့ဆိုရင်..."</p> <p>​ကြာနီနတ်မိမယ်၏ မျက်နှာထားက ထူးဆန်းသွားသည်။</p> <p>​"ထျန်းရှန်းဂိုဏ်းထဲမှာ ငါ့အတွက် အလွန်အရေးကြီးတဲ့ ပစ္စည်းတစ်ခု ဝှက်ထားနိုင်တယ်။ ဒါပေမဲ့ အဲဒီဂိုဏ်းထဲမှာ အဆင့် ၈ မသေမျိုးတစ်ပါး ပုန်းအောင်းနေနိုင်တယ်လို့ ငါသံသယရှိနေတာ။ အောက်နယ်မြေခြောက်ခုမှာ မသေမျိုးလှေအစီရင်ကို အသုံးပြုလို့မရသလို၊ အသုံးပြုဖို့လည်း ခွင့်မပြုထားဘူး။ ဒီနဂါးနက်လှေရဲ့ စွမ်းအားတစ်ခုတည်းနဲ့တော့ အဆင့် ၈ မသေမျိုးကို ငါမယှဉ်နိုင်သေးဘူး "</p> <p>​"ဒါကြောင့် ဒုတိယနည်းလမ်းအနေနဲ့... မင်းက ထျန်းရှန်းဂိုဏ်းထဲကို ဧည့်သည်တော်အဖြစ် ဝင်ရောက်ပြီး အဲဒီပစ္စည်းရဲ့ သဲလွန်စကို စုံစမ်းပေးရမယ်။ ငါ့လက်ထဲမှာ သဲလွန်စတချို့ ရှိပြီးသားပါ။ အဲဒီပစ္စည်း တကယ်ရှိနေတယ်ဆိုတာ အတည်ပြုနိုင်တာနဲ့ နောက်ပိုင်းကိစ္စတွေကို ငါကိုယ်တိုင် တာဝန်ယူဖြေရှင်းမယ် "</p> <p>​စီနီယာအစ်မကြီးက ရှင်းပြသည်။</p> <p>​အဆင့် ၈ ရှေးဟောင်းမသေမျိုး</p> <p>ထျန်းရှန်းဂိုဏ်းမှာလား</p> <p>​ဖန့်ချန်သည် ထိုသတင်းကြောင့် အလွန်အံ့ဩသွားရသည်။</p> <p>အကယ်၍ ရှေးဟောင်းနယ်မြေမှာ အဆင့် ၈ ရှေးဟောင်းမသေမျိုးသာ ရှိနေခဲ့လျှင် ဘာကြောင့် အခုထိ သတင်းမထွက်ပေါ်ခဲ့ရတာလဲ</p> <p>​ဝမ်ချုံစန်းနှင့် ပတ်သက်သော ကိစ္စများကြောင့်ပင် ထျန်းရှန်းဂိုဏ်းမှ ကျင့်ကြံသူများသည် ဝိညာဥ်နတ်ဘုရားဂိုဏ်းအတွင်း အမျိုးမျိုး နှိပ်ကွပ်ခံခဲ့ရဖူးသည်။</p> <p>ဝမ်ချုံစန်း၏ ညီငယ်ဖြစ်သူ စုန့်ကျိလီ ဆိုလျှင်ပင် ဖန်တီးရှင်ဂြိုလ် လို ဝေးလံခေါင်သီတဲ့ နေရာမှာ အစောင့်အဖြစ် အပို့ခံခဲ့ရသည်။</p> <p>​အကယ်၍ ထိုအဆင့် ၈ မသေမျိုးသာ တကယ်ရှိနေပြီး လျှို့ဝှက်ပုန်းအောင်းနေခဲ့လျှင် သူ၏ ရည်ရွယ်ချက်က ဘာများဖြစ်မလဲ  ကြာနီနတ်မိမယ်ရဲ့ ဇာတိ နှင့်ရော ပတ်သက်နေမလား</p> <p>​သို့သော် စီနီယာအစ်မကြီး ပြောနေသည့် အရေးကြီးသော ပစ္စည်း ဆိုသည်မှာ ဘာဖြစ်မည်ကိုလည်း သူ သိချင်နေမိသည်။</p> <p>​ထိုက်ဟောက် နတ်မှန်ပြောင်း များလား ဝမ်ချုံစန်းက သူမကို လိမ်ညာခဲ့တာလား။</p> <p>​"စီနီယာအစ်မကြီး... တကယ်လို့ ထျန်းရှန်းဂိုဏ်းမှာ အဆင့် ၈ မသေမျိုး ရှိနေတာမှန်ရင် ဖန့်မိတ်ဆွေအတွက် အထဲဝင်စုံစမ်းဖို့က အန္တရာယ် မများလွန်းဘူးလား "</p> <p>​ကြာနီနတ်မိမယ်က စိုးရိမ်တကြီး မေးလိုက်သည်။</p> <p>​"ဖန့်မောင်လေးက အခုထိ အမာခံတပည့်လည်း မဟုတ်သေးသလို၊ မင်းရဲ့ အဖော်  လည်း ဖြစ်မနေသေးပါဘူး။ ဘာလဲ... မင်းက အခုကတည်းက သူ့အတွက် စိုးရိမ်နေပြီလား "</p> <p>​စီနီယာအစ်မကြီးက ပြုံးစစဖြင့် နောက်ပြောင်လိုက်သည်။</p> <p>​ကြာနီနတ်မိမယ်မှာ ခဏတာ မှင်သက်သွားပြီးနောက် တိုးညင်းစွာ ပြောရှာသည်</p> <p> "သူက ကျမရဲ့ အဖွဲ့ဝင်တစ်ယောက်ပဲလေ။ အန္တရာယ် အရမ်းများမယ်ဆိုရင်တော့ ဒီကိစ္စထဲ သူ့ကို မပါစေချင်ဘူး "</p> <p>​သိသာသည်မှာ ကြာနီနတ်မိမယ်သည် ယခုအချိန်တွင် အမာခံတပည့် တစ်ယောက်၏ အဆင့်အတန်းဖြင့် စီနီယာအစ်မကြီးကို စကားပြောနေခြင်း ဖြစ်သည်။</p> <p> ကျင့်စဉ်အဆင့်ချင်း ကွာခြားလွန်းလှသော်လည်း သူမ၏ အဖွဲ့ဝင်အတွက် ရဲရဲဝံ့ဝံ့ ရပ်တည်ပေးနေခြင်းပင်။</p> <p>​စီနီယာအစ်မကြီးက သူမ၏ တည်ကြည်သော မျက်နှာထားကို မြင်သောအခါ ရယ်မောလျက်</p> <p>​"စိတ်ချပါ... ငါ ဒီကိစ္စကို အမြဲစောင့်ကြည့်နေမှာပါ။ တကယ်လို့ အန္တရာယ် တစ်ခုခု ကြုံလာရင် ကျွယ်မင်နန်းတော်ရဲ့ အမာခံတပည့် ခေါင်းဆောင်အဖြစ် ငါကိုယ်တိုင် ပေါ်ထွက်လာပြီး သူ့ကို ခေါ်ထုတ်သွားမှာပေါ့။ အဆင့် ၈ မသေမျိုး ရှိနေရင်တောင် ဘာဖြစ်လဲ အဆင့် ၉ မသေမျိုး မဟုတ်သရွေ့တော့ ကျွယ်မင်နန်းတော် ဆိုတဲ့ နာမည်ကြားတာနဲ့ ငါ့ကို ရိုရိုသေသေ ဆက်ဆံရမှာပဲ "</p> <p>​"တကယ်လို့ ဖန့်မိတ်ဆွေ က မသွားချင်ဘူးဆိုရင်တော့..."</p> <p>​ကြာနီနတ်မိမယ်က ဖန့်ချန်ဘက်သို့ လှည့်ကြည့်သည်။</p> <p>​ဖန့်ချန်က ခဏတာ စဉ်းစားပြီးနောက် ခေါင်းညိတ်ပြလိုက်သည်</p> <p> "ဒီလောက် အကူအညီလေးကတော့ ကျနော် ပေးသင့်ပါတယ်။ စီနီယာအစ်မကြီး ပေးထားတဲ့ ကျူလုံလှေက တန်ဖိုးအရမ်းကြီးတာဆိုတော့ ဒီအခွင့်အရေးနဲ့ ကျေးဇူးပြန်ဆပ်တာပေါ့ "</p> <p>​"ဒါပေါ့... ဒါကိုမှ လောကဝတ် သိတယ်လို့ ခေါ်တာ။ ငါက မင်းကို ကျူလုံလှေ ပေးတယ်၊ မင်းက ငါ့ကို ဒီအကူအညီ ပြန်ပေးတယ်"</p> <p>​စီနီယာအစ်မကြီးက သဘောကျစွာ ခေါင်းညိတ်သည်</p> <p>"ငါ ရှာခိုင်းချင်တဲ့ ပစ္စည်းက ထိုက်ဟောက် နတ်မှန်ပြောင်း လို့ ခေါ်တယ်။ သူ့ရဲ့ နောက်ခံသမိုင်းက နည်းနည်း ထူးခြားတယ်၊ ကျွယ်မင်ယင်လောကနဲ့ သက်ဆိုင်တဲ့ ပစ္စည်းတစ်ခုပဲ။ ဒီလို ယင်လောကပစ္စည်းမျိုး လူသားလောကမှာ ရှိနေရင် ထူးခြားတဲ့ နည်းလမ်းတွေနဲ့ သိမ်းဆည်းထားရတယ်။ လူသားလောက နယ်မြေကိုးခုမှာ အဲဒီလို နည်းလမ်းရှိတဲ့ ဂိုဏ်းက သိပ်မရှိဘူး၊ အများစုက တာအိုဂိုဏ်းတွေရဲ့ လက်ထဲမှာပဲ ရှိတာ "</p> <p>​"မင်း အဲဒီကို သွားတဲ့အခါ ငါ ရတနာတစ်ခု ပေးလိုက်မယ်။ တကယ်လို့ မင်းက ထိုက်ဟောက် နတ်မှန်ပြောင်း နဲ့ နီးစပ်သွားရင် အဲဒီရတနာက မင်းကို အချက်ပေးလိမ့်မယ်။ အချက်ပေးတာ ရတာနဲ့ မင်းရဲ့ တာဝန်က ပြီးပြီ၊ ကျန်တာ ငါ့အလုပ် "</p> <p>​တကယ်ပဲ ထိုက်ဟောက် နတ်မှန်ပြောင်း ဖြစ်နေသည်။</p> <p>​ဖန့်ချန်က ပုံမှန်အတိုင်းပင် ဟန်မပျက်ဘဲ</p> <p> "စီနီယာအစ်မကြီးရဲ့ တာဝန်ကို အတတ်နိုင်ဆုံး အောင်မြင်အောင် လုပ်ဆောင်ပါ့မယ် "</p> <p>​"ဒါနဲ့... တကယ်လို့ ရှာမတွေ့ရင်လည်း ကိစ္စမရှိပါဘူး။ ဒီသတင်းကို နတ်ရိုသေနန်းတော် ဆီက ဝယ်ထားတာ၊ သူတို့သတင်းတွေကလည်း အမြဲတမ်း မှန်ချင်မှ မှန်တာ။ ဆယ်နှစ်ပေါ့... ဆယ်နှစ်အတွင်း ရှာမတွေ့ရင် ငါတို့ အထက်နယ်မြေ သုံးခုကို ပြန်ကြတာပေါ့ "</p> <p>​စီနီယာအစ်မကြီးက ပြောပြီးနောက် ထျန်းရှန့်ဂိုဏ်းရှိရာသို့ အနီးဆုံးလမ်းကြောင်းကို ကြယ်မြေပုံ ထဲတွင် စတင်ရှာဖွေတော့သည်။</p> <p>​“သူတောင် နတ်ရိုသေနန်းတော်ဆီက သတင်းဝယ်ရတာလား ”</p> <p>​ဖန့်ချန်၏ စိတ်ထဲတွင် အံ့ဩသွားမိသည်။</p> <p>သတ်ဖြတ်ခြင်းနတ်ဆိုးတောင်တန်းမှာ ဝမ်ချုံစန်းက ထိုက်ဟောက် နတ်မှန်ပြောင်းဟာ ရှေးဟောင်းနဂါးနတ်ဘုရား နန်းတော်မှာ ရှိတယ်လို့ စီနီယာအစ်မကြီးကို အတည်ပေါက် လိမ်ညာခဲ့တဲ့ ပုံရိပ်ကို ပြန်မြင်ယောင်လာမိသည်။</p> <p>​စီနီယာအစ်မကြီးက ဝမ်ချုံစန်းရဲ့ စကားကို လုံးဝ မယုံကြည်ခဲ့ဘူးဆိုတာကို သူ သိသွားခဲ့ပြီ။</p> <p>​“ဖန့်ကျင့်မိတ်ဆွေ.. ဒီကိစ္စကို ရှင် ငြင်းလို့ရပါတယ်။ အဆင့် ၈ မသေမျိုး ရှိတဲ့ ဂိုဏ်းဆိုတာ သေးသေးမွှားမွှား မဟုတ်ဘူး။ သူတို့နောက်ကွယ်မှာ အသွေးသားနန်းတော်တို့၊ ထိုက်ယီမသေမျိုးဂိုဏ်းတို့လို အင်အားကြီးတွေနဲ့ ဆက်နွှယ်နေနိုင်တယ်။ တကယ်လို့ ပြဿနာတစ်ခုခု တက်လာရင် ကျွယ်မင်နန်းတော်ရဲ့ အမာခံတပည့် ဆိုတာတောင် ရှင့်ကို ဘေးကင်းအောင် ကာကွယ်ပေးနိုင်ချင်မှ ပေးနိုင်မှာ”</p> <p>​ကြာနီနတ်မိမယ်က ဖန့်ချန်ထံသို့ လျှို့ဝှက် အသံလှိုင်း ပေးပို့လိုက်သည်။</p> <p>​“ရပါတယ်... ကျုပ် သတိထားပါ့မယ် ”</p> <p>​ဖန့်ချန်က ပြုံး၍ အကြောင်းပြန်လိုက်သည်။</p> <p>​သူကိုယ်တိုင်လည်း ထိုက်ဟောက် နတ်မှန်ပြောင်း ကို စိတ်ဝင်စားသည်။</p> <p>ထို့အပြင် ဝမ်ချုံစန်း၏ ရည်ရွယ်ချက်မှာလည်း သူနှင့် အတူတူပင် ဖြစ်နေသည်။</p> <p>​ယခုအခါ စီနီယာအစ်မကြီးက ထျန်းရှန်းဂိုဏ်းကို အာရုံစိုက်နေပြီဖြစ်သည်။</p> <p>အကယ်၍ ထိုက်ဟောက် နတ်မှန်ပြောင်းသာ ထိုနေရာတွင် တကယ်ရှိနေပြီး သူမက လုယူသွားခဲ့လျှင် ဝမ်ချုံစန်း၏ အစီအစဉ်များ ပျက်စီးသွားနိုင်သည်။</p> <p>​ထို့ကြောင့် သူကိုယ်တိုင် ထိုကိစ္စတွင် ပါဝင်ပြီး အခြေအနေကို ထိန်းချုပ်ထားရန် လိုအပ်သည်။</p> <p>ထိုက်ဟောက် နတ်မှန်ပြောင်း ရှိသည်ဖြစ်စေ၊ မရှိသည်ဖြစ်စေ သူ့ဆီကထွက်မည့် အဖြေကတော့ မရှိဘူး ဟူ၍သာ ဖြစ်ပေလိမ့်မည်။</p> <p>​စီနီယာအစ်မကြီးက သူ့ကို အကူအညီတောင်းရခြင်းမှာလည်း သူ၏ တာအိုနောက်ခံနှင့် ပါရမီကြောင့်ပင်။</p> <p>သို့သော် သူသည် သူလျှို တစ်ယောက် ဖြစ်နေနိုင်သည်ကိုတော့ သူမ သိလိမ့်မည် မဟုတ်ပေ။</p> <p>​ကြယ်မြေပုံ အရ စီနီယာအစ်မကြီးသည် ဖြတ်လမ်းတစ်ခုကို ရှာတွေ့ခဲ့သည်။</p> <p>​အားလုံးသည် တည်နေရာကူးပြောင်းခြင်း အစီရင် ကို အသုံးပြုကာ ခြောက်လအတွင်းမှာပင် ထျန်းရှန်းဂိုဏ်း တည်ရှိရာ ရွှမ်ဟွမ်ဂြိုလ် သို့ ရောက်ရှိလာခဲ့သည်။</p> <p>​သို့သော် နဂါးနက်လှေ ပေါ်ထွက်လာသည်နှင့် တပြိုင်နက်၊ ဟင်းလင်ပြင်ကြီးတစ်ခုလုံးသည် စွမ်းအားတစ်ခုခုကြောင့် ချက်ချင်း အေးခဲသွားသလို ဖြစ်သွားတော့သည်။</p> <p>​ဖန့်ချန်ပင်လျှင် လက်ဖျားခြေဖျားမျှ လှုပ်ရှား၍ မရတော့ပေ။</p> <p>​ကြာနီနတ်မိမယ်၏ မျက်ဝန်းများတွင် တုန်လှုပ်ခြောက်ခြားမှုများ ပြည့်နှက်သွားသည်။</p> <p>​စီနီယာအစ်မကြီး၏ မျက်နှာမှာမူ အလွန်အမင်း မည်းမှောင်သွားတော့သည်။</p> <p>​“နတ်ရိုသေနန်းတော်ရဲ့ သတင်းက အမှားပဲ... ငါ အလိမ်ခံလိုက်ရပြီ။ ဒါက အမာခံတပည့်တချို့နဲ့ ပတ်သက်နေနိုင်တယ်။ ကျွယ်မင်နန်းတော်ထဲမှာ ငါ ဘာရှာနေတယ်ဆိုတာကို လူအနည်းငယ်ပဲ သိတာ ”</p> <p>​“ခဏနေရင် ငါ မင်းတို့ကို လွတ်အောင် ပို့ပေးမယ်။ လုံးဝ နောက်လှည့်မကြည့်နဲ့။ ငါကတော့ ဒီလောက်နဲ့ အလွယ်တကူ သေမယ့်သူ မဟုတ်ဘူး ”</p> <p>​သူမ၏ အသံသည် ဖန့်ချန်နှင့် ကြာနီနတ်မိမယ်၏ နားထဲတွင် ပဲ့တင်ထပ်သွားသည်။</p> <p>​အလိမ်ခံလိုက်ရတာလား</p> <p>နှစ်ယောက်စလုံး ဆွံ့အသွားကြသည်။</p> <p>​နောက်တစ်စက္ကန့်တွင် ကောင်းကင်ထက်၌ တာအိုဗုဒ္ဓရောင်ခြည်များ တောက်ပနေသော ဧရာမ လက်ဝါးတော်ကြီးတစ်ခု ပေါ်ထွက်လာပြီး နဂါးနက်လှေဆီသို့ တည့်တည့်မတ်မတ် ကျဆင်းလာတော့သည်။</p> <p>​ထိုလက်ဝါးတော် ပေါ်ထွက်လာသည်နှင့် ကြောက်မက်ဖွယ်ကောင်းသော အရှိန်အဝါကြောင့် ဖန့်ချန်နှင့် ကြာနီနတ်မိမယ်တို့မှာ ဦးရေပြားများပင် ထုံကျဉ်သွားရသည်။</p> <p>​ထိုလက်ဝါးပိုင်ရှင်သည် ရှေးဟောင်းမသေမျိုး တစ်ပါး ဖြစ်နေနိုင်သည်။</p> <p>​ရှေးဟောင်းမသေမျိုး တစ်ပါးက ကျွယ်မင်နန်းတော်ရဲ့ အမာခံတပည့် ခေါင်းဆောင်အတွက် ထောင်ချောက်ဆင်ထားတာလား</p> <p>​တစ်စုံတစ်ယောက်က ကျွယ်မင်နန်းတော်ကို ပစ်မှတ်ထားနေတာလား။</p> <p>​“ရုလိုင်ဘုရားကျောင်းက ကိုယ်တော်တွေလား ”</p> <p>​စီနီယာအစ်မကြီးက အေးစက်စွာ ရေရွတ်လိုက်သည်။</p> <p>​သို့သော် ချက်ချင်းဆိုသလိုပင် ပတ်ဝန်းကျင်၌ တောက်လောင်နေသော မီးလျှံနတ်အိုးကြီး တစ်လုံး ပေါ်ထွက်လာပြီး လက်ဝါးတော်ကြီးနှင့်အတူ နဂါးနက်လှေဆီသို့ အပြိုင်အဆိုင် တိုက်ခိုက်လာတော့သည်။</p> <p>​ထိုမီးလျှံနတ်အိုး၏ အရှိန်အဝါမှာ လက်ဝါးတော်ထက် မနိမ့်ပေ။</p> <p>​နောက်ထပ် ရှေးဟောင်းမသေမျိုး တစ်ပါး</p> <p>​ရှေးဟောင်းမသေမျိုး နှစ်ပါး တစ်ပြိုင်တည်း တိုက်ခိုက်လာခြင်း ဖြစ်သည်။</p> <p> မသေမျိုးလှေအစီရင်ကို အသုံးမပြုနိုင်သော အခြေအနေမျိုးတွင် ဤသည်မှာ မလွဲမသွေ သေဆုံးရမည့် အခြေအနေ ပင် ဖြစ်တော့သည်။</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save