Book List

<h2 style="text-align: center;">အခန်း (၁၄၃၈)</h2> <h2 style="text-align: center;">ဟန်ဆောင်သေဆုံးခြင်း</h2> <h2 style="text-align: center;">*</h2> <p> </p> <p> </p> <p>​ဖန့်ချန်သည် ဝမ်ချုံစန်းကို အကြောင်းပြချက်တစ်ခုအဖြစ် အသုံးချကာ ထိုစီနီယာအစ်မကြီးကို ထိန်းသိမ်းနိုင်လိမ့်မည်ဟု ထင်ထားခဲ့သော်လည်း ရလဒ်မှာ သူထင်ထားသည်ထက် အဆပေါင်းများစွာ ပိုမိုကောင်းမွန်နေခဲ့သည်။</p> <p>၎င်းမှာ မမျှော်လင့်ဘဲ ရရှိလာသော ဝမ်းမြောက်စရာ သတင်းပင် ဖြစ်သည်။</p> <p>​“ကျွယ်မင်နန်းတော်ထဲမှာ ဒီတစ်ခေါက် တကယ်ပဲ သစ္စာဖောက် ရှိနေတာပဲ... အကြီးအကဲများကောင်စီ ထဲမှာတောင် သူတို့လူတွေ ပါနေနိုင်တယ်”</p> <p>​စီနီယာအစ်မကြီးသည် တည်ကြည်ဖြတ်လတ်သော သူမ၏ မူလပုံစံသို့ ပြန်လည်ရောက်ရှိသွားသည်</p> <p>“အထက်နယ်မြေ သုံးခုမှာဆိုရင် ငါ့လက်ထဲမှာ မသေမျိုးလှေ အစီရင်ဗဟိုချက် ရှိနေတာကြောင့် အဆင့် ၈ ရှေးဟောင်းမသေမျိုး လွှတ်ရင်တောင် ငါ့ကို ဘာမှမလုပ်နိုင်ဘူးဆိုတာ သူတို့သိတယ်။ အဆင့် ၉ မသေမျိုးက လှုပ်ရှားဖို့ ကြိုးစားမယ်ဆိုရင်လည်း နန်းတော်သခင်က ဒီအတိုင်း ထိုင်ကြည့်နေမှာ မဟုတ်ဘူး”</p> <p>​“ဒါကြောင့်ပဲ သူတို့က အဲဒီကိစ္စကို အသုံးချပြီး ငါ့ကို အောက်နယ်မြေ ခြောက်ခုဆီ ရောက်လာအောင် လှည့်စားခဲ့ကြတာ။ ခုနကသာ မင်း သတိမပေးခဲ့ရင် ငါ တကယ်ပဲ ထောင်ချောက်ထဲ မိသွားနိုင်တယ်။ အဲဒီ အဆင့် ၇ ရှေးဟောင်းမသေမျိုး နှစ်ယောက်ရဲ့ အနီးအနားမှာ အဆင့် ၈ တစ်ယောက်ကလည်း တိတ်တဆိတ် ချောင်းမြောင်းနေမှာ အသေအချာပဲ။ ကံကောင်းတာက တစ်ဖက်လူက သဘာဝအရ သံသယများပြီး ကျွယ်မင်နန်းတော်က နောက်ထပ် အစီအစဉ်တွေ ရှိနေမလား၊ ငါကပဲ ဒီကိစ္စကို လုံးဝမယုံဘဲ ကြိုတင်ပြင်ဆင်ထားမလားဆိုပြီး ကြောက်နေလို့သာ ငါတို့ ထွက်ပြေးဖို့ အချိန်ရခဲ့တာ”</p> <p>​“ဒါမှမဟုတ်ရင်... ဝမ်ချုံစန်း ပေးထားတဲ့ ဒီနည်းလမ်းတွေ ရှိနေရင်တောင် ဒီတစ်ခေါက် ငါတို့ အကြီးအကျယ် ဒုက္ခရောက်သွားနိုင်တယ်”</p> <p>​“စီနီယာအစ်မကြီး... ကျုပ်တို့ အမြန်ဆုံး ပြန်သင့်တယ်။ ကြန့်ကြာနေရင် အခြေအနေတွေ ပြောင်းလဲသွားနိုင်တယ်”</p> <p>ဟု ဖန့်ချန်က သတိပေးလိုက်သည်။</p> <p>​“ပြန်တော့ ပြန်ရမယ်... ဒါပေမဲ့ ဒီအတိုင်းတော့ ပြန်လို့မဖြစ်ဘူး။ သူတို့က ကစားချင်နေမှတော့ ငါလည်း သူတို့နဲ့ အတူတူ ကစားပေးရမှာပေါ့။ ဘယ်သူက လူလဲ၊ ဘယ်သူက သရဲလဲဆိုတာ အဲဒီကျရင် ကြည့်ကြသေးတာပေါ့”</p> <p>​စီနီယာအစ်မကြီးသည် အကာအကွယ် အစီရင်ကို ရုပ်သိမ်းလိုက်ပြီး ကြာနီနတ်မိမယ်ကို ခေါ်ကာ သူမ၏ အကြံအစည်ကို ပြောပြလိုက်သည်။</p> <p>​ကြာနီနတ်မိမယ်၏ မျက်နှာထားမှာ ထူးဆန်းသွားပြီး ဖန့်ချန်ဘက်သို့ လှည့်ကြည့်သည်။</p> <p>ဖန့်ချန်ကမူ</p> <p> “တကယ်လို့ စီနီယာအစ်မကြီးက ဒီအစီအစဉ်က ဖြစ်နိုင်တယ်လို့ ယူဆရင် စမ်းကြည့်တာလည်း မဆိုးပါဘူး။ တစ်ဖက်လူက ဒါက အတုမှန်း သိနေရင်တောင် အမှန်လား၊ အတုလားဆိုတာ လာပြီး စုံစမ်းချင်စိတ်ကို ထိန်းနိုင်မှာ မဟုတ်ဘူး”</p> <p>​အထက်နယ်မြေ သုံးခု၊ စိတ်ဝိညာဥ်နယ်မြေ</p> <p>လင်းကွေ့ကြယ်တာရာ</p> <p>​ကြာနီနတ်မိမယ်၏ နဂါးနက်လှေပေါ်တွင် ရေခဲခေါင်းတလား တစ်ခုကို တင်ဆောင်ထားပြီး ထိုအထဲတွင် လဲလျောင်းနေသူမှာ စီနီယာအစ်မကြီးပင် ဖြစ်သည်။</p> <p>​“စီနီယာအစ်မကြီးရဲ့ ဒီလို ဟန်ဆောင်သေဆုံးတဲ့ နည်းလမ်းက ကျွယ်မင်နန်းတော်ထဲက အသက်မီးအိမ် ကိုတောင် လှည့်စားနိုင်တယ်။ အသက်မီးအိမ် ငြိမ်းသွားတာနဲ့ အကြီးအကဲများကောင်စီက စီနီယာအစ်မကြီးရဲ့ အလောင်းရှိရာကို လိုက်ရှာလိမ့်မယ်။ အဲဒီကျရင် တစ်စုံတစ်ယောက် ရောက်လာမှာပဲ”</p> <p>​ကြာနီနတ်မိမယ်သည် ရေခဲခေါင်းတလားကို တစ်ချက်ကြည့်ကာ မနီးမဝေးတွင်ရှိသော ဟွမ်ဝူကျိကိုလည်း ကြည့်လိုက်သည်။</p> <p> ထို့နောက် ဖန့်ချန်ဘက်သို့ အကြည့်ပို့ကာ လျှို့ဝှက်အသံလွှင့်လိုက်သည်။</p> <p>​“ဖန့်မိတ်ဆွေ... ခုနက စီနီယာအစ်မကြီးနဲ့ ဘာတွေ ပြောခဲ့ကြတာလဲ ကျမတို့ကို အန္တရာယ်ကနေ ဘယ်လိုနည်းလမ်းနဲ့ ကယ်ထုတ်ခဲ့တာလဲ ”</p> <p>​“တကယ်တော့ စီနီယာအစ်မကြီးနဲ့ အလွန်ရင်းနှီးတဲ့ မိတ်ဆွေဟောင်း တစ်ယောက်ရှိတယ်။ သူက ဒီကိစ္စမှာ တစ်ခုခု ထူးခြားနေတာကို ကြိုသိနေပုံရလို့ ကျုပ်ဆီမှာ အစီအစဉ်တွေ ကြိုတင်လုပ်ပေးထားတာပါ။ ကျုပ်ရဲ့လက်ကတစ်ဆင့် ဒီထောင်ချောက်ကို ဖျက်ဆီးခိုင်းလိုက်တာပဲ”</p> <p>​ဖန့်ချန်က ပြုံးလျက်</p> <p> “ဒီကိစ္စကတော့ သူ့အတွက် လျှို့ဝှက်ထားပေးရမှာမို့ အသေးစိတ်တော့ ပြောလို့မရဘူးဗျ”</p> <p>​ကြာနီနတ်မိမယ်က အသာအယာ ခေါင်းညိတ်ပြီး ဆက်လက်၍ မမေးမြန်းတော့ပေ။</p> <p>​တစ်ချိန်တည်းမှာပင်...</p> <p>ကျွယ်မင်ကြယ်တာရာ</p> <p>​တားမြစ်အစီရင်များ ဖုံးလွှမ်းထားပြီး တံခါးဝတွင် ကျောက်ရုပ်ရုပ်သေးများ စောင့်ကြပ်နေသည့် နန်းဆောင်ကြီးတစ်ခု အတွင်း၌ အမာခံတပည့် ပေါင်းတစ်ထောင်ကျော်၏ အသက်မီးအိမ်များကို အသီးသီး အမည်တပ်ကာ စီတန်းထားရှိသည်။</p> <p>​အဆင့်ဆင့်သော မီးအိမ်များ၏ အထက်ဆုံးတွင် အလွန်ထူးခြားသော မီးအိမ်တစ်လုံးမှာ စိမ်းဖန့်ဖန့် မီးတောက်ဖြင့် တလက်လက် တောက်ပနေသည်။</p> <p>​ရုတ်တရက် လေတစ်ချက် တိုက်ခတ်သွားသလိုမျိုး ထိုမီးအိမ်မှာ ချက်ချင်းပင် ငြိမ်းသွားတော့သည်။</p> <p>​ဆက်တိုက်ဆိုသလိုပင် နန်းဆောင်အတွင်း၌ နားကွဲမတတ် ပြင်းထန်သော ခေါင်းလောင်းသံကြီး တစ်ခု ထွက်ပေါ်လာသည်။</p> <p>​မျက်တောင်တစ်ခတ်အတွင်းမှာပင် အဖိုးအိုတစ်ဦးသည် နန်းဆောင်အတွင်းသို့ ရောက်ရှိလာပြီး အမြင့်ဆုံးအဆင့်ရှိ ငြိမ်းသွားသော မီးအိမ်ကို စိုက်ကြည့်လိုက်သည်။</p> <p>​ထိုမီးအိမ်ပေါ်တွင် စာလုံးကြီး သုံးလုံး ရှိနေသည်</p> <p>ရှဲ့အမန်</p> <p>​“အမန်ရဲ့ အသက်မီးအိမ်... ဘယ်လိုဖြစ်ပြီး ရုတ်တရက် ငြိမ်းသွားရတာလဲ...”</p> <p>​အဖိုးအိုက တိုးညင်းစွာ ရေရွတ်လိုက်ရာ သူ၏ မျက်ဝန်းများတွင် မိုးကြိုးမုန်တိုင်းများ လှုပ်ခတ်နေသကဲ့သို့ပင်။</p> <p>နောက်တစ်ခဏတွင် သူက ဝတ်ရုံစကို ဝှေ့ယမ်းကာ ဒေါသတကြီး အော်ဟစ်လိုက်သည်။</p> <p>​“ကျွယ်မင်နန်းတော်ရဲ့ အမာခံတပည့်ခေါင်းဆောင် သေဆုံးသွားပြီ အသက်ရှင်နေသေးတဲ့သူမှန်သမျှ ငါ့ဆီကို အခုချက်ချင်း လာခဲ့ကြစမ်း ”</p> <p>​ထိုအသံမှာ တောင်တန်းအထပ်ထပ်ကို ဖြတ်ကျော်ကာ ဟိန်းထွက်သွားပြီး ကျွယ်မင်ကြယ်ပေါ်ရှိ အမာခံတပည့်များ၏ ကျင့်ကြံရာ နေရာတိုင်းတွင် ပဲ့တင်ထပ်သွားသည်။</p> <p>​အချို့မှာ အံ့အားသင့်သွားကြသည်။</p> <p>အချို့မှာ မယုံကြည်နိုင် ဖြစ်သွားကြသည်။</p> <p>အချို့မှာ မျက်နှာထား လေးနက်သွားကြသည်။</p> <p>အချို့မှာမူ တစ်စုံတစ်ခုကို တွေးတောနေကြသည်။</p> <p>​မကြာမီမှာပင် အမာခံတပည့်များသည် နန်းဆောင်ရှေ့သို့ တစ်ဦးပြီးတစ်ဦး ရောက်ရှိလာကြသည်။</p> <p>အဆင့် ၁ မသေမျိုးမှသည် အဆင့် ၆ မသေမျိုးအထိ အသီးသီး ပါဝင်သည်။</p> <p>​စုစုပေါင်း၏ သုံးပုံတစ်ပုံခန့် ရောက်လာကြပြီး ကျန်သည့် သုံးပုံနှစ်ပုံမှာ အပြင်ဘက်တွင် ရောက်နေကြခြင်း သို့မဟုတ် ရှေးဟောင်းတားမြစ်နယ်မြေများအတွင်း ရောက်နေကြခြင်း ဖြစ်သည်။</p> <p>​ကျွယ်မင်ယင်လောကသို့ပင် လူလွှတ်ကာ အကြောင်းကြားထားပြီးဖြစ်သည်။</p> <p>​“အကြီးအကဲ ချန် .. ဘာတွေဖြစ်ကုန်တာလဲ စီနီယာအစ်မကြီးရဲ့ အသက်မီးအိမ်က ဘယ်လိုလုပ် ငြိမ်းသွားရတာလဲ”</p> <p>​စီနီယာအစ်မကြီး၏ နောက်လိုက် အမာခံတပည့်အချို့မှာ အဖိုးအို နန်းဆောင်ထဲမှ ထွက်လာသည်ကို မြင်သောအခါ စိုးရိမ်တကြီး မေးမြန်းကြသည်။</p> <p>​အကြီးအကဲချန်က ဘာမှပြန်မပြောဘဲ တည်တင်းသော မျက်နှာဖြင့် ရှေ့ရှိ အမာခံတပည့်များ၏ မျက်နှာကို တစ်ဦးချင်း လိုက်လံစစ်ဆေးကြည့်ရှုနေသည်။</p> <p>​လီရှမ်းဇီနှင့် နန်မင်ရုယွဲ့  တို့သည်လည်း လူအုပ်ကြားတွင် ရပ်နေကြပြီး မှင်သက်အံ့ဩနေသလို မျက်နှာထားမှာလည်း အလွန်လေးနက်နေသည်။</p> <p>​“ဒီနေရာက မင်းတို့ ဝင်လို့ရတဲ့နေရာ မဟုတ်ဘူး၊ အခုချက်ချင်း ပြန်ကြစမ်း”</p> <p>ပြင်ပမှ ဆူညံသံအချို့ ထွက်ပေါ်လာသည်။</p> <p>​အကြီးအကဲချန်က အေးစက်စွာ နှာခေါင်းရှုံ့လျက်</p> <p> “သူတို့ကို ဝင်ခိုင်းလိုက်”</p> <p>​ထို့နောက် တိုက်ပွဲတစ်ရာမသေမျိုးသည် လူတစ်စုနှင့်အတူ တိုးဝင်လာသည်။</p> <p> သူ၏ မျက်နှာမှာ ပြာနှမ်းနေပြီး အကြီးအကဲချန်၏ ရှေ့သို့ အမြန်လျှောက်လာကာ လက်အုပ်ချီ နှုတ်ဆက်လိုက်သည်။</p> <p>​“မျိုးဆက်သစ်က အကြီးအကဲချန်ကို ဂါရဝပြုပါတယ်”</p> <p>​အားလုံး၏ အကြည့်များသည် တိုက်ပွဲတစ်ရာမသေမျိုး ထံသို့ စုပြုံကျရောက်သွားသည်။</p> <p>သူသည် ကျွယ်မင်နန်းတော်အတွင်း၌ သာမန်အမာခံတပည့်များထက် မနိမ့်ကျသော နာမည်ဂုဏ်သတင်း ရှိသူဖြစ်သည်။</p> <p>​သူသည် အမာခံတပည့် မဟုတ်သော်လည်း အဆင့် ၆ မသေမျိုးများထဲတွင် ထိပ်တန်းမှ ဖြစ်ပြီး စီနီယာအစ်မကြီး၏  နတ်တံဆိပ် နယ်မြေရှာဖွေရေးအဖွဲ့ဝင် တစ်ဦးလည်း ဖြစ်သည်။</p> <p>​နတ်တံဆိပ်အဖွဲ့ စတင်တည်ထောင်ချိန်မှ ယခုအထိ တိုက်ပွဲတစ်ရာမသေမျိုး မှာ အမြဲရှိနေခဲ့ပြီး စီနီယာအစ်မကြီးအတွက် ရှေးဟောင်းတားမြစ်နယ်မြေ ပေါင်းများစွာကို တိုက်ခိုက်သိမ်းပိုက်ပေးခဲ့ကာ စစ်မှုထမ်းကောင်းမှုများစွာဖြင့် ယခု အဆင့် ၆ သို့ ရောက်ရှိလာခဲ့ခြင်း ဖြစ်သည်။</p> <p>​သူသည် မသေမျိုးလှေအစီရင်ဗဟိုချက်နှင့် ပဋိညာဉ် မပြုနိုင်သဖြင့် အမာခံတပည့် မဖြစ်ခဲ့သော်လည်း၊ နောင်တွင် မသေမျိုးစားရင်းဝင်ခွင့် ရရှိကာ ရှေးဟောင်းမသေမျိုးအဆင့်သို့ တက်လှမ်းနိုင်မည့် အခွင့်အရေး အလွန်ကြီးမားသူဖြစ်သည်။</p> <p>​ထိုအဆင့်တွင် သူသည် အမာခံတပည့် မဟုတ်သော်လည်း အမာခံတပည့်များကဲ့သို့ပင် ရိုသေမှု ခံရပြီး ကျွယ်မင်နန်းတော်အတွင်း ရာထူးမှာလည်း အမာခံတပည့်များနှင့် တန်းတူပင် ဖြစ်သည်။</p> <p>​“ပြောစမ်း... မင်း ဘာလို့ သူမဘေးမှာ လိုက်မသွားတာလဲ”</p> <p> အကြီးအကဲချန်က တည်ငြိမ်စွာ မေးလိုက်သော်လည်း သူ၏ အကြည့်မှာ လျှပ်စီးကဲ့သို့ စူးရှလှသဖြင့် အကြည့်ခံရသူ ကျင့်ကြံသူတိုင်း စူးစူးရှရှ နာကျင်မှုကို ခံစားလိုက်ရသည်။</p> <p>​တိုက်ပွဲတစ်ရာမသေမျိုး၏ မျက်နှာမှာ ဖြူလျော့သွားသည်</p> <p> “စီနီယာအစ်မကြီး ဒီတစ်ခေါက် လင်းကွေကြယ်တာရာကို သွားတုန်းက ကျနော် တို့ လိုက်ပါခဲ့ပါတယ်။ ဒါပေမဲ့ သူမက အောက်နယ်မြေ ခြောက်ခုကို ကိုယ်ရေးကိုယ်တာ ကိစ္စလေးတစ်ခု သွားလုပ်စရာ ရှိတယ်ဆိုပြီး ကျနော်တို့ကို လိုက်ခွင့်မပြုခဲ့ပါဘူး။ ကျနော်တို့လည်း သူမရဲ့ အမိန့်ကို မဖီဆန်ရဲခဲ့လို့ပါ”</p> <p>​“ကိုယ်ရေးကိုယ်တာ ကိစ္စ သူမ အောက်နယ်မြေ ခြောက်ခုကို သွားမယ့် သတင်းကို မင်းတို့ပဲ သိတာလား ”</p> <p>အကြီးအကဲချန်က မေးသည်။</p> <p>​“ဒီလိုပဲ ဖြစ်ရပါမယ်”</p> <p> တိုက်ပွဲတစ်ရာမသေမျိုး က ခဏတာ မှင်သက်သွားပြီးနောက် ခေါင်းညိတ်ပြသည်။</p> <p>​“ဖမ်းဆီးလိုက်”</p> <p>အကြီးအကဲချန်က အေးဆေးစွာ အမိန့်ပေးလိုက်သည်။</p> <p>​ချက်ချင်းပင် အမာခံတပည့်အချို့က တိုက်ပွဲတစ်ရာမသေမျိုး နှင့် လူစုကို ဖမ်းဆီးလိုက်ကြသည်။</p> <p>သူတို့မှာ ဒေါသထွက်ပြီး စိတ်မကောင်း ဖြစ်နေကြသော်လည်း ပြန်လည်ခုခံခြင်း မပြုဘဲ အဖမ်းခံလိုက်ကြသည်။</p> <p>​“အကြီးအကဲချန်... စီနီယာအစ်မကြီးရဲ့ အသက်မီးအိမ်က တကယ်ပဲ ငြိမ်းသွားတာလား ”</p> <p>​တိုက်ပွဲတစ်ရာမသေမျိုး မှာ ထိုကဲ့သို့သော အမျိုးသမီးမျိုးသည် အောက်နယ်မြေ ခြောက်ခုမှာ အခုလို သေဆုံးသွားလိမ့်မည်ဟု ခုထိ မယုံကြည်နိုင်သေးပေ။</p> <p>​“အသက်မီးအိမ်ကတော့ တကယ် ငြိမ်းသွားတာပဲ။ သူမရဲ့ ဝိညာဉ်ဟာ ယင်လောကထဲကို ကူးပြောင်းနိုင်ခဲ့ဖို့ပဲ မျှော်လင့်ရမယ်။ ဒါပေမဲ့ အရင်က အတွေ့အကြုံတွေအရဆိုရင် အောက်နယ်မြေဘက်က ဝိညာဉ်တွေဟာ ယင်လောကငယ်  ကိုပဲ သွားနိုင်တာ။ သူမကို ရှာပြီး အဖြစ်မှန်ကို မေးမြန်းနိုင်ဖို့ဆိုရင်တော့ အချိန်နည်းနည်း ထပ်ပေးရလိမ့်မယ်”</p> <p>​“အဖြစ်မှန်ကို မစုံစမ်းနိုင်ခင်အထိ မင်းတို့ကို ခေတ္တ ထိန်းသိမ်းထားမယ်။ တကယ်လို့ မင်းတို့ ဒီကိစ္စမှာ ပတ်သက်နေတာကို စစ်ဆေးတွေ့ရှိရင်တော့ ကျွယ်မင်ယင်လောက ကို သွားပြီး အပြစ်ပေးခံရလိမ့်မယ်”</p> <p>အကြီးအကဲချန်က အေးစက်စက် ပြောလိုက်သည်။</p> <p>​သူ၏ မျက်လုံးထဲတွင် ရှေ့မှ အဆင့် ၆ မသေမျိုးသည်ပင် ပုရွက်ဆိတ်တစ်ကောင်ကဲ့သို့သာ ဖြစ်သည်။</p> <p>​အားလုံးသည် တစ်ဦးကိုတစ်ဦး ကြည့်လိုက်ကြပြီး မျက်နှာထားများ ပို၍ လေးနက်လာကြသည်။</p> <p>ကျွယ်မင်ယင်လောကတွင် အပြစ်ပေးခံရမည် ဆိုသည်မှာ လူသားလောကမှ သက်တမ်းကို အသိမ်းခံရမည်ဖြစ်ပြီး ဝိညာဉ်ဘဝဖြင့်သာ အပြစ်ဒဏ် ခံစားရမည် ဖြစ်သည်။</p> <p> ထိုအရသာကို မည်သူမျှ မမြည်းစမ်းလိုကြပေ။</p> <p>​“အကြီးအကဲချန်... စီနီယာအစ်မကြီးရဲ့ ရုပ်အလောင်းက အခု ဘယ်နေရာမှာ ရှိနေတာလဲ”</p> <p> ဟု လီရှမ်းဇီ က ရုတ်တရက် မေးမြန်းလိုက်သည်။</p> <p>​အားလုံး၏ အကြည့်များသည် အကြီးအကဲချန် ထံသို့ စုပြုံရောက်ရှိသွားကြသည်။</p> <p>​အသက်မီးအိမ်တွင် ရုပ်အလောင်း တည်ရှိရာနေရာကို ရှာဖွေနိုင်သည့် စွမ်းရည်ရှိသည်။</p> <p> ရုပ်အလောင်းမှာ ပြာဖြစ်သွားခဲ့လျှင်ပင် နောက်ဆုံး တည်ရှိခဲ့သည့် နေရာကို ညွှန်ပြပေးနိုင်စွမ်း ရှိပေသည်။</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save