Book List

<h2 style="text-align: center;">အခန်း (၁၄၄၀)</h2> <h2 style="text-align: center;">မင်းက ဘာအဆင့်အတန်းမို့လို့လဲ</h2> <h2 style="text-align: center;">*</h2> <p> </p> <p> </p> <p>​အချို့သော အမာခံတပည့်များ၏ တိုးတိုးတိတ်တိတ် ရေရွတ်သံများကို ကြားရသောအခါ ဖန့်ချန်အနေဖြင့် ဒီတစ်ကြိမ်တွင် စီနီယာအစ်မကြီး ခန့်မှန်းခဲ့သည်မှာ မမှားကြောင်း အသေအချာ အတည်ပြုနိုင်လိုက်ပြီဖြစ်သည်။</p> <p> လာသင့်လာထိုက်သူများ အားလုံး စုံစုံလင်လင် ရောက်ရှိလာကြပြီ ဖြစ်သည်။</p> <p>​ကြီးမားလှသော ကျွယ်မင်နန်းတော်တစ်ခုလုံးတွင် ယခုအခါ လီရှမ်းဇီ အပါအဝင် မသေမျိုးလှေ အစီရင်စွမ်းအားကို အသုံးပြုနိုင်သူ ရှစ်ဦးသာ ရှိပေသည်။</p> <p>​လီရှမ်းဇီနှင့် နန်မင်ရုယွဲ့တို့မှာ ရောက်ရှိနေပြီးဖြစ်ကာ ကျန်ရှိသော ငါးဦးမှာလည်း အချိန်ကိုက်ပင် ဆိုက်ဆိုက်မြိုက်မြိုက် ရောက်ရှိလာကြသည်။</p> <p>​၎င်းကို ကြည့်ခြင်းအားဖြင့် သူတို့သည် အမှန်တကယ်တွင် စောစီးစွာ ရောက်ရှိနေကြခြင်းဖြစ်သော်လည်း အကြီးအကဲချန်တို့လူစု မပေါ်လာသေးမီအချိန်တွင် သံသယအပွားမခံလိုသဖြင့် နဂါးနက်လှေပေါ်သို့ တစ်ဦးတည်းတက်ကာ စီနီယာအစ်မကြီး၏ ရုပ်အလောင်းကို လာရောက်မစစ်ဆေးခဲ့ကြခြင်း ဖြစ်ကြောင်း ထင်ရှားနေသည်။</p> <p>​“ဒုတိယ စီနီယာအစ်ကို...”</p> <p>“တတိယ စီနီယာအစ်မ...”</p> <p>အသံတချို့ ဟိုတစ်စ ဒီတစ်စ ထွက်ပေါ်လာသည်။</p> <p>​လူပုံရိပ် ငါးခုသည် လူအုပ်ကို ကျော်ဖြတ်ကာ ရေခဲခေါင်းတလားရှေ့သို့ ရောက်ရှိလာကြသည်။</p> <p>​ထိုအထဲမှ သတ္တမစီနီယာအစ်မကိုမူ ဖန့်ချန်အနေဖြင့် ဝူရှန့်ငရဲ တွင် တွေ့ဆုံခဲ့ဖူးရာ သူမသည် စီနီယာအစ်မကြီး၏ အနားတွင် အမြဲရှိနေတတ်သူဖြစ်သည်။</p> <p>စီနီယာအစ်မကြီး၏ ရုပ်အလောင်းကို မြင်လိုက်ရသောအခါ သူမ၏ မျက်နှာမှာ အဆိုးရွားဆုံး ပျက်ယွင်းသွားပြီး ကျန်ရှိသူများမှာမူ တည်ငြိမ်နေကြဆဲပင်။</p> <p>​“နံပါတ် ၂... မင်းတို့ ဘယ်လိုမြင်လဲ ”</p> <p>အကြီးအကဲချန်က တည်ငြိမ်စွာ မေးလိုက်သည်။</p> <p>​ဒုတိယစီနီယာအစ်ကိုသည် စီနီယာအစ်မကြီးထံမှ အကြည့်ကို ပြန်လည်ရုပ်သိမ်းကာ စက္ကန့်အနည်းငယ်ခန့် စဉ်းစားပြီးနောက် ခေါင်းကို အသာအယာ ခါယမ်းလိုက်သည်။</p> <p>“နားမလည်နိုင်ဘူး...”</p> <p>​သူက ခေတ္တရပ်ကာ</p> <p> “ကျနော်အမြင်အရ စီနီယာအစ်မကြီးရဲ့ အရည်အချင်းနဲ့ဆိုရင် သူမဟာ ဒီလောက် လွယ်လွယ်ကူကူ သေဆုံးသွားမှာ မဟုတ်ဘူးလို့ ထင်တယ်”</p> <p>​“ရုပ်အလောင်းကိုတော့ ငါစစ်ဆေးပြီးပြီ၊ တကယ် သေဆုံးသွားတာပဲ။ ဒါပေမဲ့ ဝိညာဉ် ကျန်ရစ်ခဲ့သလား ဆိုတာတော့ မသိရသေးဘူး”</p> <p> အကြီးအကဲချန်က ဆိုသည်။</p> <p>​“ဒါဆိုရင် ပိုလို့တောင် နားမလည်နိုင်တော့ဘူး။ စီနီယာအစ်မကြီး သေဆုံးသွားတာနဲ့ ကျနော်တို့တွေဟာ အကြီးမားဆုံး သံသယတရားခံတွေ ဖြစ်လာမှာပဲ”</p> <p> ဒုတိယစီနီယာအစ်ကိုက ပြောလိုက်သည်။</p> <p>​နန်မင်ရုယွဲ့နှင့် အခြားသူများ၏ မျက်နှာထားများ အနည်းငယ် ပြောင်းလဲသွားကြသည်။</p> <p>မှန်ပေသည်။</p> <p>စီနီယာအစ်မကြီး သေဆုံးခြင်းအတွက် သူတို့သည် သံသယဖြစ်ဖွယ် အကောင်းဆုံးသူများ ဖြစ်သည်။</p> <p> အခြားသော သာမန်အမာခံတပည့်များမှာမူ စီနီယာအစ်မကြီး သေဆုံးသွားခြင်းကြောင့် မည်သည့်အကျိုးကျေးဇူးမှ ရရှိမည် မဟုတ်သဖြင့် သံသယဖြစ်စရာ သိပ်မရှိလှပေ။</p> <p>​“ဒုတိယစီနီယာအစ်ကို... စီနီယာအစ်မကြီး သေဆုံးသွားပြီဆိုတော့ အမာခံတပည့်ခေါင်းဆောင် ရာထူးက ရှင့်လက်ထဲကို ရောက်လာတော့မှာ မဟုတ်လားကျမ ကြည့်ရသလောက်တော့ ရှင့်မှာ သံသယ အကြီးမားဆုံးပဲ”</p> <p>​လူအုပ်ကြီးမှာ အံ့အားသင့်သွားကြပြီး စကားပြောလိုက်သူထံသို့ အကြည့်များ ပို့လိုက်ကြသည်။</p> <p>ထိုသူမှာ အေးစက်လှပသော ရုပ်ရည်ရှိသည့် အမျိုးသမီးတစ်ဦး ဖြစ်သည်။</p> <p>ယခုအချိန်တွင် ကျိရှန့် အပါအဝင် အမာခံတပည့်တစ်စုသည် သူမ၏ နောက်ကွယ် မနီးမဝေးတွင် ရပ်နေကြသည်။</p> <p>​သူမမှာ ကျွယ်မင်နန်းတော်၏ တတိယစီနီယာအစ်မဖြစ်ပြီး သူမ၏ ကျင့်ကြံမှုမှာလည်း အဆင့် ၆ မသေမျိုးသို့ ရောက်ရှိနေပြီဖြစ်သည်။</p> <p> မသေမျိုးလှေ အစီရင်စွမ်းအားကို အသုံးပြုသည့်အခါ သူမသည်လည်း ရှေးဟောင်းမသေမျိုးနှင့် တန်းတူ စွမ်းဆောင်နိုင်သည်။</p> <p>​တတိယစီနီယာအစ်မ၏ မျက်နှာတွင် ဝမ်းနည်းရိပ် အစအနပင် မရှိဘဲ သူမ၏ မျက်ဝန်းထောင့်တွင် ပြုံးရိပ်လေးပင် စွန်းထင်နေသည်။</p> <p>စီနီယာအစ်မကြီး သေဆုံးသွားခြင်းကြောင့် သူမ ဝမ်းမြောက်နေသည်ကို လုံးဝ ဖုံးကွယ်မထားခြင်းကပင် သူမတွင် သံသယမရှိကြောင်း ပို၍ ထင်ရှားစေသကဲ့သို့ ဖြစ်နေသည်။</p> <p>သူမက ဒုတိယစီနီယာအစ်ကိုကို မေးခွန်းထုတ်လိုက်သောအခါ ကျန်သူများလည်း တွေးတောစရာ ဖြစ်သွားကြသည်။</p> <p>​အကြီးအကဲချန်တို့မှာ ဘေးမှနေ၍ ကြည့်နေကြပြီး ကြားဖြတ်ပြောဆိုခြင်း မရှိကြပေ။</p> <p>​“အမာခံတပည့်ခေါင်းဆောင် ရာထူးဆိုတာ စီနီယာအစ်မကြီး သေဆုံးသွားလို့ နံပါတ် ၂ ဖြစ်တဲ့ ငါက တိုက်ရိုက် ရနိုင်တာမျိုး မဟုတ်ပါဘူး။ စစ်ဆေးမှုတွေ အဆင့်ဆင့် ဖြတ်ကျော်ရဦးမှာ။ ပါရမီနဲ့ အရည်အချင်းပိုင်းမှာဆိုရင် ငါက မင်းတို့ရဲ့ ဒုတိယစီနီယာအစ်ကို ဆိုပေမဲ့ မင်းက ငါ့ထက်တောင် အနည်းငယ် သာလွန်နေပါသေးတယ်”</p> <p>​ဒုတိယစီနီယာအစ်ကိုက ဒေါသမထွက်ဘဲ အေးဆေးစွာ ဆိုသည်။</p> <p>“နံပါတ် ၄၊ နံပါတ် ၅၊ နံပါတ် ၆၊ နံပါတ် ၇ တွေလည်း ရှိသေးတယ်...”</p> <p>​သူက လီရှမ်းဇီကို ကြည့်လိုက်သည်</p> <p>“ပြီးတော့ နံပါတ် ၈ လည်း ရှိသေးတယ်။ သူတို့အားလုံးရဲ့ ပါရမီဟာ ငါ့ထက် မနိမ့်ကျဘူး။ ဒီရာထူးကို ရဖို့ အပိုင်မတွက်နိုင်သေးဘဲနဲ့ ငါက ဘာလို့ စီနီယာအစ်မကြီးကို လုပ်ကြံရမှာလဲ ဒါ့အပြင် ငါက အောက်နယ်မြေ ခြောက်ခုမှာ ဘယ်ကျင့်ကြံသူကိုမှ မသိဘူး၊ ရှေးဟောင်းမသေမျိုး တစ်ဦးတစ်ယောက်တောင် မရှိဘူး။ အောက်နယ်မြေမှာ အစီအစဉ်ဆွဲဖို့ ငါ့မှာ အဲဒီလို အရည်အချင်း မရှိဘူး”</p> <p>​“အဆက်အသွယ် ကျယ်ပြန့်မှုအကြောင်း ပြောမယ်ဆိုရင်တော့ တတိယစီနီယာအစ်မပဲ ဖြစ်မှာပေါ့။ တတိယစီနီယာအစ်မ ဒီနှစ်တွေအတွင်း အောက်နယ်မြေ ခြောက်ခုကို သွားခဲ့တဲ့ အကြိမ်ရေက ရေတွက်လို့တောင် မရတော့ဘူး မဟုတ်လား ”</p> <p>  နံပါတ် ၄ စီနီယာအစ်ကိုက ရုတ်တရက် ပြုံး၍ ဆိုသည်။</p> <p>​“ဟဲဟဲ... ငါ အောက်နယ်မြေမှာ ရှေးဟောင်းမသေမျိုး အတော်များများကို သိတာတော့ အမှန်ပဲ။ ဒါပေမဲ့... ဒီတစ်ခေါက် လက်ချက်က ရှေးဟောင်းမသေမျိုး နှစ်ယောက်က ဘယ်သူတွေလဲဆိုတာ ရှင်တို့ မကြားလိုက်ဘူးလား ဒါမှမဟုတ် မကြားချင်ယောင် ဆောင်နေကြတာလား ”</p> <p>​တတိယစီနီယာအစ်မက ခပ်အေးအေး ပြုံးလိုက်သည်</p> <p> “တစ်ယောက်က ရုလိုင်ဘုရားကျောင်းက၊ နောက်တစ်ယောက်က အဆိပ်ငါးပါးဂိုဏ်းက ချန်စန်း။ ရုလိုင်ဘုရားကျောင်းနဲ့လည်း ရင်းနှီးမှုရှိပြီး ချန်စန်းကိုလည်း သိနေတဲ့သူက ရှင်ပဲ မဟုတ်လား ”</p> <p>​နံပါတ် ၄ စီနီယာအစ်ကို၏ မျက်နှာမှာ ရုတ်တရက် ကြည့်မကောင်း ဖြစ်သွားသည်။</p> <p>​သူတို့သည် တစ်ဦးနှင့်တစ်ဦး အပြန်အလှန် ငြင်းခုံနေကြပြီး သံသယတရားခံကို နံပါတ် ၂၊ ၃၊ ၄ ကြားတွင်သာ ကန့်သတ်ထားပုံရသည်။</p> <p>နံပါတ် ၅ ဖြစ်သော နန်မင်ရုယွဲ့နှင့် ကျန်သူများကိုမူ လျစ်လျူရှုထားကြသည်။</p> <p>​“ဒီမှာ ငြင်းနေလို့တော့ ဘာမှ ထူးလာမှာ မဟုတ်ဘူး။ ကျနော် အမြင်အရ စီနီယာအစ်မကြီးရဲ့ ရုပ်အလောင်းကို ကျွယ်မင်ကြယ်တာရာဆီ အရင်ဆုံး ပြန်သယ်သွားပြီး ကောင်းကောင်းမွန်မွန် သင်္ဂြိုဟ်ပေးဖို့ပဲ။ အဲဒီနောက်မှ လူလွှတ်ပြီး ချန်စန်းကို လိုက်ရှာမယ်။ တကယ်လို့  သူ့ကို မတွေ့ရင်တောင် အဆိပ်ငါးပါးဂိုဏ်းက ကျင့်ကြံသူတွေကို အရင်ဖမ်းပြီး စစ်ဆေးမေးမြန်းရင် သဲလွန်စအချို့ ရနိုင်ပါလိမ့်မယ်”</p> <p>ဟု နံပါတ် ၄ က တည်ငြိမ်စွာ ဆိုသည်။</p> <p>​တတိယစီနီယာအစ်မသည် ဒီတစ်ကြိမ်တွင် သူ့ကို ပြန်လည်မချေပတော့ပေ။</p> <p>​ဒုတိယစီနီယာအစ်ကိုကလည်း ခေါင်းညိတ်ပြသည်</p> <p>“မှန်တယ်။ စီနီယာအစ်မကြီးကို အရင်ဆုံး သင်္ဂြိုဟ်ပေးရမယ်။ ပြီးတော့ သူတို့က စီနီယာအစ်မကြီးကို အကွက်ဆင်တိုက်ခိုက်တာဟာ တခြားကိစ္စတွေကြောင့်လည်း ဖြစ်နိုင်တယ်။ ကျနော် တို့အနေနဲ့ တစ်ဖက်သတ် မတွေးမိဖို့နဲ့ အရေးကြီးတဲ့ သဲလွန်စတွေကို လက်လွတ်မခံမိဖို့ လိုအပ်တယ်”</p> <p>​“စီနီယာ အစ်ကို၊ အစ်မတို့...”</p> <p>​ကြာနီနတ်မိမယ် က ရုတ်တရက် စကားစလိုက်သည်</p> <p> “စီနီယာအစ်မကြီး သေခါနီးမှာ ပြောသွားတာက... နတ်ရိုသေနန်းတော် မှာလည်း ဒီကိစ္စနဲ့ ပတ်သက်ပြီး သံသယအကြီးအကျယ် ရှိတယ်တဲ့။ နတ်ရိုသေနန်းတော်ဆီက သတင်းသာ မရခဲ့ရင် စီနီယာအစ်မကြီးဟာ သူတို့ရဲ့ ထောင်ချောက်ထဲကို ရောက်သွားစရာ အကြောင်းမရှိဘူးလို့ ပြောသွားပါတယ်”</p> <p>​"နတ်ရိုသေနန်းတော် ဒါဆိုရင်တော့ ဒုတိယစီနီယာအစ်ကိုပဲ ဖြစ်ရမှာပေါ့။ ရှင်က နတ်ရိုသေနန်းတော်ရဲ့ ဒုတိယနန်းတော်သခင် အချို့နဲ့ အတော်လေး ရင်းနှီးတယ် မဟုတ်လား”</p> <p>တတိယစီနီယာအစ်မက ပြုံးစစဖြင့် ဆိုသည်။</p> <p>​အားလုံး၏ မျက်နှာထားများမှာ ထူးဆန်းသွားကြသည်။</p> <p>ဒုတိယစီနီယာအစ်ကိုက လုံးဝပွင့်လင်းဟန် ပြနေသော်လည်း ယခုအခါတွင်မူ သံသယအားလုံးမှာ သူ၏ ခေါင်းပေါ်သို့သာ ကျရောက်နေသကဲ့သို့ပင်။</p> <p>​သူ၏ ပါရမီမှာ ထိုရှစ်ဦးထဲတွင် အထင်ရှားဆုံး မဟုတ်သော်လည်း၊ လီရှမ်းဇီပင်လျှင် သူ၏အထက်တွင် ရှိနေနိုင်သော်လည်း၊ သူ၏ ကျင့်ကြံမှုမှာမူ အဆင့် ၇ ရှေးဟောင်းမသေမျိုး ဖြစ်သည်။</p> <p>အကယ်၍ ကျွယ်မင်နန်းတော်က သူ့ကို အမာခံတပည့်ခေါင်းဆောင် အဖြစ် တင်မြှောက်လိုက်မည်ဆိုလျှင် နောင်တွင် သူသည် အဆင့် ၈ မသေမျိုးဆေးပင်ကို မှီဝဲရုံဖြင့် နန်းတော်သခင် ရာထူးကို ဆက်ခံရန် စောင့်ဆိုင်းနေရုံသာ ရှိတော့သည်။</p> <p>​“မင်းတို့ စကားပြောလို့ ပြီးကြပြီလား ”</p> <p>​အကြီးအကဲချန်က ရုတ်တရက် ပြုံး၍ မေးလိုက်ပြီးနောက် သူ၏ လက်ထဲမှ မှန်ထဲကပန်း  အချို့ကို ထုတ်ယူလိုက်သည်။</p> <p>“မင်းတို့ ပြောလို့ပြီးရင် ငါ မေးခွန်းမေးဖို့ အလှည့်ပဲ။ ငါ့မှာ မှန်ထဲကပန်း အချို့ ရှိတယ်၊ မင်းတို့ တစ်ယောက်ချင်းစီ လာခဲ့ကြ”</p> <p>​မှန်ထဲကပန်း</p> <p>အားလုံး၏ မျက်နှာထားများ အနည်းငယ် ပြောင်းလဲသွားကြသည်။</p> <p>​“ကျနော် အရင် လာပါ့မယ်”</p> <p>ဒုတိယစီနီယာအစ်ကိုက ခေါင်းအသာညိတ်ပြကာ အကြီးအကဲချန်၏ ရှေ့သို့ လျှောက်လာသည်။</p> <p>​“ငါ မင်းကို မေးမယ်... ကျွယ်မင်နန်းတော်ရဲ့ အမာခံတပည့်ခေါင်းဆောင်ကို မင်း လုပ်ကြံခဲ့တာလား”</p> <p> အကြီးအကဲချန်က အေးစက်စက် အသံဖြင့် မေးလိုက်သည်။</p> <p>​ဒုတိယစီနီယာအစ်ကို</p> <p> “ကျနော် မလုပ်ခဲ့ပါဘူး”</p> <p>​မှန်ထဲကပန်းမှ ထူးခြားသော ပန်းရနံ့များ သင်းပျံ့ထွက်ပေါ်လာသည်။</p> <p>​အားလုံးက သက်ပြင်းချလိုက်ကြသည်၊ ဒုတိယစီနီယာအစ်ကို မဟုတ်သည်မှာ အမှန်ပင်။</p> <p>မှန်ထဲကပန်း၏ စစ်ဆေးမှုကို လှည့်စားနိုင်သည့် နည်းလမ်းအချို့ ရှိသော်လည်း အကြီးအကဲချန်၏ ကျင့်ကြံမှုမှာ အလွန်မြင့်မားသဖြင့် ဒုတိယစီနီယာအစ်ကိုသာ အကြီးအကဲချန်ထက် ကျင့်ကြံမှု မမြင့်မားပါက မည်သည့် သဲလွန်စမှ မကျန်အောင် လှည့်စားနိုင်စရာ အကြောင်းမရှိပေ။</p> <p>​“မင်း အလှည့်ပဲ”</p> <p>အကြီးအကဲချန်က တတိယစီနီယာအစ်မကို ကြည့်လိုက်သည်။</p> <p>​“မေးပါရှင်”</p> <p>သူမက ပြုံးလျက် ဆိုသည်။</p> <p>​မေးခွန်းများ မေးမြန်းပြီးနောက် တတိယစီနီယာအစ်မတွင်လည်း သံသယမရှိကြောင်း အတည်ပြုနိုင်ခဲ့သည်။</p> <p>​ထို့နောက် နံပါတ် ၄၊ ၅၊ ၆၊ ၇ တို့ကိုလည်း အစဉ်လိုက် မေးမြန်းခဲ့သည်။</p> <p>သူတို့အားလုံးတွင်လည်း သံသယမရှိကြောင်း ထွက်ပေါ်လာသည်။</p> <p>​အကြီးအကဲချန်သည် ခေတ္တမျှ ဝေခွဲမရ ဖြစ်သွားသော်လည်း မှန်ထဲကပန်း၏ အသုံးပြုနိုင်သည့် အကြိမ်ရေ တစ်ခုကို အကုန်ခံကာ လီရှမ်းဇီကိုပါ မေးမြန်းလိုက်သည်။</p> <p>​အဖြေမှာမူ အားလုံး ခန့်မှန်းထားသည့်အတိုင်းပင် ဖြစ်သည်။</p> <p> မသေမျိုးလှေ အစီရင်စွမ်းအားကို ယခုမှ နားလည်သဘောပေါက်ခါစ လီရှမ်းဇီအနေဖြင့် စီနီယာအစ်မကြီးကို လုပ်ကြံရန် အကြောင်းပြချက် လုံးဝ မရှိနိုင်ပေ။</p> <p>​“မင်းတို့အားလုံးမှာ သံသယမရှိဘူးဆိုရင်တော့ နောက်ထပ် ဖြစ်နိုင်ချေတစ်ခုပဲ ရှိတော့တယ်။ သူမကို လုပ်ကြံတဲ့သူဟာ ဘယ်သူ့ကိုမှ အမာခံတပည့်ခေါင်းဆောင် ဖြစ်စေချင်လို့ မဟုတ်ဘဲ တခြား ရည်ရွယ်ချက်တစ်ခု ရှိနေလို့ပဲ။ ဒါပေမဲ့ သတင်းကို ပေါက်ကြားအောင် လုပ်တဲ့သူကတော့ မင်းတို့ထဲက တစ်ယောက်ယောက်ပဲ ဖြစ်ရမယ်”</p> <p>​အကြီးအကဲချန်၏ မျက်ခုံးများမှာ အနည်းငယ် တွန့်ချိုးသွားသည်။</p> <p>သူ့တွင် မှန်ထဲကပန်း အလုံအလောက် မရှိပေ၊ မဟုတ်လျှင် ရောက်ရှိနေသည့် အမာခံတပည့် အားလုံးကို မေးမြန်းကာ သံသယများကို ဖယ်ရှားပစ်လိမ့်မည် ဖြစ်သည်။</p> <p>​“စီနီယာအစ်မကြီး ပြောသွားသေးတယ်... အကြီးအကဲတွေ ထဲမှာလည်း သစ္စာဖောက် ပါနေနိုင်တယ်တဲ့”</p> <p> ဟု ဖန့်ချန်က ရုတ်တရက် ဝင်ပြောလိုက်သည်။</p> <p>​အကြီးအကဲ အနည်းငယ်မှာ ခဏမျှ မှင်သက်သွားကြပြီး ဘေးမှ ကြည့်နေသည့် ရှေးဟောင်းမသေမျိုးများမှာလည်း အံ့အားသင့်ကာ မျက်နှာထားများမှာ ထူးဆန်းသွားကြသည်။</p> <p>​အမာခံတပည့် တစ်ဦးက ဖန့်ချန်ကို ကြည့်ကာ ဒေါသတကြီး အော်ဟစ်လိုက်သည်။</p> <p>“မင်းက ဘာအဆင့်အတန်းမို့လို့ စီနီယာအစ်မကြီးကို ဒီလို ခေါ်ရဲတာလဲ ပြီးတော့ အကြီးအကဲတွေကိုပါ စွပ်စွဲရဲတယ်ပေါ့လေ ”</p> <p> </p> <p> </p> <p style="text-align: center;">***</p>


Save