Book List

<h2 style="text-align: center;">ငါ့တပည့်တွေအကုန် ဗီလိန်တွေချည်းပဲ</h2> <h2 style="text-align: center;">(စာစဉ်-၁၀၁)</h2> <h2 style="text-align: center;"> </h2> <h2 style="text-align: center;">အခန်း (၁၅၀၁)</h2> <h2 style="text-align: center;">သတ်ဖြတ်လိုစိတ် (၂)</h2> <h2 style="text-align: center;">*</h2> <p> </p> <p>“မှန်တယ်။ ခင်ဗျားမှာ မေးစရာ ရှိသေးလား” လုကျိုးက မေးလိုက်သည်။</p> <p>“မရှိပါဘူး။ ကျုပ်က အတည်ပြုချင်ရုံ သက်သက်ပါ” ချန်ဖူက ပြန်ဖြေလိုက်သည်။</p> <p>“ကြာပွင့်ကို ဖြတ်တောက်လိုက်တာက စိတ်ဝိညာဉ်သဏ္ဌာန်ကို လွတ်လပ်ခွင့် ပေးလိုက်တာပါပဲ။ ကျုပ်ရဲ့ တပည့် ယွီရှန်းရုန်က သူ့ရဲ့ ကြာပွင့်ကို ပထမဆုံး ဖြတ်တောက်ခဲ့တဲ့သူပဲ။ တကယ်ကို မကြုံစဖူးပါပဲ”</p> <p>လုကျိုးက ပြောလိုက်သည်။</p> <p>“...”</p> <p>ချန်ဖူသည် အခြေအနေကို နောက်ဆုံးတွင် နားလည်သွားပြီး ယွီရှန်းရုန်ကို နှစ်သက်သဘောကျစွာ ကြည့်လိုက်သည်။</p> <p>“မျိုးဆက်သစ်တွေက အရင်မျိုးဆက်တွေထက် တကယ် ပိုကောင်းလာတာပဲ။ မင်းက သူရဲကောင်းတစ်ယောက်ပဲ”</p> <p>“ချီးကျူးတဲ့အတွက် ကျေးဇူးတင်ပါတယ် သူတော်စင်ချန်။ ဒါက လှည့်ကွက်လေးတစ်ခုပါပဲ။ ပြောလောက်တဲ့အရာ မဟုတ်ပါဘူး” ယွီရှန်းရုန်က နှိမ့်ချစွာ ပြောလိုက်သည်။</p> <p>ထိုစကားကို ကြားသောအခါ ယွီကျန့်ဟိုင်က မျက်မှောင်ကျုံ့လိုက်သည်။ 'ထားလိုက်ပါတော့... ထားလိုက်ပါတော့။ ဒီနေ့တော့ မင်းကို ဟိတ်ဟန်ထုတ်ခွင့် ပေးလိုက်ပါ့မယ်။'</p> <p>ချန်ဖူသည် သူ၏ တပည့်များကို လှည့်ကြည့်ပြီး ပြောလိုက်သည်။</p> <p>“ဒါက မင်းတို့အားလုံး သင်ယူသင့်တဲ့ စံနမူနာကောင်း တစ်ခုပဲ”</p> <p>လုကျိုးက ပြောလိုက်သည်။ “ယှဉ်ပြိုင်မှုကို ဆက်ကြရအောင်”</p> <p>ချန်ဖူ၏ တပည့်များထဲတွင် ဆရာသခင် ငါးဦး ရှိသောကြောင့် ယှဉ်ပြိုင်မှု ငါးပွဲ ရှိပေမည်။</p> <p>ထိုအချိန်တွင် ကျန်းရှောင်ရော့က ထွက်လာခဲ့သည်။ သူသည် သူ့ကိုယ်သူ ထိန်းချုပ်ထားရန် ကြိုးစားနေခဲ့ခြင်း ဖြစ်သည်။</p> <p>သူ၏ စွမ်းရည်များကို စမ်းသပ်ရန် မစောင့်နိုင်တော့ပေ။ သူသည် သူ၏ ဂိုဏ်းတူညီအစ်ကိုများနှင့် မတူပေ။</p> <p>ဆောင်းဦးနှင်းစက်တောင်သည် သုံးပွဲဆက်တိုက် ရှုံးနိမ့်ခဲ့ပြီး ဂုဏ်သိက္ခာအားလုံး ဆုံးရှုံးသွားခဲ့ရသည်။ ဤအတိုင်းသာ ဆက်ဖြစ်နေပါက ဆောင်းဦးနှင်းစက်တောင်သည် အနာဂတ်တွင် တာ့ဟန်၌ မည်သို့ ရပ်တည်နိုင်တော့မည်နည်း။ သူတို့ဆရာ၏ အချိန်က ကုန်ဆုံးလုနီးပါး ဖြစ်နေပြီ။ ဆရာမရှိတော့ပါက ဆောင်းဦးနှင်းစက်တောင်သည် လောကကြီးကို မည်သို့ ခြိမ်းခြောက်ပြီး အထွတ်အထိပ်တွင် မြဲမြံစွာ ရပ်တည်နိုင်ပါမည်နည်း။ သူ့ရှေ့မှ လူသည် အားနည်းနေရုံဖြင့် လွှတ်ပေးလိုက်ခြင်းမျိုး သူ လုပ်မည် မဟုတ်ပေ။ သူသည် ယွင်ထုန်းရှောင်၏ နည်းလမ်းများကို အတော်လေး အထင်သေးသည်။</p> <p>ကျန်းရှောင်ရော့က ကျိုးကွမ်းကို ပြောလိုက်သည်။</p> <p>“ရှစ်ရှိုး... ကျွန်တော့်ကို အရင်သွားခွင့်ပြုပါ”</p> <p>“သွားလေ” ကျိုးကွမ်း ခေါင်းညိတ်လိုက်သည်။</p> <p>ထို့နောက် ကျန်းရှောင်ရော့သည် မိစ္ဆာဝေဟင်မျှော်နန်းမှ လူများကို လက်သီးဆုပ် အရိုအသေပြုကာ တဲ့တိုးမေးလိုက်သည်။</p> <p>“ဘယ်သူကများ ထွက်လာပြီး ကျွန်တော်နဲ့ ယှဉ်ပြိုင်ချင်ပါသလဲ”</p> <p>ယွီကျန့်ဟိုင်နှင့် ယွီရှန်းရုန်တို့သည် ယှဉ်ပြိုင်ပြီးဖြစ်၍ သဘာဝကျစွာပင် ပါဝင်တော့မည် မဟုတ်ပေ။</p> <p>မင်ရှစ်ရင်က ပြုံးပြီး လှောင်ပြောင်သလို ပြောလိုက်သည်။</p> <p>“ငါ့ကို ပေးလုပ်လိုက်။ ရှုံးနိမ့်မှုရဲ့ အရသာကို မြည်းစမ်းခိုင်းလိုက်မယ်”</p> <p>မင်ရှစ်ရင်သည် စကားကို လုံးဝ ထိန်းသိမ်းခြင်း မရှိပေ။</p> <p>ကျန်းရှောင်ရော့က ပြန်ပြောလိုက်သည်။</p> <p>“ခင်ဗျားကသာ ရှုံးနိမ့်သွားမဲ့သူ ဖြစ်နေမှာကို စိုးရိမ်မိတယ်”</p> <p>သူတို့နှစ်ဦးသည် ယခင်လူများကဲ့သို့ ယဉ်ကျေးမှု မရှိကြပေ။ သူတို့၏ စကားများသည် တိုက်ပွဲမစမီကပင် ယမ်းငွေ့များဖြင့် ပြည့်နှက်နေသည်။ ဤအချက်ကြောင့် ပရိသတ်၏ စိတ်အားထက်သန်မှုကို ပိုမို နှိုးဆွလိုက်သလို ဖြစ်သွားသည်။</p> <p>လူတိုင်း ပွဲကောင်းကြည့်ရန် မျှော်လင့်နေကြသည်။</p> <p>“ငါ အရမ်း ကြောက်သွားပြီ။ ဒါဆို မင်း လျှော့တိုက်နော်။ မဟုတ်ရင် ငါ မင်းကို နိုင်မှာ မဟုတ်ဘူး”</p> <p>မင်ရှစ်ရင်က ပြောလိုက်သည်။</p> <p>မင်ရှစ်ရင် ကွင်းထဲသို့ ဝင်ရန် ပြင်လိုက်စဉ် တွမ့်မူရှန်းက ရုတ်တရက် ပြောလိုက်သည်။</p> <p>“ခင်ဗျားရဲ့ ကျင့်ကြံမှုက တာ့ရှစ်ရှိုးနဲ့ အာ့ရှစ်ရှိုးတို့ထက် မနိမ့်ပါဘူး။ ခင်ဗျား အားနည်းသူကို အနိုင်မကျင့်တာ ပိုကောင်းမယ်”</p> <p>ကျန်းရှောင်ရော့က အံ့အားသင့်သွားသည်။</p> <p>မင်ရှစ်ရင်က ပြောလိုက်သည်။ “စန်းရှစ်ရှိုး... ကျွန်တော့် ကျင့်ကြံမှုက ဘယ်လိုလုပ် တာ့ရှစ်ရှိုးနဲ့ အာ့ရှစ်ရှိုးတို့ကို ယှဉ်နိုင်မှာလဲ။ ကျွန်တော်က သူတို့ထက် အားနည်းပါသေးတယ်”</p> <p>“ဟန်ဆောင်မနေနဲ့။ ငါ မင်းကို မသိတာမှ မဟုတ်တာ။ ငါ့ကို ယှဉ်ပြိုင်ခွင့်ပြုတာ အကောင်းဆုံးလို့ ထင်တယ်” တွမ့်မူရှန်းက ယှဉ်ပြိုင်ရန် ဆုံးဖြတ်ချက်ခိုင်မာကြောင်း ပြသလျက် ပြောလိုက်သည်။</p> <p>“အာ” မင်ရှစ်ရင် ပြန်ပြောချင်သော်လည်း တွမ့်မူရှန်း စိုက်ကြည့်နေသည်ကို မြင်လိုက်ရသောအခါ စကားလုံးများကို ပြန်မျိုချလိုက်ရသည်။</p> <p>ဤအခြေအနေကြောင့် ကျန်းရှောင်ရော့က အလျင်စလို ပြောလိုက်သည်။</p> <p>“ဝါစဉ်အလိုက်ပဲ ဆက်သွားကြတာပေါ့။ ဒီအစ်ကိုကြီးကိုပဲ ယှဉ်ပြိုင်ခွင့်ပြုလိုက်ပါ”</p> <p>ထိုသို့ ပြောပြီးနောက် ကျန်းရှောင်ရော့ စိတ်ထဲတွင် တွေးလိုက်သည်။ 'ဟိုလူက ကောက်ကျစ်စဉ်းလဲမဲ့ပုံပဲ။ မျက်လုံးတွေကလည်း ယုတ်မာတယ်။ ထင်ထားတဲ့အတိုင်း လူကောင်း မဟုတ်ဘူး။ သူက သူ့ရဲ့ တာ့ရှစ်ရှိုးနဲ့ အာ့ရှစ်ရှိုးလောက် သန်မာတယ်လို့ တွေးလိုက်မိတာ... ငါ အကြီးအကျယ် နစ်နာလုနီးပါး ဖြစ်သွားပြီ...'</p> <p>မင်ရှစ်ရင်သည် ဘေးသို့ ဆုတ်သွားပြီး မကျေမနပ် ပြောလိုက်သည်။ “မင်း ကံကောင်းတယ်လို့ မှတ်လိုက်ပါ”</p> <p>ကျန်းရှောင်ရော့က ဟန်ဆောင်အပြုံးဖြင့် ပြန်ပြောလိုက်သည်။ “ကျေးဇူးတင်ပါတယ်”</p> <p>တွမ့်မူရှန်းသည် နယ်ရှင်လှံကို သယ်ဆောင်လျက် ကွင်းထဲသို့ ဝင်ရောက်လာသည်။ သူက ကျန်းရှောင်ရော့ကို ချိန်ရွယ်ပြီး ပြောလိုက်သည်။</p> <p>“ငါ့ရဲ့ စစ်ရှစ်တိ ပြောတာ မှားတယ်”</p> <p>“မင်း ကံကောင်းတာ မဟုတ်ဘူး” တွမ့်မူရှန်းက ကြည်လင်ပြတ်သားသော အသံဖြင့် ပြောလိုက်သည်။</p> <p>“တကယ်တော့ မင်း ငါနဲ့ တွေ့တာက ပိုပြီးတောင် ကံဆိုးသေးတယ်”</p> <p>ဝှစ်</p> <p>တွမ့်မူရှန်းသည် နယ်ရှင်လှံကို ကန့်လန့်ဖြတ် ကိုင်လိုက်ပြီး ၄၅ ဒီဂရီ အထက်သို့ စောင်းလိုက်သည်။ ထို့နောက် သူ လျင်မြန်စွာ ပျံထွက်သွားရာ နောက်ကွယ်တွင် ပုံရိပ်ယောင်များ ကျန်ရစ်ခဲ့သည်။ မျက်စိတစ်မှိတ်အတွင်းမှာပင် သူသည် ကျန်းရှောင်ရော့၏ ရှေ့၌ ပေါ်လာသည်။</p> <p>“လှိုင်းလုံး ထောင်ချီ”</p> <p>တွမ့်မူရှန်း ခုန်တက်လိုက်သည်နှင့် သောင်းချီသော စွမ်းအင်လှံတံများသည် ကျန်းရှောင်ရော့ဆီသို့ ပျံသန်းသွားသည်။</p> <p>ကျန်းရှောင်ရော့က အံ့အားသင့်သွားသည်။ ပြင်းထန်သော စွမ်းအင်လှံတံများကို ခုခံရင်း နောက်ဆုတ်လိုက်ရသည်။ သူ၏ ပြိုင်ဘက်က မိစ္ဆာဝေဟင်မျှော်နန်း၏ ပထမတပည့်နှစ်ဦးထက် ပိုသန်မာနေသလားဟု တွေးမိလိုက်သည်။ ပြင်းထန်သော တိုက်ခိုက်မှုက သူ့ကို ဆက်လက် နောက်ဆုတ်စေသည်။ ကွင်းအစွန်းသို့ ရောက်သောအခါ သူ ကောင်းကင်ပေါ်သို့ ခုန်တက်လိုက်သည်။</p> <p>တွမ့်မူရှန်း နောက်မှ ကပ်လျက် လိုက်ပါသွားသည်။ သူ၏ လှံရှည်သည် ရွှေနဂါးတစ်ကောင်နှင့် တူနေသည်။</p> <p>ကျန်းရှောင်ရော့သည် လေထဲတွင် ဝဲပျံနေရင်း လက်ကို အောက်သို့ ဖိချကာ အော်ဟစ်လိုက်သည်။</p> <p>“ကျယ်ပြန့်ကောင်းကင်စွမ်းအင်”</p> <p>ယင်းကို မြင်သောအခါ လုကျိုးက မေးလိုက်သည်။ “ကွန်ဖြူးရှပ် နည်းစနစ်လား”</p> <p>ချန်ဖူက ပြောလိုက်သည်။</p> <p>“ကျုပ်က ကျင့်ကြံခြင်း ဂိုဏ်းခွဲသုံးခုလုံး ကျွမ်းကျင်ပါတယ်။ ကျန်းရှောင်ရော့က ကွန်ဖြူးရှပ်ဂိုဏ်းရဲ့ နည်းစနစ်တွေဖြစ်တဲ့ ကျယ်ပြန့် ကောင်းကင်စွမ်းအင်လိုမျိုး နည်းစနစ်တွေကို အရမ်း ကျွမ်းကျင်တယ်”</p> <p>“ကွန်ဖြူးရှပ်ဂိုဏ်းရဲ့ ပုံစံက ထိန်းချုပ်မှု ကောင်းပြီး သူတို့ရဲ့ ကျင့်ကြံသူတွေက အေးဆေးတည်ငြိမ်တဲ့ အသက်စွမ်းအင် ရှိကြတယ်။ ဒါပေမဲ့ ဒီကလေးရဲ့ အသက်စွမ်းအင်ကတော့ တော်တော် ပြင်းထန်တာပဲ...”</p> <p>လုကျိုးက မှတ်ချက်ချလိုက်သည်။</p> <p>“ခင်ဗျားက အကဲခတ်တော်တာပဲ” ချန်ဖူက ပြောလိုက်သည်။ “ကျန်းရှောင်ရော့က ငယ်ငယ်တုန်းက အနိုင်ကျင့်ခံရလွန်းလို့ မကောင်းမှုကို သည်းမခံနိုင်ဘူး။ ကွန်ဖြူးရှပ်ဂိုဏ်းရဲ့ နည်းစနစ်တွေက တကယ်ပဲ ပိုပြီး ထိန်းချုပ်မှုကောင်းသလို သဟဇာတ ဖြစ်ပါတယ်။ ဒါပေမဲ့ ကျယ်ပြန့် ကောင်းကင်စွမ်းအင်ကတော့ မတူဘူး။ လူတစ်ယောက်က ပိုပြီး ပြင်းထန်လေလေ စွမ်းအား ပိုထုတ်လွှတ်နိုင်လေလေပဲ”</p> <p>“ခင်ဗျား ပြောတာ ဟုတ်တယ်” လုကျိုး ခေါင်းညိတ်လိုက်သည်။</p> <p>ကောင်းကင်ယံ၌ တွမ့်မူရှန်း၏ စွမ်းအင်လှံတံများသည် ပိုမို ပြင်းထန်လာသည်။ သူ၏ တိုက်ခိုက်မှု ကြိမ်နှုန်းသည် မကြုံစဖူး မြင့်မားနေသည်။ ဖြစ်နိုင်သည်မှာ သူသည် အမည်မသိကုန်းမြေတွင် ကြာမြင့်စွာ ဖိနှိပ်ခံထားရပြီး လေ့ကျင့်ရန် သင့်တော်သော ပြိုင်ဘက် မရှိခဲ့သောကြောင့် ယခု မျက်စိစပါးမွေးစူးစရာ ပြိုင်ဘက်နှင့် တွေ့သောအခါ အစွမ်းကုန် ထုတ်သုံးနေခြင်း ဖြစ်နိုင်သည်။</p> <p>ကျန်းရှောင်ရော့သည် ကျယ်ပြန့် ကောင်းကင်စွမ်းအင်က စွမ်းအင်လှံတံများကို ချေမှုန်းနိုင်မည်ဟု ယုံကြည်မှု ရှိခဲ့သည်။ သို့သော် သူ စိတ်ပျက်ရဖို့ ကံပါလာသည်။</p> <p>“မပြည့်စုံသော နတ်ဒေဝါ ဖျန်ဖြေခြင်း ”</p> <p>စွမ်းအင်လှံတံများသည် ထောပတ်ကို ဓားပူဖြင့် လှီးဖြတ်လိုက်သကဲ့သို့ ကျယ်ပြန့် ကောင်းကင်စွမ်းအင်ကို ဖြတ်သန်းသွားသည်။</p> <p>ဘန်း</p> <p>၎င်းတို့သည် အထက်သို့ ဆက်လက် ရွေ့လျားသွားကြသည်။</p> <p>ကျန်းရှောင်ရော့သည်လည်း တာအိုစွမ်းအားကို အသုံးပြု၍ ရွေ့လျားလိုက်သည်။ သူ ရုတ်တရက် ပျောက်ကွယ်သွားပြီး စွမ်းအင်လှံတံများသည် ပစ်မှတ်လွဲချော်သွားသည်။</p> <p>သို့သော် တွမ့်မူရှန်း မရပ်တန့်ပေ။ သူသည် စည်းချက်ကို ထိန်းသိမ်းထားပြီး ပိုမို မြင့်မားသော နေရာသို့ ရွေ့လျားသွားသည်။</p> <p>လူတိုင်း မော့ကြည့်လိုက်ကြပြီး အံ့အားသင့်နေကြသည်။</p> <p>တွမ့်မူရှန်း ဇွဲနပဲကြီးစွာ တိုက်ခိုက်နေသည်ကို မြင်သောအခါ ကျန်းရှောင်ရော့က အေးစက်စွာ ပြောလိုက်ပြီး လက်ကို အောက်သို့ ဖိချလိုက်သည်။</p> <p>“မင်း ကိုယ့်ကိုယ်ကိုယ် အထင်ကြီးလွန်းနေတယ်။ ငါ့ရဲ့ ကြယ်ငါးပွင့် စည်းတံဆိပ်ကို မြည်းစမ်းကြည့်လိုက်စမ်း”</p> <p>အစိမ်းရောင် လက်ဝါးစည်းတံဆိပ်တစ်ခုသည် ကျန်းရှောင်ရော့၏ လက်ဝါးမှ ထွက်ပေါ်လာပြီး ကောင်းကင်မှ ဆင်းသက်လာသည်။</p> <p>တွမ့်မူရှန်း လုံးဝ နောက်မဆုတ်ပေ။ သူသည် တိုက်ခိုက်မှုကို တန်ပြန်ရန် မပြည့်စုံသော နတ်ဒေဝါ ဖျန်ဖြေခြင်းကို အသုံးပြုလိုက်သည်။</p> <p> </p> <p> </p> <p style="text-align: center;">***</p>


Save