Book List

<h2 style="text-align: center;">အခန်း (၁၅၁၂)</h2> <h2 style="text-align: center;">နတ်ဝိညာဉ်ပုလဲ ဖွဲ့တည်ရန် နည်းလမ်း ၂</h2> <h2 style="text-align: center;">*</h2> <p> </p> <p> </p> <p>ချန်ဖုက ခေါင်းညိတ်လိုက်၏။</p> <p>"ခင်ဗျားပြောတာ အဓိပ္ပာယ်ရှိတယ်။ ဒါပေမဲ့ တာ့ဟန်က အဲ့ဒီအခါကျရင် ဖရိုဖရဲ မဖြစ်ကုန်ဘူးလား”</p> <p>အဟန့်အတား အနေဖြင့် ဆောင်ရွက်ပေးသော သူတော်စင်တစ်ပါး မရှိဘဲ နှစ်ပေါင်းတစ်သောင်းကျော် ဖွဲ့တည်လာခဲ့သည့် တည်ဆောက်မှုသည် သေချာပေါက် ပြောင်းလဲသွားလိမ့်မည်။</p> <p>လုကျိုးက ပြောလိုက်၏။</p> <p>"ဒီကိစ္စက ဖြေရှင်းဖို့လွယ်တယ်။ ခင်ဗျားလောကကြီးထဲ ခြေဆန့်ဖို့ ဆုံးဖြတ်လိုက်ပြီဖြစ်ကြောင်း ကြေညာလိုက်ရုံပဲ။ ပြီးရင် အချိန်တစ်ခုကြာတိုင်း လူလွှတ်ကြည့်ခိုင်းမယ်”</p> <p>ချန်ဖုက ခေါင်းညိတ်လိုက်၏။ ထိုအကြံက မဆိုးပေ။</p> <p>လုကျိုးက ပြောလိုက်၏။</p> <p>"ကျုပ်တပည့်အများစုက ဆရာသခင်အဆင့်ကို ရောက်နေကြပြီ။ အခုသူတို့တွေက ဖျက်ဆီးခြင်းတိုင်လုံးရဲ့ အသိအမှတ်ပြုမှု ရထားပြီးပြီဆိုတော့ သူတို့ သူတော်စင်ဖြစ်လာဖို့ ပြဿနာမရှိဘူး။ သင်းပျံ့တောင်ကြားထဲမှာ နေတာက သူတို့ရဲ့ ကျင့်ကြံမှုကို အဆပေါင်းများစွာ တိုးတက်စေလိမ့်မယ်”</p> <p>ချန်ဖုက သက်ပြင်းချလိုက်၏။</p> <p>"အဲဒါက သူတော်စင် ဖြစ်လာနိုင်တာထက် ပိုတယ်။ မဟာတာအိုသူတော်စင်နဲ့ အထွတ်အထိပ်သက်ရှိတောင် ဖြစ်လာနိုင်တာ”</p> <p>သူ တစ်စုံတစ်ခုကို ရုတ်တရက် တွေးမိသွားပြီး မေးလိုက်၏။</p> <p>"ခင်ဗျား ဘယ်တုန်းက သူတော်စင် ဖြစ်လာတာလဲ”</p> <p>"မိုးပြာနဂါး မုန့်ကျန်းနဲ့ တိုက်ခိုက်တုန်းက ကံကောင်းပြီး သူတော်စင် ဖြစ်လာတာ”</p> <p>လုကျိုးက သာမန်ကာလျှံကာ ပြောလိုက်တော့သည်။</p> <p>"ခင်ဗျား မုန့်ကျန်းနဲ့ တိုက်ခိုက်ခဲ့တာလား”</p> <p>"ခင်ဗျား ကျုပ်ကို မယုံဘူးလား”</p> <p>"မုန့်ကျန်းက ကောင်းကင်ရဲ့ ဒေဝါလေးပါးထဲက တစ်ပါးလေ။ သူက နည်းနည်းလေး အားနည်းရင်တောင် အထွတ်အထိပ်သက်ရှိ တစ်ယောက် ဖြစ်နေသေးတုန်းပဲ”</p> <p>ချန်ဖုက ပြောလိုက်၏။ သူ လုကျိုးပြောတာ မယုံတာ သေချာသည်။ လုကျိုးသည် ချန်ဖု၏ အတွေးကို မြင်နိုင်သော်ငြား ဤသို့သာ ပြောလိုက်၏။</p> <p>"ယုံမယုံ ခင်ဗျားသဘောပဲ”</p> <p>လုကျိုး၏ ခန္ဓာကိုယ်သည် အလင်းဖြင့် ပေါင်းစည်းသွားပြီး တောက်ပသည်ထက် ပိုတောက်ပလာ၏။ ၎င်းက သူတော်စင်အလင်း ဆိုတာ သံသယဖြစ်ဖွယ် မရှိပေ။ ချန်ဖုက သက်ပြင်းချလိုက်၏။</p> <p>"ခင်ဗျားက ကျုပ်ကို အမြင်သစ်တစ်ခုနဲ့ ကြည့်မိအောင် တကယ်လုပ်နေတာပဲ။ နောက်ဆုံးအခေါက် ကျုပ်တို့ တွေ့ခဲ့တုန်းက ခင်ဗျားက မဟာဆရာသခင်အဆင့်မှာပဲ ရှိသေးတယ်။ ဒါပေမဲ့ အခုတော့ သူတော်စင်တစ်ပါး ဖြစ်လာပြီ”</p> <p>"နှစ်ပေါင်းတစ်ရာ လွန်သွားပြီ။ မဖြစ်နိုင်တာ မရှိဘူး”</p> <p>လုကျိုးက ပြောလိုက်၏။</p> <p>"ခင်ဗျား နတ်ဝိညာဉ်ပုလဲ ဖွဲ့တည်ပြီးပြီလား”</p> <p>ချန်ဖုက မေးလိုက်၏။</p> <p>လုကျိုးသည် ခေါင်းခါပြီး ပြောလိုက်တော့သည်။</p> <p>"ကျုပ် နတ်ဝိညာဉ်ပုလဲ ဖွဲ့တည်ဖို့အတွက် အမြဲတစေ စဉ်းစားနေခဲ့တာ။ ယွီကျုံးကို စောင့်ကြပ်နေတဲ့ ထျန်းဝူနဲ့ အရှင်ကျန်းနန်တို့နှစ်ယောက်ထဲမှာ ထျန်းဝူက နတ်ဝိညာဉ်ပုလဲ ဖွဲ့တည်ခဲ့တယ်။ မွေးဖွားဇယားချပ်တွေက သေစေနိုင်လောက်တဲ့ တိုက်ခိုက်မှုကိုတောင် တွန်းလှန်နိုင်တာ။ ခင်ဗျားရဲ့ မွေးဖွားဇယားချပ်တွေကို နတ်ဝိညာဉ်ပုလဲအဖြစ် ပေါင်းစည်းလိုက်ရင် အဲဒါက ကိုယ့်ကိုကိုယ် ဖျက်ဆီးတဲ့ အကွက် မဟုတ်ဘူးလား”</p> <p>ချန်ဖုက ပြောလိုက်၏။</p> <p>"မဟုတ်ဘူး... မဟုတ်ဘူးပေါ့။ ပထမအချက်က နတ်ဝိညာဉ်ပုလဲ ဖွဲ့စည်းပြီးရင် အဲ့ဒါက ခင်ဗျားရဲ့ ကျင့်ကြံမှုအတွက် အတော်လေး အထောက်အကူ ဖြစ်စေတယ်။ ဒုတိယအချက်က နတ်ဝိညာဉ်ပုလဲရဲ့ ယေဘုယျခွန်အားနဲ့ ခုခံမှုက မွေးဖွားဇယားချပ်အားလုံး ပေါင်းစည်းထားတာထက် ပိုမြင့်မားတယ်။ တကယ်တော့ မွေးဖွားဇယားချပ်တွေက သေစေနိုင်တဲ့ တိုက်ခိုက်မှုတွေကို တွန်းလှန်ပေးနိုင်ပေမဲ့ ခင်ဗျားရဲ့ မွေးဖွားဇယားချပ် ဖျက်ဆီးခံရတဲ့အခါ ခင်ဗျားဒဏ်ရာ ပြင်းပြင်းထန်ထန် ရသွားပြီလို့ ဆိုလိုတာပဲ။ နောက်ဆုံးအနေနဲ့ နတ်ဝိညာဉ်ပုလဲက ခင်ဗျားရဲ့ မွေးဖွားဇယားချပ်အားလုံးကို ထိန်းထားပေးလိမ့်မယ်။ ဆိုလိုတာက ခင်ဗျား နည်းစနစ်တစ်ခုကနေ သူတို့စွမ်းအားကို ရနိုင်သေးတယ်”</p> <p>လုကျိုးက ခေါင်းညိတ်လိုက်၏။ နတ်ဝိညာဉ်ပုလဲ ဖွဲ့တည်ခြင်းကြောင့် အကျိုးအမြတ်များစွာ ရရှိမည်မှန်း သူ မသိခဲ့ပေ။ ပြီးနောက် သူက မေးလိုက်၏။</p> <p>"နတ်ဝိညာဉ်ပုလဲကရော ကြယ်တာရာဒိုင်ခွက်အဖြစ် ပြောင်းလဲသွားနိုင်လား”</p> <p>"ပြောင်းလဲနိုင်တယ်”</p> <p>ချန်ဖုက ပြုံးလျက် ပြောလိုက်သည်။</p> <p>"ဒါပေမဲ့ ဒါက ကျင့်ကြံသူဆီ ကျွမ်းကျင်မှု ပိုလိုအပ်ပြီး မရှိမဖြစ် မဟုတ်ဘူး”</p> <p>ကျင့်ကြံသူအများစုက သူတို့ကိုယ်သူတို့ ကာကွယ်ရန် ကြယ်တာရာဒိုင်ခွက်များ အသုံးပြုရတာ သဘောကျသည်။ သို့သော် ယင်းသည် သေနတ်ရှိရာနေရာဆီသို့ ကိုယ့်ကိုကိုယ် တွန်းပို့ခြင်းနှင့် မခြားပေ။</p> <p>ချန်ဖုက ရှင်းပြလိုက်၏။</p> <p>"မွေးဖွားဇယားချပ်တွေရဲ့ ခုခံမှုက အံ့ဩဖို့ကောင်းပေမဲ့ ပညာရှင်တစ်ယောက်နဲ့ တွေ့ခဲ့မယ်ဆိုရင် အသက်ကို ထိန်းထားနိုင်ဖို့ ခက်ခဲတယ်။ ဒါပေမဲ့ နတ်ဝိညာဉ်ပုလဲတွေကတော့ မတူဘူး။ သူတို့က ဖြိုခွဲဖို့ ပိုခက်ခဲရုံတင် မကဘူး။ မွေးဖွားဇယားချပ်တွေလိုမျိုးပဲ မင်းကို ရင်ဆိုင်ဖို့လည်း အလွယ်တကူ မသုံးနိုင်ဘူး။ တစ်နည်းအားဖြင့် မင်းထက်ပိုသန်မာတဲ့ ရန်သူကို တွေ့ခဲ့မယ်ဆိုရင် နတ်ဝိညာဉ်ပုလဲရှိတာက အားသာချက် ပိုရှိတယ်”</p> <p>"နတ်ဝိညာဉ်ပုလဲကို ကျုပ်ဘယ်လို ဖွဲ့တည်ရမလဲ”</p> <p>လုကျိုးက မေးလိုက်၏။</p> <p>ချန်ဖုသည် ထိုမေးခွန်းကြောင့် မှင်တက်သွားသည်။ ဆိုရလျှင် နယ်မြေကိုးခု၏ သမိုင်းကြောင်းထဲ၌ သူတော်စင်ဖြစ်လာသည့် လူအနည်းအကျဉ်းသာ ရှိသည်။ ကျင့်ကြံသူအများစုက ထိုအကြောင်း မည်သည့်နည်းနှင့်မဆို သိဖို့မလိုအပ်ခဲ့ပေ။</p> <p>ချန်ဖုက ပြောလိုက်၏။</p> <p>"နတ်ဝိညာဉ်ပုလဲ ဖွဲ့တည်ဖို့က မရှုပ်ထွေးဘူး။ မင်းရဲ့ ကနဦးချီကို ထိန်းချုပ်ပြီး စွမ်းအားဗဟိုချက် ချီပင်လယ်ကို စောင့်ကြပ်ဖို့ပဲ။ ပြီးရင် မွေးဖွားနန်းဆောင်ထဲမှာ မွေးဖွားဇယားချပ်ကို ပေါင်းစည်းရမှာ”</p> <p>ချန်ဖုသည် သူ၏လက်ကို ဖြန့်ချလိုက်သောအခါ သူ၏ သူတော်စင်ကြာပွင့်က လုကျိုးရှေ့၌ ပေါ်လာ၏။ လုကျိုးက လှည့်ကြည့်ချိန်တွင် အစိမ်းရောင်ကြာပလ္လင်ပေါ်၌ အက်ကြောင်းတစ်ခု တွေ့လိုက်ရသည်။ မွေးဖွားနန်းဆောင်ပေါ်၌ မွေးဖွားဇယားချပ်ဇုံ မရှိဘဲ အဝိုင်းဧရိယာတစ်ခုသာ ရှိသည်။</p> <p>ထိုစဉ် အဝိုင်းဧရိယာသည် လှိုင်းဂယက် ထလာပြီး မွေးဖွားဇယားချပ်ဇုံ ၂၆ ခု ပေါ်လာ၏။</p> <p>"မွေးဖွားဇယားချပ် ၂၆ ခုနဲ့ မဟာသူတော်စင်လား”</p> <p>လုကျိုးက အံ့ဩသွားလေ၏။</p> <p>"ပုံမှန်ဆို မွေးဖွားဇယားချပ် ၂၄ ခုနဲ့ သူတော်စင်တစ်ပါး ဖြစ်နိုင်တယ်။ မွေးဖွားဇယားချပ် ၂၇ ခုနဲ့ဆို မဟာသူတော်စင်တစ်ပါးပဲ။ ငါက ကံကောင်းထောက်မပြီး တာအိုရဲ့ စွမ်းအားက ပိုသန်မာတဲ့ နည်းလမ်းကို နားလည်သဘောပေါက်ပြီး မွေးဖွားဇယားချပ် ၂၆ ခုနဲ့ မဟာသူတော်စင် ဖြစ်လာတာ”</p> <p>ချန်ဖုက ရှင်းပြလိုက်သည်။</p> <p>ထိုစဉ် ချန်ဖု၏ မွေးဖွားနန်းဆောင်က လှိုင်းဂယက် ထလာပြီးနောက် စက်ဝိုင်းဧရိယာအဖြစ် ပြောင်းလဲသွားတော့သည်။ ချန်ဖုက လက်ဝှေ့ယမ်းပြီး သူ၏ကြာပွင့်ကို သိမ်းလိုက်သည်။ ပြီးနောက် နောက်ထပ် လက်ဝှေ့ယမ်းလိုက်ရာ ကြယ်တာရာဒိုင်ခွက် ပေါ်လာ၏။ သူ၏လက်ကို တွန်းထုတ်လိုက်ချိန်၌ အလင်းတန်း ၃၆ ခု တစ်ခုပြီးတစ်ခု ပေါ်လာကာ ကျုံ့သွားပြီးနောက် ပုလဲအသွင် ပြောင်းလဲသွားတော့သည်။</p> <p>လုကျိုးက ပြောလိုက်၏။</p> <p>"အစတုန်းက နတ်ဝိညာဉ်ပုလဲက ကြမ်းတမ်းခက်ထန်သားရဲတွေပဲ ရတာလို့ ထင်ခဲ့တာ”</p> <p>"ရှေးယခင်တုန်းက လူသားတွေနဲ့ ကြမ်းတမ်းခက်ထန်သားရဲတွေကြား ကွဲပြားခြားနားချက် မရှိဘူး။ ရှေးစာအုပ်တွေ ဖတ်မယ်ဆိုရင် သားရဲနဲ့ လူသား သွေးနှောတွေကို တွေ့ရမှာပဲ”</p> <p>လုကျိုးသည် ချန်ဖု၏ နတ်ဝိညာဉ်ပုလဲကို ကြည့်လိုက်သည်။ ယခုအချိန်၌ ၎င်း၏အလင်းက မှိန်နေပြီဖြစ်ကာ မီးခိုးရောင် ဖြစ်နေသည်။ နတ်ဝိညာဉ်ပုလဲ၌ စွမ်းအား လုံလုံလောက်လောက် ကျန်တော့သည့်ပုံ မပေါ်။</p> <p>"ဒီတော့ ခင်ဗျားက နတ်ဝိညာဉ်ပုလဲကို မသုံးနိုင်တော့ မဟုတ်ဘဲ သုံးဖို့ ခက်နေတာကိုး”</p> <p>လုကျိုးက ပြောလိုက်၏။</p> <p>"ဟုတ်တယ်”</p> <p>ချန်ဖုက ခေါင်းညိတ်ပြီး နောက်ထပ် ပြောလိုက်၏။</p> <p>"သုံးဖို့ခက်တယ်ဆိုတာက ကျင့်ကြံသူတချို့က သူတို့ မွေးဖွားဇယားချပ်ကနေ စွမ်းအင်ကို ထပ်တလဲလဲ ဆွဲယူနေတာကြောင့်ပဲ။ ရလဒ်အနေနဲ့ နတ်ဝိညာဉ်ပုလဲ ဖွဲ့တည်တဲ့အချိန်မှာ နတ်ဝိညာဉ်ပုလဲကို စွမ်းအားပေးဖို့ စွမ်းအင်မလုံလောက်ဘူး။ ဒါ့အပြင် သူတို့ရဲ့ နတ်ဝိညာဉ်ပုလဲက စွမ်းအင်ကို အလွန်အကျွံ ထုတ်ယူမိတာ။ ကျင့်ကြံသူတချို့အတွက်က အဲလိုမဟုတ်ဘူး။ သူတို့ရဲ့ နတ်ဝိညာဉ်ပုလဲက အားကောင်းတယ်။ ဒါကြောင့် ရှေးယခင်တုန်းက လူသားတွေက အစွမ်းထက်တဲ့ ကြမ်းတမ်းခက်ထန်သားရဲတွေကို သူတို့ရဲ့ နတ်ဝိညာဉ်ပုလဲတွေအတွက် အမဲလိုက်ခဲ့ကြတာပဲ”</p> <p>လုကျိုးက ခေါင်းညိတ်လိုက်၏။ နတ်ဝိညာဉ်ပုလဲနှင့် ပတ်သက်သည့် အချက်အလက်များစွာ ရှိလိမ့်မည်ဟု သူ မထင်ထားပေ။</p> <p>ထိုစဉ် ချန်ဖုက ချောင်းအပြင်းအထန် ဆိုးတော့သည်။</p> <p>လုကျိုးသည် ဖြည်းဖြည်းချင်း မှိန်သွားသော နတ်ဝိညာဉ်ပုလဲကို ကြည့်ကာ ပြောလိုက်၏။</p> <p>"မဟာလေဟာနယ်ဧကရာဇ်က တကယ်ရက်စက်တာပဲ”</p> <p>ချန်ဖုသည် သူ့၏ နတ်ဝိညာဉ်ပုလဲကို သိမ်းပြီးနောက် ထိုင်ချလိုက်သည်။ သူတည်ငြိမ်သွားပြီးနောက် ပြောလိုက်၏။</p> <p>"သူက မြင့်မြတ်ဘုရားကျောင်းရဲ့ ခန်းမသခင်ပဲလေ။ ကျုပ်အသက်ရှင်တာတောင် ကံကောင်းလှပြီ”</p> <p>"သင်းပျံ့တောင်ကြား ရောက်ပြီးရင် ခင်ဗျားကို ကုသပေးဖို့ နည်းလမ်းတစ်ခု စဉ်းစားလိုက်မယ်”</p> <p>လုကျိုးက ပြောလိုက်လေ၏။</p> <p> </p> <p> </p> <p style="text-align: center;">***</p>


Save