Book List

<h2 style="text-align: center;">C676</h2> <h2 style="text-align: center;">လှေကားထက်သို့ တက်လှမ်းခြင်း</h2> <h2 style="text-align: center;">*</h2> <p> </p> <p> </p> <p>"ဒါပေါ့... ငါက စမ်းသပ်ပွဲကို အောင်မြင်အောင် သွားတက်မလို့လေ"</p> <p>အေ့စ်၏ စကားကို ကြားရသောအခါ လူတိုင်းက သူ့ကို ထူးဆန်းသလို ကြည့်နေကြသည်။</p> <p>သို့တိုင် မည်သူမျှ သူ့ကို တားရန် မကြိုးစားကြပေ။ သူတို့ထဲမှ အများစုမှာ ဤစမ်းသပ်ပွဲကို ဒုတိယအကြိမ် (သို့မဟုတ်) ဆယ်ကြိမ်မြောက်အထိပင် လာရောက်ဖြေဆိုနေကြသူများဖြစ်ပြီး အေ့စ်ကို တစ်ခါမျှ မမြင်ဖူးကြချေ။ ထို့ကြောင့် သူဟာ လူသစ်တစ်ယောက်ဖြစ်ကြောင်း သိလိုက်ကြသည်။</p> <p>တစ်ခါတစ်ရံတွင် မိုးကောင်းကင် မည်မျှမြင့်ပြီး မြေကြီးမည်မျှနက်သည်ကို မသိသော အေ့စ်ကဲ့သို့ လူစားမျိုးများ ပေါ်လာတတ်စမြဲပင်။</p> <p>ထိုသို့သော မောက်မာသူများသည် မိမိကိုယ်ကိုယ် အခြားသူများထက် သာလွန်သည်ဟု ထင်မှတ်ကာ လှေကားထက်သို့ ဇွတ်တိုးတက်သွားလေ့ရှိပြီး နောက်ဆုံးတွင် အခြားသူများထက် ပို၍ အခြေအနေဆိုးကာ အဆုံးသတ်သွားတတ်ကြသည်။</p> <p>သို့ပေစိ ဤကဲ့သို့ မောက်မာသော ပါဝင်သူမျိုးမှာ အဆင့်အမြင့်ဆုံး မျိုးနွယ်စုကြီး သုံးစုတွင်သာ ပေါ်လာလေ့ရှိသည်။ လူသားများထဲတွင်မူ ဤကဲ့သို့ လုပ်ဆောင်သူ တစ်ခါမျှ မရှိဖူးချေ။ လူသားများသည် အနည်းဆုံး တစ်စုံတစ်ယောက်က လှေကားထစ် တစ်ရာကျော်အထိ ရောက်သွားသည်ကို မြင်ရမှသာ စတင်လှုပ်ရှားလေ့ ရှိကြသည်။</p> <p> ယခု လူသားမှာမူ အခြားသူများ တတိယလှေကားထစ်၌သာ ရှိနေသေးစဉ် ရှေ့သို့ တက်လှမ်းသွားသောကြောင့် အခြားမျိုးနွယ်စုများ၏ အာရုံစိုက်မှုကို အတော်လေး ရရှိသွားသည်။</p> <p>ထို့ပြင် သူက ကြောက်မက်ဖွယ်ကောင်းသော ရုပ်သွင်ရှိသော်လည်း လူတိုင်းက သူ့အပေါ် ကောင်းသော အထင်အမြင် ရှိနေကြသည်။ အထူးသဖြင့် အသူရာများနှင့် နတ်ဆိုးများ ဖြစ်သည်။ ထိုခံစားချက်မှာ အလွန်မှေးမှိန်ပြီး ဖုံးကွယ်နေသဖြင့် မည်သူမျှ ထူးဆန်းသည်ဟု မထင်ကြပေ။</p> <p>အေ့စ်ကလည်း လူတိုင်း၏ စောင့်ကြည့်မှုအောက်တွင် လျှောက်လှမ်းနေသော်လည်း သူ ဘာလုပ်နေသည်ကို သူကိုယ်တိုင် သိနေသဖြင့် လုံးဝ စိုးရိမ်ပူပန်ခြင်း မရှိပေ။</p> <p>သူက လူသားများအုပ်စုကို ဖြတ်ကျော်ခါနီးတွင် အက်တလတ်စ် မိသားစုမှ လူငယ်၏ တည်ငြိမ်သော အသံ ထွက်ပေါ်လာသည်။</p> <p>"မင်း မှားနေပြီ"</p> <p>အေ့စ်က ထိုလူငယ်ကို လေးနက်သော မျက်နှာထားဖြင့် တစ်ချက်ကြည့်လိုက်သည်။ ထိုစကားများနောက်ကွယ်တွင် စေတနာပါနေသည်ကို သူ သိနိုင်သည်။ ထို့ကြောင့် သူက မထွက်သွားမီ ယဉ်ကျေးစွာ ပြန်ပြောလိုက်၏။</p> <p> "မကြာခင် ငါတို့ သိရမှာပေါ့၊ မဟုတ်ဘူးလား.."</p> <p>နုနယ်သော မိန်းကလေးမှာမူ အေ့စ်ကို စူးစမ်းလိုစိတ်နှင့် ရှက်သွေးဖြာသော မျက်နှာထားဖြင့် ကြည့်နေသည်။ သူမသည်လည်း တစ်ခုခုပြောချင်သော်လည်း အေ့စ်၏ရှေ့တွင် ရှက်နေသဖြင့် သတ္တိစုစည်း၍ မရနိုင်ဘဲ ဖြစ်နေသည်။</p> <p>ထိုလူငယ်မှာမူ ထပ်မံ၍ စကားမပြောတော့ဘဲ နှာခေါင်းတစ်ချက် ရှုံ့လိုက်ကာ ဆံပင်ဖြူလူငယ် လှေကားထစ်များဆီသို့ လျှောက်သွားသည်ကို တိတ်ဆိတ်စွာ စောင့်ကြည့်နေတော့သည်။</p> <p>ထိုလူငယ်၏ ကိုယ်ဟန်အနေအထားတွင် အနည်းငယ်မျှပင် စိုးရိမ်တုန်လှုပ်မှု မရှိချေ။</p> <p>အချို့သော အသူရာများ၊ နတ်ဆိုးများနှင့် မုဆိုးများသည်လည်း လှေကားခြေရင်းတွင် စောင့်နေကြသည်။ သူတို့ထဲမှ အရည်အချင်းအရှိဆုံးနှင့် ယုံကြည်မှုအရှိဆုံး လူငယ်များသာ ရှေ့သို့ တက်သွားကြသေးသည်။</p> <p>စည်းကမ်းကို ဖောက်ဖျက်ရာကျမည်ဖြစ်သောကြောင့် သူတို့ဟာ ဝင်လာသော လူသား၏လမ်းကို မပိတ်ဆို့ကြဘဲ ရယ်စရာတစ်ခုသဖွယ်သာ ကြည့်နေကြသည်။</p> <p>အေ့စ်ကတော့ မည်သူမျှ သူ့လမ်းကို မပိတ်ဆို့သောကြောင့် မဟာမိတ်အဖွဲ့၏ စည်းကမ်းများကို သဘောကျနေမိသည်။ မဟုတ်လျှင် ထိုသူများကို ဖြေရှင်းနေရသည်မှာ အလုပ်ရှုပ်စရာ ကောင်းလိမ့်မည်။ သူက မီတာငါးရာ အမြင့်ရှိသော လှေကားကြီးကို ကြည့်လိုက်ရာ ပါဝင်သူ တစ်ထောင်ကျော်မှာ ပထမဆုံး လှေကားထစ် သုံးထစ်ပေါ်တွင် ရောက်နေကြပြီး ငါးဆယ်ခန့်မှာ ရှစ်ထစ်မြောက်တွင်လည်းကောင်း၊ လေးဦးမှာ ကိုးထစ်မြောက်တွင်လည်းကောင်း ရောက်ရှိနေကြသည်။</p> <p>အချို့မှာ ခြေထောက်တစ်ဖက် လှမ်းရန်ပင် ခက်ခဲနေသဖြင့် ချွေးပြန်နေကြသည်။ သို့သော် မည်သူမျှ ချီ စွမ်းအင်ကို အသုံးမပြုကြသေးပေ။ အဘယ်ကြောင့်ဆိုသော် ဤသည်မှာ ပထမဆုံး လှေကားထစ် ဆယ်ထစ်သာ ရှိသေးပြီး အစကတည်းက ချီစွမ်းအင်ကို ဖြုန်းတီးခြင်းမှာ ကြီးမားသော အမှားတစ်ခု ဖြစ်သောကြောင့်ပင်။</p> <p>အေ့စ်သည်လည်း ခြေထောက် မြှောက်လိုက်ပြီး ပထမဆုံး လှေကားထစ်ပေါ်သို့ မည်သည့်စိုးရိမ်မှုမျှမရှိဘဲ တက်လိုက်သည်။ သူ ခြေချလိုက်သည်နှင့်တပြိုင်နက် ပြင်းထန်သော ဖိအားတစ်ခုက သူ့ကို ဝန်းရံသွားသည်။</p> <p>'၁၀၀ ကီလိုဂရမ်း အားလား..'</p> <p>အေ့စ်ကတော့ ဤဖိအားမှာ သူ့အတွက် ဘာမှမဟုတ်သဖြင့် သဘောကျသွားသည်။ ပါဝင်သူများဟာ ချီဂိတ်နယ်ပယ်မှ ကျင့်ကြံသူများသာ ဖြစ်သဖြင့် လှေကားတစ်ထစ်တက်တိုင်း တိုးလာမည့် ယင်းဖိအားသည် သူတို့၏ ခွန်အားကို စမ်းသပ်ရန် လုံလောက်လှသည်။</p> <p>မည်မျှ တိုးလာသနည်းဆိုသည်ကို သိရန် အေ့စ်က နောက်ထပ်တစ်ထစ် တက်လိုက်ရာ ဖိအားမှာ ချက်ချင်း ၁၀ ကီလိုဂရမ် တိုးလာသည်။</p> <p>၎င်းမှာလည်း သူ့အတွက် ဘာမှမဟုတ်သေးပေ။ သူက နောက်ထပ်တစ်ထစ် လှမ်းလိုက်ပြန်ရာ ဖိအားမှာ နောက်ထပ် ၁၀ ကီလိုဂရမ် ထပ်တိုးလာသည်။</p> <p>'ဒီအားက လှေကားထစ် ၅၀၀ အထိ တစ်ထစ်ကို ၁၀ ကီလိုစီ တိုးသွားမယ်ဆိုရင်၊ ပထမအထစ်က ၁၀၀ ကီလိုကိုပါ ပေါင်းလိုက်ရင် စုစုပေါင်း ၅,၀၉၀ ကီလိုဂရမ်အား ဖြစ်သွားမယ်။ ချီဂိတ်နယ်ပယ်မှာပဲ ရှိနေသေးတဲ့သူတွေထဲက ကြံ့ခိုင်တဲ့ ခန္ဓာကိုယ် ဒါမှမဟုတ် ချီစွမ်းအင် အမြောက်အမြား ရှိတဲ့သူတွေပဲ ဒီအခက်အခဲကို ကျော်ဖြတ်နိုင်လိမ့်မယ်'</p> <p>ဆယ်ထစ်မြောက် လှေကားထစ်သို့ တက်တော့မည့် အသူရာများနှင့် နတ်ဆိုးများကို ကြည့်ကာ အေ့စ် တွေးတောနေမိသည်။</p> <p>သူ့အမြင်အရဆိုလျှင် ဤစမ်းသပ်မှုသည် လူသားကဲ့သို့ ခန္ဓာကိုယ်အားနည်းသော မျိုးနွယ်စုများအတွက် တရားမျှတမှု မရှိပေ။</p> <p>ကျင့်ကြံမှုအဆင့်ကို အခြေခံအုဝ်မြစ်တည်ဆောက်ခြင်းနယ်ပယ်အထိ ခွင့်မပြုပါက လူသားမျိုးနွယ်အတွက် အောင်မြင်နိုင်းမှုနှုန်းမှာ အလွန်ပင် သနားစရာ ကောင်းနေမည်ဖြစ်သည်။</p> <p>သို့သော် ဤကမ္ဘာတွင် တရားမျှတမှုဆိုသည်မှာ မရှိသဖြင့် သူ ဝင်ရောက်မှတ်ချက်ပေးရန် မလိုပေ။ မဟာမိတ်အဖွဲ့သည် မျိုးနွယ်စုတိုင်းမှ အတော်ဆုံးသူများကိုသာ လိုချင်ပုံရသည်။</p> <p> </p> <p>ထို့နောက် အေ့စ်က လှေကား တစ်ထစ် တက်တိုင်း ၁၀ ကီလိုဂရမ်စီ တိုးလာသော ဖိအားများကြားမှ လေးထစ်မြောက်နှင့် ငါးထစ်မြောက်များကို ဆက်တက်သွားသည်။</p> <p>အေ့စ်အတွက်မူ သာမန်လှေကားပေါ်တွင် လမ်းလျှောက်နေသကဲ့သို့ ဖြစ်သော်လည်း ကြည့်ရှုနေသူများအတွက်မူ သူက အလွန်ပင် ထူးဆန်းနေသည်။ အကြောင်းမှာ ခန္ဓာကိုယ်သန်မာသော အသူရာများနှင့် နတ်ဆိုးများပင်လျှင် ထိုဖိအားအောက်၌ မတ်တပ်ရပ်နေရုံဖြင့် အားအင်ကုန်ခမ်းစေသဖြင့် ခြေလှမ်းတစ်လှမ်းချင်းစီကို အချိန်ယူ လှမ်းနေရသောကြောင့် ဖြစ်သည်။</p> <p> </p> <p>သို့သော် အေ့စ်မှာမူ တစ်စက္ကန့်မျှပင် မရပ်ဘဲ သာမန်လှေကား တက်နေသည့်အလား တစ်ထစ်ပြီးတစ်ထစ် တက်လှမ်းနေသည်။ သူက ကိုးထစ်မြောက်သို့ ရောက်ရှိနေပြီဖြစ်ကာ အရှေ့ဆုံးအုပ်စု၏ နောက်ကွယ်တွင် တစ်လှမ်းသာ လိုတော့သည်။</p> <p>"သူက ကြွားချင်လို့ ချီစွမ်းအင်တွေကို သုံးနေတာပဲ။ ဘယ်လောက်တောင် အလိုက်သလဲ.."</p> <p>ရုပ်ချောသော နတ်သူငယ် လူငယ်တစ်ဦးက အထင်အမြင်သေးစွာ လှောင်ပြောင်လိုက်သည်။ သူ့ စိတ်ထဲတွင် အေ့စ်မှာ လှေကားကို မြန်မြန်တက်နိုင်ရန် ချီစွမ်းအင်ကို အသုံးပြုနေသည်ဟု ထင်နေခြင်းဖြစ်သည်။</p> <p>ပါဝင်သူအားလုံးကလည်း ထိုအတိုင်းပင် ထင်နေကြပြီး အေ့စ်ဟာ အထစ် နှစ်ဆယ်သို့ မရောက်ခင်မှာပင် အားကုန်သွားလိမ့်မည်ဟု တွေးကာ အထင်သေးစွာ လှောင်ပြောင်နေကြသည်။</p> <p>အရှေ့ဆုံးမှ ပါဝင်သူများပင်လျှင် အေ့စ် သူတို့ကို ကျော်တက်သွားသည်ကို မြင်သောအခါ လှောင်ပြောင်ရယ်မောလိုက်ကြ၏။ သူတို့မှာ လုံးဝ စိုးရိမ်ခြင်း မရှိကြပေ။</p> <p>အခြားတစ်ဖက်တွင်မူ လူသားများကလည်း အေ့စ်ကို မကြည်မလင် ကြည့်နေကြသည်။ အေ့စ်၏ လုပ်ရပ်ကြောင့် လူသားတစ်မျိုးနွယ်လုံး အရှက်ရစေသည်ဟု ထင်နေသောကြောင့် ဖြစ်ကာ ယင်းအပြင် သူတို့မှာ ဘာမှမတတ်နိုင်ဘဲ ထိုလူ အမြန်ဆုံး ရှုံးနိမ့်သွားပြီး ဤအရှက်ရမှု ပြီးဆုံးသွားရန်သာ စောင့်ဆိုင်းနေကြသည်။</p> <p>အေ့စ်ကတော့ အထစ် နှစ်ဆယ်ကို ကျော်လွန်သွားသည့်တိုင်အောင် စတင်တက်ခဲ့စဉ်ကကဲ့သို့ပင် မည်သည့် ခံစားချက်မျှမရှိဘဲ ဆက်တက်နေသည်ကို မြင်သောအခါ လူတိုင်း၏ အထင်သေးသော မျက်နှာထားများ စတင် ပြောင်းလဲလာသည်။</p> <p>သူ အထစ် လေးဆယ်သို့ ရောက်သွားပြီး မရပ်မနား ဆက်တက်နေသည်ကို မြင်ရသောအခါ သူတို့၏ မျက်နှာများမှာ ဝေခွဲမရဖြစ်ခြင်းသို့ ပြောင်းလဲသွားသည်။</p> <p>အေ့စ်ကတော့ တစ်ထစ်ပြီးတစ်ထစ် တက်လှမ်းသွားရာ ၁၅ ထစ်မြောက်တွင် ရှိနေသေးသော ကျန်သူများမှာ ကြောင်အမ်းအမ်း ဖြစ်ကျန်ရစ်ခဲ့သည်။</p> <p>အေ့စ် အထစ် တစ်ရာသို့ ရောက်သွားသောအခါ သူတို့ လုံးဝ ငြိမ်သက်မနေနိုင်တော့ဘဲ အေ့စ်ကို လေးနက်စွာ ကြည့်လိုက်ကြသည်။ သို့သော် သူ အထစ် နှစ်ရာသို့ ရောက်သောအခါတွင်မူ သူတို့၏ မျက်နှာများမှာ ဖြူလျော်သွားတော့သည်။</p> <p>ထိုအချိန်တွင် မည်သူပြောလိုက်သည်မသိသော်လည်း ထိုအသံမှာ သေလုမတတ် တိတ်ဆိတ်နေသော ပတ်ဝန်းကျင်၌ မိုးကြိုးပစ်လိုက်သကဲ့သို့ ဟိန်းထွက်သွား၏။</p> <p> "သူ... သူ မတရားတဲ့နည်းလမ်း သုံးနေတာလား"</p> <p>လူသားများသည်လည်း ကြောင်နေရာမှ သတိဝင်လာကြပြီး သူတို့၏ မျက်နှာများမှာ ဒေါသကောင့် နီရဲသွားကာ အုပ်စုထဲမှ တစ်ယောက်က ပြန်အော်လိုက်သည်။</p> <p> "အပေါ်က နတ်မင်းတွေက တစ်စုံတစ်ယောက်ကို ဒီလောက်ကြာအောင် မတရားလုပ်ဖို့ ခွင့်ပြုထားလိမ့်မယ်လို့ မင်းတို့ ထင်နေတာလား.. သူက ငါတို့မျိုးနွယ်ရဲ့ ပါရမီရှင်ပဲ၊ ဒါကြောင့် အဓိပ္ပာယ်မရှိတာတွေ လျှောက်မပြောနဲ့"</p> <p>လူသားများအားလုံး ခေါင်းငြိမ့်ထောက်ခံလိုက်ကြပြီး အခြားမျိုးနွယ်စုများကို အေးစက်စွာ ကြည့်လိုက်ကြသည်။ အေ့စ်အပေါ် သူတို့၏ သဘောထားမှာ အခုတော့ ပြောင်းပြန်ဖြစ်သွားပြီဖြစ်သည်။ အစက သူ၏လုပ်ရပ်ကြောင့် အရှက်ရသလို ခံစားခဲ့ရသော်လည်း၊ အခုတော့ သူက ချွေးတစ်စက်မျှ မထွက်ဘဲ လှေကားကို အမြန်တက်နေသဖြင့် ဂုဏ်ယူသလို ခံစားနေကြရသည်။</p> <p>အက်တလတ်စ် မိသားစုမှ လူငယ်ပင်လျှင် နှာခေါင်းတစ်ချက် ရှုံ့ကာ ပြောလိုက်၏။</p> <p>"သူတို့က အရှုံးသမား အစုအဝေးပါပဲ။ သွားကြစို့၊ ငါတို့ သူငယ်ချင်းကို တစ်ယောက်တည်း အထီးကျန်အောင် ပစ်မထားနိုင်ဘူး"</p> <p>"ဟုတ်တယ်၊ အပေါ်မှာ သူ တစ်ယောက်တည်း ပျင်းနေမှာပေါ့။ ငါတို့လည်း လိုက်သွားပြီး အဖော်လုပ်ပေးကြရအောင်"</p> <p>လူသားကောင်လေးတစ်ဦးက အထင်သေးစွာ မှတ်ချက်ပေးလိုက်သည်။</p> <p>အခြားမျိုးနွယ်စုများ၏ မျက်နှာများမှာ ညှိုးငယ်သွားသော်လည်း ပြန်ချေပရန် စကားလုံး မရှိကြပေ။ ထိပ်တန်း မျိုးနွယ်စုကြီး သုံးခုပင်လျှင် တိတ်ဆိတ်နေကြသည်။ အချို့က ယခုအကြိမ် စမ်းသပ်မှုမှာ လွယ်ကူနေသလားဟုပင် ထင်မိကြသော်လည်း သူတို့မျိုးနွယ်မှ ပါရမီရှင်များမှာမူ အထစ် ငါးဆယ်တွင်ပင် ရုန်းကန်နေရသည်ကို မြင်သောအခါ ထိုအတွေးကို ချက်ချင်း ပြန်ဖျက်လိုက်ကြသည်။</p> <p> </p> <p>ထိုအချိန်တွင် လူသားအားလုံးမှာ စိတ်ဓာတ်တက်ကြွလာကြပြီး အက်တလတ်စ် မောင်နှမနောက်သို့ ချက်ချင်း လိုက်သွားကြသည်။ အေ့စ်၏ တက်လှမ်းနေသော ပုံရိပ်မှာ သူတို့ကို မျှော်လင့်ချက်နှင့် သတ္တိများ ပေးစွမ်းလိုက်သဖြင့် အန္တရာယ်ကို ဂရုမစိုက်တော့ဘဲ တက်လှမ်းကြတော့သည်။</p> <p>ကောင်းကင်ယံတွင်လည်း ကြီးကြပ်သူ ၁၀ ဦးမှာ အေ့စ်၏ တက်လှမ်းနေသော ပုံရိပ်ကို လေးနက်စွာ စောင့်ကြည့်နေကြသည်။</p> <p> </p> <p>အေ့စ်က အထစ် ၃၀၁ သို့ တက်လှမ်းလိုက်ပြီးနောက်မှာတောင် သူ၏ အရှိန်မှာ အနည်းငယ်မျှ လျော့မသွားသည်ကို မြင်သောအခါ ဝီလီက မအောင့်နိုင်ဘဲ ပြောလိုက်သည်။</p> <p> "ဒီကောင်က တကယ်ပဲ လူသားလား"</p> <p>သူ့တွင် သံသယများ ရှိနေသော်လည်း ဂျိုးဆက်က ဝီလီကို မကြည်မလင် ကြည့်ကာ ပြန်ပြောလိုက်သည်။</p> <p> "မင်းရဲ့ ဦးနှောက်ကို ပန်းဘဲဖိုထဲမှာ ထားခဲ့တာလား.. သူက လူသားစစ်စစ်ပေါ့"</p> <p>ဂျိုးဆက်ကိုယ်တိုင်လည်း အစက အေ့စ်မှာ လူသားမဟုတ်ဟု ထင်မိပြီး အိပ်မက်မက်နေသည်ဟုပင် ထင်မိနေသည်။ သို့သော် အခုတော့ ၎င်းမှာ အိပ်မက်မဟုတ်ကြောင်းနှင့် သူ၏မျိုးနွယ်စုမှ နှစ်ပေါင်းများစွာကြာပြီးနောက် ပါရမီရှင်တစ်ဦး ပေါ်ထွက်လာပြီဖြစ်ကြောင်း သိလိုက်ရသည်။</p> <p>နတ်ဆိုးဘေးမှ အသား ညိုဝါရောင်နဲ့ အသူရာတစ်ဦးက နှာခေါင်းရှုံ့လိုက်သည်။</p> <p> "မင်းတို့ ဘာတွေ ဒီလောက်ဖြစ်နေကြတာလဲ.. သူက ဒုတိယအဆင့်ကိုတောင် မရောက်သေးဘူး။ ခန္ဓာကိုယ် သန်မာတော့ရော ဘာဖြစ်လဲ.. စိတ်ဓာတ်ကြံ့ခိုင်မှု ရှိမှသာ ဒီလှေကားကို အောင်မြင်နိုင်မှာ"</p> <p>ဂျေဒင်ကလည်း ချက်ချင်း ခေါင်းငြိမ့်ထောက်ခံကာ လှောင်ပြောင်လိုက်သည်။</p> <p> "မမေ့နဲ့ဦး၊ အရင်တုန်းက ငါတို့ အသူရာမျိုးနွယ်မှာလည်း သူလိုပဲ ပါရမီရှင်တစ်ယောက် ရှိခဲ့ဖူးတယ်။ သူက ပထမအဆင့်ကို သန့်စင်တဲ့ ခန္ဓာကိုယ်ခွန်အားနဲ့ အောင်မြင်ခဲ့ပေမဲ့ ဒုတိယအဆင့်မှာတော့ ကျရှုံးသွားခဲ့တာပဲ"</p> <p>ဂျိုးဆက်၏ မျက်နှာမှာ ညှိုးငယ်သွားသည်။ သူ ပြန်ချေပရန် စကားလုံး မရှိတော့သလို ဝီလီလည်း ဘာမှ ထပ်မပြောတော့ဘဲ သူတို့၏ စိတ်လှုပ်ရှားမှုများက ပြန်လည် အေးစက်သွားတော့သည်။</p> <p> </p> <p> </p> <p style="text-align: center;">***</p>


Save