Book List

<h2 style="text-align: center;">C677</h2> <h2 style="text-align: center;">ဝှိုက်စ်၏ ဘဝရာဇဝင်</h2> <h2 style="text-align: center;">*</h2> <p> </p> <p> </p> <p>အေ့စ်ကတော့ နောက်သို့ပင် လှည့်မကြည့်ဘဲ၊ တိုးမြင့်လာသော ဖိအားများကြားမှ အထက်သို့ ဆက်လက်တက်လှမ်းနေခဲ့သည်။ ထိုဖိအားများက သူ့အတွက်မူ စိန်ခေါ်မှု အနည်းငယ်မျှသာ ရှိပေသည်။</p> <p>ထိုအချိန်တွင် သူက အဆင့် ၅၀၀ မြောက် လှေကားထစ်ပေါ်သို့ တက်လှမ်းရန် အသင့်ဖြစ်နေပြီ ဖြစ်သည်။ ၅၀၁ ထစ်မြောက်မှစ၍ ဒုတိယအဆင့် စိတ်စွမ်းအားစမ်းသပ်မှု စတင်မည်ဖြစ်ရာ ၎င်းမှာ ဝိညာဉ်ရေးရာနှင့် သက်ဆိုင်ပေလိမ့်မည်။</p> <p>အဆင့် ၅၀၀ မြောက် လှေကားထစ်ပေါ်သို့ ရောက်သောအခါ အေ့စ်က ရုတ်တရက် ရပ်တန့်လိုက်ပြီး နောက်သို့ လှည့်ကြည့်လိုက်ရာ ကျန်ရှိနေသော ပါဝင်ယှဉ်ပြိုင်သူများမှာ အဝေးကြီးတွင် ကျန်ရစ်နေသည်ကို တွေ့လိုက်ရသည်။ အဝေးဆုံးရောက်နေသည့် ပြိုင်ပွဲဝင်မှာ ၃၄ ထစ်မြောက်တွင်သာ ရှိသေးပြီး၊ သူမှာ အေ့စ်အား နီရဲနေသော မျက်လုံးများဖြင့် စိုက်ကြည့်နေသော မျက်နှာဖြူဖျော့ဖျော့နှင့် နတ်ဆိုးလူငယ်တစ်ဦး ဖြစ်သည်။</p> <p>အေ့စ်ကလည်း ခပ်တိုးတိုး လှောင်ရယ်လိုက်ပြီးနောက် ရှေ့သို့ပြန်လှည့်ကာ နောက်ထပ် တစ်လှမ်း လှမ်းလိုက်သည်။ ၅၀၁ ထစ်မြောက်ကို နင်းလိုက်သည်နှင့် အေ့စ်၏ စိတ်အာရုံကို တိုက်ခိုက်လာသော အားနည်းသော ဝိညာဉ်စွမ်းအားတစ်ခုကို ရုတ်တရက် ခံစားလိုက်ရသည်။</p> <p>သို့တိုင် ထိုဝိညာဉ်စွမ်းအားမှာ သူ၏ အရေပြားကိုပင် နာကျင်အောင် မလုပ်နိုင်သဖြင့်၊ သူ၏ စိတ်အာရုံကို ထိခိုက်ရန်ကား ဝေးသေးသည်။</p> <p>ထို့ကြောင့် သူက ယင်းဝိညာဉ်စွမ်းအားကို ဂရုမစိုက်ဘဲ အရှိန်မပျက် ရှေ့သို့ ဆက်လက်လျှောက်လှမ်းသွားသည်။</p> <p>အေ့စ်၏ ယင်းခြေလှမ်းက ကောင်းကင်ထက်မှ စောင့်ကြည့်နေသော စာစစ်မှူးများကို သိသိသာသာ အံ့အားသင့်သွားစေသည်။</p> <p>အတောင်ပံမီးခိုးရောင်နှင့် နတ်ဆိုးကြီး၏ မီးခိုးရောင်မျက်လုံးများက နက်မှောင်သော အရောင်အဝါများ တောက်ပလာပြီး စိတ်ဝင်တစားဖြင့် ပြောလိုက်၏။</p> <p>"သူက အခုထိ ချီစွမ်းအားကို မသုံးသေးဘဲ ခန္ဓာကိုယ်ကြံ့ခိုင်မှု သက်သက်နဲ့ တက်နေတာပဲ၊ ဝိညာဉ်စွမ်းအားကလည်း သူ့ကို ဘာမှမလုပ်နိုင်သလိုပဲ။ လူသားတစ်ယောက်မှာ ဒီလို ခန္ဓာကိုယ်မျိုး ရှိနိုင်ဖို့ ဖြစ်နိုင်ပါ့မလား။ သူ့ရဲ့ မှတ်တမ်းတွေကို ထုတ်ကြည့်ပြီး သူ ဘာကြောင့် ဒီလောက် ထူးခြားနေရတာလဲ၊ ဘာလို့ အခုမှ ပေါ်လာတာလဲဆိုတာ ကြည့်ရအောင်လား"</p> <p>ဝိညာဉ်စွမ်းအား ဖိအားအောက်တွင်ပင် အေ့စ်၏ အဆက်မပြတ် တက်လှမ်းနေမှုမှာ အထူးသဖြင့် ထိပ်သီးမျိုးနွယ်စု သုံးစုမှ အကြီးအကဲများ၏ စူးစမ်းလိုစိတ်ကို ဆွဲဆောင်သွားသည်။ ခန္ဓာကိုယ်အင်အား သာမက အစွမ်းထက်သော ဝိညာဉ်စွမ်းအားပါ ပိုင်ဆိုင်သည့် လူသားမျိုးနွယ်ကို သူတို့ ယခင်က တစ်ခါမျှ မတွေ့ဖူးချေ။</p> <p>သူတို့မျိုးနွယ်စုများထဲတွင်ပင် ဤကဲ့သို့သော လူငယ်မျိုးမှာ နှစ်ပေါင်းတစ်ထောင်လျှင် တစ်ကြိမ်သာ ပေါ်ထွက်တတ်ပြီး၊ ၎င်းမှာလည်း လူသားတို့နေထိုင်ရာ လောကတွင် မဟုတ်ပေ။</p> <p>အကြီးအကဲများထဲမှ တစ်ဦးတည်းသော လူသားဖြစ်သူ ဂျိုးဆက်မှာလည်း အေ့စ်၏ အံ့မခန်း စွမ်းဆောင်ရည်ကြောင့် ထိတ်လန့်သွားသည်။</p> <p> 'ငါ သူ့ကို လူသားဂိုဏ်းထဲ ရောက်အောင် ခေါ်ရမယ်'</p> <p>ထို့နောက် သူက နတ်ဆိုးအကြီးကဲကို ကြည့်ကာ အဓိပ္ပာယ်ပါပါဖြင့် မေးလိုက်၏။</p> <p>"အကြီးအကဲ ကလဲရန့်စ် မင်းက လူသားတစ်ယောက်ကို မင်းတို့ရဲ့ နတ်ဆိုးဂိုဏ်းထဲ ဖိတ်ခေါ်ဖို့ ကြံစည်နေတာတော့ မဟုတ်ပါဘူးနော်"</p> <p>ကလဲရန့်စ်က သူ့ကို တစ်ချက်ကြည့်ကာ ထက်ရှသော သွားများကို ထုတ်ပြကာ ပြုံးပြရင်း ပြောလိုက်၏။</p> <p> "သူက ပါရမီရှင်တစ်ယောက် ဖြစ်နေသရွေ့ သူ့ရဲ့ မျိုးနွယ်က အရေးမကြီးပါဘူး။ မဟာမိတ်ထဲမှာ လူတိုင်းက တန်းတူပဲလေ၊ ဒါက မဟာမိတ်ရဲ့ တင်းကျပ်တဲ့ စည်းမျဉ်းပဲ မဟုတ်လား။ အခု အချက်အလက်တွေကို ကြည့်ကြမလား"</p> <p>"မင်းတို့.. ကောက်ကျစ်တဲ့ကောင်တွေ မျိုးနွယ်စုအားလုံးထဲမှာ မင်းတို့က စိတ်ထားအကျဉ်းမြောင်းဆုံးဖြစ်ပြီးတော့မှ စည်းမျဉ်းတွေအကြောင်း ပြောရဲသေးတယ်ပေါ့"</p> <p> ဝီလီက ချက်ချင်းပင် ဒေါသတကြီး ပြောလိုက်သည်။</p> <p>ကလဲရန့်စ်က သူ့ကို လျစ်လျူရှုကာ အသူရာ အကြီးအကဲနှင့် ဆံပင်နီ မုဆိုး အကြီးအကဲတို့ကို အဓိပ္ပာယ်ပါပါ ကြည့်လိုက်သည်။ ထိုနှစ်ဦးစလုံးက ကလဲရန့်စ် ဘာကို ဆိုလိုသည်ကို သိသဖြင့် ခေါင်းငြိမ့်ပြလိုက်ကြသည်။</p> <p>"ငါလည်း သူ့ရဲ့မှတ်တမ်းတွေကို ကြည့်ဖို့ သဘောတူတယ်"</p> <p>အသူရာအကြီးအကဲက ခေါင်းငြိမ့်သည်။</p> <p>"သူက တော်တော်လေး စိတ်ဝင်စားဖို့ကောင်းတယ်။ ဒီနှစ်တွေမှာ သူ ဘယ်မှာ ပုန်းနေခဲ့လဲဆိုတာ ကြည့်ရအောင်။ ငါလည်း အကြီးအကဲ ကလဲရန့်စ်နဲ့ သဘောတူတယ်"</p> <p>မုဆိုးက ရယ်မောကာ ပြောလိုက်သည်။</p> <p>"မင်းတို့ကော ဘယ်လိုလဲ"</p> <p>ကလဲရန့်စ်က အမျိုးသမီး ငါးဦးကို အသာအယာ ပြုံးကြည့်လိုက်သည်။</p> <p>နတ်ဆိုး အမျိုးသမီး ဂျေဒင်၊ မုဆိုး နှစ်ဦးနှင့် ပညာရှိ နတ်သူငယ် တစ်ဦး အပါအဝင် အားလုံးသည်လည်း အေ့စ်၏ အတိတ်ကို စိတ်ဝင်စားနေကြသဖြင့် သဘောတူ ခေါင်းငြိမ့်လိုက်ကြသည်။</p> <p>အားလုံးက ကလဲရန့်စ်၏ တောင်းဆိုချက်ကို သဘောတူလိုက်သောအခါ ဂျိုးဆက်နှင့် ဝီလီတို့ မျက်နှာများ ပျက်သွားသည်။ အားလုံးက သူတို့ကို လေထဲက ဖုန်မှုန့်လိုပင် သဘောထားနေကြသည်။</p> <p>အခြားမျိုးနွယ်များက အေ့စ်၏ အချက်အလက်များကို အသုံးချပြီး သူတို့ဘက်ပါအောင် ဆွဲဆောင်ခြင်း သို့မဟုတ် သူ၏ အားနည်းချက်ကို အသုံးချကာ ခြိမ်းခြောက်ခြင်းများ ပြုလုပ်မည်ကို ဂျိုးဆက် မလိုလားပေ။</p> <p>ယခင်ကလည်း ဤကဲ့သို့ ဖြစ်ရပ်မျိုး ရှိခဲ့ဖူးသော်လည်း၊ လူသားမျိုးနွယ်သည် မဟာမိန်အတွင်း အခြားမျိုးနွယ်များ၏ နေရာကို တစ်ခါမျှ မခြိမ်းခြောက်နိုင်ခဲ့ဖူးသဖြင့် လူသားတစ်ဦးအတွက် ယခုကဲ့သို့ ဖြစ်လာခြင်းမှာ ပထမဆုံးပင် ဖြစ်သည်။</p> <p>သို့သော် အေ့စ်ကတော့ သိသိသာသာပင် ပါရမီထူးသူ ဖြစ်ရာ၊ သူဟာ နောင်တစ်ချိန်တွင် မဟာမိတ်၌ ဩဇာရှိသူတစ်ဦး ဖြစ်လာပြီး လူသားများအတွက် အရင်းအမြစ်များကို ရှာဖွေပေးနိုင်မည် ဖြစ်သည်။ အကယ်၍ ဤလူများက သူ့ကို လူသားများလက်ထဲမှ လုယူသွားနိုင်လျှင် လူသားမျိုးနွယ်အတွက် ကြီးမားသော ဆုံးရှုံးမှု ဖြစ်ပေလိမ့်မည်။</p> <p>သို့သော် ဂျိုးဆက်အနေဖြင့် ဘာမှ မတတ်နိုင်ပေ။ အကြောင်းမှာ မဟာမိတ်အတွင်း ဤကဲ့သို့သော အကြံအစည်များက ပုံမှန်ကိစ္စတစ်ခုလို ဖြစ်နေပြီး၊ စိန်ခေါ်မှုရှိသော ပတ်ဝန်းကျင်ကို ထိန်းသိမ်းထားရန် မည်သူကမျှ တားဆီးခြင်း မပြုကြသောကြောင့် ဖြစ်သည်။</p> <p>လူတိုင်းက မိမိဘာသာ ဆုံးဖြတ်ပိုင်ခွင့်ရှိကြသည်။ဒါ့အပြင် လွတ်လပ်စွာ ဆုံးဖြတ်ပိုင်ခွင့်ဆိုသည်မှာလည်း အတင်းအကျပ် ဖိအားပေးစေခိုင်းမှုဟု သက်သေမပြနိုင်သရွေ့ ခွင့်ပြုထားသည့် သဘောမျိုးသာ ဖြစ်သည်။</p> <p>ထို့ကြောင့် မျိုးနွယ်စုကြီး သုံးစုက အေ့စ်၏ အားနည်းချက်ကို ရှာဖွေရန်နှင့် သူ့ကို သူတို့၏ လက်အောက်ခံဖြစ်အောင် ဆွဲဆောင်ရန်အတွက် အတိတ်ကို ကြည့်လိုခြင်း ဖြစ်သည်။</p> <p>သေမျိုးလောကရှိ သူ့အချက်အလက်များကို ကြည့်ရှုရန်အတွက် မဲအများစု ရရှိရန်သာ လိုအပ်သည်။</p> <p>၎င်းကို အေ့စ် စမ်းသပ်မှု မအောင်မြင်ခင် ယခုအချိန်တွင်သာ လုပ်ဆောင်နိုင်မည်ဖြစ်သည်။ အကယ်၍ သူသာ အစစ်အမှန် မဟာမိတ်အဖွဲ့ဝင် ဖြစ်သွားပါက သူ၏ အချက်အလက်များကို ပိတ်သိမ်းထားမည်ဖြစ်ပြီး မဟာမိတ်၏ အကြီးအကဲအဆင့်ရှိသူများသာ ကြည့်ရှုနိုင်တော့မည် ဖြစ်သည်။</p> <p>တစ်စုံတစ်ယောက်၏ ဘဝရာဇဝင်တစ်ခုလုံးကို မည်သို့ မြင်နိုင်သနည်းဆိုသော် ၎င်းမှာ မီးခိုးရောင် အမှတ်အသား တိုကင်များကြောင့် ဖြစ်သည်။ မဟာမိတ်၏ တရားဝင်အဖွဲ့ဝင် ဖြစ်လာသောအခါ အဖွဲ့ဝင်ဖြစ်ကြောင်း သက်သေအဖြစ် အမှတ်အသား တိုကင်တစ်ခုကို ပေးအပ်သည်။</p> <p> ၎င်းတွင် အခြားလုပ်ဆောင်ချက်တစ်ခု ရှိသေးသည်။ ၎င်းမှာ ထိုသူ၏ ဘဝအတွေ့အကြုံများကို မှတ်တမ်းတင်ထားခြင်း ဖြစ်သည်။ ၎င်းကို သိုလှောင်လက်စွပ်ထဲတွင် ထည့်ထားလျှင်ပင်၊ ထိုလက်စွပ်များ၏ အဆင့်မှာ နိမ့်ပါးသဖြင့် မည်သည့်ကန့်သတ်ချက်မှမရှိဘဲ မှတ်တမ်းတင်နိုင်သည်။</p> <p>တရားဝင်အဖွဲ့ဝင် တစ်ဦးသည် မဟာမိတ်၏ အစစ်အမှန် အဖွဲ့ဝင် ဖြစ်လာနိုင်သောကြောင့်၊ အခြားသူများက အမည်လွှဲဖြင့် အဖွဲ့ဝင် ဖြစ်မလာစေရန် ထိုတိုကင်များက ဘဝရာဇဝင်တစ်ခုလုံးကို ပြောပြနိုင်ခြင်း ဖြစ်သည်။</p> <p>သို့သော် မဟာမိန်သမိုင်းတစ်လျှောက်တွင် ထိုကဲ့သို့ ခိုးဝင်မှုမျိုး တစ်ခါမျှ မဖြစ်ဖူးသဖြင့် မည်သူမျှ သတိမထားမိကြပေ။ မဟာမိတ်သည် သေမျိုးလောက၏ အင်အားအဆင့်အတန်းကို အပြည့်အဝ ထိန်းချုပ်ထားပြီး၊ ထူးခြားမှုတစ်ခုခုရှိလျှင် ဖွဲ့စည်းမှုကြီးက ချက်ချင်း သိရှိနိုင်သောကြောင့် ခိုးဝင်ရန်မှာ မဖြစ်နိုင်သလောက်ပင် ဖြစ်သည်။</p> <p>ထို့အပြင်၊ မဟာမိတ်မှာ စမ်းသပ်မှုအောင်မြင်သရွေ့ မည်သူမဆို အဖွဲ့ဝင်ဖြစ်ရန် ခွင့်ပြုထားသဖြင့်၊ မိမိချစ်ခင်ရသူများနှင့်အတူ အသတ်ခံရနိုင်သည့် ထိုကဲ့သို့သော စွန့်စားမှုကို ပြုလုပ်ရန် အကြောင်းရင်း မရှိပေ။</p> <p>ထို့ကြောင့် အေ့စ်က တခြားလူတစ်ဦး ဖြစ်နေလိမ့်မည်ဟု ထိုစာစစ်မှူးများ စိတ်ထဲမှာ တစ်ခါမျှပင် မတွေးမိကြချေ။</p> <p>သို့တိုင် ဤတိုကင်က ပါရမီရှင်တစ်ဦး၏ လျှို့ဝှက်ချက်အားလုံးနှင့် စိတ်နေစိတ်ထားများကိုပါ သူတို့ကိုယ်တိုင် မသိလိုက်ဘဲ ဖော်ပြနိုင်စွမ်း ရှိသည်။ ဒါပေမဲ့လည်း မည်သူကမျှ သေမျိုးလောကမှ လာသူတစ်ဦး၏ ခံစားချက် သို့မဟုတ် ကိုယ်ရေးကိုယ်တာကို ဂရုမစိုက်ကြပေ။</p> <p>ထို့ကြောင့် မဲ ၈ မဲ ရရှိပြီးနောက်၊ ကလဲရန့်စ်က အေ့စ်၏ ကိုယ်ရေးမှတ်တမ်းကို သူ၏ တိုကင်မှတစ်ဆင့် စစ်ဆေးခွင့် ရရှိသွားသည်။</p> <p>သူက အချိန်ဆွဲမနေတော့ဘဲ လက်ထဲတွင် သလင်းကျောက်တုံးလေးတစ်ခု ပေါ်လာစေကာ၊ သူ၏ ချီစွမ်းအားကို ထည့်သွင်းလိုက်ရာ ၎င်းမှာ မှောင်မည်းသော အလင်းရောင်များ တောက်ပလာသည်။</p> <p>ထို့နောက် သူပ ထိုကျောက်တုံးကို အဆင့် ၅၅၈ တွင် ရောက်နေသော အေ့စ်ရှိရာဘက်သို့ ဦးတည်လိုက်ရာ၊ ကျောက်တုံးထဲမှ ခံစားချက်ကင်းမဲ့သော အသံတစ်ခု ထွက်ပေါ်လာသည်။</p> <p>"ပြိုင်ပွဲဝင် အမှတ် ၄,၃၄၉၊ အမည် - ဝှိုက်စ် (လူသား)၊ အရိုးအသက် - ၂၇ နှစ်"</p> <p>ကလဲရန့်စ်၏ နှုတ်ခမ်းများ တွန့်ကွေးသွားသည်။</p> <p>"ငါတို့ ပြိုင်ပွဲဝင် ဝှိုက်စ်ရဲ့ သေမျိုးလောကက တိုကင်မှတ်တမ်းကို ကြည့်ချင်တယ်"</p> <p>"မြေခွေးအုပ်စုတွေ.."</p> <p>ဝီလီက နောက်ကျသွားပြီဖြစ်ကြောင်း သိသဖြင့် ကျိန်ဆဲလိုက်သည်။ ဂျိုးဆက်ကမူ တိတ်ဆိတ်စွာဖြင့် ထိုအကြီးအကဲ ရှစ်ဦးကို အေးစက်သော မျက်လုံးများဖြင့် စိုက်ကြည့်နေသည်။</p> <p>"ခွင့်ပြုချက် ရရှိပါသည်"</p> <p>နောက်တစ်စက္ကန့်တွင် သလင်းကျောက်တုံးမှာ တောက်ပလာပြီး ပုံရိပ်တစ်ခု စတင်ပေါ်ထွက်လာသည်။ ဝီလီနှင့် ဂျိုးဆက် အပါအဝင် အားလုံးက ထိုပုံရိပ်ကို အာရုံစိုက် ကြည့်လိုက်ကြသည်။</p> <p>သို့ပေမဲ့လည်း သူတို့မြင်လိုက်ရသည့်အရာကြောင့် အားလုံး ဆွံ့အသွားကြသည်။ အကြောင်းမှာ ထိုမှတ်တမ်းသည် ဝှိုက်စ် မွေးဖွားစဉ်ကတည်းက စတင်ခြင်းမဟုတ်ဘဲ၊ သူ ယခုရှိနေသည့် ပုံစံအတိုင်း အဆောက်အအုံတစ်ခုထဲမှ လမ်းလျှောက်ထွက်လာစဉ်ကစ၍ ပြသနေခြင်းကြောင့် ဖြစ်သည်။</p> <p>ထိုအဆောက်အအုံ၏ အမည်မှာ မဟာမိတ် အရာရှိ မှတ်ပုံတင်ဌာနပင် ဖြစ်သည်။</p> <p>"သူက အဆင့်နိမ့် အဖွဲ့ဝင်ကနေ တရားဝင်အဖွဲ့ဝင်အဖြစ် အခုမှ ပြောင်းလိုက်တာလား"</p> <p>ကလဲရန့်စ်က မျက်မှောင်ကြုတ်ကာ အံ့ဩနေသည့်လေသံဖြင့် ပြောသည်။</p> <p>တိုကင်ကို တရားဝင်အဖွဲ့ဝင်များအားသာ ပေးအပ်ခြင်းဖြစ်ပြီး၊ ထိုအောက်အဆင့်ရှိသူများကို မပေးကြောင်း သူတို့ သိထားကြသည်။</p> <p>ထို့အပြင်၊ ပုံရိပ်ကို အရှိန်မြှင့်ကြည့်လိုက်သောအခါ သူတို့အားလုံး လုံးဝ စကားမပြောနိုင်လောက်အောင် ဖြစ်သွားကြ၏။ ဝှိုက်စ်မှာ အခြားအဆောက်အအုံတစ်ခုသို့ သွားကာ သူ၏ မဟာမိတ်အမှတ်များကို သုံးပြီး တရားဝင်အဖွဲ့ဝင်များအတွက် ရရှိနိုင်သော ဝိညာဉ်ကျင့်စဉ်တစ်ခုနှင့် လဲလှယ်နေသည်ကို မြင်လိုက်ရသောကြောင့် ဖြစ်သည်။</p> <p>ထို့နောက်တွင် ဖြစ်ပျက်သမျှမှာ အဓိပ္ပာယ်မရှိသော အိပ်မက်တစ်ခုကဲ့သို့ ဖြစ်လာနေသည်။ ဝှိုက်စ်ဟာ မြို့ထဲမှ ထွက်ခွာကာ တောအုပ်တစ်ခုထဲတွင် နေရာရှာပြီး စတင်ကျင့်ကြံရာ၊ နှစ်နာရီအတွင်းမှာပင် ပထမဆုံး ဂိတ်ကို ဖွင့်နိုင်ခဲ့ပြီး အလွန်အမင်း စိတ်လှုပ်ရှားနေသည်ကို တွေ့လိုက်ရသည်။</p> <p>"ဒီလောက် လွယ်တာလား..."</p> <p>သူ၏ စိတ်လှုပ်ရှားနေသော အသံကို ကြားလိုက်ရသည့်အခါ စာစစ်မှူးများ၏ နှုတ်ခမ်းများက တဆတ်ဆတ် တုန်ခါသွားကြ၏။</p> <p>တစ်ရက်အကြာတွင် သူက ဒုတိယ ဝိညာဉ်ဂိတ်ကို ဖွင့်နိုင်ခဲ့ပြီး၊ နှစ်ရက်အကြာတွင် တတိယဂိတ်၊ ကျင့်ကြံမှု စတင်ပြီး ခုနစ်ရက်မြောက်နေ့တွင် စတုတ္ထမြောက် ဝိညာဉ်ဂိတ်ကို ဖွင့်နိုင်ခဲ့သည်။</p> <p>"ဒါက မသေမျိုးဖြစ်မယ့် လမ်းစဉ်လား၊ ဘယ်လောက်တောင် လွယ်လိုက်သလဲ.."</p> <p>ဝှိုက်စ်ဟာ ကျင့်ကြံမှုကို စွဲလန်းနေသူတစ်ဦးကဲ့သို့ ရူးသွပ်စွာ ရယ်မောရင်း ဆက်လက်ကျင့်ကြံနေသည်။</p> <p>ဝှိုက်စ် တစ်ဘဝလုံး၏ မှတ်တမ်းမှာ ၁၅ မိနစ်ခန့်သာ ကြာမြင့်ခဲ့သည်။ အကြောင်းမှာ ဝှိုက်စ်က တရားဝင်အဖွဲ့ဝင် ဖြစ်ပြီး တစ်လအကြာတွင် ယခုစမ်းသပ်မှုကို လာရောက်ဖြေဆိုခြင်း ဖြစ်သောကြောင့်ပင်။</p> <p>သူတို့က မှတ်တမ်းကို အရှိန်မြှင့်ကြည့်ခဲ့သော်လည်း အရာအားလုံးကို အနှေးပြကွက်ကဲ့သို့ အသေးစိတ် မြင်ခဲ့ကြရသည်။ မဟာမိတ်၏ သမိုင်းတစ်လျှောက်တွင် အဆင့်နိမ့်အဖွဲ့ဝင်မှ တရားဝင်အဖွဲ့ဝင်အဖြစ် ဤမျှ ငယ်ရွယ်သော အသက်အရွယ်ဖြင့် ရောက်ရှိလာပြီး၊ တစ်လအတွင်းမှာပင် ဂိတ်ကိုးခု ကျင့်ကြံသူတစ်ဦး ဖြစ်လာကာ စမ်းသပ်မှု လာဖြေသည့် အဖြစ်မျိုး တစ်ခါမှ မရှိခဲ့ဖူးပေ။</p> <p>ပုံမှန်အားဖြင့် အသစ်ခန့်အပ်ခံရသော အဖွဲ့ဝင်များက မြို့ထဲတွင် အခြေချနေထိုင်ပြီးမှသာ သူတို့၏ သားစဉ်မြေးဆက်များကို မဟာမိန်အဖွဲ့ဝင်အဖြစ် မွေးဖွားစေကာ အဖွဲ့ဝင်အစစ်အမှန်ဖြစ်အောင် လေ့ကျင့်ပေးတတ်ကြသည်။</p> <p>ဂျိုးဆက်ကတော့ ထိုအချိန်တွင် ကျယ်လောင်စွာ ရယ်မောလိုက်၏။</p> <p> "ဟားဟားဟား... ငါတို့ လူသားမျိုးနွယ်ထဲမှာ နှစ်ပေါင်းတစ်သောင်းမှာ တစ်ယောက် ပေါ်ထွန်းတဲ့ ပါရမီရှင်တစ်ယောက် ပေါ်လာပြီဟေ့"</p> <p> </p> <p> </p> <p style="text-align: center;">***</p>


Save