Book List

<h2 style="text-align: center;">အခန်း (၄၃၈)</h2> <h2 style="text-align: center;">သွေးဓာတ်ဆေးလုံး အောင်မြင်ခြင်း၊ အစွမ်းအစအသီးသီး ထုတ်ဖော်ခြင်းနှင့် ဂိုဟော့ငှက်</h2> <h2 style="text-align: center;">*</h2> <p> </p> <p> </p> <p>​ထိုမြွေနဂါးမင်းကြီး၏ ခန္ဓာကိုယ်မှာ ပေပေါင်းရာချီ ရှည်လျားလှပြီး ငြိမ်သက်နေသည့်အချိန်တွင် တွန့်လိမ်ခွေခေါက်နေသော တောင်တန်းကြီးတစ်ခုအလားပင်။</p> <p> ထိုကဲ့သို့သော ရှေးဦးသားရဲကြီး၏ ခန္ဓာကိုယ်အတွင်းရှိ စွမ်းအားများမှာ သေချာပေါက် ကောင်းကင်နှင့်မြေကြီးကို တုန်ခါစေနိုင်လောက်ပေသည်။</p> <p>​သို့သော် ယခုမူ ထိုရှေးဟောင်းဆေးဖော်စပ်အိုးကြီးက ၎င်းကို လုံးဝ ချေဖျက်သန့်စင်လိုက်ပြီး သွေးဓာတ်ဆေးလုံး အဖြစ် ပြောင်းလဲပေးလိုက်ပြီ မဟုတ်ပါလား။</p> <p> ၎င်းကို သောက်သုံးလိုက်ပါက မည်မျှအထိ ပြင်းထန်သော စွမ်းအားကို ရရှိမည်နည်းဟု တွေးတောရင်း လူတိုင်း၏ စိတ်ထဲတွင် လောဘဇောများ တောက်လောင်နေကြသည်။</p> <p>​ဖြစ်နိုင်သည်မှာ ခန္ဓာကိုယ်သည်ပင် တိုက်ရိုက် နတ်ဘုရားအဆင့် သို့ ရောက်ရှိသွားနိုင်ပေသည်။</p> <p>ထို့ပြင် ထိုရှေးဟောင်းဆေးဖော်စပ်အိုးကြီး၏ တန်ဖိုးမှာလည်း ထိုသွေးဓာတ်ဆေးလုံးထက်ပင် ပိုမိုမြင့်မားနိုင်သေးသည်။</p> <p>ထိုသည်မှာ နတ်ဘုရားပေးသော ကံထူးမှု မဟုတ်လျှင် အခြား ဘာဖြစ်နိုင်ဦးမည်နည်း။</p> <p>​ဝုန်း</p> <p>ဝုန်း</p> <p>​ဝိညာဉ်ကိုယ်ပွား နတ်ဘုရားစွမ်းအားများနှင့် မှော်လက်နက် အမျိုးမျိုးတို့မှာ ဆံပင်ဖရိုဖရဲနှင့် တာအိုဆရာတစ်ပိုင်း၏ ခန္ဓာကိုယ်ပေါ်သို့ တရစပ် ကျရောက်နေသည်။</p> <p>အစပိုင်းတွင် မည်သည့်သက်ရောက်မှုမျှ မရှိသော်လည်း လူအများအပြား၏ ဝိုင်းဝန်းတိုက်ခိုက်မှုကိုမူ သူ ကြာရှည်မခံနိုင်ပါ။</p> <p> တိုက်ခိုက်နေသူများမှာ ဂိုဏ်းကြီးများ၊ အင်အားစုကြီးများမှ အဘိုးကြီးများ၊ ကျင့်ကြံဆင့် နက်နဲလှသူများ သို့မဟုတ် သတ်ဖြတ်လိုစိတ် ပြင်းထန်လှသော ပါရမီရှင် လူငယ်များ ဖြစ်ကြသည်။</p> <p>​အကယ်၍ ထိုလောကတွင် အတားအဆီးများ သာ မရှိပါက၊ တာအိုတရားများသာ ပြတ်တောက်မနေပါက သူတို့ထဲမှ လူအများစုမှာ ယန်ဝိညာဉ်  အဆင့်သို့ပင် ရောက်ရှိနေကြပြီ ဖြစ်သည်။</p> <p> ဤကဲ့သို့သော ပုဂ္ဂိုလ်များ အသက်နှင့်လဲ၍ တိုက်ခိုက်သည့်အခါ အရှိန်အဝါမှာ ပြောစရာမလိုအောင်ပင် ထိတ်လန့်စရာ ကောင်းလှပေသည်။</p> <p>​ကျန်းဝေသည် လီယန်ချူ၏ ဘေးတွင် ရပ်နေရင်း မျက်နှာတွင် အံ့ဩရိပ်များ ပေါ်လွင်နေသည်။</p> <p> အထူးသဖြင့် သန်မာထွားကြိုင်လှသော လူသန်ကြီးတစ်ဦးကို မြင်လိုက်ရသည့်အခါ သူ၏ မျက်မှောင်များ ကြုတ်သွားတော့သည်။</p> <p>​"သူတို့မိသားစုကလူတောင် ရောက်လာတာလား..."</p> <p>  ကျန်းဝေက တိုးတိုးလေး ရေရွတ်လိုက်သည်။</p> <p>​"မင်း သူနဲ့ သိလို့လား"</p> <p> လီယန်ချူက မေးလိုက်သည်။</p> <p>​ကျန်းဝေက ခေါင်းညိတ်ပြရင်း</p> <p>"ဒီလူ့နာမည်က ကျောက်ရှီးဟူ တဲ့၊ မွေးရာပါ နတ်ဘုရား ခွန်အား ရှိတယ်၊ သူ့ရဲ့ ခန္ဓာကိုယ်ထဲမှာ မိစ္ဆာသားရဲကြီးရဲ့ သွေးပါဝင်နေတယ်လို့ ပြောကြတယ်၊ အရိုးအဆစ်တွေကလည်း သံမဏိလို မာကျောပြီး ခန္ဓာကိုယ်ကျင့်စဉ် မှာ ထိပ်တန်းပညာရှင်တစ်ယောက်ပဲ"</p> <p> ဟု ပြန်ဖြေသည်။</p> <p>​လီယန်ချူသည် ချန်နိုင်ငံ အတွင်းရှိ ထိုကဲ့သို့သော ထူးခြားသူများအကြောင်းကို သိပ်မသိလှပါ။</p> <p>သို့သော် ကျန်းဝေမှာမူ ရှေးဟောင်းအမွေအနှစ်များရှိသည့် ကျင့်စဉ်မိသားစုမှ လာသူဖြစ်ရာ အသိအမြင် ကြွယ်ဝလှသည်။</p> <p>လီယန်ချူမှာမူ ဝူစန်းတောင်တွင် တိတ်တဆိတ် ကျင့်ကြံနေသည့် နတ်ဘုရားအစစ်မှ မဟုတ်ဘဲကိုး။</p> <p>​ကျန်းဝေက ဆက်ပြောသည်မှာ</p> <p>"ကျောက်ရှီးဟူက ငယ်ငယ်တုန်းက ဗုဒ္ဓဘာသာ ပညာရှင်တစ်ယောက်ကို သွားစော်ကားမိလို့ မိစ္ဆာသားရဲအဖြစ် အသတ်ခံရတော့မယ့်ဆဲဆဲမှာ လုံ မိသားစုက လူတွေက ကယ်တင်ခဲ့လို့ အခုတော့ လုံမိသားစုရဲ့ အစေခံ ဖြစ်နေတာပေါ့"</p> <p>​"လုံမိသားစု " လီယန်ချူက မေးခွန်းထုတ်သည်။</p> <p>​"လုံမိသားစုဆိုတာ ရှေးဟောင်းကျင့်စဉ်မိသားစုတစ်ခုပဲ၊ လောကထဲကို သိပ်ထွက်လေ့မရှိဘူး၊ သူတို့မိသားစုကလူတွေမှာ နဂါးစစ် ရဲ့ သွေးပါဝင်နေတယ်လို့ ပြောကြတယ်၊ သာမန် မြွေနဂါးတွေ မဟုတ်ဘူးနော်၊ လောကမှာ အလွန်ရှားပါးတဲ့ နဂါးအစစ်တွေရဲ့ သွေး၊ အဲဒါတောင် မျိုးဆက်က သိပ်မဝေးသေးဘူးလို့ ဆိုတယ်၊ ချန်နိုင်ငံ ကျင့်စဉ်လောကမှာတော့ လူသိနည်းပေမဲ့ တကယ့်ကို အစွမ်းထက်တဲ့ အင်အားစုပဲ"</p> <p> ကျန်းဝေက ရှင်းပြသည်။</p> <p>​"နဂါးအစစ်ရဲ့ သွေးလား..."</p> <p>လီယန်ချူက တစ်ဦးတည်း ရေရွတ်မိသည်။</p> <p>​ကျန်းဝေက မျက်လုံးလေး ပေကလပ် ပေကလပ် လုပ်ရင်း</p> <p>"တာအိုဆရာ ချောင်ချောင် က ဝူစန်းတောင်မှာပဲ စိတ်နှစ်ပြီး ကျင့်ကြံနေတာဆိုတော့ ဒီလိုကိစ္စတွေကို မသိတာ မဆန်းပါဘူး၊ အခု လုံမိသားစုကို ဦးစီးနေတာက အဲဒီက သခင်မကြီးပေါ့၊ ကြားဖူးတာတော့ သူမက တိုင်းပြည်ကိုတောင် မှောက်နိုင်လောက်တဲ့ အလှမျိုးရှိပြီး မှော်အတတ်တွေကလည်း အလွန်ကြမ်းတမ်းတယ်လို့ ပြောကြတယ်"</p> <p>​သူသည် ထိုသခင်မကြီးအကြောင်း ပြောသည့်အခါ မျှော်လင့်ချက်အပြည့်ဖြင့် ဖြစ်နေသည်။</p> <p>သူသည် မျိုးဆက်သစ်လူငယ်တစ်ဦးအနေဖြင့် မိသားစုမှ လူကြီးများနောက် လိုက်သွားစဉ်က ထိုသခင်မကြီးကို တစ်ချက်မျှ မြင်တွေ့ခဲ့ရဖူးသည်။</p> <p> ထိုစဉ်က သူမ၏ အလှမှာ နတ်သမီးတစ်ပါးအလားပင်။</p> <p>ယနေ့တိုင် သူ မေ့မရနိုင်သေးပါ။</p> <p>​လီယန်ချူမှာမူ သူမ၏ အလှကို စိတ်မဝင်စားဘဲ လုံမိသားစု၏ သွေးမျိုးဆက်အပေါ်သာ စိတ်ဝင်စားနေသည်။</p> <p>"သွေးမျိုးဆက်နဲ့ အမွေဆက်ခံတာလား "</p> <p>​သူ့အမြင်အရဆိုလျှင် မိစ္ဆာသားရဲကြီးများ သို့မဟုတ် နာမည်ကျော် မိစ္ဆာကြီးများသာ သွေးမျိုးဆက်ဖြင့် အမွေဆက်ခံတတ်ကြခြင်း ဖြစ်သည်။</p> <p>သာမန်လူသားများ ကျင့်ကြံရာတွင်မူ ပါရမီ၊ ဉာဏ်ပညာနှင့် အရိုးအဆစ်များအပေါ်သာ အခြေခံကြသည် မဟုတ်ပါလား။</p> <p>သို့သော် ထိုနဂါးစစ်သွေးမျိုးဆက်မှာမူ သာမန်နှင့် မတူပုံရသည်။</p> <p>​"ကျောက်ရှီးဟူ ရောက်နေမှတော့ လုံမိသားစုရဲ့ သားသမီးတွေလည်း ဒီကို ရောက်နေလောက်ပြီ၊ ဒါပေမဲ့ အခုထိတော့ မလှုပ်ရှာကြသေးဘူး"</p> <p>ဟု ကျန်းဝေက ဆိုသည်။</p> <p>​လီယန်ချူက ခေါင်းညိတ်ပြလိုက်သည်။</p> <p>​သူတို့နှစ်ဦး စကားပြောနေစဉ်မှာပင် ဝတ်ရုံစိမ်းအဘိုးကြီးသည် အလောင်းချည်နှောင်ကြိုးကို အသုံးပြုကာ တာအိုဆရာတစ်ပိုင်း၏ ဓားကိုင်ထားသော လက်မောင်းကို တင်းကြပ်စွာ ချည်နှောင်လိုက်သည်။</p> <p>ဝတ်ရုံနီအဘိုးကြီးကလည်း နောက်မှ ကပ်လိုက်လာသည်။</p> <p>​ထို့ပြင် ကြွက်သားများ တောင့်တင်းလှသော လူသန်ကြီး ကျောက်ရှီးဟူမှာလည်း ရှေ့သို့ ပြေးထွက်သွားပြီး ထိုတာအိုဆရာ၏ ဓားကိုင်ထားသော လက်ကို မိမိ၏ ခွန်အားဖြင့် အတင်းခုခံထားလိုက်သည်။</p> <p>သူတို့သည် အလွန်ပင် ညီညွတ်လှသော ပူးပေါင်းဆောင်ရွက်မှု တစ်ခုကို ပြသလိုက်ကြခြင်းပင်။</p> <p>​ထိုအချိန်တွင် အရေခွံခွာဓားကို ကိုင်ထားသည့် ယက္ခဘုရင် ဝိညာဉ်ကိုယ်ပွားက ထိုတာအိုဆရာတစ်ပိုင်း၏ မျက်လုံးတွင်းသို့ ဓားဖြင့် ရက်စက်စွာ ထိုးသွင်းလိုက်သည်။</p> <p>ဝိညာဉ်ကိုယ်ပွား ပညာရှင်များစွာမှာလည်း ခေါင်းတလားသံမှိုများ၊ ဝိညာဉ်ချုပ်သံမှိုများ၊ အလောင်းနှိမ်နင်းအင်းများ၊ ဗုဒ္ဓဘာသာ၏ မိစ္ဆာနှိမ်နင်းတံပိုးများကို ထုတ်သုံးကာ ထိုတာအိုဆရာတစ်ပိုင်းကို အတင်းချုပ်နှောင်ထားလိုက်ကြတော့သည်။</p> <p>​"တကယ်ပဲ လူများတော့ အင်အားကြီးတာပဲ"</p> <p> ကျန်းဝေက တိုးတိုးလေး ဆိုသည်။</p> <p>သူသည် စောစောက ဝင်မတိုက်ခဲ့မိသည်ကို အနည်းငယ် နောင်တရနေမိသည်။</p> <p> အခုတော့ အလှမ်းဝေးနေသဖြင့် အခွင့်အရေးများ ဆုံးရှုံးသွားရပြီ မဟုတ်ပါလား။</p> <p>​ထိုစဉ် လူတစ်ဦး၏ မျက်လုံးများ တောက်ပလာပြီး ဆေးဖော်စပ်အိုးကို လုယူရန် လက်လှမ်းလိုက်သည်။</p> <p>ထိုသူမှာ မျက်နှာတစ်ခုလုံးတွင် မျက်လုံးများ ပြည့်နှက်နေပြီး မိစ္ဆာအငွေ့အသက်များ ထွက်ပေါ်နေသည့် စောင့်ရှောက်ရေးနတ်မင်း ဖြစ်သည်။</p> <p>​"လမ်းမှားတာအိုကိုယ်တော်"</p> <p>​အား</p> <p>​သူ၏ လက်မောင်းသည် ရှေးဟောင်းဆေးဖော်စပ်အိုးကို ထိတွေ့လိုက်သည်နှင့် တစ်ပြိုင်နက် ထိုဆေးအိုးမှ ထွက်ပေါ်လာသည့် ပြင်းထန်လှသော သွေးအရှိန်အဝါများကြောင့် လောင်ကျွမ်းသွားရတော့သည်။</p> <p>လုံးဝ ပျောက်ကွယ်သွားသည်အထိပင်</p> <p>​ဤသည်မှာ သူ၏ ဝိညာဉ်ကိုယ်ပွားကို တိုက်ရိုက် ထိခိုက်စေခြင်းဖြစ်ရာ သာမန်လက်မောင်းပြတ်သည်ထက် ပိုမိုဆိုးရွားလှသည်။</p> <p>ထိုရှေးဟောင်းဆေးဖော်စပ်အိုးကြီးတွင်လည်း အလွန်ပြင်းထန်လှသော တားမြစ်ချက်  တစ်ခု ရှိနေသည်မှာ ထင်ရှားလှသည်။</p> <p>အထူးသဖြင့် ယခုကဲ့သို့ ဆေးဖော်စပ်နေသည့် အချိန်မျိုးတွင် ဖြစ်သည်။</p> <p>​လူတိုင်းမှာ တစ်ဦးကိုတစ်ဦး ကြည့်လိုက်ကြသည်။</p> <p> ထိုလမ်းမှားတာအိုကိုယ်တော်မှာ ထိလိုက်ရုံဖြင့် လက်တစ်ဖက် ဆုံးရှုံးသွားပြီး ဝိညာဉ်ကိုယ်ပွား အပြင်းအထန် ဒဏ်ရာရသွားသည် မဟုတ်ပါလား။</p> <p>သူတို့ထဲမှ မည်သူမျှ တက်သွားရန် သတ္တိမရှိကြတော့ပါ။</p> <p>​သို့ဆိုလျှင် သွေးဓာတ်ဆေးလုံး အောင်မြင်သည့်အချိန်အထိ စောင့်ရမည်လား</p> <p>​သို့သော် ယခု ချုပ်နှောင်ခံထားရသည့် တာအိုဆရာတစ်ပိုင်းဖြစ်စေ၊ ကောင်းကင်ပေါ်တွင် တိုက်ခိုက်နေသည့် လူကြမ်းကြီးနှစ်ယောက်ဖြစ်စေ၊ တစ်စုံတစ်ယောက်ကသာ တိုက်ပွဲထဲ ဝင်လာပါက အခြေအနေမှာ ခန့်မှန်းရ ခက်ခဲသွားပေလိမ့်မည်။</p> <p>သူတစ်ပါးအတွက် အလကား အလုပ်လုပ်ပေးရသလို ဖြစ်သွားနိုင်သည် မဟုတ်ပါလား။</p> <p>​ရုတ်တရက်</p> <p>တာအိုဆရာတစ်ပိုင်း၏ ခန္ဓာကိုယ်မှ ခရမ်းရောင်အရှိန်အဝါများ ပျံ့နှံ့ထွက်ပေါ်လာသည်။</p> <p>မိစ္ဆာလမ်းစဉ်၏ ခေါင်းတလားသံမှို၊ ဝိညာဉ်ချုပ်သံမှိုများဖြစ်စေ၊ တာအိုဘာသာ၏ အလောင်းနှိမ်နင်းအင်းများဖြစ်စေ၊ ဗုဒ္ဓဘာသာ၏ ရွှေရောင်ဖလားဖြစ်စေ... အားလုံးမှာ ထိုခရမ်းရောင်အရှိန်အဝါ၏ ချေမှုန်းခြင်းကို ခံလိုက်ရပြီး လုံးဝ ပျောက်ကွယ်သွားတော့သည်။</p> <p>​လူတိုင်း ထိတ်လန့်သွားကြပြီး နောက်သို့ အလုအယက် ဆုတ်ခွာကြတော့သည်။</p> <p>အထူးသဖြင့် ဝတ်ရုံနီနှင့် ဝတ်ရုံစိမ်း အဘိုးကြီးနှစ်ဦးမှာမူ အလွန်ပင် နှမြောတသ ဖြစ်နေကြသည်။</p> <p>ထိုအလောင်းချည်နှောင်ကြိုးများမှာ သူတို့၏ အသက်သွေးကြောကဲ့သို့ တန်ဖိုးထားရသည့် ရတနာများ မဟုတ်ပါလား။</p> <p>​ခရမ်းရောင်အရှိန်အဝါများမှာ ပေါက်ကွဲထွက်လာပြီး တာအိုဆရာတစ်ပိုင်းမှာ ချက်ချင်းပင် လွတ်မြောက်သွားသည်။</p> <p>သူ၏ လက်ထဲရှိ ဓားကြီးမှာလည်း ထက်မြက်လှသော အလင်းတန်းများ တောက်လောင်နေသည်။</p> <p>​ထိုအချိန်မှာပင် ဆေးဖော်စပ်အိုးပေါ်မှ အလွန်ပင် ထူထဲလှသော ဆေးရနံ့များ ထွက်ပေါ်လာသည်။</p> <p>ထိုရနံ့ကို ရှူရှိုက်လိုက်ရုံဖြင့် ပင်ပန်းနွမ်းနယ်မှုများ ကွယ်ပျောက်သွားပြီး ခန္ဓာကိုယ်အတွင်းရှိ သွေးများမှာလည်း ဆူပွက်လာကာ လူမှာ ခြင်္သေ့တစ်ကောင်၊ ကျားတစ်ကောင်ကဲ့သို့ ခွန်အားများ ပြည့်ဝလာတော့သည်။</p> <p>​"နတ်ဆေးလုံး ထွက်တော့မယ်"</p> <p>လူတိုင်း၏ စိတ်ထဲတွင် ထိုအတွေးသာ ရှိတော့သည်။</p> <p>​မကြာမီမှာပင် ဆေးဖော်စပ်အိုးဆီမှ တောက်ပလှသော ရွှေရောင်အလင်းတန်းများ ပေါက်ကွဲထွက်လာပြီး ကောင်းကင်နှင့်မြေကြီးကို ဖုံးလွှမ်းသွားသည်။</p> <p>ဆေးအိုးပေါ်တွင် ငါးရောင်ခြယ် မင်္ဂလာတိမ်တိုက်များ လွင့်မျောလာတော့သည်။</p> <p>​ထိုကဲ့သို့သော ထူးခြားသည့် ဖြစ်စဉ်ကြောင့် ကောင်းကင်ယံတွင် တိုက်ခိုက်နေသည့် သူတော်စင်ဝိညာဉ်ကိုယ်ပွားနှင့် လျှို့ဝှက်ခေါင်းတလားတို့ပင် တိုက်ပွဲကို ခဏရပ်လိုက်ကြသည်။</p> <p>​ငြိမ်သက်သွားသည်။</p> <p>တစ်နယ်မြေလုံး သေမင်းတမျှ ငြိမ်သက်သွားသည်</p> <p>လူတိုင်း အသက်ရှူပင် မဝဲရဲကြတော့ဘဲ မျက်ဝန်းများမှာ လောဘရိပ်များဖြင့် တောက်ပနေကြသည်။</p> <p>​ဝုန်း</p> <p>ကျယ်လောင်လှသော ပေါက်ကွဲသံကြီး ထွက်ပေါ်လာပြီး ကြက်ဥခန့်ရှိသော ရွှေရောင်ဆေးလုံးလေး တစ်လုံးသည် ဆေးဖော်စပ်အိုးထဲမှ ဖြည်းဖြည်းချင်း လွင့်တက်လာသည်။</p> <p>​တောက်ပလှသော အလင်းတန်းများနှင့်အတူ ပြင်းထန်လှသော သွေးအရှိန်အဝါများကြောင့် လူတိုင်း၏ စိတ်ဓာတ်မှာ တက်ကြွလာတော့သည်။</p> <p>မည်သည့် အချက်ပေးမှုမျှ မရှိဘဲ လူတိုင်းမှာ ရူးသွပ်သွားကြပြီး ထိုဆေးလုံးကို လုယူရန် တိုက်ခိုက်ကြတော့သည်။</p> <p>​အလင်းတန်းပေါင်းများစွာမှာ ဆေးလုံးဆီသို့ ပြေးဝင်သွားကြရာ မျက်စိပင် လည်မတတ် ဖြစ်ရသည်။</p> <p>ဝိညာဉ်ကိုယ်ပွားများ၏ အရှိန်မှာ အလွန်ပင် မြန်ဆန်လှသဖြင့် သာမန်လူများမှာ တုံ့ပြန်ရန်ပင် အချိန်မရပါ။</p> <p>​ဝုန်း</p> <p>နတ်ဘုရားစွမ်းအားများ တစ်ဦးနှင့်တစ်ဦး တိုက်ခိုက်မိကြပြီး တိုက်ပွဲမှာ ဗရုတ်ဗရက် ဖြစ်သွားတော့သည်။</p> <p>ယခုအချိန်တွင် မည်သူမျှ မိမိ၏ အစွမ်းကို ဖုံးကွယ်မထားကြတော့ဘဲ နည်းလမ်းမျိုးစုံဖြင့် သွေးဓာတ်ဆေးလုံးကို လုယူရန် ကြိုးစားနေကြသည်။</p> <p>​ပြင်းထန်သော ခရမ်းရောင်အရှိန်အဝါများကို ထုတ်လွှတ်နေသည့် တာအိုဆရာတစ်ပိုင်းပင်လျှင် လူအများ၏ ဝိုင်းဝန်းမှုကို မတားဆီးနိုင်တော့ပါ။</p> <p>ထိုသွေးဓာတ်ဆေးလုံးမှာ အသိစိတ်ရှိသကဲ့သို့ပင် ဆေးဖော်စပ်အိုးထဲသို့ ဖြည်းဖြည်းချင်း ပြန်လည်ဝင်ရောက်သွားသည်။</p> <p>​သို့သော်လည်း ဝိညာဉ်ကိုယ်ပွား ပညာရှင်များအတွက်မူ ထိုအချက်မှာ အရေးမကြီးချေ မည်သို့ပင်ဖြစ်စေ ထိုနတ်ဘုရားနယ်မြေအတွင်းရှိ သွေးဓာတ်ဆေးလုံးကို ရရှိအောင် လုယူရမည်သာ ဖြစ်သည်။</p> <p>ဆေးဖော်စပ်အိုးကိုပါ တစ်ခါတည်း ရယူရမည်။</p> <p>​ဝုန်း</p> <p>ဝိညာဉ်ကိုယ်ပွားများ၏ တိုက်ပွဲမှာ ပိုမိုပြင်းထန်လာသည်။</p> <p> စောစောက ဘေးမှနေ၍ အခြေအနေကို စောင့်ကြည့်နေကြသော ကျင့်ကြံသူများသည်လည်း ယခုအခါ အလင်းတန်းများအသွင်ပြောင်းကာ တိုက်ပွဲထဲသို့ ဝင်ရောက်လာကြတော့သည်။</p> <p>​ထူးဆန်းလှသော ငှက်ဆိုးကြီး တစ်ကောင်၏ ဝိညာဉ်ကိုယ်ပွားမှာ အရှိန်အမြန်ဆုံး ဖြစ်နေသည်။</p> <p>သူမသည် တာအိုဆရာ၏ ဓားချက်ကို ရှောင်တိမ်းကာ အခြားသူများထက် အရင်ဦးဆုံး ဆေးဖော်စပ်အိုး၏ ဘေးသို့ ရောက်ရှိသွားသည်။</p> <p>​ထိုငှက်ဆိုးကြီးမှာ အမျိုးသမီးတစ်ဦး၏ ခန္ဓာကိုယ်ရှိပြီး ဆွဲဆောင်မှုရှိကာ ထွားကြိုင်လှသည်။</p> <p>တစ်ချိန်တည်းမှာပင် နတ်ဘုရားအရှိန်အဝါ တစ်ခုလည်း ပါဝင်နေသည်။</p> <p>​၎င်းမှာ ရှေးဟောင်းကျမ်းဂန်များတွင် ဖော်ပြထားသည့် ငှက်ဆိုးကြီး... ဂိုဟော့ငှက်ပင် ဖြစ်တော့သည်။</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save