Book List

<h2 style="text-align: center;">အခန်း (၃၈)</h2> <h2 style="text-align: center;">ထူးဆန်းဖွယ်ရာ</h2> <h2 style="text-align: center;">*</h2> <p> </p> <p>ချင်ယွမ်ဖုန်း၏ မျက်လုံးအစုံမှာ ရုတ်ချည်းပင် ဝိုင်းစက်သွားရတော့သည်။ "ဒီလိုကိုး... နတ်သက်ကြွေဆေးလုံးကိုသာ ဆောင်ထားနိုင်ရင် အပိုအသက်တစ်ချောင်း ရထားသလိုပဲပေါ့။ ကြည့်ရတာ မုန့်ချီလော့ရဲ့ ဆရာက တကယ်ပဲ ဒဏ်ရာအပြင်းအထန် ရထားပုံရတယ်"</p> <p> </p> <p>ဤအချက်ကို သိရှိပြီးနောက် ချင်ယွမ်ဖုန်းမှာ ထိုနေရာ၌ ဆက်လက်မဆိုင်းတွတော့ဘဲ ဆေးနတ်ဘုရားဂိုဏ်းဆီသို့ အပြေးအလွှား ပြန်လာခဲ့လေသည်။</p> <p> </p> <p>ဒဏ်ရာများ ရရှိထားသော်လည်း မုန့်ချီလော့၏ ကုသမှုကြောင့် လှုပ်ရှားသွားလာရာ၌ အဟန့်အတား မရှိတော့ပေ။ တစ်နာရီမျှ ကြာပြီးနောက် ချင်ယွမ်ဖုန်းသည် ကွမ်နေးတောင်တန်းကို ဖြတ်ကျော်ကာ ဆေးနတ်ဘုရားဂိုဏ်းသို့ ပြန်လည်ရောက်ရှိလာခဲ့၏။</p> <p> </p> <p>ဆေးနတ်ဘုရားဂိုဏ်း၏ တံခါးဝသို့ ရောက်ရှိသောအခါ တစ်ခုခု ထူးခြားနေသည်ကို ချင်ယွမ်ဖုန်း ခံစားလိုက်ရသည်။ ထိုစဉ် ဂိုဏ်းသားများမှာ သူ့အား ယခင်နှင့်မတူသော အကြည့်မျိုးဖြင့် ကြည့်နေကြသည်ကို တွေ့ရ၏။</p> <p> </p> <p> ချင်ယွမ်ဖုန်း အလွန်အံ့အားသင့်သွားသော်လည်း ဂိုဏ်းအတွင်းသို့သာ ဆက်လက်ဝင်ရောက်လာခဲ့သည်။</p> <p>လမ်းတစ်လျှောက်တွင် တပည့်များမှာ တိုးတိုးတိုးတိုးဖြင့် အချင်းချင်း စကားပြောနေကြသော်လည်း မည်သည့်အရာကို ပြောဆိုနေကြသည်ကိုမူ အတိအကျ မကြားရပေ။</p> <p> </p> <p> "... စပေါ်ငွေနှင့် ပတ်သက်၍ စိုးရိမ်ပူပန်မှုမှာ ၅၄ မှတ် တိုးလာပါသည်"</p> <p> "... ဝူလီရှီး၏ သူတစ်ပါးပျက်စီးရာ၌ ပျော်မွေ့မှု အမူအရာ +၆၆"</p> <p> </p> <p>...</p> <p>လမ်းခရီးတစ်လျှောက်၌ အကြောင်းရင်းမရှိဘဲ ယုံကြည်မှုတန်ဖိုးများ များစွာရရှိလာသဖြင့် ချင်ယွမ်ဖုန်းမှာ များစွာဇဝေဇဝါ ဖြစ်ရလေသည်။</p> <p> "ဘာတွေဖြစ်နေတာလဲ... ဂိုဏ်းထဲမှာ တစ်ခုခု ဖြစ်လို့လား" ဟု တွေးတောရင်း မျက်မှောင်ကြုတ်လိုက်မိ၏။</p> <p> </p> <p>သို့သော်လည်း သူသည် တာဝန်ခန်းမဆီသို့သာ လာခဲ့သည်။ ဂိုဏ်းတွင်းအမှတ်များ ရရှိရန်အတွက် ဂိုဏ်း၏ တာဝန်များကို ပြီးမြောက်အောင် ဆောင်ရွက်ရမည် ဖြစ်သည်။</p> <p> </p> <p> သူ မှတ်မိသလောက်ဆိုလျှင် သွေးဆာနေသော ကင်းမြီးကောက်များကို ဖမ်းဆီးရသည့် တာဝန်မှာ အမှတ် ၃၀၀ အပြည့် ရရှိနိုင်ပေသည်။</p> <p> </p> <p>ချင်ယွမ်ဖုန်းသည် အရောင်းစင်မြင့်သို့ သွားရောက်ကာ မိမိလက်ခံရရှိထားသော တာဝန်ကြေညာချက်နှင့် သွေးဆာနေသော ကင်းမြီးကောက်ဘုရင်၏ အဆိပ်ချိတ်ကို တင်လိုက်လေသည်။</p> <p> </p> <p>"စီနီယာအစ်မ... ကျွန်တော် ဒီတာဝန်ကို အောင်မြင်စွာ ထမ်းဆောင်ခဲ့ပါပြီ။ ကျေးဇူးပြုပြီး စစ်ဆေးပေးပါဦး" ဟု ချင်ယွမ်ဖုန်းက ပြောကြားလိုက်သည်။</p> <p> </p> <p> "တင်း... ကျန်းမေ၏ ထိတ်လန့်တုန်လှုပ်မှု +၁၀၀"</p> <p>"တင်း... ဖုန်းချန်း၏ ထိတ်လန့်တုန်လှုပ်မှု +၁၀၀"</p> <p>"တင်း... ချန်မင်၏ ထိတ်လန့်တုန်လှုပ်မှု +၁၀၀"</p> <p>...</p> <p>ခဏချင်းအတွင်းမှာပင် ချင်ယွမ်ဖုန်း၏ အကောင့်ထဲသို့ ယုံကြည်မှုတန်ဖိုး ၃၀၀၀ ကျော် ဝင်ရောက်လာခဲ့သည်။</p> <p> </p> <p> သူသည် တာဝန်ခန်းမအတွင်းကို ကြည့်လိုက်သောအခါ လူပေါင်း ၃၀ ခန့်သာ ရှိသည်ကို တွေ့ရသဖြင့် ဤယုံကြည်မှုတန်ဖိုးများမှာ ဤနေရာရှိ လူများထံမှ ရရှိခြင်းဖြစ်ကြောင်း သိလိုက်ရ၏။</p> <p> </p> <p>ချင်ယွမ်ဖုန်းမှာ ပို၍ပင် နားမလည်နိုင် ဖြစ်ရတော့သည်။ သူသည် ဂိုဏ်းသို့ ပြန်ရောက်ကာစတွင်ပင် ဂိုဏ်းပြင်ပမှ ယုံကြည်မှုတန်ဖိုး ၆၀၀၀ ကျော် ရရှိခဲ့ပြီး ယခု တာဝန်ခန်းမထဲ၌ ၃၀၀၀ ကျော် ထပ်မံရရှိပြန်သည်။</p> <p> </p> <p>အမှန်စင်စစ် ဤနေရာရှိ လူများမှာ အောက်ခြေဝေယျာဝစ္စတပည့် တစ်ဦးက ယခုကဲ့သို့ ခက်ခဲသော တာဝန်ကို ပြီးမြောက်အောင် ဆောင်ရွက်နိုင်လိမ့်မည်ဟု လုံးဝမထင်မှတ်ထားသောကြောင့် ထိတ်လန့်သွားကြခြင်း ဖြစ်သည်။</p> <p> </p> <p>အပြင်ဘက်ရှိ လူများက ယုံကြည်မှုတန်ဖိုးများ ပေးအပ်ကြခြင်းမှာမူ ချင်ယွမ်ဖုန်းက ဟဲချိုင်ကျွင်းအား ကြောက်လန့်တုန်ရီသွားအောင် ပြုလုပ်ခဲ့သောကြောင့်ပင်။</p> <p> </p> <p>"စီနီယာ... ဘာဖြစ်လို့လဲ၊ တစ်ခုခု အဆင်မပြေတာ ရှိလို့လား" ဟု ချင်ယွမ်ဖုန်းက မေးလိုက်သည်။</p> <p> </p> <p>စီနီယာအစ်မ ကျန်းမေမှာ အလျင်အမြန်ပင် ခေါင်းခါပြကာ "မဟုတ်ပါဘူး... ဂျူနီယာမောင်လေးက ဒီလောက်အန္တရာယ်များတဲ့ တာဝန်ကို ပြီးမြောက်အောင် လုပ်နိုင်လိမ့်မယ်လို့ မမျှော်လင့်ထားလို့ပါ" ဟု ပြန်လည်ဖြေကြားလေသည်။</p> <p> </p> <p>ချင်ယွမ်ဖုန်းက ပြုံးလျက် "ကျွန်တော် ကံကောင်းသွားလို့ပါ၊ အသက်တောင် ပါသွားမလို့ပဲ" ဟု ဆို၏။ ကျန်းမေသည် ချင်ယွမ်ဖုန်းမှာ အားနည်းနေသည်ကို မြင်သောအခါ သွေးဆာနေသော ကင်းမြီးကောက်နှင့် တိုက်ခိုက်စဉ်က ဒဏ်ရာရရှိခဲ့သည်ဟု မှတ်ယူလိုက်ကာ ဘာမျှထပ်မပြောတော့ပေ။</p> <p> </p> <p>“ကောင်းပါပြီ... ဒီတာဝန်က အမှတ် ၃၀၀ ရမှာပါ။ တကယ်တော့ တာဝန်ရဲ့ ခက်ခဲမှုအရဆိုရင် ဒီထက်ပိုရသင့်တာ၊ ဒါပေမဲ့ စိတ်မကောင်းစရာက ငါ့မှာ အမှတ်တိုးပေးဖို့ လုပ်ပိုင်ခွင့် မရှိတာပဲ” ဟု ကျန်းမေက ပြုံးလျက် ဆိုသည်။</p> <p> </p> <p>ချင်ယွမ်ဖုန်းက ခေါင်းခါလိုက်ပြီး "ရပါတယ် စီနီယာအစ်မ၊ သတ်မှတ်ထားတဲ့ စည်းမျဉ်းအတိုင်းသာ လုပ်ပါ" ဟု ပြောလိုက်၏။</p> <p> </p> <p>“ဒါဆိုရင် မင်းရဲ့ ဂိုဏ်းတံဆိပ်ပြားကို ပေးပါဦး” ဟု ကျန်းမေက လက်ကမ်းပေးလိုက်သည်။ ထိုအခါမှ ချင်ယွမ်ဖုန်းမှာ ဂိုဏ်းသို့ စတင်ဝင်ရောက်စဉ်က ဆေးနတ်ဘုရားဂိုဏ်းမှ တပည့်ဖြစ်ကြောင်း သက်သေအဖြစ် တံဆိပ်ပြား တစ်ခုစီ ပေးအပ်ခဲ့သည်ကို သတိရလေတော့သည်။</p> <p> </p> <p> သူသည် အတန်ကြာ ရှာဖွေပြီးနောက် သိုလှောင်အိတ်၏ ထောင့်တစ်နေရာ၌ ထိုတံဆိပ်ပြားကို ရှာတွေ့ခဲ့၏။</p> <p>ချင်ယွမ်ဖုန်း၌ အလွန်ဈေးကြီးသော သိုလှောင်အိတ်ပင် ရှိနေသည်ကို မြင်ကြသောအခါ လူတိုင်း၏ မျက်နှာအမူအရာများမှာ ထပ်မံပြောင်းလဲသွားကြပြန်သည်။</p> <p> </p> <p>စမ်းသပ်စစ်ဆေးစဉ်က အသုံးမကျဟု သတ်မှတ်ခံခဲ့ရသော ဝေယျာဝစ္စတပည့်လေးမှာ တစ်ညအတွင်းမှာပင် လုံးဝခြားနားသော လူတစ်ဦးအဖြစ် ပြောင်းလဲသွားခဲ့လေပြီ။</p> <p> </p> <p>ကျန်းမေသည် ချင်ယွမ်ဖုန်း၏ တံဆိပ်ပြားကို ကျောက်တုံးဝိုင်းတစ်ခုပေါ်သို့ တင်လိုက်ရာ ချင်ယွမ်ဖုန်း၏ တံဆိပ်ပြားပေါ်၌ '၃၀၀' ဟူသော ဂဏန်းမှာ ချက်ချင်းပေါ်လာပြီးနောက် ပြန်လည်ပျောက်ကွယ်သွားလေသည်။</p> <p> </p> <p>"ရပါပြီ ဂျူနီယာမောင်လေး၊ အမှတ် ၃၀၀ ကို တံဆိပ်ပြားထဲ ထည့်ပေးလိုက်ပါပြီ။ ဂိုဏ်းထဲမှာ ပစ္စည်းတွေ လဲလှယ်ချင်ရင် ဒီတံဆိပ်ပြားကို အသုံးပြုရုံပါပဲ" ဟု ဆိုကာ ကျန်းမေက တံဆိပ်ပြားကို ပြန်ပေးလိုက်၏။</p> <p> </p> <p>ချင်ယွမ်ဖုန်းမှာ အလွန်အံ့အားသင့်သွားရသည်။ ရှန်းဝူစကြဝဠာ တိုက်ကြီးတွင် ကတ်ပြားခြစ်သည့် စနစ်မျိုး ရှိလိမ့်မည်ဟု သူ မထင်မှတ်ထားခဲ့ပေ။ သို့သော် ဤတံဆိပ်ပြားကို ဂိုဏ်းအတွင်း၌သာ အသုံးပြုနိုင်ပေသည်။</p> <p> </p> <p>"ကျေးဇူးအများကြီးတင်ပါတယ် စီနီယာအစ်မ" ဟု ချင်ယွမ်ဖုန်းက လက်အုပ်ချီကာ နှုတ်ဆက်လိုက်၏။</p> <p>ခဏမျှ စကားပြောပြီးနောက် ကျန်းမေသည် ချင်ယွမ်ဖုန်းအား မကောင်းသောသူ မဟုတ်ဘဲ အလွန်စိတ်ထားကောင်းသူ တစ်ဦးအဖြစ် ခံစားလိုက်ရသည်။</p> <p> </p> <p> ထို့ကြောင့် သူမက သိလိုစိတ်ဖြင့် "ဂျူနီယာမောင်လေး... မင်းက တကယ်ပဲ ဟဲချိုင်ကျွင်းကို အဲဒီလောက်အထိ ကြောက်သွားအောင် လုပ်ခဲ့တာလား" ဟု မေးမြန်းလိုက်လေသည်။</p> <p> </p> <p>ချင်ယွမ်ဖုန်းမှာ အံ့ဩသွားသော်လည်း ကျန်းမေ၏ စပ်စုလိုသော အမူအရာကို မြင်ရသောအခါ ရယ်ချင်စိတ်ကို မနည်းအောင့်ထားရသည်။</p> <p> </p> <p>"ဟုတ်ကဲ့ စီနီယာအစ်မ၊ ကျွန်တော် လုပ်ခဲ့တာပါ။ ဒါပေမဲ့ ဒါက သူကိုယ်တိုင် ကျူးလွန်ခဲ့တာကြောင့် ဖြစ်လာရတာပါ။ ကျွန်တော်က တခြားသူတွေ အရင်မနှောင့်ယှက်ရင် ဘယ်သူ့ကိုမှ ရန်မစတတ်ပါဘူး၊ ဒါပေမဲ့ တစ်ယောက်ယောက်က ကျွန်တော့်ကို လာနှိပ်စက်ရင်တော့ အသာတကြည် ငြိမ်ခံနေမှာ မဟုတ်ဘူး" ဟု ပြတ်သားသော အမူအရာဖြင့် ပြောလိုက်လေသည်။</p> <p> </p> <p>ကျန်းမေက ခေါင်းညိတ်ပြကာ "ကောင်းပါပြီ ဂျူနီယာမောင်လေး၊ ကံကောင်းပါစေ" ဟု ဆုတောင်းပေးလိုက်၏။</p> <p> </p> <p>ချင်ယွမ်ဖုန်းမှာ ခေါင်းညိတ်ပြပြီး တာဝန်ခန်းမထဲမှ ထွက်လာခဲ့သော်လည်း စဉ်းစားလေလေ တစ်ခုခု လွဲချော်နေသည်ဟု ခံစားရလေလေ ဖြစ်နေသည်။ ဤ 'ကံကောင်းပါစေ' ဟူသော စကားမှာ မည်သည့်အရာကို ရည်ညွှန်းသနည်း။</p> <p> </p> <p>သို့သော်လည်း ချင်ယွမ်ဖုန်းသည် ဟဲချိုင်ကျွင်းအပေါ် ဝိညာဉ်ရှာဖွေခြင်းပညာရပ်ကို အသုံးပြုစဉ်က ရရှိခဲ့သော မှတ်ဉာဏ်အချို့ကို သတိရသွားသည်။</p> <p> </p> <p>သူသည် ဤကိစ္စကို မေ့လျော့နေခဲ့ခြင်း ဖြစ်သည်။ ယခုအချိန်၌ ထိုမှတ်ဉာဏ်ကို ပြန်လည်ဖော်ထုတ်နိုင်ခြင်းက ချင်ယွမ်ဖုန်းကို များစွာစိတ်လှုပ်ရှားစေ၏။</p> <p> </p> <p>ထိုမှတ်ဉာဏ်မှာ ဟဲချိုင်ကျွင်းက အသစ်ဝင်တပည့်များထံမှ လုယက်ထားသော ဖေယွမ်ဆေးလုံးများကို သိမ်းဆည်းထားသည့် နေရာပင် ဖြစ်သည်။</p> <p> </p> <p> ထိုမှတ်ဉာဏ်များအရဆိုလျှင် ၎င်းတို့အထဲ၌ ချီစုစည်းခြင်းဆေးလုံးပင် ပါဝင်နေသေးသည်။</p> <p>ထိုစဉ် လူတစ်ဦးမှာ ချင်ယွမ်ဖုန်း၏ ရှေ့သို့ အပြေးအလွှား ရောက်ရှိလာခဲ့သည်။ ထိုသူမှာ အိုင်ဖေးပင် ဖြစ်၏။</p> <p> </p> <p>"စီနီယာအစ်ကို... ဘာလို့ ပြန်လာတာလဲ" ဟု အိုင်ဖေးက စိုးရိမ်တကြီး မေးလိုက်သည်။</p> <p>"ဘာဖြစ်လို့လဲ" ချင်ယွမ်ဖုန်းက မျက်မှောင်ကြုတ်ကာ ပြန်မေး၏။</p> <p> </p> <p>"အို... မပြောပါနဲ့တော့။ ဟဲချိုင်ကျွင်းက အစ်ကို့ကြောင့် စိတ်လွတ်ကိုယ်လွတ် ကြောက်လန့်နေတာကို ချောင်ချန်းအန်းက အကြီးအကဲတွေဆီမှာ တိုင်တောထားတယ်လေ။ တပည့်အချင်းချင်း သတ်ဖြတ်ခြင်း မပြုရဘူးဆိုတာ ဂိုဏ်းရဲ့ စည်းမျဉ်းတစ်ခု မဟုတ်လား။ အကြီးအကဲတွေက အစ်ကို့ကို ဒုက္ခပေးကြတော့မှာ" ဟု အိုင်ဖေးက ပျာပျာသလဲ ပြောလေသည်။</p> <p> </p> <p>ပြောပြီးသည်နှင့် အိုင်ဖေးသည် ချင်ယွမ်ဖုန်းကို ဆွဲကာ ဆေးနတ်ဘုရားဂိုဏ်း အပြင်ဘက်သို့ ခေါ်ဆောင်သွားရန် ကြိုးစားတော့သည်။</p> <p> </p> <p>"ဟမ့်... ကိုယ်ကျင့်တရား ကောင်းမွန်တဲ့သူဟာ ဘယ်စွပ်စွဲချက်ကိုမှ ကြောက်စရာမလိုဘူး။ ဟဲချိုင်ကျွင်းက ​ငါ့ကို အရင်နှိပ်စက်ခဲ့တာ၊ ဒါကြောင့် ငါက ပြန်လည်တိုက်ခိုက်ခဲ့တာပဲ" ဟု ဆိုကာ ချင်ယွမ်ဖုန်းက အိုင်ဖေး၏ လက်ကို ခါထုတ်လိုက်ပြီး တရားမျှတစွာ ပြောဆိုလိုက်၏။</p> <p> </p> <p>"အို... စီနီယာအစ်ကိုကလည်း၊ အစ်ကို နားမလည်သေးဘူးပဲ။ အကြီးအကဲချောင်က ချောင်ချန်းအန်းနဲ့ အမျိုးတော်တာလေ၊ ပြီးတော့ ချောင်ချန်းအန်းရဲ့ အစ်ကိုဖြစ်သူ ချောင်ချန်းဟုကလည်း ဒီဂိုဏ်းရဲ့ အမာခံတပည့်တစ်ဦး ဖြစ်နေပြီ။ အစ်ကို သူတို့ကို အနိုင်မတိုက်နိုင်ပါဘူး" ဟု ဆိုကာ အိုင်ဖေးက ချင်ယွမ်ဖုန်းအား ဆေးနတ်ဘုရားဂိုဏ်းမှ ထွက်ခွာပြီး ဒုက္ခနှင့် ဝေးရာသို့ ရှောင်တိမ်းစေလိုနေသည်</p> <p> </p> <p>"စိတ်မပူပါနဲ့၊ သူတို့က အဖြူကို အမည်း လုပ်နိုင်မယ်လို့ ငါ မယုံဘူး။ ဆေးနတ်ဘုရားဂိုဏ်းက သူတို့ပိုင်တာ မဟုတ်ပါဘူး။ ဒါ့အပြင် တရားမျှတမှုက အနိုင်ရမှာပါ။ ငါအပေါ် မတရား လုပ်နိုင်မယ်လို့ မယုံကြည်ဘူး" ဟု ချင်ယွမ်ဖုန်းက ခေါင်းမာစွာ ဆိုလိုက်လေသည်။</p> <p> </p> <p>"အို... စီနီယာအစ်ကိုရာ၊ ပညာရှိဆိုတာ ရှုံးမယ့်တိုက်ပွဲကို မတိုက်ဘူးလေ။ အခု အစ်ကို ထွက်သွားရင်တောင် အစ်ကို သွားစရာ နေရာတစ်ခု ကျွန်တော် ရှာပေးနိုင်ပါတယ်။ အစ်ကို ပိုပြီးသန်မာလာတဲ့ အခါမှ ပြန်လာပြီး အစ်ကို့ရဲ့ ဂုဏ်သိက္ခာကို ပြန်လည် ဆယ်ယူပါလား" ဟု အိုင်ဖေးက ချင်ယွမ်ဖုန်း ဒုက္ခရောက်မည်ကို စိုးရိမ်ကာ အားတက်သရော ဖျောင်းဖျပြောဆိုနေတော့သည်။</p> <p>***</p> <p> </p>


Save