Book List

<h2 style="text-align: center;">အခန်း ၁၅၅၅</h2> <h2 style="text-align: center;">( ယင်ဝိညာဥ်များကို သန့်စင်ပြီး နတ်ဘုရားအဆီအနှစ် ဖြည့်တင်းခြင်း )</h2> <h2 style="text-align: center;">***</h2> <p> </p> <p> </p> <p>"ဘော့စ်... ဒီထဲမှာ တကယ် အေးတယ်... ကျွန်တော်တို့ မခံနိုင်တော့ဘူး..."</p> <p>အေးစက်သော ဂူထဲသို့ ဝင်ရောက်ပြီးနောက် ချက်စတာ အဝေးသို့ မရောက်သေးခင်မှာပင် မနေနိုင်ဘဲ အော်ဟစ်လိုက်သည်။ ထိုအခိုက်အတန့်တွင် ဗန်ပိုင်းယား မဟာမြို့စား အထွတ်အထိပ် တစ်ဦး အနေဖြင့်ပင် အေးစက်လွန်းသောကြောင့် တစ်ကိုယ်လုံး တုန်ရီနေလေသည်။</p> <p>အက်ဝပ်ဒ်သည်လည်း သိပ်မထူးခြားပေ။ သူသည်လည်း အေးခဲ တောင့်တင်းနေပြီး သူ့ တောင်ပံများကို ခေါက်ထားသည်မှာ အတန်ကြာပြီ ဖြစ်၏။</p> <p>ဗန်ပိုင်းယားများက အပူထက် အအေးကို ပိုမို ခံနိုင်ရည် ရှိသည်ဟု လူသိများသောကြောင့် ဗန်ပိုင်းယား မြို့စား နှစ်ဦး အေးခဲတောင့်တင်းနေခြင်းက ဤဂူအတွင်းရှိ အပူချိန် မည်မျှ နိမ့်ကျသည်ကို ပြသနေပေသည်။</p> <p>ဟုတ်ပေသည်။ အခြား အကြောင်းရင်း တစ်ခု ရှိသေး၏။ ထိုဗန်ပိုင်းယား နှစ်ဦးက အမှန်တကယ် ပြန်လည် ရှင်သန်လာပြီ ဖြစ်ပြီး နှလုံးလည်း ခုန်နေပြီ ဖြစ်ကာ လူ့ခန္ဓာကိုယ် အပူချိန် ရှိနေပြီ ဖြစ်သည်။ ထို့ကြောင့် သူတို့က နိမ့်ကျသော အပူချိန်များနှင့် ပြင်းထန်သော အအေးဒဏ်ကို ကြောက်ရွံ့ခြင်းပင်။</p> <p>ယခု လင်းရန်၏ ဗန်ပိုင်းယား အစေခံ ငါးဦးတို့ အတော်လေး အဆင်မပြေသော အနေအထားတွင် ရှိနေသည်။ သူတို့က ဗန်ပိုင်းယားများလည်း မဟုတ်၊ လူသားများလည်း မဟုတ်ဘဲ အလွန် ထူးခြားသော သတ္တဝါ မျိုးစိတ် တစ်ခု ဖြစ်နေပေသည်။</p> <p>သူတို့ကို ဗန်ပိုင်းယားများဟု ခေါ်နိုင်သော်လည်း ပုံစံမပြောင်းဘဲ သာမန် နိုင်ငံခြားသားများကဲ့သို့ ဖြစ်ပြီး နေရောင်ခြည်တွင် နေထိုင်နိုင်နေပြီ ဖြစ်၏။</p> <p>သူတို့ကို လူသားများဟု သတ်မှတ်နိုင်သော်လည်း ဗန်ပိုင်းယား မျိုးနွယ်၏ စွမ်းရည် အားလုံးလည်း ရှိနေဆဲပင်။ အမှောင်မှော်ပညာကို အသုံးပြုနိုင်စွမ်း၊ ကြီးမားသော ခွန်အား၊ လျှပ်စီးကဲ့သို့သော အမြန်နှုန်းနှင့် လင်းနို့များအဖြစ် ပြောင်းလဲနိုင်စွမ်းတို့ အပါအဝင် ဖြစ်၏။</p> <p>ထိုသည်မှာ လုံးဝ လျင်မြန်သော ဆင့်ကဲပြောင်းလဲမှု တစ်ခု ဖြစ်ပြီး ဗန်ပိုင်းယားများ ထောင်ပေါင်းများစွာ သို့မဟုတ် သောင်းပေါင်းများစွာသော နှစ်များတစ်လျှောက် အိပ်မက်မက်ခဲ့သော တည်ရှိမှု အခြေအနေ တစ်ခု ဖြစ်ပြီး လင်းရန်က ဖန်တီးခဲ့ခြင်း ဖြစ်သည်ဟု ဆိုနိုင်သည်။ ယင်းက မိုးကောင်းကင်ကို အစွန်းရောက်အထိ လုံးဝ ဆန့်ကျင်နေပေသည်။</p> <p>"ဟားဟား..."</p> <p>အက်ဝပ်ဒ်နှင့် ချက်စတာတို့ အအေးဒဏ်ကြောင့် တုန်ရီနေသည်ကို မြင်သောအခါ လင်းရန် သူတို့ မခံနိုင်တော့ကြောင်း သိပြီး မရယ်ဘဲ မနေနိုင် ဖြစ်သွားသည်။ ထို့နောက် သူ ညွှန်ကြားလိုက်၏။ "မင်းတို့နှစ်ယောက် ရှေ့ဆက်သွားစရာ မလိုတော့ဘူး... ပြန်သွားပြီး ဂူပေါက်ဝကို စောင့်ရှောက်နေ... အဲဒီမှာပဲ ငါတို့ကို စောင့်နေ..."</p> <p>အကြမ်းဖျင်း ခန့်မှန်းရလျှင် ထိုနေရာရှိ အပူချိန်က အနှုတ် ငါးဆယ် ဒီဂရီ စင်တီဂရိတ်သို့ ရောက်ရှိနေပြီ ဖြစ်သည်။ အကယ်၍ အတွင်းသို့ ပိုမို ဝင်ရောက်ပြီး ယင်အစီအရင်မျက်လုံးသို့ ရောက်ရှိပါက အပူချိန် မည်မျှ နိမ့်ကျသွားမည်ကို မသိနိုင်ပေ။ လင်းရန် ထိုနှစ်ကောင်ကို အေးခဲမသွားစေချင်သောကြောင့် ဂူပေါက်ဝတွင် စောင့်ဆိုင်းရန် ပြောလိုက်သည်။</p> <p>ထိုစကားကြောင့် အက်ဝပ်ဒ်နှင့် ချက်စတာတို့ လွတ်ငြိမ်းချမ်းသာခွင့် ရရှိသကဲ့သို့ ခံစားလိုက်ရသည်။ သူတို့ တုံ့ပြန်လိုက်ပြီး လျှပ်စီးကဲ့သို့ ဂူပေါက်ဝသို့ ပြန်လည် ပြေးသွားကြကာ ထိုနေရာတွင် လိမ္မာစွာ စောင့်ရှောက်နေလိုက်ကြ၏။</p> <p>"ရှင်းချန်... မင်း ခံနိုင်သေးလား..."</p> <p>လင်းရန်လက်ရှိတွင် ထိုနေရာရှိ ကြွယ်ဝပြီး သန့်စင်ယန်စွမ်းအင်ကို စုပ်ယူနေသောကြောင့် သူ ဂရုမစိုက်ဘဲ ထိုအစား ရီရှင်းချန်ကို ထိုအကြောင်း မေးလိုက်သည်။</p> <p>"ခံနိုင်တာပေါ့... နည်းနည်း အေးရုံပဲ..."</p> <p>ရီရှင်းချန် တည်ငြိမ်နေဆဲ ဖြစ်သည်။ မဟာကြယ်တာရာကျင့်စဥ်၏ ဒုတိယ အဆင့်ကြောင့် ရေနှင့် မီးဒဏ် မခံရပေ။ သူတို့နှစ်ဦးစလုံး တတိယ အဆင့်သို့ ရောက်ရှိနေသည်ကို ထည့်ပြောနေဖို့ပင် မလိုတော့ချေ။ အအေးဒဏ်က ခံစားချက် တစ်ခုသာ ဖြစ်သော်လည်း ယင်းသည် ရီရှင်းချန်ကို မထိခိုက်နိုင်ပေ။</p> <p>"ကောင်းပြီ... ကိုယ်တို့ ယင်အစီအရင်မျက်လုံးကို အရင် အမြန် သွားကြစို့..."</p> <p>လင်းရန်လည်း ရီရှင်းချန် သေချာပေါက် ခံနိုင်ရည် ရှိမည်ကို သိသည်။ သူ ယခု ယင်အစီအရင်မျက်လုံးသို့ ရောက်ရှိရန် စိတ်အားထက်သန်နေပြီး ထိုရေခဲကန်ထဲတွင် ယင်စွမ်းအင် မည်မျှ ထူထပ်သည်ကို ကြည့်လိုနေပေသည်။</p> <p>ထိုနေရာက ယင်အစီအရင်မျက်လုံးနှင့် အဝေးတွင် ရှိနေသေးပြီး ယင်စွမ်းအင်၏ ထူထပ်မှုမှာ မူလက ရေခဲကန်ထက် ကျော်လွန်နေပြီ ဖြစ်၏။ ထို့ကြောင့် လင်းရန် ထိုရေကန်အပေါ် မျှော်လင့်ချက် ကြီးကြီးမားမား ထားထားပေသည်။</p> <p>အဘယ်ကြောင့်ဆိုသော် ထိုမျှ ထူထပ်သော ယင်စွမ်းအင် စုစည်းမှုက ယင်ဝိညာဥ်များကို သေချာပေါက် ဆွဲဆောင်နိုင်မည် ဖြစ်သည်။ သို့မဟုတ်လျှင်ပင် အချိန်ကြာလာသည်နှင့်အမျှ ယင်ဝိညာဥ်များ ထိုနေရာတွင် မွေးဖွားလာနိုင်သောကြောင့်ပင်။</p> <p>လင်းရန် နောက်ဆုံးအကြိမ် ကောင်းကင်အက်ကြောင်းသို့ လာစဉ်က ဤနေရာတွင် ယင်ဝိညာဥ်များ ဘာကြောင့် မရှိခဲ့မှန်း ယခု သိသွားပြီ ဖြစ်သည်။ အကြောင်းရင်း တစ်ခုမှာ ယင်ယန် နဂါးချိတ်ပိတ် အစီအရင်သည် အသက်ဝင်နေဆဲ ဖြစ်သောကြောင့်ပင်။ ယင်စွမ်းအင်က အစီအရင်မျက်လုံးမှ ထွက်ပေါ်လာပြီးနောက် အစီအရင်၏ လုပ်ဆောင်မှုကို ထိန်းသိမ်းထားပေသည်။</p> <p>အခြား အကြောင်းရင်း တစ်ခုမှာ လွန်ခဲ့သော နှစ်တစ်ထောင်က ဤနေရာတွင် မွေးဖွားခဲ့သော ယင်ဝိညာဥ်များ အားလုံးကို ယင်ကျိုယိုက ရွယ်ယင် ဆေးလုံး နှင့် သွေးမိစ္ဆာဆေးလုံးတို့ကို သန့်စင်ရန် ဖမ်းဆီးသွားခဲ့သောကြောင့်ပင်။</p> <p>ရွယ်ယင်ဆေးလုံး ဆိုသည်မှာ ထိပ်တန်း ယင်စွမ်းအင် ဆေးလုံးတစ်ခုပင်။ ယင်ဝိညာဥ်များဖြင့် သန့်စင်ထားသော ရွယ်ယင် ဆေးလုံးများသာ ထိပ်တန်း ဝိညာဥ်ဆေးလုံးများ သို့မဟုတ် ထိပ်တန်း ရတနာဆေးလုံးများ ဖြစ်လာနိုင်သည်။</p> <p>သွေးမိစ္ဆာဆေးလုံးအတွက်မူ သန့်စင်ရန် မခက်ခဲပေ။ ယင်းက အသန့်စင်ဆုံး ယင်မိစ္ဆာချီနှင့် ရွှေအမြုတေအဆင့် သို့မဟုတ် ထိုထက် မြင့်မားသော အရှင်သခင် တစ်ဦး၏ သွေးကိုသာ လိုအပ်ပြီး ယင်းကို လွယ်ကူစွာ သန့်စင်နိုင်ပေသည်။</p> <p>ရွှေနဂါးဆေးလုံးအတွက်မူ ယင်းမှာ ယင်ယန်နဂါးချိတ်ပိတ်အစီအရင်ဖြင့် သော့ခတ်ထားသော နဂါးနှင့် ဆက်စပ်နေရမည်ကို လင်းရန် သံသယဖြစ်ဖွယ်မရှိဘဲ သိပေသည်။</p> <p>လင်းရန်က မှော်ဆေးသခင်တစ်ဦး ဖြစ်သည်။ ယင်ကျိုယို ဆေးလုံး သုံးလုံးကို ပေးခဲ့သော နာမည်များကို ကြားသည်နှင့် တပြိုင်နက် သူ ယင်းတို့၏ ဇာစ်မြစ်ကို ကောက်ချက်ချနိုင်၏။</p> <p>ယင်အစီအရင်၏ မျက်လုံးက ဒေါင်လိုက် အပေါ်သို့ ညွှန်ပြနေပြီး လင်းရန်နှင့် ရီရှင်းချန်တို့လည်း အရှိန်မြှင့်လိုက်ကြသည်။  သူတို့ နှစ်ဦးသား ယင်စွမ်းအင် အထူထပ်ဆုံး နေရာဆီသို့ တန်းတန်းမတ်မတ် ဦးတည်သွားလိုက်ကြ၏။</p> <p>မကြာမီ ထိုနှစ်ယောက် ဂူထဲမှ ပြေးထွက်သွားပြီး ရေခဲကန်သို့ ရောက်ရှိသွားကြသည်။ ရုတ်တရက် သူတို့ရှေ့မှ မြင်ကွင်းမှာ ပြောင်းလဲသွားသလိုပင်။ လင်းရန်တို့ ကြီးမားပြီး အိုးအဖုံးပုံအသွင်ရှိ ဂူထဲသို့ တစ်ဖန် ရောက်ရှိသွား၏။</p> <p>"ရှီး..."</p> <p>‘အရမ်း အေးတာပဲ...’</p> <p>ထိုအထဲသို့ ရောက်သွားသည်တွင် လင်းရန်၏ ခန္ဓာကိုယ်ပင်လျှင် မခံနိုင်တော့ပေ။ သူ ရုတ်တရက် တုန်ရီသွားပြီး မြေပေါ်သို့ ပြုတ်ကျလုနီးပါး ဖြစ်သွား၏။</p> <p>"အာ... အရမ်း အေးတာပဲ... ကျွန်မ မခံနိုင်တော့ဘူး..."</p> <p>လင်းရန်ရှေ့တွင် သတ္တိရှိဟန်ဆောင်ရန် မလိုအပ်သောကြောင့် ရီရှင်းချန် အထဲရောက်သည်နှင့် တပြိုင်နက် အံ့ဩတကြီး ရေရွတ်လိုက်သည်။</p> <p>"ရှင်းချန်... စင်္ကြံအတိုင်း မြောက်ဘက်ကို ပျံသွား... ခဏလောက် ပျံသွားပြီးရင် ပူနွေးလာလိမ့်မယ်... အဲဒါ ယန်အစီအရင်မျက်လုံးပဲ..."</p> <p>လင်းရန် ချက်ချင်းပင် ရီရှင်းချန်ကို ဤနေရာတွင် ကြာကြာ မနေရန် သတိပေးလိုက်သည်။</p> <p>လုံးဝ မှောင်မိုက်နေသော အခြေအနေတွင် ကြီးမားသော ဂူတစ်ခုလုံးက ဖြူဆွတ်နေပြီး ရေခဲကန်မှ တက်လာသော သန့်စင်ယန်စွမ်းအင်များက သွားစရာ နေရာ မရှိသောကြောင့် ထိုနေရာတွင် ထူထပ်သော မြူအဖြစ် စုစည်းနေချေသည်။ ထို့အပြင် ပတ်ဝန်းကျင် ကျောက်တုံးနံရံများလည်း ထူထဲသော နှင်းခဲလွှာဖြင့် ဖုံးလွှမ်းနေချေသည်။</p> <p>လင်းရန် နတ်ဘုရားအာရုံဖြင့် စစ်ဆေးလိုက်ပြီး ယင်းက ရေ မဟုတ်ဘဲ စုစည်းနေသည့် သန့်စင်ယန်စွမ်းအင် ဖြစ်ကြောင်း သိလိုက်သည်။</p> <p>ယင်းကြောင့် သူ အလွန် ပျော်ရွှင်သွား၏။</p> <p>ဘုန်း</p> <p>လင်းရန် ချက်ချင်းပင် ယင်ယန်ကျင့်စဥ်ကို အစွမ်းကုန် လှည့်ပတ်လိုက်ပြီး သန့်စင်ယန်စွမ်းအင် အားလုံးကို အစွမ်းကုန် စုပ်ယူလိုက်သည်။ အမှန်ဆို အားလုံးကို တကျိုက်တည်း ဝါးမြိုလိုက်ခြင်းပင်။</p> <p>ချက်ချင်းဆိုသလိုပင် သန့်စင်ယန်စွမ်းအင် ပမာဏများစွာက သူ့ ခန္ဓာကိုယ်ထဲသို့ ဝင်ရောက်သွားပြီး ဒန်တျန်ထဲသို့ တန်းတန်းမတ်မတ် တိုးဝင်သွားကြသည်။ လင်းရန်၏ မှော်ဆန်သော ဒန်တျန်ရှိ ယင်ယန်ငါး၏ ယင်မျက်လုံးများလည်း ယင်စွမ်းအင် ထုတ်လွှတ်ခြင်းမှ ရပ်တန့်သွားပြီး ဒန်တျန်၏ ယန်မျက်လုံးများမှ ထွက်ပေါ်လာသော ယန်စွမ်းအင်၏ အရှိန်က ရုတ်တရက် နှစ်ဆ တိုးလာ၏။</p> <p>ထိုသည်မှာ ယင်ယန်ကျင့်စဥ် ဖြစ်ပြီး လင်းရန်မှာ ဒန်တျန်အတွင်းရှိ ယင်ယန် မျှခြေကို အမြဲတမ်း ထိန်းသိမ်းထားမည်ပင်။</p> <p>"လင်းရန်... သတိထား... အဲဒီရေကန်ထဲမှာ တစ်ခုခု ထူးဆန်းနေတယ်..."</p> <p>ရီရှင်းချန် မြောက်ဘက်သို့ လျင်မြန်စွာ ပျံသန်းသွားသော်လည်း လင်းရန်ကို သတိထားရန် အသိပေးလိုက်သည်။ အဘယ်ကြောင့်ဆိုသော် သူမ ခုနက နတ်ဘုရားအာရုံကို အသုံးပြု၍ ရေခဲကန်ကို ဆန်းစစ်လိုက်ပြီး အတွင်း၌ တောက်ပသော အရာတစ်ခုကို ရှာတွေ့ခဲ့သောကြောင့်ပင်။</p> <p>"စိတ်မပူပါနဲ့ ရှင်းချန်... သူတို့က အသစ် ဖွဲ့တည်နေတဲ့ ယင်ဝိညာဥ် တစ်ဒါဇင်လောက်ပဲ..."</p> <p>လင်းရန် ခပ်ဟဟ ရယ်မောလိုက်သည်။ သူ သွေးနတ်ဘုရားဓားကို ထုတ်ယူထားပြီး ဖြစ်ပြီး ရေခဲကန်ကို စိုက်ကြည့်နေ၏။ သူ့ မျက်လုံးများက နတ်အလင်းတို့ဖြင့် တောက်ပနေပြီး သူ တိုက်ပွဲအတွက် အသင့်ဖြစ်နေချေသည်။</p> <p>ဝှစ် ဝှစ် ဝှစ်...</p> <p>မျှော်လင့်ထားသည့် အတိုင်းပင် လင်းရန် စကားမဆုံးမီမှာပင် ယင်ဝိညာဥ်တို့က ရေခဲကန်ထဲမှ ပြေးထွက်လာကြသည်။ ထိုဝိညာဥ်တစ်ခုစီက ကလေးငယ်တစ်ဦး၏ ဦးခေါင်း အရွယ်အစား ရှိသည်။ အလွန် အေးစက်ပြီး ထူးဆန်းသော အလင်းတို့အား ထုတ်လွှတ်နေကာ သူတို့၏ မျက်နှာများကို မသဲမကွဲ မြင်တွေ့နိုင်ပေသည်။ သူတို့က ယင်ဝိညာဥ်များပင်။</p> <p>ထိုသည်မှာ သရဲ မဟုတ်ဘဲ ဝိညာဥ် ဖြစ်၏။ ထိုနှစ်ခုကြားတွင် ကြီးမားသော ခြားနားမှု ရှိပေသည်။</p> <p>သို့သော် ထိုကဲ့သို့သော မကောင်းဆိုးဝါး ဝိညာဥ်များက သက်ရှိလူများ၏ ယန်စွမ်းအင်ကို တပ်မက်ကြ၏။ ယင်းက သက်ရှိလူများ၏ အဆီအနှစ်နှင့် သွေးကို စုပ်ယူဖို့ သူတို့၏ ဗီဇစိတ် ဖြစ်ပေသည်။ အကယ်၍ သူတို့ကို စနစ်တကျ မကိုင်တွယ်လျှင် ရီရှင်းချန်ပင် ရန်ဆိုင်ရန် အလွန် ခက်ခဲပေလိမ့်မည်။</p> <p>သို့သော် လင်းရန်အတွက်မူ ယခု ထိုမကောင်းဆိုးဝါး ဝိညာဥ်များမှာ အလွန် အာဟာရပြည့်ဝသော အရာများသာပင်။</p> <p>ယင်ဝိညာဥ်အုပ်စုလိုက်မှာ ရေခဲကန်ထဲမှ ပြေးထွက်လာပြီးနောက် ချက်ချင်းပင် လင်းရန်ကို ပစ်မှတ်ထားလိုက်ကြသည်။ သို့သော် သူတို့က လင်းရန် လက်ထဲရှိ သွေးနတ်ဘုရားဓား၏ ထူးခြားမှုကို အာရုံခံမိပုံရသောကြောင့် ပြေးဝင်လာရန် မဝံ့ရဲဘဲ အလွန် သတိထားနေပုံရ၏။</p> <p>လင်းရန် ဟက်ခနဲ ရယ်လိုက်မိသည်။ ကူကယ်ရာမဲ့စွာဖြင့်... လင်းရန်မှာ ယင်ဝိညာဥ်များကို ဆွဲဆောင်ရန် သန့်စင်ယန်စွမ်းအင် တစ်မျှင်ကို အတင်းအကျပ် ထုတ်လွှတ်လိုက်ရ၏။</p> <p>ဝှစ် ဝှစ် ဝှစ်...</p> <p>လင်းရန်၏ နည်းလမ်း ချက်ချင်း အလုပ်ဖြစ်သွားသည်။ ဝိညာဥ်များက လင်းရန်အပေါ်ရှိ သန့်စင်ယန်စွမ်းအင်ကို အာရုံခံမိပြီး သူ့ဆီသို့ အလုအယက် ပြေးဝင်လာကြ၏။</p> <p>‘စိတ်တော့ မကောင်းဘူးပေါ့ကွာ ...’<br /> လင်းရန် သွေးနတ်ဘုရားဓားကို လွှဲခုတ်လိုက်သည်။ တဝှစ်ဝှစ် မြည်သံများ ဆက်တိုက် ထွက်ပေါ်လာပြီး သွေးနီရောင် အလင်းတန်းတို့ တဖျပ်ဖျပ် လက်သွားကာ ယင်ဝိညာဥ် တစ်ခုစီတိုင်းကို တစ်ချက်တည်းဖြင့် နှစ်ပိုင်း ခွဲထုတ်လိုက်၏။ သူတို့၏ ခန္ဓာကိုယ်များ အငွေ့အဖြစ် မပြောင်းလဲမီ လင်းရန် ပါးစပ်ကို ဟကာ ရှူသွင်းလိုက်သည်။</p> <p>ထိုနေရာတွင် ရွယ်ယင် ဆေးလုံးများ ပြုလုပ်ရန် မဖြစ်နိုင်သောကြောင့် လင်းရန် သူတို့ အားလုံးကို မျိုချလိုက်ပြီး ယင်ယန်ကျင့်စဥ်ကို အသုံးပြု၍ သန့်စင်လိုက်သည်။</p> <p>အကယ်၍ ထိုယင်ဝိညာဥ် ၁၈ ကောင်ကို သွေးနတ်ဘုရားဓားဖြင့် ချေမှုန်းပြီး ဓာတ်ငွေ့အဖြစ် ပြောင်းလဲလိုက်ပါက သူတို့က အသန့်စင်ဆုံး ယင်စွမ်းအင်သာ ဖြစ်ပေလိမ့်မည်။ သို့သော် အကယ်၍ လင်းရန် သူတို့ကို တိုက်ရိုက် ဝါးကလိုက်ပါက ယင်းက တစ်ကြိမ်တည်း ထိပ်တန်း ဝိညာဥ်ဆေးလုံး တစ်ဆယ့်ရှစ်လုံး စားသုံးခြင်းနှင့် ညီမျှမည် ဖြစ်၏။</p> <p>"သွား..."</p> <p>ယင်ဝိညာဥ် ၁၈ ကောင်ကို မျိုချပြီးနောက် လင်းရန် တွန့်ဆုတ်ခြင်း မရှိပေ။ သူ နတ်ဘုရားအဆီအနှစ် တစ်ဒါဇင်ကျော်ကို လောင်ကျွမ်းပြီး အရှိန်ကို အစွမ်းကုန် ချက်ချင်း မြှင့်တင်လိုက်ကာ အသံ၏ အတားအဆီးကို ချိုးဖျက်လိုက်သည်။ သုံးစက္ကန့်အတွင်းမှာပင် သူ ဂူစင်္ကြံကို ဖြတ်သန်းသွားပြီး ယန်အစီအရင်၏ မျက်လုံးသို့ ရောက်ရှိသွား၏။</p> <p>ထိုမျှ လျင်မြန်ရမည် ဖြစ်သည်။ အနည်းငယ်မျှပင် နှေးကွေး၍ မရပေ။ သို့မဟုတ်ပါက လင်းရန် အေးခဲ သေဆုံးလုနီးပါး ဖြစ်သွားပေလိမ့်မည်။</p> <p>အဘယ်ကြောင့်ဆိုသော် သူ ယင်ဝိညာဥ်များကို ဝါးမြိုခဲ့သောကြောင့်ပင်။ အစွန်းရောက် ယင်ဝိညာဥ်များက ဝါးမြိုရန် လွယ်ကူလှသည် မဟုတ်ပေ။ လင်းရန်၏ ကျင့်ကြံဆင့်ဖြင့် တစ်ကောင် သို့မဟုတ် နှစ်ကောင် ဝါးမြိုခြင်းမှာ အဆင်ပြေသော်လည်း တစ်ကြိမ်တည်း ၁၈ ကောင် ဝါးမြိုလိုက်ရာ သူ ရေခဲချောင်းမဖြစ်သည်မှာပင် ကံကောင်းလွန်းနေလေပြီ။</p> <p>ယန်အစီအရင်၏ မျက်လုံးသို့ ရောက်ရှိသောအခါ အစွန်းရောက် အအေးဒဏ်လည်း ချက်ချင်းပင် အစွန်းရောက် အပူသို့ ပြောင်းလဲသွား၏။ ထိုနေရာရှိ အပူချိန်က ဒီဂရီ ရာပေါင်းများစွာ ကျော်လွန်နေပေသည်။ လင်းရန် တစ်ကိုယ်လုံး သန့်စင်ယန်စွမ်းအင်ဖြင့် ချက်ချင်း လွှမ်းခြုံခံလိုက်ရသည်။</p> <p>"ရှင် ကျွန်မကို လန့်အောင် လုပ်တာပဲ..."<br /> ရီရှင်းချန် ယင်နှင့် ယန်ဆုံရာ နေရာသို့ ရောက်သည်နှင့် အရှေ့မှ ပုံရိပ်တစ်ခုအား မြင်တွေ့လိုက်ရသည်။ သူမ နတ်ဘုရားအာရုံဖြင့် စစ်ဆေးလိုက်ရာ လင်းရန် ဖြစ်နေ၏။ သူမ ချက်ချင်းပင် ချစ်စဖွယ် ပြောလိုက်သည်။ <br /> "ရှင် ဘာလုပ်နေတာလဲ..."</p> <p>"ကျင့်ကြံနေတာ..."</p> <p>လင်းရန် ထိုနေရာသို့ ရောက်ရှိလာပြီး သန့်စင်ယန်စွမ်းအင်ကို ရူးသွပ်စွာ စုပ်ယူနေမိသည်။ သူ့ အေးခဲလုနီးပါး ဖြစ်နေသော ခန္ဓာကိုယ်လည်း တဖြည်းဖြည်း နွေးထွေးလာပြီးမှ တည်ငြိမ်စွာ ထိုင်ချလိုက်ပြီး ပြုံးလျက် ပြန်ဖြေလိုက်၏။</p> <p>ယန်အစီအရင်မျက်လုံးရှိ အပူချိန်က ဒီဂရီ စင်တီဂရိတ် ရာပေါင်းများစွာ ရှိချေသည်။ မဟာကြယ်တာရာကျင့်စဥ် တတိယ အဆင့်သို့ ရောက်ရှိသူပင်လျှင် ကြာကြာ မခံနိုင်ပေ။ သို့သော် လင်းရန် ယင်းကို ပျော်ရွှင်စွာ ခံယူနေမိသည်။</p> <p>ယင်အစီအရင်မျက်လုံးထဲတွင်နှင့် မတူဘဲ လင်းရန်က နတ်ဘုရားယန်ပညာရပ်ကို တကူးတက ကျင့်ကြံထားသောကြောင့် နတ်ဘုရားယန်ပညာရပ်ကို အစွမ်းကုန် အသုံးပြုသောအခါ သူ့ ခန္ဓာကိုယ် အပူချိန်က ကြောက်မက်ဖွယ် အဆင့်သို့ ရောက်ရှိသွားပေလိမ့်မည်။ ထို့ကြောင့် သူ ထိုသို့ မြင့်မားသော အပူချိန်ကို နည်းနည်းမှ မကြောက်ရွံ့ချေ။</p> <p>ဤနေရာသို့ ရောက်ရှိပြီးနောက် လင်းရန် သန့်စင်ယန်စွမ်းအင်ကို ရူးသွပ်စွာ စုပ်ယူရင်း ကျင့်စဥ်ကို လှည့်ပတ်ကာ ယင်ဝိညာဥ် ၁၈ ကောင်လုံးကို သူ့ ဒန်တျန်ထဲသို့ အတင်းအကျပ် ထည့်သွင်းလိုက်သည်။ ထို့နောက် သူ ဒန်တျန်အတွင်းရှိ ယင်ယန်ဒြပ်စင်ငါးပါးမီးတောက်ကို အသုံးပြု၍ ယင်းတို့ကို လောင်ကျွမ်းပြီး သန့်စင်လိုက်၏။</p> <p>ယခု လင်းရန်၏ ဒြပ်စင်ငါးပါးမီးတောက်ကို ဒန်တျန်ရှိ ယင်ယန်အစစ်အမှန်ချီဖြင့် တစ်ဆယ့်နှစ်ရက် ပျိုးထောင်ထားပေသည်။ ယင်းက ယင်ယန်ဒြပ်စင်ငါးပါးမီးတောက် အဖြစ် လုံးဝ မပြောင်းလဲသေးသော်လည်း ထိုယင်ဝိညာဥ်များကို လောင်ကျွမ်းရန် ပြီးပြည့်စုံနေပြီ ဖြစ်သည်။</p> <p>"ဟဲဟဲ... သွေးနတ်ဘုရားဓားက တကယ်ပဲ ရှေးဟောင်း နတ်ဘုရားအဆောင်အယောင် တစ်ခု ဖြစ်ပုံပဲ... ဒါက မူလဝိညာဥ်ကို ဖြတ်တောက်နိုင်တယ်... ဒီပုံစံမရှိတဲ့ ယင်ဝိညာဥ်တွေကို သတ်ဖြတ်ဖို့ အသုံးပြုရင် ဟင်းသီးဟင်းရွက် ဖြတ်သလို တစ်ကောင်ပြီးတစ်ကောင် သတ်နိုင်တာပဲ..."</p> <p>သန့်စင်ယန်စွမ်းအင်ကို ရူးသွပ်စွာ စုပ်ယူရင်း လင်းရန် ယင်ဝိညာဥ်များကိုလည်း သန့်စင်လိုက်သည်။ ထို့နောက် ထိုသန့်စင်သော စွမ်းအင် နှစ်ခုစလုံးကို သူ့ မျက်ခုံးကြားရှိ အသိစိတ်ပင်လယ်ထဲသို့ ပေးပို့လိုက်ပြီး နတ်ဘုရားအဆီအနှစ်ကို စုစည်းနေလိုက်၏။</p> <p>ထိုသို့ဖြင့် လင်းရန်၏ နတ်ဘုရားအဆီအနှစ် စုစည်းနှုန်းက ချက်ခြင်းပင် သုံးဆ တိုးလာပြီး တစ်မိနစ်လျှင် ကိုးစက် ဖြစ်လာပေသည်။</p> <p>လင်းရန် မနေ့ညက တိုက်ပွဲတွင် သုံးခဲ့ရသော နတ်ဘုရားအဆီအနှစ် အစက် ၁၃၀၀၀က ပုံမှန်အားဖြင့် ပြန်လည် ဖြည့်တင်းရန် သုံးရက် ကြာမည် ဖြစ်သော်လည်း သူ့ လက်ရှိ အရှိန်ဖြင့် ဆိုလျှင် တစ်ရက်သာ ကြာတော့ပေမည်။</p> <p>အခွင့်အရေးကို အမိအရ ဖမ်းဆုပ်ပြီး လင်းရန် အခြား အရာအားလုံးကို လျစ်လျူရှုကာ နေရာမှာပင် ကိုယ်တွင်းစွမ်းအင်ကို အာရုံစိုက် လှည့်ပတ်လိုက်ပြီး ကျင့်ကြံရာ၌ တဖြည်းဖြည်း နစ်မျောသွား၏။</p> <p>ရီရှင်းချန်လည်း လင်းရန်ကို သူမ၏ နတ်ဘုရားအာရုံဖြင့် လွှမ်းခြုံထားပြီး လင်းရန် အမှန်တကယ် ကျင့်ကြံခြင်းထဲသို့ နစ်မျောသွားမှန်း သိလိုက်သည်။ လင်းရန်ကို မနှောင့်ယှက်ဘဲ သူမလည်း ထိုင်ချလိုက်ပြီး တိတ်တဆိတ် ကာကွယ်ပေးနေလိုက်၏။</p> <p>တစ်ရက်နှင့် တစ်ည လျင်မြန်စွာ ကုန်ဆုံးသွားသည်။</p> <p>နောက်တစ်နေ့ ထိုအချိန်ခန့်တွင်ပင် လင်းရန် ရုတ်တရက် မျက်လုံး ဖွင့်လိုက်သည်။</p> <p>ထိုအခိုက်အတန့်တွင် လင်းရန် ယင်ဝိညာဥ် ၁၂ ကောင်ကို သန့်စင်ပြီး သန့်စင်ယန်စွမ်းအင်ကို ပမာဏ များစွာကို စုပ်ယူနိုင်ခဲ့ပေသည်။ သူ စုစုပေါင်း နတ်ဘုရားအဆီအနှစ် အစက် ၁၄၀၀၀ ကျော် စုစည်းခဲ့ပြီး သူ သုံးခဲ့ရသော နတ်ဘုရားအဆီအနှစ် အားလုံးကို ပြန်လည် ဖြည့်တင်းနိုင်ခဲ့၏။</p> <p>တစ်ရက်နှင့် တစ်ည အတွင်းမှာပင် လင်းရန် အထွတ်အထိပ် အခြေအနေသို့ ပြန်ရောက်ရှိသွားပေသည်။</p> <p>လင်းရန် လက်ရှိတွင် ချီသန့်စင်ခြင်း အဆင့်လေးသို့ တက်ရန် ခြေတစ်လှမ်းသာ လိုတော့၏။ သူ အဆင့်တက်တော့မည့်ဆဲဆဲ ဖြစ်နေပြီး သူ ချီသန့်စင်ခြင်း အဆင့်လေးတွင် ခြေတစ်လှမ်း ချနေပြီ ဖြစ်ပေသည်။</p> <p>‘ဒီမှာပဲ အဆင့်တက်လိုက်ရမလား...’</p> <p>လင်းရန် မျက်မှောင်ကြုတ်ကာ အတွေးနက်သွား၏။</p> <p> </p> <p> </p> <p style="text-align: center;">အခန်း ၁၅၅၅ ပြီး</p> <p style="text-align: center;">***</p>


Save