Book List

<h2 style="text-align: center;">အခန်း - ၁၅၅၇</h2> <h2 style="text-align: center;">( အဆင့်ခြောက်ဆင့်ကို တဆက်တည်း ချိုးဖောက်ခြင်း )</h2> <h2 style="text-align: center;">*</h2> <p> </p> <p> </p> <p>ချီသန့်စင်ခြင်း အဆင့်၏ အလယ်အဆင့် ဆိုသည်မှာ ချီသန့်စင်ခြင်း အစောပိုင်းအဆင့်နှင့် နှောင်းပိုင်းအဆင့်တို့အတွက် အရှေ့နှင့်အနောက်ကို ဆက်သွယ်ပေးသော အကူးအပြောင်း ကာလတစ်ခုပင်။</p> <p>ကျင့်ကြံသူ တစ်ယောက်က ချီသန့်စင်ခြင်း အစောပိုင်းအဆင့်သို့ ရောက်ရှိသွားပြီးနောက် မျက်ခုံးနှစ်ခုကြားရှိ လျှို့ဝှက်တံခါးပေါက်ကို အတင်းဖွင့်ကာ နတ်ဘုရားအာရုံကို သဘာဝအလျောက် ရရှိလာမည် ဖြစ်၏။ ထို့နောက် ချီကို ဝိညာဉ်အဖြစ် သန့်စင်ရန်နှင့် နတ်ဘုရားအဆီအနှစ်များကို စုစည်းရန် သင်ယူရမည်ဖြစ်ပြီး၊ ထိုမှတစ်ဆင့် နတ်ဘုရားအဆီအနှစ်များကို ထုတ်လွှတ်ကာ ကျင့်ကြံခြင်း သို့မဟုတ် တိုက်ခိုက်ခြင်းများအတွက် မှော်စွမ်းအင်အဖြစ် ပြောင်းလဲရန် သင်ယူရပေမည်။</p> <p>ချီသန့်စင်ခြင်း အစောပိုင်းအဆင့်တွင် အဆင့်တစ်ခုကို ချိုးဖောက်နိုင်ခြင်း၏ အဓိက လက္ခဏာများမှာ ကျင့်ကြံသူတစ်ယောက်၏ နတ်ဘုရားအဆီအနှစ် စုစည်းနိုင်မှု အမြန်နှုန်းနှင့် မှော်စွမ်းအင်အဖြစ် ချက်ချင်းပြောင်းလဲရန်အတွက် တစ်ကြိမ်တည်းတွင် နတ်ဘုရားအဆီအနှစ် မည်မျှ လောင်ကျွမ်းနိုင်သနည်း ဆိုသည့်အချက်များပင် ဖြစ်ချေသည်။</p> <p>ယင်းက ကျင့်ကြံသူ၏ ကိုယ်ပိုင် ပါရမီ၊ နားလည်သဘောပေါက်နိုင်စွမ်းနှင့် သူတို့ ကျင့်ကြံနေသော ကျင့်စဉ်များအပေါ်တွင် လုံးဝ မူတည်နေသည်မှာ ယုံမှားသံသယဖြစ်ဖွယ် မရှိပေ။</p> <p>သို့သော်လည်း ချီသန့်စင်ခြင်း အစောပိုင်းအဆင့်တွင် မျက်ခုံးနှစ်ခုကြားရှိ အသိစိတ်ပင်လယ်၏ ပမာဏနှင့် ခိုင်မာမှု အတိုင်းအတာ ကန့်သတ်ချက် နှစ်ခုကြောင့် ကျင့်ကြံဆင့် မြင့်တက်လာသည်နှင့်အမျှ နတ်ဘုရားအဆီအနှစ် စုစည်းမှု အမြန်နှုန်းနှင့် အများဆုံး လောင်ကျွမ်းနိုင်သည့် ပမာဏတို့သည် နောက်ဆုံးတွင် ကန့်သတ်ချက်တစ်ခုသို့ ရောက်ရှိသွားမည် ဖြစ်ပေသည်။</p> <p>ထိုအချက်နှစ်ချက်က ကန့်သတ်ချက်သို့ ရောက်ရှိသွားသည်နှင့် တစ်ပြိုင်နက် ချီသန့်စင်ခြင်း အစောပိုင်းအဆင့်တွင် အချိန်မည်မျှတိုတောင်းစွာ ရှိနေခဲ့ပါစေ အစောပိုင်းအဆင့်၏ အထွတ်အထိပ်သို့ ရောက်ရှိသွားပြီ ဖြစ်၏။ နောက်တစ်လှမ်း ထပ်တက်ရန်အတွက် သူတို့က အခက်အခဲကို ချိုးဖောက်ပြီး ချီသန့်စင်ခြင်း အလယ်အဆင့်သို့ ဝင်ရောက်ရပေမည်။</p> <p>ချီသန့်စင်ခြင်း အလယ်အဆင့်သို့ ဝင်ရောက်ပြီးမှသာ မျက်ခုံးနှစ်ခုကြားရှိ အသိစိတ်ပင်လယ်၏ ပမာဏသည် ထပ်မံကျယ်ပြန့်လာမည်ဖြစ်ပြီး ယင်း၏ အတားအဆီးများသည်လည်း ပိုမိုခိုင်မာလာမည် ဖြစ်၏။ ယင်းက နတ်ဘုရားအဆီအနှစ် အရည်များကို ပိုမိုသိုလှောင်နိုင်စေပြီး နတ်ဘုရားအဆီအနှစ် စုစည်းမှု အမြန်နှုန်းကို သဘာဝအလျောက် ထပ်မံ အရှိန်မြှင့်ပေးကာ တစ်ကြိမ်တည်း လောင်ကျွမ်းနိုင်သည့် နတ်ဘုရားအဆီအနှစ် ပမာဏသည်လည်း သဘာဝအလျောက် တိုးလာပေမည်။ </p> <p>သို့သော် ထိုအရာများမှာ ချီသန့်စင်ခြင်း အလယ်အဆင့်သို့ ချိုးဖောက်ခြင်း၏ အခြေခံအကျဆုံး အကျိုးသက်ရောက်မှုများသာ ဖြစ်ပေသည်။ အစောပိုင်းအဆင့်ထက် ပိုမြန်ပြီး ပမာဏ ပိုများရုံသာ ဖြစ်၏။ ထိုသည်မှာ ချီသန့်စင်ခြင်း အလယ်အဆင့်၏ 'ဆက်သွယ်ပေးခြင်း' လုပ်ဆောင်ချက်ပင် ဖြစ်ချေသည်။</p> <p>ချီသန့်စင်ခြင်း အလယ်အဆင့်ရှိ ကျင့်ကြံသူတစ်ယောက်အတွက် အရေးအကြီးဆုံး အချက်များမှာ အသိစိတ်ပင်လယ်ထဲတွင် သိုလှောင်ထားသော နတ်ဘုရားအဆီအနှစ်များကို မှော်စွမ်းအင်အဖြစ် ပြောင်းလဲသည့် အမြန်နှုန်းနှင့် ပြောင်းလဲပြီးသည်နှင့် ထိုမှော်စွမ်းအင်ကို အသုံးပြုရာတွင် ထိရောက်မှုတို့ပင်။</p> <p>ထိုသည်မှာ ချီသန့်စင်ခြင်း အလယ်အဆင့်၏ အဓိက သော့ချက်ပင် ဖြစ်၏။</p> <p>ကျင့်ကြံသူတစ်ယောက်၏ စွမ်းအား မည်မျှကြီးမားသည်ဆိုသည်မှာ ထိုအချက်နှစ်ချက်ပေါ်တွင် လုံးဝ မူတည်နေသည်ဟု ဆိုနိုင်ပေသည်။</p> <p>ချီသန့်စင်ခြင်း အလယ်အဆင့်မှစ၍ နှောင်းပိုင်းအဆင့်အထိ ကျင့်ကြံသူတစ်ယောက်က ပါရမီ ကောင်းသည်ဖြစ်စေ ဆိုးသည်ဖြစ်စေ၊ နတ်ဘုရားအဆီအနှစ် စုစည်းမှု အမြန်နှုန်း မြန်သည်ဖြစ်စေ နှေးသည်ဖြစ်စေ အသိစိတ်ပင်လယ်ထဲတွင် တစ်ပတ်၊ လဝက် သို့မဟုတ် ထိုထက်ပို၍ အသုံးပြုနိုင်ရန် လုံလောက်သော နတ်ဘုရားအဆီအနှစ်များ သိုလှောင်ထားနိုင်မည် ဖြစ်ပေသည်။</p> <p>ထို့ကြောင့် ချီသန့်စင်ခြင်း အလယ်အဆင့်သို့ ဝင်ရောက်ပြီးနောက် နတ်ဘုရားအဆီအနှစ် စုစည်းမှု အမြန်နှုန်း သို့မဟုတ် အသိစိတ်ပင်လယ်ထဲတွင် သိုလှောင်ထားသော ပမာဏကို နှိုင်းယှဉ်ခြင်းမှာ ကျင့်ကြံသူတစ်ယောက်အတွက် များစွာ အရေးမပါတော့ပေ။</p> <p>ဥပမာအားဖြင့် လင်းရန် ချီသန့်စင်ခြင်း အဆင့်သုံး၏ အထွတ်အထိပ်သို့ ရောက်ရှိပြီးနောက် သူ၏ အသိစိတ်ပင်လယ်ထဲတွင် နတ်ဘုရားအဆီအနှစ် အစက်ပေါင်း ခြောက်သောင်းကျော်ကို သိုလှောင်ထားပြီး ဖြစ်၏။ တစ်ညလုံး အဆင့်ကျော်လွန်ကာ တိုက်ပွဲကြီး ဆင်နွှဲပြီးနောက်တွင်ပင် သူ ငါးပုံတစ်ပုံခန့်ကိုသာ အသုံးပြုခဲ့ရပေသည်။</p> <p>အထူးသဖြင့် ယခု လင်းရန် ချီသန့်စင်ခြင်း အလယ်အဆင့်သို့ ဝင်ရောက်လာပြီဖြစ်ရာ သူ၏ အသိစိတ်ပင်လယ် ပမာဏလည်း မူလအရွယ်အစားထက် ကိုးဆ ပိုမိုကြီးမားလာပြီ ဖြစ်၏။ တိုက်ပွဲမရှိချိန်တွင် သူ အချိန်ကြာလာသည်နှင့်အမျှ နတ်ဘုရားအဆီအနှစ် အစက်ပေါင်း သိန်းနှင့်ချီ၍ စုဆောင်းနိုင်ပြီ ဖြစ်သည်။ ထိုတိုင်းတာမှုများကို နှိုင်းယှဉ်ခြင်းက ယခုအခါ လုံးဝ အဓိပ္ပါယ်မဲ့သွားပြီ ဖြစ်၏။</p> <p>ယခုအခါ လင်းရန် တစ်မိနစ်လျှင် နတ်ဘုရားအဆီအနှစ် ကိုးစက် စုစည်းနေခြင်း မဟုတ်ဘဲ သုံးဆယ့်ခြောက်စက် ဖြစ်နေလေပြီ။ တစ်နာရီအတွင်း သူ အစက်ပေါင်း နှစ်ထောင်ကျော် စုစည်းနိုင်ပြီ ဖြစ်၏။</p> <p>ရွှီး... ရွှီး... ရွှီး...</p> <p>ဝူး... ဝူး... ဝူး...</p> <p>ကျန်ရှိနေသော ယင်ဝိညာဉ် ခြောက်ကောင်တို့ အရှိန်မြှင့် သန့်စင်ခံနေရပြီး ယင်းတို့၏ အရွယ်အစားများ သာမန်မျက်စိဖြင့် မြင်နိုင်သော အမြန်နှုန်းဖြင့် သေးငယ်လာကြသည်။ တစ်ချိန်တည်းမှာပင် ယန် ဝင်္ကပါမျက်လုံးထဲတွင် လင်းရန်၏ ခန္ဓာကိုယ်ကို ဗဟိုပြု၍ ဧရာမ ယန်ချီ ဝဲဂယက်တစ်ခု ဖြစ်ပေါ်လာ၏။ မရေမတွက်နိုင်သော ယန်ချီ အမျှင်တန်းများ လင်းရန်၏ ခန္ဓာကိုယ်ထဲသို့ အဆက်မပြတ် စီးဝင်လာပြီး လေချွန်သံမြည်နေသော လေဆင်နှာမောင်းတစ်ခုအဖြစ်ပင် ဖြစ်ပေါ်လာချေသည်။</p> <p>နှစ်နာရီ ကြာပြီးနောက်...</p> <p>ဘုန်း...</p> <p>လင်းရန် ထပ်မံ အဆင့်တက်သွားပြီး ချီသန့်စင်ခြင်း အဆင့်လေး၏ အလယ်အဆင့်သို့ ရောက်ရှိသွားခဲ့ပေသည်။</p> <p>ထို့နောက် သူ၏ နတ်ဘုရားအဆီအနှစ် စုစည်းမှု အမြန်နှုန်းလည်း ပို၍ပင် မြန်ဆန်လာ၏။ ထိုတစ်ကြိမ်တွင် တစ်နာရီအကြာ၌ လင်းရန် ချီသန့်စင်ခြင်း အဆင့်လေး၏ နှောင်းပိုင်းအဆင့်သို့ ရောက်ရှိသွားပေသည်။</p> <p>အမြန်နှုန်းက နောက်ထပ် နှစ်ဆ တိုးလာပြန်သည်။</p> <p>ဘုန်း</p> <p>နာရီဝက်အတွင်းမှာပင် လင်းရန် ချီသန့်စင်ခြင်း အဆင့်လေး၏ အထွတ်အထိပ်သို့ ရောက်ရှိသွား၏။</p> <p>ချီသန့်စင်ခြင်း အဆင့်လေး၏ အထွတ်အထိပ်သို့ ရောက်ရှိချိန်တွင် ကျင့်ကြံသူတစ်ယောက်အတွက် နတ်ဘုရားအဆီအနှစ် စုစည်းမှု ပုံမှန် အမြန်နှုန်းမှာ တစ်မိနစ်လျှင် ဆယ့်ရှစ်စက် ဖြစ်သော်လည်း လင်းရန်မှာမူ တစ်မိနစ်လျှင် သုံးဆယ့်ခြောက်စက် ဖြစ်နေ၏။</p> <p>ထိုအချိန်တွင် သူ နတ်ဘုရားအဆီအနှစ်ကို ကန့်သတ်ချက်အထိ လောင်ကျွမ်းစေကာ သန့်စင်ရင်းနှင့်ပင် အသုံးပြုနေဆဲ ဖြစ်ပေသည်။ ယခုအခါ သူ တစ်ကြိမ်တည်းတွင် အစက်ပေါင်း တစ်ထောင့်ရှစ်ရာအထိ လောင်ကျွမ်းနိုင်ပြီဖြစ်သော်လည်း သူ အသုံးပြုလိုက်သော နတ်ဘုရားအဆီအနှစ်က သူ စုစည်းနေသည့် အမြန်နှုန်းကိုပင် မမီတော့ပေ။</p> <p>သို့သော်လည်း ချီသန့်စင်ခြင်း အဆင့်လေး အထွတ်အထိပ်သို့ ရောက်ရှိပြီးနောက် လင်းရန် ချက်ချင်းပင် ရည်ရွယ်ချက်ရှိရှိဖြင့် အရှိန်လျှော့လိုက်၏။ သူ နတ်ဘုရားအဆီအနှစ် စုစည်းမှုကိုသာ အရှိန်မြှင့်နေပြီး နောက်ထပ် အလျင်စလို အဆင့် မတက်ပါချေ။</p> <p>အဘယ်ကြောင့်ဆိုသော် ယန် ဝင်္ကပါမျက်လုံးထဲရှိ ယန်ချီများ လုံလောက်နေသေးသော်လည်း သူ၏ ခန္ဓာကိုယ်ထဲရှိ ယင်ဝိညာဉ် ခြောက်ကောင်အား ယခုအခါ လုံးဝ သန့်စင်ပြီးသွားပြီ ဖြစ်သောကြောင့်ပင်။</p> <p>"ကပ်ဘေးတိမ်တိုက် ရောက်လာပြီ... ဒါပေမဲ့ မိုးကြိုး မပစ်သေးဘူး..."</p> <p>လင်းရန် ချီသန့်စင်ခြင်း အဆင့်လေးသို့ ချိုးဖောက်ပြီးနောက် လုံပန်တောင်ထိပ်ပေါ်တွင် ကပ်ဘေးတိမ်တိုက်များ စုရုံးနေသည်ကို ခံစားမိနေသည်မှာ ကြာပြီ ဖြစ်ပေသည်။ ကောင်းကင်တာအို၏ ဖိအားကို သူ ခံစားမိသော်လည်း အချိန်အတော်ကြာသည့်တိုင်အောင် မည်သည့် မိုးကြိုးမှ ပစ်ချမလာခဲ့ပေ။</p> <p>"ငါ လောင်းကြေးထပ်တာ မှန်သွားပုံရတယ်..."</p> <p>လင်းရန် စိတ်ထဲမှ ရယ်မောလိုက်၏။ မြေပြင်ပေါ်သို့ မတက်သရွေ့ ကောင်းကင် ကပ်ဘေး ကျရောက်လာမည် မဟုတ်ကြောင်း သူသိထားသဖြင့် လုံးဝ စိတ်အေးလက်အေး ဖြစ်နေခြင်းပင်။</p> <p>သူ တင်ပျဉ်ခွေထိုင်လျက် အနေအထားဖြင့် အပေါ်သို့ လွင့်မျောလာပြီး ရီရှင်းချန် ရှိနေသည့်နေရာသို့ ရောက်သည်အထိ လေထဲတွင် ရွေ့လျားသွား၏။</p> <p>ထိုနေရာက ယန် ဝင်္ကပါမျက်လုံးနှင့် ယင် ဝင်္ကပါမျက်လုံးကြားရှိ အလယ်မှတ်တည့်တည့်ဖြစ်ပြီး ယင်နှင့် ယန် ပေါင်းဆုံရာ နေရာပင်။</p> <p>"ရှင်းချန်... ကိုယ် ဒီနေရာမှာ ဆက်ပြီး အဆင့်တက်တော့မယ်... မင်း ယင်ဝင်္ကပါအပြင်ဘက်က ဂူထဲမှာ ကိုယ့်ကို သွားစောင့်နေလိုက်ဦး..."</p> <p>လင်းရန် မကြာသေးမီက အောင်မြင်မှုရပြီးနောက် ဆက်လက် အဆင့်တက်ရန် ရည်ရွယ်ထားသည်ကို မြင်လိုက်ရသဖြင့် ရီရှင်းချန်မှာ အနည်းငယ် စိုးရိမ်မကင်းဖြစ်သွားကာ ချက်ချင်းပင် မေးလိုက်၏။ "နည်းနည်းများ လောလွန်းမနေဘူးလား..."</p> <p>"ကိစ္စမရှိပါဘူး... ကိုယ် ဘာလုပ်နေလဲဆိုတာ ကိုယ်သိပါတယ်... ဒီက ယင်ယန် စွမ်းအင်နှစ်ခုက ကိုယ့်ကျင့်ကြံခြင်းအတွက် အရမ်းအရေးကြီးတယ်... သူတို့ကို လက်လွှတ်လိုက်ရရင် နှမြောစရာကြီး ဖြစ်သွားလိမ့်မယ်..."</p> <p>လင်းရန်က သူမကို စိတ်ချစေမည့် အကြည့်တစ်ချက် ပေးလိုက်၏။ ရီရှင်းချန် ထွက်သွားသည်နှင့် တစ်ပြိုင်နက် သူ ယင်ယန်ကျင့်စဥ်ကို စွမ်းအားအကုန်သုံး၍ ချက်ချင်း စတင်လှည့်ပတ်လိုက်တော့သည်။</p> <p>ဘုန်း</p> <p>လင်းရန် သူ၏ ယင်ယန်အစစ်အမှန်ချီကြိုးများကို ရုတ်တရက် ထုတ်လွှတ်လိုက်ပြီး ယင်ချီကြိုးကို ယင် ဝင်္ကပါမျက်လုံး၏ ရေအေးကန်ထဲသို့ ထိုးဆင်းစေကာ ယန်ချီကြိုးကို ယန် ဝင်္ကပါမျက်လုံးထဲသို့ ထိုးဆင်းစေလိုက်ပေသည်။</p> <p>"စုပ်ယူစမ်း..."</p> <p>လင်းရန် လုံးဝ အားနာမနေဘဲ ယင်ယန်အစစ်အမှန်ချီကြိုးများကို အသုံးပြုကာ ဝင်္ကပါမျက်လုံး နှစ်ခုမှ ယင်ယန် စွမ်းအင်နှစ်ခုကို ရူးသွပ်စွာ စုပ်ယူပြီး နတ်ဘုရားအဆီအနှစ်ကို ဆက်လက် စုစည်းနေလိုက်၏။</p> <p>တစ်နာရီ ကုန်လွန်သွားသည်... သုံးနာရီ ကုန်လွန်သွားသည်... ခြောက်နာရီ အပြည့် ကြာပြီးနောက် လင်းရန်  နတ်ဘုရားအဆီအနှစ်ကို ကန့်သတ်ချက်အထိ ရုတ်တရက် ထပ်မံ လောင်ကျွမ်းစေလိုက်ပြီး ချီသန့်စင်ခြင်း အဆင့်ငါးဆီသို့ စတင် တိုးဝင်လာပေသည်။</p> <p>ဘုန်း...</p> <p>လင်းရန် ထပ်မံ ချိုးဖောက်သွားပြီး ချီသန့်စင်ခြင်း အဆင့်ငါးသို့ တက်လှမ်းသွား၏။</p> <p>ချီသန့်စင်ခြင်း အဆင့်ငါးသို့ တက်ပြီးနောက် လင်းရန် နောက်ထပ် လေးနာရီ အပြည့် ဆက်လက် ကျင့်ကြံခဲ့ပြီး အဆင့်ငယ် နှစ်ဆင့်ကို ဆက်တိုက် ချိုးဖောက်ကာ နောက်ဆုံးတွင် ချီသန့်စင်ခြင်း အဆင့်ငါး အလယ်အဆင့်သို့ ရောက်ရှိပြီးမှ သူ၏ ကျင့်ကြံခြင်းကို လုံးဝ ရပ်တန့်လိုက်၏။</p> <p>ချီသန့်စင်ခြင်း အဆင့်ကို အဆင့်ကိုးဆင့် ခွဲခြားထားပြီး အဆင့်တစ်ခုစီကို အစောပိုင်းအဆင့်၊ အလယ်အဆင့်၊ နှောင်းပိုင်းအဆင့်နှင့် အထွတ်အထိပ်အဆင့်ဟူ၍ သေးငယ်သော အဆင့်လေးဆင့် ထပ်မံ ခွဲခြားထားပေသည်။</p> <p>ထိုချိုးဖောက်မှု အပိုင်းအတွင်း လင်းရန်က ဝင်္ကပါမျက်လုံး နှစ်ခု၏ အစွမ်းထက်သော ယင်ယန် စွမ်းအင်နှစ်ခုကို အသုံးပြုကာ ရူးသွပ်စွာ ချိုးဖောက်ခဲ့ခြင်း ဖြစ်၏။ ယင်းမှာ မယုံနိုင်လောက်အောင် ချောမွေ့ခဲ့ပေသည်။ သူ ချီသန့်စင်ခြင်း အလယ်အဆင့်သို့ တစ်ဟုန်ထိုး တက်သွားရုံသာမက ချီသန့်စင်ခြင်း အဆင့်လေးနှင့် ချီသန့်စင်ခြင်း အဆင့်ငါးဟူသော အဆင့်ကြီး နှစ်ခုကိုပါ ဆက်တိုက် ချိုးဖောက်နိုင်ခဲ့ပေသည်။</p> <p>အဆင့်ငယ်များအလိုက် ရေတွက်မည်ဆိုလျှင် လင်းရန် အဆင့်ခြောက်ဆင့်ကို တဆက်တည်း တက်သွားခဲ့ခြင်း ဖြစ်ချေသည်။</p> <p>ယခုတိုင်အောင် လင်းရန် ဆက်လက် အဆင့်တက်ချင်နေဆဲ ဖြစ်သော်လည်း ဝင်္ကပါမျက်လုံး နှစ်ခုထဲရှိ ယင်ယန်ချီများကို သူ လုံးဝ စုပ်ယူခမ်းခြောက်သွားစေခဲ့သောကြောင့် သူ၏ ကျင့်ကြံခြင်းကို ရပ်တန့်မှ ဖြစ်တော့ပေမည်။</p> <p>ထိုအချိန်တွင် ယင် ဝင်္ကပါမျက်လုံးနှင့် ယန် ဝင်္ကပါမျက်လုံးထဲ၌ အလွန်အမင်း ပါးလွှာသော ယင်ယန် စွမ်းအင်နှစ်ခု၏ အရိပ်အယောင်များသာ ကျန်ရှိတော့၏။ ဂူနှစ်ခု၏ အပူချိန်များက ကောင်းကင်အက်ကြောင်းအောက်ရှိ အခြားဂူများ၏ အပူချိန်နှင့် ဆင်တူသွားပေသည်။</p> <p>လင်းရန်၏ ကျင့်ကြံခြင်း အမြန်နှုန်းဖြင့်ဆိုလျှင် စုဆောင်းရန် တစ်နှစ်အချိန် မရှိပါက ထိုနေရာရှိ ယင်ယန် စွမ်းအင်နှစ်ခုလည်း သူ့အတွက် မည်သည့် အဓိပ္ပါယ်မှ ရှိတော့မည် မဟုတ်ပေ။</p> <p>"အင်း... အဆင့်ကြီးနှစ်ဆင့်နှစ်ဆင့်နဲ့ အဆင့်ငယ်ခြောက်ဆင့်ကို တက်ဖို့ ဆယ့်လေးနာရီနီးပါး ကြာသွားတယ်... ဒါက လက်ခံနိုင်စရာပါပဲ..."</p> <p>ချီသန့်စင်ခြင်း အဆင့်ငါး အလယ်အဆင့်တွင် လင်းရန်၏ မျက်ခုံးနှစ်ခုကြားရှိ အသိစိတ်ပင်လယ်က ယခုအခါ မယုံနိုင်လောက်အောင် ကြောက်မက်ဖွယ် ကောင်းနေပြီ ဖြစ်၏။ ယင်း၏ ပမာဏတစ်ခုတည်းပင် မူလအရွယ်အစားထက် ဆယ့်ရှစ်ဆ ကြီးမားနေပြီး နတ်ဘုရားအဆီအနှစ် အစက်ပေါင်း ၁.၀၈ သန်းကို သိုလှောင်ထားနိုင်ပေသည်။ သူ့ နတ်ဘုရားအာရုံက တကယ့်ကို ပင်လယ်ကြီးတစ်စင်းနှင့် တူညီနေချေပြီ။</p> <p>"အခု ငါ တစ်စက္ကန့်ကို နတ်ဘုရားအဆီအနှစ် တစ်စက် စုစည်းနိုင်ပြီ... တစ်နေ့ကို အစက်ပေါင်း ရှစ်သောင်းကျော်ပဲ... ကန့်သတ်ချက်အထိ နတ်ဘုရားအဆီအနှစ်ကို တစ်ကြိမ် လောင်ကျွမ်းရင် အစက် သုံးထောင့်ခြောက်ရာကို ပြောင်းလဲနိုင်တယ်... ဒါက ကျင့်ကြံခြင်း ကမ္ဘာကြီးမှာ ဒီအဆင့်တုန်းကထက် အဆပေါင်းများစွာ ပိုအားကောင်းနေတာပဲ..."</p> <p>လင်းရန် ယုံကြည်မှုအပြည့်ရှိသော အပြုံးတစ်ခုဖြင့် တစ်ကိုယ်တည်း တီးတိုးရေရွတ်လိုက်၏။ အကယ်၍ သူသာ ယခု လုံတျန်းဖန်နှင့် ရင်ဆိုင်ရမည်ဆိုပါက မည်သည့် ဝှက်ဖဲကိုမျှ အသုံးပြုရန် လိုအပ်မည်မဟုတ်ဘဲ ထိုလူကို သူ၏ လက်ဗလာဖြင့်ပင် အမှုန့်ကြိတ်ပစ်နိုင်မည် ဖြစ်ပေသည်။</p> <p> </p> <p> </p> <p style="text-align: center;">အခန်း ၁၅၅၇ ပြီး</p> <p style="text-align: center;">***</p>


Save