Book List

<h2 style="text-align: center;">အခန်း (၁၅)</h2> <h2 style="text-align: center;">ထာဝရစိမ်းလန်းခြင်းကျင့်စဉ်</h2> <h2 style="text-align: center;">*</h2> <p> </p> <p>ယင်းကား ဝိညာဉ်ရှာဖွေခြင်းကျင့်စဉ် ‘မူလသဘာဝသို့ ပြန်လည်ရောက်ရှိခြင်းအဆင့်’ နယ်ပယ်သို့ ဆိုက်ရောက်သွားခြင်းက ပေးအပ်လိုက်သော ပြောင်းလဲမှုပင် ဖြစ်ချေသည်။</p> <p>နင်တောက်ရန်သည် ခေတ္တမျှ တွေးတောဆင်ခြင်မိလေသည်။ ဝိညာဉ်ရှာဖွေခြင်းအတတ်တွင် ကျွမ်းကျင်မှု နက်ရှိုင်းလာသည်နှင့်အမျှ သူ၏ စိတ်စွမ်းအားမှာလည်း ပိုမိုသန်မာလာပြီး နောက်ဆုံးတွင် အရည်အသွေးပိုင်းဆိုင်ရာ အလှည့်အပြောင်းတစ်ခု ဖြစ်ပေါ်လာခဲ့ခြင်း ဖြစ်ပေရာ ဤကျင့်စဉ်သည် အထွတ်အထိပ်နယ်ပယ်သို့ ရောက်ရှိသွားသည့်အခါ သူ၏ ဝိညာဉ်စွမ်းအင် အသိစိတ်  ကို အချိန်မတိုင်မီပင် စောစီးစွာ ဖြစ်ပေါ်စေခဲ့ချေပြီ။</p> <p>ဝိညာဉ်စွမ်းအင် သန့်စင်မှုအဆင့် အလယ်အလတ်၌သာ ရှိသေးသော ကျင့်ကြံသူတစ်ဦးအဖို့ အသိစိတ်စွမ်းအားကို ပိုင်ဆိုင်ရသည်မှာ အဓိပ္ပာယ်မရှိလှဟု ထင်မှတ်ရသော်လည်း၊ ကျင့်စဉ်၏ ထူးကဲသော အာနိသင်ကြောင့် ဖြစ်သဖြင့် ယုတ္တိတန်သည်ဟုပင် ဆိုရပေမည်။</p> <p>သူသည် မိမိ၏ အသိစိတ်ကို အသုံးပြု၍ ချုန်းပီတောင်ထိပ် တစ်ခုလုံးကို အရှိန်အဟုန်ဖြင့် စတင်စူးစမ်းကြည့်လိုက်၏။</p> <p>(၇၈) ကွက်မြောက် ဝိညာဉ်လယ်ကွင်း၌ မာချွမ်ယိုသည် ကြေးမုံပြင်တွင် မိမိ၏ တောင်ကုန်းသဖွယ် ထွားကျိုင်းသော ရင်အုပ်ကြွက်သားများကို ကြည့်ကာ သဘောကျရင်း ခြေသည်းညှပ်နေချေသည်။</p> <p>(၇၉) ကွက်မြောက် ဝိညာဉ်လယ်ကွင်း၌မူ အဘွားယွင်စွေ့သည် မြေးမလေး ချန်ဝေ့မော အကြိုက်ဆုံးဖြစ်သော ထမင်းပူပူလေးကို ချက်ပြုတ်နေ၏။</p> <p>(၈၀) ကွက်မြောက် လယ်ကွင်း၌ ဟုန်မင်နှင့် ကျူံးယန်တို့မှာမူ... ထားပါတော့လေ၊ စာဖွဲ့၍ မမီနိုင်သော အခြေအနေပင် ဖြစ်ချေသည်။</p> <p>(၈၁) ကွက်မြောက် ဝိညာဉ်လယ်ကွင်းရှိ ဟွမ်ရှန်မှာမူ သစ်သားဓာတ်အခြေခံ ကျင့်စဉ်တစ်ခုခုကို လေ့ကျင့်နေဟန် တူပေသည်။ သို့သော် ပါရမီညံ့ဖျင်းမှုကြောင့် ချွေးဒီးဒီးကျလျက် စိုးရိမ်ပူပန်နေရှာသည်။</p> <p>ယေဘုယျအားဖြင့်အုတ်မြင့်တည်ဆောက်ခြင်းအဆင့် အစောပိုင်းရှိ ပညာရှင်တစ်ဦး၏ အသိစိတ်မှာ ပေတစ်ရာခန့်အထိသာ စူးစမ်းနိုင်သည်ဟု ဆိုကြသော်လည်း၊ နင်တောက်ရန်မှာမူ ပေသုံးရာကျော်အထိ စူးစမ်းနိုင်နေချေပြီ။</p> <p>ယင်းကား သူ၏ အသိစိတ်စွမ်းအားမှာ အုတ်မြင့်တည်ဆောက်ခြင်းအဆင့် ပညာရှင်ထက်ပင် ပိုမိုသန်မာနေခြင်း ဖြစ်ပေရာ - အံ့ဩဖွယ်ကောင်းလှသော်လည်း လက်ခံနိုင်စရာပင် ဖြစ်ချေသည်။</p> <p>သူသည် မိမိ၏ အသိစိတ်ကို အမြန်ပင် ပြန်လည်ရုပ်သိမ်းလိုက်၏။ ပထမဆုံးအကြိမ် စမ်းသပ်မှုအဖြစ် ဤမျှဆိုလျှင် လုံလောက်ပြီဖြစ်ရာ မလိုအပ်ဘဲ ကိုယ့်ကိုယ်ကိုယ် အထင်ကြီးလွန်းတဲ့စိတ် မမွေးမြူသင့်ပေ။</p> <p>အကယ်၍ ဂိုဏ်းအတွင်းရှိ အစွမ်းထက်သော ပုဂ္ဂိုလ်ကြီးတစ်ဦးဦးက မိမိ၏ စူးစမ်းမှုကို သိရှိသွားပြီး လိုက်လံရှာဖွေလာပါက အန္တရာယ်ကြီးမားလှပေမည်။ ထို့ကြောင့် ဤစွမ်းအားကို လိုအပ်သည့်အချိန်အထိ လျှို့ဝှက်ထားခြင်းကသာ အကောင်းဆုံး ဖြစ်တန်ရာသည်။</p> <p>ရက်စွဲများမှာ တစ်ရက်ပြီးတစ်ရက် ကုန်ဆုံးသွားခဲ့ချေပြီ။</p> <p>ဤအတောအတွင်း ဟန်ပင်းသည် အကြိမ်ပေါင်းများစွာ လာရောက်ခဲ့ပေသည်။ အတွင်းစည်းတပည့်ရင်းတစ်ဦး၏ အထောက်အပံ့များကြောင့် သူမသည် လွန်ခဲ့သော တစ်နှစ်ကပင် ဝိညာဉ်စွမ်းအင်သန့်စင်မှု အလယ်အလတ်အဆင့်သို့ ရောက်ရှိခဲ့ပြီး ယခုအခါ အဆင့် (၅) သို့ ဆိုက်ရောက်နေပြီ ဖြစ်ပေရာ - နင်တောက်ရန်အနေဖြင့် ဟန်ပင်း၏ နောင်အနာဂတ် နယ်ပယ်မှာ မိမိထက်ပင် ပိုမိုမြင့်မားသွားလိမ့်မည်ဟု ခံစားမိနေလေသည်။</p> <p>“ညီငယ်နင်...”</p> <p>တိမ်တိုက်မြူခိုးအစီအရင် ပြင်ပမှ ရင်းနှီးသော အသံတစ်ခု ထွက်ပေါ်လာ၏။ မီးလျှံမွေးတောင်ပံဆောင် မှ အတွင်းစည်းတပည့် လင်းရှန့်ပင် ဖြစ်ချေသည်။</p> <p>လင်းရှန့်သည် စိတ်မြန်လက်မြန်ရှိပြီး “ရဲရင့်ထက်မြက်ခြင်း” ကို ယုံကြည်သူဖြစ်သော်လည်း ယဉ်ကျေးပျူငှာမှု ရှိသူဖြစ်ရာ နင်တောက်ရန်က ခွင့်မပြုဘဲ အစီအရင်အတွင်းသို့ အတင်းအဓမ္မ ဝင်ရောက်ခြင်း မပြုချေ။</p> <p>စင်စစ်မှာမူ ဝိညာဉ်စွမ်းအင်သန့်စင်မှု နောက်ဆုံးအဆင့်သို့ ရောက်နေသော လင်းရှန့်အဖို့ ဤအစီအရင်မှာ ဟောင်းနွမ်းနေသော တံခါးချပ်တစ်ခုကို တွန်းဖွင့်ရသကဲ့သို့သာ ဖြစ်ပေသည်။</p> <p>“စီနီယာလင်း...”</p> <p>နင်တောက်ရန်သည် အစီအရင်ကို ဖွင့်ပေးလိုက်ပြီး “အမြန်ဝင်ခဲ့ပါဗျာ” ဟု ပြုံးလျက် ဖိတ်ခေါ်လိုက်သည်။</p> <p>လင်းရှန့်သည် ခြံဝင်းအတွင်းသို့ ကျဲကျဲတောက် လှမ်းဝင်လာပြီး ပုံမှန်အတိုင်းပင် ပတ်ဝန်းကျင်ကို ဝေ့ကြည့်ကာ ရယ်မောလိုက်၏။ “ညီငယ်ရဲ့ ကျင့်ကြံမှုအဆင့်ကတော့ ဘာမှ တိုးတက်မလာသေးပါလား... မင်းအတွက် ငါ တကယ်ပဲ စိုးရိမ်မိတယ်ကွာ”</p> <p>သူ၏ ဘယ်ဘက်လက်တွင် ဝိညာဉ်‌ သေရည်အိုးတစ်အိုးနှင့် ညာဘက်လက်တွင်မူ အနည်းဆုံး တစ်ပိဿာခန့် လေးလံသော ငါးကြင်းတစ်ကောင် ပါလာပေသည်။</p> <p>ထိုငါး၏ အမြီးမှာ ရွှေရောင်တဖျတ်ဖျတ် တောက်နေပြီး ခန္ဓာကိုယ်တစ်ခုလုံးမှလည်း ဝိညာဉ်စွမ်းအားများ ထွက်ပေါ်နေချေသည်။</p> <p>“ဝိညာဉ်ငါးလား...” နင်တောက်ရန်မှာ အံ့အားသင့်သွား၏။</p> <p>“အော်... မင်း သိသားပဲ၊ ငါကတော့ မင်း မသိဘူး ထင်နေတာ” လင်းရှန့်က အားရပါးရ ရယ်မောလျက် “ဒီဝိညာဉ်ငါးက တကယ့် ရတနာပဲကွ၊ ဈေးသည်တစ်ယောက်ဆီကနေ ဝိညာဉ်ကျောက်တုံး လေးတုံးပေးပြီး ဝယ်လာတာ၊ လာပါ... ကောင်းကောင်းလေး ချက်ပြုတ်ပြီး အတူတူ သောက်ကြစို့” ဟု ဆိုလေသည်။</p> <p>“ကောင်းပါပြီဗျာ”</p> <p>နင်တောက်ရန်သည် ဝိညာဉ်ငါးကို အမြန်လှမ်းယူလိုက်ပြီး “သမင်ကြီး... ဆီပြန်ဟင်းလေး ချက်လိုက်စမ်း” ဟု အမိန့်ပေးလိုက်၏။</p> <p>မကြာမီမှာပင် စားပွဲထက်၌ ဟင်းလျာများ ပြည့်စုံသွားခဲ့ပြီး အလယ်ရှိ ဝိညာဉ်ငါးဟင်းမှာ အဆွဲဆောင်နိုင်ဆုံး ဖြစ်နေပေသည်။</p> <p> ၎င်း၏ အသားမှာ နူးညံ့လတ်ဆတ်ပြီး ကြွယ်ဝသော ဝိညာဉ်စွမ်းအားများ ပါဝင်နေပေရာ စားသုံးလိုက်ပါက သွေးသားစွမ်းအင်ကို တိုးတက်စေပြီး ကျင့်ကြံမှုကို အထောက်အကူ ဖြစ်စေချေသည်။</p> <p>“စီနီယာလင်း...” နင်တောက်ရန်က  သေရည်ငှဲ့ပေးရင်း ပြုံး၍ မေးလိုက်သည်။ “သတင်းကောင်းတစ်ခုခု ရှိလို့လားဗျ”</p> <p>“ဟုတ်တယ်ကွ” လင်းရှန့်က ပြုံးဖြဲဖြဲဖြင့် “အမှန်အတိုင်း ပြောရရင် ညီငယ်... ငါ အခုပဲ ဝိညာဉ်စွမ်းအင်သန့်စင်မှု အဆင့် (၈) ကို တက်လှမ်းနိုင်ခဲ့ပြီ၊ ဒါကြောင့် မီးလျှံမွေးတောင်ပံဆောင် ‘စီမံခန့်ခွဲသူ’ အဖြစ် ရာထူးတိုးသွားပြီလေ၊ ငါ့လက်အောက်မှာလည်း တပည့်ဆယ်ကျော်ပါလာပြီ၊ ပြီးတော့ မကြာခင်က ဂိုဏ်းအတွက် ခက်ခဲတဲ့ တာဝန်တွေကို ထမ်းဆောင်ခဲ့လို့ ဂိုဏ်းအကျိုးပြုရမှတ် တွေလည်း အများကြီး ရထားတယ်”</p> <p>“ဂုဏ်ယူပါတယ် စီနီယာလင်း” နင်တောက်ရန်က ခွက်ချင်းတိုက်ကာ “ညီငယ်တစ်ယောက်အနေနဲ့ တကယ့်ကို ဂုဏ်ယူမိပါတယ်ဗျာ” ဟု ဆိုလိုက်သည်။</p> <p>“ငါ အခုလာတာကလည်း ဒီကိစ္စပြောဖို့ပါပဲ” လင်းရှန့်က ဆက်လက်၍ “ညီငယ်... မင်းက ဂိုဏ်းထဲကနေ ဘယ်မှမထွက်ဘူး၊ အပြင်စည်းရဲ့ အရိုးရှင်းဆုံး တာဝန်တွေကိုပဲ ထမ်းဆောင်နေတာဆိုတော့ ဘယ်တော့မှ ဂိုဏ်းအကျိုးပြုရမှတ်တွေ အလုံအလောက် စုမိမှာလဲ”</p> <p>သူသည် မျက်ခုံးကို အသာပင့်ကာ ရဲရင့်သော အမူအရာဖြင့် “ပြောစမ်းပါ... အဓိကဆောင်က ဘယ်ကျင့်စဉ်ကို လိုချင်တာလဲ၊ တကယ့် လျှို့ဝှက်ကျင့်စဉ် သုံးခုကတော့ လဲလှယ်လို့ မရဘူး၊ ပြီးတော့ အမွေဆက်ခံတဲ့ ကျင့်စဉ်တွေကလည်း ဂိုဏ်းချုပ်နဲ့ စီနီယာအစ်မတွေပဲ သင်လို့ရတာဆိုတော့ အဲဒါတွေကို ထားလိုက်ပါ၊ မင်း လိုချင်တဲ့ ကျင့်စဉ်ကိုသာ ပြော၊ ငါ မင်းအတွက် ရအောင် ယူပေးမယ်”</p> <p>“ဟင်...”</p> <p>နင်တောက်ရန်မှာ အံ့ဩလွန်း၍ ခေါင်းထဲ၌ ဝေဝါးသွားချေသည်။ ဂိုဏ်းအတွင်းရှိ ကောင်းမွန်သော ကျင့်စဉ်တစ်ခုနှင့် လဲလှယ်ရန်မှာ ရမှတ်များစွာ လိုအပ်လှပေရာ လင်းရှန့်က ယခုကဲ့သို့ ကူညီရန် ကမ်းလှမ်းလာခြင်းမှာ သူ့အား ညီအစ်ကိုရင်းသဖွယ် သဘောထားခြင်းပင် ဖြစ်ချေသည်။</p> <p>“ရပါတယ်ဗျာ” သူက ရယ်မောလျက် “စီနီယာရဲ့ ရမှတ်တွေက အသက်နဲ့လဲပြီး ရထားတာပါ၊ ပြီးတော့ စီနီယာ့ကျင့်ကြံမှုအတွက်လည်း အရင်းအမြစ်တွေ လိုအပ်မှာဆိုတော့ စီနီယာ့အတွက်ပဲ သုံးပါဦး” ဟု ငြင်းဆိုလိုက်သည်။</p> <p>သို့သော် လင်းရှန့်၏ မျက်နှာမှာ ရုတ်ချည်း အေးစက်သွားပြီး “နင်တောက်ရန်... မင်းက ငါ့ကို ညီအစ်ကိုလို့ သဘောမထားဘူးလား” ဟု မေးလိုက်လေသည်။</p> <p>နင်တောက်ရန်မှာ ကျောရိုးထဲအထိ အေးစိမ့်သွားပြီး “မဟုတ်ပါဘူးဗျာ...” ဟု အမြန်ပြန်ပြောလိုက်ရသည်။</p> <p>“ဒါဆိုရင် စကားများမနေနဲ့တော့၊ ဘယ်ကျင့်စဉ်ကို လိုချင်လဲသာ ပြော၊ ‘‌ စစ်မှန်သောယန်မီးဖိုကျင့်စဉ်’  နဲ့ ‘ဇီယွမ်ဓားကျင့်စဉ်’ လို လျှို့ဝှက်ကျင့်စဉ်တွေကလွဲရင် ငါ မင်းအတွက် အကုန်ယူပေးနိုင်တယ်”</p> <p>“ကောင်းပါပြီဗျာ” လင်းရှန့် စိတ်ဆိုးတော့မည့်ဟန်ရှိသဖြင့် နင်တောက်ရန်ကပင် “စီနီယာ... ကျွန်တော်သာ ဝိညာဉ်စွမ်းအင်သန့်စင်မှု အလယ်အလတ်အဆင့်ကို ရောက်ခဲ့ရင် ‘သစ်သား’ နဲ့ ‘မီး’ ဒြပ်နှစ်ခုလုံးပါတဲ့ ကျင့်စဉ်တွေကို ရွေးချယ်ဖို့ စဉ်းစားထားပါတယ်၊ အဲဒီနှစ်ခုက တစ်ခုနဲ့တစ်ခု အထောက်အကူပြုတယ်လေ၊ သစ်သားဒြပ်က တိုးတက်မှုကို ကူညီပေးပြီး မီးဒြပ်က တိုက်ခိုက်ရေးအတွက် ကောင်းတယ်ဆိုတော့...”</p> <p>“သဘောပေါက်ပြီ” လင်းရှန့်က ရယ်မောလျက် “’ထာဝရစိမ်းလန်းခြင်းကျင့်စဉ်’  လား၊ ‘နေမင်းအရှိန်အဝါကျင့်စဉ်’ လား၊ ဘယ်ဟာကို အရင်လိုချင်လဲ”</p> <p>အနန္တဂိုဏ်းမှာ ဂိုဏ်းကြီးတစ်ခု မဟုတ်သဖြင့် ဝိညာဉ်စွမ်းအင်သန့်စင်မှုအဆင့်အတွက် သင့်တော်သော ကျင့်စဉ်များစွာ မရှိချေ။</p> <p>သစ်သားဒြပ်အတွက် ‘ထာဝရစိမ်းလန်းခြင်းကျင့်စဉ်’ နှင့် မီးဒြပ်အတွက် ‘ နေမင်းအရှိန်အဝါကျင့်စဉ်’ တို့မှာ အဓိက ဖြစ်ပေသည်။</p> <p>သို့သော် ဤကျင့်စဉ်များကို ဂိုဏ်းမှ အလကားရယူရန်မှာ အဆင့် (၇) သို့ ရောက်ရှိရမည်ဖြစ်ပြီး တစ်မျိုးလျှင် တစ်စောင်သာ ရရှိနိုင်ပေရာ အပိုလိုချင်ပါက ဂိုဏ်းအကျိုးပြုရမှတ်များဖြင့်သာ လဲလှယ်ရပေသည်။</p> <p>“ဒါဆိုရင် ‘ထာဝရစိမ်းလန်းခြင်းကျင့်စဉ်’ ကိုပဲ ယူပါရစေ” နင်တောက်ရန်က “ဒီကျင့်စဉ်ကို အဆင့်မြင့်မြင့် ကျွမ်းကျင်သွားရင် အသက်ရှည်စေတယ်လို့ ကြားဖူးလို့ပါ” ဟု ဆိုလိုက်သည်။</p> <p>“ခဏလေး စောင့်ဦး” လင်းရှန့်သည် စိတ်လှုပ်ရှားစွာဖြင့် တိမ်တိုက်မြူခိုးအစီအရင် ပြင်ပသို့ ပြေးထွက်သွားကာ သူ၏ မှော်လက်နက်ကို အသုံးပြု၍ ပျံသန်းထွက်ခွာသွားလေတော့သည်။</p> <p>လက်ဖက်ရည် တစ်ဝက်ခန့် သောက်ရုံမျှ အချိန်အတွင်းမှာပင် လင်းရှန့် ပြန်လည် ရောက်ရှိလာခဲ့ချေပြီ။</p> <p>စားပွဲပေါ်ရှိ ဟင်းလျာများပင် မအေးသေးမီမှာပင် သူသည် ‘ထာဝရစိမ်းလန်းခြင်းကျင့်စဉ်’ ပါဝင်သော ကျောက်စိမ်းပေလွှာကို နင်တောက်ရန်ထံသို့ ပစ်ပေးလိုက်လေသည်။</p> <p>‘အံ့ဩစရာပဲ...’ နင်တောက်ရန်မှာ စိတ်ထဲမှ ရေရွတ်မိ၏။ စီနီယာလင်းရှန့်မှာ တကယ့်ကို ပြတ်သားပြီး အလုပ်မြန်သူ ဖြစ်ပေရာသူသည် ကျောက်စိမ်းပေလွှာကို အိတ်ကပ်အတွင်းသို့ အမြန်ထည့်လိုက်ပြီး ခွက်ကို မြှောက်ကာ “စီနီယာ... ဆက်သောက်ကြစို့၊ ဒီကျေးဇူးကို ကျွန်တော် အမြဲမှတ်ထားပါ့မယ်” ဟု ဆိုလိုက်သည်။</p> <p>“ညီအစ်ကိုတွေကြားမှာ ဘာလို့ ဒီလောက် ယဉ်ကျေးနေရတာလဲကွ” လင်းရှန့်က အားရပါးရ ရယ်မောလျက် “ညီငယ်... မင်းအနေနဲ့ ဒီကျင့်စဉ်ကို အကျိုးရှိရှိ သုံးနိုင်ရင်ပဲ ငါ့ရဲ့ ကြိုးစားမှုတွေက အချည်းနှီး မဖြစ်တော့ပါဘူး၊ လာပါ... ဝိညာဉ် သေရည်ကို ထပ်သောက်စမ်း၊ အမြန်ဆုံး အဆင့်တက်နိုင်အောင် ကြိုးစားဦး၊ နောင်တစ်ချိန်မှာ အုတ်မြင့်တည်ဆောက်ခြင်းအဆင့်ကို ရောက်ရင် စီနီယာ့ကို သိပ်ပြီး အကြာကြီး စောင့်ခိုင်းမနေနဲ့ဦးနော်”</p> <p>“ကျွန်တော် အစွမ်းကုန် ကြိုးစားပါ့မယ်၊ ဟားဟား...” နင်တောက်ရန်မှာလည်း စိတ်ပိုင်းဖြတ်လိုက်ချေပြီ။ လင်းရှန့်သည် သူ့အပေါ် အမှန်တကယ် စိတ်ရင်းဖြင့် ဆက်ဆံသော ညီအစ်ကိုကောင်း တစ်ဦးဖြစ်ရာ နောင်တစ်ချိန်တွင် ဘေးအန္တရာယ်နှင့် ကြုံတွေ့ရသည်ဖြစ်စေ၊ သူသည် စီနီယာလင်းအား ဘယ်သောအခါမျှ ပစ်ပယ်လိမ့်မည် မဟုတ်ပေ။</p> <p>စားသောက်ပြီးနောက် လင်းရှန့် ပြန်သွားသည့်အခါ နင်တောက်ရန်သည် မြေအောက် ပေနှစ်ဆယ်တွင်ရှိသော လျှို့ဝှက်ခန်းအတွင်းသို့ ဝင်ရောက်ခဲ့လေသည်။</p> <p>“အဂ်...” သူသည် ဗိုက်ပြည့်သွားသဖြင့် လေချဉ်တစ်ချက် တက်လိုက်ပြီးနောက် ရင်ခွင်အတွင်းမှ ကျောက်စိမ်းပေလွှာကို ဂရုတစိုက် ထုတ်ယူလိုက်၏။</p> <p>ဤပေလွှာမှာ လင်းရှန့်က ရမှတ်များစွာ ပေး၍ လဲလှယ်ပေးခဲ့ခြင်း ဖြစ်သဖြင့် နင်တောက်ရန်အတွက် လွန်စွာ အဖိုးတန်လှပေသည်။</p> <p>ဂိုဏ်းမှ ကူးယူထားသော ဤကျောက်စိမ်းပေလွှာများသည် တစ်ကြိမ်သာ အသုံးပြုနိုင်သော အမျိုးအစားများ ဖြစ်ပေရာ  ကျင့်ကြံသူတစ်ဦးက သူ၏ အသိစိတ်ဖြင့် တစ်ကြိမ်ဖွင့်လှစ်လိုက်ပါက အခြားသူတစ်ဦး ထပ်မံဖွင့်လှစ်သည့်အခါ ပေလွှာရှိ တားမြစ်ချက်များမှာ အလိုအလျောက် ပျက်စီးသွားမည် ဖြစ်ချေသည်။</p> <p>သူသည် သူ၏ ဝိညာဉ်စွမ်းအင် အသိစိတ်ကို အသုံးပြု၍ ပေလွှာကို ဖွင့်လိုက်ရာ အတွင်း၌ မှတ်တမ်းတင်ထားသော ‘ထာဝရစိမ်းလန်းခြင်းကျင့်စဉ်’ မှာ သူ၏ စနစ်အတွင်းသို့ အလိုအလျောက် စီးဝင်သွားလေတော့သည်။</p> <p>ယခုအခါ သူ၏ လက်ဝယ်၌ ကျင့်ကြံမှုအချိန် နှစ်ပေါင်း တစ်သောင်းကျော် ကျန်ရှိနေသေးရာ ဤအချိန်အချို့ကို အသုံးပြု၍ ကျင့်ကြံရန် သူ ဆုံးဖြတ်လိုက်ပေသည်။</p> <p> ‘ထာဝရစိမ်းလန်းခြင်းကျင့်စဉ်’ မှာ ကျင့်ကြံရန် လွန်စွာ နှေးကွေးလှသော်လည်း အခြေခံမှာမူ လွန်စွာ ခိုင်မာလှပေသည်။ ထို့ပြင် ဤကျင့်စဉ်ကို အဆင့်မြင့်မြင့် ကျွမ်းကျင်သွားပါက သစ်သားဓာတ် ဝိညာဉ်စွမ်းအားများ ကြွယ်ဝလာပြီး ခန္ဓာကိုယ်ကို အားဖြည့်ပေးကာ အသက်ရှည်စေနိုင်သည်ဟု ဆိုကြပေသည်။</p> <p>သို့သော် အနန္တဂိုဏ်းတစ်ခုလုံးတွင် ဤကျင့်စဉ်ကို ကျင့်ကြံသူ လွန်စွာ နည်းပါးလှ၏။</p> <p>အကြောင်းမူကား အချိန်ကုန်လွန်မှု များပြားရုံသာမက တိုက်ခိုက်ရေးစွမ်းရည် တိုးတက်မှုမှာလည်း လွန်စွာ အားနည်းသောကြောင့် ဖြစ်ပေရာဤကျင့်စဉ်ကို အမြင့်ဆုံးအဆင့်အထိ ကျွမ်းကျင်နေသည့်တိုင်အောင် အခြား တိုက်ခိုက်ရေးကျင့်စဉ်များကို မတတ်မြောက်ပါက အကာအကွယ်မဲ့နေသကဲ့သို့ ဖြစ်နေမည် ဖြစ်ပေသည်။</p> <p>သစ်သားဒြပ်ကျင့်စဉ် ကျင့်ကြံသူတစ်ဦးသည် အုတ်မြစ်တည်ဆောက်ခြင်းအဆင့် နောက်ဆုံးအဆင့်သို့ ရောက်ရှိနေသည့်တိုင်အောင်၊ မီးဓာတ် သို့မဟုတ် သတ္တုဒြပ်ကျင့်ကြံသူ အုတ်မြစ်တည်ဆောက်ခြင်းအဆင့် အစောပိုင်းရှိသူကိုပင် နိုင်ရန် ခဲယဉ်းလှသည်ဟု ဆိုကြပေသည်။</p> <p>သို့သော် နင်တောက်ရန်အတွက်မူ ထိုသို့သော စိုးရိမ်ပူပန်မှုများ မရှိချေ။ သူသည် အချိန်ပိုများကို အသုံးပြု၍ ကျင့်ကြံနိုင်သည် မဟုတ်လား။</p> <p>ဤကျင့်စဉ်ကို လုံလောက်သော အဆင့်တစ်ခုသို့ ရောက်ရှိသွားပါက အသက်ရှည်ခြင်းကို ရရှိနိုင်မည်ဖြစ်သဖြင့် သေဆုံးမည်ကို စိုးရိမ်ရန် မလိုတော့ပေ။ ထို့ပြင် ‘သစ်သားသည် မီးကို ဖြစ်ပေါ်စေသည်’ ဟူသော နိယာမအရ နက်နဲသော ‘ထာဝရစိမ်းလန်းခြင်းကျင့်စဉ်’ သည် နောင်တွင် သူကျင့်ကြံမည့်  ‘နေမင်းအရှိန်အဝါကျင့်စဉ်’ သို့မဟုတ် ‘ စစ်မှန်သောယန်မီးဖိုကျင့်စဉ်’ တို့ကိုလည်း ပိုမို အားကောင်းလာစေမည် ဖြစ်ပေသည်။</p> <p>နင်တောက်ရန်၏ ကျင့်ကြံမှု အစီအစဉ်မှာ ရှင်းလင်းလှပေသည်။ သူသည် ဝိညာဉ်စွမ်းအင်သန့်စင်မှု နောက်ဆုံးအဆင့်သို့ ရောက်ရှိသည့်အခါ ‘နေမင်းအရှိန်အဝါကျင့်စဉ်’ ကို ရယူကာ မီးဒြပ်ကျင့်စဉ်ကို သင်ယူမည် ဖြစ်သည်။</p> <p> ဂိုဏ်း၏ စည်းကမ်းအရ အုတ်မြစ်တည်ဆောက်ခြင်းအဆင့်သို့ ရောက်ရှိပါက လျှို့ဝှက်ကျင့်စဉ် သုံးမျိုးအနက်မှ တစ်ခုကို ရွေးချယ်နိုင်ပေရာ နင်တောက်ရန်၏ ပန်းတိုင်မှာ ‘‌ စစ်မှန် သောယန်မီးဖိုကျင့်စဉ်’ ပင် ဖြစ်ချေတော့သည်။</p> <p>သူသည် တင်ပျဉ်ခွေထိုင်ကာ မျက်လုံးများကို ဖြည်းညင်းစွာ ပိတ်လိုက်ပြီး ကျင့်ကြံမှုအချိန်များကို စတင် အသုံးပြုလိုက်လေသည်။</p> <p>【(၄)နှစ်တွင် အရှင်သည် ထာဝရစိမ်းလန်းခြင်းကျင့်စဉ်ကို ကြည့်ကာ ယခင်က မြင်ဖူးသကဲ့သို့ ရင်းနှီးသော ခံစားချက်ကို ရရှိသည်။ ဤကျင့်စဉ်မှာ အရှင့်အတွက်သာ ရည်ရွယ်ထားသကဲ့သို့ ခံစားရပြီး အရှင်၏ သစ်သားဝိညာဉ်အမြစ်မှာလည်း လှုပ်ခတ်လာခဲ့ပါပြီ။】</p> <p>[ထာဝရစိမ်းလန်းခြင်းကျင့်စဉ် - မြေအဆင့် အထက်တန်း (အဆင့် ၁)]</p> <p>【(၁၉) နှစ်မြောက်တွင် အရှင်သည် ကျင့်စဉ်ပေလွှာကို အဖန်ဖန် ဖတ်ရှုကာ ယင်း၏ နက်နဲမှုများကို သဘောပေါက်လာခဲ့ပါပြီ။ အရှင်၏ သစ်သားဝိညာဉ်အမြစ်မှာ ပိုမိုသန်မာလာပြီး ခန္ဓာကိုယ်အတွင်းရှိ သစ်သားဝိညာဉ်စွမ်းအားများမှာလည်း တဖြည်းဖြည်း ကြွယ်ဝလာခဲ့ပါပြီ။】</p> <p>[ထာဝရစိမ်းလန်းခြင်းကျင့်စဉ် - မြေအဆင့် အထက်တန်း (အဆင့် ၂)]</p> <p>“ဟေ...”</p> <p>နင်တောက်ရန်မှာ အနည်းငယ် ဇဝေဇဝါ ဖြစ်သွားမိ၏။ ဤမျှ မြန်ဆန်လှသလား။ မိမိတွင် ဤကျင့်စဉ်နှင့် လိုက်ဖက်သော ထူးကဲသည့် ပါရမီများ ရှိနေသလားဟုပင် တွေးတောမိပေသည်။</p> <p> အခြေအနေမှာ ဤသို့ဖြစ်နေလျှင် ဆက်လက်၍သာ ကျင့်ကြံအားထုတ်သွားမည် ဖြစ်ပေသည်။ မည်သို့ပင်ဆိုစေ သူ၏ လက်ဝယ်၌ ကျင့်ကြံမှုအချိန်များစွာ ကျန်ရှိနေသေးသည် မဟုတ်ပါလား။ ‘မူလသဘာဝသို့ ပြန်လည်ရောက်ရှိခြင်း’ အဆင့်ရှိ ခန္ဓာကိုယ်ကြံ့ခိုင်မှုကျင့်စဉ်အတွက်မူ နောက်ထပ် အနည်းငယ်မျှ ထပ်မံ စောင့်ဆိုင်းရဦးမည် ဖြစ်ပေသည်။</p> <p>သို့သော် ယခုမူ ဤထာဝရစိမ်းလန်းခြင်းကျင့်စဉ်ကိုသာ အာရုံစိုက် ကျင့်ကြံသွားမည် ဖြစ်ချေတော့သတည်း။</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save