Book List

<h2 style="text-align: center;">အခန်း (၁၉)</h2> <h2 style="text-align: center;">ကြွေထည်အက်ကြောင်းကလေးများ</h2> <h2 style="text-align: center;">*</h2> <p> </p> <p>ထိုလှံချက်မှာ လျင်မြန်လွန်းလှ၏။ ဓားပြဗိုလ်ခေါင်းဆောင်မှာ ထိတ်လန့်တုန်လှုပ်သွားရုံမက ဒေါသလည်း အလွန်ထွက်သွားပေရာ သူ၏ မျက်နှာရှိ အသက်သွေးကြောနေရာကို ကာကွယ်ရန် လက်ဝဲဘက်လက်မောင်းကိုသာ အတင်းအကျပ် မြှောက်၍ ခုခံလိုက်ရချေတော့သည်။</p> <p>"ဒုန်း..."</p> <p>အသံခပ်အုပ်အုပ်နှင့်အတူ သွေးစများမှာ နေရာအနှံ့သို့ လွင့်စင်သွားတော့သည်။</p> <p>ဓားပြဗိုလ်မှာ ပြင်းထန်သော နာကျင်မှုကို ခံစားလိုက်ရပေရာ သူ၏ လက်ဝဲဘက်လက်မောင်းမှာ အသားစိုင်အဖတ်ဖတ်နှင့် သွေးချင်းချင်းနီသွားခဲ့ရုံမက၊ လှံဦးမှာလည်း သူ၏မျက်နှာထက်၌ လက်မအနည်းငယ်ခန့် နက်သော ဒဏ်ရာကြီးတစ်ခုကို ထုဆစ်သွားခဲ့ချေပြီ။</p> <p>"မင်း... မင်းက..."</p> <p>သူသည် နာကျင်မှုကြောင့် နောက်သို့ ဆုတ်ခွာရင်းညာဘက်လက်ဖြင့် သိုလှောင်အိတ်ကို အကြိမ်ကြိမ် ပုတ်လိုက်ရာ လှံရှည်တစ်စင်းမှာ လေထုထဲ၌ ရုတ်တရက် ပေါ်ပေါက်လာခဲ့၏။ သူသည် ထိုလှံကို ကျစ်ကျစ်ပါအောင် ဆုပ်ကိုင်ကာ မှော်စွမ်းအားများကို သွန်းလောင်းလိုက်ရာ လှံတံမှာ မြည်ဟည်းတုန်ခါသွားတော့သည်။</p> <p>သို့သော်လည်း နင်တောက်ရန်မှာ တစ်ဖက်လူအား တုံ့ပြန်ရန် အခွင့်အရေးပေးလိမ့်မည် မဟုတ်ပေ။ ဒုတိယလှံချက်မှာ ထိုသူ၏ ဦးခေါင်းတည့်တည့်သို့ ပြင်းထန်စွာ ကျရောက်လာပြန်ချေပြီ။</p> <p>"ချလွမ်..."</p> <p>လှံနှစ်စင်း ထိပ်တိုက်တွေ့ဆုံသွားကာ မီးပွင့်များပင် လွင့်စင်သွားရ၏။ ထိုဒဏ်မှာ အလွန်တရာ ပြင်းထန်လှပေရာ အခန်းအတွင်းရှိ ပစ္စည်းပရိဘောဂများမှာလည်း ဟိုတစ်စ သည်တစ်စ လွင့်စင်ကုန်ကြကုန်၏။</p> <p>"ဝူး..."</p> <p>လေထုကို ဖြတ်သန်းသွားသော စူးရှသည့် လေတိုးသံမှာ ပိုမိုကျယ်လောင်လာခဲ့ရာ တတိယလှံချက်ကို ပစ်လွှတ်လိုက်ပြီ ဖြစ်ပေသည်။</p> <p>ဓားပြဗိုလ်မှာ တစ်ကိုယ်လုံး ကြက်သီးမွေးညင်းများ ထသွားကာ သေမင်း၏ အရိပ်အယောင်မှာ သူ၏ ရင်ဘတ်အတွင်းသို့ စိမ့်ဝင်လာခဲ့ချေပြီ။</p> <p>သူသည် လက်ကောက်ဝတ်ကို အသာအယာ လှည့်ကာ ပြိုင်ဘက်၏ ဝမ်းဗိုက်ဆီသို့ ပြင်းထန်သော လှံချက်တစ်ခုဖြင့် တုံ့ပြန်လိုက်၏။</p> <p>ဤဓားပြဗိုလ် ခေါင်းဆောင်မှာ လှံသိုင်းပညာ၌ အတော်ပင် ကျွမ်းကျင်လှပေရာ လှံချက်နှင့်အတူ သွေးရောင်လွှမ်းသော ဝိညာဉ်စွမ်းအင်တစ်ခုမှာလည်း သွေးနီရောင်အလင်းတန်းအဖြစ် ပြောင်းလဲသွားကာ နင်တောက်ရန်၏ ကျောပြင်ဆီသို့ တဟုန်ထိုး ပြေးဝင်လာခဲ့ချေသည်။</p> <p>နင်တောက်ရန်၏ မျက်ခွံများမှာ ချက်ချင်းပင် တုန်ခါသွားကာ သူ၏ ' အပြာရောင်နဂါးဝိညာဥ်လှံ' ဖြင့် တစ်ဖက်လူ၏ လှံကို ခါထုတ်လိုက်၏။</p> <p> တစ်ချိန်တည်းမှာပင် သူ၏ လက်ဝဲဘက်လက်ကို ဖြန့်လိုက်ရာ ရွှေရောင်ခန္ဓာကိုယ်ကြံ့ခိုင်မှု ဝိညာဉ်စွမ်းအားများမှာ သူ့အား ဖုံးလွှမ်းသွားပြီး ထိုသွေးနီရောင် အလင်းတန်းကို တိုက်ရိုက်ပင် လှမ်းဖမ်းလိုက်တော့သည်။</p> <p>"မှားသွားပြီ..."</p> <p>ရုတ်တရက် သူ၏ နှလုံးသားမှာ လေးလံသွားခဲ့ရ၏။ သူဖမ်းဆီးထားသော အရာမှာ အလွန်လျင်မြန်စွာ လည်ပတ်နေပေရာ သူ၏ လက်ဖဝါးကိုပင် လှီးဖြတ်နေတော့သည်။</p> <p>မူလသဘာဝသို့ ပြန်လည်ရောက်ရှိသော ခန္ဓာကိုယ်ကြံ့ခိုင်မှုကျင့်စဉ်ဖြင့် ကာကွယ်ထားသည့်တိုင်အောင် နင်တောက်ရန်မှာ အရေပြားများ ပွတ်တိုက်ခံရကာ ဒဏ်ရာမှာ အရိုးအထိ ရောက်ရှိသွားသည်ကို ခံစားလိုက်ရပေသည်။</p> <p>ယင်းကား အနည်းဆုံး အဆင့်မြင့် ဝိညာဉ်လက်နက်တစ်ခု ဖြစ်ပေသည်။</p> <p>"သွားစမ်း"</p> <p>နင်တောက်ရန်သည် ညာဘက်လက်မှ ခွန်အားကို ရုတ်တရက် ထုတ်ဖော်လိုက်ရာ အပြာရောင်နဂါးဝိညာဥ်လှံမှာ စူးရှသောအသံနှင့်အတူ ဓားပြဗိုလ်ခေါင်းဆောင်၏ ညာဘက်လက်မောင်းကို ထွင်းဖောက်ကာ နောက်ကွယ်ရှိ နံရံတွင် တစ်ပါတည်း တွဲလျက်သား ကပ်သွားစေတော့သည်။</p> <p>ထိုခဏ၌ပင် သူ၏ ကျောဘက်ရှိ ဓားအိမ်မှာ မြည်ဟည်းသွားပြီးနောက် 'ချိုးရွှေဓား' မှာ အပြင်သို့ ထွက်ပေါ်လာချေပြီ။ သူသည် ထိုဓားကို ဆုပ်ကိုင်ကာ ထာဝရစိမ်းလန်းခြင်းကျင့်စဉ်၏ သစ်သားဒြပ်စွမ်းအားများကို အရှိန်အဟုန်ဖြင့် သွန်းလောင်းလိုက်ပြီး ဓားကို ကန့်လန့်ဖြတ် ဝှေ့ယမ်းလိုက်၏။</p> <p>"ဗြစ်"</p> <p>သွေးများ လွင့်စင်သွားကာ ဓားပြဗိုလ်ခေါင်းဆောင်၏ ဦးခေါင်းမှာ လည်ပင်းမှ ပြတ်တောက်၍ လိမ့်ဆင်းသွားတော့သည်။</p> <p> ဓားပြဗိုလ်ခေါင်းဆောင် သေဆုံးသွားသည်နှင့်တစ်ပြိုင်နက် နင်တောက်ရန်၏ ဘယ်ဘက်လက်အတွင်းရှိ ပြင်းထန်လှသော ဝိညာဉ်လက်နက်မှာလည်း အလုပ်လုပ်ခြင်း ရပ်တန့်သွားကာ လက်ဖဝါးတစ်ဝက်ခန့်ရှိသော ကြွေထည်အက်ကြောင်းကလေးတစ်ခုအဖြစ်သို့ ပြောင်းလဲသွားချေပြီ။</p> <p>ယင်းက ပြင်းထန်သော မှော်စွမ်းအင်လှိုင်းများကို ထုတ်လွှတ်နေပေရာ ဝိညာဉ်လက်နက်စစ်စစ်ပင် ဖြစ်ချေသည်။</p> <p>သူသည် ဓားပြဗိုလ်၏ ဝိညာဉ်ကို ရှာဖွေစူးစမ်းကာ ရတနာအားလုံးကို ယူဆောင်ပြီးနောက် ညဉ့်မှောင်အတွင်းသို့ ပျောက်ကွယ်သွားလေတော့သည်။</p> <p>---</p> <p>"သမင်ကြီး... အိမ်ပြန်ကြစို့"</p> <p>စခန်းပြင်ပသို့ ရောက်သောအခါ နင်တောက်ရန်က ခပ်တိုးတိုး အမိန့်ပေးလိုက်ရာ လူနှင့် သမင်တို့မှာ မျက်စိတစ်မှိတ်အတွင်း ညဉ့်မှောင်အတွင်းသို့ ပျောက်ကွယ်သွားကြချေပြီ။</p> <p>အရုဏ်တက်ချိန်၌ ဂိုဏ်းသို့ ပြန်လည်ရောက်ရှိလာကာ အပြင်စည်းတပည့်ဝတ်စုံကို လဲလှယ်ပြီးနောက် ချုန်းပီတောင်ထိပ်သို့ ပြန်လာခဲ့လေသည်။</p> <p>နင်တောက်ရန်သည် ရရှိလာသော လက်ရဖန်များကို စတင်စစ်ဆေးကြည့်ရာ လေပွေနက်စခန်း၏ ခေါင်းဆောင်ဖြစ်သည့်အတိုင်း ဝိညာဉ်ကျောက်တုံး ၃၀၀ ကျော် ပါဝင်နေပေရာ သူ၏ လက်ဝယ်ရှိ ကျောက်တုံးစုစုပေါင်းမှာ ၄၀၀ ကျော်သွားခဲ့ချေပြီ။</p> <p>သို့သော် အကြီးမားဆုံးသော ရလဒ်မှာ ဓားပြဗိုလ်ခေါင်းဆောင်၏ ခါးရှိ သိုလှောင်အိတ်ပင် ဖြစ်ပေသည်။</p> <p>အတွင်းရှိ မှတ်သားချက်ကို ဖျက်ဆီးပြီးနောက် စစ်ဆေးကြည့်ရာ ထိုအိတ်မှာ ငါးမီတာပတ်လည်ခန့် ကျယ်ဝန်းပေရာ အလတ်စား သိုလှောင်အိတ်ဟု ဆိုနိုင်ပေသည်။</p> <p> ယင်းအပြင် အတွင်း၌ အနိမ့်တန်း ဝိညာဉ်လက်နက် နှစ်ခုနှင့် 'ငွေနဂါးလှံသိုင်းကျင့်စဥ်' အမည်ရှိ မြေအဆင့် အလယ်တန်း သိုင်းကျမ်းတစ်စောင်ကိုလည်း တွေ့ရှိရပေသည်။</p> <p>သို့သော် နင်တောက်ရန်ကို အံ့အားသင့်စေသည်မှာ သူ့ကို ဒဏ်ရာရစေခဲ့သော ကြွေထည်အက်ကြောင်းကလေးပင် ဖြစ်၏။</p> <p>ယင်းကား ပထမတန်းစား အဆင့်မြင့် ဝိညာဉ်လက်နက်တစ်ခု ဖြစ်ပေရာ အစအနကလေးမျှသာ ဖြစ်သော်လည်း တတိယတန်းစား သို့မဟုတ် စတုတ္ထတန်းစား ဝိညာဉ်ရတနာတစ်ခု၏ အစိတ်အပိုင်း ဖြစ်တန်ရာသည်။ မဟုတ်လျှင် ဤမျှ ပြင်းထန်သော စွမ်းအားမျိုး ရှိလိမ့်မည် မဟုတ်ချေ။</p> <p>ထိုသို့သော ရတနာမျိုးမှာ အသံတိတ် လူသတ်ရန် အလွန်ပင် ကောင်းမွန်လှပေရာ သန့်စင်ပြီးပါက သူ၏ အဖိုးတန်ဝှက်ဖဲတစ်ခု ဖြစ်လာပေလိမ့်မည်။</p> <p>အခြားသော ဝိညာဉ်လက်နက် နှစ်ခုဖြစ်သည့် ပိုးလက်ကိုင်ပုဝါနှင့် ဖီးနစ်ဆံထိုးတို့ကိုမူ သူစိတ်မဝင်စားလှပေ။ 'ယောက်ျားသားတစ်ဦးက ဒါမျိုးတွေကို သုံးနေရင် လူရယ်စရာ ဖြစ်နေပါလိမ့်မယ်' ဟု သူတွေးမိလေသည်။</p> <p>ထိုစဉ် သူ၏ဘေးရှိ သမင်ကြီးမှာလည်း ထိုရတနာများကို မျက်လုံးအဝိုင်းသားနှင့် ကြည့်နေသည်ကို သတိပြုမိသွား၏။ မိုးသည်းထန်စွာ ရွာသွန်းမှုကြောင့် သန့်စင်သွားသော သမင်ကြီး၏ အမွေးများမှာ ဆီးနှင်းကဲ့သို့ ဖြူဖွေးနေပြီး လှပသော အပြောက်အမွှမ်းများဖြင့် ဝေဆာနေပေရာ အဆင့်မြင့် ဝိညာဉ်သားရဲတစ်ကောင်နှင့်ပင် တူနေတော့သည်။</p> <p>"ဟင်... သမင်ကြီး၊ မင်းက တကယ်တော့ အဖြူရောင်ကြီးလား"</p> <p>"အူး~~~" သမင်ကြီးက မကျေမနပ် ပြန်ထူးလေသည်။ သူက မူလကတည်းက အဖြူရောင် ဖြစ်သော်လည်း ဆယ်နှစ်တိုင်တိုင် ရေမချိုးခဲ့သဖြင့် ညစ်ပတ်နေခြင်းသာ ဖြစ်ပေရာ -</p> <p>"ဟားဟား... ရပါတယ်၊ ဘယ်အရောင်ဖြစ်ဖြစ် ကိစ္စမရှိပါဘူး" နင်တောက်ရန်က သမင်ကြီး၏ ဦးခေါင်းကို အားရပါးရ ပွတ်သပ်ပေးလိုက်လေတော့သည်။</p> <p>---</p> <p>မြေအောက် လျှို့ဝှက်ခန်းအတွင်း၌ နင်တောက်ရန်သည် ထိုကြွေထည်အက်ကြောင်းကို စတင်သန့်စင်လေသည်။</p> <p>ထာဝရစိမ်းလန်းခြင်းကျင့်စဉ်၏ စွမ်းအားများဖြင့် ဓားပြဗိုလ်ခေါင်းဆောင်၏ ကျန်ရှိနေသော စိတ်အမှတ်အသားကို ဖျက်ဆီးပစ်လိုက်၏။</p> <p> တစ်နာရီခန့်အကြာတွင် သန့်စင်ခြင်း ပြီးမြောက်သွားပြီးနောက် သူသည် စမ်းသပ်ကြည့်ရာ ထိုကြွေထည်စကလေးမှာ လေထုအတွင်း၌ ပုံတူကလေးတစ်ခုကဲ့သို့ တဟုန်ထိုး လည်ပတ်နေကာ လေတိုးသံများပင် ထွက်ပေါ်လာချေသည်။</p> <p>ယင်းကဲ့သို့သော ရတနာမျိုးမှာ အရိပ်အယောင်မပြဘဲ လူသတ်နိုင်စွမ်း ရှိပေရာ အခွင့်သာလျှင်အုတ်မြစ်တည်‌‌ဆောက်ခြင်းအဆင့် ပညာရှင်တစ်ဦးကိုပင် ဒုက္ခပေးနိုင်စွမ်း ရှိပေလိမ့်မည်။</p> <p>"ဟူး..."</p> <p>သူသည် ကုလားထိုင်၌ မှီချလိုက်ရင်း ထိုနေ့က ဖြစ်ရပ်များကို ပြန်လည်သုံးသပ်မိလေသည်။</p> <p> လေပွေနက်စခန်းကို အငိုက်ဖမ်း တိုက်ခိုက်ခဲ့ခြင်းမှာ စွန့်စားရာ ရောက်သော်လည်း နောင်ရေးအတွက်မူ အမြဲတမ်း ပြေလည်သွားစေသည့် နည်းလမ်းပင် ဖြစ်ပေရာ ယခုမူ သူသည် ချုန်းပီတောင်ထိပ်၌ တစ်နှစ်ခန့် ငြိမ်သက်စွာ နေထိုင်ရန် ဆုံးဖြတ်လိုက်ပါတော့သည်။</p> <p>---</p> <p>အချိန်ကာလမှာ လျင်မြန်စွာ ကုန်ဆုံးသွားခဲ့ရာ နောက်ထပ် တစ်နှစ်မှာ မျက်စိတစ်မှိတ်အတွင်း ကုန်လွန်သွားခဲ့ချေပြီ။</p> <p>နင်တောက်ရန်သည် မိမိစုဆောင်းထားသော ကျင့်ကြံမှုအချိန်များကို အသုံးပြု၍ 'ငွေနဂါးလှံသိုင်း' ကို စတင်ကျင့်ကြံလေသည်။</p> <p>【(၁)နှစ်တွင် အရှင်သည် ထိုသိုင်းကျမ်းကို ကြည့်ကာ စိတ်လှုပ်ရှားခဲ့သော်လည်း ကျင့်ကြံရန် မလွယ်ကူကြောင်း သိရှိသွားခဲ့သည်။】</p> <p>【(၆)နှစ်မြောက်တွင် အရှင်သည် အခြေခံအဆင့်ကို တတ်မြောက်သွားခဲ့ပါသည်။】</p> <p>【နှစ်ပေါင်း ၂၈ နှစ် ကြာသောအခါ အရှင်၏ လှံသိုင်းမှာ ဝင်းအတွင်း၌ သစ်ရွက်ခြောက်များကို လွင့်စင်စေနိုင်သည့်အထိ ကျွမ်းကျင်လာခဲ့ပါပြီ။】</p> <p>【နှစ်ပေါင်း ၁၀၃၃ တွင် အရှင်၏ လှံသိုင်းမှာ စစ်မြေပြင်၌ ရန်သူပေါင်းများစွာကို နှိမ်နင်းနိုင်သော စစ်သူကြီးတစ်ဦး၏ အရှိန်အဝါမျိုး ရရှိလာခဲ့ပါသည်။】</p> <p>【နှစ်ပေါင်း ၄၅၆၀ သို့ ရောက်သောအခါ အရှင်သည် မြစ်ကမ်းနား၌ ဒီရေအတက်အကျကို ကြည့်ရင်း အသိဉာဏ်ပွင့်လင်းသွားကာ၊ အရှင်၏ လှံသိုင်းမှာ သဘာဝတရားနှင့် တစ်သားတည်း ဖြစ်သွားခဲ့ပါပြီ။】</p> <p>[ငွေနဂါးလှံသိုင်း - မြေအဆင့် အလယ်တန်း (ပြီးပြည့်စုံခြင်း)]</p> <p>နင်တောက်ရန်မှာ သက်ပြင်းတစ်ချက် ချလိုက်မိ၏။ မည်သည့်အတွက်ကြောင့် ထူးကဲသော ပညာရပ်တိုင်းမှာ နှစ်ပေါင်း ထောင်ချီ၍ ကြာမြင့်နေရသနည်းဟု သူတွေးမိလေသည်။</p> <p>သို့သော်လည်း သူသည် ထိုလှံသိုင်းကို လက်တွေ့လေ့ကျင့်ကြည့်ရာ - လှံဦးမှ ထွက်ပေါ်လာသော အဖြူရောင် အလင်းတန်းများမှာ မိုးရေစက်များကိုပင် ခန္ဓာကိုယ်သို့ မကပ်စေနိုင်တော့ချေ။</p> <p>သမင်ကြီးမှာလည်း သူ၏ အစ်ကိုကြီးမှာ လက်နက်မျိုးစုံ ကျွမ်းကျင်လှသည်ကို ကြည့်ကာ အံ့ဩတအံ့တဩ ဖြစ်နေတော့သတည်း။</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save