Book List

<h2 style="text-align: center;">အခန်း (၂၀)</h2> <h2 style="text-align: center;">ဝမ့်မိသားစု၏ စည်းရုံးသိမ်းသွင်းမှု</h2> <h2 style="text-align: center;">*</h2> <p> </p> <p>ဆောင်းဦးနံနက်ခင်းတစ်ခုတွင် မြူနှင်းများမှာ ပတ်ဝန်းကျင်၌ ဝေဆာလျက်ရှိပေသည်။</p> <p>နင်တောက်ရန်သည် ဝင်းအတွင်းရှိ စင်တွင် တွဲလောင်းကျနေသော သခွားသီးတစ်လုံးကို ဆတ်ခနဲ လိမ်ယူလိုက်ပြီး ရေဖြင့် အသာအယာ ဆေးကြောကာ တကျွတ်ကျွတ် ဝါးစားနေတော့သည်။</p> <p>ထိုစဉ် သူသည် လွန်ခဲ့သော ဘဝဟောင်းက ကျေးလက်တောရွာတွင် နေထိုင်ခဲ့စဉ်က နံနက်တိုင်း အဖွား၏ သခွားခင်းထဲသို့ သွားရောက်ကြည့်ရှုခဲ့ရပုံကို သတိရမိသွား၏။</p> <p>ထိုသို့ အောက်မေ့သတိရခြင်းနှင့်အတူ ကဗျာဉာဏ်တို့ ပွင့်လင်းလာကာ ရေရွတ်လိုက်မိသည်။</p> <p>"မုန်တိုင်းထန်လည်း မူလရည်မှန်းချက် မပျက်ပေ၊ သခွားသီး တစ်ပိဿာ နှစ်ကျပ်ခွဲပါ"</p> <p>"ဟင်..."</p> <p>နောက်မှီကုလားထိုင်ပေါ်၌ ထိုင်ကာ သခွားသီးစားနေသော သမင်ကြီးမှာ လန့်ဖျတ်သွားပြီး မျက်လုံးအဝိုင်းသားနှင့် ကြည့်ရှုနေတော့သည်။</p> <p>'ငါ့အစ်ကိုကြီးကတော့ တကယ့်ကို စာပေနှံ့စပ်တဲ့သူပဲ၊ ဒီလောက် ကာရံနရီညီတဲ့ ကဗျာမျိုးကို ငါဆိုရင် ဘယ်လိုမှ စပ်ဆိုနိုင်မှာ မဟုတ်ဘူး' ဟု သမင်ကြီးက တွေးမိပုံရပေသည်။</p> <p>"ဟော..."</p> <p>နင်တောက်ရန်သည် သူ၏ အသိစိတ်ကို ဖြန့်ကြက်လိုက်ရာ ဝိညာဉ်လယ်ကွင်း (၈၀) ဘက်မှ ဝိညာဉ်စွမ်းအင် အရှိန်အဝါတစ်ခု ကောင်းကင်သို့ ထိုးတက်သွားသည်ကို ခံစားလိုက်ရ၏။ တစ်စုံတစ်ဦး ကျင့်ကြံမှုအဆင့် တက်လှမ်းသွားချေပြီ။</p> <p>မမျှော်လင့်ဘဲ ထိုသူမှာ ဝိညာဉ်စွမ်းအင်သန့်စင်မှု အဆင့် (၆) ၌ ရှိနေသော ဟုန်မင် ပင် ဖြစ်ပေသည်။ ယခုအခါ သူသည် အဆင့် (၇) သို့ ရောက်ရှိသွားကာ နောက်ဆုံးအဆင့် ကျင့်ကြံသူတစ်ဦး ဖြစ်လာခဲ့ချေပြီ။</p> <p>ချုန်းပီတောင်ထိပ်ရှိ အနီးအနားမှ လယ်သမားများမှာလည်း ဝမ်းမြောက်ဝမ်းသာ သွားရောက်ဂုဏ်ပြုကြလေသည်။</p> <p>မာချွမ်ယိုက ရယ်မောလျက် "မိတ်ဆွေဟုန်... အဆင့် (၇) ကို ရောက်သွားတာ ဂုဏ်ယူပါတယ်၊ နောင်မှာ အခြေတည်အဆင့်ကိုတောင် မျှော်လင့်လို့ ရနေပြီပဲ" ဟု ဆိုကာ ဂုဏ်ပြုလေသည်။ ဟွမ်ရှန်ကလည်း အားကျသော မျက်နှာထားဖြင့် "မိတ်ဆွေဟုန်က အခုဆိုရင် ချုန်းပီတောင်ထိပ်ရဲ့ နံပါတ်တစ် ကျင့်ကြံသူ ဖြစ်သွားပြီပဲ၊ ကျွန်တော်တို့အတွက်လည်း ဂုဏ်ယူစရာပါပဲ" ဟု ဆိုချေသည်။</p> <p>နင်တောက်ရန်မှာမူ လက်အုပ်ချီလျက် "ဂုဏ်ယူပါတယ် မိတ်ဆွေ... မသေမျိုးလမ်းစဉ်မှာ ထာဝရ အောင်မြင်ပါစေ" ဟု ရိုးရှင်းစွာ ဂုဏ်ပြုလိုက်၏။</p> <p> လူတိုင်းက ဂုဏ်ပြုရုံသာမက လက်ဆောင်ပစ္စည်းများပါ ပေးအပ်ကြရာ မာချွမ်ယိုနှင့် ဟွမ်ရှန်တို့က ဝိညာဉ်ကျောက်တုံး နှစ်တုံးစီ ပေးကြသော်လည်း နင်တောက်ရန်ကမူ 'စိမ်းလဲ့ဝါး ဝိညာဉ်ဆန်' ဆယ်ပိဿာ ပေးအပ်လိုက်ပေသည်။</p> <p>ယင်းက ဈေးကွက်ပေါက်ဈေးအရ အခြားသူများထက် ပိုမိုတန်ဖိုးရှိလှပေရာ နင်တောက်ရန်၏ စေတနာမှာ သိသာလှချေသည်။</p> <p>---</p> <p>ချုန်းပီတောင်ထိပ်ရှိ ဘဝမှာ အေးချမ်းစွာ ဆက်လက်တည်ရှိနေမည်ဟု ထင်မှတ်ထားကြသော်လည်း ရုတ်တရက် အပြောင်းအလဲတစ်ခု ဖြစ်ပေါ်လာခဲ့၏။</p> <p> ညနေခင်းတစ်ခုတွင် ဟုန်မင်သည် သူ၏ ပစ္စည်းပစ္စယများကို သိမ်းဆည်းကာ နှစ်ပေါင်းများစွာ နေထိုင်ခဲ့သော လယ်ယာဝင်းမှ အလျင်အမြန် ထွက်ခွာသွားခဲ့ချေပြီ။</p> <p>ကျူံးယန်ကို မေးမြန်းကြည့်ရာတွင်လည်း ဟုန်မင်မှာ အတွေ့အကြုံသစ်များ ရှာဖွေရန် ထွက်သွားခြင်းဖြစ်သည်ဟုသာ ဝေဝါးစွာ ဖြေကြားလေသည်။</p> <p>နင်တောက်ရန်မှာမူ ဟုန်မင် အဘယ်ကြောင့် ထွက်သွားသည်ကို သိရှိနေသော်လည်း လူတိုင်း၌ မိမိတို့၏ ကံကြမ္မာ ရှိကြသည်ဖြစ်ရာ သူ ဝင်ရောက်စွက်ဖက်ခြင်း မပြုတော့ချေ။</p> <p>တစ်နှစ်တာ ကုန်လွန်သွားခဲ့ရာ လေပွေနက်စခန်းမှ ခေါင်းဆောင်နှစ်ဦး သေဆုံးမှုမှာလည်း ငြိမ်သက်သွားခဲ့ချေပြီ။</p> <p>ထိုစခန်းမှာ အချင်းချင်း အာဏာလုကြရင်း ကျင့်ကြံသူအားလုံး သေကျေပျက်စီးကုန်ကာ ယခုအခါ သာမန်ရွာသားများကိုသာ အနိုင်ကျင့်တတ်သော လူရမ်းကားအုပ်စုအဖြစ်သို့ ရောက်ရှိသွားခဲ့ပြီ ဖြစ်ပေသည်။</p> <p> မိမိ၏ "ရာဇဝတ်မှု" မှာလည်း လုံးဝ ဖုံးကွယ်သွားပြီ ဖြစ်ပေရာ ယခုမူ တောင်ပေါ်မှ ဆင်းရန် ဘေးကင်းပြီ ဖြစ်ချေသည်။</p> <p>ထိုနေ့တွင် နင်တောက်ရန်သည် သမင်ကြီးကို ခေါ်ဆောင်ကာ တောင်ပေါ်မှ ဆင်းလာခဲ့၏။ သူ၏ သိုလှောင်အိတ်အတွင်း၌ ဝိညာဉ်ဆန်များ၊ ဝိညာဉ်လက်နက်များနှင့် ဝိညာဉ်ငါးများ ပါရှိလာပေသည်။</p> <p>တောင်ပေါ်မှ ဆင်းရခြင်း၏ အဓိက ရည်ရွယ်ချက်မှာ လက်ရဖန်ပစ္စည်းများကို ရောင်းချရန်နှင့် 'ပျံသန်းနိုင်သော ဝိညာဉ်လက်နက်' တစ်ခု ဝယ်ယူရန်ပင် ဖြစ်တော့သည်။</p> <p>---</p> <p>"ချင်းဖူးဖန့်"</p> <p>နင်တောက်ရန်သည် ချင်းဖူးဖန့်သို့ ရောက်ရှိသောအခါ အသက် (၁၇) နှစ်ခန့်ရှိသော အလွန်လှပသော မိန်းကလေးတစ်ဦးက လာရောက်ကြိုဆိုလေသည်။</p> <p>သူမ၏ အမည်မှာ ချန်ဖျင်အာ ဖြစ်ပြီး ဝိညာဉ်စွမ်းအင်သန့်စင်မှု အဆင့် (၂) ၌ ရှိနေသူ ဖြစ်ပေသည်။</p> <p>"ကျွန်တော့်နာမည် နင်တောက်ရန်ပါ၊ အနန္တဂိုဏ်းက အပြင်စည်းတပည့်ပါ၊ ပျံသန်းနိုင်တဲ့ ဝိညာဉ်လက်နက်တစ်ခု ဝယ်ချင်လို့ပါ"</p> <p>ချန်ဖျင်အာသည် ပြုံးလျက် နင်တောက်ရန်အား ဆိုင်အတွင်းသို့ ခေါ်ဆောင်သွားရာ ဆိုင်အတွင်း၌ သစ်ရွက်ပုံ၊ ယပ်တောင်ပုံ၊ လက်ကိုင်ပုဝါပုံစံ အမျိုးမျိုးသော ပျံသန်းရေးလက်နက်များ ဝေဆာလျက် ရှိနေပေသည်။</p> <p> နောက်ဆုံး၌ နင်တောက်ရန်သည် ကျောက်စိမ်းကဲ့သို့ စိမ်းလဲ့နေသော 'ဝါးရွက်စိမ်း' ပုံစံ ဝိညာဉ်လက်နက်တစ်ခုကို သဘောကျသွား၏။</p> <p>"ဒါက 'စိမ်းလဲ့ဝါးရွက်' ပါ၊ ပထမတန်းစား အလယ်အလတ်အဆင့် ဝိညာဉ်လက်နက် ဖြစ်ပြီး နှစ်ပေါင်းတစ်ထောင်သက်တမ်းရှိတဲ့ ဝါးရွက်နဲ့ လုပ်ထားတာပါ၊ ပျံသန်းနှုန်း မြန်သလို ဝိညာဉ်စွမ်းအားကိုလည်း အကုန်အသက်သာဆုံးပါပဲ" ဟု ချန်ဖျင်အာက ရှင်းပြလေသည်။</p> <p>ဈေးနှုန်းမှာ ဝိညာဉ်ကျောက်တုံး ၂၇၀ ဖြစ်ပေရာ နင်တောက်ရန်က သဘောတူလိုက်၏။</p> <p>ထို့နောက် သူသည် မိမိစိုက်ပျိုးထားသော ဝိညာဉ်ဆန် ပိဿာတစ်ရာကိုလည်း ရောင်းချခဲ့ရာ ဝိညာဉ်ကျောက်တုံး ၅၀ ပြန်လည် ရရှိခဲ့ချေပြီ။</p> <p>---</p> <p>နင်တောက်ရန်သည် ဟွမ်လုံဈေး၏ အဓိကလမ်းမကြီးပေါ်၌ လမ်းလျှောက်နေစဉ် ရုတ်တရက် မျက်နှာနီမြန်းသော အမျိုးသားတစ်ဦးက လာရောက် နှုတ်ဆက်လေသည်။</p> <p>"မိတ်ဆွေ... ကျွန်တော့် သခင်လေးက မိတ်ဆွေနဲ့ စကားပြောချင်လို့ ဖိတ်ခေါ်ခိုင်းလိုက်ပါတယ်"</p> <p>ထိုသူမှာ သူဌေးအိမ်မှ အစေခံတစ်ဦးဖြစ်ပြီး အဆင့် (၃) ၌ ရှိနေသူ ဖြစ်ပေသည်။ နင်တောက်ရန်မှာ အနည်းငယ် တွေဝေသွားသော်လည်း ငြင်းပယ်လိုက်ပါက ပြဿနာတက်နိုင်သည်ဟု ယူဆကာ လိုက်ပါသွားခဲ့လေသည်။</p> <p>သူတို့ ရောက်ရှိသွားသော နေရာမှာ ဟွမ်လုံဈေး၏ အချက်အချာကျသော နေရာရှိ 'မင်ရှန်းခန်းမ' ဟု အမည်ရသော လက်ဖက်ရည်ဆိုင် ဖြစ်ပေသည်။</p> <p>ထိုနေရာ၌ ဝတ်စုံဖြူဝတ် လူငယ်တစ်ဦးက စောင့်ကြိုနေ၏။ "ကျွန်တော်က ရှစ်ကူး ဝမ်မိသားစုရဲ့ သခင်လေး ဝမ့်ရွှမ်ထုံ ပါ၊ မိတ်ဆွေနင်ကို တွေ့ရတာ ဝမ်းသာပါတယ်"</p> <p>ဝမ့်မိသားစုဟူသည်မှာ ဟွမ်လုံတောင်တန်းတစ်ခွင်၌ ထင်ရှားသော ' အုတ်မြစ်တည်ဆောက်ခြင်းအဆင့်' မိသားစုတစ်ခု ဖြစ်ပေရာ သူတို့၌  အုတ်မြစ်တည်ဆောက်ခြင်းအစောပိုင်းအဆင့် ဘိုးဘေးတစ်ဦး ရှိနေပေသည်။</p> <p>"မိတ်ဆွေနင်က အရွယ်နဲ့မမျှအောင် ' ဝိညာဉ်မိုးသွန်းကျင့်စဥ်' ကို အဆင့် (၄) အထိ တတ်မြောက်ထားသလို ဒုတိယအဆင့် ဝိညာဉ်ဆန်တွေကိုလည်း စိုက်ပျိုးနိုင်တယ်လို့ ကြားပါတယ်၊ ဒါပေမဲ့ အနန္တဂိုဏ်းမှာတော့ အပြင်စည်းတပည့်အဆင့်မှာပဲ ရှိနေသေးတယ် မဟုတ်လား" ဝမ့်ရွှမ်ထုံက ပြုံးလျက် ဆိုသည်။</p> <p>"ကျွန်တော့် ဝမ့်မိသားစုကို လာခဲ့ပါ၊ မိတ်ဆွေကို အကြီးအကဲအဖြစ် ခန့်အပ်ပါ့မယ်၊ တစ်နှစ်ကို ဝိညာဉ်ကျောက်တုံး ၃၀၀ ပေးမယ့်အပြင် ဝိညာဉ်လက်နက်တွေ၊ ကျင့်စဉ်တွေနဲ့ လိုလေသေးမရှိ ဖြည့်ဆည်းပေးပါ့မယ်၊ ဒါ့အပြင်... မိတ်ဆွေ သဘောကျတဲ့ မိန်းကလေးတွေကိုလည်း လက်ထပ်ပေးဖို့ သို့မဟုတ် မယားငယ်အဖြစ် ထားဖို့ စီစဉ်ပေးပါ့မယ်"</p> <p>ဝမ့်ရွှမ်ထုံသည် ကျင့်စဉ်၊ ဥစ္စာ၊ အဖော်နှင့် နေရာဟူသော အချက်လေးချက်လုံးဖြင့် စည်းရုံးသိမ်းသွင်းလိုက်ခြင်း ဖြစ်ပေရာ အလွန်ပင် စိတ်ဝင်စားစရာ ကောင်းလှချေသည်။ သို့သော် နင်တောက်ရန်မှာ မျက်မှောင်ကြုတ်လျက် ပြောလိုက်သည်။</p> <p>"မိတ်ဆွေ... ကျွန်တော်က အနန္တဂိုဏ်းရဲ့ တပည့်တစ်ဦးဆိုတာ သိရဲ့သားနဲ့"</p> <p>"သိပါတယ်၊ ဒါပေမဲ့ အပြင်စည်းတပည့်လေး တစ်ယောက်အဖြစ် နေတာထက် ကျွန်တော်ပေးတဲ့ အခွင့်အရေးတွေက ပိုမကောင်းဘူးလား"</p> <p>"ရယ်စရာပဲ" နင်တောက်ရန်က တည်ငြိမ်စွာ ဆိုလိုက်သည်။ "တစ်ခါ ဂိုဏ်းဝင်ဖြစ်ရင် အမြဲတမ်း ဂိုဏ်းဝင်ပါပဲ၊ ကျွန်တော် ကျင့်ကြံမှု အနိမ့်ဆုံးအဆင့်မှာ ရှိနေတုန်းက ဂိုဏ်းက ကျွန်တော့်ကို လက်ခံပေးခဲ့တာ၊ အဲဒီကျေးဇူးကို ကျွန်တော် မမေ့ပါဘူး၊ မိတ်ဆွေ... နောက်ထပ် ပြောစရာ မလိုတော့ဘူး၊ ကျွန်တော် ခွင့်ပြုပါဦး"</p> <p>သူသည် သမင်ကြီးကို ခေါ်ဆောင်ကာ လှည့်မကြည့်ဘဲ ထွက်ခွာသွားတော့သည်။ ဝမ်ရွှမ်ထုံ၏ မျက်ဝန်းအတွင်း၌ လူသတ်လိုသော အရိပ်အယောင်များ ဖြတ်သန်းသွားသော်လည်း နင်တောက်ရန်၏ နောက်ကွယ်ရှိ အင်အားကြီးမားသော ဂိုဏ်းတော်ကြီးကိုမူ သူ တွန့်ဆုတ်နေမိပေသည်။</p> <p>ထိုအချိန် လေငြိမ် မျှော်စင်ပေါ်မှ အုတ်မြစ်တည်ဆောက်ခြင်းအဆင့် ပညာရှင်ကြီးမှာ ထိုမြင်ကွင်းကို ကြည့်လျက်  "ဒီကလေးက ဂိုဏ်းအပေါ် တကယ်ပဲ သစ္စာရှိတာပဲ..." ဟု ပြုံးလျက် ရေရွတ်လိုက်ပါတော့သတည်း။</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save